ପି.ଡ଼ି.ଏସ ସାମଗ୍ରୀ ପାଇଁ ଲୋକେ ଯାଆନ୍ତି ୭ କି.ମି ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ନକଟିକାନି ଗ୍ରାମ ପଞ୍ଚାୟତ ରେ ରହିଥିବା ୧୧ ଗୋଟି ୱାର୍ଡ ମଧ୍ୟରୁ କରଙ୍ଗାମୁଣ୍ଡା,ଅମୁର୍ଲା ପଦର,ଗୁଦୁର ଘୁମା,ଝୁଲେନ ବନ,କୁଟୁଳ ପଡା ଗ୍ରାମ ଗୁଡିକ ପଞ୍ଚୟତ ମୁଖ୍ୟ ସଦର ଠାରୁ ୭ କି ମି ଦୂରରେ ଅବସ୍ଥିତ ।ପଞ୍ଚାୟତର ଯେକୌଣସି କାର୍ଯ୍ୟକ୍ରମ କିମ୍ବା ରେସନ ସାମଗ୍ରୀ ନିମନ୍ତେ ଏହି ଗ୍ରାମବାସୀ ଦୀର୍ଘ ରାସ୍ତା ଅତିକ୍ରମ କରି ଯିବାକୁ ପଡ଼ିଥାଏ । ହିତାଧିକାରୀ ସାମଗ୍ରୀ ନେଇ ଘରକୁ ଫେରିବା ବେଳେ ସନ୍ଧ୍ୟା ହୋଇଯାଏ । କୁଲି ମଜୁରୀ କରି ଚଳୁଥିବା ବ୍ୟକ୍ତି ଙ୍କ ପାଇଁ ଏହି ଦିନଟି ଭାରି ପଡିଥାଏ । କେବଳ ସାମଗ୍ରୀ ପାଇଁ ଲୋକେ କାମ ଧନ୍ଦା ଛାଡ଼ି ଦିନ ତମାମ ଅପେକ୍ଷା କରିବାକୁ ପଡେ । ଏଣୁ ଗ୍ରାହକ ଙ୍କ ସୁବିଧା ନିମନ୍ତେ ଜିଲ୍ଲା ପ୍ରଶାସନ କିମ୍ଵା ପଞ୍ଚାୟତ ପକ୍ଷରୁ ଉକ୍ତ ଗ୍ରାମ ଗୁଡିକରେ ରେସନ ସାମଗ୍ରୀ ଯୋଗାଇ ଦେବା ପାଇଁ ଗ୍ରାମବାସୀ ଦାବୀ କରିଛନ୍ତି।

ଅଧିସୁଚନା ଅଧିକାରୀ କିଏ କି ?

!!! ରାୟଗଡା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟଜୋଷୀ !!!

ଏଥର ସମ୍ଭାଳ (ଗୁଣପୁର) – ଗୁଣପୁର ପୋୖର ପରିଷଦ କାର୍ଯ୍ୟାଳୟ ରେ କିଏ ଅଧିସୂଚନା ଅଧିକାରୀ ଭାବେ ରହିଛନ୍ତି ଏବଂ କାହାରିକୁ ଏହାର ଦାୟିତ୍ୱ ଦିଆଯାଇଛି ଏହା ସର୍ବସାଧାରଣ ରେ ସ୍ପଷ୍ଟ ହୋଇପାରୁନାହିଁ । କାର୍ଯ୍ୟାଳୟ ର କୌଣସି କର୍ମକାର୍ତ୍ତା ଙ୍କ ସିଟ ନିକଟରେ ଏନେଇ କୌଣସି ସୂଚନା ରହିନି କିମ୍ବା କିଏ ଏହି କାର୍ଯ୍ୟାଳୟର ସୂଚନା ଅଧିକାରୀ ତାଙ୍କରି ବିବରଣୀ କିମ୍ବା ସୂଚନା ଫଳକ ପୋୖର କାର୍ଯ୍ୟାଳୟ ରେ ରହିନାହିଁ । ଫଳରେ ସୂଚନା ଅଧିକାର ଫର୍ମ ଦାଖଲ କରିବାକୁ ଯାଇ ଲୋକେ ଫେରି ବାକୁ ପଡୁଛି । ସହର ମଧ୍ୟରେ ରହିଥିବା ଏହି କାର୍ଯ୍ୟାଳୟକୁ ପତ୍ର ପଠାଇବା ନିମନ୍ତେ ଡାକ ସେବାର ସହାୟତା ନେଇ ଅଯଥା ଖର୍ଚ୍ଚାନ୍ତ ହେବାକୁ ପଡୁଥିବା ଅଭିଯୋଗ ହେଉଛି । ପୋୖର ନିର୍ବାହୀ ଅଧିକାରୀ ଙ୍କ ଏପରି ବେପାରୁଆ ମନୋଭାବ ଅଧିସୂଚନା ଆଇନ ପ୍ରତି ଅବମାନନା ବୋଲି ସାଧାରଣରେ ମତ ପ୍ରକାଶ ପାଇଛି । ଏଥିପ୍ରତି ପୋୖର ପରିଷଦ ଅଧକ୍ଷ ଦୃଷ୍ଟି ଦେଇ ଆବେଦନକାରୀ ଙ୍କୁ ସୂଚନା ଯୋଗାଇବା ଦିଗରେ ପଦକ୍ଷେପ ନେବାକୁ ଦାବୀ ହେଉଛି ।

