ମାନଝରି ଠାରେ ୧୦ ରୁ ୧୨ ଫୁଟ ଲମ୍ବ,୩୦ ରୁ ୩୫ କେଜି ଓଜନର ଅଜଗର ସାପ ଉଦ୍ଧାର ; ବନ ବିଭାଗ କୁ ହସ୍ତାନ୍ତର ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ !!!

ଏଥର ସମ୍ଭାଳ (ଧର୍ମଗଡ଼) – କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଅଧିନ ମାନଝରି ଗ୍ରାମରେ ଗତ କାଲି ରବିବାର ଦିନ ଏକ ଅଜଗର ସାପ ଉଦ୍ଧାର କରାଯାଇଛି । ଗତ କାଲି ରବିବାର ମଧ୍ୟାହ୍ନ ସମୟରେ କିଛି ଲୋକ ମାନଝରି ଡଙ୍ଗରି ଗୁଡା ରାସ୍ତା ଟରନିଙ୍ଗ ପାଖରେ ଏକ ବିଶାଳକାୟ ଅଜଗର ସାପ ଦେଖି ଡରି ଯାଇଥିଲେ। ସାପ ଟି ଏକ ବିରାଟ କାୟ ହୋଇଥିବା ସତ୍ୱେ କିଛି ଯୁବକ କଳେ ବଳେ କୌଶଳେ ଏହାକୁ କାବୁ କରି ଉଦ୍ଧାର କରିଥିଲେ।ଉଦ୍ଧାର ପରେ ଏହି ସାପ ଦେଖିବା ପାଇଁ ଲୋକଙ୍କ ଭିଡ଼ ବେଶ ଦେଖିବାକୁ ମିଳିଥିଲା। ତେବେ ଦୀର୍ଘ ଦେଢ଼ ଘଣ୍ଟା ସମୟ ଲୋକେ ସାପକୁ ମନଭରି ଦେଖିଲା ପରେ ଏକ ଅଖାରେ ସାପଟିକୁ ପୁରାଇ ଚାରିଚକିଆ ଯାନ ଯୋଗେ କେଗାଁ ବନ ବିଭାଗ କୁ ହସ୍ତାନ୍ତର କରିଥିଲେ। ସାପ ଟିକୁ ନେଇ ନିକଟସ୍ଥ ଚୁରା ପାହାଡ଼ ବରା ମୁଡ ଜଙ୍ଗଲରେ ଛାଡି ଦିଆ ଯାଇଥିବା ଜଣା ପଡ଼ିଛି। ଉଦ୍ଧାର ହୋଇଥିବା ଅଜଗର ସାପର ଆନୁମାନିକ ଲମ୍ବ ୧୦ ରୁ ୧୨ ଫୁଟ ହୋଇଥିବା ବେଳେ ୩୦ ରୁ ୩୫ କେଜି ଓଜନ ଥିବା ଜଣାପଡିଛି ।

ଦାବୀ ପୂରଣ ପାଇଁ ବିଦ୍ୟାଳୟ ରେ ତାଲା ଠୁଙ୍କିଲେ ଗ୍ରାମବାସୀ ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ !!!

