୨୦୧୯ ଆନ୍ତର୍ଜାତିକ ନିଶା ଅପବ୍ୟବହାରକୁ ଅବୈଧ କାରବାର ନିରୋଧ ଦିବସ ପାଳିତ !

!!! ଦକ୍ଷିଣ ଓଡ଼ିଶା ମୁଖ୍ୟ ଡି. କିରଣ କୁମାର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗଜପତି/ପାରଳାଖେମୁଣ୍ଡି) – ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତି କରଣ ଓ ଅବକାରୀ ବିଭାଗ , ଗଜପତିଙ୍କ ଦ୍ୱାରା ଆନ୍ତର୍ଜାତିକ ନିଶା ଅପବ୍ୟବହାର ଓ ଅବୈଧ କାରବାର ଦିବସ ନିରୋଧ ଦିବସ ୨୦୧୯ ପାରଳାଖେମୁଣ୍ଡି ସ୍ଥିତ ଗ୍ରାମୀଣ ଆତ୍ମ ନିଯୁକ୍ତି ପ୍ରଶିକ୍ଷଣ ଅନୁଷ୍ଠାନ ଠାରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲାପାଳ ଅନୁପମ ସାହା , ଜିଲ୍ଲା ଅବକାରୀ ଅଧିକ୍ଷକ ପ୍ରଦୀପ କୁମାର ପାଣିଗ୍ରାହୀ , ବ୍ରହ୍ମାକୁମାରୀ କଲ୍ୟାଣୀ,ପାରଳାଖେମୁଣ୍ଡି, ରମେଶଚନ୍ଦ୍ର ମିଶ୍ର, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ରବିନ୍ଦ୍ର ନାଥ ବେହେରା,ଆନନ୍ଦ ସାମନ୍ତ ରାୟ ଯୋଗ ଦେଇଥିବା ବେଳେ ଡ. କଲ୍ୟାଣୀ ମିଶ୍ର ମୁଖ୍ୟ ବକ୍ତା ଭାବେ ଯୋଗ ଦେଇ ମଞ୍ଚାସୀନ କରିଥିଲେ । ବିଶ୍ୱରେ ପ୍ରତିବର୍ଷ ଜୁନ୍‍ ୨୬ ତାରିଖକୁ ଅନ୍ତର୍ଜାତୀୟ ନିଶା ଓ ଅବୈଧ କାରବାର ଦିବସ ରୁପେ ପ୍ରତିବର୍ଷ ପାଳନ କରାଯାଏ । ୧୯୮୯ ମସିହା ଠାରୁ ଏହି ଦିବସ ପ୍ରତି ପାଳନ କରାଯାଉଅଛି । ବର୍ତ୍ତମାନର ଯୁବଗୋଷ୍ଠୀ ଆଗାମୀ ଦିନର ଭବିଷ୍ୟତ କିନ୍ତୁ ବର୍ତ୍ତମାନର ଯୁବଗୋଷ୍ଠୀ ବିଭିନ୍ନ ମାନସିକ ଚାପର ଶିକାର ହୋଇ ଏବଂ କୁସଙ୍ଗତରେ ପଡି ନିଶା ଗ୍ରସ୍ତ ହୋଇ ଲକ୍ଷଭ୍ରଷ୍ଟ ହେଉଛନ୍ତି । ଫଳରେ ଦେଶର ଭବିଷ୍ୟତ ମଧ୍ୟ ଏହା ଦ୍ୱାରା ପ୍ରଭାବିତ ହେଉଛି । ମାଦକ ଦ୍ରବ୍ୟ ସେବନ କରିବା ଦ୍ୱାରା ଏହା ଶରୀର ଓ ମସ୍ତଷ୍କକୁ ପ୍ରଭାବିତ କରି ସ୍ନାୟୁ ଗୁଡିକୁ ଦୁର୍ବଲ କରିଥାଏ । ତତ୍‍ ସହିତ ହୃଦ୍‍ସ୍ପନ୍ଦନ ଚାପ ବଢିଥାଏ । ବର୍ତ୍ତମାନର ଯୁବଗୋଷ୍ଠୀ ସାଙ୍ଗ ମାନଙ୍କୁ ଆକର୍ଷିତ କରିବା ସହିତ ସମାଜର ନିତି ନିୟମକୁ ଭିତରୁ ବାହାରି ସ୍ୱାଧୀନ ଭାବରେ ରହିବା ପାଇଁ ଚେଷ୍ଟା କରିବା ପ୍ରକ୍ରିୟାର ନିଶା ସେବନ କରନ୍ତି । ତେଣୁ ନିଶା ଠାରୁ କିପରି ଦୁରେଇ ରହିବ ଯୁବଗୋଷ୍ଠୀ ସମାଜରେ ଭଲ ମଷିଣ ଓ ସୁସ୍ଥ ସମାଜ ଗଠନ କରିପାରିବେ ତାହା ମଞ୍ଚାସୀନ ଅତିଥି ମାନେ କହିଥିଲୋ ପରିଶେଷରେ ଉପଖଣ୍ଡ ସାମାଜିକ ସୁରକ୍ଷା ଅଦିକାରୀ ସନ୍ତୋଷ କୁମାର ନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିବା ବେଳେଛାତ୍ରଛାତ୍ରୀ ମାନଙ୍କ ଦ୍ୱାରା ରଙ୍ଗାରଙ୍ଗ ସାସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥି ପୁର୍ବରୁ ମହାରାଜାଙ୍କ ବାଳକ ବାଳକ ବିଦ୍ୟାଳୟ ପରିସରରୁ ଏକ ସଚେତନତା ରାଲି ବାହାରି ସହର ପରିକ୍ରମା କରିଥିଲେ ।ଏହି କାର୍ଯ୍ୟକ୍ରମକୁ ଜିଲ୍ଲାପାଳ ଅନୁପମ ସାହା ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ପରେ ସଚେତନତା ରାଲି ସହର ପରିକ୍ରମା କରି ବିଭିନ୍ନ ସ୍ଲୋଗାନ ଦେଇ ଓ ପ୍ଲାକାର୍ଡ ଧରି ଜନସାଧାରଣଙ୍କୁ ସଚେତନ କରାଇଥିଲେ ।