ଜୁନାଗଡ଼ ଗଣ ଦୁଷ୍କର୍ମ ରେ ପିଡିତା ଙ୍କ ବୟାନ ପରେ ଲଳିନ୍ଦ୍ରକୁ ଗିରଫ, କୋର୍ଟ ଚାଲାଣ ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – କଳାହାଣ୍ଡି ଜିଲ୍ଲା ଘନ ଜଙ୍ଗଲରେ ଯୁବତୀଙ୍କୁ ଗଣ ଦୁଷ୍କର୍ମ ଘଟଣା ରାଜ୍ୟ ରାଜନୀତି କୁ ସରଗରମ କରିଛି । ଏହି ଘଟଣାରେ ପୋଲିସ ଜଣେ ନାବାଳକ ସମେତ ୮ ଜଣକୁ ଜେଲ ପଠାଇ ସାରିଥିବା ବେଳେ ଯୁବତୀ ଜଣଙ୍କୁ ଲିଫ୍ଟ ଦେଇ ଆଣିଥିବା ମୁଖ୍ୟ ଅରୋପୀ କୁ ପୋଲିସ ଗିରଫ କରିନଥିବା ଏବଂ ଏହାକୁ ପୋଲିସ ଘଣ୍ଟ ଘୋଡାଉଥିବା ବି.ଜେ.ପି ପକ୍ଷରୁ ଅଭିଯୋଗ ଆସିଥିଲା । ସଂପୃକ୍ତ ଡ୍ରାଇଭର ଜଣକ କଳାହାଣ୍ଡି ବି.ଜେ.ଡ଼ି ଦଳର ଜିଲ୍ଲା କାର୍ଯ୍ୟକାରୀ ସଭାପତି ପ୍ରବୋଧ କୁମାର ରଥ ଙ୍କ ବସ ର ଡ୍ରାଇଭର ହୋଇଥିବାରୁ ତାଙ୍କୁ ଗିରଫ କରାଯାଇ ନଥିବା ଅଭଯୋଗ ଆଣିଥିଲେ ବି.ଜେ.ପି ନେତ୍ରୀ ଲେଖା ସାମନ୍ତରାୟ । ଅନ୍ୟ ପକ୍ଷରେ ବିରୋଧୀ ଦଳ ନେତା ଭପ୍ରଦୀପ ନାୟକ ମଧ୍ୟ ଗିରଫ ଦାବୀ କରିଥିଲେ । ବର୍ତ୍ତମାନ କଳାହାଣ୍ଡି ପୋଲିସ ସମସ୍ତ ଘଟଣାଜୁ କେନ୍ଦ୍ର କରି ଧରା ୧୬୧ ଆଧାରରେ ପୁଣିଥରେ ପିଡିତା ଙ୍କ ବୟାନ ରେକର୍ଡ଼ କରି ଅଭିଯୁକ୍ତ ଲଳିନ୍ଦ୍ରକୁ କୁ କୋର୍ଟ ଚାଲାଣ କରିଛି । ଆଜି ରାଷ୍ଟ୍ରୀୟ ମୂଳଣିବାସୀ ମହିଳା ସଂଘ କଳାହାଣ୍ଡି ଶାଖା ପକ୍ଷରୁ ସଭାନେତ୍ରୀ କମଳିନୀ ଯାଦବ ଦୁଷ୍କର୍ମ କାରୀ ମାନଙ୍କୁ ଯଥାଶୀଘ୍ର ଉଚିତ ଦଣ୍ଡ ଦିଆଯାଉ ବୋଲି ରାଜ୍ୟପାଳ ଙ୍କ ଉଦ୍ଦେଶ୍ୟରେ ଜୁନାଗଡ଼ ଥାନା ଅଧିକାରୀଙ୍କୁ ଏକ ଦାବୀ ପତ୍ର ପ୍ରଦାନ କରିଛନ୍ତି ।

