ରାୟଗଡ଼ା ଜିଲ୍ଲା ଗୁଣପୁର ବ୍ଲକ ଅନ୍ତର୍ଗତ ଜଗନ୍ନାଥପୁର ପଞ୍ଚାୟତ ରେ ସ୍ୱଧୀନତା ଦିବସ ପାଳନ ; ଏହି ଅବସରରେ ସ୍ଵତନ୍ତ୍ର ଗ୍ରାମ ସଭା ଓ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ…!

!!! ଦକ୍ଷୀଣ ଓଡ଼ିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର) – ଗୁଣପୁର ବ୍ଲକ ଅଧିନସ୍ଥ ଜଗନ୍ନାଥପୁର ଗ୍ରାମପଚାୟତ କାର୍ଯ୍ୟାଳୟ ଠାରେ ୭୩ ତମ ସ୍ୱାଧୀନତା ଦିବସ ମହା ସମାରୋହରେ ପାଳିତ ହୋଇ ଯାଇଛି । ସ୍ଥାନୀୟ ସରପଞ୍ଚ ଶ୍ରୀମତୀ ଗୌରୀ ଗମାଙ୍ଗ ଅନୁଷ୍ଠାନିକ ଭାବେ ପତାକା ଉତ୍ତୋଳନ କରି ଥିଲେ । ଏହି ଅବସରରେ ପଞ୍ଚାୟତ କାର୍ଯ୍ୟାଳୟ ଠାରେ ସ୍ୱତନ୍ତ୍ର ଗ୍ରାମସଭାର ଆୟୋଜନ କରାଯାଇଥିଲା । ଏଥିରେ ପଞ୍ଚାୟତ ପ୍ରତିନିଧି ଯୋଗଦେଇ ସମସ୍ୟା ଗୁଡିକ ଉପରେ ଆଲୋକପାତ କରିଥିଲେ ।ଆଗାମୀ ଦିନରେ ପଞ୍ଚାୟତ ଉନ୍ନତି ଦିଗରେ ହେବାକୁ ଥିବା କାର୍ଯ୍ୟ ପନ୍ଥା ସ୍ଥିର କରାଯାଇଛି । ସ୍ୱଚ୍ଛ-ସୁନ୍ଦର-ସବୁଜ ଭାରତର ଗଠନ ପ୍ରକ୍ରିୟାରେ ସାମିଲ ହେବାକୁ ଯାଇ ଏହି ଅବସରରେ ଵୃକ୍ଷ ରୋପଣ କରାଯାଇଛି ।

କୋକସରା ଓକିଲ ସଂଘ ପକ୍ଷରୁ ବୃକ୍ଷରୋପଣ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (କୋକସରା) – କୋକସରା ବ୍ଲକ ରେ ଆଗକୁ କାର୍ଯ୍ୟକାରି ହେବାକୁ ଯାଉଥିବା ସିଭିଲ୍ ଜଜ୍ (ଜୁନିୟର ଡିଭିଜନ) କମ୍ ଜେ. ଏମ୍. ଏଫ୍. ସି କୋର୍ଟ ପରିସର ଠାରେ କୋକସରା ବ୍ଲକ ଓକିଲ ସଂଘ ସଭାପତି ଶ୍ରୀଯୁକ୍ତ ପଞ୍ଚାନନ ବେଶ୍ରା ଙ୍କ ତତ୍ତ୍ଵାବଧାନରେ କୋକସରା ଓକିଲ ସଂଘ ପକ୍ଷରୁ ୭୩ ତମ ସ୍ଵାଧୀନତା ଦିବସ ଅବସରରେ ବୃକ୍ଷ ରୋପଣ କରାଯାଇଛି। ଏହି କାର୍ଯ୍ୟକ୍ରମ ରେ ଓକିଲ ସଂଘ ର ସମ୍ପାଦକ ଲଲିତ୍ କୁମାର ଦାସ, ଉପ ସଭାପତି ଲକ୍ଷ୍ମୀକାନ୍ତ ଖମାରୀ, ଯୁଗ୍ମ ସମ୍ପାଦକ ଲକ୍ଷ୍ମୀଧର ମେହର, କୋଷାଧ୍ୟକ୍ଷ ପ୍ରେମଲାଲ ସିଂ ଏବଂ ଆଇନଜିବୀ ଅଜିତ କୁମାର ପଟ୍ଟନାୟକ, ମୋନଜ କୁମାର ନାୟକ, ରସିକ ରାଜ ଦୁର୍ଗା, ଉଗ୍ରେସନ ବାଗ ପ୍ରମୂଖ ଉପସ୍ଥିତ ଥିଲେ।

ଗୁଣୁପୁର ଠାରେ ବହୁ ଆଡ଼ମ୍ବର ସହକାରେ ୭୩ ତମ ସ୍ଵାଧୀନତା ଦିବସ ପାଳନ…!

