ବନ୍ୟା ରେ ଭାସି ପୂର୍ବତନ ସରପଞ୍ଚ ମୃତ୍ୟୁ ; ୨ ଜଣ ସାଥୀ ଉଦ୍ଧାର…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କଳାହାଣ୍ଡି) – ଗତ ୭ ତାରିଖ ରାତିରେ ବ୍ରିଜ୍ ଉପର ଦେଇ ମୋଟର ସାଇକେଲ ରେ ପାରିହେବା ବେଳେ ବନ୍ୟା ର ପ୍ରଖର ସ୍ରୋତ ରେ ଭାସି ଯାଇ ଜଣେ ମୃତ ଅନ୍ୟ ୨ ଉଦ୍ଧାର ହୋଇଛନ୍ତି। ଘଟଣା ଘଟିଛି କଳାହାଣ୍ଡି ଓ କନ୍ଧମାଳ ସୀମାନ୍ତ ରେ।

ମଦନ ପୁର ରାମପୁର ଥାନ ମୋହନ ଗିରି ର ପୂର୍ବତନ ସରପଞ୍ଚ, ସମିତି ସଭ୍ୟ ତଥା ବିଜେପି ନେତା ଉପେନ୍ଦ୍ର ମାଝୀ ଦୁଇଜଣ ସହ ମିଶି ସାନପୁଅ ର ବିବାହ ବନ୍ଧୁ ମିଳନ ଯୋଗଦେବା ପଡୋଶୀ କନ୍ଧମାଳ ଯାଇ ରାତ୍ର ୮ ଟା ରେ କାଲି ପୁସିଂ ବ୍ରିଜ୍ ପାରିହେବା ବେଳେ ପ୍ରଖର ସ୍ରୋତ ରେ ୩ ଜଣ ଭାସି ଯାଇଥିଲେ । ସେଥି ମଧ୍ୟରୁ ଦୁଇ ଜଣ ଙ୍କୁ ଉଦ୍ଧାର କରାଯାଇଥିବା ବେଳେ ଉପେନ୍ଦ୍ର ନିଖୋଜ ଥିଲେ। ଖୋଜା ଲୋଡ଼ା ପରେ ବ୍ରିଜ୍ ର ୪୦୦ ମିଟର ଦୁରରୁ ଉପେନ୍ଦ୍ର ଙ୍କ ମୃତ ଦେହ ଉଦ୍ଧାର କରାଯଇଥିଲା ।

ମୃତ ଦେହ କନ୍ଧମାଳ ଜିଲ୍ଲା ବାରଖମା ଫାଣ୍ଡି ଅଧୀନରେ ଥିବା ସ୍ଥାନରୁ ଉଦ୍ଧାର କରାଯାଇଥିବା ହେତୁ ବାରଖମା ପୋଲିସ ଏକ ଆପମୃତ୍ୟୁ ମାମଲା ରୁଜୁ କରି ଶବ ବ୍ୟବଛେଦ ପାଇ ପଠାଇଛି।

