ଅଶ୍ରୁଳ ଭରା ଶୋକାକୁଳ ପରିବେଶ ମଧ୍ୟରେ ଶିକ୍ଷକ ଙ୍କ ବିଦାୟ କାଳୀନ ସମ୍ବର୍ଦ୍ଧନା…!

!!! ରାୟଗଡ଼ା ଜିଲ୍ଲା ଗୁଣପୁର ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ଦୀପକ କୁମାର ବେହେରା (ସୁନା) ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ଗୋଷ୍ଠୀ ଶିକ୍ଷା ଅଞ୍ଚଳ ଅଧୀନସ୍ଥ ସଉରା ପ୍ରଧାନୀ ଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ ବୃନ୍ଦାବତୀ ପଣ୍ଡା ଙ୍କ ଅଧ୍ୟକ୍ଷତାରେ ସହକାରୀ ଶିକ୍ଷକ ଶ୍ରୀ. ସତ୍ୟ ନାରାୟଣ ବୈଦ୍ଯଭୂଷଣ ଙ୍କ ବିଦାୟ କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଶ୍ରୀ ବୈଦ୍ଯଭୂଷଣ ୧୧/୮/୧୯୮୨ ମସିହା ରେ କାର୍ଯ୍ୟରେ ଯୋଗଦେଇଥିଲେ। ସେହି ଦିନ ଠାରୁ ଅଦ୍ୟାବଧି ସେ କାର୍ଯ୍ୟ କରିଥିବା ବିଦ୍ୟାଳୟ ଗୁଡିକରେ ଉତ୍ତମ ଶିକ୍ଷାଦାନ ଦେଇ ସମସ୍ତଙ୍କ ପ୍ରିୟ ଭାଜନ ଓ ପ୍ରଶଂସିତ ହୋଇଛନ୍ତି। ପଞ୍ଚାୟତ ସମିତି ରେ ଶିକ୍ଷା ବିଭାଗ କାର୍ଯ୍ୟ କରୁଥିବା ବେଳେ ଶ୍ରୀ ବୈଦ୍ଯଭୂଷଣ ଅନୁଶିକ୍ଷା ପରିଦର୍ଶକ ଙ୍କ ସହଯୋଗୀ କିରାଣୀ ଭାବେ ନିଜକୁ ନିୟୋଜିତ କରି ଶିକ୍ଷକ ଙ୍କ ସମସ୍ତ ଦପ୍ତରୀ କାର୍ଯ୍ୟ ତୁଲାଇ ଆସୁଥିବାରୁ ଆଜିବି ଶିକ୍ଷକ ମହଲରେ ସମସ୍ତ ନିଜର ହୋଇ ରହିପାରିଛନ୍ତି। ଆଜି ନିଜ କାର୍ଯ୍ୟ ରୁ ଅବସର ନେଇ ଥିବାରୁ ଶିକ୍ଷକ ସାମାଜ ଜଣେ ଶିକ୍ଷକ ସେବୀ ମନବୃତ୍ତି ବନ୍ଧୁ ଙ୍କୁ ହରାଇଛି ବୋଲି ଶିକ୍ଷକ ନେତା ମାନେ ମତ ପ୍ରକାଶ କରିଛନ୍ତି । ଅନୁଷ୍ଠିତ ବିଦାୟ କାଳୀନ ସମ୍ବର୍ଦ୍ଧନା ସଭା ରେ ସ୍ଥାନୀୟ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ତଥା ବିଆରସିସି ନିରଞ୍ଜନ ଦଳେଇ, ପୂର୍ବତନ ସିଆରସିସି ପ୍ରସାଦ ପାଇଟାଳ, ନୂତନ ସିଆରସିସି ଏନ୍. ଚନ୍ଦ୍ର ମୌଳି ଯୋଗଦେଇ ଶ୍ରୀ ବୈଦ୍ଯଭୂଷଣ ଙ୍କ ଚରିତ୍ର, କାର୍ଯ୍ୟଦକ୍ଷତା ଓ ଶିକ୍ଷାଦାନ ଶୈଳୀ ସମ୍ପର୍କରେ ଅଭିଭାଷଣ ଦେଇଥିଲେ। ବିଦ୍ୟାଳୟ ରେ କାର୍ଯ୍ୟରତ ଶିକ୍ଷକ ଓ ଶିକ୍ଷୟିତ୍ରୀ ମାନେ ବୈଦ୍ଯଭୂଷଣ ଙ୍କ ସହଯୋଗୀ ଏବଂ ଶିକ୍ଷାଦାନ ଶୈଳୀ ର ଉଚ୍ଚ ପ୍ରଶଂସା କରି ବକ୍ତବ୍ୟ ପ୍ରଦାନ କରିଥିଲେ। ଉପସ୍ଥିତ ବିଦ୍ୟାର୍ଥୀ ଶିକ୍ଷକ ଶ୍ରୀ ବୈଦ୍ଯଭୂଷଣ ଙ୍କ ଛାତ୍ର ବତ୍ସଳ ଓ ପ୍ରାଞ୍ଜଳ ଶିକ୍ଷା କୌଶଳ ବିଷୟ ନେଇ ଉପସ୍ଥାପନା କରିବା ବେଳେ କାନ୍ଧି ପକାଇଥିଲେ। ବିଦ୍ୟାଳୟ ପକ୍ଷରୁ ଅବସର ପ୍ରାପ୍ତ ବିଦାୟୀ ଶିକ୍ଷକ ସତ୍ୟ ନାରାୟଣ ବୈଦ୍ଯଭୂଷଣ ଙ୍କୁ ସମ୍ବର୍ଦ୍ଧିତ କରିଥିବା ବେଳେ ଶ୍ରୀ ବୈଦ୍ଯଭୂଷଣ ବିଦ୍ୟାଳୟ ରେ ପଢ଼ୁଥିବା ସମସ୍ତ ବିଦ୍ୟାର୍ଥୀ ଙ୍କୁ ସ୍ନେହଭରା ଉପହାର ଦେଇ ବିଦାୟ ନେଇଥିଲେ।

ଟେଣ୍ଡର ବିଜ୍ଞପ୍ତି ରେ ଠିକାଦାର ଙ୍କ ଅଭିଜ୍ଞତା ପ୍ରମାଣ ପତ୍ର ଆବଶ୍ୟକତା କୁ ନେଇ ପ୍ରଶ୍ନବାଚୀ ?