!!! ଦକ୍ଷିଣ ଓଡ଼ିଶା ମୁଖ୍ୟ ଡ଼ି କିରଣ କୁମାର ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ଠାରେ ବହୁ ଆଡମ୍ବର ସହକାରେ ୭୩ ତମ ସ୍ଵାଧୀନତା ଦିବସ ପାଳିତ ହୋଇଯାଇଛି । ଏହି ଉତ୍ସବ ରେ ସ୍ଥାନୀୟ ଉପ ଜିଲ୍ଲାପାଳ ଶ୍ରୀ ସିଦ୍ଧେଶ୍ବର ବଳିରାମ ବନ୍ଧୋର ମୁଖ୍ୟ ଅତିଥି ଭାବେ ଯୋଗ ଦେଇ ପତାକା ଉତ୍ତୋଳନ କରିବା ସହ ପ୍ୟାରେଡ଼ ପରିଦର୍ଶନ ଓ ସମ୍ମିଳିତ ପ୍ୟାରେଡ଼ ର ଅଭିବାଦନ ଗ୍ରହଣ କରିଥିଲେ । ଉକ୍ତ ଉତ୍ସବ ରେ ସ୍ଥାନୀୟ ବିଧାୟକ ଶ୍ରୀ ରଘୁନାଥ ଗମାଙ୍ଗ , ଗୁଣପୁର ତହସିଲଦାର ସୁଶ୍ରୀ ନମ୍ରତା ମୋଦୀ , ସ୍ଥାନୀୟ ପୋଲିସ କତୃପକ୍ଷ ଙ୍କ ସମେତ ଗୁଣପୁର ଉପଖଣ୍ଡ ସୁଚନା ଓ ଲୋକ ସମ୍ପର୍କ ଅଧିକାରୀ ସୁଶ୍ରୀ ରଶ୍ମି ରାଣୀ ନିମାକା ପ୍ରମୁଖ ଉପସ୍ଥିତ ରହିଥିଲେ ।

ଉକ୍ତ ପ୍ୟାରେଡ଼ ରେ ଗୁଣପୁର ମହା ବିଦ୍ୟାଳୟ ଏନ.ସି.ସି , ବାଳକ ଉଚ୍ଚ ବିଦ୍ୟାଳୟ ଏନ.ସି.ସି , ବାଳିକା ଉଚ୍ଚ ବିଦ୍ୟାଳୟ ଏନ.ସି.ସି , ସରସ୍ୱତୀ ଶିଶୁ ବିଦ୍ୟା ମନ୍ଦିର , ଜଗନ୍ନାଥ ପବ୍ଲିକ ସ୍କୁଲ , ବିଦ୍ୟାନିକେତନ ପବ୍ଲିକ ସ୍କୁଲ ଏବଂ ସାଧୁ ପାଉଲ ବିଦ୍ୟାଳୟ ର ସ୍କାଉଟ୍ ପିଲାମାନେ ଯୋଗ ଦେଇ ନିଜ ନିଜ ପ୍ୟାରେଡ଼ ପରିବେଷଣ କରିଥିଲେ ।

ପ୍ୟାରେଡ଼ ପରିବେଷଣ କରୁଥିବା ଗ୍ରୁପ ମାନଙ୍କ ମଧ୍ୟରୁ ସର୍ବତ୍ତୋମ ଗ୍ରୁପ ଭାବେ ଗୁଣପୁର ମହାବିଦ୍ୟାଳୟ ଗ୍ରୁପ କୁ ପ୍ରଥମ ସ୍ଥାନ , ବାଳିକା ଉଚ୍ଚ ବିଦ୍ୟାଳୟ ଗୁଣପୁର କୁ ଦ୍ବିତୀୟ ସ୍ଥାନ ଏବଂ ବାଳକ ଉଚ୍ଚ ବିଦ୍ୟାଳୟ ଗୁଣପୁର କୁ ତୃତୀୟ ସ୍ଥାନ ଅଧିକାର କରିଥିବା ଘୋଷଣା କରାଯାଇଛି ।

ଆଜି ସଂଧ୍ୟା ୬ଟା ରେ ସ୍ଥାନୀୟ ଟାଉନ ହଲ ଠାରେ ବିଭିନ୍ନ କାର୍ଯ୍ୟକ୍ରମ ରେ କୃତିତ୍ୱ ହାସଲ କରିଥିବା ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯିବା ର କାର୍ଯ୍ୟକ୍ରମ ରହିଛି ।

ପ୍ରଧାନମନ୍ତ୍ରୀ ମୋଦୀ :- ରାଜନୀତିରେ କିଏ ଆସିବ,କିଏ ଯିବ; କିନ୍ତୁ ଦେଶର ସ୍ୱାର୍ଥ ନିମିତ୍ତ ନିଆଯାଇଥିବା ପଦକ୍ଷେପ ଗୁରୁତ୍ୱପୂର୍ଣ୍ଣ…!