ପକ୍କା ଘର ଆଶାରେ ବାସ ହରା ଅସହାୟ ମହିଳା…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (କୋକସରା) – କଳାହାଣ୍ଡି ଜିଲ୍ଲା କୋକସରା ବ୍ଲକ ଅନ୍ତର୍ଗତ କାଉଡୋଳା ଗ୍ରାମରେ ଲଘୁଚାପ ଜନିତ ବର୍ଷା ଯୋଗୁଁ ଲବ ବେଶ୍ରା ଙ୍କ ଘର ର କାନ୍ତ ସବୁ ଭୁଶୁଡ଼ି ପଡି ଘର ଭାଙ୍ଗି ଯାଇଛି । ଯଦ୍ୱାରା ତାଙ୍କ ର ବର୍ତ୍ତମାନ୍ ରହିବା ପାଇଁ ବାସସ୍ଥାନ ଟିଏ ନାହିଁ। ସେ ଘରକୁ ସଜାଡ଼ି ରହିବା ପାଇଁ ମଧ୍ଯ ସକ୍ଷମ ନୁହଁନ୍ତି। କେହି ମାଟି, ନଡ଼ା ଛପର ଘରେ ରହିବେ ନାହିଁ ବୋଲି ସରକାର ଡିଣ୍ଡିମ ପିଟୁଥିବା ବେଳେ ଆଜି ଏହି ପରି ଅନେକ ପରିବାର ଅଛନ୍ତି ଯେଉଁ ମାନେ କି ସରକାର ଙ୍କ ଏହି ଯୋଜନା ରୁ ବଞ୍ଚିତ ଅଛନ୍ତି। ଯେଉଁ ପରିବାର ବର୍ଗ ମାଟି ଛପର ଘରେ ରହୁଛନ୍ତି। ସେହି ସବୁ ପରିବାର ବର୍ଗ ଙ୍କୁ ଚିହ୍ନଟ କରି ସହ ସରକାର ଙ୍କ ଯୋଜନାରେ ସାମିଲ କରିବା ପକ୍କା ଘର ଯୋଗାଇବା ନିମନ୍ତେ ସାଧାରଣରେ ଦାବି ହେଉଛି।

କୂଅ ଖୋଳା ମାଟି ରାସ୍ତା ରେ ଜମା ; ରାତାରାତି ଝୁଲିଲା ସୂଚନା ଫଳକ..!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – କୂଳ ଖୋଳା ମାଟି ରାସ୍ତା ରେ ବିଛା ଯିବାର କିଛି ଦିନ ପରେ ରାତାରାତି ସୂଚନ ଫଳକ ଝୁଲା ଯିବା ଘଟଣା ସ୍ତାନୀୟ ଅଞ୍ଚଳରେ ବର୍ତ୍ତମାନ୍ ଚର୍ଚ୍ଚା ର ବିଷୟ ପାଲଟିଛି। ସୂଚନା ଅନୁଯାୟୀ କାଉଡୋଲା ଗ୍ରାମ ର ଗଜାନନ ନାୟକ ନାମକ ଜଣେ ବ୍ୟକ୍ତି ନିଜ ଚାଷ ଜମିରେ ଏକ କୂଅ ଖୋଳିବା ପରେ ଉକ୍ତ ମାଟିକୁ କୋକୋସାରା ବ୍ଲକ ୨୬ ନମ୍ବର ଜାତୀୟ ରାଜପଥ ଠାରୁ କେନ୍ଦୁଡାଙ୍ଗରି ଯିବା ରାସ୍ତା ରେ ପକାଇ ସମତୁଲ କରିଦେଇ ଥିଲେ।

ତେବେ ଏହାର କିଛିଦିନ ଉକ୍ତ ରାସ୍ତା ରେ ଏକ ସୂଚନା ଫଳକ ଲାଗିଥିବା ଦେଖିବାକୁ ମିଳିଛି। ଉକ୍ତ ସୂଚନା ଫଳକରେ ରାସ୍ତା ର ଉନ୍ନତି କରଣ ପାଇଁ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା କଳାହାଣ୍ଡି ଦ୍ଵାରା ଏଫ୍. ଡ଼ି. ଆର ଯୋଜନା ମାଧ୍ୟମରେ ୨୦୧୮ – ୨୦୧୯ ଆର୍ଥିକ ବର୍ଷ ଅନୁଯାୟୀ ୨୫, ୦୦୦ ଅଟକଳରେ ୨୦.୦୨.୨୦୧୯ ତାରିଖ ଠାରୁ କାର୍ଯ୍ୟ ଆରମ୍ଭ କରାଯାଇଥିବା ଦର୍ଶାଯାଇଛି।