ଏଥର ସମ୍ଭାଳ (ଧର୍ମଗଡ଼) – କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ଉଛଲା ପଞ୍ଚାୟତର ମଖଳା ଗ୍ରାମର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ମୋଟ ଜାଗା(୧୫)ଡ଼ି.ମି ଗୃହରଥିଲା ବେଳେ,(୧୧)ଡ଼ି.ମି ଜାଗା ଗ୍ରାମର ଦୁଇଜଣ ଲୋକ ଜବର ଦଖଲ କରି ଘର ତିଆରି କରୁଥିବା ନେଇ ଉପଜିଲାପାଳ, ଧର୍ମଗଡ଼ ବିଡ଼ିଓ, ତହସିଲଦାର, ବିଇଓ ଓ ପୋଲିସି ଆଇ. ଆଇ. ସି କେଗାଁ ଙ୍କୁ ଜଣାଇ ଥିଲେ ମଧ୍ୟ ଏନେଇ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିବା, ମିଛ ପ୍ରତି ଶ୍ରୁତି ଦେଇ ଭଣ୍ଡାଇ ଚାଲିଥିବା ଅଭିଯୋଗ କରି ଗ୍ରାମର ଶତାଧିକ ଗ୍ରାମବାସୀ ପଞ୍ଚାୟତ ନାଏବ ସରପଞ୍ଚ, ବିଦ୍ୟାଳୟର ଶିକ୍ଷା କମିଟି ସମେତ ଛାତ୍ର ଛାତ୍ରୀ ବହୁ ସଂଖ୍ୟକ ଭାବେ ବିଦ୍ୟାଳୟ ଠାରେ ରୁଣ୍ଡ ହୋଇ ବିଦ୍ୟାଳୟରେ ତାଲା ଦେଇ ଧାରଣାରେ ବସିଥିଲେ । ଦାବି ପୂରଣ ନହେବା ପର୍ଯ୍ୟନ୍ତ ତାଲା ବନ୍ଦ ରହି ଆନ୍ଦୋଳନ ଜାରି ରହିବ ବୋଲି ନାଏବ ସରପଞ୍ଚ ଅଟଲବାଗ ପ୍ରତିକ୍ରିୟାରେ କହିଛନ୍ତି । ଏହି ଧାରଣାରେ କେଦାରବାଗ,ନୃପବାଗ, ମକୁନ୍ଦ ବାଗ, ଚମ୍ପା ହରପାଳ, ଲବକିଶୋର ନାଇକ,ଦୁର ପଦୀ, କାମିନୀ ତାଣ୍ଡି ପ୍ରମୁଖ ଉପସ୍ଥିତ ରହି ଏହାକୁ ପରିଚାଳନା କରିଥିଲେ ।

ସରକାର ଙ୍କ ସହାୟତା ଅପେକ୍ଷା ରେ ୫ ବର୍ଷ ର ଅନ୍ଧୁଣି ଝିଅ ପଦ୍ମିନୀ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ !!!

ଏଥର ସମ୍ଭାଳ (ଧର୍ମଗଡ଼) – କଅଁଳା ଶିଶୁଟି ର ବୟସ ମାତ୍ର ୫ବର୍ଷ । ଯେଉଁ ବୟସ ରେ ସାଙ୍ଗ ସାଥି ମେଳରେ ଖେଳା ବୁଲା କରି ବିଦ୍ୟାଲୟ କୁ ଯାଇ ଜୀବନକୁ ଗଢି ତୋଳିବା କଥା ସେହି ବୟସରେ ଏହି ରଙ୍ଗିନ ଦୁନିଆକୁ ଦେଖିବାର ସୌଭାଗ୳ ହରାଇ ବସିଛି ଏହି କୋମଳମୋତି ଶିଶୁ ଟି। କଳାହାଣ୍ଡି ଜିଲ୍ଲା ଗୋଳମୁଣ୍ଡା ଲିମସେର ଗ୍ରାମର ଚତୁର୍ଭୁଜ ଟୋଲଟିଆ ଙ୍କ ୫ ବର୍ଷର ଝିଅ ପଦ୍ମିନୀ ଟୋଲଟିଆ ର ଆଖି ଜନ୍ମରୁ ଦେଖାଯାଉନାହିଁ । ବାପା ଓ ମା ଦିନ ମଜୁରିଆ ହୋଇଥିବାରୁ ଅନ୍ଧୁଣି ଝିଅ ପଦ୍ମିନୀ ର ଯତ୍ନ ନେବାରେ ଅସୁବିଧା ହୋଇଛି । ସରକାରୀ ଯୋଜନା ରୁ ସୁବିଧା ପାଇବା ପାଇଁ ସେ ବାରମ୍ବାର ଗ୍ରାମ ପଞ୍ଚାୟତ ଅଫିସକୁ ଯାଇ ହତାଶ ହୋଇ ଫେରୁଛନ୍ତି । ବର୍ତ୍ତମାନ ସୁଦ୍ଧା ପରିବାର କିମ୍ବା ହିତାଧିକାରୀ କୋୖଣସି ସରକାରୀ ସୁବିଧା ପାଇନାହାଁନ୍ତି । ଜିଲ୍ଲା ପ୍ରଶାସନ ତରଫରୁ ସହାୟତା ଯୋଗାଇଦେବାକୁ ତାଙ୍କ ପରିବାର ପକ୍ଷରୁ ଅନୁରୋଧ କରାଯାଇଛି ।