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ରାଜନୀତିରେ କିଏ ଆସିବ, ଯିବ କିନ୍ତୁ ଦେଶର ସ୍ୱାର୍ଥ ନିମିତ୍ତ ନିଆଯାଇଥିବା ପଦକ୍ଷେପ ସବୁ ଗୁରୁତ୍ୱପୂର୍ଣ୍ଣ ବୋଲି ପ୍ରଧାନମନ୍ତ୍ରୀ ମୋଦୀ ୭୩ତମ ସ୍ୱାଧୀନତା ଦିବସ ଅବସରରେ ଲାଲ୍‌କିଲା ପ୍ରାଚୀର ଉପରେ ଜାତୀୟ ପତାକା ଉତ୍ତୋଳନ କରି କହିଛନ୍ତି । ରକ୍ଷାବନ୍ଧନ ଉପଲକ୍ଷେ ଦେଶବାସୀଙ୍କୁ ଶୁଭେଚ୍ଛା ଜଣାଇବା ସହ ଦେଶର ବନ୍ୟାପ୍ଳାବିତ ଅଞ୍ଚଳର ଲୋକମାନଙ୍କ ପାଇଁ ଉଦ୍‌ବେଗ ପ୍ରକାଶ କରିଛନ୍ତି । ସେ କହିଲେ ଯେ ଆଜି ଆମେ ସ୍ୱାଧୀନତା ଦିବସ ପାଳୁଥିବା ବେଳେ ଦେଶର କେତେକ ଅଞ୍ଚଳରେ ବନ୍ୟା ଯୋଗୁଁ ଆମର ଅଧିକାଂଶ ନାଗରିକ ଦୁର୍ଦ୍ଦଶା ଭୋଗୁଛନ୍ତି। ଆମେ ବନ୍ୟା ଦୁର୍ଗତଙ୍କ ଦୁଃଖରେ ଠିଆ ହୋଇଛୁ । ୭୩ତମ ସ୍ୱାଧୀନତା ଦିବସ ଅବସରରେ ସ୍ୱାଧୀନତା ସଂଗ୍ରାମୀମାନଙ୍କୁ ସ୍ମରଣ କରିଛନ୍ତି ପ୍ରଧାନମନ୍ତ୍ରୀ। ଦ୍ୱିତୀୟ ପାଳିରେ କ୍ଷମତାକୁ ଆସିବାର ୧୦ ସପ୍ତାହ ମଧ୍ୟରେ ସରକାର ଗ୍ରହଣ କରିଥିବା ପଦକ୍ଷେପ ଉପରେ ପ୍ରଧାନମନ୍ତ୍ରୀ ମୋଦୀ ଆଲୋକପାତ କରି କହିଲେ କି, ସ୍ୱଳ୍ପ ସମୟ ଅବଧି ମଧ୍ୟରେ ଦେଶର ମଙ୍ଗଳ ପାଇଁ ପ୍ରତ୍ୟେକ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରାଯାଇଛି। ଧାରା ୩୭୦ ଏବଂ ୩୫-କ ଉଚ୍ଛେଦ ହେଉଛି ସର୍ଦାର ପଟେଲଙ୍କ ସ୍ୱପ୍ନକୁ ସାକାର କରିବା ଦିଗରେ ଅଗ୍ରସର ହେବା। ଧାରା ୩୭୦ ସମସ୍ୟାକୁ ଆମେ ତା’ ବାଟରେ ଛାଡ଼ି ଦେଇ ନାହୁଁ କି, ସମସ୍ୟାର ସମାଧାନ ପାଇଁ ବିଳମ୍ବ କରି ନାହୁଁ। ଗତ ୭୦ ବର୍ଷରେ ଉଚ୍ଛେଦ କରାଯାଇ ପାରି ନ ଥିବା ଧାରା ୩୭୦କୁ ଆମ ସରକାର ଉଚ୍ଛେଦ କରିବାକୁ ନିଷ୍ପତ୍ତି ଗ୍ରହଣ କରିଥିଲା । ଗୋଟିଏ ଦେଶ, ଗୋଟିଏ ସମ୍ବିଧାନ । ଜମ୍ମୁ ଓ କଶ୍ମୀର ଏବଂ ଲଦାଖର ପୁରୁଣା ବ୍ୟବସ୍ଥା ଦୁର୍ନୀତି