ଯନ୍ତ୍ରଣା ରେ ଛଟପଟ ହେଉଛି ପାକସ୍ଥଳୀ କର୍କଟ ରୋଗ ରେ ପୀଡିତ ପଙ୍କଜ; ଚିକିତ୍ସା ପାଇଁ ଅର୍ଥ ସାଜିଛି ବାଧକ…!

!!! ଗଞ୍ଜାମ ଜିଲ୍ଲା ଖଲ୍ଲିକୋଟ ରୁ ଅଶ୍ୱିନୀ କୁମାର ମହାନ୍ତି ଙ୍କ ରିପୋର୍ଟ !!!

ଏଥର ସମ୍ଭାଳ (ଖଲ୍ଲିକୋଟ) – ରାଜ୍ୟ ରେ ଗରିବ ଲୋକ ଙ୍କ ଅଭାବ ଅସୁବିଧା ମେଣ୍ଟାଇବା ପାଇଁ ବ୍ୟାପକ ସାମାଜିକ କାର୍ଯ୍ୟକ୍ରମ ହାତକୁ ନିଆଯାଇଛି | ସେହିପରି ଅଭାବ ଗ୍ରସ୍ତ ରୋଗୀ ଙ୍କ ପାଇଁ ଆୟୁସ୍ମାନ ଯୋଜନା ବିଜୁ ସ୍ୱାସ୍ଥ୍ୟ ବୀମା ଭଳି ମାଳମାଳ ସରକାରୀ ଯୋଜନା ପ୍ରଣୟନ ହୋଇଥିଲେ ମଧ୍ୟ ଏବେ ବି ସାଧାରଣ ଲୋକ ଙ୍କ ପାଖରେ ସ୍ୱାସ୍ଥ୍ୟ ସେବା ଅପହଞ୍ଚ | ସେହିପରି ଖଲ୍ଲିକୋଟ ବ୍ଲକ ଅନ୍ତର୍ଗତ ନିର୍ମଳଝର ଠାରେ ଡ଼ିମିରିଆ ପଂଚାୟତ ର ପାଳଧୁଆପଲି ରୁ ଆସି ନିର୍ମଳଝର ଠାରେ ବସବାସ କରୁଥିବା ୪୨ ବର୍ଷୀୟ ପଙ୍କଜ ଗୋୖଡ ଙ୍କ ପାକସ୍ଥଳୀ କର୍କଟ ରୋଗ ର ଶିକାର ହେତୁ ସେ ଦୀର୍ଘ ୨ ବର୍ଷ ହେଲା ଯନ୍ତ୍ରଣା ରେ ଛଟପଟ ହେଉଛନ୍ତି | ପାଳ ଧୁଆ ପଲି ଗ୍ରାମର ମୃତ ଅରକ୍ଷିତ ଗୋୖଡ ଙ୍କ ପୁଅ ପଙ୍କଜ ଗୋୖଡ ସୁରାଟ , ବମ୍ବେ ସମେତ ରାଜ୍ୟ ବାହାରେ ଦାଦନ ଖଟିବା ସହ ନିଜ ଗ୍ରାମରେ କୃଷି ଶ୍ରମିକ ଭାବେ ପରିବାର ପ୍ରତିପୋଷଣ କରି ଆସୁଥିଲେ | ଗତ କିଛି ବର୍ଷ ହେଲା ନିର୍ମଳଝର ଛକ ଠାରେ ଏକ ଚାହା ଦୋକାନ ଖୋଲି ନିଜର ପରିବାର ର ପ୍ରତିପୋଷଣ କରିବା ସହ ବେସ ୨ ପଇସା କମାଇ ୨ ଝିଅ ଓ ପତ୍ନୀ ଙ୍କ ସହ ହସ ଖୁସି ରେ ସମୟ ଅତିବାହିତ କରୁଥିଲେ | ତେବେ ୨ ବର୍ଷ ତଳେ ହଠାତ ପେଟରେ ଯନ୍ତ୍ରଣା ହେବା ଫଳରେ ବିଭିନ୍ନ ଡାକ୍ତର ଙ୍କ ପରାମର୍ଶ ନେଇ ଭୁବନେଶ୍ୱର ସ୍ଥିତ ଗେଷ୍ଟ୍ରୋକିଡ଼ନୀ କେୟାର ହସ୍ପିଟାଲ ରେ ଦେଖାଇବା ପରେ ଅଲସର ହୋଇଥିବା ଡାକ୍ତର କହିଥିଲେ | ପେଟ ର ବ୍ୟଥା ନ କମିବାରୁ ବିଶାଖାପାଟଣା ସ୍ଥିତ ସେଭେନ ହିଲସ ହସ୍ପିଟାଲ ରେ ଚିକିତ୍ସା ପରେ ବି କୌଣସି ଉପଶମ ନ ମିଳିବା ପରେ ପଙ୍କଜ କୁ ବମ୍ବେ ସ୍ଥିତ ଟାଟା ମେମୋରିଆଲ ହସ୍ପିଟାଲ ରେ ପାକସ୍ଥଳୀ କର୍କଟ ଚିହ୍ନଟ ହେବା ଫଳରେ ପଙ୍କଜ ଙ୍କ ପରିବାର ରେ କଳା ବାଦଲ ଢାଙ୍କି ହେବା ସହ ପତ୍ନୀ ମମତା ଙ୍କ ପାଦତଳୁ ମାଟି ଖସିଯାଇଥିଲା | ୨ ଝିଅ ଙ୍କ ପାଠ ପଢା ଖର୍ଚ ପାଇଁ ସଂଚୟ କରି ରଖିଥିବା ୨ ଲକ୍ଷ ଟଙ୍କା ସମେତ ଧାରକରଜ କରି ୫ ଲକ୍ଷ ଟଙ୍କା ଖର୍ଚ ହୋଇଗଲାଣି | ତଥାପି ଯନ୍ତ୍ରଣା ଉପଶମ ହୋଇପାରୁନି | କର୍କଟ ପୀଡିତ ପଙ୍କଜ ଙ୍କ ପାକସ୍ଥଳୀ ଅପରେସନ ପରେ ଦିନ କୁ ମାତ୍ର ୨ ଚାମଚ ଖାଦ୍ୟ ଖାଉଛନ୍ତି। ଆର୍ଥିକ ଅନଟନ ଯୋଗୁଁ ପଙ୍କଜ ନିୟମିତ ଭାବେ କେମୋ ଥୋରପି ନେଇପାରୁନାହାନ୍ତି। ଯାହାଫଳରେ ଦିନକୁ ଦିନ ଯନ୍ତ୍ରଣା ବଢ଼ିବାରେ ଲାଗିଛି। ସ୍ତ୍ରୀ ମମତା ଗୌଡ଼ ନିଜକୁ ସ୍ୱାମୀ ସେବାରେ ନିୟୋଜିତ କରିବା ଫଳରେ ନିଜର ଆଶା କର୍ମୀ ବୃତ୍ତି ଠିକ ଭାବେ ସମ୍ପାଦନା କରିବାରେ ଅସମର୍ଥ ହେଉଛନ୍ତି। ସରକାର ଙ୍କ ମାତ୍ର ୨୦ କିଲୋ ଚାଉଳ ପଙ୍କଜ ଙ୍କ ପରିବାର ପାଇଁ ଦାନା ପାଣି ମାଧ୍ୟମ ପାଲଟିଛି। ଏପଟେ ବଡଝିଅ ପ୍ରଣତି ମାଟ୍ରିକ ପରୀକ୍ଷାରେ ୬୭%ମାର୍କ ରଖି ବର୍ତ୍ତମାନ ରାମଚନ୍ଦ୍ର ବିଜ୍ଞାନ ମହା ବିଦ୍ୟାଳୟରେ ଯୁକ୍ତ ଦୁଇ ବିଜ୍ଞାନ ନେଇ ଦ୍ୱିତୀୟ ବର୍ଷ ରେ ପଢ଼ୁଥିବା ବେଳ ସାନଝିଅ ପ୍ରୟତି ୯୦% ମାର୍କ ରଖି ଆଦର୍ଶ ବିଦ୍ୟାଳୟରେ ପଢୁଛି। ବର୍ତ୍ତମାନ ପରିସ୍ଥିତିରେ ଆର୍ଥିକ ଦୁର୍ବଳ ଅବସ୍ଥା କାରଣ ରୁ ପାଠ ପଢ଼ା ରେ ପୂର୍ଣ୍ଣଛେଦ ପଡ଼ିବାକୁ ଯାଉଥିବା ମା ମମତା ପ୍ରକାଶ କରିଛନ୍ତି। ତେଣୁ ରାଜ୍ୟ ସରକାର କିମ୍ବା କୌଣସି ସ୍ବେଚ୍ଛାସେବୀ ସଙ୍ଗଠନ ସହଯୋଗ ର ହାତ ବଢ଼ାଇଲେ କର୍କଟ ପୀଡିତ ପଙ୍କଜ ମୃତ୍ୟୁ ମୁଖ ରୁ ରକ୍ଷା ପାଇବେ ପାରିବେ । ଜିଲ୍ଲା ପ୍ରଶାସନ ପକ୍ଷରୁ ସହାୟତା ଯୋଗାଈ ଦେବା ନିମନ୍ତେ ଅଞ୍ଚଳ ବାସୀ ଦାବୀ କରିଛନ୍ତି ।