ଜୁନାଗଡ଼ ବଜାର ପଡିଆ ଠାରେ ଜିଲ୍ଲା ୱେବ ମିଡ଼ିଆ ସମ୍ବାଦିକ ସଂଘ ର ବୈଠକ ଅନୁଷ୍ଠିତ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ(ଧର୍ମଗଡ଼) – କଳାହାଣ୍ଡି ଜିଲ୍ଲା ଜୁନାଗଡ଼ ବଜାର ପଡିଆ ଠାରେ ଜିଲ୍ଲା ୱେବ ମିଡ଼ିଆ ସମ୍ବାଦିକ ସଂଘ ର ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଜିଲ୍ଲାର ସମସ୍ତ ବ୍ଲକ ରୁ ସାମ୍ବାଦିକ ଯୋଗ ଦେଇଥିଲେ ।ସମସ୍ତଙ୍କ ଉପସ୍ଥିତିରେ ଜିଲ୍ଲା କମିଟି ର କର୍ମ କର୍ତ୍ତା ମନୋନୟନ ସର୍ବ ସମ୍ମତି କ୍ରମେ ଅନୁଷ୍ଠିତ ହୋଇଯାଇଛି । କମିଟି ସଭାପତି ଭାବେଆଦିତ୍ୟ ପ୍ରସାଦ ମହାନ୍ତି, କାର୍ଯ୍ୟକାରୀ ସଭାପତି ଭାବେ ତୁଳ ମଣି ନାଗ ଉପ ସଭାପତି ଭାବେ ତୁଲା ରାମ ଛ ତ୍ରି ଆ ନିକୁଞ୍ଜ ଚାଲାଣ ଲକ୍ଷ୍ମୀ ରଞ୍ଜନ ବାଗ ସାଧସରଣ ସମ୍ପାଦକ ଭାବେ ସଂଗ୍ରନ କେଶରୀ ପାତ୍ର ସହ ସମ୍ପାଦକ ଭାବେ ବିକାଶ ନାୟକ ସୋଭିତ ଗାନ୍ଧୀ ନିଆର ରଞ୍ଜନ ପଣ୍ଡା ଙ୍କୁ ମନୋନୀତ କରାଯାଇଥିବା ବେଳେ କୋଷାଧକ୍ଷ ଭାବେ ମୋହନ ସାଗର ଏବଂ ସହଦେଵ ବେହେରାଙ୍କୁ ମନୋନୀତ କରାଯାଇଛି। ସମସ୍ତ ନବ ନିର୍ବାଚିତ କର୍ମ କାର୍ତ୍ତାଙ୍କୁ ଧନ୍ୟବାଦ ଦେବା ସହ ସାମ୍ୱାଦିକ ପ୍ୟାରିଲାଲ ଦୁର୍ଗା ତାଙ୍କରି ଅଭି ଭାଷଣରେ ଏକତାହିଁ ବଳ ବୋଲି କହିଛନ୍ତି ।

କଲମ ବଦଳରେ ପାଣିବାଲ୍ଟି ; ସ୍କୁଲ ସମୟରେ ଛାତ୍ରଛାତ୍ରୀମାନଙ୍କୁ କାମରେ ନିୟୋଜିତ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ସରକାର ପ୍ରାଥମିକ ବିଦ୍ୟାଳୟର ବିକାଶ ପାଇଁ ଅନେକ ଯୋଜନା କରୁଛନ୍ତି । ଏହାସହ ପ୍ରାଥମିକ ବିଦ୍ୟାଳୟରେ ଦଣ୍ଡମୁକ୍ତ ଭାବେ ଛାତ୍ରଛାତ୍ରୀ ମାନଙ୍କୁ ଶିକ୍ଷାଦାନ କରିବା ସରକାରଙ୍କ କଡା ନିର୍ଦ୍ଦେଶ ରହିଥିବା ବେଳେ ଛୋଟ ପିଲାଙ୍କୁ ଓଜନିଆ ସ୍କୁଲ ବ୍ୟାଗ, ହୋମୱାର୍କ, ସରକାରଙ୍କ କଟକଣା ଥିବାବେଳେ ଏଠାରେ ସ୍କୁଲ ପିଲାଙ୍କୁ କାମରେ ନିୟୋଜିତ କରାଉଛନ୍ତି ଶିକ୍ଷକ।

ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିିଳିଛି କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଫୋରିପାଣି ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ। ଜଣେ ଛାତ୍ରୀ ୧୫/୨୦ ଲିଟର ପାଣି ବାଲ୍ଟି ମୁଣ୍ଡରେ ବୋହି ସ୍କୁଲ ଭିତରକୁ ଆସୁଥିବା ଦେଖିବାକୁ ମିଳିଛି । ଛାତ୍ରଛାତ୍ରୀଙ୍କୁ କାମରେ ନିୟୋଜିତ କରିବା ପାଇଁ କିଏ ଅନୁମତି ଦେଇଛି ତାହାକୁ ନେଇ ଉଠିଛି ପ୍ରଶ୍ନ ।

ଏହି ସ୍କୁଲରୁ ୫କିମି ଦୂରରେ ଗୋଲାମୁଣ୍ଡା ବ୍ଲକ ଶିକ୍ଷା ଅଧିକାରୀ କାର୍ଯ୍ୟାଳୟ ରହିଥିଲେ ମଧ୍ୟ କୌଣସି ଉଚ୍ଚପଦସ୍ତ ଅଧିକାରୀଙ୍କର ନଜର ଏହା ପ୍ରତି ପଡୁନଥିବା ବେଳେ ବିଦ୍ୟାଳୟରେ ପାଠ ପଢିବା ସମୟରେ ଛାତ୍ରଛାତ୍ରୀଙ୍କୁ ଶିଶୁ ଶ୍ରମିକ ଭଳି କାମ କରିବା ସାଧାରଣରେ ଚର୍ଚ୍ଚାର ବିଷୟ ପାଲଟିଛି ।

