!!! କନ୍ଧମାଳ ଜିଲ୍ଲା ବାଲିଗୁଡ଼ା ରୁ ଉପଖଣ୍ଡ ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!!
ଏଥର ସମ୍ଭାଳ (ବାଲିଗୁଡ଼ା) – କନ୍ଧମାଳ ଜିଲ୍ଲା ବାଲିଗୁଡା ବିଧାୟକ ଚକ୍ରମଣି କହଁର ବାଲିଗୁଡା ଅନ୍ତର୍ଗତ ବତାଗୁଡା ଗ୍ରାମ ପଞ୍ଚାୟତ ଗସ୍ତ କରି ଜନସାଧାରଣ ଙ୍କ ସମସ୍ୟା ବୁଝିଛନ୍ତି । ବିଧାୟକ ଙ୍କ ଏହି ଜନସମ୍ପର୍କ ଯାତ୍ରାରେ ସ୍ଥାନୀୟ ସରସପଞ୍ଚ ମେନକା ମାଲିକ ଓ ବିଜେଡି ପଞ୍ଚାୟତ ସଭାପତି ଚକ୍ରଧର ପାତ୍ର ଉପସ୍ଥିତ ରହିଥିଲେ । ଏହି ସମୟରେ ଅନେଜ କଂଗ୍ରେସ କର୍ମୀ ବିଜେଡି ରେ ଯୋଗ ଦେଇଛନ୍ତି ।
!!! ରାୟଗଡ ଜିଲ୍ଲା ସ୍ବତନ୍ତ୍ର ପ୍ରତିନିଧି ଦୀପକ ବେହେରା (ସୁନା) ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ଅଦ୍ୟ ତା ୧୫/୧୦/୨୦୧୯ ରିଖ ଦିନ ରାୟଗଡ ଜିଲ୍ଲା ଗୁଣପୁର ଆଦିବାସୀ ବୃହଦାକାର ବହୁମୁଖୀ ସମବାୟ ସମିତି ଲିଃ ଗୁଣପୁର ର ବାର୍ଷିକ ସାଧାରଣ ସଭା ସ୍ଥାନୀୟ ଗୁଣ୍ଡିଚା ମନ୍ଦିର ସ୍ଥିତ ଆମ୍ବ ତୋଟା ଠାରେ ଅନୁଷ୍ଠିତ ହୋଇଯାଇଛି । ଉକ୍ତ ସଭା କୁ ଗୁଣପୁର ଆଦିବାସୀ ବୃହଦାକାର ବହୁମୁଖୀ ସମବାୟ ସମିତି ଲିଃ ର ନିର୍ଦ୍ଦେଶକ ଶ୍ରୀ ଗୌରୀ ଶଙ୍କର ଦାଶ ଆବାହକ ଭାବେ ଆହ୍ୱାନ କରିବା ସହ ମଞ୍ଚାସୀନ ଅତିଥି ମାନଙ୍କୁ ସ୍ୱାଗତ କରିଥିଲେ ।
ଏହି ସଭା ରେ ଗୁଣପୁର ଆଦିବାସୀ ବୃହଦାକାର ବହୁମୁଖୀ ସମବାୟ ସମିତି ଲିଃ ର ସଭାପତି ଶ୍ରୀମତୀ ଗୌରୀ ଗମାଙ୍ଗ ସଭାପତିତ୍ୱ କରିଥିବା ବେଳେ ଗୁଣପୁର ନିବନ୍ଧକ କାର୍ଯ୍ୟାଳୟ ପକ୍ଷରୁ ଏସ୍.ଆର ଶ୍ରୀ ଲାଡ଼ି ରଘୁବାବୁ , ସମବାୟ ବ୍ୟାଙ୍କ ପକ୍ଷରୁ ସୁପରଭାଇଜର ଶ୍ରୀ ରଘୁନାଥ ସାହୁ , ମିଲ୍ଲର ମାନଙ୍କ ଦ୍ୱାରା ପ୍ରତିନିଧିତ୍ବ କରୁଥିବା ଶ୍ରୀ ଗୁଡ୍ଲା ଗୋବିନ୍ଦ ରାଓ , ବରିଷ୍ଠ ନିର୍ଦ୍ଧେଶକ ଶ୍ରୀ ଦେବେନ୍ଦ୍ର ଚୌଧୁରୀ , ସମବାୟ ସମିତି ର ଉପ ସଭାପତି ଶ୍ରୀ ସୁକୁଲା କଣ୍ଡାଗରି ଓ ଭାରପ୍ରାପ୍ତ ପରିଚାଳନା ନିର୍ଦ୍ଧେଶକ ଶ୍ରୀ ତ୍ରିଲୋଚନ ସ୍ୱାଇଁପ୍ରମୁଖ ମଞ୍ଚାସୀନ ହୋଇଥିଲେ ।