ମାତ୍ର ସେହି ରାସ୍ତା କାର୍ଯ୍ୟ ହୋଇନଥିବା ଜଣାପଡୁଥିବା ବେଳେ କାହା ଅନୁମତି ରେ ଏହି ସୂଚନ ଫଳକ ଟି ଏଠାରେ ଲଗା ଯାଇଛି, ତାହା ସାଧାରଣରେ ରେ ସନ୍ଦେହ ପ୍ରକାଶ ପାଇଥିଲା। ଏନେଇ କୋକସରା ଗୋଷ୍ଠୀ ଉନ୍ନୟନ ଅଧିକାରୀ ବସନ୍ତ କୁମାର ସେଠୀ ଙ୍କୁ ପଚାରିବାରୁ ସେ ମୁଁ ଜାଣି ନାହିଁ ଏହି ବିଷୟରେ ଜେ. ଇ ଙ୍କୁ ପଚାରି ବୁଝିବାକୁ କହିଥିଲେ। ପରେ ବ୍ଲକ ନିର୍ବାହୀ ଯନ୍ତ୍ରୀ ତିଳୋତ୍ତମା ମାଝୀ ଙ୍କୁ ପଚାରି ବୁଝିବାରୁ ଉକ୍ତ କାର୍ଯ୍ୟ ହୋଇ ନଥିବା ସେ ଦର୍ଶାଇଥିଲେ। ଏ ସମ୍ପର୍କରେ ଜି.ପି.ଡ଼ି.ଏ ବିଦ୍ୟାଧର ଟୁଡୁ ଙ୍କୁ ପଚାରି ବୁଝିବା ପରେ ସେଠାରେ କିଏ ସୂଚନ ଫଳକ ଲଗାଇଛି ମୁଁ ଜାଣି ନାହିଁ ବୋଲି ଉତ୍ତର ଦେଇଥିଲେ। ତେବେ କାର୍ଯ୍ୟାଦେଶ ପାଇଁ ଟଙ୍କା ମଞ୍ଜୁର ନହେଲେ କିମ୍ବା ବିଭାଗୀୟ ଅଧିକାରୀ ଙ୍କ ବିନା ଅନୁମତିରେ କିଭଳି ଏଠାରେ ସୂଚନା ଫଳକ ଲଗାଯାଇଛି ଓ ଏହାକୁ କିଏ ଲାଗାଇଛି ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।

ବିଭିନ୍ନ ସମୟରେ ସରକାରୀ ଅର୍ଥ କୁ ଏହିଭଳି ଆତ୍ମସାତ୍ କରାଯାଉଥିବା ଅଭିଯୋଗ ହେଉଛି। ତେବେ ପ୍ରଶାସନ ତୁରନ୍ତ ଏହି ସୂଚନା ଫଳକର ବୈଦତା ସମ୍ପର୍କରେ ତଦନ୍ତ କରିବା ସହ ଏହାର ଦୃଢ଼ କାର୍ଯ୍ୟାନୁଷ୍ଠାନ ନେବା କୁ ସାଧରଣରେ ଦାବୀ ହେଉଛି।

ଭବାନୀପାଟଣା ସହରାଞ୍ଚଳରେ ଆବର୍ଜନା ଉଠାଇବା ଦିଗରେ ପୌର ପରିଷଦ କତୃପକ୍ଷ ଦୃଷ୍ଟି ଦେବେ କି ?

!!! କଳାହାଣ୍ଡି ଜିଲ୍ଲା ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଭବାନୀପାଟଣା) – କଳାହାଣ୍ଡି ଜିଲ୍ଲା ଭବାନୀପାଟଣା ସହରାଞ୍ଚଳ ମଧ୍ୟରେ ରହିଥିବା ନର୍ଦ୍ଦମା ସଫା କରିବା ଉଦ୍ଦେଶ୍ୟରେ ପୌର ପରିଷଦ କତୃପକ୍ଷ ନର୍ଦ୍ଦମା ଉପରୁ ଘୋଡ଼ଣୀ ଉଠାଇ ଭରି ରହିଥିବା ପଙ୍କ ଓ ଆବର୍ଜନା ଉଠାଇ ନର୍ଦ୍ଦମା କଡ଼ରେ ପକାଇ ରଖିଛନ୍ତି।