ଜଗନ୍ନାଥପୁର ଉଚ୍ଚ ବିଦ୍ୟାଳୟରେ ଦୁର୍ବୁତ୍ତ ଙ୍କ ଉନ୍ମୁକ୍ତକାଣ୍ଡ ! ମୋଟର ଭାଙ୍ଗିଲେ, ପାଇପ କାଟିଲେ ; ସମସ୍ୟା ଶୁଣୁନାହାନ୍ତି ଶିକ୍ଷାଧିକାରୀ ।

!!! ରାୟଗଡ ଜିଲ୍ଲା ସ୍ବତନ୍ତ୍ର ପ୍ରତିନିଧି ଦୀପକ କୁମାର ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ବ୍ଳକ ଜଗନ୍ନାଥପୁର ପଞ୍ଚାୟତର ସରକାରୀ ଉଚ୍ଚ ବିଦ୍ୟାଳୟ ଠାରେ ଦୁର୍ବୁତ୍ତ ମାନେ ଭଙ୍ଗା ରୁଜା କରିଥିବା ଅଭିଯୋଗ ହୋଇଛି । ସୂଚନାଥାଉକି ଗତ ୧୯ ତାରିଖ ରାତି ପ୍ରାୟ ୧୨ଘଣ୍ଟା ସମୟରେ ରାତ୍ର ଜଗୁଆଳି ପାଲାକା ରାମାରାଓ ସ୍କୁଲ ତଦାରଖ କରି ଫେରିବା ପରେ ପରେ କିଛି ଲୋକ ଆସି ମୋଟର ପାଇପକୁ ଭାଙ୍ଗିବା ସହ ପାଇପ ଗୁଡ଼ିକ କାଟିଦେଇଥିବା ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ସୋନାଲି ସୁନାସେଠୀ ପ୍ରଥମେ ଜିଲ୍ଲା ଶିକ୍ଷା ଅଧିକାରୀ ଙ୍କୁ ଜଣାଇଥିଲେ।

କିନ୍ତୁ ଆଜିକୁ ୧୦ ଦିନ ହେଲାଣି ଏନେଇ କୌଣସି ପଦକ୍ଷେପ ଗ୍ରହଣ କରାଯାଇନାହିଁ। ଜିଲ୍ଲା ଶିକ୍ଷା ଅଧିକାରୀ ଚୁପ ରହିଥିବା ହେତୁ ପ୍ରଧାନ ଶିକ୍ଷୟତ୍ରୀ ସୋନାଲି ସୁନା ସେଠି ଦୁଃଖ ପ୍ରକାଶ କରିଛନ୍ତି। ସେହିପରି ଏହା ଏକ ସେବାଶ୍ରମ ହୋଇଥିବାରୁ ଏଠାରେ ୯୨ ଜଣ ଅନ୍ତେବାସୀ ରହି ଶିକ୍ଷାଗ୍ରହଣ କରୁଛନ୍ତି । ବିଦ୍ୟାଳୟରେ ଶିକ୍ଷକ ପଦବୀ ପୂରଣ ହେଉନଥିବାରୁ ସ୍କୁଲର ଛାତ୍ର ଛାତ୍ରୀ ମାନେ ପାଠ ପଢା ରୁ ବଞ୍ଚିତ ହେଉଛନ୍ତି ।

ବାରମ୍ବାର ଜିଲ୍ଲା ଶିକ୍ଷା ଅଧିକାରୀ ଙ୍କୁ ଜଣା କରିଥିଲେ ମଧ୍ୟ ସେ ଏଥି ପ୍ରତି ଦୃଷ୍ଟି ଦେଉନଥିବା ହେତୁ ସ୍କୁଲ ର ପରିଚାଳନା କମିଟି କ୍ଷୋଭ ପ୍ରକାଶ କରିଛନ୍ତି।

ବିଦ୍ୟାଳୟର ଅନେକ ସ୍ଥାନରେ ପାଚେରୀ ନଥିବାରୁ ଅନ୍ତେବାସୀ ନିଜକୁ ଅସୁରକ୍ଷିତ ମଣେ କରୁଛନ୍ତି। ଅନ୍ତେବାସୀଙ୍କ ସ୍ବାଥଦୃଷ୍ଟିରୁ ଯଥାଶୀଘ୍ର ମୋଟର ମରାମତି କରାଯିବା ପାଇଁ ଦାବୀ ହେଉଛି । ମୋଟର ଭାଙ୍ଗିବା ଘଟଣା ନେଇ ଜିଲ୍ଲା ଶିକ୍ଷା ଅଧିକାରୀ ପୂଣ୍ଣଚନ୍ଦ୍ର ବାରିହା ଙ୍କୁ ପ୍ରଧାନଶିକ୍ଷୟତ୍ରୀ ଫୋନଯୋଗେ ଜଣାଇଥିଲେ । ଶିକ୍ଷା ଅଧିକାରୀ ଏନେଇ ଥାନା ରେ ଏକ ଏତଲା ଦେବା କୁ କହି ନିଜ ଦାୟିତ୍ଵ ସାରିଦେଇଥିବା ଅଭିଯୋଗ ହେଉଛି ।