କେନ୍ଦୁଝରରେ ସେଲର ଦ୍ଵିତୀୟ ଇସ୍ପାତ କାରଖାନା ଦାବି ; କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟି ଅନୁରୋଧ ଜଣାଇଲେ ଜିଲ୍ଲା ବିଜେପି !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଓଡ଼ିଶାରେ ସେଲ ତରଫରୁ ଦ୍ଵିତୀୟ ରାଷ୍ଟ୍ରାୟତ ଇସ୍ପାତ କାରଖାନା ପ୍ରତିଷ୍ଠା ପାଇଁ କେନ୍ଦ୍ର ସରକାର ପଦକ୍ଷେପ ନେଉଛନ୍ତି ବୋଲି କେନ୍ଦ୍ର ପେଟ୍ରୋଲିୟମ ଓ ଇସ୍ପାତ କ୍ୟାବିନେଟ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଘୋଷଣା କରିଥିବା ବେଳେ ସେହି କାରଖାନା ଖଣିଜ ବହୁଳ କେନ୍ଦୁଝର ଜିଲ୍ଲାରେ କରିବା ପାଇଁ ଦାବି ଉଠୁଛି । ଆଜି ଏହି ମର୍ମରେ କେନ୍ଦୁଝର ବିଜେପିର ନେତୃବୃନ୍ଦ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କୁ ସାକ୍ଷାତ କରି ଏହି ଦାବି କରି ଅନୁରୋଧ ପତ୍ର ପ୍ରଦାନ କରିଛନ୍ତି । ଗତ ନିର୍ବାଚନରେ ଘଷିପୁରାରୁ ବିଧାୟକ ପ୍ରାର୍ଥୀ ଭାବେ ଲଢ଼ିଥିବା ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶ୍ରୀ ପୃଥ୍ବୀରାଜ କୁଅଁର, ତେଲକୋଇ ବିଧାୟକ ପ୍ରାର୍ଥୀ ଶ୍ରୀ ଧନୁର୍ଜୟ ସିଦ୍ଧୁ, ପାଟଣା ବିଧାୟକ ପ୍ରାର୍ଥୀ ଶ୍ରୀ ଭବାନୀ ଶଙ୍କର ନାଏକ, କରଞ୍ଜିଆ ବିଧାୟକ ପ୍ରାର୍ଥୀ ଶ୍ରୀ ପଦ୍ମ ଚରଣ ହାଇବ୍ରୁ ଓ ରାଷ୍ଟ୍ରୀୟ ଉପସଭାପତି ବିଜେପି କୃଷକ ମୋର୍ଚ୍ଚା ଶ୍ରୀ ମହେଶ୍ଵର ସାହୁ ପ୍ରମୁଖ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କୁ କେନ୍ଦୁଝରରେ ଦ୍ଵିତୀୟ ରାଷ୍ଟ୍ରାୟତ୍ତ ଇସ୍ପାତ କାରଖାନା ପ୍ରତିଷ୍ଠା ପାଇଁ ଦାବୀ ଜଣାଇଛନ୍ତି । ଏହା ସହିତ ସାଇଁକୁଳ ଏବଂ କେଶଦୁରାପାଳ ମେଡିକାଲକୁ ଟାଟା ଷ୍ଟିଲ ଓ ଜିନ୍ଦଲ ଷ୍ଟିଲ ପେରିଫେରି ପାଣ୍ଠିରୁ ଆଥିର୍କ ସହାୟତା ପ୍ରଦାନ କରି ସ୍ଵାସ୍ଥ୍ୟ କ୍ଷେତ୍ରରେ ଅଧିକରୁ ଅଧିକ ବ୍ୟବସ୍ଥିତ କରି ଲୋକଙ୍କୁ ଉନ୍ନତ ସ୍ୱାସ୍ଥ୍ୟସେବା ଯୋଗାଇ ଦେବାରେ ସହାୟକ ହେବାକୁ ଅନୁରୋଧ କରିଛନ୍ତି।

ସ୍ୱାଧୀନତା ସଂଗ୍ରାମୀ ମହମ୍ମଦ ବାଜିଙ୍କ ବିୟୋଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଶୋକ ପ୍ରକାଶ !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ଓଡିଶାର ବିଶିଷ୍ଟ ସ୍ୱାଧୀନତା ସଂଗ୍ରାମୀ ମହମ୍ମଦ ବାଜିଙ୍କ ବିୟୋଗରେ ଗଭୀର ଦୁଃଖ ପ୍ରକାଶ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଶ୍ରୀ ବାଜିଙ୍କ ବିୟୋଗରେ ସେ ମର୍ମାହତ ବୋଲି ସାମାଜିକ ଗଣମାଧ୍ୟମରେ ଉଲ୍ଲେଖ କରିଛନ୍ତି ।
ଶ୍ରୀ ପ୍ରଧାନ ଉଲ୍ଲେଖ କରିଛନ୍ତି ଯେ ବିଶିଷ୍ଟ ସ୍ୱାଧୀନତା ସଂଗ୍ରାମୀ ମହମ୍ମଦ ବାଜି ବିୟୋଗରେ ମୁଁ ମର୍ମାହତ । ଶୋକସନ୍ତପ୍ତ ପରିବାର ବର୍ଗକୁ ସମବେଦନା ଜଣାଇବା ସହ ଅମରଆତ୍ମାର ସଦ୍ଗତି କାମନା କରୁଛି ବୋଲି ଶୋକବାର୍ତ୍ତାରେ କେନ୍ଦ୍ର ମନ୍ତ୍ରୀ ଶ୍ରୀ ପ୍ରଧାନ ଉଲ୍ଲେଖ କରିବା ସହ ଅମରତ୍ମାର ସଦଗତି କାମନା କରିଛନ୍ତି |