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ରାୟଗଡା ଜିଲ୍ଲା ଗୁଣପୁର ପୌର ପରିଷଦ ର ସୌନ୍ଦର୍ଯ୍ୟ ଏବଂ ଉନ୍ନତି କରଣ ନିମନ୍ତେ କର୍ତ୍ତୃପକ୍ଷ ଙ୍କ ପକ୍ଷରୁ ବିଭିନ୍ନ କାର୍ଯ୍ୟ ପାଇଁ ଟେଣ୍ଡେର୍ ବାହାର କରାଯାଇ ବିଜ୍ଞପ୍ତି ଜାରି କରାଯାଇଛି । କିନ୍ତୁ ଉକ୍ତ ବିଜ୍ଞପ୍ତି ରେ ଟେଣ୍ଡେର୍ ପକାଉଥିବା ଠିକାଦାର ମାନଙ୍କ ନିମନ୍ତେ ଏକ୍ସପିରିୟନ୍ସ ସାର୍ଟିଫିକେଟର ଆବଶ୍ୟକତା କୁ ଗୁରୁତ୍ୱ ଦିଆଯାଇଛି । ଫଳରେ ବର୍ତ୍ତମାନ ଯେଉଁ ଶିକ୍ଷିତ ଯୁବକ ମାନେ କଂଟ୍ରାକ୍ଟରି କରି ବଞ୍ଚିବାର ଉପାୟ ଅବଲମ୍ବନ କରିଛନ୍ତି ସେମାନେ ଚିନ୍ତାରେ ମୁଣ୍ଡରେ ହାତ ଦେଇ ବସିଲେଣି । କଂଟ୍ରାକ୍ଟରି ମହଲରେ ଏନେଇ ଭାରି ଚର୍ଚ୍ଚା ।କର୍ତ୍ତୃପକ୍ଷ ଙ୍କ ଦ୍ୱାରା ଧାର୍ଜିତ ଏତେବଡ ପରିମାଣର କାର୍ଯ୍ୟ ଦକ୍ଷତା ଆସିବ କେଉଁଠୁ ବୋଲି ପ୍ରଶ୍ନ ଉଠିଛି । ଏହାବି କୁହାଯାଇଛି କି, ଏହା ଓପିଡବ୍ଲ୍ୟୁଡି ଆଇନର ବ୍ୟତିକ୍ରମ । ଏପରିକି ଗ୍ରାମ୍ୟ ଉନ୍ନୟନ ଏବଂ ଆଇ.ଟି.ଡି.ଏ ବିଭାଗ ପକ୍ଷରୁ ଦିଆଯାଉଥିବା ବହୁଳ ଅର୍ଥ ଵ୍ୟୟୀତ କାର୍ଯ୍ୟ ନିମନ୍ତେ ଠିକାଦାର ମାନଙ୍କ ପାଇଁ ଏଭଳି କାର୍ଯ୍ୟ ଦକ୍ଷତା ର ପ୍ରମାଣ ପତ୍ର ଆବଶ୍ୟକ ପଡୁ ନଥିବା ବେଳେ ପୌର ପରିଷଦ ଦ୍ବାରା ଆହୁତ ଏହି କାର୍ଯ୍ୟ ଗୁଡିକ ନିମନ୍ତେ ଠିକାଦାର ମାନଙ୍କ କାର୍ଯ୍ୟ ଦକ୍ଷତା ପ୍ରମାଣ ପତ୍ର ର ଆବଶ୍ୟକତା କୁ ଠିକାଦାର ମାନେ ସହଜରେ ଗ୍ରହଣ କରିପାରୁ ନାହାଁନ୍ତି । ସମସ୍ତ ଠିକା କାମ ଜଣେ କନିଷ୍ଠ ଯନ୍ତ୍ରୀଙ୍କ ତତ୍ୱାବଧାନ ରେ ହେଉଥିବାବେଳେ ଏବଂ ଏଥିପାଇଁ କନିଷ୍ଠ ଯନ୍ତ୍ରୀ ୱାର୍କ ଇନଚାର୍ଜ ଭାବେ ଥିବାବେଳେ ଠିକାଦାର ମାନଙ୍କ ର ଏଥିପାଇଁ ୱାର୍କ ଏକ୍ସପେରିଏନ୍ସ ର ଆବଶ୍ୟକତା ରହିଲା କେଉଁଠି ବୋଲି ପ୍ରଶ୍ନ ଉଠୁଛି । ଏଭଳି ୱାର୍କ ଏକ୍ସପିରିୟନ୍ସ ଆବଶ୍ୟକତା ନିୟମକୁ କୋହଳ କରାଯାଇ ବିଜ୍ଞପ୍ତି ସଂଶୋଧନ କରାନଗଲେ ,କରାଯିବାକୁ ଥିବା ଉନ୍ନତି ମୂଳକ କାର୍ଯ୍ୟ ଠିକ ଭାବରେ ସମ୍ପାଦନ ହୋଇପାରିବ ନାହିଁ ବୋଲି ପୁରୁଖା ଠିକାଦାର ମାନେ ମତ ପ୍ରକାଶ କରିଛନ୍ତି ।

ସାମ୍ବାଦିକଙ୍କ ପତ୍ନୀ ବିୟୋଗ

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – କଳାହାଣ୍ଡି ଜିଲ୍ଲା ଗୋଳମୁଣ୍ଡା ବ୍ଲକର ଇପିଏ ଉଇକ୍ଲି ପ୍ରତିନିଧି ବାଜି ପ୍ରଧାନଙ୍କ ପତ୍ନୀ ମୌସୁମୀ ପ୍ରଧାନ(ନିତୁ)ଙ୍କର ଗତକାଲି ୧୧ଘଣ୍ଟା ୩୦ମିନିଟ ସମୟରେ ଆକସ୍ମିକ ଭାବେ ଦେହାନ୍ତ ହୋଇଯାଇଛି।ସେ କେତେ ଦିନ ହେଲା ଅସୁସ୍ଥ ଅନୁଭବ କରୁଥିବା ପରିବାର ସୂତ୍ରରୁ ପ୍ରକାଶ।ସେ କାଲି ପୁଅ ରମଣି କୁ ଜଳଖିଆ ଆଣିବାକୁ କହିଥିଲେ।ପୁଅ ଜଳଖିଆ ଆଣି ଆସିବା ବେଳକୁ ସେ ଆଖି ନଖୋଲିବା ଯୋଗୁଁ ପୁଅର ଚିତ୍କାର ଶୁଣି ଘର ଓ ଆଖ ପାଖର ଲୋକ ପହଞ୍ଚି ତାଙ୍କୁ ତୁରନ୍ତ ଡାକ୍ତରଖାନାକୁ ନେଇଥିଲେ ଓ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ଏହି ସମୟରେ ତାଙ୍କ ସ୍ୱାମୀ ବାଜି ପ୍ରଧାନ ଧର୍ମଗଡ଼ରେ ନଥିଲେ।ସେ ଫେରିବା ପରେ ଆଜି ପରିବାର ବର୍ଗ ଓ ସମ୍ପର୍କୀୟ ମାନଙ୍କ ଉପସ୍ଥିତିରେ ତାଙ୍କର ଅନ୍ତିମ ସଂସ୍କାର କାର୍ଯ୍ୟ ସମ୍ପୂର୍ଣ୍ଣ କରିଛନ୍ତି।ବାଜି ପ୍ରଧାନଙ୍କ ଏକମାତ୍ର ପୁଅ ରମଣୀ(୧୪) ମୁଖାଗ୍ନି ଦେଇଥିଲେ। ସେ ଜଣେ ସ୍ପଷ୍ଟବାଦୀ,ପରୋପକାରୀ ମହିଳା ଥଲେ।ନିତୁଙ୍କର ମୃତ୍ୟୁରେ ଧର୍ମଗଡରେ ଶୋକର ଛାୟା ଖେଳିଯାଇଛି।ଧର୍ମଗଡ଼ NAC ଅଧ୍ୟକ୍ଷା ସୁଶ୍ରୀ ହୀରା ବାଗ, ଉପାଧ୍ୟକ୍ଷ ଅଶୋକ ମହାନ୍ତି, ଜିଲ୍ଲା ରେଡ଼କ୍ରସ ସଦସ୍ୟ ହୃଷିକେଶ ମିଶ୍ର, ଚେମ୍ବର ଅଫ କମର୍ସ ସଭାପତି ବିଦ୍ୟାଧର ସାହୁ, ବରିଷ୍ଠ ଓକିଲ ସୁବାସ ଚନ୍ଦ୍ର ପାଣିଗ୍ରାହୀ, ସରକାରୀ ଓକିଲ ରାଜେନ୍ଦ୍ର ମୁନି, ଓୟୁଜେ ର ଉପସଭାପତି ସାମ୍ବାଦିକ ବିରଞ୍ଚି ନାରାୟଣ ଜାଲ, ସାମ୍ବାଦିକ ଅଂଶୁମାନ ପାତ୍ର, ସାମ୍ବାଦିକ ବୈଦ୍ୟନାଥ ବେହେରା, ସାମ୍ବାଦିକ ଇଙ୍ଗିତ ପଣ୍ଡା ପ୍ରମୁଖ ଶୋକ ବ୍ୟକ୍ତ କରି ସ୍ବର୍ଗତ ନିତୁଙ୍କର ଅମର ଆତ୍ମାର ସଦଗତି ପାଇଁ ପ୍ରାଥନା କରିଛନ୍ତି। ଏଥର ସମ୍ଭାଳ ପରିବାର ପରିବାର ପକ୍ଷରୁ ଅମର ଆତ୍ମାର ସଦ୍ଗତି କାମନା କରିବା ସହ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ ଜ୍ଞାପନ କରୁଛୁ ।

ପିଲାଙ୍କ ମଧ୍ୟରେ ସ୍ୱାସ୍ଥ୍ୟ ସଚେତନତା ନିମନ୍ତେ ନାଲକୋ ପକ୍ଷରୁ ହାତଧୁଆ ସମାଗ୍ରୀ ବଣ୍ଟନ…!