ଆର୍ମସ ଆକ୍ଟରେ ସଂଶୋଧନ, ଦଣ୍ଡ ହେଲା କଡାକଡି

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ଆର୍ମସ ଆକ୍ଟରେ ସଂଶୋଧନ ଆଣିଲେ କେନ୍ଦ୍ର ସରକାର | କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶହ ଆଣିଥିବା ସଂଶୋଧନ ଅନୁଯାୟୀ ଜଣେ ବ୍ୟକ୍ତି କେବଳ ଦୁଇଟି ଲାଇସେନ୍ସ ରଖିପାରିବେ | ଖେଳାଳି ମାନଙ୍କ ପାଇଁ ଲାଇସେନ୍ସରେ କୋହଳ କଲେ କେନ୍ଦ୍ର ସରକାର | ସେନା ଓ ସେନା ନିବୃତ୍ତଙ୍କ ପାଇଁ ବ୍ୟବସ୍ଥାରେ କୌଣସି ପରିବର୍ତ୍ତନ ନାହିଁ | ଟାସ୍କରୀ ବା ଅସ୍ତ୍ର ଚୋରାକାରବାର କରୁଥିବା ବ୍ୟକ୍ତିକୁ ଆଜୀବନ କାରାଦଣ୍ଡ | ସେହିପରି ପ୍ରତିବନ୍ଧିତ ଅସ୍ତ୍ର ରଖିବା ଲୋକକୁ ୭ ବର୍ଷରୁ ୧୪ ବର୍ଷ ପର୍ଯ୍ୟନ୍ତ କାରାଦଣ୍ଡ, ଅବୈଧ ହତିଆର ନିର୍ମାଣ କଲେ, ପ୍ରତିବନ୍ଧିତ ସଂଗଠନକୁ ହତିଆର ଯୋଗାଇଲେ, ପୋଲିସ ଠାରୁ ଛଡାଇଥିବା ହାତୀୟାର ଧରା ପଡିଲେ, ବେଆଇନ ହତିୟାର ରଖିଲେ ଆଜୀବନ କାରାଦଣ୍ଡ | ବିଭିନ୍ନ ଅବସରରେ ନିଜ ପତିଆରା ଜାହିର କରିବା ପାଇଁ କରାଯାଉଥିବା ହର୍ଷ ଫାୟାରିଂ କ୍ଷେତ୍ରରେ ସରକାର ହୋଇଛନ୍ତି କଠୋର | ସେମାନଙ୍କୁ ବି ଜେଲର ପବନ ଖାଇବାକୁ ପଡିବ |

ଓଡିଶା ପୋଲିସ ମହାନିର୍ଦ୍ଦେଶକ ଭାବେ ଦାୟିତ୍ଵ ଗ୍ରହଣ କଲେ ବରିଷ୍ଠ ପୋଲିସ ଆଇପିଏସ୍ ଅଧିକାରୀ ଅଭୟ