ବଦଳିବ କେନ୍ଦ୍ର ରାଜ୍ୟ ସମ୍ପର୍କର ପରିଭାଷା, ଆରମ୍ଭ ହେବ ନୂଆ ଯୁଗ ; ମୁଖ୍ୟମନ୍ତ୍ରୀଙ୍କ ମୁହଁରେ “କେନ୍ଦ୍ର ସହ ଗଠନମୂଳକ ସହଯୋଗ”ର ସ୍ୱର !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ପ୍ରତ୍ୟେକ ବ୍ଲକରେ ଆଦର୍ଶ ବିଦ୍ୟାଳୟ, ମେଧା ଓ ସାମାଜିକ-ଅର୍ଥନୈତିକ ମାନଦଣ୍ଡ ଦେଖି ବୃତ୍ତି ପରିଷଦ ସ୍ଥାପନ କରି ବିକାଶ ଆମ ଲକ୍ଷ | ସାଢେ ଚାରିକୋଟି ଓଡ଼ିଆଙ୍କ କଲ୍ୟାଣ ଓ ରାଜ୍ୟର ବିକାଶ ଆମ ପାଇଁ ସର୍ବାଦୌ ଗୁରୁତ୍ବପୂର୍ଣ୍ଣ। ତେଣୁ ରାଜ୍ୟର ବିକାଶ ଓ ଲୋକଙ୍କ କଲ୍ୟାଣ ପାଇଁ ଆମେ କେନ୍ଦ୍ର ସରକାରଙ୍କ ସହିତ ଗଠନମୂଳକ ସହଯୋଗ ନୀତି ଆପଣାଇବୁ ବୋଲି ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନାର ଉତ୍ତର ଦେଇ କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ଲଗାତାର ଭାବେ ଦୀର୍ଘ ୧୯ ବର୍ଷଧରି କେନ୍ଦ୍ର ଅବହେଳା ଆଉ ବୈମାତୃକାତା କୁ ନେଇ ବ୍ଲକ ଠାରୁ ଆରମ୍ଭ କରି ରାହାଭବନ ଆଉ ପାଳି ଠାରୁ ଦିଲ୍ଲୀ ପର୍ଯ୍ୟନ୍ତ ପ୍ରତିବାଦ ଆଉ ଆନ୍ଦୋଳନ କରି ଆସୁଥିବା ବେଳେ ମୁଖ୍ୟମନ୍ତ୍ରୀ ଏଭଳି ମନ୍ତବ୍ୟ ଦେଇ କେନ୍ଦ୍ର ରାଜ୍ୟ ସମ୍ପର୍କରେ ନୂଆ ଯୁଗର ଅୟମାରମ୍ଭ କରିବାର ସଙ୍କଟ ଦେଇଛନ୍ତି | କେନ୍ଦ୍ର ଓ ରାଜ୍ୟ ପାଇଁ ପୃଥକ ସରକାରଙ୍କୁ ଭୋଟ କରି ଓଡିଶା ବସି ବୁଦ୍ଧିମତାର ପରିଚୟ ଦେଇଛନ୍ତି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏଭଳି ନରମ ଆଭିମୁଖ୍ୟ ପୋଷଣ ଏବେ ରାଜ୍ୟ କେନ୍ଦ୍ର ସମ୍ପର୍କକୁ ନୂଆ ଦିଶା ଦେଇପାରେ ବୋଲି ରାଜନୈତିକ ପର୍ଯ୍ୟବେକ୍ଷକ ମହଲରେ ମତ ପ୍ରକାଶ ପାଇଛି |
ରାଜ୍ୟପଲଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନାରେ ନିଜ ଉତ୍ତର ରଖି ମୁଖ୍ୟମନ୍ତ୍ରୀ କହିଛନ୍ତି ଯେ ‘ଗଣତନ୍ତ୍ରରେ ଜନମତ ସବୁଠୁ ଗୁରୁତ୍ୱପୁର୍ଣ । ଲୋକେ ଆଉ ଥରେ ଆମକୁ ସେବା କରିବା ପାଇଁ ସୁଯୋଗ ଦେଇଥିବା ଯୋଗୁ ସେମାନଙ୍କ ଭାବନା ଓ ସମର୍ଥନକୁ ଆମେ ସମ୍ମାନ ଜଣାଉଛୁ। ଲୋକଙ୍କ ଆଶୀର୍ବାଦ ନେଇ ସେମାନଙ୍କୁ ନିର୍ମଳ, ସ୍ବଚ୍ଛ ଓ ନାଗରିକ କୈନ୍ଦ୍ରିକ ଶାସନ ଦେବା ପାଇଁ ଆମେ ଉଦ୍ୟମ ଜାରି ରଖିଛୁ ଓ ରଖିବୁ। ଗତ ୧୯ ବର୍ଷ ଧରି ଆମେ ଦେଇଥିବା ପ୍ରତିଶ୍ରୁତିମାନ ପାଳନ କରିଆସିଥିବା ବେଳେ ଆମର ସଫଳତା ନେଇ ଆମେ ଗର୍ବିତ ବୋଲି ମୁଖ୍ୟମନ୍ତ୍ରୀ କହିଥିଲେ |
ମୁଖ୍ୟମନ୍ତ୍ରୀ କହିଥିଲେ ଯେ ଲୋକଙ୍କ ସ୍ବାର୍ଥ ବିଶେଷ କରି ଦୁର୍ବଳ ଶ୍ରେଣୀଙ୍କ ବିକାଶ ପ୍ରତି ଆମ ସରକାର ଅଙ୍ଗୀକାରବଦ୍ଧ। ପଞ୍ଚମ ପାଳିର ସରକାର ଶପଥ ଗ୍ରହଣ କରିବା‌ ପରେ ପରେ ପ୍ରଥମ ମନ୍ତ୍ରିପରିଷଦ ବୈଠକ ଡାକି ଲୋକଙ୍କ ପ୍ରତି ରହିଥିବା ପ୍ରତିବଦ୍ଧତା ପ୍ରମାଣିତ କରିଛୁ । ନିଵେବଚନ ବେଳେ ଲୋକଙ୍କୁ ଦିଆ ଯାଇଥିବା ପ୍ରତିଶୃତିକୁ ଧାର୍ଯ୍ୟ ସମୟ ମଧ୍ୟରେ ପୁରାଣ କରିବା ପାଇଁ ଆମେ ପଦକ୍ଷେପ ନେଉଛୁ | ଆମର ଅର୍ଥନୈତିକ ଅଭିବୃଦ୍ଧି ଓ ପ୍ରଗତିର ମେରୁଦଣ୍ଡ ଭାବେ କୃଷିର ଭୂମିକା ଅପରିବର୍ତିତ ରହିଛି। ପ୍ରତିଶ୍ରୁତି ମୁତାବକ କାଳିଆ ଯୋଜନା ଜାରି ରହିବ। ଜଳସେଚନର ବିକାଶ ପାଇଁ ସରକାରଙ୍କ ପ୍ରୟାସ ମଧ୍ୟ ଜାରି ରହିବ।
ମହିଳାଙ୍କ ସଶକ୍ତୀକରଣ ସୁଶାସନର ପ୍ରମୁଖ ଆବଶ୍ୟକତା। ମହିଳା ସଂରକ୍ଷଣ ଓ ମହିଳାଙ୍କ ସଶକ୍ତୀକରଣ ପରବର୍ତୀ ସ୍ତରକୁ ନେବା ପାଇଁ ସରକାରଙ୍କ ଉଦ୍ୟମ ଜାରି ରହିବ । ସେହିପରି ଗୁଣାତ୍ମକ ଶିକ୍ଷା ସରକାରଙ୍କ ଅଗ୍ରାଧିକାର କ୍ଷେତ୍ରଗୁଡ଼ିକ ମଧ୍ୟରେ ଅନ୍ୟତମ କ୍ଷେତ୍ର। ରାଜ୍ୟର ପ୍ରତ୍ୟେକ ବ୍ଲକରେ ଆଦର୍ଶ ବିଦ୍ୟାଳୟ କାର୍ଯ୍ୟକ୍ଷମ କରାଯିବ। ସରକାର ଉଭୟ ମେଧା ଓ ସାମାଜିକ-ଅର୍ଥନୈତିକ ମାନଦଣ୍ଡ ଦେଖି ବୃତ୍ତି ପରିଷଦ ସ୍ଥାପନ କରିବେ। ରାଜ୍ୟର ସବୁ କଚାଘରକୁ ପକ୍କାଘରରେ ପରିଣତ କରିବା ପାଇଁ ସରକାର ସରକାର ଉଦ୍ୟମକୁ ତ୍ୱରାନ୍ୱିତ କରିବେ |
ଯୁବ ସମାଜ ପାଇଁ ନିଯୁକ୍ତି ସୁଯୋଗ ପ୍ରସ୍ତାବ ଏବେ ସରକାରଙ୍କ ପ୍ରାଥମିକତା । ଏଥିପାଇଁ ୬ଟି ପ୍ରମୁଖ କ୍ଷେତ୍ରରେ ୩୦ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି କରିବାକୁ ପଦକ୍ଷେପ ନିଆଯାଉଛି । ବିଶ୍ବ ଦକ୍ଷତା କେନ୍ଦ୍ର ୧.୫୦ ଲକ୍ଷ ଅତି କୁଶଳୀ ପେସାଦାର ସୃଷ୍ଟି କରିବାରେ ସହାୟକ ହେବ। ଭୁବନେଶ୍ବରରେ ବିଶ୍ବସ୍ତରୀୟ କ୍ରୀଡ଼ା ସୁବିଧା ସୃଷ୍ଟି ଓଡ଼ିଶା ନିଶ୍ଚିତ ପସନ୍ଦର କ୍ରୀଡ଼ା ଲକ୍ଷ୍ୟସ୍ଥଳୀରେ ପରିଣତ କରିବାକୁ ସରକାର ପଦକ୍ଷେପ ନେଉଛନ୍ତି ବୋଲି ମୁଖ୍ୟମନ୍ତ୍ରୀ କହିଥିଲେ ।
ନିକଟରେ ଓଡ଼ିଶାର ୪ଟି ଜିଲ୍ଲାକୁ ଦୋହଲେଇ ଦେଇଥିବା ଫନି ବାତ୍ୟା ସମ୍ପର୍କରେ ଅବତାରଣା କରି ମୁଖ୍ୟମନ୍ତ୍ରୀ କହିଥିଲେ ଯେ ନିକଟରେ ଓଡ଼ିଶା ଭୟଙ୍କର ଝଡ଼ବାତ୍ୟା ଫନିର ସାମ୍ନା କରିଛି। ଏହି ଝଡ଼ବାତ୍ୟା ବ୍ୟାପକ କ୍ଷୟକ୍ଷତି ଘଟାଇଛି | ଆମେ ଫନି ପରିଚାଳନା ଓ ପୁନରୁଦ୍ଧାର କାର୍ଯ୍ୟ ଯେପରି କରିଥିଲୁ, ସେହି ପ୍ରୟାସକୁ ଜାତୀୟ ଓ ଅନ୍ତର୍ଜାତୀୟ ସ୍ତରରେ ଉଚ୍ଚ ପ୍ରଶଂସା କରାଯାଇଛି। ଓଡ଼ିଶାବାସୀଙ୍କ ଏଭଳି ଅଦ୍ୟମ ମାନସିକତାକୁ ମୁଖ୍ୟମନ୍ତ୍ରୀ ତାଙ୍କ ଅଭିଭାଷଣରେ ଧନ୍ୟବାଦ ଜଣାଇ ଥିଲେ|