ବିଦ୍ୟାଳୟ ରେ ଏଭଳି ଏକ ସମ୍ବେଦନଶୀଳ ଘଟଣା ଘଟି ଯାଇଥିଲେ ମଧ୍ୟ ଜିଲ୍ଲା ଶିକ୍ଷା ଅଧିକାରୀ କିମ୍ବା ଏହାଙ୍କ ପକ୍ଷରୁ କୌଣସି ଅଧିକାରୀ ଅଞ୍ଚଳ ପରିଦର୍ଶନ କରି ତଦାରଖ କରିନଥିବା ଅଭିଯୋଗ ହେଉଛି ।

ମଦ ଭାଟି କୁ ଅନ୍ୟତ୍ର ସ୍ଥାନାନ୍ତର କରିବା ବିରୋଧ ରେ ଏସ୍ ଏଚ୍ ଜି ଗ୍ରୁପ ର ଶତାଧିକ ମହିଳା ମାନଙ୍କ ବୈଠକ ଅନୁଷ୍ଠିତ !

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରେଲାଲ୍ ଦୁର୍ଗା ଙ୍କ ରିପୋର୍ଟ !!!

ଏଥର ସମ୍ଭାଳ (ଗୋଲାମୁଣ୍ଡା) – କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ କେଗାଁ ଥାନା ଅଧିନ ଚହକା ପଞ୍ଚାୟତ ର କୁଟୁରା ବାହାଲି ଗ୍ରାମ ର ମୁଖ୍ୟ ରାସ୍ତା ରେ ଥିବା ମଦ ଭାଟି କୁ ଏଠାରୁ ଅନ୍ୟତ୍ର ସ୍ଥାନାନ୍ତର କରିବା ବିରୋଧ ରେ ଏସ୍ ଏଚ୍ ଜି ଗ୍ରୁପ ର ଶତାଧିକ ମହିଳା ମାନଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି । ଗ୍ରାମ ର ମୁଖ୍ୟ ରାସ୍ତା ରେ ମଦ ଭାଟି ଟି ଥିବାରୁ ଏହି ରାସ୍ତା ଦେଇ ଯାଉଥିବା ଯାତ୍ରୀ ମାନଂକ ପ୍ରତି ମଦ୍ୟପ ମାନେ ଅଶ୍ଳୀଳ ଆଚରଣ କରୁଛନ୍ତି । ଛୋଟ ଛୋଟ ପିଲା ଙ୍କ ଉପରେ ଏହାର କୁ ପ୍ରଭାବ ପଡ଼ିବା ସହ ଅନେକ ସମସ୍ୟା ଉପୁଜୁଛି । ଏହି ମୁଖ୍ୟ ରାସ୍ତା ଦେଇ ସ୍କୁଲ ଓ କଲେଜ ଛାତ୍ର ଛାତ୍ରୀ ଯାତାୟତ କରୁଥିବା ବେଳେ ବହୁ ଅସୁବିଧା ର ସମ୍ମୁଖିନ ହେଉଛନ୍ତି । ତୁରନ୍ତ ମୁଖ୍ୟ ରାସ୍ତା ରେ ଥିବା ଏହି ମଦ ଭାଟି କୁ ଅନ୍ୟତ୍ର ସ୍ଥାନାନ୍ତରିତ କରାନଗଲେ ଆଗାମୀ ଦିନ ରେ ଏହା ବିରୋଧ ରେ ତୀବ୍ର ଆନ୍ଦୋଳନ କରାଯିବ ବୋଲି ବୈଠକ ରେ ଯୋଗ ଦେଇଥିବା ୧୦୨ ଟି ଏସ୍ ଏଚ୍ ଜି ଗ୍ରୁପ ର ମହିଳା ମାନେ ଚେତାବନୀ ଦେଇଛନ୍ତି ।

ନିର୍ଦ୍ଦୋଷ ରେ ଖଲାସ୍ ହେଉଛନ୍ତି ମାଓ ନେତା ସବ୍ୟସାଚୀ ପଣ୍ଡା ; ଖସି ଖସି ଯାଉଛି ତାଙ୍କ ବିରୁଦ୍ଧରେ ଥିବା ମାମଲା..!