ଏଥର ସମ୍ଭାଳ ବ୍ୟୁରୋ – (ଭୂବନେଶ୍ୱର)ବରିଷ୍ଠ ଆଇପିଏସ୍‌ ଅଧିକାରୀ ଅଭୟ ଆଜି ଓଡ଼ିଶା ପୁଲିସ ମହାନିର୍ଦ୍ଦେଶକ ଭାବେ ବିଧିବଦ୍ଧ ଦାୟିତ୍ୱ ଗ୍ରହଣ କରିଛନ୍ତି। ଅପରାହ୍ନ ସାଢ଼େ ୪ଟାରେ କଟକ ପୁଲିସ ମୁଖ୍ୟାଳୟରେ ଅନୁଷ୍ଠିତ ସ୍ୱତନ୍ତ୍ର ସମାରୋହରେ ସେ ଅନ୍ତରୀଣ ଡିଜିପି ସତ୍ୟଜିତ ମହାନ୍ତିଙ୍କଠାରୁ ଦାୟିତ୍ୱଗ୍ରହଣ କରିଛନ୍ତି। ଏହି ଅବସରରେ ସେ ରାଜ୍ୟ ପୁଲିସ ପାଇଁ ଷଷ୍ଠସୂତ୍ରୀ କାର୍ଯ୍ୟକ୍ରମ ଉପରେ ଗୁରୁତ୍ୱ ଦେଇଛନ୍ତି।ଡିଜିପି ଅଭୟ ଆହୁରି ମଧ୍ଯ କହିଛନ୍ତି ଯେ, “ମୋ ସରକାର କାର୍ଯ୍ୟକ୍ରମକୁ ଅଧିକ ସଂଗଠିତ କରାଯିବ। ଅଭିଯୋଗକାରୀଙ୍କ ପ୍ରତି ଭଲ ବ୍ୟବହାର ଓ ଅଭିଯୋଗକୁ ଗୁରୁତ୍ୱ ଦିଆଯିବ। 5Tକୁ କାର୍ଯ୍ୟକାରୀ କରିବା ଉପରେ ଗୁରୁତ୍ୱ ଦିଆଯିବ। ମହିଳା ବିରୋଧୀ ହିଂସାକୁ ଶୀଘ୍ର ନିୟନ୍ତ୍ରଣ କରାଯିବ। ନକ୍ସଲ ମୁକାବିଲାରେ ବହୁତ ଉନ୍ନତି ହୋଇଛି। ଆଗକୁ ଆହୁରି ଉନ୍ନତି କରାଯିବ। ମାଫିଆରାଜ୍ ଦମନ ଉପରେ ପୂରା ଫୋକସ୍‌ କରାଯିବ। ପୁଲିସ ତଦନ୍ତକୁ ଅଧିକ ଫଳପ୍ରସୂ କରିବା ଉପରେ ଗୁରୁତ୍ୱ ଦିଆଯିବ।”

ଗଜପତି ଠାରେ ଜାତୀୟ ଶିଶୁ ଅଧିକାର ଓ ସୁରକ୍ଷା ଆୟୋଗଙ୍କ ଜନ ଶୁଣାଣୀ ଶିବିର ପାଇଁ ପୂର୍ବ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି

!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ଚଳିତ ମାସର ଆସନ୍ତା ୨୪ ତାରିଖ ଦିନ ଅନୁଷ୍ଠିତ ହେବାକୁ ଥିବା ଜାତୀୟ ଶିଶୁ ଅଧିକାର ଓ ସୁରକ୍ଷା ଆୟୋଗଙ୍କ ଜନ-ଶୁଣାଣୀ ଶିବିର କାର୍ଯ୍ୟକ୍ରମ ପାଇଁ ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳଙ୍କ ସମ୍ମିଳନୀ କକ୍ଷ ଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ରାଜ୍ୟ ଶିଶୁ ଅଧିକାର ଓ ସୁରକ୍ଷା ଆୟୋଗର ଅଧ୍ୟକ୍ଷା ସନ୍ଧ୍ୟାବତୀ ପ୍ରଧାନ ଅଧ୍ୟକ୍ଷତାରେ ବୈଠକ କାର୍ଯ୍ୟକ୍ରମର ରୂପରେଖ ସମ୍ପର୍କରେ ଆଲୋଚନା କରାଯାଇଥିଲା ।

ମୁଖ୍ୟତଃ ଶିଶୁ ମାନଙ୍କ ଉପରେ ହେଉଥିବା ବିଭିନ୍ନ ଅତ୍ୟାଚାର ଏବଂ ଶିଶୁ ଅଧିକାର ଉଲଂଙ୍ଘନ ଅଭିଯୋଗକୁ ନେଇ ଅନୁଷ୍ଠିତ ହେବାକୁ ଥିବା ଶିବିର ବାର୍ତ୍ତା କିଭଳି ପ୍ରତ୍ୟେକ ଗ୍ରାମରେ ପହଞ୍ଚି ପାରିବ , ସେ ସମ୍ପର୍କରେ ବିସ୍ତୃତ ଆଲୋଚନା କରାଯାଇଥିଲା । ଏଥିପାଇଁ ଜନ-ସଚେତନତା ସୃଷ୍ଟି କରିବା ନିମନ୍ତେ ଜିଲ୍ଲାପାଳ ଉପସ୍ଥିତ ଥିବା ସମସ୍ତ ବିଡ଼ିଓ , ଶିଶୁ ବିକାଶ ପ୍ରକଳ୍ପ ଅଧିକାରୀ , ବିଇଓ ଏବଂ ସମସ୍ତ ବିଭିନ୍ନ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ ।

ଜାତୀୟ ଶିଶୁ ଅଧିକାର ଓ ସୁରକ୍ଷା ଆୟୋଗ ଜିଲ୍ଲାର ଶେଷ ଶିଶୁ ପାଖରେ ପହଁଞ୍ଚିବା ସହ ପ୍ରତ୍ୟେକ ଶିଶୁର ସୁରକ୍ଷା ଏବଂ ଅଧିକାର ଓ କୁ ସୁନିଶ୍ଚିତ କରିବ ।

ଏହି ପରିପ୍ରେକ୍ଷୀରେ ପ୍ରଚାର ପ୍ରସାର ପାଇଁ ପୋଷ୍ଟର , ଲିଫଲେଟ ଏବଂ ସୂଚନା ପତ୍ର ଉନ୍ମୋଚନ କରିବା ସହ ଶିବିରକୁ କିଭଳି ଲୋକାଭିମୁଖୀ କରାଯାଇପାରିବ ସେଥିପାଇଁ ସମସ୍ତଙ୍କ ସହଯୋଗ କରାଯାଇଥିଲା ।

ଏଥିସହ ଜିଲ୍ଲାପାଳଙ୍କ କାର୍ଯ୍ୟାଳୟ ଜିଲ୍ଲା ଶିଶୁ ସୁରକ୍ଷା ୟୁନିଟ ଠାରେ ଆସନ୍ତା ୯ ତାରିଖ ଏକ ଅଭିଯୋଗ ଶୁଣାଣୀ ପ୍ରକୋଷ୍ଠ ଖୋଲାଯାଇ ଜନ-ଶୁଣାଣୀ ଶିବିର ନିମନ୍ତେ ଅଭିଯୋଗ ଗ୍ରହଣ କରିବା ପାଇଁ ଜିଲ୍ଲାପାଳ ଶ୍ରୀ ଶାହା ନିର୍ଦ୍ଦେଶ ଦେଇଥିଲେ।

