ଯୁଧିଷ୍ଟିର ଙ୍କ ପାଇଁ ଅର୍ଥ ସାଜିଛି ବାଧକ ; ପ୍ରଶାସନ ର ସହାୟତା ଅପେକ୍ଷାରେ ପରିବାର ଲୋକେ…!
!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଧର୍ମଗଡ଼) -କଳାହାଣ୍ଡି ଜିଲ୍ଲା କୋକସରା ବ୍ଲକ ବଡ଼ପୋଡା ଗ୍ରାମର କୁମରମଣି ସୁନା ଙ୍କ ମଝିଆ ପୁଅ 30ବର୍ଷର ଯୁଧିଷ୍ଟିର ସୁନା ମାରାତ୍ମକ କ୍ୟାନ୍ସର ରେ ପୀଡିତ ହୋଇ ଯନ୍ତ୍ରଣାରେ ଛଟପଟ ହେଉଛନ୍ତି ! ଦୀର୍ଘଦିନ ହେବ ବିଛଣାରେ ପଡିରହି ଯନ୍ତ୍ରଣା ସହିନପାରି ଖାଲି ଚିତ୍କାର କରୁଥିବା ଶୁଣିବାକୁ ମେଳୁଛି ।ଯୁଧିଷ୍ଠିରଙ୍କ ମୁହଁରେ କ୍ୟାନ୍ସର ହୋଇ ଧୀରେ ଧୀରେ ମୁହଁର ସ୍ଥିତି ଅସମ୍ଭାଳ ହେଲାଣି ।ଅର୍ଥ ଅଭାବରୁ ଉଚ୍ଚ ଚିକିତ୍ସା ହୋଇପାରୁନାହିଁ । ତେଣୁ ରୋଗ ଦିନକୁଦିନ ବଢ଼ିଚାଲିଛି ।ପୁଅର ରୋଗ ଭଲ କରିବା ପାଇଁ ପରିବାର ଲୋକେ ଜମିବାଡ଼ି ରୁ ଆରମ୍ଭକରି ପାଖରେ ଯାହାଥିଲା ବିକ୍ରି କରିଦେଇ ଥିବାବେଳେ ଶେଷରେ ନିରାଶ ହୋଇ ଚାହିଁରହିଛନ୍ତି ସରକାରୀ ସାହାଯ୍ୟ କୁ । ଯୁଧିଷ୍ଟିର ନିଜ ଅଟୋ ଗାଡି ନେଇ କିଛି ଲୋକଙ୍କୁ ବଣଭୋଜି କରିବାପାଇଁ ଛାଡିବାକୁଯାଇଥିଲେ । ଫେରିବା ସମୟରେ ତାଙ୍କ ଗାଡିର ଦୁର୍ଘଟଣା ଘଟି ମୁହଁରେ ଆଘାତ ଲାଗିଥିଲା। ନିକଟସ୍ଥ ଡାକ୍ତରଖାନାରେ ଚିକିତ୍ସା ହୋଇ ଅଳ୍ପଦିନ ଭିତରେ ଘରକୁ ଫେରିଥିଲେ ।ଧୀରେ ଧୀରେ ମୁହଁରେ ଲାଗିଥିବା ଆଘାତ ସ୍ଥାନ ଫୁଲିବାରୁ ପରିବାର ଲୋକେ ଘରର ଜମିବାଡ଼ି ବିକ୍ରି କରି ଭବାନୀପାଟଣା, ଧର୍ମଗଡ଼, ନବରଙ୍ଗପୁର, ବୁର୍ଲା, କଟକ ଓ ଶେଷରେ ଭୁବନେଶ୍ୱର ଏମସ ରେ ଚିକିତ୍ସା କଲା ବେଳକୁ ଯୁଧିଷ୍ଟିର ଙ୍କୁ କ୍ୟାନ୍ସର ହୋଇଛି ବୋଲି ଡାକ୍ତର ପରିବାର ଲୋକଙ୍କୁ ଜଣାଇବା ସହ ଅପରେସନ କରିବା ପାଇଁ ପରାମର୍ଶ ଦେଇଥିଲେ । ରାଜ୍ୟ ସରକାର ବିଜୁସ୍ୱାସ୍ଥ୍ୟ କଲ୍ୟାଣ ଯୋଜନା ବୋର୍ଡ ପାଖରେ ଥାଇ ମଧ୍ୟ କୌଣସି କାମରେ ଆସୁନଥିବା ପରିବାର ଲୋକେ ଅଭିଯୋଗ କରିଛନ୍ତି । ବର୍ତ୍ତମାନ ଉଚ୍ଚ ଚିକିତ୍ସା ନିମନ୍ତେ ବାହାରକୁ ଯିବାନିମନ୍ତେ ଅର୍ଥିକ ସମ୍ବଳ ନାହିଁ ।ଏଣୁ ଜିଲ୍ଲା ପ୍ରଶାସନ ଏଦିଗରେ ଯୁଧିଷ୍ଠିର ଙ୍କୁ ସହାୟତା ଯୋଗାଇ ଦେବା ପାଇଁ ସ୍ଥାନୀୟ ବାସିନ୍ଦା ଅନୁରୋଧ କରିଛନ୍ତି।
