ଆନ୍ଧ୍ର ଠିକାଦାର ଙ୍କ ଅବହେଳା ଓ ମନମୁଖୀ କାର୍ଯ୍ଯ ; ଆନ୍ଧ୍ର ଠିକା ସଂସ୍ଥା ସହ ପ୍ରଶାସନ ଓ ରାଜନେତା ଙ୍କ ମଧୁଚନ୍ଦ୍ରିକା ଯୋଗୁଁ ଅଧାପନ୍ତରିଆ ଅବସ୍ଥା ରେ ଜଗନ୍ନାଥପୁର ପୋଲ ନିର୍ମାଣ !

!!! ଦକ୍ଷିଣ ଓଡ଼ିଶା ମୁଖ୍ୟ ଡି଼. କିରଣ କୁମାର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ବ୍ଲକ ଅନ୍ତର୍ଗତ ଜଗନ୍ନାଥପୁର ପଞ୍ଚାୟତ ର ପୋଲ ନିର୍ମାଣ କାର୍ଯ୍ୟ ଆରମ୍ଭ ହେବା ୪ ବର୍ଷ ବିତି ଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ଶେଷ ହୋଇ ପାରିନାହିଁ। ନୂତନ ପୋଲ ନିର୍ମାଣ କାର୍ଯ୍ୟ କୁ ଆନ୍ଧ୍ର ର ଏକ ଠିକା ସଂସ୍ଥା ୭ କୋଟି ଟଙ୍କା ବ୍ୟୟ ରେ ୨୦୧୫-୨୦୧୬ ବର୍ଷ ରେ ନିଜ ହାତକୁ ନେଇ ଥିବା ସୂଚନା ମିଳିଛି। ଦୀର୍ଘ ବର୍ଷ ଧରି ସ୍ଥାନୀୟ ଜନ ସାଧାରଣ ଅଭିଯୋଗ କରି ଆସୁଥିଲେ ସୁଦ୍ଧା କୌଣସି ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରାଯାଉ ନଥିବା ଅଭିଯୋଗ ହେଉଛି।

୨୦୧୬ ମସିହା ଜୁଲାଇ ମାସରେ ବର୍ଷା ରେ ବ୍ରିଟିଶ ଶାସନ କାଳ ରୁ ଥିବା ପୁରୁଣା ପୋଲ ଟି ବର୍ଷା ରେ ଭାସି ଯାଇଥିବା ଯୋଗୁଁ ଉକ୍ତ ପୋଲ ନିକଟରେ ଲକ୍ଷ୍ୟାଧିକ ଟଙ୍କା ବ୍ୟୟ ଅଟକଳ ରେ ଚାରି ଚାରି ଥର ଅସ୍ଥାୟୀ ପୋଲର ନିର୍ମାଣ କରାଯାଇଥିବା ବେଳେ ପୁଣି ବର୍ଷା ହେଲେ ଧୋଇ ଯାଇ ତାହା ଜନ ସାଧରଣର ଙ୍କ କୌଣସି ବ୍ୟବହାର ଉପଯୋଗୀ ହେଉନଥିବା ନେଇ ଅଭିଯୋଗ ପରେ ନୂତନ ପୋଲ ନିର୍ମାଣ ନିମନ୍ତେ ଆନ୍ଧ୍ର ର ଏକ ଠିକା ସଂସ୍ଥା କୁ ଟେଣ୍ଡର ଦିଆଯାଇଥିଲା।

