ଜଳ ବନ୍ଦୀରେ ଲାଞ୍ଜିଗଡ଼ ର କୁଟୁରୁ ପଞ୍ଚାୟତ ସାତ ଖଣ୍ଡ ଗାଁ;ପହଞ୍ଚି ପାରିନି ସହାୟତା…!
!!! କଳାହାଣ୍ଡି ଜିଲ୍ଲା ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଲାଞ୍ଜିଗଡ଼) – ଚଳିତ ଲଗାଣ ବର୍ଷାରେ ରାଜ୍ୟ ସାରା ବେହାଲ । ଅନେକ ସ୍ଥାନରେ ବହୁତ ଗ୍ରାମ ଜଳମଗ୍ନ । ଏହାର ପ୍ରତିକାର ନିମନ୍ତେ ରାଜ୍ୟ ସରକାର ତତ୍ପରତା ପ୍ରକାଶ କରି ଜିଲ୍ଲା କର୍ତ୍ତୃପକ୍ଷ ଙ୍କୁ ଜଳବନ୍ଦୀ ଙ୍କୁ ସମସ୍ତ ସୁବିଧା ଯୋଗାଇବା ନିମନ୍ତେ ସ୍ୱତନ୍ତ୍ର ରିଲିଫ କମିଶନରଙ୍କ ତାଗିଦ ରହିଛି । ତଥାପି ଏହାର ଛିଟା ପଡି ପାରିନି କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ରେ । ଏଠାରେ ପ୍ରବାହିତ ରେତ ନଦୀ ରେ ବନ୍ୟା ଆସିବାରୁ ପାଣି ଘେରରେ କାନ କୁଟୁରୁ ପଞ୍ଚାୟତ ର ସାତ ଖଣ୍ଡ ଗାଁ ଜଳବନ୍ଦୀ ହୋଇ ରହିଛି ।
ଛତ୍ରପୁର ରୁ ବତେର୍ଲିମା କୁ ସଂଯୋଗ କରୁଥିବା ବ୍ରିଜର ରାସ୍ତା ଧୋଇ ଯିବାରୁ ଯୋଗାଯୋଗ ବିଛିନ୍ନ ହୋଇଛି । ଜଳ ବନ୍ଦୀଙ୍କ ନିକଟରେ ବର୍ତ୍ତମାନ ସୁଦ୍ଧା ପ୍ରଶାସନିକ ଅଧିକାରୀ ପହଞ୍ଚି ନଥିବା ଅଭଯୋଗ ହୋଇଛି । ଯେତେବେଳେ ପ୍ରଶାସକ ଏଠି ଅପହଞ୍ଚ ସହାୟତା ବା ପହଞ୍ଚନ୍ତା କେମିତି ବୋଲି ସଧାରଣରେ ଚର୍ଚ୍ଚା ଜୋର ଧରିଛି । ବର୍ତ୍ତମାନ ସହାୟତା ଆଶା ରେ ଜଳବନ୍ଦୀ ଜନତା । କଳାହାଣ୍ଡି ଜିଲ୍ଲାପାଳ ଏଥି ପ୍ରତି ଦୃଷ୍ଟି ଦେବାକୁ ଦାବୀ ହେଉଛି ।