ବୈଠକରେ ଜିଲ୍ଲାପାଳ ଅନୁପମ ଶାହାଙ୍କ ସମେତ ରାଜ୍ୟ ଶିଶୁ ଅଧିକାର ଓ ସୁରକ୍ଷା ଆୟୋଗର ସଦସ୍ୟ ହରିହର ନାୟକ , ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମା , ଉପଜିଲ୍ଲାପାଳ ରଜନୀ କାନ୍ତ ସ୍ବାଇଁ , କିଶୋର ନ୍ୟାୟ ବୋର୍ଡର ଅଧ୍ୟକ୍ଷା ଶୁଭଶ୍ରୀ ପ୍ରଧାନ ଏବଂ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାଃ . ଗୁଣୁରାଣୀ ପ୍ରମୁଖ ଯୋଗ ଦେଇ ଆଲୋଚନରେ ଅଂଶଗ୍ରହଣ କରିଥିଲେ ।

ପରେ ଅଧ୍ୟକ୍ଷା ପ୍ରଧାନ ଆୟୋଜିତ ସାମ୍ବାଦିକ ସମ୍ମିଳନୀରେ ଯୋଗଦେଇ ଜିଲ୍ଲାର ସମସ୍ତ ସାମ୍ବାଦିକ ମାନଙ୍କ ମାଧ୍ୟମରେ ହିଁ ଅନୁଷ୍ଠିତ ହେବାକୁ ଥିବା ଆୟୋଗଙ୍କ ଜନ-ଶୁଣାଣି ଶିବିର କାର୍ଯ୍ୟକ୍ରମର ପ୍ରଚାର ପ୍ରସାର ହୋଇପାରିବ , ଏଥି ସହିତ ସମସ୍ତଙ୍କ ସହଯୋଗ କାମନା କରିଥିଲେ ।

କାର୍ଯ୍ୟକ୍ଷମ ହେଉନି କପାମଣ୍ଡି, ଦୁଇ କୋଟି ଟଙ୍କା ବର୍ବାଦ ।

ଏଥର ସମ୍ଭାଳ ବ୍ୟୁରୋ – ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡର ଜଟେସିଂହା ପଞ୍ଚାୟତ ଅନ୍ତର୍ଗତ ବଡଖମାରସ୍ଥିତ କପାମଣ୍ଡି କାଯ୍ୟକ୍ଷମ ହେଉନି । ଫଳରେ ଦୁଇ କୋଟି ଟଙ୍କା ପାଣିରେ ପଡିଲା ବୋଲି ଜନସାଧାରଣରେ ଅଭିଯୋଗ ହେଉଛି । ଚଳିତ ବର୍ଷ ବୀରମହାରାଜପୁର କୃଷି ଜିଲ୍ଲାରେ ବିଭିନ୍ନ ପଞ୍ଚାୟତରୁ ପ୍ରାୟ ୩ ହଜାର ୬ ଶହ ହେକ୍ଟର ଜମିରେ କପା ଚାଷ ହୋଇଥିବା ସରକାରୀ ଆକଳନ କରାଯାଇଛି । ବିଶେଷକରି ଜଟେସିଂହା, ବାଗବର, ସୁବଳୟା, ପିତାମହୁଲ, ମୃୁଷୁଣ୍ଢୀ, କେନଝିରିଆପାଲି, ଖଣ୍ଡହତା, ଲତୁରପଙ୍କ, ବହଲପଦର ଓ ଦୁର୍ଯ୍ୟନତୈଲା ସମତେ ଉଲୁଣ୍ଡା ବ୍ଲକର କଳାପଥର, ଜାଲୋଏ, ମହଦା, ଉଲୁଣ୍ଡା ଓ ଖେମାଲୋଏ ପ୍ରମୁଖ ପଞ୍ଚାୟତ ମାନଙ୍କର ଜମିରେ କପା ଚାଷ କରାଯାଇଛି । ଅଞ୍ଚଳରେ କପାଚାଷୀ ସଂଖ୍ୟା ବୃଦ୍ଧି ପାଇବା ସହ ଉପ୍ତାଦନ ମଧ୍ଯ ବଢ଼ିଥିବାରୁ ବିକ୍ରି ପାଇଁ କପାମଣ୍ଡି ନିହାତି ଜରୁରୀ ହୋଇପଡ଼ିଛି । ଏଭଳି ସ୍ଥିତିରେ ଚାଷୀ ପାଇଁ ଦୀର୍ଘ ବର୍ଷ ହେବ ବୀରମହାରାଜପୁର ନିଯନ୍ତ୍ରଣ ବଜାର କମିଟି( ଆର୍ ଏମ୍ ସି ) ପକ୍ଷରୁ ବଡଖମାର ଠାରେ କୋଟି କୋଟି ଟଙ୍କା ବ୍ୟୟ ଅଟକଳରେ ଏକ କୋଠା ନିର୍ମାଣ ହୋଇଥିଲେ ମଧ୍ଯ ତାହା କାଯ୍ୟକ୍ଷମ ହେଉନଥିବାରୁ ଚାଷୀ ମାନଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଛି ।ଏନେଇ ନିୟନ୍ତ୍ରଣ ବଜାର କମିଟି ସମ୍ପାଦକ ଙ୍କୁ ଯୋଗ ଯୋଗ କରିବାରୁ ବାରମ୍ବାର ଉଦ୍ୟମ ସତ୍ତ୍ୱେ ସିସିଆଇ ଏଠାରେ ଚାଷୀଙ୍କ ଠାରୁ କପା ସଂଗ୍ରହ କରିବାକୁ ଆଗ୍ରହ କରୁନାହିଁ । ତୁରନ୍ତ ଏହି ମଣ୍ଡି ରୁ ଚାଷୀଙ୍କ ଠାରୁ କପା ସଂଗ୍ରହ ନକଲେ ଆଗାମୀ ଦିନରେ ରାଜ ରାସ୍ତା ରୋକ କରାଯିବ ବୋଲି ଚାଷୀମାନେ ଚେତାବନୀ ଦେଇଛନ୍ତି ।