ଫାଙ୍କୁଛନ୍ତି ବୀମା କମ୍ପାନୀ, ତାତିଲେଣି ଚାଷୀ ;ପାଂଚ ଦଫା ଦାବୀ ନେଇ ଉପଜିଲ୍ଲାପାଳ ଅଫିସ ଘେରାଉ !

ପଶ୍ଚିମ ଓଡିଶା ମୁଖ୍ୟ ଏମ୍. ଶ୍ରୀକାନ୍ତ ଙ୍କ ରିପୋର୍ଟ୍

ଏଥର ସମ୍ଭାଳ (ବରଗଡ଼/ପଦ୍ମପୁର) – ବିଗତ ପାଂଚ ବର୍ଷଧରି ପଦ୍ମପୁର ଉପଖଣ୍ଡର ଚାଷୀ ମରୁଡିର ଶିକାର ହେଉଛନ୍ତି । ସେମାନେ ଚାଷକୁ ବିମାଭୁକ୍ତ କଲେ ମଧ୍ୟ ବୀମା କମ୍ପାନୀ ଗୁଡିକ ବିଭିନ୍ନ ଆଳ ଦେଖାଇ ବୀମା ପ୍ରଦାନ କରିବାରେ ବିଳମ୍ବ କରୁଛନ୍ତି ଯାହାର କୁ ପ୍ରଭାବ ସିଧାସଳଖ ଭାବରେ ଚାଷୀଙ୍କ ଉପରେ ପଡୁଛି ।ଚଳିତ ବର୍ଷ ନିୟମ ପ୍ରଧାନମନ୍ତ୍ରୀ ସଳବିଲା ଯୋଜନା ଅନୁସାରେ ବିମା କମ୍ପାନୀ ଗୁଡିକ ମାର୍ଚ ମାସ ଶେଷ ସୁଦ୍ଧା ଚାଷୀଙ୍କ ବୀମା ରାଶି ପ୍ରଦାନ କରିବା କଥା କିନ୍ତୁ ଜୁନ ମାସ ଶେଷ ହୋଇଥିଲେ ମଧ୍ୟ ଚାଷୀ ବିମାରାଶି ପାଇବାରୁ ବଂଚିତ ଅଛନ୍ତି । ଅନ୍ୟପଟେ ଇନପୁଟ ସବସିଡି,କାଳିଆ ଟଙ୍କା,ପ୍ରଧାନ ମନ୍ତ୍ରୀସଳ ବୀମା, ରବି ଋତୁରେ ଅମଳ ହୋଇଥିବା ଧାନ ଠିକ ଭାବରେ ବିକ୍ରି କରିବା ଆଦି ରୁ ବଂଚିତ ହୋଇଛନ୍ତି । ତେଶୁ ବୋରାସମ୍ବର କୃଷକ ସଂଗଠନ ତରଫରୁ ଆଜି ଶହ ଶହ ଚାଷୀ ପଦ୍ମପୁର ଉପଜିଲ୍ଲପାଳଙ୍କ ଅଫିସ ଘେରିବା ସହିତ ପାଂଚ ଦଫା ଦାବୀପତ୍ର ପ୍ରଦାନ କରିଥିଲେ । ଦାବୀପତ୍ର ଗ୍ରହଣ କରିବା ପରେ ଏହି ସମସ୍ୟାକୁ ଜିଲ୍ଲାପାଳଙ୍କୁ ଅବଗତ କରିବେ ବୋଲି ଉପଜିଲ୍ଲାପାଳ ଶୀ ତନ୍ମୟ କୁମାର ଦରୱାନ ପ୍ରକାଶ କରିଛନ୍ତି ।

ନୀରୀଙ୍କୁ ସୁରକ୍ଷା ଯୋଗାଇବ ସି-ଟିମ୍‍ ;ସଭିଙ୍କ ମୁହଁରେ ଏସ ପି ସାରାଙ୍କୁ ବାହାବା !