!!! କନ୍ଧମାଳ ଜିଲ୍ଲା ରୁ ଫୁଲବାଣୀ ଉପଖଣ୍ଡ ପ୍ରତିନିଧି ସୁକାନ୍ତ ବେହେରା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଫୁଲବାଣୀ) – କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ନେଡିପଦର ବାଳିକା ଉଚ୍ଚ ବିଦ୍ୟାଳୟ ରେ ଛାତ୍ରୀ ମାନଙ୍କ ମନରେ ସ୍ୟାସ୍ଥ୍ୟ ସଚେ ତନା ଜାଗ୍ରତ କରାଇବା ପାଇଁ ଚାର୍ମ ର ସଭାପତି ଶ୍ରୀ ବିଷ୍ଣୁ ଚରଣ ସ୍ୱାଇଁ ଙ୍କ ତରଫରୁ ନାଲକୋ ଫାଉଣ୍ଡେସନ କାର୍ଯ୍ୟକ୍ରମ ଆୟୋଜିତ ହେଇ ଯାଇଛି। ଏହି କାର୍ଯ୍ୟ କ୍ରମରେ ମୁଖ୍ୟ ଅତିଥି ଭାବେ କନ୍ଧମାଳ ଏମ.ଏଲ.ଏ. ଶ୍ରୀଯୁକ୍ତ ଅଙ୍ଗଦ କହଁର ସମ୍ମାନିତ ଅତିଥି ଭାବେ ଖଜୁରୀପଡା ବ୍ଲକ ଅଧକ୍ଷ ଶ୍ରୀ ବୀରେନ୍ଦ୍ର କହଁର, ଜିଲ୍ଲାପରିଷଦ ଅଧକ୍ଷା ଶ୍ରୀମତୀ ଜୁଲିଲତା ଲେଙ୍କା, ଫିରିଙ୍ଗିଆ ଜିଲ୍ଲା ପରିଷଦ ଅଧକ୍ଷା ଶ୍ରୀମତୀ ଜୟଶ୍ରୀ କହଁର,ଫିରିଙ୍ଗିଆ ବ୍ଲକ ଅଧକ୍ଷ ଲଲହନ ପ୍ରଧାନ, ସାରଥୀ ମାଲିକ, ବିଷ୍ଣୁ ଚରଣ ମଳିକ, ଅଲେଖ ଦାଶ, ନେଡିପଦର ବାଳିକା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ରଞ୍ଜନ କୁମାର ପାଢ଼ୀ ଏବଂ ୱ.ଇ.ଓ ରବୀନ୍ଦ୍ର ସାର ପ୍ରମୁଖ ଉପସ୍ଥିତ ଥିଲେ। ଏହି କାର୍ଯ୍ୟ କ୍ରମରେ ଚାର୍ମ ର ସଭାପତି ଏବଂ ଅତିଥି ମାନଙ୍କ ଦ୍ଵାରା ନେଡିପଦର ବିଦ୍ୟାଳୟ ର ୪୩୧ ଜଣ ଛାତ୍ରୀ ଙ୍କୁ ନାଲକୋ ପକ୍ଷରୁ ହେଣ୍ଡୱାସ, ସାବୁନ, ସାମ୍ପ ପ୍ରଦାନ କରାଯାଇଥିଲା। ଶେଷରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା।

“ଗୋଦରୀ ଲୋ ତୋ ଗୋଡ଼ କୁ ଅନା” ; ଜି.ଆଇ.ଇ.ଟି ଇଉନିଭର୍ସିଟି ପରଦା ପଛର କାହାଣୀ…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ଆମେ ଆପଣ ଙ୍କୁ ଦେଖାଉଛୁ ସ୍ଥାନୀୟ ଅଞ୍ଚଳର ବେକାରୀ ଶିକ୍ଷିତ ବିଦ୍ୟାର୍ଥୀଙ୍କ ସ୍କିଲ ଡେଭଲପମେଣ୍ଟ ନିମିତ୍ତ ରାୟଗଡା ଜିଲ୍ଲା ଗୁଣପୁର ଠାରେ ଚାଲୁ କରାଯାଇଥିବା ଅନୁଷ୍ଠାନ ଗ୍ରାମ ତରଙ୍ଗ ଏମପ୍ଲବିଲିଟି ଟ୍ରେନିଙ୍ଗ ସେଣ୍ଟର । ଏହାର ପୂର୍ବ ତଥ୍ୟାବଳୀ ତଥା ପରଦା ପଛର କାହାଣୀ କୁ କହିବାକୁ ଗଲେ ଏହାର ଭିତରକୁ ଯିବାକୁ ହେବ । ହୁଏତ ବର୍ତ୍ତମାନ କେବଳ ଏତିକି ଜାଣିଲେ ହେବ ଗୁଣପୁର ଜି.ଆଇ.ଇ.ଟି ୟୁନିଭର ସିଟି କର୍ତ୍ତୃପକ୍ଷ ତଥା କମିଟି ସଦସ୍ୟ ଙ୍କ ଦ୍ୱାରା ଏହା ପରିଚାଳିତ । ଭିତିରି କଥା ଅନେକ ଥିଲେବି ଏହା ମଧ୍ୟ କୁ ଯିବା ପୂର୍ବରୁ ଦେଖିବା ଏହାର କିଛି ବାହାର ଦୃଶ୍ୟ । ଏହାକୁ ଦେଖି ଜି.ଆଇ.ଇ.ଟି ନିଜର ଏକ ଏନ.ଏସ.ଏସ ସଂଗଠନ ରଖିଥିବା ଦର୍ଶାଇବାକୁ ଯାଇ ଏବଂ ବିଭିନ୍ନ ସମୟରେ ଫଟୋ ପୋଜ ମାଧ୍ୟମରେ ନିଜକୁ ପ୍ରଚାର କରିବାକୁ ଯାଇ ବିଭନ୍ନ ସମୟରେ ବସ ଷ୍ଟାଣ୍ଡ,ରେଳ ଷ୍ଟେସନ ରେ ସଫେଇ କାର୍ଯ୍ୟକ୍ରମ କରୁଥିବା ଚର୍ଚ୍ଚା ଛାଡ଼ୁନି । ଏଠି ଜମିଥିବା ଅଳିଆ କୁ ଦେଖି ଲୋକେ କହିଲେନି ” ଗୋଦରୀ ଲୋ ତୋ ଗୋଡ଼ କୁ ଅନା” ଏହାକୁ ଦେଖିଲେ ଜଣାଯାଏ କର୍ତ୍ତୃପକ୍ଷ ସ୍ୱଚ୍ଛ ଭାରତ ଅଭିଯାନ ପ୍ରତି କେତେ ସଚେତନ । ଏଗୁଡିକ ଦେଖିଲେ ପ୍ରଶ୍ନ ଉଠେ ବୋଧେହୁଏ କେଉଁ ଏକ ଜାତୀୟ ଉତ୍ସବ ରେ ଏହାକୁ ସଫା କରିବା ଆଳରେ ଜି.ଆଇ.ଇ.ଟି ପାଇଁ ଫୋଟ ପୋଜ ଓ ପ୍ରସାର ର ଏହା ମାଧ୍ୟମ ହେବ ନା ଏସବୁ ଆବର୍ଜନା ସ୍ଥାନୀୟ ପୌର ପରିଷଦ କର୍ମଚାରୀ ଙ୍କ ବେପାରୁଆ ମନୋଭାବ ଯୋଗୁଁ ? ଦେଖିବା କୁ ରହିଲା କିଏ ଏଗୁଡିକ ଏଠାରୁ ସଫା କରିବ ଆଉ ରାଜ୍ଯ ସରକାରଙ୍କ ପ୍ରୟୋଜିତ ପରିବେଶ ସ୍ଵଚ୍ଛତା କାର୍ଯ୍ୟକ୍ରମ କେବେ ସଫଳ ହେବ ?