ଓ ପରିବାରବାଦକୁ ଉତ୍ସାହିତ କରୁଥିଲା। ମହିଳା, ଶିଶୁ, ଦଳିତ ଏବଂ ଜନଜାତି ସଂପ୍ରଦାୟଙ୍କ ଅଧିକାର ପ୍ରତି ଅନ୍ୟାୟ ହେଉଥିଲା। ଆମେ କେମିତି ଏଭଳି ପରିସ୍ଥିତିକୁ ଗ୍ରହଣ କରି ଥାଆନ୍ତେ। ଯଦି ଧାରା ୩୭୦ ଏଡ଼େ ଗୁରୁତ୍ୱପୂର୍ଣ୍ଣ ତେବେ ତାହାକୁ ସ୍ଥାୟୀ କରାଯାଇ ନ ଥିଲା କାହିଁକି। ତିନ୍‌ ତଲାକ୍‌କୁ ଅପରାଧ ଘୋଷଣା କରାଯିବା କଥା ମଧ୍ୟ ସେ କହିଥିଲେ। ତିନ୍‌ ତଲାକ୍‌ର ଭୟ ଆମ ଦେଶର ମୁସଲମାନ ମହିଳାଙ୍କୁ ସବୁବେଳେ ଅନୁଧାବନ କରୁଥିଲା। ସ୍ମରଣ କରନ୍ତୁ ତିନ୍‌ ତଲାକ୍‌ ଯୋଗୁଁ ଦୁଃଖ ଭୋଗୁଥିବା ମୁସଲମାନ ମହିଳାମାନେ କେତେ ପବିତ୍ର, କିନ୍ତୁ ଆମେ ଏହି ପ୍ରଥାର ଅବସାନ ଘଟାଇଲୁ। ଯଦି ସତୀ ଏବଂ ଯୌତୁକ ପ୍ରଥା ନିଷିଦ୍ଧ ହୋଇ ପାରିଲା ତିନ୍‌ ତଲାକ୍‌ କାହିଁକି ନ ହେବ। ସେଥିପାଇଁ ଆମେ ଏହାକୁ ଅପରାଧିକ ଘୋଷଣା କଲୁ। ୨୦୧୯-୨୦୨୪ ସମୟ ଅବଧି ହେଉଛି ଦେଶର ଆକାଂକ୍ଷା ପୂରଣ କରିବାର ସମୟ । ଗତ ପାଞ୍ଚ ବର୍ଷ ମଧ୍ୟରେ ଆମେ ଚଳିବାରେ ଉନ୍ନତି କରାଇବାରେ ଉଦ୍ୟମ କରିଥିଲେ । ଆଗାମୀ ପାଞ୍ଚ ବର୍ଷ ଆମକୁ କଠୋର ପରିଶ୍ରମ କରିବାକୁ ପଡ଼ିବ।
ଜଳ ସଂରକ୍ଷଣ ସମ୍ବନ୍ଧରେ ପ୍ରଧାନମନ୍ତ୍ରୀ କହିଲେ କି, ଜଳ ସଂରକ୍ଷଣ କଥା ଦେଶ ସମ୍ପୂର୍ଣ୍ଣ ଭାବେ ବୁଝିଛି ଏବଂ ସେଥିପାଇଁ ‘ଜଳଶକ୍ତି’ ନାମରେ ମନ୍ତ୍ରାଳୟ ଖୋଲାଯାଇଛି। ଆହୁରି ଲୋକାଭିମୁଖୀ ସ୍ୱାସ୍ଥ୍ୟ ସେବା ପାଇଁ ପଦକ୍ଷେପ ଗ୍ରହଣ କରାଯାଉଛି । ସେ କହିଲେ କି, ଲୋକଙ୍କ ଅନୁଭବ ବୁଝିବାକୁ ମୁଁ ୨୦୧୩-୧୪ ନିର୍ବାଚନ ପୂର୍ବରୁ ସମଗ୍ର ଦେଶ ବୁଲିଲି। ସମସ୍ତଙ୍କ ମୁହଁରେ ହତାଶା ଥିଲା, ଲୋକେ ଭାବୁଥିଲେ ଏ ଦେଶ କ’ଣ ବଦଳିବ? ଷଷ୍ଠ ଥର ଲାଲ୍‌ କିଲ୍ଲାରେ ତ୍ରିରଙ୍ଗ ପତାକା ଉତ୍ତୋଳନ କଲେ ମୋଦୀ ଓ ରାଜଘାଟରେ ଶ୍ରଦ୍ଧାଞ୍ଜଳି ଦେଇଥିଲେ ପ୍ରଧାନମନ୍ତ୍ରୀ ମୋଦୀ।