ଚାଉଳ ନ ମିଳିବାରୁ ବ୍ଲକ ଅଧିକାରୀ ଙ୍କୁ ଅବଦାନ ପତ୍ର ପ୍ରଦାନ।

!!! କନ୍ଧମାଳ ଜିଲ୍ଲା ଚକାପାଦ ରୁ ପ୍ରତିନିଧି ସୁନୀଲ ଦିଗାଲ ଙ୍କ ରିପୋର୍ଟ !!!

ଏଥର ସମ୍ଭାଳ (ଚକାପାଦ) – ଚକାପାଦ ବ୍ଲକ ସ୍ଥିତ ଚାହାଳି ଗ୍ରାମ ପଞ୍ଚାୟତ ରେ ଆଜକୁ ୩ ମାସ ହେବ ସରକାରଙ୍କ ଦ୍ୱାରା ଦିଆଯାଉଥିବା ଚାଉଳ ୩୦ ରୁ ଅଧିକ ହିତାଧିକାରୀ ପାଇନଥିବା ନେଇ ବ୍ଲକ ଉନ୍ନୟନ ଅଧିକାରୀଙ୍କୁ ଲିଖିତ ଅଭିଯୋଗ ପତ୍ର ପ୍ରଦାନ କରିଛନ୍ତି । ଉକ୍ତ ପଞ୍ଚାୟତ ରେ ନଭେମ୍ବର, ଡ଼ିସେମ୍ବର ଓ ଜାନୁଆରୀ ମାସର ଚାଉଳ ପାଇନଥିବା ଅଭିଯୋଗ କରିଛନ୍ତି ।ପଞ୍ଚାୟତ ରେ କାର୍ଯ୍ୟରତ ପୂର୍ବତନ କାର୍ଯ୍ୟ ନିର୍ବାହ ଅଧିକାରୀ ଶ୍ରୀ ସୂର୍ଯ୍ୟ ନାରାୟଣ ସାହୁ ଓ ସାରଥୀ ଆମକୁ ଚାଉଳ ଦେଉନାହାଁନ୍ତି ବୋଲି ଅଭିଯୋଗରେ ଉଲ୍ଲେଖ କରିଛନ୍ତି । ଏପରିକି କେତେ ଜଣଙ୍କ ରାସନ କାର୍ଡ ମଧ୍ୟ ଯୋଗାଣ ସହାୟକ ଦେଉନାହାଁନ୍ତି ବୋଲି ସମସ୍ତ କାର୍ଡ ଧାରୀ ଅଭିଯୋଗ କରିଛନ୍ତି ।ବ୍ଲକ ଅଧିକାରୀ ତଦନ୍ତ କରିବା ପାଇଁ ଆସନ୍ତା ୨୦ ତାରିଖ ବୁଧବାର ଦିନ ପଞ୍ଚାୟତ ଯିବା କୁ ପ୍ରତିଶ୍ରୁତି ଦେଇଥିବା ଜଣାପଡିଛି । ଏହି ଅଭିଯୋଗ ପତ୍ର ପ୍ରଦାନ ବେଳେ ଚାହାଳି ପଞ୍ଚାୟତ ସମିତି ସଭ୍ୟା ଓ ୱାର୍ଡ ସଭ୍ୟା ଙ୍କ ସମେତ ସ୍ଥାନୀୟ ଜନ ସାଧାରଣ ଉପସ୍ଥିତ ରହିଥିଲେ ।

ଚକାପାଦ ବ୍ଲକ ଠାରେ ଶିଶୁ ଜନ ସଚେତନତା ରଥ ଭ୍ରମଣ…!

!!! କନ୍ଧମାଳ ଜିଲ୍ଲା ରୁ ଚକାପାଦ ବ୍ଲକ ପ୍ରତିନିଧି ସୁନୀଲ ଦିଗାଲ ଙ୍କ ରିପୋର୍ଟ !!!

