ପାରଳାଖେମୁଣ୍ଡି ସ୍ଥିତ ନିତ୍ୟାନନ୍ଦ ପାଠାଗାରର ଷଷ୍ଠ ବାର୍ଷିକୀ ମହୋତ୍ସବ-୨୦୧୯ ପାଳିତ…!

!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ସ୍ଥାନୀୟ ଶ୍ରୀକରଣ ସାହି ସ୍ଥିତ ରାଧା ମୋହନ ମନ୍ଦିର ପ୍ରାଙ୍ଗଣରେ ନିତ୍ୟାନନ୍ଦ ପାଠାଗାରର ଷଷ୍ଠ ବାର୍ଷିକ ଉତ୍ସବ ପାଳିତ ହୋଇଯାଇଛି। ପାଠାଗାରର ସଭାପତି ଗୌରହରି ପଟ୍ଟନାୟକଙ୍କ ସଭାପତିତ୍ୱରେ ମୁଖ୍ୟଅତିଥି ରୂପେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ ଯୋଗ ଦେଇ ପାଠାଗାର ଗୁଡ଼ିକ ଧରାଶାୟୀ ହେଉଥିବା ବେଳେ ନିତ୍ୟାନନ୍ଦ ପାଠାଗାରର ପ୍ରମୁଖ ଭୂମିକାକୁ ସ୍ୱାଗତ ଯୋଗ୍ୟ ବୋଲି କହିଥିଲେ। ସମ୍ମାନୀତ ଅତିଥି ଭାବେ ପାରଳା ରାଜଜେମା କଲ୍ୟାଣୀ ଗଜପତି , ପ୍ରାକ୍ତନ ପାରଳାଖେମୁଣ୍ଡି ବିଧାୟକ ବିଜୟ କୁମାର ଜେନା , ମୁଖ୍ୟବକ୍ତା ଭାବେ ଗୁରୁଗୌରବ ଗୌରଚନ୍ଦ୍ର ପଣ୍ଡା ଯୋଗ ଦେଇ ମଞ୍ଚାସୀନ କରିଥିଲେ।

ଅନୁଷ୍ଠାନର ସମ୍ପାଦକ ସୂର୍ଯ୍ୟନାରାୟଣ ପଟ୍ଟନାୟକ ବିବରଣୀ ପାଠ କରିଥିବା ବେଳେ ଅନୁଷ୍ଠାନର ଉପ-ସଭାପତି ବିଚିତ୍ରାନନ୍ଦ ବେବର୍ତ୍ତା ସ୍ୱାଗତ ସମ୍ଭାଷଣ ଓ ପରିଚୟ ପ୍ରଦାନ କରିଥିଲେ। ଗୁରୁ କୈଳାସ ଚନ୍ଦ୍ର ପଟ୍ଟନାୟକ ଓ ସାଥି ପ୍ରାରମ୍ଭିକ ସଙ୍ଗୀତ ପରିବେଷଣ କରିଥିଲେ। ପରେ ସ୍ଥାନୀୟ କଳାକାର ଓ ବଜାରରୁ ଆସିଥିବା କଳାକାର ଙ୍କ ଦ୍ଵାରା ଭଜନ ସନ୍ଧ୍ୟା ଓ ନୃତ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।

ଏଇ ଅବସରରେ ବହୁମୁଖୀ ପ୍ରତିଭାଧର କନ୍ଦର୍ପ ପାତ୍ର ଏବଂ ଭଜଗୋବିନ୍ଦ ପାତ୍ର ମୁଖ୍ୟ ଅତିଥିଙ୍କ ଦ୍ୱାରା ନିତ୍ୟାନନ୍ଦ ସ୍ମାରକୀ ପ୍ରତିଭା ସମ୍ମାନରେ ସମ୍ବର୍ଦ୍ଧିତ ହୋଇଥିଲେ। ବିଦ୍ୟାଳୟ ସ୍ତରୀୟ ପ୍ରାଥମିକ ଓ ମାଧ୍ୟମିକ ସ୍ତରରେ ଅନୁଷ୍ଠିତ ତର୍କ,ସୃଜନାତ୍ମକ ଲିଖନ, ଚିତ୍ର ପ୍ରତିଯୋଗିତା ର ବିଜୟ/ ବିଜୟିନୀଙ୍କୁ ପ୍ରମାଣପତ୍ର ଓ ପୁରସ୍କାର ପ୍ରଦାନ କରିଥିଲେ ମଞ୍ଚାସୀନ ଅତିଥି ମାନେ।

ସମସ୍ତ କାର୍ଯ୍ୟକ୍ରମକୁ ରବି ନାରାୟଣ ଚୌଧୁରୀ , ମଲ୍ଲିକଅର୍ଜୁନ ପଟ୍ଟନାୟକ , ହରିଶ ଚନ୍ଦ୍ର ପାତ୍ର, ନଳିନୀ ପଟ୍ଟନାୟକ , ରବିନ ପଟ୍ଟନାୟକ , ଦ୍ଵାରିକାନାଥ ପଟ୍ଟନାୟକ , ଜୟକୁମାର ପଟ୍ଟନାୟକ ପ୍ରମୁଖ ପରିଚାଳନା କରିଥିଲେ। ଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା।

ସମସ୍ୟା ଭିତରେ ଶହେ ବର୍ଷ ର ଶିକ୍ଷାନୁଷ୍ଠାନ…!

