ଦଲାଲ ଙ୍କ କବଜା ରେ ରାୟଗଡ ଜିଲ୍ଲା ଆର ଟି ଓ କାର୍ଯ୍ୟାଳୟ ?

!!! ରାୟଗଡ ଜିଲ୍ଲା ସ୍ବତନ୍ତ୍ର ପ୍ରତିନିଧି ଦୀପକ କୁମାର ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ (ରାୟଗଡ) – ରାଜ୍ୟ ରେ ଦେଖା ଦେଇଥିବା ଟ୍ରାଫିକ ସମସ୍ୟା କୁ ଦୁର କରିବା ପାଇଁ ରାଜ୍ୟ ସରକାର ତିନି ମାସ ପର୍ଯ୍ୟନ୍ତ ଟ୍ରାଫିକ ନିୟମ କୁ କୋହଳ କରିଛନ୍ତି ଏବଂ ତିନି ମାସ ମଧ୍ୟରେ ସମସ୍ତ ଯାନବାହାନ ଚାଳକ ମାନଙ୍କୁ ନିଜ ନିଜ ର ଲାଇସେନ୍ସ , ପ୍ରଦୂଷଣ ପ୍ରମାଣ ପତ୍ର , ଇନ୍ସୁରାନ୍ସ ଏବଂ ଆର.ସି ବୁକ୍ କରାଇ ନେବାକୁ କହିଛନ୍ତି । ପନ୍ଦର ଦିନ ଭିତରେ ଆର.ଟି.ଓ କାର୍ଯ୍ୟାଳୟ ରେ ଦଲାଲ ମୁକ୍ତ କରିବାକୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ସମସ୍ତ ଜିଲ୍ଲା ର ଆର.ଟି.ଓ ମାନଙ୍କ ସହ ଭିଡ଼ିଓ କନଫ୍ରେନ୍ସଇଂ ମାଧ୍ୟମ ରେ କଥା ହୋଇ ନିର୍ଦ୍ଧେଶ ଦେଇଛନ୍ତି । କିନ୍ତୁ ଆଜ କୁ ବହୁ ବର୍ଷ ହେବ ରାୟଗଡ଼ା। ଜିଲ୍ଲା ସଦର ଅଶୋକ ସିନେମା ହଲ କମ୍ପ୍ଲେକ୍ସ ରେ ଶଙ୍କର ରାଓ ନାମକ ଏକ ଭଦ୍ରବ୍ୟକ୍ତି ବିନା ପଞ୍ଜିକରଣ ଏବଂ ବିନା ଲାଇସେନ୍ସ ରେ ଆର.ଟି.ଓ କାର୍ଯ୍ୟାଳୟ ଖୋଲି ବେପାର ଚଲାଇଥିବା ଅଭିଯୋଗ ହୋଇଛି । ମାନ୍ୟବର ମୁଖ୍ୟମନ୍ତ୍ରୀ ଙ୍କ ଦଲାଲ ମାରଣ ନୀତି କୁ ରାଜ୍ୟ ବାସୀ ଭୁୟସି ପ୍ରଶଂସା କରୁଥିବା ବେଳେ , ଦୀର୍ଘ ବର୍ଷ ଧରି ରାୟଗଡ ଜିଲ୍ଲା ପ୍ରଶାସନ ଓ ପୋଲିସ ବିଭାଗ କୁ ଅନ୍ଧାର ରେ ରଖି ନିଜ ବ୍ୟବସାୟ ଚଲାଇଛନ୍ତି ବୋଲି କୁହାଯାଉଥିବା ଅଭିଯୋଗ ର ସତ୍ୟା ସତ୍ୟ ତଦନ୍ତ କରି ଯଥା ଶୀଘ୍ର ରାୟଗଡ ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକ୍ଷକ ତୁରନ୍ତ ଦୃଢ କାର୍ଯ୍ୟାନୁଷ୍ଠାନ ନେବାକୁ ସାଧାରଣ ରେ ଦାବୀ ହେଉଛି । ଦେଖିବାକୁ ରହିଲା ଆଗାମୀ ଦିନ ରେ ରାୟଗଡ ଜିଲ୍ଲା ଦଲାଲ ମୁକ୍ତ ହେବ ନା ପୁର୍ବ ଭଳି ଦଲାଲ ଙ୍କ କବଜା ରେ ରହିବ ଜିଲ୍ଲା ଆର.ଟି.ଓ କାର୍ଯ୍ୟାଳୟ ।