ଭାରତର ତିନି ସଶସ୍ତ୍ର ବାହିନୀ ପାଇଁ ରହିବେ ‘ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌’ !

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ଭାରତୀୟ ସେନା, ଭାରତୀୟ ନୌସେନା ଏବଂ ଭାରତୀୟ ବାୟୁସେନାର ଅଭିଯାନରେ ସମନ୍ଵୟ ରକ୍ଷା କରିବାକୁ ‘ଚିଫ୍‌ ଅଫ୍‌ ଡିଫେନ୍‌ସ୍‌ ଷ୍ଟାଫ୍‌’ ପଦବୀ ସୃଷ୍ଟି କରାଯିବ ବୋଲି ଗୁରୁବାର ଦିନ ଲାଲ୍‌ କିଲାରେ ୭୩ତମ ସ୍ୱାଧୀନତା ଦିବସ ଅଭିଭାଷଣରେ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀ ମୋଦୀ କହିଲେ ଶସସ୍ତ୍ର ବାହିନୀ ହେଉଛି ଭାରତର ଗର୍ବ । ପରିବର୍ତ୍ତିତ ପରିସ୍ଥିତିରେ ସେନା ବାହିନୀ ମଧ୍ୟରେ ସମନ୍ଵୟ ରକ୍ଷା କରାଯିବାର ଆବଶ୍ୟକତା ରହିଛି । ଅଭିଭାଷଣରେ ପ୍ରଧାନମନ୍ତ୍ରୀ ମୋଦୀ କହିଲେ: ଆମ ସେନା ହେଉଛି ଭାରତର ଗୌରବ। ସେନାବାହିନୀଙ୍କ ମଧ୍ୟରେ ସମନ୍ଵୟ ନିବିଡ଼ କରାଇବାକୁ ଲାଲ୍‌ କିଲାରୁ ମୁଁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଘୋଷଣା କରିବାକୁ ଚାହୁଁଛି,ଭାରତରେ ଜଣେ ‘ଚିଫ୍‌ ଅଫ୍‌ ଡିଫେନ୍‌ସ୍‌ ଷ୍ଟାଫ୍‌’ ରହିବେ। ସେ କହିଲେ ଯେ, ତିନି ବାହିନୀର ମୁଖ୍ୟ ‘ସିଡିଏସ୍‌’ ସେମାନଙ୍କ ମଧ୍ୟରେ ସମନ୍ଵୟ ରକ୍ଷା କରିବା ସହ ସେମାନଙ୍କ ପ୍ରତି ଫଳପ୍ରଦ ନେତୃତ୍ୱ ପ୍ରଦାନ କରିବେ।

ଓବିସି, ଏସସି, ଏସଟି ଏବଂ ସଂଖ୍ୟାଲଘୁ ମିଳିତ ମଞ୍ଚ ଧର୍ମଗଡ ଉପଖଣ୍ଡ ତରଫରୁ ଅଗଷ୍ଟ ୧୫ ଉପଲକ୍ଷେ ବୃକ୍ଷ ରୋପଣ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ସାରା ଜଗତରେ ପ୍ରାଣୀ ସମାଜ ବଞ୍ଚିବା ପାଇଁ ଅମ୍ଳଜାନ ନିହାତି ଦରକାର, ବୃକ୍ଷ ଦ୍ୱାରା ଏହା ମିଳିଥାଏ । ଏଣୁ ବୃକ୍ଷ ବଞ୍ଚିଲେ ମଣିଷ ସମାଜ ବଞ୍ଚି ପାରିବ। ଆମ୍ଭେ ସମସ୍ତେ ଜୀବନରେ କିଛି ନ ହେଲେ ମଧ୍ୟ ଦୁଇଟି ବୃକ୍ଷ ଲଗାଇ ତାର ଯତ୍ନନେବା ନିହାତି ଦରକାର ବୋଲି ଅଗଷ୍ଟ 15 ଗୁରୁବାର ଦିନ ଓବିସି, ଏସସି, ଏସଟି ଏବଂ ସଂଖ୍ୟାଲଘୁ ମିଳିତ ମଞ୍ଚ ଧର୍ମଗଡ ଉପଖଣ୍ଡ ତରଫରୁ କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ ଅଧୀନସ୍ଥ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା। ସର୍ବପ୍ରଥମେ ଧର୍ମଗଡ଼ ସ୍ଥିତ ଚାରିଛକ ର ବାବାସାହେବ ଆମ୍ବେଦକର ପ୍ରତିମୂର୍ତ୍ତି ରେ ସ୍ଥାନୀୟ ଧର୍ମଗଡ ଉପଜିଲ୍ଲାପାଳ ପଦ୍ମନାଭ ବେହେରା, ହରେକୃଷ୍ଣ ବରିହା ବାବାସାହେବ ଆମ୍ବେଦକରଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରି ଥିଲେ। ସ୍ଥାନୀୟ ପ୍ରାଥମିକ ବିଦ୍ୟାଳୟ ର କୁନି କୁନି ପିଲାମାନଙ୍କ ଦ୍ଵାରା ଜାତୀୟ ସଂଗୀତ ଗାନ କରାଯିବା ପରେ ମିଷ୍ଟାନ୍ନ ବଣ୍ଟନ କରି ମଞ୍ଚ ର ସମସ୍ତ କର୍ମକର୍ତ୍ତା ଚିଲିଚିଲା କୁ ଆସିଥିଲେ। ଢଗ ନାଏକ ଙ୍କ ଅଧ୍ୟକ୍ଷତା ହୋଇଥିବା ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ଦେବାର୍ଚ୍ଚନ ସେଠିଆ, ବିଦ୍ୟାଳୟର ପ୍ରଧାନଶିକ୍ଷକ ମନୋରଞ୍ଜନ ମୁଣ୍ଡ ଙ୍କ ସମେତ ବିଦ୍ୟାଳୟର ପ୍ରମୋଦ ଧଙ୍ଗଡାମାଝୀ, ଶିବାନନ୍ଦ ରଣା, ଅଭିଳାଷି ସେଠି, ରାଜେଶ୍ୱରୀ ନେଗୀ, ବିଦ୍ୟାଳୟ କମିଟି ର ସଭାପତି ମିନିକେତନ ସେଠି, ଓ ଦୁଇ ଅଙ୍ଗନବାଡି କର୍ମୀ ତରୁଲତା ନାଏକ ଏବଂ ଇନ୍ଦୁମତି ବେଶ୍ରl, ମଞ୍ଚ ତରଫରୁ ଅଶେଶ୍ୱର ଦୁର୍ଗା, ବିମଲ କୁମାର ଧଙ୍ଗଡାମାଝୀ, ଚକ୍ରଧର ବେଣୁପାଣି,ଫକୀର ନାରାୟଣ ଜାଲ, ସୁଜାତା ନାଏକ, କମଳା କାନ୍ତ ବିହାରୀ ବିରଞ୍ଚି ନାରାୟଣ ନାଏକ, ଚିଲିଚିଲା ଗ୍ରାମବାସୀ ଓ ଉଚ୍ଚପ୍ରାଥମିକ ବିଦ୍ୟାଳୟ ର ଛାତ୍ରଛାତ୍ରୀ ଉପସ୍ଥିତ ଥିଲେ ସହଯୋଗ କରିଥିଲେ।