!!! ଗଞ୍ଜାମ ଜିଲ୍ଲା ଖଲ୍ଲିକୋଟ ରୁ ଅଶ୍ୱିନ କୁମାର ମହାନ୍ତି ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଖଲ୍ଲିକୋଟ) – ଗଂଜାମ ଜିଲ୍ଲା ଖଲ୍ଲିକୋଟ ଠାରେ ଅବସ୍ଥାପିତ ଶ୍ରୀ ମର୍ଦ୍ଧରାଜ ଶତାୟୁ ଉଚ୍ଚ ବିଦ୍ୟାଳୟ ଆଜି ଅବହେଳିତ ଅବସ୍ଥାରେ । ବିଶିଷ୍ଠ ପ୍ରଶାସକ ସ୍ବର୍ଗତ ଗିରିଶ ଚନ୍ଦ୍ର ମହାପାତ୍ର ଚିତ୍ରଶିଳ୍ପୀ ବସନ୍ତ କୁମାରୀ ସାମନ୍ତ,ଡ଼ଃ ହର ପ୍ରସାଦ ମହାପାତ୍ର,ଶିକ୍ଷାବିତ ଭବାନୀ ଚରଣ ଆଚାର୍ଯ୍ୟ,ଜ୍ୟୋତିଷ ବିଶାରଦ ପଣ୍ଡିତ ବାଇକୋଳି ମହାପାତ୍ରଙ୍କ ଭଳି ସୁଯୋଗ୍ୟ ସନ୍ତାନ ମାନଙ୍କୁ ନିଜ ବିଦ୍ୟାର୍ଥୀ ବୋଲି ଗର୍ବିତ ହେଉଥିବା ଏହି ଶତାୟୁ ବିଦ୍ୟାଳୟର ସେହି ଗର୍ବ ମଉଳି ଯାଇଛି । ୧୯୧୭ ମସିହାରେ ସ୍ଥାପିତ ଏହି ବିଦ୍ୟାଳୟର ଗୌରବ ମଉଳି ଯାଉଛି ଶିକ୍ଷକ ଙ୍କ ଅଭାବରୁ ।ଦୀର୍ଘ ୧୦ ବର୍ଷ ହେବ ଏଠାରେ ପ୍ରଧାନ ଶିକ୍ଷକଙ୍କ ପଦବୀ ଖାଲି ପଡିରହିବା ପରେ ବଦଳି ହୋଇ ଆସିଥିବା ପ୍ରଧାନ ଶିକ୍ଷକ ଙ୍କୁ ପୁନର୍ବାର ବଦଳୀ ହୋଇଥିବାରୁ ବର୍ତ୍ତମାନ ୨ ବର୍ଷ ହେଲା ପୁଣି ଏଠାର ପ୍ରଧାନ ଶିକ୍ଷକଙ୍କ ପଦବୀ ଖାଲି ରହିଥିବା ସହ ଗଣିତ ଓ ହିନ୍ଦୀ ଶିକ୍ଷକ ଙ୍କ ବଦଳୀ ହୋଇ ପଦବୀ ଖାଲି ରହିଛି ଫଳରେ ଶିକ୍ଷାଦାନ ବାଧାପ୍ରାପ୍ତ ହୋଇଛି । ଦୀର୍ଘ ୫ ବର୍ଷ ହେବ ଏନ.ସି.ସି ଶିକ୍ଷକ ପଦବୀ ଖାଲି ଥିବାରୁ ଏନ.ସି.ସି ବନ୍ଦ ହୋଇଛି ।ଶିକ୍ଷକ ଅଭାବରୁ ଶିକ୍ଷା ଦାନ ପାଇ ନପାରି ବିଦ୍ୟାର୍ଥୀ ବିଦ୍ୟାଳୟରୁ ମୁହଁ ଫେରାଇ ନେଉଛନ୍ତି । ଏଭକି ଅବସ୍ଥା ଜାରି ରହିଲେ ଆଗାମୀ ଦିନରେ ବିଦ୍ୟାଳୟ ବିଦ୍ୟାର୍ଥୀ ଶୂନ୍ୟ ହୋଇ ଖୁଣ୍ଟା ଗଛଟି ଭଳି ଠିଆହୋଇ ରହିଥିବ ଏଥିରେ ଦ୍ବିମତ ନାହିଁ ।