ଦୁଇ ଦିନରେ ସରକାରୀ ମେଡିକାଲ୍‌ରୁ ଧରାପଡ଼ିଲେଣି ୩୦ ଦଲାଲ୍‌

ଏଥର ସମ୍ଭାଳ ବ୍ୟୁରୋ – ଦୁଇ ଦିନରେ ରାଜ୍ୟର ବିଭିନ୍ନ ମେଡ଼ିକାଲ୍‌ରୁ ଧରାଗଲେଣି ୩୦ ଦଲାଲ। ଏଥିରେ ଭୁବନେଶ୍ୱରରୁ ୪, ସମ୍ବଲପୁର ଭିମ୍‌ସାରରୁ ୫, ବଲାଙ୍ଗିରରୁ ୫, ଭଦ୍ରକରୁ ୪, ମୟୂରଭଞ୍ଜରୁ ୩, ରାଉରକେଲାରୁ ୪, ବାଲେଶ୍ୱରରୁ ୩ ଓ ନବରଙ୍ଗପୁରରୁ ୨ ଦଲାଲ ଅଛନ୍ତି। ଦଲାଲମୁକ୍ତ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ପରେ ଜିଲ୍ଲାପାଳ ଓ ଏସ୍‌ପିମାନେ ଏପରି ଏହି ଚଢଉ କରିଛନ୍ତି।

ସମ୍ୱଲପୁର ବୁର୍ଲା ଭିଏସ୍ଏସ୍ ମେଡିକାଲ କଲେଜ ଓ ହସ୍ପିଟାଲରୁ ୫ ଜଣ ଦଲାଲ ଗିରଫ ହୋଇଛନ୍ତି। ଗିରଫ ଦଲାଲଙ୍କ ଭିତରୁ ଜଣଙ୍କ ଘର ସମ୍ବଲପୁର ସହରରେ ହୋଇଥିବା ବେଳେ ଅନ୍ୟ ୪ ଜଣଙ୍କ ଘର ବୁର୍ଲାରେ। ଏଠାକୁ ଆସୁଥିବା ରୋଗୀଙ୍କୁ ଭୁଆଁ ବୁଲାଇ ଏମାନେ ଘରୋଇ ନର୍ସିଂହୋମକୁ ପଠାଉଥିବା ନେଇ ସୂଚନା ମିଳିଛି।

ଏପଟେ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରୁ ଧରାପଡିଛନ୍ତି ୫ ଦଲାଲ। ଏମାନଙ୍କୁ ଧରିବା ପାଇଁ ସାଧା ପୋଷାକରେ ହସ୍‌ପିଟାଲ ପରିସରରେ ଜଗି ରହିଥିଲେ ପୁଲିସ। ସରକାରୀ ଡାକ୍ତରଖାନାରୁ ଘରୋଇ ନର୍ସିଂ ହୋମ୍‌ ଓ ଘରୋଇ କ୍ଳିନିକକୁ କିଏ ରୋଗୀଙ୍କୁ ଡାକି ନେଉଛି? କିଭଳି ଢଙ୍ଗରେ ନିଆଯାଉଛି? ତାହା ଉପରେ ତୀକ୍ଷ୍ଣ ନଜର ରଖିଛି ପୁଲିସ। ଏହା ସତ୍ତ୍ୱେ ଦଲାଲମାନେ ସେମାନଙ୍କ କାୟା ବିସ୍ତାର କରୁଥିଲେ। ଆଉଟ୍‌ଡୋର ଟିକେଟ୍‌ ନେଇ ନିଜକୁ ରୋଗୀ ବୋଲି କହି ଚାଲି ଯାଉଥିବା ବେଳେ ପୁଲିସ ହାତରେ ଧରାପଡ଼ିଥିଲେ ଦଲାଲ। ଏହି ଚଢଉରେ ଜିଲ୍ଲାପାଳ ଓ ଏସ୍‌ପି ସାମିଲ ଥିଲେ। ଏଥିରେ ନର୍ସିଂହୋମ କିମ୍ବା ଆଉ କାହାର ସଂପୃକ୍ତି ଥିଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ପୁଲିସ ଅଧିକାରୀ।