ଲଭ୍, ସେକ୍ସ ଓ ଧୋକାରେ ଫସିଗଲେ ଡାକ୍ତରାଣୀ; ଧୋକାବାଜ ପ୍ରେମିକ ସରକାରୀ କର୍ମଚାରୀ !

!!! କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ପ୍ରତିନିଧି ମିଲନ କହଁର ଙ୍କ ରିପୋର୍ଟ !!!

ଏଥର ସମ୍ଭାଳ (ବାଲିଗୁଡା) – ଲଭ୍, ସେକ୍ସ ଓ ଧୋକା ଜାଲରେ ପଡ଼ିଛନ୍ତି ଜଣେ ଡାକ୍ତରାଣୀ। ଏପରି ଅଭିଯୋଗ ଆସିଛି ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ବ୍ଲକ୍‌ ପ୍ରୋଗ୍ରାମ ମ୍ୟାନେଜରଙ୍କ ନାଁରେ। ଏନେଇ ଥାନାରେ ଅଭିଯୋଗ ହେବା ସତ୍ତ୍ୱେ ପୁଲିସ ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ। କେବଳ ଏଫ୍‌ଆଇଆଇ ଧରି ନିରବଦ୍ରଷ୍ଟା ସାଜିଛି ପୁଲିସ।

ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ବ୍ଲକ ପ୍ରୋଗ୍ରାମ ଅଫିସର(ବିପିଓ) ଅମୂଲ୍ୟ କୁମାର ପାଣିଗ୍ରାହୀ ଜଣେ ଆୟୁଷ ଡାକ୍ତରାଣୀଙ୍କୁ ଭଲ ପାଉଥିଲେ। କଥାବାର୍ତ୍ତା ପରେ ଉଭୟ ପରସ୍ପରର ନିକଟତର ହୋଇଥିଲେ। ଏପରିକି ମେଡିକାଲ୍‌ ସମସ୍ତ କାର୍ଯ୍ୟକ୍ରମରେ ଦୁଇ ଜଣଙ୍କୁ ଦେଖିବାକୁ ମିଳୁଥିଲେ। ଏହାର ସୁଯୋଗ ନେଇ ଡାକ୍ତରାଣୀଙ୍କ ସହିତ ବିପିଓ ଶାରୀରିକ ସମ୍ପର୍କ ରଖିଥିଲେ। ୨୦୧୭ରୁ ଉଭୟ ପରସ୍ପରକୁ ଭଲ ପାଉଥିଲେ।

ତେବେ ଗତ କିଛି ଦିନ ହେବ ବିପିଓ ଶ୍ରୀ ପାଣିଗ୍ରାହୀ ଆୟୂଷ ଡାକ୍ତରାଣୀଙ୍କଠାରୁ ଦୂରାଇ ଯାଉଥିଲେ। ଏ ସମ୍ପର୍କରେ ଡାକ୍ତରାଣୀ ଜାଣିପାରି ବିବାହ କରିବାକୁ ଜିଦ୍‌ ଧରିଥିଲେ। ମାତ୍ର ଶ୍ରୀ ପାଣିଗ୍ରାହୀ ତାଙ୍କ କଥାକୁ ଏଡାଇ ଚାଲିଥିଲେ। ତେବେ ବାଧ୍ୟ କରିବାରୁ ତୁମେ ଛୋଟ ଜାତିରେ ହୋଇଥିବାରୁ ବାହା ହେବା ସମ୍ଭବପର ନୁହେଁ ବୋଲି ଶ୍ରୀ ପାଣିଗ୍ରାହୀ ରୋକ୍‌ଠୋକ୍‌ ଶୁଣାଇ ଦେଇଥିଲେ। ଯାହାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ତେବେ ଯେତେବେଳେ କଥା ଉଗ୍ରରୂପ ଧାରଣ କରିଥିଲା, ସେତେବେଳେ ଶ୍ରୀ ପାଣିଗ୍ରାହୀ ବିବାହ କରିବାକୁ ରାଜି ହୋଇଥିଲେ। ଏପରିକି ଏକ ପ୍ଲେନ୍‌ ପେପରରେ ଲିଖିତ ପ୍ରତିଶ୍ରୁତି ଦେଇଥିଲେ।

ତେବେ ୧୬ ତାରିଖରୁ ଶ୍ରୀ ପାଣିଗ୍ରାହୀ କେଉଁଆଡ଼େ ଫେରାର ହୋଇଯାଇଥିଲେ। ତାଙ୍କ ମୋବାଇଲ୍‌ ବନ୍ଦ କରିଦେଇଥିଲେ।  ଚାରିଆଡ଼େ ଖୋଜି ନିରାଶ ହେବା ପରେ ଡାକ୍ତରାଣୀ ଗତ ୧୭ ତାରିଖରେ ଏନେଇ ଦାରିଙ୍ଗବାଡ଼ି ଥାନାରେ ଲିଖିତ ଅଭିଯୋଗ କରିଥିଲେ। ଇତି ମଧ୍ୟରେ ୫ ଦିନ ବିତିଗଲାଣି। ହେଲେ ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ଅଭିଯୋଗ ହୋଇଛି।

ପୁଲିସଠାରୁ ନିରାଶ ହେବା ପରେ ଡାକ୍ତରାଣୀ ଏନେଇ ଗଣମାଧ୍ୟମର ଆଶ୍ରୟ ନେଇଛନ୍ତି। ନ୍ୟାୟ ନମିଳିଲେ ଆତ୍ମହତ୍ୟା କରିବେ ବୋଲି ଚେତାବନୀ ଦେଇଛନ୍ତି।  

ବିଜୁ ଯୁବ ବାହିନୀ ଓ ଆମ ପୋଲିସ ସମିତି ର ମିଳିତ ଆନୁକୁଲ୍ୟ ରେ ସଡ଼କ ସୁରକ୍ଷା ଅଭିଯାନ ସଚେତନତା କାର୍ଯ୍ୟକ୍ରମ ” ରକ୍ଷକ ” ଅନୁଷ୍ଠିତ !

!!! କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ପ୍ରତିନିଧି ମିଲନ୍ କହଁର ଙ୍କ ରିପୋର୍ଟ !!!

ଏଥର ସମ୍ଭାଳ (ବାଲିଗୁଡା) – କନ୍ଧମାଳ ଜିଲ୍ଲା ବାଲିଗୁଡ଼ା ବ୍ଲକ ଅନ୍ତର୍ଗତ ବାରଖମା ପଞ୍ଚାୟତ ତରଫରୁ ସଡ଼କ ସୁରକ୍ଷା ଅଭିଯାନ କାର୍ଯ୍ୟକ୍ରମ ବିଜୁ ଯୁବ ବାହିନୀ ପକ୍ଷରୁ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ବାଲିଗୁଡ଼ା ଥାନା ଭାରପ୍ରାପ୍ତ ଅଧିକାରୀ ଶ୍ରୀ ପ୍ରଶାନ୍ତ କୁମାର ବେହେରା ମୁଖ୍ୟ ଅତିଥି ରୂପେ ଯୋଗଦେଇଥିଲେ ।ଏହି ଅବସର ରେ ଆୟୋଜିତ ଏକ ଶୋଭାଯାତ୍ରା କାର୍ଯ୍ୟକ୍ରମ ରେ ଜନସାଧାରଣ ଗାଡ଼ି ଚଳାଇବା ବେଳେ ହେଲମେଟ ବ୍ୟବହାର କରିବା, ସବୁ ସମୟରେ ଗାଡ଼ିର କାଗଜ ପତ୍ର ସର୍ବଦା ନିଜ ପାଖରେ ରଖିବା ସହ ଜନସାଧାରଣଙ୍କୁ ରାସ୍ତା ର ଦୁଇ ପାଖ ଦେଖି ସାରି ଠିକ ଭାବରେ ଚାଲିବା ଓ ରାସ୍ତା ପାର କରିବା ଏବଂ ଯଦି କୌଣସି ଜାଗାରେ ଦୁର୍ଘଟଣା ହୁଏ ସଙ୍ଗେ ସଙ୍ଗେ ମେଡିକାଲକୁ ନେଇ ସହଯୋଗ କରିବା ନେଇ ସଚେତନତା କରାଯାଇଥିଲା । ଏହି କାର୍ଯ୍ୟକ୍ରମରେ ବାଲିଗୁଡ଼ା, ବାରଖମା ର ସମସ୍ତ କର୍ମଚାରୀ ଉପସ୍ଥିତ ରହିବା ସହ ବିଜୁ ଯୁବ ବାହିନୀର ସମସ୍ତ ସଭ୍ୟ ଉପସ୍ଥିତ ରହିଥିଲେ ।

ବିଜେପୁର ରେ ରିତା ସାହୁ ଙ୍କ ବମ୍ଫର ବିଜୟ !