କାମରେ ଲାଗୁନି ୨୨ ଲକ୍ଷରେ ବ୍ୟୟରେ ନିର୍ମିତ ବସଷ୍ଟାଣ୍ଡ ।

ଏଥର ସମ୍ଭାଳ ବ୍ୟୁରୋ – ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡର ସଦର ମହକୁମାରେ ଥିବା ସରକାରୀ ବସଷ୍ଟାଣ୍ଡ ଅବହେଳିତ ଅବସ୍ଥାରେ ପଡିରହିଛି । ୨୨ ଲକ୍ଷ ଟଙ୍କା ବ୍ୟୟରେ ନିର୍ମିତ ବସଷ୍ଟାଣ୍ଡ ୨୦୦୬ ମସିହା ଡିସେମ୍ବର ୭ ତାରିଖ ରେ ମୁଖ୍ୟମନ୍ତ୍ରୀଙ୍କ ଦ୍ଵାରା ଉଦଘାଟିତ ହୋଇଥିଲା ।କିନ୍ତୁ ରକ୍ଷଣାବେକ୍ଷଣ ଅଭାବରୁ ବସଷ୍ଟାଣ୍ଡ ଏବେ ପରିତ୍ୟକ୍ତ ପଡିରହିଛି । ଉଦଘାଟନ ପରଠାରୁ ଏହାର ରକ୍ଷଣାବେକ୍ଷଣ ଅଭାବରୁ ବସଷ୍ଟାଣ୍ଡ ଭିତରେ କାନ୍ଥ ସବୁ ଫାଟ ସୃଷ୍ଟି ହେଲାଣି । ଖରା ବର୍ଷା ରେ ଯାତ୍ରୀ ମାନେ ବିଶେଷ କରି ମହିଳା ମାନେ ଅସୁବିଧା ରେ ସମ୍ମୁଖୀନ ହେଉଛନ୍ତି । ଏହି ବସଷ୍ଟାଣ୍ଡ ରେ ପରିଶ୍ରାଗାର ଓ ଉପଯୁକ୍ତ ପିଇବା ପାଣିର ଏବଂ ରାତିରେ ଆଲୁଅ ଜଲୁନଥିବାରୁ ଯାତ୍ରୀ ମାନେ ନାହିଁ ନଥିବା ହଟ ହଟା ହେଉଛନ୍ତି । ଏହି ବସଷ୍ଟାଣ୍ଡ ଟି ପରିବହନ ମନ୍ତ୍ରୀ ଙ୍କ ନିର୍ବାଚନ ମଣ୍ଡଳୀ ରହିଥିଲେ ମଧ୍ଯ ଆଜିକୁ ୧୩ ବର୍ଷ ବିତି ଗଲାଣି ହେଲେ ଆଜି ପର୍ଯ୍ୟନ୍ତ ଏହା ଖୋଲାଯାଇ ପାରିନାହିଁ । ଏଥିପ୍ରତି ରାଜ୍ୟ ସରକାର ଦୃଷ୍ଟି ଦେବା ସହ ତୁରନ୍ତ ଏହା କାର୍ଯ୍ୟକ୍ଷମ କରିବା ପାଇଁ ଜନସାଧାରଣରେ ଦାବି ହୁଏ ।

ବରଗଡ଼ ଠାରେ ଜିଲ୍ଲାପାଳ ଓ ଏସପି ଙ୍କ ମିଳିତ ଜନଶୁଣାଣୀ

ଏଥର ସମ୍ଭାଳ ବ୍ୟୁରୋ (ବରଗଡ) – ଆଜି ବରଗଡ ଜିଲ୍ଲା ଝାରବନ୍ଧ ବ୍ଲକ ମୁଖ୍ୟାଳୟ ପରିସରରେ ବରଗଡ ଜିଲ୍ଲାପାଳ ଶ୍ରୀ ଜ୍ୟୋତି ରଂଜନ ପ୍ରଧାନ ଓ ଏସପି ପଦ୍ମିନୀ ସାହୁଙ୍କର ମିଳିତ ଜନଶୁଣାଣୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଜନଶୁଣାଣୀ କାର୍ଯକ୍ରମର ସମୁଦାୟ 78 ଗୋଟି ଆଭିଯୋଗ ଆସିଥିଲା । 48 ଟି ବ୍ୟକ୍ତିଗତ ଓ 30 ଗୋଟି ସାମୁହିକ ଅଭିଯୋଗର ଶୁଣାଣି କରି ଜିଲ୍ଲାପାଳ ଅଭିଯୋଗ ଗୁଡିକର ଉପରେ ତୁରନ୍ତ ପଦକ୍ଷେପ ନେବାପାଇଁ ବିଭିନ୍ନ ବିଭାଗର ଅଧିକାରୀ ମାନଙ୍କୁ ନିର୍ଦେଶ ଦେଇଥିଲେ । ଏହି କାର୍ଯ୍ୟକ୍ରମ ରେ ଅନ୍ୟମାନଙ୍କର ମଧ୍ୟରେ ପଦ୍ମପୁର ଉପଜିଲ୍ଲାପାଳ ଶ୍ରୀ ତନ୍ମୟ ଦାରୁଆନ , ବିଡ଼ିଓ ଶ୍ରୀ ରୁନୁ ଲାକ୍ରା , ତହସିଲଦାର ଶ୍ରୀ ପର୍ଶୁରାମ ଆର୍ଯ୍ୟନ ପଣ୍ଡା ଓ ସମସ୍ତେ ବିଭାଗର ଅଧିକାରୀ ମାନେ ଉପସ୍ଥିତ ଥିଲେ ।