ଯଦି ସରକାର ଙ୍କ ସ୍ଥାନୀୟ ଜନ ସାଧାରଣ ଙ୍କ ନିମନ୍ତେ ନୂତନ ପୋଲ କରିବାର ଥିଲା ତେବେ ଚାରି ଚାରି ଥର ଅସ୍ଥାୟୀ ପୋଲ ନିର୍ମାଣ କରି ସରକାର ଙ୍କ ରାଜସ୍ଵ ନଷ୍ଟ କରିବା କେତେ ଦୂର ଯଥାର୍ଥ ବୋଲି ସାଧାରଣରେ ଚର୍ଚ୍ଚା ଜୋର୍ ଧରିଛି। ଉକ୍ତ ନୂତନ ପୋଲ ର ନିର୍ମାଣ କାର୍ଯ୍ୟ ଯାଥା ଶିଘ୍ର ସରୁ ନଥିବା ଯୋଗୁଁ ପୁଣି ଆଗାମୀ ବର୍ଷା ରୁତୁ ରେ ଗୁଣପୁର ବ୍ଲକ ର ତିନି ଗୋଟି ପଞ୍ଚାୟତ ଓ ପୋଡଶୀ ୫୦ ଗ୍ରାମ ପୂର୍ବ ଭଳି ଶିକ୍ଷା, ସ୍ୱାସ୍ଥ୍ୟ ଓ ଗମନାଗମନ କ୍ଷେତ୍ର ରେ ଅସୁବିଧା ର ସମ୍ମୁଖୀନ ହେବେ ବୋଲି ମତ ପ୍ରକାଶ ପାଉଛି।

ସରକାର ଙ୍କ ପୂର୍ତ୍ତ ବିଭାଗ ପକ୍ଷରୁ ଏପ୍ରିଲ ୨୦୧୮ ମସିହା ସୁଦ୍ଧା କାର୍ଯ୍ୟ ସମ୍ପୂର୍ଣ୍ଣ କରିବା ପାଇଁ ଟାର୍ଗେଟ ଦିଆ ଯାଇଥିବା ବେଳେ ଆନ୍ଧ୍ର ଠିକାଦାର ଙ୍କ ମନମୁଖୀ କାର୍ଯ୍ଯ ଓ ଅବହେଳା ନିମନ୍ତେ ପୂର୍ବତନ ବିଧାୟକ ଏବଂ ସଂସାଦ ଏହା ଉପରେ ଦ୍ରୁଷ୍ଟି ଦେଲେ ନାହିଁ କାହିଁକି ଅଥବା ଆନ୍ଧ୍ର ଠିକା ସଂସ୍ଥା କୁ ପୌଷ୍ୟ ପୁତ୍ର ଆଦର୍ଶ ଦେଖି ଅଣଦେଖା କରିଛନ୍ତି ବୋଲି ସ୍ଥାନୀୟ ବୁଦ୍ଧୀ ମହଲ ରେ ଚର୍ଚ୍ଚା ହେଉଛି।

ଏହା ସ୍ଥାନୀୟ ଲୋକ ଙ୍କ ପ୍ରତି ଅଣଦେଖା ନା ପୂର୍ବତନ ବିଧାୟକ ଏବଂ ସଂସାଦ ଙ୍କ ଆନ୍ଧ୍ର ଠିକା ସଂସ୍ଥା ସହ ନିବିଡ଼ ମଧୁଚନ୍ଦ୍ରିକା ବୋଲି ପ୍ରଶ୍ନ ବାଚୀ ସୃଷ୍ଟି କରୁଛି।

ଆନ୍ଧ୍ର ଠିକା ସଂସ୍ଥା କୁ ବଦଳାଇ ଏକ ନୂତନ ସଂସ୍ଥା କୁ ଉକ୍ତ କାର୍ଯ୍ୟ ସମାପନ କରିବା ନିମନ୍ତେ ଦାବୀ ହୋଇ ଆସୁଥିଲେ ମଧ୍ଯ, ଜିଲ୍ଲା ପ୍ରଶାସନ ଏଥି ପ୍ରତି ଦୃଷ୍ଟି ନଦେବା ନିମନ୍ତେ କେଉଁ ରାଜନୈତିକ ଚାପ କାମ କରୁଛି ତାହା ଜନ ସାଧାରଣ ମହଲ ରେ ଆଲୋଡନ ସୃଷ୍ଟି କରୁଛି। ବର୍ତ୍ତମାନ ଦେଖିବାକୁ ରହିଲା ଆଗାମୀ ଦିନରେ ଜନ ସାଧାରଣଙ୍କ ସୁବିଧା ସୁଯୋଗ ନିମନ୍ତେ ଜିଲ୍ଲା ପ୍ରଶାସନ ଓ ବର୍ତ୍ତମାନ ବିଧାୟକ ଏବଂ ସଂସାଦ ଦୃଷ୍ଟି ଦେବେ ନା ଆନ୍ଧ୍ର ଠିକା ସଂସ୍ଥା ଉପରେ ଆସ୍ଥା ପ୍ରକଟ କରି ଜନ ସାଧାରଣ ଙ୍କୁ ଅସୁବିଧା ରେ ପକାଇବେ।