କିଛି ଦିନ ହେଲା ଏହା ଏଭଳି ପକାଇ ରଖିଥିବାରୁ ଏଥିରୁ ବାହାରୁଥିବା ଗନ୍ଧ ପରିବେଷ କୁ ଦୂଷିତ କରୁଛି । ଏଥିରୁ ମାଛି ଓ ମଶା ଜନ୍ମି ଜନ ଜୀବନକୁ ଅସ୍ତବ୍ୟସ୍ତ କରୁଛି। ଏଭଳି କିଛି ଦିନ ରହିଲେ ଏତଦ୍ଵାରା ବିଭିନ୍ନ ରୋଗ ଉପୁଜିବାର ସମ୍ଭାବନା କୁ ଏଡ଼ାଇ ଦିଆଯାଇ ନ ପାରେ।

ଆଗାମୀ ଦିନରେ ବର୍ଷା ହେଲେ ପୁଣି ଏହି ପଙ୍କ ଓ ଆବର୍ଜନା ଗୁଡ଼ିକ ପୁଣି ନର୍ଦ୍ଦମା ରେ ଭରି ହୋଇ ପୂର୍ବ ଅବସ୍ଥାକୁ ଫେରି ଆସିବ। ଏଣୁ ଯାଥା ଶୀଘ୍ର ଉଠାଇ ନେବା କୁ ସାଧାରଣ ରେ ଦାବୀ ହେଉଛି। କତ୍ତୃପକ୍ଷ ଏଥି ପ୍ରତି ଟିକେ ଦୃଷ୍ଟି ଦେବେ କି ?

କୁକୁଡାଟାଲରେ ୨ କଲରା ପତରିଆ ବାଘ !

!!! ନୂଆପଡ଼ା ରୁ ସତୀଶ ଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ (ନୂଆପଡ଼ା) – ସଦର ବ୍ଲକ ହଲଦୀ ପରେ ଏବେ କୁକୁଡାଟାଲ ନିକଟ ମୁସରଙ୍ଗୀ ପ୍ରସ୍ତାବିତ ସଂରକ୍ଷିତ ଜଙ୍ଗଳରେ ୨ଟି କଲରା ପତରିଆ ବାଘ ଦେଖା ଦେଇଛି । ଗତ କାଳି ସନ୍ଧ୍ୟାରେ ଗାଁର କିଛି ଯୁବକ ଦୁଇଟି କଲରା ପତରିଆ ଦୁଇଟି ବାଘର ଫଟୋକୁ କ୍ୟାମେରାରେ କଏଦ କରିଛନ୍ତି । ଏବେ ୪୮ ଘଣ୍ଟା ହେଲା ଲୋକେ ଆତଙ୍କିତ ଆବସ୍ଥାରେ ଘର ତାଟି କବାଟ ବନ୍ଦ କରି ରହୁଛନ୍ତି । ଏବେ ନୂଆପଡ଼ା ବନ ବିଭାଗ ତରଫରୁ ଗାଁରେ ସଚେତନତା କରି ୨୪ ଘଣ୍ଟିଆ ପଏଁତରା ମାରୁଛନ୍ତି । ଲୋକଙ୍କୁ ଆତଙ୍କିତ ନ ହେବାକୁ ବନ ବିଭାଗ ପରାମର୍ଶ ଦେଉଛି ।