ଉଦାସୀନ ପ୍ରଶାସନ, ଶାଗମାଛ ଦରରେ ବିକ୍ରି ହେଉଛି କପା ;ଚାଷୀ ହନ୍ତସନ୍ତ

ଏଥର ସମ୍ଭାଳ ବ୍ୟୁରୋ – ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର କୃଷି ଜିଲ୍ଲାରେ ବଡଖମାର ଠାରେ କପାମଣ୍ଡି ଖୋଳିବା ପାଇଁ ବାରମ୍ବାର ପ୍ରଶାସନ କରିଆସୁଥିଲେ ମଧ୍ୟ ଆଜି ପର୍ଯ୍ୟନ୍ତ ଖୋଲାଯାଇ ପାରିନାହିଁ ।ଫଳରେ ଏହି ଅଞ୍ଚଳରେ କପାଚାଷୀ ମାନେ ଅଭାବୀ ବିକ୍ରି ସହ ବାହାର ରାଜ୍ୟର ଦଲାଲ ମାନଙ୍କ ଶୋଷଣର ଶିକାର ହୋଇଥିବା ଦେଖିବାକୁ ମିଳିଛି । ସୂଚନା ମତେ, ଚଳିତ ଖରିଫରେ ବୀରମହାରାଜପୁର ବ୍ଲକ ରେ ମୋଟ ୩୦୦୦ ହଜାର ୬୦୦ ହେକ୍ଟର ଜମିରେ କପା ଚାଷ ହୋଇଅଛି । ଚଳିତ ବର୍ଷ ଭଲ ମାନର କପା ହୋଇଥିବାରୁ ସରକାରୀ ଧାର୍ଯ୍ଯ ମୂଲ୍ଯ କ୍ବିଣ୍ଟାଲ ପିଛା ୫ ହଜାର ୯୦୦ ଟଙ୍କା ରଖାଯାଇଥିବା କୁହାଯାଉଛି । ହେଲେ ଏଠାରେ ମଣ୍ଡି ନଖୋଲି ପ୍ରଶାସନ ଓ ଅସାଧୁ ମିରଲ ଙ୍କ ସହ ହାତ ମିଳାଇ ଦଲାଲ ସାହାଯ୍ୟରେ କପାଚାଷୀ ଠାରୁ ୩୦୦୦ ରୁ ୪୦୦୦ ଟଙ୍କା ଦେଇ କପା କିଣୁଥିବା ଚାଷୀ ମାନେ ଅଭିଯୋଗ କରିଛନ୍ତି । ଏ ବର୍ଷ କପାର ଦାମ୍ ପାଖାପାଖି ଦୁଇ ଗୁଣରୁ ଅଧିକ ରହୁଥିବାରୁ ଏହି ଅଞ୍ଚଳର କପାଚାଷୀ ମାନେ ଅଧିକ ଲାଭବାନ ହେବେ ବୋଲି ବିଶେଷ ସୁତ୍ରରୁ ଜଣାଯାଇଛି । ହେଲେ ଠିକ୍ ତାହାର ଓଲଟା ଚିତ୍ର ଏହି ଅଞ୍ଚଳରେ ଦେଖିବାକୁ ମିଲୁଛି । ଜିଲ୍ଲା କୃଷି ବିଭାଗର ଅବହେଳା ଯୋଗୁ ଏଯାଏଁ କପାର ବିକ୍ରୟ ମଣ୍ଡି ଖୋଲାଯାଇ ନାହିଁ ।ଫଳରେ କପା ଚାଷୀଙ୍କୁ ଅଭାବୀ ବିକ୍ରିର ସାମନା କରିବାକୁ ପଡୁଛି । ବାହାରୁ ଦଲାଲ ଆସି ଚାଷୀଙ୍କ ଠାରୁ ସରକାରୀ ଧାର୍ଯ୍ୟ ମୂଲ୍ୟରୁ ଢେର୍ କମ୍ ଟଙ୍କାରେ ଶହ ଶହ କୁଇଣ୍ଟାଲ କପା କିଣିନେଉଥିବା ଦେଖିବାକୁ ମିଳିଛି । ତେବେ ସରକାରୀ ମଣ୍ଡି ବ୍ୟବସ୍ଥା ନଥିବାରୁ ଚାଷୀ ମଧ୍ୟ ତାର ପରିଶ୍ରମ ‘ଧଲାସୁନା’ କମ୍ ଦାମରେ ବିକ୍ରି କରିବାକୁ ବାଧ୍ୟ ହେଉଥିବା ଜଟେସିଂହା, ଆନନ୍ଦପୁର, ଖମାର, ପିତାମହୁଲ, ମୃୁଷୁଣ୍ଢୀ, ଅମରପାଲି ପ୍ରଭୁତି ଗ୍ରାମର ଅନେକ ଚାଷୀ ଅଭିଯୋଗ କରିଛନ୍ତି । ଏନେଇ ଜିଲା କୃଷି ଅଧିକାରୀ ସନ୍ତୋଷ କୁମାର ଜେନା ଙ୍କୁ ଯୋଗା ଯୋଗ କରିବାରୁ ମିଲର ମାନଙ୍କ ସହ ଯୋଗାଯୋଗ କରାଯାଇଛି ଆସିଲେ ଚାଷିମାନଙ୍କ ଠାରୁ କପା କିଣା ହେବ ବୋଲି ପ୍ରତିକ୍ରିୟା ରଖିଥିଲେ । ଏନେଇ ଜିଲା ପ୍ରଶାସନ ଆବଶ୍ୟକ ପଦକ୍ଷେପ ନେବାକୁ କପାଚାଷୀ ମାନେ ଦାବି କରିଛନ୍ତି ।