ଏପଟେ କ୍ୟାପିଟାଲ ହସ୍ପିଟାଲରୁ ଧରାପଡିଥିବା ୪ ଦଲାଲଙ୍କ ମଧ୍ୟରୁ ୩ ଜଣ ମେଡିସିନ୍‌ ରିପ୍ରେଜେଣ୍ଟିଭ(ଏମ୍‌ଆର୍‌) ଅଛନ୍ତି। ଆଗକୁ ଏମ୍‌ଆରଙ୍କ ପ୍ରବେଶ ଉପରେ ମଧ୍ୟ ନିଷେଧାଦେଶ ଜାରି କରିଛନ୍ତି ହସ୍ପିଟାଲ ନିର୍ଦ୍ଦେଶକ। ଯଦି ଡାକ୍ତରଙ୍କ ଲିଙ୍କ ବାହାରିଲେ ମଧ୍ୟ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି କ୍ୟାପିଟାଲ୍‌ ହସ୍ପିଟାଲ୍‌ ନିର୍ଦ୍ଦେଶକ ଅଶୋକ ପଟ୍ଟନାୟକ କର୍ତ୍ତୃପକ୍ଷ।

ଅପରପଟେ ଏହି ଅଭିଯାନକୁ ଆଗକୁ କଡାକଡି କରାଯିବ ବୋଲି କହିଛନ୍ତି ପୁଲିସ କମିଶନର ସୁଂଧାଶୁ ଷଡ଼ଙ୍ଗୀ।

ବାରମ୍ବାର ଦାବି କଲେ ବି ଶୁଣିଲାନି ବିଦ୍ୟୁତ ବିଭାଗ

ଏଥର ସମ୍ଭାଳ (ବରଗଡ) – ପଦ୍ମପୁର ଉପଖଣ୍ଡ କପିସିଲା ଗ୍ରାମ ରେ ଲଗାଯାଇଥିବା ଷ୍ଟ୍ରିଟ ଲାଇଟ ଗୁଡିକ ର ଆର୍ଥିଙ୍ଗ ଠିକ ଭାବରେ ନ ହୋଇଥିବାରୁ ଖୋଲାରେ ବିଦ୍ୟୁତ ପାସ ହେଉଛି। ଏଣୁ ଆଜି ସକାଳୁ କପିସିଲା ଗ୍ରାମର ରାଜୁ ରଣାଙ୍କ ଗାଈ ଚରିବା ପାଇଁ ଯାଉ ଥିବା ବେଳେ ବର୍ଷା ପାଣି ଯୋଗୁ ଏହି ବିଦ୍ୟୁତ ଖୁଣ୍ଟର ସଂସ୍ପର୍ଶ ରେ ଆସି ଯାଇଥିଲେ। କୌଣସି ମତେ ଦୁଇଟି ଗାଈ ଙ୍କୁ ରକ୍ଷା କରିଥିଲେ ମଧ୍ୟ ଆଉ ଗୋଟିଏ ଗାଈର ଘଟଣା ସ୍ଥଳରେ ମୃତ୍ୟୁ ହୋଇଥିଲା। ଏଣୁ ଏହି ଖୁଣ୍ଟ ବିଷୟରେ ବାରମ୍ବାର ବିଦ୍ୟୁତ ବିଭାଗକୁ ଅଭିଯୋଗ କଲେ ମଧ୍ୟ କେହି ଶୁଣୁ ନାହାନ୍ତି ବୋଲି କହିଛନ୍ତି ଗ୍ରାମବାସୀ। ଏହା ସହ ଆଜି ପଶୁର ଯେପରି ଦୁର୍ଦ୍ଦଶା ହୋଇଛି କାଲି  ଯଦି କୌଣସି ମଣିଷର ହୁଏ ତେବେ ଦାୟିତ୍ବ କାହାର ହେବ ବୋଲି ଯୁକ୍ତି ବଢ଼ିଛନ୍ତି ଗ୍ରାମବାସୀ।

ବିଡ଼ିଓଙ୍କ ହସ୍ତକ୍ଷେପ ପରେ ସମାଧାନ ହେଲା ବିବାଦ : ଦୁଇ ମାସ ପରେ ଖୋଲିଲା ଅଙ୍ଗନବାଡ଼ି ସେଣ୍ଟର

!!! ପଶ୍ଚିମ ଓଡିଶା ଯୋନ୍ ମୁଖ୍ୟ ଏମ ଶ୍ରୀକାନ୍ତ ଙ୍କ ରିପୋର୍ଟ !!!