ଗତ ମଙ୍ଗଳବାର ସନ୍ଧ୍ୟାରେ ଆମାନାର ପଞ୍ଚାୟତ କୁକୁରାଟାଲ ନିକଟ ମୁସରଙ୍ଗୀ ପ୍ରସ୍ତାବିତ ସଂରକ୍ଷିତ ଜଙ୍ଗଳରେ ଦୁଇଟି କଲରା ପତରିଆ ବାଘ ଦେଖା ଦେଇଥିଲା । ଜଙ୍ଗଳର ଏକ ଚଟାଣ ଉପରେ ଦୁଇଟି ବାଘ ବୁଳୁଥିବା ଲୋକେ ଦେଖିବାକୁ ପାଇଥିଲେ । ସେଠାରେ ଗାଁର କିଛି ଯୁବକ ଦୁଇଟି ବାଘର ଫୋଟୋକୁ ମୋବାଇଲ କ୍ୟାମେରାରେ କଏଦ କରିଥିଲେ । ଏହି ଫଟୋ ଦେଖି ଗାଁ ଲୋକେ ଭୟଭିତ ହୋଇ ପଡିଥିଲେ ।

ସୋସିଆଲ ମିଡିଆରେ ଫୋଟୋ ଘୁରି ବୁଳିବାରୁ ଅଞ୍ଚଳବାସୀ ଆତଙ୍କିତ ହୋଇ ପଡିଛନ୍ତି । ହଲଦୀ ଘଟଣା ମନରୁ ନ ଲିଭୁଣୁ ଏବେ କୁକୁରାଟାଲ ଗାଁରେ ପୁଣି ଦୁଇଟି ବାଘ ଦେଖା ଦେଇଥିବାରୁ ଅଞ୍ଚଳବାସୀ ଆତଙ୍କିତ କରିଛି । କାଳେ ଦୁଇଟି ବାଘ ଗାଁକୁ ପଶି ଯିବ କି ? କାହାର ଘରକୁ ଆସି ଯିବ କି ବୋଲି ଲୋକେ ଘର ତାଟି କବାଟ ବନ୍ଦ କରି ଭୟଭିତ ଅବସ୍ଥାରେ ରହୁଛନ୍ତି । ଏବେ ବି ହଲଦୀ ଗାଁର ଦୃଶ୍ୟ ମନେ ପକାଇ ଲୋକଙ୍କ ଛତି ଥରି ପଡୁଛି । ଏହି ଖବର ପାଇ ଗତ କାଳି ରାତିରେ ନୂଆପଡ଼ା ବନ ବିଭାଗ କୁକୁରାଟାଲ ଗାଁରେ ପହଂଚି  ଥିଲେ ।

ସେଠାରେ ବନ କର୍ମଚାରୀ ନିୟୋଜିତ ହୋଇ ଲୋକଙ୍କୁ ସଚେତନ କରିଥିଲେ । ଏବେ ମଧ୍ୟ ଗାଁରେ ବନ ବିଭାଗ କର୍ମଚାରୀ ଗାଁରେ ୨୪ ଘଣ୍ଟିଆ ପଏଁତରା ମାରି ଲୋକଙ୍କୁ ସୁରକ୍ଷା ଦେବା ସହ ସଚେତନ କରୁଛନ୍ତି । ସନ୍ଧ୍ୟା ଓ ରାତିରେ ସତର୍କତାର ସହ ଘରୁ ବାହାରିବା ସହ ଘର ତାଟି କବାଟ ବନ୍ଦ କରିବାକୁ ଶୋଇବାକୁ ପରାମର୍ଶ ଦେଉଛୁ ବୋଲି ସଦର ରେଂଜର ଅସୀତ ଦାସ ସୂଚନା ଦେଇଛନ୍ତି । ତେବେ କୌଣସି ଅଘଟଣା ଘଟିବା ପୂର୍ବରୁ ଦୁଇଟି ବାଘକୁ ଧରି ନନ୍ଦନ କାନନ କିମ୍ବା ଅନ୍ୟତ୍ର ନେଇ ଯିବାକୁ ଅଞ୍ଚଳବାସୀ ଦାବୀ କରିଛନ୍ତି । ଏନେଇ ଏସିଏଫ  ମିହିର ରଂଜନ ପଟ୍ଟନାୟକଙ୍କୁ ପଚାରିବାରୁ, ମୁଁ ଛୁଟିରେ ଭୁବନେଶ୍ୱର ଆସିଛି ।

କୁକୁଡାଟାଲରେ ବାଘ ବାହାରୁଥିବା ଖବର ପାଇଛି । ସେଠାରେ ଆମର ବନ କର୍ମଚାରୀ ନିୟୋଜିତ ହୋଇଛନ୍ତି । ଗତ ଦୁଇ ବର୍ଷ ତଳେ ସଦର ବ୍ଲକ ହଲଦୀ ଗାଁରେ ଦୁଇଟି କଳରା ପତରିଆ ବାଘ ଆତଙ୍କ ଖେଲାଇଥିଲା । ୨୦୧୭ ମଇ ୨୬ ତାରିଖ ରାତିରେ ହଲଦୀ ଗାଁର ହିରାଲାଲ ପାଣ୍ଡେଙ୍କ ଚାରି ବର୍ଷର ଶିଶୁ ପୁତ୍ର ଛଗନଲାଲଙ୍କୁ ମାଁ କୋଳରୁ ଛାମ୍ପି ନେଇ ଖାଇ ଯାଇଥିଲା । ଜୁନ ୧୫ ତାରିଖରେ ମଣିଷ ଖିଆ ଅଣ୍ଡିରା କଲରା ପତରା ବାଘ ଓ ଅକ୍ଟୋବର ୩୧ ତାରିଖରେ ଅନ୍ୟ ଏକ ବାଘୁଣିକୁ ବନ୍ୟପ୍ରାଣି ବିଭାଗ ଯନ୍ତାରେ ଫସାଇ ନନ୍ଦନ କାନକକୁ ନେଇ ଯାଇଥିଲା ।

ନକଲି ଗୁଟୁଖା କାରଖାନା ଠାବ ରେ ରାୟଗଡ ପୋଲିସ ର ବଡ଼ ସଫଳତା ।

!!! ଦକ୍ଷିଣ ଓଡିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ !!!

ଏକ ବିସ୍ୱସ୍ଥ ସୂତ୍ର ରୁ ଖବର ପାଇ ନକଲି ଗୁଟୁଖା ତିଆରି କାରଖାନା ଉପରେ ପୋଲିସ ଚଢାଉ କରିଛି । ରାୟଗଡ ଜିଲ୍ଲା ଚନ୍ଦ୍ରପୁର ବ୍ଲକ ମୁନିଗୁଡା ଥାନା ଅଧିନସ୍ଥ ତୁରିଗୁଡା ଗ୍ରାମ ଠାରେ ପୋଲିସ ଏହି ନକଲି ଗୁଟୁଖା କାରଖାନ ଠାବ କରିଛି ।

ମୁନିଗୁଡା ଥାନା ଭାରପ୍ରାପ୍ତ ଅଧିକାରୀ ଶ୍ରୀ ଆର.କେ ଦିହୁରି ତାଙ୍କ ସହଯୋଗୀ କର୍ମକର୍ତ୍ତା ଙ୍କୁ ନେଇ ବିଷମକଟକ ଉପଖଣ୍ଡ ଆରକ୍ଷୀ ଅଧିକ୍ଷକ ଶ୍ରୀ ଚନ୍ଦ୍ର ଶେଖର ହୋତା ଙ୍କ ତତ୍ଵାବଧାନ ରେ ଏହି ଚଢ଼ାଉ କରିଥିଲେ ।