ସଭା ରେ ବକ୍ତବ୍ୟ ଦେଇ ସଭାପତି ଶ୍ରୀମତି ଗୌରୀ ଗମାଙ୍ଗ ସମବାୟ ର ମୁଖ୍ୟ ଲକ୍ଷ୍ୟ ସମିତି ର ସଭ୍ୟ ମାନଙ୍କ ର ସାମାଜିକ ଓ ଅର୍ଥନୈତିକ ବିକାଶ ରେ ସାହାଯ୍ୟ କରିବା ବୋଲି କହିଥିଲେ । ଗୁଣପୁର ପଞ୍ଚାୟତ ସମିତି ଅନ୍ତର୍ଗତ ୧୯ ଗୋଟି ଗ୍ରାମ ପଞ୍ଚାୟତ ଏବଂ ଗୋଟିଏ ପୌର ପରିଷଦ ଅଞ୍ଚଳ କୁ ନେଇ ଏହାର ପରିଷଦ ଗଠିତ ବୋଲି ସୁଚନା ଦେଇଥିଲେ ।
ସମିତି ର ମୂଳ ଆଭିମୁଖ୍ୟ ଉପସ୍ଥାପନା କରିବାକୁ ଯାଇ ନିର୍ଦ୍ଦେଶକ ଶ୍ରୀ ଗୌରୀ ଶଙ୍କର ଦାଶ ଏହା ସଭ୍ୟ ମାନଙ୍କୁ ସ୍ୱଳ୍ପ କାଳୀନ , ମଧ୍ୟମ କାଳୀନ ଓ ଅଣ କୃଷି ଋଣ ଯୋଗାଇ ସେମାନଙ୍କ କୃଷି ଉତ୍ପାଦନ କ୍ଷମତା ବୃଦ୍ଧି କରିବା ସହ ସାର , କୀଟନାଶକ ଔଷଧ , କୃଷି ଯନ୍ତ୍ରପାତି ଯୋଗାଇ ଦେବା ବୋଲି କହିଥିଲେ ।
ବର୍ତ୍ତମାନ ସୁଦ୍ଧା ସମିତି ର ମୋଟ ୧୩୯୯୫ ଜଣ ସଭ୍ୟ ରହିଥିବା ଜଣାପଡିଛି । ଚଳିତ ୧୯-୨୦ ବର୍ଷ ରେ ଖରିଫ ଓ ରବି ଋତୁ ରେ ସ୍ୱଳ୍ପ କାଳୀନ କୃଷି ଋଣ ବାବଦ କୁ ଚାଷୀ ମାନଙ୍କୁ ୧୦ କୋଟି ଟଙ୍କା ର ଋଣ ଯୋଗାଇ ଦେବା , ଅଣ ଚାଷ ଯୋଜନା ରେ ୫ ଟି ଟ୍ରାକ୍ଟର , ୨ ଟି ମାଛ ବନ୍ଧ , ୨ ଟି ବୋଲେରୋ ଗାଡି , ୨୦ ଟି ଓ ଏଲ ଏମ୍ , ୨୦ ଟି ଏସ୍ ଏଚ୍ ଜି , ୩୦ ଟି ଜେ ଏଲ ଜି , ୧୦ ଟି ଏସ୍ ସି ସି ଏବଂ ୫ ଟି ପାୱାର ଟିଲର୍ ଋଣ ଆକାର ରେ ଯୋଗାଇଦେବା , ଚାଷୀ ଙ୍କ ଆବଶ୍ୟକତା ଅନୁଯାୟୀ ଧାନ ବିହନ ଓ ସାର ଯୋଗାଇ ଦିଆଯିବା ଭଳି କାର୍ଯ୍ୟକ୍ରମ ଗ୍ରହଣ କରିବା ସହ ଚାଷୀ ଙ୍କ ଠାରୁ ସରକାର ଙ୍କ ନିର୍ଦ୍ଧାରିତ ମୂଲ୍ୟରେ ଧାନ କ୍ରୟ କରିବା ନିମନ୍ତେ ନିଷ୍ପତି ଗ୍ରହଣ କରିଥିବା ସମବାୟ ସମିତି ପକ୍ଷରୁ ସୁଚନା ଦିଆଯାଇଛି ।
ଭାର ପ୍ରାପ୍ତ ପରିଚାଳନା ନିର୍ଦ୍ଧେଶକ ଶ୍ରୀ ତ୍ରିଲୋଚନ ସ୍ୱାଇଁ ଙ୍କ ଦ୍ୱାରା ବାର୍ଷିକ ବିବରଣୀ ପଠନ ଏବଂ ବଜେଟ ଉପସ୍ଥାପନା କରାଯାଇଥିଲା ।
କାର୍ଯ୍ୟକ୍ରମ ଶେଷ ରେ ଆଜିକାର ବୈଠକ ର ଆବାହକ ତଥା ନିର୍ଦ୍ଦେଶକ ଶ୍ରୀ ଗୌରୀ ଶଙ୍କର ଦାଶ ଉପସ୍ଥିତ ସମସ୍ତ ସଦସ୍ୟ , ନିମନ୍ତ୍ରିତ ଅତିଥି , ମଞ୍ଚାସୀନ ଅତିଥି ଏବଂ ଚାଷୀ ଭାଇ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।
!!! କନ୍ଧମାଳ ରୁ ଜିଲ୍ଲା ପ୍ରତିନିଧି ବିକାଶ ଦିଗାଲ ଙ୍କ ରିପୋର୍ଟ୍ !!!
