ଗୁଣପୁର ଠାରେ ପଲ୍ଲୀଶ୍ରୀ ମେଳା ଉଦ୍ଘାଟିତ !

ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ରାଜୀବ ଗାନ୍ଧୀ ପଡିଆ ଠାରେ ଗତ କାଲି ପଲ୍ଲୀଶ୍ରୀ ମେଳା ଉଦ୍ଘାଟିତ ହୋଇଯାଇଛି ।

ଏହାକୁ ଗୁଣପୁର ବିଧାୟକ ଶ୍ରୀ ରଘୁନାଥ ଗମାଙ୍ଗ ଉଦ୍ଘାଟିତ କରିଥିବା ବେଳେ ସେଠାରେ ରାୟଗଡ ଜିଲ୍ଲାପାଳ ଶ୍ରୀ ପ୍ରମୋଦ କୁମାର ବେହେରା , ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦେଶକ ଶ୍ରୀ ଅମ୍ରିତ୍ ଋତୁରାଜ , ଗୁଣପୁର ଉପ ଜିଲ୍ଲାପାଳ ଶ୍ରୀ ସିଦ୍ଧେଶ୍ବର ବଲିରାମ ବନ୍ଧୋର , ଓ.ର.ମା.ସ୍ ର ଅଧିକାରୀ ଏବଂ ଅନ୍ୟ ସରକାରୀ ଅଧିକାରୀ ମାନେ ଉପସ୍ଥିତ ରହିଥିଲେ ।

ଏହି ମେଳା କୁ ଓ.ର.ମା.ସ୍ ଆୟୋଜନ କରିଥିଲା ।

ଗୁଣପୁର ରେ ଗତ କିଛି ବର୍ଷ ଧରି ଲୋକ ଙ୍କ ମନୋରଞ୍ଜନ ନିମନ୍ତେ ସାଂସ୍କୃତିକ କାର୍ଯ୍ୟକ୍ରମ ର ଆୟୋଜନ କରାଯାଉଥିଲା କିନ୍ତୁ ଏହି ଏହି ବର୍ଷ ତାହାକୁ ବନ୍ଦ କରାଯାଇ ତାହା ବଦଳ ରେ ଗୁଣ୍ଡିଚା ମନ୍ଦିର ର ରକ୍ଷଣା ବେକ୍ଷଣ କାର୍ଯ୍ୟ କରାଯିବ ବୋଲି ସର୍ବସମ୍ମତି କ୍ରମେ ନିଷ୍ପତି ହୋଇଥିଲା ।

ଏହାକୁ ଆଖିରେ ରଖି ଗୁଣପୁର ତତ୍କାଳୀନ ଉପ ଜିଲ୍ଲାପାଳ ଶ୍ରୀ ଅମ୍ରିତ୍ ଋତୁରାଜ ଙ୍କ ପରିଚାଳନା ରେ ଏହି ବର୍ଷ ପଲ୍ଲୀଶ୍ରୀ ମେଳା ର ଆୟୋଜନ ହୋଇଛି ।

ଏଥିରେ ୫୦ ଗୋଟି ଷ୍ଟଲ ରହିଥିବା ବେଳେ ଏହା ୧୦ ଦିନ ଧରି ଚାଲିବ ବୋଲି ସୁଚନା ମିଳିଛି । ଏହି ମେଳା ଦ୍ୱାରା ହସ୍ତ କଳା ର ବହୁଳ ପ୍ରଦର୍ଶନ ସହ ସେମାନ ଙ୍କ ରୋଜଗାର ବଢ଼ାଇ ବାରେ ସହାୟକ ହେବା ଏକ ଭିନ୍ନ ପଦକ୍ଷେପ କୁ ଜନସାଧାରଣ ଭୁୟସି ପ୍ରଶଂସା କରିବା ସହ ଶ୍ରୀ ଋତୁରାଜ ଙ୍କୁ ସାଧୁବାଦ ଜଣାଇଛନ୍ତି ।

କେନ୍ଦ୍ର ବଜେଟ ଅଧିବେଶନ ର ଏପାଖ – ସେପାଖ…!