ଏଥର ସମ୍ଭାଳ (ବ୍ୟୁରୋ) – ବିଜେପୁର ଉପନିର୍ବାଚନ ପାଇଁ ଗତ 21 ତାରିଖରେ ଭୋଟ ଗ୍ରହଣ ହେଇଥିଲା ଏବଂ ଆଜି ମତଗଣନା । ଆଜି ମତଗଣନା ର ପ୍ରଥମ ରାଉଣ୍ଡରୁ ବିଜୁ ଜନତା ଦଳର ପ୍ରାର୍ଥୀ ଶ୍ରୀମତୀ ରୀତା ସାହୁ ବହୁତ ବେସି ମତ ବ୍ୟବଧାନ ରେ ଆଗୁଆ ରହି ମତ ଗଣନାର ଶେଷ ପର୍ଯନ୍ତ ଆଗୁଆ ଥିଲେ । ଗୋଟେ କଥା ସ୍ପଷ୍ଟ ହେଇଗଲା ଯେ ଯିଏ ଯାହା ବି କହୁ ବିରୋଧୀ ଯେତେବି ପ୍ରଚାର କିମ୍ବା ଅପପ୍ରଚାର କରୁ ମାନ୍ୟବର ମୁଖ୍ୟମନ୍ତ୍ରୀ ଙ୍କର ଗୋଟିଏ ପଦ କଥା ସମସ୍ତଙ୍କୁ ଆକର୍ଷିତ କରିଛି । ଗତ ସାଧାରଣ ନିର୍ବାଚନରେ ବିଜେପୁର ରୁ ମାନ୍ୟବର ମୁଖ୍ୟମନ୍ତ୍ରୀ ପର୍ଥୀ ହେଇଥିଲେ ।ସେ ସମୟରେ ମୁଖ୍ୟ ବିରୋଧୀ ବିଜେପି ପ୍ରାର୍ଥୀଙ୍କୁ ପ୍ରାୟ 54 ହଜାର ଭୋଟ ମିଳିଥିଲା ।କିନ୍ତୁ ଏହି ଉପନିର୍ବାଚନ ରେ ବିରୋଧିଙ୍କର ଅବସ୍ଥା ଅତ୍ୟନ୍ତ ଶୋଚନୀୟ ହେଇପଡିଛି । ସମସ୍ତେ ଏକା ଥରକେ ଚିତ । ଏଠି ଗୋଟେ କଥା ସ୍ପଷ୍ଟ ଯେ ବିଜେଡି କେବଳ ବିଜେପୁର ର ଭିକାଶ କୁ ଗୁରୁତ୍ୱ ଦେଇ ନିର୍ବାଚନ ପ୍ରଚାର କରିଥିବା ବେଳେ ବୀରୋଧିଙ୍କର ମୁଖ୍ୟ ଅସ୍ତ୍ର ଥିଲା ଯେ ମୁଖ୍ୟମନ୍ତ୍ରୀ ବିଜେପୁର ଆସନ ଛାଡି ବିଜେପୁର ବାସୀଙ୍କର ସହିତ ବିଶ୍ଵାସ ଘାତ କରିଛନ୍ତି । କିନ୍ତୁ ବିଜେପୁର ବାସୀ ବିରୋଧି ଙ୍କର ସବୁ କଥାକୁ ସ୍ପଷ୍ଟ ଓ ଦୃଢତାର ସହିତ ପ୍ରତ୍ୟାଖ୍ୟାନ କରିଦେଇଛନ୍ତି । ଗତ ଦୁଇ ଦିନ ପୂର୍ବରୁ ପଶ୍ଚିମ ଓଡ଼ିଶାର ସର୍ବାଧିକ ଲୋକପ୍ରିୟ ଯୁବ ନେତା ତଥା ମନ୍ତ୍ରୀ ଶ୍ରୀ ସୁଶାନ୍ତ ସିଂ କହିଥିଲେ ଯେ ବିଜେପୁର ଉପ ନିର୍ବାଚନ ର ଫଳାଫଳ ଏକ ପାଖିଆ ହେବ ବସ୍ତବରେ ଆଜି ରିଜଲ୍ଟ ପରେ ଏହା ସ୍ପଷ୍ଟ ହେଇଯାଇଛି । ନିଜେ ରୀତା ସାହୁ ମଧ୍ୟ କହିଥିଲେ ଯେ ତାଙ୍କର କୋଣସି ପ୍ରତିଦ୍ବନ୍ଦୀ ନାହାନ୍ତି । ସେ କଥାବି ପ୍ରମାଣିତ ହେଇଗଲା । ମାନ୍ୟବର ମୁଖ୍ୟମନ୍ତ୍ରୀ ଙ୍କର ଠାରୁ ଢେର ଅଧିକ ଭୋଟ ବ୍ୟବଧାନ ରେ ବିଜୟୀ ହେଇଛନ୍ତି ଶ୍ରୀମତୀ ରୀତା ସାହୁ । ବିଜେଡି ର ପ୍ରାର୍ଥୀ ଶ୍ରୀମତୀ ରୀତା ସାହୁ ମୋଟ 1 35 957    ଭୋଟ ପାଇଥିବା ବେଳ ବିଜେପି ପ୍ରାର୍ଥୀ ସନତ ଗଡ଼ତିଆ ଙ୍କୁ 37967  ଓ କଂଗ୍ରେସ ପ୍ରାର୍ଥୀ ଶ୍ରୀ ଦିଲୀପ ପଣ୍ଡା ଙ୍କୁ 5873  ମିଳିଛି ।ସେହିଭଳି ଅଶୋକ ମିତ୍ତଳ ଙ୍କୁ 1019 ଓ ବୃନ୍ଦାବନ ପୁରୋହିତ ଙ୍କୁ 1053 । ରୀତା ସାହୁ ପ୍ରାୟ 98 ହଜାର ଭୋଟ ବ୍ୟବଧାନରେ ଏହି ନିର୍ବାଚନ ରେ ବିଜୟ ହେଇଛନ୍ତି। ଯାହାକି ଓଡ଼ିଶା ବିଧାନସଭା ପାଇଁ ସର୍ବକାଳୀନ ରେକର୍ଡ ।  ବିଜେଡି ର ବିପୁଳ ବିଜୟରେ ବିଜେଡି କର୍ମୀ ଓ କର୍ମକର୍ତ୍ତା  ତଥା ବିଜେପୁର ଅଂଚଳରେ ବର୍ତ୍ତମାନ ଖୁସିର ମହୋଲ । ଏହି ବମ୍ଫର ବିଜୟ ପାଇଁ ଶ୍ରୀମତୀ ରୀତା ସାହୁ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ କୃତଜ୍ଞାତ ଜଣାଇବା ସହିତ ବିଜେପୁର ବାସୀ ଙ୍କୁ ମଧ୍ୟ କୃତଜ୍ଞାତ ଜଣାଇଛନ୍ତି ।

ଗଜପତି ଗସ୍ତ ରେ “ମୋ ସ୍କୁଲ ଅଭିଯାନ” ପ୍ରକଳ୍ପର ରାଜ୍ୟ ଅଧ୍ୟକ୍ଷା ସୁସ୍ମିତା ବାଗଚି…!