!!! ରାୟଗଡ଼ା ଜିଲ୍ଲା ରୁ ସ୍ଵତନ୍ତ୍ର ପ୍ରତିନିଧି ଦୀପକ କୁମାର ବେହେରା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାୟଗଡା) – ରାୟଗଡା ଜିଲ୍ଲା ଅଧୀନସ୍ଥ ଚାନ୍ଦିଲି ପୋଲିସ ଭ୍ୟାନ ଉଡାଇବା ମାମଲା ରେ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ ହେଲେ ମାଓନେତା ସବ୍ୟସାଚୀ ପଣ୍ଡା । ମାଓ ବାଦୀ ଙ୍କ ପକ୍ଷରୁ ୨୦୦୨ ମସିହାରେ ଚାନ୍ଦିଲି ପୋଲିସ ଭ୍ୟାନ ଉଡାଇବା ଘଟଣାରେ ମାଓନେତା ସବ୍ୟସାଚୀ ପଣ୍ଡା ଙ୍କ ବିରୁଦ୍ଧରେ କେସ ରୁଜୁ କରାଯାଇଥିଲା। ଏହି ମାମଲରେ କୋର୍ଟ ୧୭ ଜଣ ସାକ୍ଷ୍ୟ ଗ୍ରହଣ କରିଥିଲେ । କିନ୍ତୁ ସବ୍ୟସାଚୀଙ୍କ ବିରୁଦ୍ଧରେ ଉପଯୁକ୍ତ ପ୍ରମାଣ ଅଭାବରୁ କୋର୍ଟ ତାଙ୍କୁ ଖଲାସ କରିଛନ୍ତି । ଏହି ମାମଲାର ବିଚାର ପାଇଁ ସବ୍ଯସାଚୀ ଙ୍କୁ କଡା ସୁରକ୍ଷା ମଧ୍ୟରେ ରାୟଗଡ଼ା କୋର୍ଟରେ ହାଜର କରାଯାଇଥିଲା । ମାମଲାର ଶୁଣାଣି ପରେ ତାଙ୍କୁ ପୁଣି ଥରେ ବ୍ରହ୍ମପୁର ମଣ୍ଡଳ କାରଗାରକୁ ପଠେଇ ଦିଆଯାଇଥିବା ସୂଚନା ମିଳିଛି । ପୂର୍ବରୁ ଶଶି ମାଝୀ ହତ୍ୟାକାଣ୍ଡ ମାମଲା, ୨୦୧୨ରେ ଚାନ୍ଦିଲି ଥାନା ଅନ୍ତର୍ଗତ ବଡ଼ଚମ୍ପିଆ ଗାଁରେ ଦିନବନ୍ଧୁ ତୁଳଙ୍କ ଘର ଉପରେ ଆକ୍ରମଣ କରି ଟ୍ରାକ୍ଟରପୋଡ଼ି ସାଙ୍ଗକୁ ଟଙ୍କା ସୁନା ଅଳଙ୍କାର ଲୁଟ ମାମଲା ଓ ଲିଙ୍ଗାଗୁଡ଼ା ନିକଟରେ ପୁଲିସ ସହିତ ଗୁଳି ବିନିମୟ ମାମଲାରେ ଉପଯୁକ୍ତ ପ୍ରମାଣ ଅଭାବରୁ ଅଭିଯୁକ୍ତ ସବ୍ୟସାଚୀ ପଣ୍ଡା ନିର୍ଦ୍ଦୋଷରେ ଖଲାସ ହୋଇଛନ୍ତି ।