ଏଥର ସମ୍ଭାଳ (ବରଗଡ) :- ବରଗଡ ଜିଲ୍ଲା ପାଇକମାଲ ବ୍ଲକ ଚରଦାପାଳି ଗ୍ରାମପଞ୍ଚାୟତ ଅନ୍ତର୍ଗତ ଚଙ୍ଗରିଆ ଗ୍ରାମର ଅଙ୍ଗନବାଡି ସେଣ୍ଟର ଗତ ପ୍ରାୟ 2 ମାସ କାଳ ବନ୍ଦ ରହିବା ପରେ ଆଜି ପାଇକମାଲ ବିଡ଼ିଓ ଶ୍ରୀ ସଦାଶିବ ନାୟକ ଓ ଗ୍ରାମବାସୀ ମାନଙ୍କ ମଧ୍ୟରେ ଏକ ଲମ୍ବା ଆଲୋଚନା ପରେ ଅଙ୍ଗନବାଡି ସେଣ୍ଟର ଖୋଲିଥିଲା । 

        ପ୍ରାପ୍ତ ସୂଚନା ଅନୁସାରେ ଚଙ୍ଗରିଆ ଗ୍ରାମରେ ଥିବା ଅଙ୍ଗନବାଡି ସେଣ୍ଟର ର ସହାୟିକାଙ୍କର ସହିତ ଗ୍ରାମବାସୀ କୋଣସି କଥାକୁ ନେଇ ବିବାଦ ବଢି ଯିବାରୁ ଗ୍ରାମବାସୀ ମାନେ ସହାୟିକା ଙ୍କୁ ବରଖାସ୍ତ କରିବା ଦାବିରେ ଅଙ୍ଗନବାଡି ସେଣ୍ଟର କୁ ତାଲା ବନ୍ଦ କରିଦେଇଥିଲେ । ଅଙ୍ଗନବାଡି ସେଣ୍ଟର ରେ ତାଲା ପଡିଥିବା ଜାଣିବା ପରେ ଆଜି ବିଡ଼ିଓ ଶ୍ରୀ ନାୟକ, WEO ଶ୍ରୀ ଗୁରୁ ଚରଣ ଦାସ ପ୍ରମୁଖ ଚଙ୍ଗରିଆ ଗ୍ରାମବାସୀ ଙ୍କର ସହିତ ପ୍ରାୟ ଚାରିଘଣ୍ଟା ମାରାଥନ ଆଲୋଚ କରିଥିଲେ | ପରେ ବିଡିଓ ଙ୍କର ଅନୁରୋଧ ରକ୍ଷା କରି ଗ୍ରାମବାସୀ ଓ ସହାୟିକା ଙ୍କର ମଧ୍ୟରେ ବୁଝାମଣା ହେବାପରେ ସେଣ୍ଟରର ତାଲା  ଖୋଲିଥିଲେ । ବହୁ ଦିନ ପରେ ବିଡ଼ିଓ ଶ୍ରୀ ନାୟକ ଗ୍ରାମକୁ ପହଂଛି ସମସ୍ୟା ର ସମାଧାନ କରିଥିବାରୁ ଗ୍ରାମବାସୀ ମାନେ ବିଡ଼ିଓ ଶ୍ରୀ ନାୟକ ଙ୍କୁ ଧନ୍ୟବାଦ ଅର୍ପଣ କରିଛନ୍ତି ।

ଜି.ଆଇ.ଇ.ଟି ୟୁନିଭର୍ସିଟି ଗୁଣପୁର ପକ୍ଷରୁ ମେଘା ରକ୍ତଦାନ ଶିବୀର ଅନୁଷ୍ଠିତ !