ଦକ୍ଷିଣ ଓଡ଼ିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ୍

ଏଥର ସମ୍ଭାଳ (ଗଜପତି/ପାରଳାଖେମୁଣ୍ଡି) – ଗଜପତି ଜିଲ୍ଲାର ପାରଳାଖେମୁଣ୍ଡି ଆଦର୍ଶ ଥାନା ପକ୍ଷରୁ ରାଜ୍ୟରେ ପ୍ରଥମ ଥର ପାଇଁ ଗଜପତି ଜିଲ୍ଲା ପାରଳାଖେମୁଣ୍ଡି ଠାରେ ହେବାକୁ ଯାଉଛି ଏକ ନୂତନ ପଦକ୍ଷେପ ସି-ଟିମ୍‍ । ସୋମବାର ଦିନ ଆଦର୍ଶ ଥାନା ପରିସରରେ ଆୟୋଜିତ ସାମ୍ୱାଦିକ ସମ୍ମିଳନୀରେ ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମାଙ୍କ ଦ୍ୱାରା ସି-ଟିମ ଲୋଗଉନ୍ମଚିତ ହୋଇଯାଇଛିା ଜିଲ୍ଲା ଶିଶୁ ସୁରକ୍ଷା ୟୁନିଟ ସହଯୋଗରେ ଆରମ୍ଭ ହେବାକୁ ଥିବା ଆସନ୍ତା ୨୮ ତାରିଖରେ ଏହି ପାଇଲଟ ପ୍ରକଳ୍ପର ମୁଖ୍ୟ ଉଦ୍ଦେଶ୍ୟ ହେଲା ସହରର ମହିଳା ମାନଙ୍କୁ ସୁରକ୍ଷା ଯୋଗାଇଦେବା । ଜଣେ ମହିଳା ସବ୍‍ ଇନସେପେକ୍‍ଟଙ୍କ ସହିତ ୪ଜଣ ମହିଳା ଓ ତିନି ଜଣ ପୁରୁଷ ଆରକ୍ଷୀ ଟିମରେ ରହିବେ ।
ସି-ଟିମ ଏକ ଭ୍ରାମମାଣ ଗୋଷ୍ଠୀ ଯାହା ଗଜପତି ଜିଲ୍ଲାର ଝିଅ ଓ ମହିଳା ମାନଙ୍କର ନିରାପତା ଓ ସୁରକ୍ଷା ଉଦ୍ଦେଶ୍ୟରେ କାମ କରିବ । ଏହି ଟିମ ଗଜପତି ଜିଲ୍ଲାର ବିଭିନ୍ନ ବିଦ୍ୟାଳୟ ମହାବିଦ୍ୟାଳୟ ତଥା ଅନ୍ୟାନ୍ୟ ଅନୁଷ୍ଠାନ ଗୁଡିକ ଯେଉଁ ଥିରେ ମହିଳାମାନେ କାର୍ଯ୍ୟରତ ଅଛନ୍ତି ସେହି ସ୍ଥାନକୁ ଯାଇ ମହିଳା ଓ ଝିଅ ମାନଙ୍କୁ ପ୍ରତି ହେଉଥିବା ଅଶ୍ଳୀଳ ଇଙ୍ଗିତ, ଦୁର୍ବବ୍ୟହାର ହଇରାଣ, ହରକତ ଆଦି କୁକର୍ମକୁ ନିୟନ୍ତ୍ରଣ କରିବା ଉଦ୍ଦେଶ୍ୟରେ କାର୍ଯ୍ୟ କରିବ । ସେହିଭଳି ଯେକୌଣସି ଝିଅ କିମ୍ୱା ମହିଳା ଯଦି କୌଣସି ହିଂସାର ଶିକାର ହୋଇ ସାହାର୍ଯ୍ୟ ନିମନ୍ତେ ଫୋନ କରିବେ ତାହା ହେଲେ ସଙ୍ଗେ ସଙ୍ଗେ ଏହି ଟିମ ସେଠାରେ ପହଞ୍ଚି ତାଙ୍କୁ ଉଦ୍ଧାର କରିବ । ଏହି ଟିମର ମୁଖ୍ୟଙ୍କ ଫୋନନଂ ନିର୍ଦ୍ଧାରିତ ଗାଡିରେ ଓ ସବୁ ସ୍ଥାନରେ ଲେଖାଯିବ । ମହିଳା ବା ଝିଅ ଯେକି ହିଂସାର ଶିକାର ହୋଉଥିବେ ସେମାନେ ଏହି ଟିମର ସାହାଯ୍ୟ ନେଇପାରିବେ । ଘଟଣା ଘଟୁ ବା ନଘଟୁ ଏହି ଟିମ ସ୍କୁଲ , କଲେଜ,ମନ୍ଦିର ଭଳି ସାଧାରଣ ସ୍ଥାନ ଗୁଡିକ ବୁଲି ବୁଲି ମହିଳା ମାନଙ୍କ ପ୍ରତି ଘଟୁଥିବା ହିଂସା ବା ଦୁର୍ବବ୍ୟହାର ନିୟନ୍ତ୍ରଣ କରିପାରିବ । ତା ଛଡା ଏହି ଟିମ ଶିଶୁ ଯତ୍ନ ଅନୁଷ୍ଠାନ ଓ ରେଳ ଷ୍ଟେସନକୁ ଯାଇ ଶିଶୁ ମାନଙ୍କ ପ୍ରତି ହେଉଥିବା ଯୌନ ନିର୍ଯ୍ୟାତନାକୁ ପ୍ରତିରୋଧ କରିବାରେ ସଫଳ ହେବେ । ମହିଳା ମାନେ ବିଭିନ୍ନ କ୍ଷେତ୍ରରେ ଯଥା କାମ କରିବା , ପାଠ ପଢିବା ବା ଅନ୍ୟାନ୍ୟ କାରଣ ନିମନ୍ତେ ବାହାରକୁ ଘରୁ ବାହାରିଯାଇ ରାସ୍ତା ଘାଟ ଓ ତାଙ୍କର କାର୍ଯ୍ୟ ସ୍ଥଳିରେ ବିଭିନ୍ନ ହିଂସାର ଶିକାର ହେଉଛନ୍ତି । ସି-ଟିମ ଲକ୍ଷ ରଖେ ଯେ ଆଜିର ଝିଅ, ମହିଳା ଓ ତାଙ୍କ ଅଭିଭାବକ ମାନେ ଯେପରି ନିଶ୍ଚିନ୍ତରେ ସେମାନଙ୍କୁ ତାଙ୍କର ନିତିଦିନିଆ କାର୍ଯ୍ୟ ପାଇଁ ନିର୍ଭୟରେ ବାହାରକୁ ଛାଡିପାରିବେ ବୋଲି ଏସ ପି ସାରା ଶର୍ମା ସାମ୍ୱାଦିକ ସମ୍ମିଳନୀରେ କହିଥିଲେ ।
ହାଇଦରାବାଦର ସି-ଟିମକୁ ଲକ୍ଷ ରଖି ରାଜ୍ୟରେ ପ୍ରଥମ ଥର ପାଇଁ ଗଜପତି ଜିଲ୍ଲାରେ ପାରଳାଖେମୁଣ୍ଡି ଠାରେ ସି-ଟିମ କାର୍ଯ୍ୟ କରିବ । ସି- ର ଅର୍ଥ ସୁରକ୍ଷା, ସ୍ୱାସ୍ଥ୍ୟ ଓ ପରିବେଶ । ସି-ଟିମର ଲୋଗ ଉନ୍ମଚନ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସଦରମହକୁମା ଡିଏସପି ପ୍ରକାଶ ଜେନା, ଏସଡିପିଓ ଠାକୁର ପ୍ରସାଦ ପାତ୍ର, ଜିଲ୍ଲା ଶିଶୁ ସୁରକ୍ଷା ୟୁନିଟର ଡମ୍ୱୁରୁ ଧର ବଳବନ୍ତ, ପାରଳାଖେମୁଣ୍ଡି ଆଦର୍ଶ ଥାନା ଅଧିକାରୀ ବିବେକାନନ୍ଦ ସ୍ୱାଇଁ ମଞ୍ଚାସୀନ ଅତିଥି ଭାବେ ଯୋଗ ଦେଇଥିବା ବେଳେ ମଙ୍ଗଳବାର ଦିନ ପାରଳାଖେମୁଣ୍ଡି ଆଦର୍ଶ ଥାନା ପରିସରରେ ସି-ଟିମର ଅଡିଓ ଭିଡିଓ ସିଡିର ଉନ୍ମଚନ କରିଥିଲେ ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମା । ଗୁରୁ ରଘୁନାଥ ପାତ୍ରଙ୍କ ସ୍ୱର ସଂଯୋଜନାରେ ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମା ନିଜେ ଗୀତ ଗାଇଛନ୍ତି । ଲୋକଙ୍କୁ ସଚେତନ କରାଇବା ପାଇଁ ସି-ଟିମର ସଙ୍ଗୀତ କରାଯାଇଛି ବୋଲି ଏସ ପି ସାରା ଶର୍ମା କହିଥିଲେ । ଏହି କାର୍ଯ୍ୟକ୍ରମରେ ଡି.ଏସପି ପ୍ରକାଶ ଜେନା , ଏସଡିପିଓ ଠାକୁର ପ୍ରସାଦ ପାତ୍ର ପାରଳାଖେମୁଣ୍ଡି ଆଦର୍ଶ ଥାନା ଅଧିକାରୀ ବିବେକାନନ୍ଦ ସ୍ୱାଇଁ ରିଜର୍ଭ ପୋଲିସ ଅଧିକାରୀ ପ୍ରମୁଖ ମଞ୍ଚାସୀନ ଅତିଥି ଭାବେ ଯୋଗ ଦେଇଥିଲେ । ଏସ ପି ଙ୍କ ଏପରି କାର୍ଯ୍ୟକୁ ବିଭିନ୍ନ ମହଲରେ ସ୍ୱାଗତ କରାଯିବା ସହ ତାଙ୍କ ସଙ୍ଗୀତର ଭୂୟସୀ ପ୍ରଶଂସା କରାଯାଇଛି ।