ରାଜ୍ୟ କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ତୁଷାର କାନ୍ତ ବେହେରାଙ୍କ ୨ ଦିନିଆ ଗଜପତି ଜିଲ୍ଲା ଗସ୍ତ…!

!!! ଦକ୍ଷୀଣ ଓଡ଼ିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗଜପତି) – ରାଜ୍ୟ କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ତୁଷାର କାନ୍ତ ବେହେରା ଗଜପତି ଜିଲ୍ଲାକୁ ଦୁଇ ଦିନିଆ ଗସ୍ତରେ ଆସି ଜିଲ୍ଲାରେ ଉଡାନ କାର୍ଯ୍ୟକ୍ରମ ପରିଦର୍ଶନ କରିଛନ୍ତି । ଗଜପତି ପୋଲିସ ପକ୍ଷରୁ ବେକାର ଯୁବକ ଯୁବତୀଙ୍କୁ ସାମରୀକ ଓ ଅର୍ଧସାମରୀକ ବାହିନୀରେ ଯୋଗ ଦେବାକୁ ଯୋଗ୍ୟ କରି ଗଢ଼ିତୋଳିବା ପାଇଁ ମାଗଣାରେ ତାଲିମ ପ୍ରଦାନ କରାଯାଉଛି, ଏସ ପି ସାରା ଶର୍ମାଙ୍କ ଏହି ପଦକ୍ଷେପ ପାଇଁ ତାଙ୍କୁ ସାଧୁବାଦ ଜଣାଇବା ସହ ତାଲିମ ଶିବିରର ଶିକ୍ଷାର୍ଥୀଙ୍କ ଉତ୍ସାହ ଏବଂ ସେମାନଙ୍କ କୈାଶଳ ପ୍ରଦର୍ଶନ ଦେଖି ଖୁସି ବ୍ୟକ୍ତ କରିଛନ୍ତି । ଏ ସଂକ୍ରାନ୍ତରେ ପୋଲିସ ରିଜର୍ଭ କାର୍ଯ୍ୟାଳୟ ପରିସରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ଜିଲ୍ଲାରେ ଯୁବସମାଜ ପ୍ରତି ଏହିପରି ପ୍ରଗତିଶୀଳ ପଦକ୍ଷେପ ପାଇଁ ସେ ସମସ୍ତ ପ୍ରକାର ସହଯୋଗ କରିବେ ବୋଲି ପ୍ରତିଶୃତି ଦେଇଛନ୍ତି । ଏହି କାର୍ଯ୍ୟକ୍ରମରେ ଗଜପତି ଜିଲ୍ଲାପାଳ ଅନୁପମ ସାହା, ଏସ.ପି ସାରା ଶର୍ମାଙ୍କ ସମେତ ବହୁ ବିଭାଗୀୟ ଅଧିକାରୀ ଉପସ୍ଥିତ ଥିଲେ।

ଗୋଳାମୁଣ୍ଡା ବ୍ଲକ ଅଧୀନସ୍ଥ ଦଶପୁର ପୋଲିସ ଫାଣ୍ଡି ରେ ସ୍ୱଧୀନତା ଦିବସ ପାଳିତ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀ ଲାଲ ଦୁର୍ଗା ଙ୍କ ରିପୋର୍ଟ !!!