ଏଥର ସମ୍ଭାଳ (ଚକାପାଦ) -ଶିଶୁଙ୍କ ସୁରକ୍ଷା ନେଇ ଚକାପାଦ ବ୍ଲକ ରୁ ଏକ ଜନ ସଚେତନତା ରଥ ବାହାରି ବ୍ଲକ ର ସମସ୍ତ ପଞ୍ଚାୟତ ର ଗ୍ରାମାଞ୍ଚଳ ରେ ବୁଲି ଜନ ସଚେତନତା କରାଯାଇଛି । ଆସନ୍ତା ୨୧/୧୧/୨୦୧୯ ରିଖ ଗୁରୁବାର ଦିନ ସକାଳ ୯ ଘଣ୍ଟା ଠାରୁ ଅପରାହ୍ନ ୫ ଘଣ୍ଟିକା ପର୍ଯ୍ୟନ୍ତ ଫୁଲବାଣୀ ସ୍ଥିତ ଜିଲ୍ଲା ପରିଷଦ ସଭା ଗୃହ ଠାରେ ଜାତୀୟ ଶିଶୁ ଅଧିକାରୀ ସୁରକ୍ଷା ଆୟୋଗ (ନୁଆଁଦିଲ୍ଲୀ )ଙ୍କ ତରଫରୁ ଏକ ଜନଶୁଣାଣି ଶିବିର ଆୟୋଜନ କରାଯିବା ସ୍ଥିର କରାଯାଇଛି । ଏହି ଶିବିରରେ ଶିଶୁ ମାନଙ୍କ ସମ୍ପର୍କିତ ଵିଭିନ୍ନ ସମସ୍ୟା ନେଇ ଜନ ଶୁଣାଣି କରାଯିବ । ଶିଶକୁୁ ଶ୍ରମିକ କାମରେ ନିୟୋଜନ କରିବାଜୁ ବାଧ୍ୟ କରାଯିବା, ଶିଶୁ ଚାଲାଣ, ଶିଶୁ ମାନଙ୍କୁ ବଳ ପୂର୍ବକ ଭିକ୍ଷାବୃତ୍ତିରେ ନିୟଜନ ,ଶିଶୁ ଯତ୍ନ, ଅନୁଷ୍ଠାନ ରେ ଅତ୍ୟାଚାରର ଶିକାର ହୋଇଥିବା ଶିଶୁ, ଶିଶୁ ବିକ୍ରି, ଶିଶୁ ଅପହୃତ , ଶିକ୍ଷା ଅଧିକାର ରୁ ବଞ୍ଚିତ କରାଯିବା, ଭେଦଭାବ ରେ ଶିକାର ଶିଶୁ, ଭନ୍ନକ୍ଷମ ଶିଶୁ ନିଜ ଅଧିକାର ରୁ ବଞ୍ଚିତ, ଇତ୍ୟାଦି ବିଷୟରେ ଜନ ଶୁଣାଣି କରାଯିବ ।

ମାଲକାନଗିରି ଠାରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ…!

!!! ମାଲକାନଗିରି ରୁ ଜିଲ୍ଲା ପ୍ରତିନିଧି ଉମା ଶଙ୍କର ମହାରଣା ଙ୍କ ରିପୋର୍ଟ !!!