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ଗତ କାଲି ସଂସଦ ରେ ଭାରତ ର ଅର୍ଥ ମନ୍ତ୍ରୀ ନିର୍ମଳା ସୀତା ରାମଣ୍ ବ୍ରିଟିଶ ଠାରୁ ଆରମ୍ଭ ହୋଇଥିବା ପୁରୁଣା ପରମ୍ପରା କୁ ଭାଙ୍ଗି ବ୍ରିଫ୍ କେଶ୍ ବଦଳରେ ନଥି ପତ୍ର ଧରି ସଂସଦ ରେ ପ୍ରବେଶ କରିଥିଲେ। ଅର୍ଥ ମନ୍ତ୍ରୀ ଙ୍କ ବଜେଟ ରେ କିଛି ନୂଆ ଜିନିଷ ଦେଖିବାକୁ ମିଳିଥିବା ବେଳେ କିଛି ପୁରୁଣା ଜିନିଷ ର ଝଲକ୍ ବି ମିଳିଛି। ମଧ୍ୟବିତ୍ତ ଶ୍ରେଣୀ ର ଲୋକଙ୍କ ନିମନ୍ତେ ସେଭଳି ଆଶାନୁରୂପକ ବ୍ୟବସ୍ଥା କରାଯାଇନଥିବା ମଧ୍ୟବିତ୍ତ ଶ୍ରେଣୀର ଲୋକଙ୍କୁ ନିରାଶ କରିଛି। ପେଟ୍ରୋଲ ଓ ସୁନାର ଦର୍ ବଢାଇ ଥିବା ସହ ଆୟକର ସୀମା ପରିବର୍ତ୍ତନ ନହେବା ମଧ୍ୟବିତ୍ତ ଶ୍ରେଣୀର ଲୋକଙ୍କୁ ଉଦାସିନ କରିଛି। ରେଳ ସେବା କ୍ଷେତ୍ର ରେ ମଧ୍ଯ ସେଭଳି କୌଣସି ନୂତନ ଟ୍ରେନ୍ ର ବ୍ୟବସ୍ଥା ନକରି ଭିତି ଭୂମି ର ବିକାଶ ତଥା ବିଶ୍ଵ ନିରାପତ୍ତା ବ୍ୟବସ୍ଥା ଉପରେ ଗୁରୁତ୍ଵ ଦିଆଯିବ ବୋଲି ୨୦୧୪ ର ସେ ପୁରୁଣା ରେକର୍ଡ଼ କୁ ବଜାଇ ଛନ୍ତି ଅର୍ଥ ମନ୍ତ୍ରୀ। ଅନ୍ୟ ପକ୍ଷ ରେ ମୋଦୀ ଙ୍କ ନୂତନ ଭାରତର ସ୍ଵପ୍ନ ର ଝଲକ ଏହି ବଜେଟ ରେ ଦେଖିବାକୁ ମିଳିଛି। ଜଳ ଶକ୍ତି ନିମନ୍ତେ ବିଶେଷ ଆର୍ଥିକ ବଜେଟ ସାଗର ମାଳା, ପର୍ବତ ମାଳା ତଥା ଜାତୀୟ ରାଜପଥ ର ଉନ୍ନତି ନିମନ୍ତେ ବିଶେଷ ଚିନ୍ତନତା ସହ ବିଭିନ୍ନ ପର୍ଯ୍ୟଟନ କ୍ଷେତ୍ର କୁ ବିଶ୍ଵ ସ୍ତରରେ ଆକର୍ଷଣ କରାଇବାର ପ୍ରୟାସ ଏହି ବଜେଟ ର ବିଶେଷ ଆକର୍ଷଣ ହୋଇପାରିଛି। ଏହି ବଜେଟ ରେ ପେଟ୍ରୋଲ ଉପରେ ଶୁଳ୍କ ବୃଦ୍ଧି ଓ ବିମାନ୍ ସେବା ତଥା ମିଡିଆ କ୍ଷେତ୍ର ରେ ସତ ପ୍ରତିଶତ ବିଦେଶ ପୁଞ୍ଜି ନିବେଶ ର ପରିକଳ୍ପନା ଯୋଗୁଁ ଆଗାମୀ ଦିନରେ ମୋଦୀ ସରକାର ଙ୍କୁ ଜନ ଅସନ୍ତୋଷ ର ସାମ୍ନା କରିବାକୁ ପଡ଼ିପାରେ।

ଗୁଣପୁର ଠାରେ କଡ଼ା ସୁରକ୍ଷା ମଧ୍ୟରେ ବହୁ ଆଡମ୍ବର ସହକାରେ ଶ୍ରୀ ଜୀଉ ଙ୍କ ରଥଯାତ୍ରା ପାଳିତ ହୋଇଯାଇଛି !

ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ଠାରେ ଶ୍ରୀ ଜୀଉ ଙ୍କ ରଥଯାତ୍ରା ମହାସମାରୋହ ରେ ଅନୁଷ୍ଠିତ ହୋଇଯାଇଛି । ଏହି ଗୁଣପୁର ରଥଯାତ୍ରା ତଲାରୀ ଯାତ୍ରା ନାମ ରେ ପ୍ରସିଦ୍ଧ । ଗୁଣପୁର ଠାରେ ଏହି ରଥାଯାତ୍ରା ବହୁ ପୂରାତନ କାଳ ରୁ ହେଉଥିବା ଯୋଗୁଁ ପ୍ରତିବର୍ଷ ଭଳି ଚଳିତ ଥର ମଧ୍ୟ ଆଖ ପାଖ ଗ୍ରାମ ଗୁଡ଼ିକ ରୁ ଏବଂ ସ୍ଥାନୀୟ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କ ସମାଗମ ହୋଇଥିଲା ।
ଏହି ଅବସର ରେ ଦିନ ୨ ଘଣ୍ଟା ସମୟ ରେ ତିନି ଠାକୁରଙ୍କ ରଥର ପାରମ୍ପରିକ ରୀତିନୀତିରେ ଵ୍ରମ୍ହା ଗୁପ୍ତେଶ୍ୱର ରଥଶର୍ମା ଙ୍କ ଦ୍ୱାରା ପୂଜାବିଧି କାର୍ଯ୍ୟ ସମ୍ପନ୍ନ ହେବା ପରେ ତିନି ଠାକୁରଙ୍କ ପହଣ୍ଡି ବିଜେ ପାଇଁ ମନ୍ଦିରରେ ପୂଜାବିଧି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଏହାପରେ ଚତୁର୍ଦ୍ଧାମୂର୍ତ୍ତିଙ୍କ ରଥ ଉପରକୁ ପହଣ୍ଡି ବିଜେ କାର୍ଯ୍ୟକ୍ରମ ଅପରାହ୍ନ ୪ ଘଣ୍ଟା ସୁଦ୍ଧା ଅନୁଷ୍ଠିତ ହୋଇ ରଥ ଟଣା ର ପ୍ରସ୍ତୁତି କାର୍ଯ୍ୟ ଆରମ୍ଭ ହୋଇଥିଲା ।

ଦୁଇ ରଥ ଅର୍ଥାତ ବଡ଼ ଓ ସାନ ମନ୍ଦିର ର ଠାକୁର ଙ୍କ ରଥ ଉପରେ ଛେରାପହରା କାର୍ଯ୍ୟକ୍ରମ ସମ୍ପନ୍ନ ପରେ ପାଗ ଅନୁକୁଳ ଥିବା ଯୋଗୁଁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଭକ୍ତ ଙ୍କ ଗ୍ରହଣ ରେ ଚତୁର୍ଦ୍ଧାମୁର୍ତ୍ତୀ ଙ୍କ ଉପରକୁ ପହଣ୍ଡି ବିଜେ ଏବଂ ରଥ ଉପରେ ଠିଆ ହୋଇ ଶ୍ରୀ ଇନ୍ଦ୍ରାକ୍ଷି ପ୍ରସାଦ ଦାଶ ରଥ ଟଣା ପରିଚାଳନା ର ସୁଚନା ଦେବା ବେଳେ ହୁଳହୁଳି, ଘଣ୍ଟ ଓ ଶଙ୍ଖନାଦ, ହରିବୋଲ ଓ ସଂକୀର୍ତ୍ତନ ପ୍ରଭୃତି ଧ୍ୱନିରେ ସମଗ୍ର ବଡଦାଣ୍ଡ ପ୍ରକମ୍ପିତ ହୋଇଉଠୁଥିଲା ।

ସନ୍ଧ୍ୟା ୫ ଟାରେ ଠାକୁରଙ୍କ ରଥ ଶ୍ରୀଗୁଣ୍ଡିଚା ଅଭିମୁଖେ ଟଣାଯାଇଥିଲା । ଶ୍ରୀ ଜୀଉ ଙ୍କ ବଡ଼ ରଥକୁ ପୁରୁଷ ଓ ଯୁବକ ମାନେ ଟାଣିଥିବା ବେଳେ ସାନ ରଥ କୁ କେବଳ ମହିଳା ଓ ଯୁବତୀ ମାନେ ଟାଣି ନେଇଥିଲେ । ସେଠାରେ ଅଧ୍ୟାପକ ଶ୍ରୀ କୃଷ୍ଣ ପଣ୍ଡା ଧାରା ବିବରଣୀ ପ୍ରଦାନ କରୁଥିଲେ ।

ଶାନ୍ତି ଶୃଙ୍ଖଳା ପାଇଁ ଶତାଧିକ ସଂଖ୍ୟାରେ ପୋଲିସବାହିନି ମୃତୟନ କରାଯାଇ ଭକ୍ତ ଙ୍କ ସୁରକ୍ଷା ବ୍ୟବସ୍ଥା କଡ଼ାକଡ଼ୀ କରାଯାଇଥିବା ନେଇ ସ୍ଥାନୀୟ ପୋଲିସ ବାହିନୀ ଙ୍କୁ ସାଧାରଣ ରେ ପ୍ରଶଂସା କରାଯାଇଛି ।