ଏଥର ସମ୍ଭାଳ (ଗୋଳାମୁଣ୍ଡା) – ଆଜି ପବିତ୍ରତା ସ୍ୱାଧିନତାଦିବସ ଅବସରରେ, ସାରା ଭାରତରେ କୋଣେ ଅନୁକୋଣେ ପ୍ରତ୍ୟେକ ସରକାରୀ ଅନୁଷ୍ଠାନ,ବେସରକାରୀ ଅନୁଷ୍ଠାନ , ଦୋକାନ ବଜାର ଓ ସରକାରୀ ଦପ୍ତରେ ଭାରତ ମାତାର ଗୁଣ ଗାନ ଗାଈ ଦେଶର ବିଜୟ ପତାକା ଉତ୍ତୋଳନ କରାଯାଇଥାଏ। ସେହିଭଳି କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ଅଧିନସ୍ଥ ଦଶପୁର ପୋଲିସ୍ ଫାଣ୍ଡିରେ ଆଜି ବହୁଉତ୍ସାହିତ ଭାବରେ ସ୍ଵାଧୀନତା ଦିବସ ପାଳନ କରାଯାଇଛି। ଏହି ଉପଲକ୍ଷେ ଦଶପୁର ସ୍ଵରସତୀ ଶିଶୁ ମନ୍ଦିର , ଏମି ସ୍କୁଲର କୋମାଳ ମତି ଛାତ୍ର ଛାତ୍ରୀ ମାନେ ଦଶପୁର ଗ୍ରାମ ପରିକ୍ରମା କରି ପୋଲିସି ଫାଣ୍ଡିରେ ପହଞ୍ଚିଥିଲେ। ଶତାଧିକ ଛାତ୍ରଛାତ୍ରୀ ,ଶିକ୍ଷକ ଶିକ୍ଷୟିତ୍ରୀ, ଗୁରୁମା, ଗୁରୁଜୀ ଏବଂ ଫାଣ୍ଡିରେ ଥିବା ପୋଲିସ କର୍ମଚାରି,ଗୃହ ରଖି ଙ୍କ ଉପସ୍ଥିତରେ ଦଶପୁର ପୋଲିସ ଫାଣ୍ଡି ଅଧିକାରୀ ଶ୍ରୀଯୁକ୍ତ ଚନ୍ଦ୍ରହାସ୍ୟ ସାହୁ ଭାରତ ମାତା ଙ୍କ ତ୍ରିରଙ୍ଗା ପତାକା ଉତ୍ତୋଳନ କରିଥିଲେ। ଆଜିର ଶିଶୁ ଆଗାମୀ ଦିନର ଭବିଷ୍ୟତ ଆଜିର ଦିବସ ଏହି ଚିନ୍ତନ, ଦେଶପ୍ରେମ ସର୍ବେ ହେବା ମଗନ,ଭେଦ ଭାବସବୁ ଦୁରେଇ ଦେବା,ଭାତୃ ଭାବସଦା ହୃଦେ ରଖିବା, ଉଚିତ ବୋଲି ଶିଶୁ ପ୍ରତିଭା ମାନଙ୍କ ସମ୍ମୁଖରେ କହିଥିଲେ। ଏହି କାର୍ଯ୍ୟକ୍ରମରେ ସ୍ଥାନୀୟ ଲୋକ ମାନଙ୍କ ମଧ୍ୟରେ ସୁବୁଦ୍ଧି ବାଗ, ସାମନ୍ତ ଦୁର୍ଗା , ଅନୁପମା ନାୟକ ,ଗ୍ରାମର ବୁଦ୍ଧି ଜୀବି ରାଜୁ ସାହୁ, ରାଧା ମୋହନ, ନାଏବ ସରପଞ୍ଚ, ଦୁବର୍ଣ ମେହେର,ରାମସାହୁ, ରଂଜନ ସାହୁ,ପ୍ରମୁଖ ଉପସ୍ଥିତ ରହିଥିଲେ।

ଜିଲ୍ଲାପାଳଙ୍କ ନିର୍ଦ୍ଧେଶ ମାନୁନାହାଁନ୍ତି ; ତହସିଲଦାର..!