ସଂସଦରେ ପ୍ରସ୍ତାବିତ ନଦୀ ବେସିନ୍‍ ବିଲ୍‍-୨୦୦୮ ଓଡ଼ିଶା ସମେତ ରାଜ୍ୟମାନଙ୍କ ଆନ୍ତଃରାଜ୍ୟ ନଦୀ ଜଳ ଉପଯୋଗ କରିବାକୁ ଥିବା ଅଧିକାରକୁ ସଂକୁଚିତ କରିବ ; ରାଜ୍ୟ ଜଳ ସଂପଦ ମନ୍ତ୍ରୀ ଏ ସଂପର୍କରେ ରାଜ୍ୟର ଆଭିମୁଖ୍ୟ ବିଧାନସଭାରେ ଜଣାଇବାକୁ ବାଚସ୍ପତିଙ୍କ ନିର୍ଦ୍ଦେଶ…..!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଆଜି ଗୃହର ଶୂନ୍ୟକାଳରେ ସଂସଦରେ ପ୍ରସ୍ତାବିତ ନଦୀ ବେସିନ୍‍ ବିଲ୍‍-୨୦୦୮ ଓଡ଼ିଶା ସମେତ ରାଜ୍ୟମାନଙ୍କ ଆନ୍ତଃରାଜ୍ୟ ନଦୀ ଜଳ ଉପଯୋଗ କରିବାକୁ ଥିବା ଅଧିକାରକୁ ସଂକୁଚିତ କରିବ ବୋଲି ବରିଷ୍ଠ ବିଧାୟକ ଶ୍ରୀ ଦେବୀ ପ୍ରସାଦ ମିଶ୍ର ତଥ୍ୟର ଅବତାରଣା କରି ପ୍ରସଂଗ ଉତ୍ଥାପିତ କରିଥିଲେ । ବାଚସ୍ପତି ଶ୍ରୀ ସୂର୍ଯ୍ୟ ନାରାୟଣ ପାତ୍ର ଏହି ସମ୍ବେଦନଶୀଳ ପ୍ରସଂଗ ଉପରେ ଏକ ବିବରଣୀ ବିଧାନସଭାରେ ରଖିବାକୁ ଜଳ ସଂପଦ ମନ୍ତ୍ରୀ ଶ୍ରୀ ରଘୁନନ୍ଦନ ଦାସଙ୍କୁ ନିର୍ଦ୍ଦେଶ ଦେଇଥିଲେ ।
ଶ୍ରୀ ମିଶ୍ର ଉତ୍ଥାପିତ କରିଥିଲେ ଯେ ସମ୍ବିଧାନର ୨୬୨ ଓ ୨୬୩ ଧାରା ଅନୁଯାୟୀ ଆନ୍ତଃରାଜ୍ୟ ନଦୀ ଜଳ ବିବାଦ ଆଇନ୍‍-୧୯୫୬ ଓ ଆନ୍ତଃରାଜ୍ୟ ରିଭର ବୋର୍ଡ-୧୯୫୬ ପରେ ୨୦୧୬ରେ ଜାତୀୟ ଭୂତଳ ଜଳ ବିଲ୍‍ ଓ ଜାତୀୟ ଜଳ ଉପଯୋଗ ଢାଞ୍ଚା ବିଲ୍‍-୨୦୧୬ କେନ୍ଦ୍ର ଜଳ ସଂପଦ ବିଭାଗ ତରଫରୁ ପ୍ରସ୍ତାବିତ ହୋଇ ରହିଥିବା ବେଳେ ଏବେ ନଦୀ ଅବବାହିକା ପରିଚାଳନା ବିଲ୍‍-୨୦୧୮ ଜଳସେଚନ ସଂସଦୀୟ ଷ୍ଟାଣ୍ଡିଂ କମିଟିର ଅନୁମୋଦନ ପରେ ସଂସଦରେ ଆଲୋଚନା ପାଇଁ ରହିଛି । ଏଥିରେ ଥିବା ବିଭିନ୍ନ ପ୍ରାବଧାନରେ ରାଜ୍ୟମାନଙ୍କ ପ୍ରାଧାନ୍ୟ ରହୁନାହିଁ ବରଂ ଏହି ବିଲ୍‍ର ଢାଞ୍ଚା ପରୋକ୍ଷ ଭାବେ କେନ୍ଦ୍ରକୁ ସୁହାଇବ ବୋଲି ଶ୍ରୀ ମିଶ୍ର ଆଶଙ୍କା ବ୍ୟକ୍ତ କରିଥିଲେ ।
ଶ୍ରୀ ମିଶ୍ର କହିଥିଲେ ଯେ ଏଥିରେ ଆଞ୍ଚଳିକ, ସାମାଜିକ, ଅର୍ଥନୈତିକ, ସାଂସ୍କୃତିକ ତଥା ପରିବେଶ ଜନିତ ସ୍ଥିତି ଓ ନଦୀ ଅବବାହିକାରେ ଥିବା ଅଧିବାସୀମାନଙ୍କର ଜୀବନ ଜୀବିକାର ସ୍ଥିତି ଅନୁଶୀଳନ କରିବାର ଉପଯୁକ୍ତ ବ୍ୟବସ୍ଥା ନାହିଁ । ନଦୀ ଅବବାହିକାର ଜୈବ ବିବିଧତା ଓ ପରିବେଶକୁ ସନ୍ତୁଳିତ କରିବା ସହ ଅନନ୍ୟ ଜୈବ ବିବିଧତା ସ୍ଥଳିଗୁଡିକ ପାଇଁ ସଠିକ ବ୍ୟବସ୍ଥା ନାହିଁ । ନଦୀ ପ୍ରବାହକୁ ବର୍ଷ ତମାମ ଅକ୍ଷୁଣ୍ଣ ରଖିବା ପାଇଁ ଏଥିରେ ବିଚାର ରଖାଯାଇ ନାହିଁ । ପୁଣି ଆନ୍ତଃରାଜ୍ୟ ଦ୍ୱନ୍ଦ୍ୱ ସମାଧାନ ପାଇଁ ଥିବା ଏକବର୍ଷ ସମୟସୀମା ଏବଂ ତାହା ନହେଲେ ପୁଣି ଆନ୍ତଃରାଜ୍ୟ ନଦୀ ଜଳ ବିବାଦ ଆଇନ୍‍-୧୯୫୬ ଦ୍ୱାରା ଆଉ ଏକ ବର୍ଷ ସମୟ ନିଆଗଲେ, ରାଜ୍ୟମାନଙ୍କର ନ୍ୟାୟ ପାଇବା ପ୍ରକ୍ରିୟାକୁ ତାହା ବିଳମ୍ବିତ କରିବ । ନଦୀର ଏହି ବେସିନ୍‍ ବିଲ୍‍କୁ ଆନ୍ତଃରାଜ୍ୟ ବେସିନ୍‍ ପରିଚାଳନା ବିଲ୍‍ ବୋଲି ନାମିତ ନକରିବା ଏବଂ ଏହାର ବିଭିନ୍ନ ପ୍ରାବଧାନରେ ରାଜ୍ୟମାନଙ୍କର କ୍ଷମତାକୁ ସଂକୁଚିତ କରିବା ଏବଂ ଛୋଟମୋଟ ବ୍ୟବସ୍ଥାକୁ ପ୍ରସ୍ତାବିତ ବେସିନ୍‍ କର୍ତ୍ତୃପକ୍ଷଙ୍କ ମାଧ୍ୟମରେ ନିୟନ୍ତ୍ରିତ କରିବା ନେଇ ଶ୍ରୀ ମିଶ୍ର ଉଦ୍‍ବେଗ ପ୍ରକାଶ କରିଥିଲେ ।
ସଂପ୍ରତି ବ୍ରାହ୍ମଣୀ ଓ ମହାନଦୀର ଉପର ଅବବାହରେ ଥିବା ଛତିଶଗଡ଼ ଓ ଝାଡ଼ଖଣ୍ଡର ତଥା ଆନ୍ଧ୍ରପ୍ରଦେଶର ହୀରାମଣ୍ଡଳମ୍‍ ପ୍ରକଳ୍ପରେ ହେଉଥିବା ବେଆଇନ୍‍ ନିର୍ମାଣ ଓ ଉଲ୍ଲଂଘନ ସଂପର୍କରେ କେନ୍ଦ୍ରୀୟ ଜଳ ଆୟୋଗ ଓ ଅନ୍ୟାନ୍ୟ କେନ୍ଦ୍ରୀୟ ସଂସ୍ଥାମାନଙ୍କର ଅସମ୍ଭବ ନୀରବ୍ରଦଷ୍ଟା ଭୂମିକାର ତିକ୍ତ ଅନୁଭୂତି ଓଡ଼ିଶା ପାଇଛି । ଏହାପରେ ଉକ୍ତ ପ୍ରସ୍ତାବିତ ନଦୀ ବେସିନ୍‍ ବିଲ୍‍କୁ ବିଶେଷଜ୍ଞମାନଙ୍କ ମତ ନେଇ ସଠିକ୍‍ ଆଲୋଚନା ସହିତ ଓଡ଼ିଶାର ସ୍ୱାର୍ଥ ରକ୍ଷା ପାଇଁ ସଜାଗ ରହିବାର ଆବଶ୍ୟକତା ରହିଛି ବୋଲି ଶ୍ରୀ ମିଶ୍ର ଦାବି କରିଥିଲେ । ରାଜ୍ୟ ଜଳ ସଂପଦ ବିଭାଗ ଏ ସଂପର୍କରେ ବସ୍ତୁ ସ୍ଥିତି ଓ ତଥ୍ୟ ରଖିବା ପାଇଁ ଅନୁରୋଧ କରିବା ପରେ ବାଚସ୍ପତି ଶ୍ରୀ ପାତ୍ର ଜଳ ସଂପଦ ମନ୍ତ୍ରୀଙ୍କୁ ନିର୍ଦ୍ଦେଶ ଦେଇ ଏ ସଂପର୍କରେ ବିଧାନସଭାରେ ବିବରଣୀ ଦେବାକୁ କହିଥିଲେ ।