!!! ରାୟଗଡ଼ା ଜିଲ୍ଳା ସ୍ୱତନ୍ତ୍ର ପ୍ରତିନିଧି ଦୀପକ କୁମାର ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ଜି.ଆଇ.ଇ.ଟି ୟୁନିଭର୍ସିଟି ଗୁଣପୁର ପକ୍ଷରୁ ମେଘା ରକ୍ତଦାନ ଶିବୀର ଅନୁଷ୍ଠିତ ହୋଇଯାଇଛି ।ଜାତୀୟ ସେବାଯୋଜନା ଦିବସ ପାଳିତ ଅବସରରେ ଆୟୋଜିତ ଏହି ରକ୍ତ ଦାନ ଶିବୀର ରେ ସ୍ଥାନୀୟ ଉପ ଜିଲ୍ଲା ପାଳ ଡ଼ଃ ସିଧେଶ୍ୱର ବଳିରାମ ବନ୍ଦର ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ବିଶ୍ୱବିଦ୍ୟାଳୟ ର ସଭାପତି ଡ଼ଃ ସତ୍ୟପ୍ରକାଶ ପଣ୍ଡା ଯୋଗଦେଇ ପ୍ରତି ମାସରେ ଏଭଳି ରକ୍ତଦାନ ଶିବୀର ଏବଂ ମେଘା ରକ୍ତଦାନ ଶିବୀର ଅନୁଷ୍ଠିତ କରାଯାଇ ଗୁଣପୁର,ପାରଳାଖେମୁଣ୍ଡି, ଗଞ୍ଜାମ, ଗଜପତି ଓ ରାୟଗଡା ଜିଲ୍ଲାର ରକ୍ତ ଭଣ୍ଡାରକୁ ରକ୍ତ ପ୍ରେରିତ କରି ରକ୍ତ ହୀନତା ରୋଗୀଙ୍କୁ ରକ୍ତ ଯୋଗାଯାଉଛିବୋଲି ପ୍ରକାଶ କରିଛନ୍ତି । ଏହି ମେଗା ରକ୍ତଦାନ ଶିବୀରରେ ୬୩୧ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଏଥି ପୂର୍ବରୁ ପ୍ରବନ୍ଧ,ବକ୍ତୃତା,ଫୋଟୋଗ୍ରାଫି ଓ ଆର୍ଟ ଗ୍ୟାଲେରୀ ସହ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ପ୍ରତିଯୋଗୀ ଙ୍କୁ ପୁରସ୍କୃତ କରାଯାଇଛି ।