ଏଥର ସମ୍ଭାଳ (କନ୍ଧମାଳ) – କନ୍ଧମାଳ ଜିଲ୍ଲା ଖଜୁରିପଡା ବ୍ଲକ ଅନ୍ତର୍ଗତ ବାରୀକୁମ୍ଫ ଠାରେ ମା ବ୍ୟାଘ୍ରଦେବୀ ଯୁବକ ସଂଘ ତରଫରୁ ସ୍ୱଚ୍ଛ ଭାରତ କାର୍ଯ୍ୟକ୍ରମ ଓ ପଲିଥିନ ମୁକ୍ତ ଅଭିଯାନ ଅନୁସ୍ଥିତବ ହୋଇଯାଇଛି । ସଂଘର ସଭାପତି ବିବାନ ଗଣ୍ଡା ବ,ଉପ ସଭାପତି ଆଲୋକ ଗଣ୍ଡା,ସମ୍ପାଦକ ରଜ କିଶୋର ବେହେରା,ଦୀନବନ୍ଧୁ ଗଣ୍ଡା ଏବଂ ପ୍ରଦୀପ ଗଣ୍ଡା ଉକ୍ତ କାର୍ଯ୍ୟକ୍ରମ କୁ ପରିଚାଳନା କରିଥିଲେ । ବାରୀକୁମ୍ପା ଉପ ସ୍ୱାସ୍ଥ୍ୟ କେନ୍ଦ୍ରର ଡ଼ଃ,ନୀଳକଣ୍ଠ ବେହେରା, ଫାର୍ମାସିଷ୍ଟ ବିଭୁତି ଭୂଷଣ ସାହୁ ଙ୍କ ସମେତ ଚିକିତ୍ସା ଲୟର ଅନ୍ୟାନ୍ୟ କର୍ମଚାରୀ ଏହି କାର୍ଯ୍ୟକ୍ରମ ରେ ସାମିଲ ହୋଇଥିଲେ ।
!!! କନ୍ଧମାଳ ଜିଲ୍ଲା ବାଲିଗୁଡ଼ା ବ୍ଲକ ରୁ ପ୍ରତିନିଧି ସଂଜୀବ ଦିଗାଲ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ବାଲିଗୁଡ଼ା) – କନ୍ଧମାଳ ଜିଲ୍ଲା ବାଲିଗୁଡା ଏନ ଏ ସି କାର୍ଯ୍ୟାଳୟରେ ସ୍ଥାନୀୟ ସାତଜଣ କାଉନସିଲର ତାଲା ପକାଇଛନ୍ତି ।କାର୍ଯ୍ୟଳୟ ର କାର୍ଯ୍ୟ ନିର୍ବାହୀ ଅଧିକାରୀଙ୍କ ମାନମୁଖୀ କାର୍ଯ୍ୟ ,ଅଫିସକୁ ବିଳମ୍ବରେ ଆସୁଥିବା,ମାସର ଅଧିକ ଦିନ ଅଫିସ ରେ ଅନୁପସ୍ଥିତ ରହୁଥିବା,ଜନସାଧାରଣ ଙ୍କ ସମସ୍ୟା ପ୍ରତି ଦୃଷ୍ଟି ଦେଉନଥିବା ଅଭିଯୋଗ କରି କାଉନସିଲର ମାନେ ଏଭଳି ପଦକ୍ଷେପ ନେଇଥିବା କୁହାଯାଇଛି ।ଏହା ଛଡ଼ା ବିଭିନ୍ନ ସମୟରେ ଲୋକଙ୍କୁ ଅଫିସକୁ ଡାକି କାମ ନକରି ହଇରାଣ କରୁଥିବା ଓ ହରିଶ୍ଚନ୍ଦ୍ର ଯୋଜନା ଭଳି ଅନେକ ଯୋଜନା ଲୋକେ ପାଉନଥିବା ଅବିଯୋଗ ହେଉଛି । ଏଥିରେ ପ୍ରତିକ୍ରିୟା ପ୍ରକାଶ କରି କାଉନସିଲର ମାନେ ଏଭଳି ପଦକ୍ଷେପ ନେଇଥିବା ପ୍ରକାଶ କରିଛନ୍ତି ।ଆଗାମୀ ଦିନରେ ଏଠାରୁ କାର୍ଯ୍ୟ ନିର୍ବାହୀ ଅଧିକାରୀଙ୍କୁ ବଦଳୀ କରାନଗଲେ କାଉନସିଲର ମାନେ ରାଜରାସ୍ତାକୁ ଓଲ୍ହାଇ ବେ ବୋଲି ଚେତାବନୀ ଦେଇଛନ୍ତି ।