ଭିଜିଲାନ୍ସ ଜାଲରେ ରଘୁନାଥପୁର ବ୍ଲକ ଜେଇ ସାମନ୍ତରାୟ ; ଅଫିସ ସହ ୪ ସ୍ଥାନରେ ଚଢାଉ…!

ଏଥର ସମ୍ଭାଳ ବ୍ୟୁରୋ (ଜଗତସିଂହପୁର) – ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକ ଜେଇ ତ୍ରିବିକ୍ରମ ସାମନ୍ତରାୟଙ୍କୁ ଆଜି ଭୋର ସମୟରେ ଜଗତସିଂହପୁର ଭିଜିଲାନ୍ସ ବିଭାଗ ପକ୍ଷରୁ ଚଢାଉ କରାଯାଇ ଗିରଫ କରାଯିବା ପରେ ଜେଇଙ୍କ ଅପିଂସ ସହିତ ୪ଟି ସ୍ଥାନରେ ଚଢାଉ ଜାରି ରହିଛି।ଉକ୍ତ ଜେଇଙ୍କ ନିଜ ଘର ତିର୍ତ୍ତୋଲ ଥାନା ଅନ୍ତର୍ଗତ ବଡ ବାଲିକଣି ଗ୍ରାମରେ ହୋଇଥିବା ବେଳେ ତାଙ୍କ ଶ୍ବଶୁର ଘର ରଘୁନାଥପୁର ଥାନା ଅନ୍ତର୍ଗତ ତାରପୁର ହରିଶପୁର ବୋଲି ଜଣାପଡିଛି।ଏପରିକି ଜଗତସିଂହପୁର ଖେରସ ଚର୍ଚ୍ଚିକା ବଜାର ନିକଟରେ ଥିବା ତାଙ୍କର ରାଜ ମସଲା ପ୍ୟାଂଟ୍ରୀ ଉପରେ ମଧ୍ୟ ଚଢାଉ ହୋଇଥିବା ସୂଚନା ମିଳିଛି। ସୂଚନା ମୁତାବକ ଶ୍ରୀ ସାମନ୍ତରାୟ ଜଗତସିଂହପୁର, ତିର୍ତ୍ତୋଲ ବ୍ଳକ, ରଘୁନାଥପୁର ବ୍ଲକରେ କାର୍ଯ୍ୟରତ ସମୟରେ ପାରାଦ୍ବୀପ ଠାରେ ପାଖା ପାଖି କୋଟିଏ ଟଙ୍କାର ଏକ ପ୍ଲଟ,ଏକାଧିକ ୪ଚକିଆ ଯାନ ସହିତ ବହୁ ଅଳଙ୍କାର ବ୍ୟାଙ୍କ ବାଲାନ୍ସ ରହିଥିବା ଭିଜିଲାନ୍ସ ବିଭାଗ ପକ୍ଷରୁ ସୂଚନା ଜଣାଯାଇଛି। ଅପର ପକ୍ଷରେ ଜେଇ ନିଜ ଗ୍ରାମ ବଡ ବାଲିକଣି ଗ୍ରାମରେ ଥିବା ସମୟରେ ଭିଜିଲାନ୍ସ ଗାଡିକୁ ଦେଖି ଦୌଡିବା ସମୟରେ ଇନିସପେକ୍ଟର ହେମନ୍ତ ମହାନ୍ତି ତାଙ୍କୁ ମାଡି ବସିଥିଲେ। ଜଗତସିଂହପୁର ଭିଜିଲାନ୍ସ ଇନିସ୍ପେକ୍ଟର ହେମନ୍ତ କୁମାର ମହାନ୍ତିଙ୍କ ନେତୃତ୍ବରେ ଇନିସପେକ୍ଟର ଅନୁସୟା ସେନାପତି, କର୍ମଚାରୀ ବି.ଏନ୍ ଧଳ, ପ୍ରଶାନ୍ତ କୁମାର ବିଶ୍ବାଳ, ଏସ୍.କେ ପତି ପ୍ରମୁଖ ଏହି ଚଢାଉରେ ସହଯୋଗ କରିଥିବା ଜଣାପଡିଛି।