ରାଜ୍ଯ ସମାଜ ମଙ୍ଗଳ ସଚିବଙ୍କ ଯୁଗ୍ମ ସମୀକ୍ଷା ; ଅସହାୟ ତଥା ପାରିବାରିକ ସମସ୍ୟା ରେ ଥିବା ବ୍ୟକ୍ତି ବିଶେଷ ଙ୍କ ସହାୟତା ବିଷୟରେ ଆଲୋଚନା….!

!!! ଦକ୍ଷିଣ ଓଡ଼ିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର) – ରାଜ୍ୟ ସମାଜ ମଙ୍ଗଳ ବୋର୍ଡ଼ ସଚିବ ଶ୍ରୀ କେ. ଏସ୍ କୁତୁବୁଦ୍ଧିନ୍ ଏବଂ ରାୟଗଡ ଜିଲ୍ଲା ସମାଜ ମଙ୍ଗଳ ଅଧିକାରୀ ୱାହିଦା ବେଗମ୍ ଭାରତ ସରକାରଙ୍କ ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଦ୍ଵାରା ପରିଚାଳିତ ଗୁଣପୁର ଉପଜିଲ୍ଲାପାଳ ଙ୍କ ଅଫିସ ପରିସରରେ ଥିବା ସାହାରା ପରିବାର ପରାମର୍ଶ କେନ୍ଦ୍ର କୁ ଯୁଗ୍ମ ସମୀକ୍ଷା ଏବଂ ପରିଦର୍ଶନ କରିଛନ୍ତି। ଏହି ଅବସରରେ ଉକ୍ତ କେନ୍ଦ୍ର ରେ ହେଉଥିବା ପାରିବାରିକ ମାମଲା ସମାଧାନ ଏବଂ ସଚେତନତା କାର୍ଯ୍ୟକ୍ରମ ଆଦି ବିଭିନ୍ନ ବିଷୟରେ ସମୀକ୍ଷା କରିଥିଲେ। ଏଥି ସହ ଗୁଣପୁର ଉପଜିଲ୍ଲାପାଳ ତଥା ଅଧ୍ୟକ୍ଷ ଡାଃ ସିଦ୍ଧେଶ୍ଵର ବଳିରାମ ଙ୍କ ସହ ବିସ୍ତୃତ ଆଲୋଚନା କରି କିଭଳି ଅସହାୟ ତଥା ପାରିବାରିକ ସମସ୍ୟା ରେ ଥିବା ଆଦିବାସୀ ଓ ନକ୍ସଲ ପ୍ରବଣ ଜିଲ୍ଲା ରେ କିଭଳି ସହାୟତା ଯୋଗାଇ ଦିଆଯିବ ସେହି ଉପରେ ଆଲୋଚନା କରିଥିଲେ। ଉକ୍ତ କାର୍ଯ୍ୟକ୍ରମରେ ଗୁଣପୁର କେନ୍ଦ୍ର ର ପରାମର୍ଶ ଦାତ୍ରୀ ଜୟଶ୍ରୀ ମହାପାତ୍ର, ଆଶା ଲତା ଷଡଙ୍ଗୀ, ଗୌରୀ ମହାଙ୍କୁଡ, ଅନୁଷ୍ଠାନ ର ଆବାହକ ତଥା ସମ୍ପାଦକ ପ୍ରୋମଦ କୁମାର ସାହୁ ପ୍ରମୁଖ ଉପସ୍ଥିତ ଥିଲେ।