ଯୁବତୀଙ୍କୁ ଗଣ ବଳାତ୍କାର ଓ ଭିଡିଓ ଭାଇରାଲ ଘଟଣାରେ ୭ ଅଭିଯୁକ୍ତ ଗିରଫ..!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଜୁନାଗଡ଼) – କଳାହାଣ୍ଡି ଜିଲ୍ଲା ଜୁନାଗଡ ଥାନା ଅଞ୍ଚଳରେ ଜଣେ ଯୁବତୀଙ୍କୁ ଗଣ ବଳାତ୍କାର ଓ ଭିଡିଓ ଭାଇରାଲ ଘଟଣାରେ ୭ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଆଜି ଜୁନାଗଡ ଥାନାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏକଥା ପ୍ରକାଶ କରିଛନ୍ତି କଳାହାଣ୍ଡି ଆରକ୍ଷ ଅଧିକ୍ଷକ (ଏସପି) ବାତୁଳା ଗଙ୍ଗାଧର । ଏସପିଙ୍କ ସୁଚନା ପ୍ରକାରେ ଗତ ସେପ୍ଟେମ୍ବର ୧୪ ତାରିଖ ଦିନ ଉକ୍ତ ଯୁବତୀ ଜଣକ ଧର୍ମଗଡ ବ୍ଲକ ପର୍ଲାର ଲିଲେନ୍ଦ୍ର ଶବରଙ୍କ ସହ ଭବାନୀପାଟଣାରୁ ଘରକୁ ଫେରୁଥିଲେ । ଜୁନାଗଡ ଥାନା ବନମାଲିପୁର ପାଖରେ ୬ ଜଣ ଅଜଣା ବ୍ୟକ୍ତି ସେମାନଙ୍କୁ ଅଟକାଇ ଯୁବତୀଙ୍କୁ ପାଖ ଜଙ୍ଗଲକୁ ନେଇ ଗଣ ବଳାତ୍କାର କରିଥିଲେ ଓ ପରେ ଭିଡିଓ ଭାଇରାଲ କରିଥିଲେ ।
କଳାହାଣ୍ଡି ଜିଲ୍ଲା ଜୁନାଗଡ ଥାନା ଅଞ୍ଚଳରେ ଜଣେ ଯୁବତୀଙ୍କୁ ଗଣ ବଳାତ୍କାର ଓ ଭିଡିଓ ଭାଇରାଲ ଘଟଣାରେ ୭ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଆଜି ଜୁନାଗଡ ଥାନାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏକଥା ପ୍ରକାଶ କରିଛନ୍ତି କଳାହାଣ୍ଡି ଆରକ୍ଷ ଅଧିକ୍ଷକ (ଏସପି) ବାତୁଳା ଗଙ୍ଗାଧର । ଏସପିଙ୍କ ସୁଚନା ପ୍ରକାରେ ଗତ ସେପ୍ଟେମ୍ବର ୧୪ ତାରିଖ ଦିନ ଉକ୍ତ ଯୁବତୀ ଜଣକ ଧର୍ମଗଡ ବ୍ଲକ ପର୍ଲାର ଲିଲେନ୍ଦ୍ର ଶବରଙ୍କ ସହ ଭବାନୀପାଟଣାରୁ ଘରକୁ ଫେରୁଥିଲେ । ଜୁନାଗଡ ଥାନା ବନମାଲିପୁର ପାଖରେ ୬ ଜଣ ଅଜଣା ବ୍ୟକ୍ତି ସେମାନଙ୍କୁ ଅଟକାଇ ଯୁବତୀଙ୍କୁ ପାଖ ଜଙ୍ଗଲକୁ ନେଇ ଗଣ ବଳାତ୍କାର କରିଥିଲେ ଓ ପରେ ଭିଡିଓ ଭାଇରାଲ କରିଥିଲେ ।
ଜୁନାଗଡ ଥାନା ପରିସରରେ ଅୟୋଜିତ ସାମ୍ବାଦିକ ସମ୍ମିଳନୀରେ କଳାହାଣ୍ଡି ଆରକ୍ଷ ଅଧିକ୍ଷକ ବାତୁଳା ଗଙ୍ଗାଧରଙ୍କ ସହ ଅତିରିକ୍ତ ଆରକ୍ଷ ଅଧିକ୍ଷକ ଗୋପିନାଥ ମଣିପାତ୍ର, ଧର୍ମଗଡ ଏସଡିପିଓ ଲକ୍ଷ୍ମୀ ପଣ୍ଡା, ଜୁନାଗଡ ଥାନା ଅଧିକାରୀ ପ୍ରଭାତ ସେଠୀ ପ୍ରମୂଖ ଉପସ୍ଥିତ ଥିଲେ । ଏହା ଜୁନାଗଡ ପୋଲିସ ପାଇଁ ଏକ ବଡ ସଫଳତା ବୋଲି ଚର୍ଚ୍ଚା ଚାଲିଛି।

ଲକ୍ଷାଧିକ ଟଙ୍କାର ଶାଳ କାଠ ଜବତ ।

!!! କଳାହାଣ୍ଡି ଜିଲ୍ଲା ପ୍ରତିନିଧି ରଜତ ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ (କଳାହାଣ୍ଡି) – ଭବାନୀପାଟଣା ସହର ମଧ୍ୟରେ ଥିବା ବଡ଼ ପଡା ବ୍ୟାଙ୍କ କଲୋନୀ ର ଅମିତ ପଟ୍ଟନାୟକ ଙ୍କ  ନିର୍ମାଣାଧୀନ କୋଠା ରୁ ଲକ୍ଷାଧିକ ଟଙ୍କାର ଶାଳ କାଠ ଜବତ କରିଛି କଳାହାଣ୍ଡି ବନ ବିଭାଗ ।କୌଣସି ସୂତ୍ରରୁ ଖବର ପାଇ ଉତ୍ତର ବନ ଖଣ୍ଡ ଡି.ଏଫ.ଓ ଙ୍କ ନିର୍ଦ୍ଦେଶ କ୍ରମେ ଅଚାନକ ଚଢ଼ାଉ କରି 130 ସେପ୍ଟି ସାଇଜ କାଠ ଜବତ କରିଛନ୍ତି ।
ଆନୁମାନିକ ମୂଲ୍ୟ ଦେଢ଼ ଲକ୍ଷରୁ ଅଧିକ ହେବ ବୋଲି ଜଣାଯାଇଛି ।ଏହି ଚଢ଼ଉରେ ଉତ୍ତର ବନ ଖଣ୍ଡ ର ଏସିଏଫ ବଂଶୀଧର ସ୍ବାଇଁ ରେଞ୍ଜର ପ୍ରସନ୍ନ ମିଶ୍ର ଏବଂ ବନ ବିଭାଗର କର୍ମଚାରୀ ମାନେ ସାମିଲ ହୋଇଥିଲେ ।ତେବେ ମାଲିକ ରାଜ୍ୟ ବାହାରେ ରହିଥିବାବେଳେ ଏଠାରେ କାହାରିକୁ ଏପର୍ଯ୍ୟନ୍ତ  ଜଙ୍ଗଲ ବିଭାଗ ଗିରଫ କରିନଥିବା ଡିଏଫଓ ପ୍ରକାଶ କରିଛନ୍ତି ।

