ଆଦିବାସୀ ଇଲାକାରୁ ଇସ୍ରୋ ; ସିମ୍ବାଲି ଗାଁରୁ ଶ୍ରୀହରିକୋଟା ଯାତ୍ରା ।
!!! କନ୍ଧମାଳ ଜିଲ୍ଲା ଫୁଲବାଣୀ ରୁ ଉପଖଣ୍ଡ ପ୍ରତିନିଧି ସୁକାନ୍ତ ବେହେରା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଫୁଲବାଣୀ)- ପଙ୍କରେ ପଦ୍ମ । ଆଦିବାସୀ ଇଲାକାରୁ ଇସ୍ରୋ । ସିମ୍ବାଲି ଗାଁରୁ ଶ୍ରୀହରିକୋଟା ଯାତ୍ରା । ସହଜ ନଥିଲା, ତଥାପି ଅଭାବ ଅସୁବିଧାକୁ ଅଣଦେଖା କରି ବିଜ୍ଞାନଙ୍କୁ ଜିଣିଛନ୍ତି ଅଭିମନ୍ୟୁ ମଲ୍ଲିକ । ହୋଇଛନ୍ତି ଭାରତୀୟ ମହାକାଶ ଗବେଷଣା କେନ୍ଦ୍ରର ବୈଜ୍ଞାନିକ । ୫ କିଲୋମିଟର ଚାଲିଲେ ପଡେ କନ୍ଧମାଳର ଏହି ଦୁର୍ଗମ ଆଦିବାସୀ ଅଧ୍ୟୁଷିତ ଗାଁ । ଖାଲ, ଢିପ ପଥର ରାସ୍ତା । ଚାରି ଆଡେ ଘଞ୍ଚ ଜଙ୍ଗଲ । ଗାଁରେ ମାତ୍ର ୧୫ ଟି ନୁଆଁଣିଆ ଘର । ପାଠ କହିଲେ ପଞ୍ଚମ। ଆଗକୁ ପଢିବାକୁ ହେଲେ ଯିବାକୁ ପଡିବ ୨୦ କିଲୋମିଟର ଦୂର ରଣାପାଟୁଲି ଆଶ୍ରମ ସ୍କୁଲ । ଏଭଳି ସଂଘର୍ଷ ଭିତରେ ନିଜ ସ୍ବପ୍ନ ପୂରଣ କରିଛନ୍ତି ଅଭିମନ୍ୟୁ । ଅଭିମନ୍ୟୁଙ୍କ ଜୀବନ ଯାତ୍ରା ଯେତିକି ହୃଦୟସ୍ପର୍ଶୀ ସେତିକି ପ୍ରେରଣାଦାୟୀ । ନିଷ୍ଠା, ଉଦ୍ୟମ ଓ କଠିନ ପରିଶ୍ରମ ଯେ ସଫଳତାର ଚାବିକାଠି ତାହାର ଜ୍ବଳନ୍ତ ଉଦାହରଣ ଅଭିମନ୍ୟୁ ।