ରଜନୀକାନ୍ତ ସିଂ ହେବେ ବିଧାନସଭାର ପରବର୍ତ୍ତୀ ଉପବାଚସ୍ପତି…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ପୂର୍ବତନ ଖଣି ଇସ୍ପାତ ବିଭାଗ ମନ୍ତ୍ରୀ ତଥା ଅନୁଗୋଳ ବିଧାୟକ ରଜନୀକାନ୍ତ ସିଂ ହେବେ ବିଧାନସଭାର ପରବର୍ତ୍ତୀ ଉପବାଚସ୍ପତି । ବିଜୁ ଜନତା ଦଳ ପକ୍ଷରୁ ଶ୍ରୀ ସିଂହକୁ ଦଳ ଏଥର ଉପବାଚସ୍ପତି ପଦପାଇଁ ପ୍ରାର୍ଥୀ ଭାବେ ଅବତୀର୍ଣ କରାଇଥିବା ଜଣାପଡିଛି । ଗୁରୁବାର ଉପବାଚସ୍ପତି ପଦ ପାଇଁ ନିର୍ବାଚନ ହେବ ବୋଲି ବାଚସ୍ପତି ସୂର୍ଯ୍ୟନାରାୟଣ ପାତ୍ର ବୁଧବାର ବିଧାନସଭାରେ ଘୋଷଣା କରି କରିଥିବା ବେଳେ ଶ୍ରୀ ସିଂ ନିର୍ଦ୍ବନ୍ଦ୍ବରେ ନିର୍ବାଚିତ ହେବା ନିଶ୍ଚିତ ହୋଇ ଯାଇଛି |

ଧର୍ମେନ୍ଦ୍ର ପ୍ରଧାନଙ୍କ ହସ୍ତକ୍ଷେପ ପରେ ଦୁବାଇରୁ ମୁକ୍ତ ହୋଇ ଫେରିଲେ ୧୦ ଓଡିଆ ଶ୍ରମିକ…..!

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ/ଭୁବନେଶ୍ୱର) – କେନ୍ଦ୍ର ପେଟ୍ରୋଲିୟମ ଓ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ହସ୍ତକ୍ଷେପ ପରେ ସାଉଦି ଆରବରେ ଫସିରହିଥିବା ସମସ୍ତ ୧୦ ଜଣ ଓଡିଆ ଶ୍ରମିକ ବୈଦେଶିକ ମବାଳୟ ସହଯୋଗରେ ସୁରକ୍ଷିତ ଭାବେ ଉଦ୍ଧାର ହୋଇ ବୁଧବାର ଦିଲ୍ଲୀ ଫେରିଛନ୍ତି । ନୂଆଦିଲ୍ଲୀ ସ୍ଥିତ ସରକାରୀ ବାସଭବନରେ ସମସ୍ତ ଓଡିଆ ଶ୍ରମିକଙ୍କୁ ଶ୍ରୀ ପ୍ରଧାନ ସ୍ୱାଗତ କରିବା ସହ ଉଦ୍ଧାର କାର୍ଯ୍ୟ ପାଇଁ କେନ୍ଦ୍ର ବୈଦେଶିକ ବ୍ୟପାର ମନ୍ତ୍ରୀ ଶୁଭ୍ରମଣ୍ୟମ ଜୟଶଙ୍କର ଏବଂ ଦୁବାଇ ସ୍ଥିତ ଭାରତୀୟ ଦୂତବାସକୁ ଧନ୍ୟବାଦ ଜଣାଇଛନ୍ତି ।
ଏ ସମ୍ପର୍କିତ ପ୍ରଶ୍ନରେ ଶ୍ରୀ ପ୍ରଧାନ ଗଣମାଧ୍ୟମକୁ କହିଛନ୍ତି ଯେ ଓଡିଶାର ଖୋର୍ଦ୍ଧା, ନୟାଗଡ ଓ ଗଞ୍ଜାମ ଜିଲ୍ଲାର ୧୦ ଜଣ ଓଡିଆ ଶ୍ରମିକଙ୍କୁ ଦୁବାଇର ଶାରଜାହାଁରେ ରଡ ବାନ୍ଧିବା କାମରେ ଲଗାଯାଇଥିଲା । ଅଧିକ ରୋଜଗାର କରିବା ଆଶାରେ ସେମାନେ ଦୁବାଇକୁ ଯାଇଥିଲେ । ସେମାନଙ୍କୁ ସେଠାରେ ନିର୍ଯ୍ୟାତନା ଦିଆଯାଉଥିବା ଗଣମାଧ୍ୟମରୁ ସୂଚନା ମିଳିବା ପରେ ଏ ସମ୍ପର୍କରେ ସେ ନବନିଯୁକ୍ତ ବୈଦେଶିକ ମନ୍ତ୍ରୀ ଏସ.ଜୟଶଙ୍କରଙ୍କୁ ପତ୍ର ଲେଖିଥିଲେ । ଶ୍ରୀ ଜୟଶଙ୍କର ଖୋଦ୍ ଏହାକୁ ତଦାରଖ କରୁଥିଲେ ବୋଲି ଶ୍ରୀ ପ୍ରଧାନ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ଭାରତୀୟମାନେ ବିଭିନ୍ନ ମଧ୍ୟସ୍ଥି ମାନଙ୍କ ନେତୃତ୍ୱରେ କିମ୍ବା ଦଲାଲ ମାନଙ୍କ ହାବୁଡରେ ପଡି ବିଦେଶରେ ଫସି ରହି ଅସୁବିଧାରେ ପଡୁଛନ୍ତି । ଭାରତୀୟ ଦୂତବାସ ଗୁଡିକ ବଡ ସକ୍ରିୟତା ସହକାରେ ସେମାନଙ୍କୁ ଉଦ୍ଧାର କରୁଛନ୍ତି ।
ପ୍ରଧାନମବୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ବିଗତ ୫ ବର୍ଷ ହେବ ଏକ ସମ୍ବେଦନଶୀଳ ସରକାର ଭାରତବର୍ଷରେ ଦାୟିତ୍ୱରେ ରହିଛି । ପୁର୍ନବାର ମୋଦି ସରକାରକୁ ଦାୟିତ୍ୱ ମିଳିଥିବାରୁ ଅନେକ ସମ୍ବେଦନଶୀଳ ପଦକ୍ଷେପ ମଧ୍ୟରୁ ଏହା ଅନ୍ୟତମ ବୋଲି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି ।
ଉଲ୍ଲେଖନୀୟ ଯେ, ଗତ ୬ ତାରିଖରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦୁବାଇରେ ଫସି ରହିଥିବା ୧୦ ଓଡିଆ ଶ୍ରମିକଙ୍କ ଉଦ୍ଧାର ଲାଗି କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ ଡାକ୍ତର ଶୁଭ୍ରମଣ୍ୟମ ଜୟଶଙ୍କରଙ୍କୁ ପତ୍ର ଲେଖି ଏହି ସମ୍ବେଦନଶୀଳ ଘଟଣାରେ ତାଙ୍କ ବ୍ୟକ୍ତିଗତ ଭାବେ ହସ୍ତକ୍ଷେପ କରି ଓଡିଆ ଯୁବକଙ୍କ ଉଦ୍ଧାର ପାଇଁ ଅନୁରୋଧ କରିଥିଲେ । କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କ ନୂଆଦିଲ୍ଲୀସ୍ଥ ସରକାରୀ ବାସଭବନରେ ଏହି ଓଡିଆ ଶ୍ରମିକ ମାନଙ୍କୁ ଅନ୍ୟମାନଙ୍କ ମଧ୍ୟରେ କେନ୍ଦ୍ର ରାଷ୍ଟମବୀ ପ୍ରତାପ ଷଡଙ୍ଗୀ, ଭୁବନେଶ୍ୱର ଲୋକସଭା ସାଂସଦ ଅପରାଜିତା ଷଡଙ୍ଗୀ ଏବଂ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ମଧ୍ୟ ସ୍ୱାଗତ ଜଣାଇଥିଲେ ।