ସପ୍ତାହ ଧରି ଚାଲିଛି ଶ୍ରୀ ନରେନ୍ଦ୍ର ମୋଦି ଙ୍କ ଜନ୍ମଉତ୍ସବ ପାଳନ ।

!!! କଳାହାଣ୍ଡି ଜିଲ୍ଲା ପ୍ରତିନିଧି ରଜତ ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ ( କଳାହାଣ୍ଡି ) – ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଙ୍କ ଜନ୍ମଦିନ ଅବସର ରେ ବିଜେପି ତରଫ ରୁ ଏକ ସେବା ସପ୍ତାହ ପାଳନ କରାଯାଉଛି। ଏହି ଅବସର ରେ ଏକ ସପ୍ତାହ ହେଲା ଜିଲ୍ଲାର ବିଭିନ୍ନ ସ୍ଥାନ ରେ ଚାଲିଛି ବିଭିନ୍ନ ପ୍ରକାର ସେବା କାର୍ଯ୍ୟକ୍ରମ । ଏହାକୁ ନେଇ ବିରୋଧୀ ଦଳ ନେତା ଶ୍ରୀ ପ୍ରଦୀପ୍ତ ନାୟକ ଶୁକ୍ରବାର କେସିଙ୍ଗା ବ୍ଲକ ଉତ୍କେଲା ରେ ନିଜେ ଝାଡୁ ଧରି ରାସ୍ତା ସଫା କରୁଥିବା ଦେଖିବାକୁ ମିଳିଛି। କିଛି କାର୍ଯ୍ୟକର୍ତା ଙ୍କୁ ସାଙ୍ଗରେ ନେଇ ବିରୋଧୀ ଦଳ ନେତା ଉତ୍କେଲା ର ଅନେକ ସ୍ତାନ ସଫା କରିବା ସହ ଲୋକଙ୍କୁ ସ୍ୱଚ୍ଛ ଭାରତ ବିଷୟ ରେ ବାର୍ତା ଦେଇଥିଲେ ଓ ପରିବେଶ ସଫା ରଖିବା ପାଇଁ ସଚେତନ କରିଥିଲେ।

ମାଝୀ ଗୁଡ଼ା ଗ୍ରାମ ପଞ୍ଚାୟତ ଠାରେ ପ୍ରଧାନମନ୍ତ୍ରୀ ଆବାସ ଗୃହ ର ଭିତ୍ତି ପ୍ରସ୍ତର ସ୍ଥାପନ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (କୋକସରା) – କଳାହାଣ୍ଡି ଜିଲ୍ଲା କୋକସରା ବ୍ଲକ ମାଝୀଗୁଡ଼ା ଗ୍ରାମ ପଞ୍ଚାୟତ ଠାରେ ସରପଞ୍ଚ ଶ୍ରୀମତୀ କୈକେୟୀ ନାୟକ ଙ୍କ ତତ୍ତ୍ଵାବଧାନରେ ପ୍ରଧାନମନ୍ତ୍ରୀ ଆବାସ ଗୃହ ଗୁଡିକ ର ଭିତ୍ତି ପ୍ରସ୍ତର ସ୍ଥାପିନ କରାଯାଇଛି। ଏଥିରେ ମୁଖ୍ୟ ଅତିଥି ଭାବେ ଧର୍ମଗଡ଼ ବିଧାୟକ ଶ୍ରୀଯୁକ୍ତ ମୌସଧି ବାଗ, ଜିଲ୍ଲା ପରିଷଦ ଅଧ୍ୟକ୍ଷ ଶ୍ରୀମତୀ ଜାନକୀ ବାଗ, କୋକସରା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ବସନ୍ତ ସେଠି ଯୋଗଦେଇ ପ୍ରଧାନମନ୍ତ୍ରୀ ଆବାସ ଯୋଜନା ରେ ଘର ପାଇଥିବା ହିତାଧିକାରୀ ଙ୍କ ଘରକୁ ଯାଇ ମାଟିମା କୁ ପୂଜା ଅର୍ଚ୍ଚନା କରି ଭିତ୍ତି ପ୍ରସ୍ତର ସ୍ଥାପନ କରିଛନ୍ତି। ଏହି କାର୍ଯ୍ୟକ୍ରମ ରେ ଗ୍ରାମ ପଞ୍ଚାୟତ ପିଓ କୃଷ୍ଣ ଚନ୍ଦ୍ର ଦାସ, ଜିଆରଏସ୍ ବୈଜେନ୍ଦ୍ର ପୁଞ୍ଜି ସହଯୋଗ କରିଥିବା ବେଳେ ସମସ୍ତ ୱାର୍ଡ ସଦସ୍ୟ ଏବଂ ସ୍ଥାନୀୟ ଜନ ସାଧାରଣ ଉପସ୍ଥିତ ଥିଲେ।