“ବିଜେଡି ବିଜେପି କୋଳାକୋଳି : ହୋଇଛି ଅବୈଧ ସନ୍ଧି” – ନିରଞ୍ଜନ

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ଲୋକସଭାରେ ହେଉ କି ରାଜ୍ୟସଭାରେ ହେଉ ପ୍ରସଙ୍ଗ ଉତ୍ଥାପନ ନକରିବା ତଥା ରାଜ୍ୟର ସ୍ୱାର୍ଥ ସଂପର୍କିତ ଗୁରୁତ୍ୱପୂର୍ଣ୍ଣ ପ୍ରସଙ୍ଗର ଆଲୋଚନା ବେଳେ ସାମିଲ ନହେବା ବିଜେଡି ବିଜେପି ମଧ୍ୟରେ ଅବୈଧ ସନ୍ଧି ହୋଇଛି ବୋଲି କଂଗ୍ରେସ ଅଭିଯୋଗ କରିଛି । ଆଜି ପ୍ରଦେଶ କଂଗ୍ରେସ କମିଟି ସଭାପତିି ଶ୍ରୀ ନିରଞ୍ଜନ ପଟ୍ଟନାୟକ ସଂସଦରେ ପ୍ରସଙ୍ଗ ନଉଠାଇବା ଏବଂ କଂଗ୍ରେସ ଉଠାଉଥିବା ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନାରେ ଭାଗ ନନେବା ଘଟଣାକୁ ତଥ୍ୟ ଓ ପ୍ରମାଣ ସହ କଂଗ୍ରେସ ଭବନ ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଖୁଲାସା କରିଛନ୍ତି । ଗତ ଅକ୍ଟୋବର ମାସ ୨୬ ତାରିଖରେ ଦେଶର ଅର୍ଥନୈତିକ ଦୂରାବସ୍ଥା ସଂପର୍କରେ ରାଜ୍ୟସଭାରେ ଆଲୋଚନା ପାଇଁ ବିଭିନ୍ନ ରାଜନୈତିକ ଦଳର ସାଂସଦମାନଙ୍କ ସହିତ ବିଜେଡିର ୩ଜଣ ସାଂସଦ ପ୍ରସନ୍ନ ଆଚାର୍ଯ୍ୟ, ସସ୍ମିତ ପାତ୍ର ଓ ଏନ୍.ଭାସ୍କର ରାଓ ଆଲୋଚନା ପାଇଁ ନୋଟିସ ଦେଇଥିଲେ । ଏହି ନୋଟିସକୁ ଆଧାର କରି ରାଜ୍ୟସଭା ପକ୍ଷରୁ ୨୭ ତାରିଖ ଆଲୋଚନା ପାଇଁ ଗୃହର ରିଭାଇଜଡ୍ ଲିଷ୍ଟ ଅଫ ବିଜନେସ୍ରେ ଉପରୋକ୍ତ ୩ଜଣ ବିଜେଡି ସାଂସଦଙ୍କ ନାମ ପ୍ରକାଶିତ ହୋଇଥିଲା । କିନ୍ତୁ ଦୁର୍ଭାଗ୍ୟର କଥା ଓଡିଶାରୁ ପ୍ରତିନିଧିତ୍ୱ କରୁଥିବା ତିନିଜଣ ସାଂସଦ ଏହି ଆଲୋଚନାରେ ଭାଗ ନେଲେ ନାହିଁ । ୨୭ ତାରିଖ ରାଜ୍ୟସଭାର ୨୫୭ ପୃଷ୍ଠା ବିଶିଷ୍ଟ ପ୍ରୋସିଡିଙ୍ଗରେ ତାହା ପ୍ରମାଣିତ କରୁଅଛି । ଠିକ୍ ଦିନକ ପରେ ଅର୍ଥାତ୍ ୨୯ ଅକ୍ଟୋବରରେ ଓଡିଶାର ଅତ୍ୟନ୍ତ ସ୍ପର୍ଶକାତର ଓ ଗୁରୁତ୍ୱପୂର୍ଣ୍ଣ ସ୍ମିତାରାଣୀ ଗଣଦୁଷ୍କର୍ମ ପ୍ରସଙ୍ଗକୁ କଂଗ୍ରେସ ସାଂସଦ ସପ୍ତଗିରି ଉଲାକା ଶୂନ୍ୟକାଳରେ ଦୃଷ୍ଟି ଆକର୍ଷଣ କରିଥିବା ସମୟରେ ବିଜେଡିର ୩ ଜଣ ସାଂସଦ ଏହାକୁ ବିରୋଧ କରିଥିଲେ ଏବଂ ବିଜେପି ସାଂସଦମାନେ ଏଥିରେ ନିରବଦ୍ରଷ୍ଟା ସାଜି ପରୋକ୍ଷରେ ପ୍ରସଙ୍ଗ ନଉଠାଇବା ପାଇଁ ନିରବ ସମର୍ଥନ କରିଥିଲେ । ଖାଲି ସେତିକି ନୁହେଁ ସଦ୍ୟ ସମାପ୍ତ ଏଆଇଆଇଏମ୍ଏସ୍ ସଭ୍ୟ ପଦ ନିର୍ବାଚନରେ ବିଜେପିର ରାଜ୍ୟସଭାରେ ୮୧ ସାଂସଦ ଥିବା ସ୍ଥଳେ ବିଜେଡି ସାଂସଦ ଅମର ପଟ୍ଟନାୟକ ୭ ଜଣ ସାଂସଦଙ୍କ ଭୋଟରେ ବିଜେପି ପ୍ରାର୍ଥୀ ଅଶ୍ୱିନୀ ବୈଷ୍ଣବଙ୍କୁ ହରାଇ ନିର୍ବାଚିତ ହେଲେ । ଏହି ଦୁଇଟି ଘଟଣା ଓ ଏଆଇଆଇଏମ୍ଏସ୍ ନିର୍ବାଚନ ଫଳାଫଳରୁ ସ୍ପଷ୍ଟ ପ୍ରମାଣିତ ହେଉଛି ବିଜେପି-ବିଜେଡି ରାଜ୍ୟର ଗୁରୁତ୍ୱପୂର୍ଣ୍ଣ ପ୍ରସଙ୍ଗକୁ ସଂସଦରେ ଆଲୋଚନା ନକରିବା ପାଇଁ ଏକ ଅବୈଧ ସନ୍ଧି କରିଛନ୍ତି, ଯାହା ରାଜ୍ୟ ସ୍ୱାର୍ଥର ସଂପୂର୍ଣ୍ଣ ଭାବେ ପରିପନ୍ଥୀ ଅଟେ । କଂଗ୍ରେସ ଭବନରେ ଆୟୋଜିତ ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ବରିଷ୍ଠ କଂଗ୍ରେସ ନେତା ଯାଗ୍ୟେଶ୍ୱର ବାବୁ, ନିଶିକାନ୍ତ ମିଶ୍ର, ଦୀପକ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।

ଗଜପତି ଠାରେ ଜିଲ୍ଲାସ୍ତରୀୟ ବିଜ୍ଞାନ ,ଗଣିତ ଓ ପରିବେଶ ପ୍ରଦର୍ଶନୀ -୨୦୧୯ ଉଦ୍ ଯାପିତ !

!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ସ୍ଥାନୀୟ ପାରଳାଖେମୁଣ୍ଡି ସ୍ଥିତ ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟ ପରିସରରେ ଦୁଇ ଦିନ ଧରି ଚାଲିଥିବା ଜିଲ୍ଲା ସ୍ତରୀୟ ବିଜ୍ଞାନ , ଗଣିତ ଓ ପରିବେଶ ପ୍ରଦର୍ଶନୀ -୨୦୧୯ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।

ଓଡିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ ଓ ଶିକ୍ଷକ , ଶିକ୍ଷା ନିର୍ଦ୍ଦେଶାଳୟ ତଥା ରାଜ୍ୟ ଶିକ୍ଷା ଗବେଷଣା ପ୍ରଶିକ୍ଷଣ ପରିଷଦ ଆନୁକୂଲ୍ୟରେ ଏହି ପ୍ରଦର୍ଶନୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗଙ୍କ ସଭାପତିତ୍ୱ ରେ ଉପଜିଲ୍ଲାପାଳ ରଜନୀକାନ୍ତ ସ୍ବାଇଁ ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମକୁ ଉଦ୍ ଘାଟନ କରି ମଞ୍ଚାସୀନ କରିଥିଲେ।

ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ବିଦ୍ୟାଳୟ ପ୍ରଧାନ ଶିକ୍ଷକ ବୃଷକେତୁ ଦାଶ , ଡ଼.ଜିତେନ୍ଦ୍ର କୁମାର ପଟ୍ଟନାୟକ , ବିନୋଦ ଚନ୍ଦ୍ର ଜେନା , ଡ଼.ରମାକାନ୍ତ ସାହୁ , ଗୋଷ୍ଠୀ ଶିକ୍ଷା ଅଧିକାରୀ ଠାକୁର ପ୍ରସାଦ ସିଂ ଯୋଗ ଦେଇ ଛାତ୍ର ଛାତ୍ରୀ ମାନଙ୍କ ମନରେ ଉଙ୍କି ମାରୁ ଥିବା ବୈଜ୍ଞାନିକ ଚିନ୍ତାଧାର ଏହି ଭଳି ବିଜ୍ଞାନ ମେଳା ମାଧ୍ୟମରେ ପରିପ୍ରକାଶର ରହିଛି ବୋଲି କହିଥିଲେ।