ଜିଲ୍ଲା ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ।

!!! କନ୍ଧମାଳ ଜିଲ୍ଲା ଫୁଲବାଣୀ ରୁ ପ୍ରତିନିଧି ସୁକାନ୍ତ କୁମାର ବେହେରା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଫୁଲବାଣୀ) – ଫୁଲବାଣୀ ଜିଲ୍ଲା କ୍ରୀଡା ସଂସଦ ଦ୍ଵାରା ଆୟୋଜିତ ଜିଲ୍ଲା ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଗତ ୧୦ ତାରିଖରେ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଣ୍ଟ ରେ ଜିଲ୍ଲାର ଵିଭନ୍ନ ଅଞ୍ଚଳରୁ ଆସିଥିବା ୧୨ଟି ଦଳ ଭାଗ ନେଇଥିଲେ । ଫାଇନାଲ ମ୍ୟାଚରେ ଫୁଲବାଣୀ ନେତାଜୀ ସୁଭାଷ ର ଦଳ ସହିତ ଏ. ଯେ. ଓ ହାଇସ୍କୁଲ୍ ଦଳର ଖେଳ ହୋଇଥିଲା। ନେତାଜୀ କ୍ଲବ୍ ୧-୦ ଗୋଲ ରେ ଏ. ଯେ. ଓ ହାଇସ୍କୁଲ କୁ ହରାଇ ଚମ୍ପିୟନ ବିବେଚିତ ହୋଇଥିଲା। କନ୍ଧମାଳ ଆରକ୍ଷୀ ଅଧିକ୍ଷକ ପ୍ରତୀକ ଗୀତା ସିଂ ମୁଖ୍ୟ ଅତିଥି ଭାବେ ଯୋଗଦେଇ ଖେଳାଳି ମାନଙ୍କୁ ହାରଜିତ୍ ଉପରେ ଅଧିକ ଗୁରୁତ୍ୱ ନଦେଇ ଖେଳୁଆଡ଼ ମନୋଭାବ ନେଇ ଖେଳିଲେ ହିଁ ଖେଳର ଉନ୍ନତି ହେବା ସହିତ ପରସ୍ପର ମଧ୍ୟରେ ଭାଇଚାରା ମୋନଭାବ ସୃଷ୍ଟି ହୋଇପାରିବ ବୋଲି କହିଥିଲେ। ପ୍ରାରମ୍ଭିକ ସୂଚନା ରେ ଜିଲ୍ଲା କ୍ରୀଡା ସଂସଦ ର ସଂପାଦକ ଶିବ ପ୍ରସାଦ ତ୍ରିପାଠୀ ଟୁର୍ଣ୍ଣାମେଣ୍ଟ ପାଇଁ ସହଯୋଗ କରିଥିବା ସମସ୍ତ ବ୍ୟକ୍ତି ବିଶେଷ ଏବଂ ଦର୍ଶକ ଙ୍କୁ ଧନ୍ୟବାଦ ଅର୍ପଣ କରିଥିଲେ। ପୁରସ୍କାର ବିତରଣୀ କାର୍ଯ୍ୟକ୍ରମ ରେ ଫୁଲବାଣୀ କ୍ରୀଡା ଛାତ୍ରାବାସ ର ୧୫ ବର୍ଷିୟ ଖେଳାଳି ଭାରତୀୟ ଦଳରେ ପ୍ରତିନିଧିତ୍ଵ କରି ଆନ୍ତର୍ଜାତୀୟ ଖେଳ ରେ ଭାଗନେଇ ଖେଳି ଥିବା କିଶୋର ଫୁଟବଲ ଖେଳାଳି ଏ. ଶିବା ଙ୍କୁ ସମ୍ବର୍ଦ୍ଧିତ କରାଯାଇଥିଲା। ଖେଳର ମ୍ୟାନ୍ ଅଫ ଦି ମ୍ୟାଚ୍ ଭାବେ ଏ. ଯେ. ଓ ହାଇସ୍କୁଲ୍ ର ଖେଳାଳି ଚନ୍ଦ୍ର ଜର୍ସି ଙ୍କୁ, ବେଷ୍ଟ ଡିଫରେନ୍ସ ଖେଳାଳି ଭାବେ ଭେନୁ ଏବଂ ଗୋଲକିପର ଭାବରେ ନେତାଜୀ କ୍ଲବ ର ଶୁକଦେବ ଦିଗାଲ ଙ୍କୁ ପୁରସ୍କୃତ କରାଯାଇଥିଲା। କାର୍ଯ୍ୟକ୍ରମ ରେ ଅନ୍ୟତମ ଅତିଥି ଭାବେ ଅବସର ପ୍ରାପ୍ତ କ୍ରୀଡା ଶିକ୍ଷକ ବସନ୍ତ କୁମାର ବେହେରା ଓ କିଶୋର ସେଠ୍ ମାଝୀ, ଫୁଲବାଣୀ କ୍ରୀଡ଼ା ସଂସଦ ର ସଦସ୍ୟ ସନ୍ତୋଷ କୁମାର ମିଶ୍ର, ସୁରେଶ କୁମାର ମହାପାତ୍ର, ଗୌରୀ ଶଙ୍କର ବେହେରା, ହେମନ୍ତ କୁମାର ମହାନ୍ତି, ଆଇନଜିବୀ ବିଜୟ କୃଷ୍ଣ ପଟ୍ଟନାୟକ ଉପସ୍ଥିତ ଥିଲେ। ଶେଷ ପର୍ଯ୍ୟାୟରେ ଅନୁଷ୍ଠିତ ପ୍ରତିଯୋଗିତାରେ ରେଫରି ଭାବରେ ଶ୍ୟାମ ସୁନ୍ଦର ଶାହା ଖେଳ ପରିଚାଳନା କରିଥିବା ବେଳେ ତାଙ୍କୁ ଏଥିରେ ଉଦୟ ଶଙ୍କର କଅଁର, ସତ୍ୟ ନାରାୟଣ ମୁଖୀ ଓ ସୋରଜ କୁମାର ମୁନି, ଲାଇନ୍ ମ୍ୟାନ୍ ଭାବରେ ସହଯୋଗ କରିଥିଲେ। ଅନ୍ୟ ଦିବସ ମାନଙ୍କ ରେ ରେଫରି ଭାବରେ କ୍ରୀଡ଼ା ଶିକ୍ଷକ ଅଭିମନ୍ୟୁ ମହାନ୍ତ, ସୁନୀଲ କୁମାର ବେହେରା, ସ୍ଵପ୍ନେଶ୍ଵର କଅଁର, ସୁଶାନ୍ତ ଜୁଣ୍ଡି, ପ୍ରିୟବ୍ରତ ତ୍ରିପାଠୀ ଓ ଗୌର ଚନ୍ଦ୍ର ମହାନ୍ତି ଖେଳ ପରିଚାଳନା କରିଥିଲେ।

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ପକ୍ଷରୁ “ସ୍ୱଚ୍ଛ ଭାରତ ମିଶନ” କାର୍ଯ୍ୟକ୍ରମ ଅନୁଷ୍ଠିତ !