!!! ଗଞ୍ଜାମ୍ ଜିଲ୍ଲା ଜଗନ୍ନାଥ ପ୍ରସାଦ ରୁ ସୁବାଷ ଚନ୍ଦ୍ର ନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କୋଦଳା) – ଗଞ୍ଜାମ ଜିଲ୍ଲା କୋଦଳା ଲୁହା ଶଙ୍ଖ ଠାରେ ଦୀର୍ଘଦିନ ଧରି ବେଆଇନ ରଞ୍ଜିତ ଡ୍ରିଙ୍କିଙ୍ଗ ୱାଟର ବା ପାଣି ଫେଂକ୍ଟ୍ରି ଚାଲିବାର ବିଭିନ୍ନ ଗଣମାଧ୍ୟମରେ ବାରମ୍ବାର ପ୍ରକାଶ ପାଇଥିଲେ ମଧ୍ୟ ଆଜି ପର୍ଯ୍ୟନ୍ତ ସେହି ପାଣି ଫେଂକ୍ଟ୍ରି ଖୁଲମ୍ ଖୁଲାଭାବେ ଚାଲିଛି । ଏ ନେଇ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କୁ ତା-୨୯.୭.୧୯ ତାରିଖରେ ଦୃଷ୍ଟି ଆକର୍ଷଣ କରାଯାଇଥିଲା । ସେହି ସମୟରେ ହିଁ ଗଞ୍ଜାମ ଜିଲ୍ଲାପାଳ ତାର କୌଣସି ଲାଇସେନ୍ସ ନାହିଁ ଏହାକୁ ତୁରନ୍ତ ବନ୍ଦ କରିବାକୁ କୋଦଳା ତହସିଲଦାର ପ୍ରଭାତ କୁମାର ପରିଡାଙ୍କୁ ନିର୍ଦ୍ଧେଶ ଦେଇଥିଲେ । ମଧ୍ୟ ଏଯାବତ ସେହି ପାଣି ଫେଂକ୍ଟ୍ରି ଚାଲୁ ରହିଛି । ତହସିଲଦାର ଓ ପାଣି ମାଲିକଙ୍କ ମଧୁଚନ୍ଦ୍ରିକା ଯୋଗୁଁ ୧୬ ଦିନ ବିତିଯାଇଥିଲେ ମଧ୍ୟ ବନ୍ଦ ହେଇନାହିଁ, ସେହି ଫେଂକ୍ଟ୍ରି କୋଦଳା ଏନ.ଏସି ଠାରୁ ଏନଓସି ନେଇ ନାହିଁ କିମ୍ବା ଘରର ପ୍ଲାନଆପ୍ରୂଭାଲ କରିନାହିଁ କିମ୍ବା ହୋଲିଙ୍ଗଟେକ୍ସ ସହ ବିଆଇଏସ ସାର୍ଟିଫିକେଟ ମଧ୍ୟ ନାହିଁ । ସେହି ଫେଂକ୍ଟ୍ରିରେ ତିଆରି ହୋଇଥିବା ଇଟା ଗ୍ଳୋକୋଜ, ପାଣି ବୋତଲ, କୋଲଡ୍ରିଙ୍କସ୍ ଇତ୍ୟାଦି ଯେଉଁସବୁ ତିଆରି ହେଉଛି ତାହାର ନମୁନା ଚେକ୍ ହେଉଛି କି କାହିଁକିନା, ବଡବଡ କମ୍ପାନୀମାନେ ସବୁ ପ୍ରକାର ଲାଇସେନ୍ସ କରି ମଧ୍ୟ ବିଭିନ୍ନ ସମୟରେ ନମୁନା ସଂଗ୍ରହ କରି ତାହାକୁ ବେନ୍ ମଧ୍ୟ କରିସାରିଛନ୍ତି । ଏହି ଫେଂକ୍ଟ୍ରିରେ ତିଆରି ହୋଇଥିବା ପାଣି ବୋତଲ, ପାଣି ପାଉଚ, କୋଲଡ୍ରିଙ୍କସ, ଇଟା ଗ୍ଳୋକୋଜ ଇତ୍ୟାଦି ପିଇ ଲୋକମାନଙ୍କ ସ୍ୱାସ୍ଥ୍ୟ ଖରାପ ହେବା ପୂର୍ବରୁ ଏହାକୁ ତଦନ୍ତ କରିବା ପାଇଁ ବାରମ୍ବାର ଅଭିଯୋଗ ହୋଇଥିଲେ ମଧ୍ୟ ଏଯାବତ ଫେଂକ୍ଟ୍ରି ଚାଲୁରହିଛି । ଯାହାଫଳରେ ସରକାର ଯେଉଁ ସବୁ ଆଦେଶନାମା ବାହାର କରୁଛନ୍ତି ତାହା କିପରି କାର୍ଯ୍ୟକାରୀ ହେଉଛି ତାହା ଏଠାରୁ ହିଁ ବାରି ହେଉଛି ।ଏଣୁ କୋଦଳା ତହସିଲଦାର ଯଦି ଏହି ରଞ୍ଜିତ ଡ୍ରିଙ୍କିଙ୍ଗ ୱାଟର ବା ପାଣି ଫେଂକ୍ଟ୍ରିକୁ ତୁରନ୍ତ ବନ୍ଦ ନକରନ୍ତି ତାହା ହେଲେ ଆଗାମୀ ଦିନରେ ପୁଣି ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିବା ପାଇଁ କୋଦଳା ସାମ୍ବାଦିକ ଏବଂ ବୃଦ୍ଧିଜୀବି ମାନେ ଚେତାବନୀ ଦେଇଛନ୍ତି ।