ଉଦ୍ ଯାପନୀ ଉତ୍ସବ କାର୍ଯ୍ୟକ୍ରମରେ ଆଇଟିଡିଏର ପ୍ରକଳ୍ପ ପ୍ରଶାସକ ଶେଷ ଦେବ ମିଶ୍ର ମୁଖ୍ୟଅତିଥି ଭାବେ ଯୋଗ ଦେଇ କୁନିକୁନି ବୈଜ୍ଞାନିକ ମାନେ ନିଜର ଜ୍ଞାନ କୌଶଳ ବଳରେ ନୂତନ ଉଦ୍ଭାବନ କରିବା ପାଇଁ ପରାମର୍ଶ ଦେଇଥିଲେ ।

ଅନ୍ୟ ମାନଙ୍କ ମଧ୍ୟରେ ଗୋଷ୍ଠୀ ଶିକ୍ଷା ଅଧିକାରୀ ଠାକୁର ପ୍ରସାଦ ସିଂହ , ମନୋରଞ୍ଜନ ସେଠି , ବିଶ୍ଵନାଥ ଭୂୟାଁ , ବ୍ରଜ କୁମାର ନାୟକ , ପ୍ରଧାନଶିକ୍ଷକ ଡ଼. ବୃଷକେତୁ ଦାଶ , ବରିଷ୍ଠ ଶିକ୍ଷକ ବିନୋଦ ଚନ୍ଦ୍ର ଜେନା ପ୍ରମୁଖ ସମ୍ମାନିତ ଅତିଥିଭାବେ ଯୋଗ ଦେଇଥିଲେ ।

ଏହି କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ଅବସର-ପ୍ରାପ୍ତ ସିଡିଏମଓ ଡାଃ . ପୂର୍ଣ୍ଣ ଚନ୍ଦ୍ର କୋରା ଯୋଗ ଦେଇଥିବା ବେଳେ ଜିଲ୍ଲା ଶିକ୍ଷାଅଧିକାରୀ ପ୍ରଦୀପ କୁମାର ନାଗ ସଭାପତିତ୍ୱ କରିଥିଲେ । ଜିଲ୍ଲା ବିଜ୍ଞାନ ନିରୀକ୍ଷକ ସାତ୍ମିକ କୁମାର ପଟ୍ଟନାୟକ ଯୋଗଦେଇ ବିଜ୍ଞାନ କାର୍ଯ୍ୟକ୍ରମର ବିବରଣୀ ଉପସ୍ଥାପନ କରିଥିଲେ । ଜିତେନ୍ଦ୍ର କୁମାର ପଟ୍ଟନାୟକ , ରମାକାନ୍ତ ସାହୁ , ଗଣେଶ ସତପଥି ବିଚାରକ ଭାବେ ଯୋଗ ଦେଇଥିଲେ।

ଏହି ପ୍ରଦର୍ଶନୀ କାର୍ଯ୍ୟକ୍ରମରେ ମୁଖ୍ୟତଃ ଭାବେ ସମ୍ବଳ ପରିଚାଳନା , ପ୍ରୟୋଗାତ୍ମକ ଗଣିତ , ପରିବେଶ , ଶିଳ୍ପ ବିକାଶ ଓ ପରିଚାଳନା , ପୋଷଣୀୟ ବିକାଶ , ସ୍ବାସ୍ଥ୍ୟ , ସ୍ୱଚ୍ଛତା ଓ ପରିଚ୍ଛନ୍ନତା , ପରିବହନ ଓ ଯୋଗାଯୋଗ , ଗାଣିତିକ ନମୁନା ପ୍ରଭୃତି ବିଷୟ ଉପରେ ବେଶ ଆକର୍ଷଣୀୟର ୭ଗୋଟି ବ୍ଳକରୁ ମୋଟ ୪୨ ଟି ବିଜ୍ଞାନ ପ୍ରକଳ୍ପ ଆସିଥିଲା ।

ବିଜ୍ଞାନ ପ୍ରକଳ୍ପ ପ୍ରଦର୍ଶନୀରେ ପାରଳାଖେମୁଣ୍ଡି ସ୍ଥିତ ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟର ଛାତ୍ର ଖଗେଶ୍ୱର କାଡମ୍ବଲା , ପରିମଳ ସ୍ଥିତ ଆଦର୍ଶ ବିଦ୍ୟାଳୟର ଛାତ୍ର ଅମିଲା ମାଝୀ ଓ ତ୍ରିନାଥ ରଇତ , ମହାରାଜାଙ୍କ ବାଳିକା ଉଚ୍ଚ ବିଦ୍ୟାଳୟର ଜୁଲି ସିଂ , ଖରଷଣ୍ଢା ସ୍ଥିତ ଆରଏମ୍ ଉଚ୍ଚ ବିଦ୍ୟାଳୟର ହରେଶ କୁମାର ରାଉଳ ଏବଂ ଛେଲାଗଡ ସ୍ଥିତ ସରକାରୀ ଏସଏସଡି ହାଇସ୍କୁଲର ହରିଷ କୁମାର ପାଇକଙ୍କ ପ୍ରକଳ୍ପ ଗୁଡିକ ଚଳିତ ମାସର ଆସନ୍ତା ୨୧ ତାରିଖରୁ ୨୩ ତାରିଖ ପର୍ଯ୍ୟନ୍ତ ୩ ଦିନ ଧରି ଅନୁଗୁଳ ଜିଲ୍ଲାରେ ଅନୁଷ୍ଠିତ ହେବାକୁ ଥିବା ରାଜ୍ୟସ୍ତରୀୟ ବିଜ୍ଞାନ ମେଳାରେ ଅଂଶ ଗ୍ରହଣ କରିବା ପାଇଁ ମନୋନୀତ ହୋଇଛନ୍ତି ।

ଦୁଇ ଦିନ ଧରି ଅନୁଷ୍ଠିତ ହୋଇଥିବା ବିଜ୍ଞାନ ପ୍ରକଳ୍ପ ପ୍ରଦର୍ଶନୀ କାର୍ଯ୍ୟକ୍ରମକୁ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ପରିଚାଳନାରେ ସହଯୋଗ କରିଥିଲେ ।