ଏଥର ସମ୍ଭାଳ (ମାଲକାନଗିରି) – ମାଲକାନଗିରି ପୋଲିସ ଏବଂ ଆଞ୍ଚଳିକ ପରିବହନ ବିଭାଗ ପକ୍ଷରୁ ନୂତନ ମୋଟରଯାନ ଆଇନ କୁ ନେଇ ଏକ ସଚେତନତା କାର୍ଯ୍ୟକ୍ରମ କରାଯାଇଛି। ଜନ ସାଧାରଣ ଙ୍କୁ ବିଭାଗ ପକ୍ଷରୁ ସଡ଼କ ସୁରକ୍ଷା ନେଇ ସଚେତନତା କରାଯାଇଥିଲା। ଗାଡ଼ି ଚାଳକ ମାନେ ହେଲମେଟ ବ୍ୟବହାର କରିବା ଓ ସିଟ୍ ବେଲ୍ଟ ଲଗାଇବା ପାଇଁ ଅନୁରୋଧ କରାଯାଇଥିଲା। ଯେଉଁ ଚାଳକ ମାନେ ନିୟମ କୁ ମାନି ହେଲମେଟ ଓ ସିଟ୍ ବେଲ୍ଟ ବ୍ୟବହାର କରୁଥିଲେ ସେମାନ ଙ୍କୁ ମାଲକାନଗିରି ଏସଡିପିଓ ଓ ଆଇଆଇସି ଙ୍କ ପକ୍ଷରୁ ଧନ୍ୟବାଦ୍ ଜଣାଇବା ସହ ଚକଲେଟ୍ ଏବଂ ଗୋଲାପ ଫୁଲ ପ୍ରଦାନ କରାଯାଇଥିଲା।ହେଲମେଟ ବ୍ୟବହାର ନକରି ଗାଡ଼ି ଚଳାଉଥିବା ବ୍ୟକ୍ତି ଙ୍କୁ ଆଞ୍ଚଳିକ ପରିବହନ ବିଭାଗ ପକ୍ଷରୁ ମାଗଣାରେ ହେଲମେଟ ପ୍ରଦାନ କରାଯାଇଥିଲା। ଜନ ସାଧାରଣ ଙ୍କ ମଧ୍ୟରେ ସଚେତନ ସୃଷ୍ଟି କରିବା ଏହି କାର୍ଯ୍ୟକ୍ରମ ରେ ମାଲକାନଗିରି ଜିଲ୍ଲା ରେ କାର୍ଯ୍ୟରତ ସ୍ଵେଚ୍ଛାସେବୀ ସଂଗଠନ ଟିମ୍ ଉଇକେନ ର ସଦସ୍ୟ ଙ୍କ ସହଯୋଗ କୁ ସାଧରଣରେ ଭୂୟସୀ ପ୍ରଶଂସା କରଯାଇଅଛି।

କନ୍ଧମାଳ ଠାରେ ସାଇନ୍ସ ପାର୍କ ଉଦଘାଟିତ…!

!! କନ୍ଧମାଳ ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ମିଲନ କହଁର ଙ୍କ ରିପୋର୍ଟ !!

ଏଥର ସମ୍ଭାଳ (କନ୍ଧମାଳ) – କନ୍ଧମାଳ ଜିଲ୍ଲା ଫୁଲବାଣୀ ଠାରେ ବିଧାୟକ ଅଙ୍ଗଦ କହଁର ଙ୍କ କର କମଳ ରେ ବହୁ ପ୍ରତୀକ୍ଷିତ ସାଇନ୍ସ ପାର୍କ ଉଦ୍ଘାଟିତ ହୋଇଯାଇଛି । ଏକ କୋଟି ଟଙ୍କା ବ୍ୟୟରେ ନିର୍ମିତ ଏହି ପାର୍କର ଉଦ୍ଘାଟନୀ ଉତ୍ସଵ ରେ ସମ୍ମାନୀତ ଅତିଥି ଭାବେ କନ୍ଧମାଳ ଜିଲ୍ଲାପାଳ ଡ଼ଃ. ବୃନ୍ଦା ଡ଼ି ଯୋଗଦେଇଥିଲେ । ପାର୍କ ଉଦ୍ଘାଟନ ହେବାପରେ ସ୍ଥାନୀୟ ଜନସାଧାରଣ ଓ ଵିଦ୍ୟାର୍ଥୀ ଙ୍କ ମଧ୍ୟରେ ଆନନ୍ଦର ଲହରି ଖେଳି ଯାଇଛି । ଉଦଘାଟନ ପରେ ମାନ୍ୟବର ବିଧାୟକ ଏବଂ ଜିଲ୍ଲାପାଳ ସହ ଉପସ୍ଥିତ ଜନ ସାଧରଣ ଓ ବିଦ୍ୟାର୍ଥୀ ଗଣ ସାଇନ୍ସ ପାର୍କ ପରିଦର୍ଶନ କରି ଏହାର ମଜା ନେଇଥିଲେ।