!!! ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ  ଜିଲ୍ଲା ଶିକ୍ଷାରେ ଓ ପ୍ରଶିକ୍ଷଣ ପ୍ରତିଷ୍ଠାନ ପକ୍ଷରୁ “ସ୍ୱଚ୍ଛ ଭାରତ ମିଶନ” ଓ ସ୍ୱଚ୍ଛତା ହିଁ ସେବା” କାର୍ଯ୍ୟକ୍ରମ ଅବସରରେ ବିଭିନ୍ନ ସ୍ୱଚ୍ଛତା କାର୍ଯ୍ୟକ୍ରମ  ଅନୁଷ୍ଠିତ ହୋଇଯାଇଛି ।

      ଏହି ଅବସରରେ ପ୍ରତିଷ୍ଠାନର ବରିଷ୍ଠ ପ୍ରଶିକ୍ଷକ ପ୍ରସାଦ ନାୟକଙ୍କ ନେତୃତ୍ୱରେ ପ୍ରତିଷ୍ଠାନର ଶତାଧିକ ଛାତ୍ରଛାତ୍ରୀ ସ୍ୱଚ୍ଛତା ଉପରେ  ବିଭିନ୍ନ ସଚେତନତା ମୂଳକ ପ୍ଲା-କାର୍ଡ ଗୁଡ଼ିକ ଧରି  ଶୋଭାଯାତ୍ରାରେ ବାହାରି ସହର ପରିକ୍ରମା କରି ଲୋକ ମାନଙ୍କୁ ସଚେତନ କରାଇଥିଲେ ।

     ପରେ ପ୍ରତିଷ୍ଠାନ ପରିସରରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ପ୍ରତିଷ୍ଠାନର ଅଧ୍ୟକ୍ଷା ଅପର୍ଣ୍ଣା ମିଶ୍ର ଅଧ୍ୟକ୍ଷତା କରି ପ୍ଲାଷ୍ଟିକ ଓ ପଲିଥିନ ବ୍ୟବହାରକୁ ସମ୍ପୁର୍ଣ୍ଣ ଭାବେ ବର୍ଜନ କରିବା ସହ ପରିବେଶକୁ ପ୍ରଦୂଷଣ ମୁକ୍ତ କରି ସୁସ୍ଥ ସମାଜ ଓ ଦେଶ ଗଠନରେ ସହାୟକ ହେବାକୁ ଆହ୍ବାନ କରିଥିଲେ ।

    ଅନ୍ୟ ମାନଙ୍କ ମଧ୍ୟରେ  ପ୍ରତିଷ୍ଠାନର ବରିଷ୍ଠ ଶିକ୍ଷକ ଡାକ୍ତର ମୁର୍ମୁ , ମମତା ଜେନା , ମନୋଜ କୁମାର ଗମାଙ୍ଗ , ସୁଚିସ୍ମିତା ବଳ , ତ୍ରିଲୋଚନ ମହାଲିକ , ସନ୍ତୋସି ଦେବୀ , ପ୍ରସାଦ ନାୟକ ଏବଂ ଧନଞ୍ଜୟ ପାତ୍ର ପ୍ରମୁଖ  ଶିକ୍ଷକ ଓ ପ୍ରଶିକ୍ଷକ ମାନେ ଯୋଗଦେଇ ସ୍ୱଚ୍ଛ ଭାରତ ମିଶନର ଆଭିମୁଖ୍ୟ ଉପରେ କହି ପ୍ଲାଷ୍ଟିକ ଓ ପଲିଥିନ ବ୍ୟବହାରର ଅପକାରିତା ଓ ଉପକାରିତା , ପରିବେଶ ଚତୁଃପାଶ୍ୱ ସଫା ରଖିବା , ବାହ୍ୟ ମଳତ୍ୟାଗ ନ କରି ପାଇଖାନା ବ୍ୟବହାର କରିବା , ନିରୋଗ ଜୀବନଯାପନ କରି ସୁସ୍ଥ ସମାଜ ଓ ସୁସ୍ଥ ଦେଶ ଗଠନରେ ସହାୟକ ହେବା ଉପରେ ସଚେତନ କରାଇଥିଲେ ।

    ପରେ  ଛାତ୍ର ଛାତ୍ରୀ ମାନଙ୍କୁ ସ୍ୱଚ୍ଛତା ହିଁ ସେବା ଓ ଅନ୍ୟାନ୍ୟ ଦିଗରେ ସବୁବେଳେ ସ୍ୱଛ୍ୱତା ଅବଲମ୍ବନ କରିବା ପାଇଁ ସଂକଳ୍ପ ନେବାକୁ ଶପଥ ପାଠ କରା ଯାଇଥିଲା ।

   ଶେଷରେ ଛାତ୍ରଛାତ୍ରୀ ମାନଙ୍କ ସମେତ ପ୍ରତିଷ୍ଠାନର ଅଧ୍ୟକ୍ଷା ଓ ପ୍ରଶିକ୍ଷକ ଓ ଶିକ୍ଷକ ମାନେ ପ୍ରତିଷ୍ଠାନ  ପରିସରରେ ସଫେଇ କାର୍ଯ୍ୟ କରିଥିଲେ।