ଏହି ସଂକ୍ରାନ୍ତ ରେ ପୋଲିସ ମୁନିଗୁଡା ଥାନା କେସ୍ ନମ୍ବର ୯୯ ତା ୦୬/୦୮/୧୯ ରିଖ କ୍ରମେ ଏକ ମାମଲା ରୁଜୁ କରି ଏହି କାରଖାନା ପରିଚାଳକ ତଥା ବ୍ରହ୍ମପୁର ପାଣିଗ୍ରାହୀ ପେଣ୍ଠ ବ୍ରଜରାଜ ନଗର ନିବାସୀ ଗୌରୀ ଶଙ୍କର ପତି , ବ୍ରହ୍ମପୁର ଥାନା ହରିଡା଼ଖଣ୍ଡି ଗ୍ରାମ ନିବାସୀ ବଳରାମ ଗୌଡ ଏବଂ ମୁନିଗୁଡା ଥାନା ଆଂକୁଲି ପଦର ଗ୍ରାମ ନିବାସୀ ମୋହନ ଗୁଡୁମ୍ବାକା ଙ୍କ ବିରୋଧ ରେ ଭାରତୀୟ ପିଙ୍ଗଳ କୋର୍ଟ ଧାରା ୨୭୩ / ୪୨୦ / ୩୪ ଏବଂ ତମ୍ବାଖୁ ନିୟନ୍ତ୍ରଣ ଆଇନ ର ଧାରା ୨୦ କ୍ରମେ କେସ୍ ରୁଜୁକରି ତଦନ୍ତ ଚଲାଇଛି ।

ଅଭିଯୁକ୍ତ ମାନେ ଏହି ହାନିକର ଦ୍ରବ୍ୟ ଓ ନକଲି ଗୋକୁଳ ଡିଲକ୍ସ ମିକ୍ସ ନାମ ରେ ନକଲି ହାନିକାରକ ତମାଖୁ ତିଆର କରି ମୁନିଗୁଡା ସହର ଓ ସହର ବାହାର କୁ ଗୁଟୁଖା ବିକ୍ରୟ କରି ଜନ ସାଧାରଣ ଙ୍କୁ ଠକୁ ପୋଲିସ ଅଭିଯୋଗ କରିଛି ।

ଚଢ଼ାଉ ବେଳେ ପୋଲିସ ଏଠାରୁ ୨ ଗୋଟି ବଡ଼ ମିକ୍ସର୍ ମେସିନ , ଗୋଟିଏ ଓଭମ , ଡିଲକ୍ସ ମିକ୍ସ ଥିବା ଗୁଟୁଖା ୪୦ ବସ୍ତା ଏବଂ ୧୬ ଗୋଟି ଟ୍ରେ ଜବତ କରିଛି । ସମସ୍ତ ଜିନିଷ ଗୁଡ଼ିକ ର ଆନୁମାନିକ ମୂଲ୍ୟ ପ୍ରାୟ ୧୫ ଲକ୍ଷ ଟଙ୍କା ହେବ ବୋଲି ରାୟଗଡ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ଶ୍ରବଣ କୁମାର ବିବେକ ସୁଚନା ଦେଇଛନ୍ତି ।

ପୋଲିସ ର ଏତେ ବଡ଼ ସଫଳତା କୁ ସାଧାରଣ ରେ ଭୁୟସି ପ୍ରଶଂସା କରାଯାଇଛି । ଆଗାମୀ ଦିନ ରେ ଏଭଳି ବେଆଇନ କାର୍ଯ୍ୟ ପ୍ରତି ନଜର ରଖିବା ସଙ୍ଗେ ସଙ୍ଗେ ତମ୍ବାଖୁ ବିକ୍ରୟ ସ୍ଥାନ ରେ ହେଉଥିବା ତମ୍ବାଖୁ ଦ୍ରବ୍ୟ ବିକ୍ରିକୁ ଯାଞ୍ଚ କରି ଦୃଢ ହସ୍ତ ରେ କାର୍ଯ୍ୟାନୁଷ୍ଠାନ କରାଯାଉ ବୋଲି ରାଜ୍ୟ ଖାଉଟି ସୁରକ୍ଷା ପରିଷଦ ର ସଭ୍ୟା ଶ୍ରୀମତୀ ବାସନ୍ତୀ କୁମାରୀ ପାଟ୍ଟଯୋଶୀ ଦାବୀ କରିଛନ୍ତି ।