ଚାଷୀ ଙ୍କ ପ୍ରତି ତହସିଲଦାର ଙ୍କ ଦୁର୍ବ୍ୟବହାର ; କାର୍ଯ୍ୟାନୁଷ୍ଠାନ ନିମନ୍ତେ ଦାବୀ…!

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ନୂଆପଡ଼ା) – ଜନ ସାଧାରଣ ହେଉଛନ୍ତି ପ୍ରକୃତ ସରକାର। ମୋ ସରକାର ହେଉଛି ସେମାନଙ୍କ ସରକାର। ସେମାନଙ୍କ ଅର୍ଥ ରେ ପ୍ରସାଶନ ଚାଲୁଛି। କୌଣସି ସେବା ପାଇଁ ସରକାର ଙ୍କ ପଛରେ ଜନ ସାଧାରଣ ଗୋଡାଇବେ ନାହିଁ। ବରଂ ସରକାର ସେମାନଙ୍କ କଥା ବୁଝିବେ ବୋଲି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହୁଥିବା ବେଳେ ଏହାକୁ ପାଳନ କରିବା ରେ ବିଫଳ ହୋଇଛନ୍ତି କୋମନା ତହସିଲଦାର ଶ୍ରୀ ଶ୍ୟାମଲାଲ୍ ରାୟ। ଗତ ବର୍ଷ ମରୁଡି ପରିସ୍ଥିତି ର ସହାୟତା ପାଇଁ ସରକାର ଘୋଷଣା କରିଥିବା ଇନପୁଟ୍ ସବସିଡି ନିମନ୍ତେ କୋମନା ବ୍ଲକ ପଏର୍ ଗ୍ରାମ ପଞ୍ଚାୟତ ର ଚାଷୀ ମାନେ କୋମନା ତହସିଲଦାର ଙ୍କ ନିକଟକୁ ପଚାରି ବୁଝିବା ପାଇଁ ଆସିଥିଲେ। ସ୍ଥାନୀୟ ତହସିଲଦାର ମରୁଡ଼ି ସହାୟତା ନେଇ ଚାଷୀ ଙ୍କୁ ବୁଝାଇବା ବଦଳରେ ଖରାପ ବ୍ଯବହାର କରି ଅଫିସ ରୁ ବାହାର କରିଦେଇ ଥିବା ହିତାଧିକାରୀ ଅଭିଯୋଗ କରିଛନ୍ତି। ଏନେଇ ଚାଷୀ ମାନେ ଜିଲ୍ଲାପାଳ ଙ୍କ ସହିତ ଫୋନ୍ ରେ ଯୋଗାଯୋଗ କରିବା ପରେ ନୂଆପଡ଼ା ଯାଇ ଜିଲ୍ଲାପାଳ ଙ୍କୁ ଲିଖିତ ଅଭିଯୋଗ କରିଥିଲେ । ଏଥିରେ ସେମାନେ ତୁରନ୍ତ ତହସିଲଦାର ଶ୍ରୀ ଶ୍ୟାମଲାଲ୍ ରାୟ ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବୀ କରିଛନ୍ତି।