!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନୀତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ରାଜ୍ୟରେ ଚାଲିଥିବା “ମୋ ସ୍କୁଲ ଅଭିଯାନ” ପ୍ରକଳ୍ପର ରାଜ୍ୟ ଅଧ୍ୟକ୍ଷା ସୁସ୍ମିତା ବାଗଚି ଆଜି ଗଜପତି ଜିଲ୍ଲା ଗସ୍ତରେ ଆସି ବିଭିନ୍ନ ବିଦ୍ୟାଳୟ ପରିଦର୍ଶନ କରିବା ସହ ଜିଲ୍ଲାରେ “ମୋ ସ୍କୁଲ ଅଭିଯାନ” ପ୍ରକଳ୍ପର ଅଗ୍ରଗତି ସମ୍ପର୍କରେ ଆୟୋଜିତ ଏକ ସମୀକ୍ଷା ବୈଠକରେ ଯୋଗ ଦେଇଥିଲେ ।ଅଧ୍ୟକ୍ଷା ସୁସ୍ମିତା ବାଗଚି ପ୍ରଥମେ ପାରଳାଖେମୁଣ୍ଡି ସ୍ଥିତ ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟ ପରିଦର୍ଶନରେ ଯାଇଥିଲେ । ସେଠାରେ ତାଙ୍କୁ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ , କର୍ମଚାରୀ ଓ ଛାତ୍ର ମାନଙ୍କ ପକ୍ଷରୁ ଭବ୍ୟ ସ୍ବାଗତ କରାଯାଇଥିଲା । ସେଠାରେ ଅଧ୍ୟକ୍ଷା ବାଗଚି ଶ୍ରୀ କୃଷ୍ଣଚନ୍ଦ୍ର ଗଜପତି ମହାରାଜାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ ଏବଂ ପରେ ଛାତ୍ର ମାନଙ୍କ ସହ ପାଠପଢ଼ା ଉପରେ ପଚାରି ବୁଝିଥିଲେ । ପରେ ବିଦ୍ୟାଳୟର ପ୍ରଧାନଶିକ୍ଷକ ଡ଼ଃ ବୃଷ କେତୁ ଦାସଙ୍କ ସମେତ ଶିକ୍ଷକ-ଶିକ୍ଷୟତ୍ରୀ ମାନଙ୍କ ସହିତ ବିଦ୍ୟାଳୟରେ ‘”ମୋ ସ୍କୁଲ ଅଭିଯାନ” କାର୍ଯ୍ୟକ୍ରମ କିଭଳି ଚାଲିଛି , ତାହା ପଚାରି ବୁଝିଥିଲେ । ଏଥିରେ ଜିଲ୍ଲା ଶିକ୍ଷାରେ ଅଧିକାରୀ ପ୍ରଦୀପ କୁମାର ନାଗ , ଜିଲ୍ଲା ବିଜ୍ଞାନ ନିରୀକ୍ଷକ ସାତ୍ମିକ କୁମାର ପଟ୍ଟନାୟକ, ବରିଷ୍ଠ ଶିକ୍ଷକ ବୃନ୍ଦାବନ ରାଓ , କୁମୁଦ ରଞ୍ଜନ ଦାଶ ଏବଂ ଅନ୍ୟାନ୍ୟ ଶିକ୍ଷକ ଶିକ୍ଷୟତ୍ରୀ ମାନେ ଉପସ୍ଥିତ ଥିଲେ । ତା ପରେ ଅଧ୍ୟକ୍ଷା ସୁସ୍ମିତା ବାଗଚି ଜିଲ୍ଲାପାଳଙ୍କ ସମ୍ମିଳନୀ କକ୍ଷ ଠାରେ ଆୟୋଜିତ “ମୋ ସ୍କୁଲ ଅଭିଯାନ’ ପ୍ରକଳ୍ପର ସମୀକ୍ଷା ବୈଠକରେ ଯୋଗ ଦେଇଥିଲେ । ଜିଲ୍ଲାରେ “ମୋ ସ୍କୁଲ ଅଭିଯାନ” କାର୍ଯ୍ୟକ୍ରମ କିଭଳି ଚାଲିଛି ଏବଂ ଟାୱାର ଅଗ୍ରଗତି କେତେଦୂର ଏବଂ କ’ଣ ସବୁ ହୋଇଛି ତାହା ସମସ୍ତ ଉପସ୍ଥିତ ଅଧିକାରୀ ମାନଙ୍କୁ ପଚାରି ବୁଝିଥିଲେ । ପ୍ରଧାନଶିକ୍ଷକ ଓ ଗୋଷ୍ଠୀ ଶିକ୍ଷାରେ ଅଧିକାରୀ ମାନଙ୍କୁ ଆଉ ଟିକିଏ ଏ ଦିଗରେ ଅଧିକ ଭଲ ସଚେତନ କରି ମୋ ସ୍କୁଲ ଅଭିଯାନ କାର୍ଯ୍ୟକ୍ରମରେ ଅଧିକରୁ ଅଧିକ ଅଂଶଗ୍ରହଣ କରିବା ପାଈଁ ସୁଯୋଗ ଦେବାକୁ କହିଥିଲେ । ଅନ୍ୟ ପକ୍ଷରେ ଯେଉଁ ସ୍କୁଲ ଗୁଡ଼ିକ ଏହି ଅଭିଯାନ କାର୍ଯ୍ୟକ୍ରମରେ ସାମିଲ ହୋଇ ପାରିନାହାନ୍ତି, ସେମାନଙ୍କୁ ସାମିଲ କରାଯାଇ ଶିକ୍ଷା ଓ ଶିକ୍ଷାଦାନର ମାନ ବଢ଼ାଇବାକୁ କହିଥିଲେ । ଏଥି ସହିତ ମୋ ସ୍କୁଲ ପୋର୍ଟାଲ ରେ ଜିଲ୍ଲାର ସମସ୍ତ ବିଦ୍ୟାଳୟକୁ ପଞ୍ଜିକରଣ କରିବାପାଇଁ କହିଥିଲେ ଏବଂ ଏଥିରେ ଅଧିକରୁ ଅଧିକ ପୂରାତନ ଛାତ୍ରଛାତ୍ରୀ ମାନଙ୍କୁ ଜଡ଼ିତ କରିବାପାଇଁ କହିଥିଲେ । ଏହି ସମୀକ୍ଷା ବୈଠକରେ ଜିଲ୍ଲାପାଳ ଅନୁପମ ଶାହା , ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗ , ଆଇଟିଡିଏ ପ୍ରକଳ୍ପ ପ୍ରଶାସକ ଶେଷଦେବ ମିଶ୍ର , ମୋ ସ୍କୁଲ ଅଭିଯାନର ରାଜ୍ୟ ପ୍ରକଳ୍ପ ସଂଯୋଜକ ଅମର ଜିତ୍ ସେନ ଏବଂ ପଲ୍ଲିଶ୍ରୀ , ଜିଲ୍ଲା ବିଜ୍ଞାନ ନିରୀକ୍ଷକ ସାତ୍ମିକ ପଟ୍ଟନାୟକଙ୍କ ସମେତ ଜିଲ୍ଲାର ସମସ୍ତ ବ୍ଲକର ବିଇଓ-ଏବିଇଓ ଓ ପ୍ରଧାନଶିକ୍ଷକ ମାନେ ଯୋଗ ଦେଇଥିଲେ । ପରେ ଅଧ୍ୟକ୍ଷା ସୁସ୍ମିତା ବାଗଚି , ସାମ୍ବାଦିକ ମାନଙ୍କୁ ଅଧିକ ସୂଚନା ଦେଇ କହିଥିଲେ ଯେ , ” ମୋ ସ୍କୁଲ ଅଭିଯାନ” କାର୍ଯ୍ୟକ୍ରମ ଗଜପତି ଜିଲ୍ଲାରେ ବହୁତ ଭଲ ଚାଲିଛି । ଏହି ” ମୋ ସ୍କୁଲ ଅଭିଯାନ” ପ୍ରକଳ୍ପ କାର୍ଯ୍ୟକ୍ରମ ଗତ ୨୦୧୭ ମସିହା ନଭେମ୍ବର ୧୪ରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟରେ ଆରମ୍ଭ ହେବାର ଘୋଷଣା କରିଥିଲେ । ଯେଉଁ କେତେ ଗୁଡିଏ ସ୍କୁଲ ଏହି କାର୍ଯ୍ୟକ୍ରମରେ ଜଡ଼ିତ ହୋଇଛନ୍ତି , ସେମାନଙ୍କ ଏ ଦିଗରେ ସମ୍ପୁର୍ଣ୍ଣ ଆଗ୍ରହ ପ୍ରକାଶ ରଖି କାର୍ଯ୍ୟ କରି ଚାଲିଥିବା ଯୋଗୁଁ , ସେମାନଙ୍କ ଏ ଦିଗରେ ପ୍ରଶଂସା କରିବାର ଅନେକ ଯଥାର୍ଥତା ରହିଛି । ଏମିତି କି ସେମାନେ କ’ଣ ସବୁ ସେବା-କାର୍ଯ୍ୟ ଓ ଅନ୍ୟାନ୍ୟ ସବୁ କରିଛନ୍ତି ସେହି ସମସ୍ତ ତଥ୍ୟ ଆମ ପାଖରେ ପହଞ୍ଚି ଯାଉଛି । ଏହି ଗତ ମାର୍ଚ୍ଚ ମାସ ପର୍ଯ୍ୟନ୍ତ ମୋ ସ୍କୁଲ ଅଭିଯାନରେ ଆମକୁ ଯେଉଁ ଅନୁଦାନ ଆସିଛି ତାହା ୩୪ କୋଟି ଟଙ୍କା ଏବଂ ସରକାରଙ୍କ ପକ୍ଷରୁ ଏ ଦିଗରେ ଦିଆ ଯାଇଥିବା ମେଚିଙ୍ଗ ଗ୍ରାଣ୍ଟ ୬୮ କୋଟି ଟଙ୍କା । ଏହି ସମୁଦାୟ ୧୦୨ କୋଟି ଟଙ୍କା କେବଳ ପୂରାତନ ଛାତ୍ରଛାତ୍ରୀ ଓ ସମାଜର ବଦାନ୍ୟ ବ୍ୟକ୍ତି ମାନଙ୍କ ଦ୍ବାରା ହିଁ ସମ୍ଭବ ହୋଇଛି । ଏତଦ୍ ବ୍ୟତିତ , ଅନ୍ୟ ଯେଉଁ ସବୁ ବିକାଶ ମୂଳକ କାର୍ଯ୍ୟ ସବୁ ହୋଇଛି , ତାହା ମୁଁ ଏଠାକୁ ପରିଦର୍ଶନରେ ନ ଆସିଥିଲେ କଦାପି ଜାଣିପାରି ନ ଥାନ୍ତି । ଏଥିରେ ପୂରାତନ ଛାତ୍ରଛାତ୍ରୀ ଓ ସମାଜର ବଦାନ୍ୟ ଗୋଷ୍ଠୀ ଯେଉଁଭଳି ଭାବେ ଆର୍ଥିକ ସହାୟତା ଓ ବିଭିନ୍ନ ସେବା ଦେଇ ଜଡ଼ିତ ହୋଇଛନ୍ତି ତାହା ଅତ୍ୟନ୍ତ ପ୍ରଶଂସନୀୟ ଓ ଏହାର ତୁଳନା ନାହିଁ । ଏସବୁ ସହିତ ଏହି ଯେଉଁ ସ୍ବତନ୍ତ୍ର ଉଦ୍ୟମ ଓ ପଦକ୍ଷେପ କୁ ଆଗକୁ ଆହୁରି ବଢାଇବାର ଆବଶ୍ୟକତା ରହିଛି । ପରିଦର୍ଶନ ବେଳେ ବିଦ୍ୟାଳୟରେ ପିଲା ମାନଙ୍କୁ ଦେଖିଲି , ସେମାନେ ମୋ ପାଖକୁ ଚାଲିଆସି କଥା ହେଲେ , ପିଲା ମାନଙ୍କ ଠାରୁ ଆମକୁ ସେହିଟା ହିଁ ଦରକାର ବୋଲି କହିଥିଲେ ।ଗଜପତି ଜିଲ୍ଲାରେ ଜିଲ୍ଲାପାଳ ଅନୁପମ ଶାହା, ନିଜସ୍ୱ ଢାଞ୍ଚାରେ ଶିକ୍ଷାର ମାନ ବଢାଇବା ଓ ଶିକ୍ଷକ ଅଭାବ ସମାଧାନ ପାଇଁ ଆରମ୍ଭ କରିଥିବା “ଟିଚ୍-ଗଜପତି” ସମ୍ପର୍କରେ ଅଧ୍ୟକ୍ଷା ସୁସ୍ମିତା ବାଗଚି କହିଥିଲେ ଯେ , ଏହା ଏକ ଅନନ୍ୟ ପ୍ରକଳ୍ପ , ଏ ଦିଗରେ ଅନ୍ୟ ଜିଲ୍ଲା ପାଇଁ ଉଦାହରଣ ଓ ପ୍ରେରଣା-ଦାୟକ । ଏହିଭଳି କାର୍ଯ୍ୟକ୍ରମ ଓଡିଶାର ପ୍ରତ୍ୟେକ ଜିଲ୍ଲାରେ “ଟିଚ୍” ନାମରେ ନିଜ-ନିଜର ଜିଲ୍ଲାର ନାମ ସଂଯୁକ୍ତ କରି ଆରମ୍ଭ କରିବା ଉଚିତ । ମାଟ୍ରିକରେ ପାସ ହାର କମି ଯାଉଥିବା ଏବଂ ଏହି ସମସ୍ୟାକୁ ସୁଧାରିବା ସମ୍ପର୍କରେ ସେ କହିଥିଲେ ଯେ , ଏହି ବିଷୟରେ ମୁଁ ଜିଲ୍ଲାପାଳ ଓ ଜିଲ୍ଲା ଶିକ୍ଷାରେ ଅଧିକାରୀଙ୍କ ସହିତ ବିଶେଷ ଆଲୋଚନା କରିଛି । ଏମିତି ପାସ ହାର କମି ଯାଉଥିବା ଏବଂ ଏହାକୁ ସୁଧାରିବା ଦିଗରେ କଟକ ଜିଲ୍ଲାରେ ମଧ୍ୟ ଏକ ପ୍ରକଳ୍ପ “ମିଶନ ଜିରୋ ଏଫ” ଆରମ୍ଭ ହୋଇଛି । ଏହି କାର୍ଯ୍ୟକ୍ରମ ଦ୍ବାରା କେହି ଫେଲ ହେବେ ନାହିଁ । ଆଉ ତାହା ସେମାନେ ସେହି ” ମିଶନ ଜିରୋ ଏଫ” କୁ ମୋ ସ୍କୁଲ ଅଭିଯାନ ସହିତ ମିଶାଇ କରୁଛନ୍ତି , ଭଲ ସଫଳତାର ସହ ଆଗେଇ ଚାଲିଛି । ଏହି ଗଜପତି ଜିଲ୍ଲାରେ ମଧ୍ୟ କଟକ ଜିଲ୍ଲା ଭଳି “ମିଶନ ଜିରୋ ଏଫ” କାର୍ଯ୍ୟକ୍ରମ ଆରମ୍ଭ କରିବାକୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମ ଆରମ୍ଭ ଓ କାର୍ଯ୍ୟକାରିତା ହେଲେ ନିଶ୍ଚିତ ଭାବେ ପିଲାମାନଙ୍କ ପାଶ ହାର ବଢିବା ସହ ପିଲା ମାନେ ଭଲ ନମ୍ବର ରଖି ଉତ୍ତୀର୍ଣ୍ଣ ହେବେ ବୋଲି କହିଥିଲେ ।

ବିଶ୍ବ ଆୟୋଡିନ୍ ଅଭାବ ଜନିତ ଅସୁସ୍ଥତା ଦିବସ ପାଳନ…!

!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନୀତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ପରିସରରେ ଥିବା ଜିଲ୍ଲା ପ୍ରଶିକ୍ଷଣ ୟୁନିଟ କେନ୍ଦ୍ରରେ ଜିଲ୍ଲା ସ୍ବାସ୍ଥ୍ୟ ସମିତି ପକ୍ଷରୁ ଜିଲ୍ଲା ସ୍ତରୀୟ “ବିଶ୍ବ ଆୟୋଡିନ୍ ଅଭାବ ଜନିତ ଅସୁସ୍ଥତା ଦିବସ” ପାଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଏକ ସଚେତନତା ଶୋଭାଯାତ୍ରା ଜିଲ୍ଲା ମୁଖ୍ୟ ଚିକିତ୍ସାଧିକାରୀ କାର୍ଯ୍ୟାଳୟ ପରିସରରୁ ବାହାରି ନଗର ପରିକ୍ରମା କରିଥିଲେ । ଏହି ସଚେତନତା ଶୋଭାଯାତ୍ରାଟିକୁ ସିଡ଼ିଏମଓ ଡାଃ. ଗୁନୁରାଣୀ ପଟ୍ଟନାୟକ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ପ୍ରଶିକ୍ଷଣ ୟୁନିଟର ପ୍ରିନ୍ସିପାଲ ଟ୍ୟୁଟର ସୁଫଳା ବେହେରା , ଏଡିପିଏଚଓ ଡାଃ ପ୍ରଦୀପ କୁମାର ପାତ୍ର , ଏଡିପିଏଚସିଓ. ସୁଧୀର କୁମାର ଜେନା , ଡିପିଏମ. ସୌମ୍ୟା ଗୌଡ ପ୍ରମୁଖ ଉପସ୍ଥିତ ଥିବା ବେଳେ ଏହି ଶୋଭାଯାତ୍ରା କୁ ଆଇଡିଏସପି.ତୁଷାର କୁମାର ପଟ୍ଟନାୟକ , ଗୁରୁ ପ୍ରସାଦ ପଟ୍ଟନାୟକ ଓ ସନ୍ତୋଷ କାର୍ଝା ପ୍ରମୁଖ ପରିଚାଳନା ଓ ସହଯୋଗ କରିଥିଲେ । ଏହି ଶୋଭାଯାତ୍ରାରେ ଆଶା କର୍ମୀ , ଏଏନଏମ ଓ ପ୍ରଶିକ୍ଷଣ ୟୁନିଟ୍ ର ଛାତ୍ରୀ ମାନେ ବିଭିନ୍ନ ସଚେତନତା ମୂଳକ ସ୍ଲୋଗାନ ମାନ ଦେଇ ନଗର ପରିକ୍ରମା କରିଥିଲେ ।ଏହି ପରିପ୍ରେକ୍ଷୀରେ ଜିଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟର ଜିଲ୍ଲା ପ୍ରଶିକ୍ଷଣ ୟୁନିଟ୍ ଠାରେ ଏକ ଦସ୍ତଖତ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହା ପରେ ଜିଲ୍ଲା ପ୍ରଶିକ୍ଷଣ ୟୁନିଟ କେନ୍ଦ୍ର ଠାରେ ଆୟୋଜିତ ଏକ ସଚେତନତା ସଭା କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାଃ .ଗୁନୁରାଣୀ ପଟ୍ଟନାୟକ ଅଧ୍ୟକ୍ଷତା କରି ଉଦ୍ ବୋଧନ ଦେଇ ଡାଃ ପଟ୍ଟନାୟକ କହିଥିଲେ ଯେ , ଶରୀର ଆବଶ୍ୟକ କରୁଥିବା ଅଣୁ-ପୋଷାକ ମାନଙ୍କ ମଧ୍ୟରୁ ଆୟୋଡିନ୍ ପ୍ରମୁଖ ହୋଇଥାଏ । ମାନସିକ ଅନଗ୍ରସରତା ଓ ମସ୍ତିଷ୍କ ବିକୃତ ସମସ୍ୟାର ମଧ୍ୟ ମୁଖ୍ୟ କାରଣ ହୋଇଥାଏ । ଆୟୋଡିନ୍ ଅଭାବ ମଧ୍ୟ ଶିଶୁ ମୃତ୍ୟୁ , ଗର୍ଭପାତ ଏବଂ ମୃତ ଶିଶୁ ସମ୍ଭାବନା ବୃଦ୍ଧି କରିଥାଏ । ଆୟୋଡିନ୍ ଅଭାବରେ ଶରୀରରେ ଦେଖା ଯାଉଥିବା ରୋଗ ସମସ୍ୟା ଏହାର ପ୍ରତିଷେଧକ ଓ ସତର୍କତା ଉପରେ ଜନ ସଚେତନତା ସୃଷ୍ଟି କରିବା ସହ ଆୟୋଡିନ୍ ଅଭାବ ଜନିତ ଅବ୍ୟବସ୍ଥା ଓ ଅସୁସ୍ଥତା ହ୍ରାସ କରାଇ ପ୍ରତ୍ୟେକ ଜନ-ସାଧାରଣ କିଭଳି ଶତ-ପ୍ରତିଶତ ଆୟୋଡିନ୍ ଯୁକ୍ତ ଲୁଣ ଖାଦ୍ୟ-ପେୟରେ ବ୍ୟବହାର କରିବେ ଏହାହିଁ ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ ଅଟେ ବୋଲି କହିଥିଲେ ।ଅନ୍ୟ ମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ଏଡିପିଏଚଓ:- ଡାଃ ଭି. ଲୋକନାଥ ରାଜୁ , ଏଡିପିଏଚଓ-ଡାଃ ପ୍ରଦୀପ କୁମାର ପାତ୍ର ଏବଂ କର୍କଟ ରୋଗ-ଡାକ୍ତର ଆନନ୍ଦ ସାମନ୍ତରାୟ ପ୍ରମୁଖ ଯୋଗଦେଇ ଆୟୋଡିନ୍ ଅଭାବ ଜନିତ ସମସ୍ୟାରେ ଦେଶର ଅଧିକାଂଶ ଲୋକେ ଆକ୍ରାନ୍ତ ହୋଇଥାନ୍ତି । ଏହାର ଅଭାବରେ ସ୍ବାସ୍ଥ୍ୟ ଅଭିବୃଦ୍ଧି ରେ ବିଶେଷ ସମସ୍ୟାର କାରଣ ହୋଇଥାଏ । ଏହାର ଅଭାବରେ କ’ଣ ସବୁ ରୋଗ ଦେଖା ଦେଇଥାଏ , ଏହାର ଶରୀରରେ ଲକ୍ଷଣ , ଏହାର ଉପକାରୀତା ଓ ଅପକାରୀତା ପ୍ରଭୃତିର ବିଭିନ୍ନ ଦିଗ ଉପରେ କହି ଶରୀରରେ କୌଣସି ପ୍ରକାର ଅଭିବୃଦ୍ଧିରେ ସମସ୍ୟା ଦେଖାଦେଲେ କି ସନ୍ଦେହ ଜାତ ହେଲେ ତୁରନ୍ତ ଡାକ୍ତରୀ ପରାମର୍ଶ ନେବାକୁ କହିଥିଲେ । ଅନ୍ୟ ପକ୍ଷରେ ଆୟୋଡିନ୍ ଆମ ଶାରୀରିକ ଓ ମାନସିକ ସ୍ବାସ୍ଥ୍ୟର ଅଭିବୃଦ୍ଧି ପାଇଁ କେତେ ମହତ୍ତ୍ୱପୂର୍ଣ୍ଣ ସେ ସମ୍ପର୍କରେ ବୁଝାଇଥିଲେ ।