‘ନବୀନ ପଟ୍ଟନାୟକ ମୁର୍ଦ୍ଦାବାଦ’ ବୋଲି କହିବାରୁ କର୍ମୀଙ୍କୁ ଏମିତି ପରାମର୍ଶ ଦେଲେ ରାହୁଲ୍ !
!!! ଓଡ଼ିଶାରେ ରାଜନୀତି ଦୁନିଆର ଲୋକଙ୍କୁ ରାହୁଲ ପଢ଼ାଇଲେ ଶାଳୀନତାର ପାଠ !!!
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – କ୍ଷମତାସୀନ ବିଜେଡି ସରକାର ଗତ କିଛିମାସ ଧରି ପ୍ରତିହିଂସାର ରାଜନୀତି କରୁଥିବା ବେଳେ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଓଡ଼ିଶା ଗସ୍ତରେ ଆସି ଶାଳୀନତାର ପାଠ ପଢ଼ାଇଛନ୍ତି।
ଓଡ଼ିଶାରେ ନବୀନ ପଟ୍ଟନାୟକ ସରକାରରେ କେନ୍ଦ୍ରମନ୍ତ୍ରୀମାନଙ୍କ ଉପରେ ଆକ୍ରମଣ, ପୂର୍ବତନ ସାଂସଦ ଖାରବେଳ ସ୍ୱାଇଁଙ୍କ ଉପରେ ମରଣାନ୍ତକ ଆକ୍ରମଣ ଓ ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କୁ ଅଣ୍ଡାମାଡ଼ ଓ କଳାପତାକା ପ୍ରଦର୍ଶନ କରିବା ଭଳି ଅନେକ ହିଂସାତ୍ମକ ଘଟଣା ହେଉଥିଲା ବେଳେ, ବିଜେଡିର ମନ୍ତ୍ରୀ ଓ ନେତାମାନେ ଏହାକୁ ଯଥାର୍ଥ ବୋଲି ଦର୍ଶାଇବାକୁ ଯୁକ୍ତି ବାଢ଼ିଥାନ୍ତି।
ଅପରପକ୍ଷରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଆଜି କଳାହାଣ୍ଡି ଜିଲ୍ଲାର ଭବାନୀପାଟଣାରେ ଉଭୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କଡ଼ା ଭାଷାରେ ସମାଲୋଚନା କରିଥିଲେ ମଧ୍ୟ ତାଙ୍କ କର୍ମୀଙ୍କ ଦ୍ୱାରା ‘ନବୀନ ପଟ୍ଟନାୟକ ମୁର୍ଦ୍ଦାବାଦ’ ସ୍ଲୋଗାନକୁ ନାପସନ୍ଦ କରିଥିଲେ।
ନିଜର କର୍ମୀମାନଙ୍କୁ ପରାମର୍ଶ ଦେଇ ଶ୍ରୀ ଗାନ୍ଧି କହିଥିଲେ ଯେ- “ମୁର୍ଦ୍ଦାବାଦ ସ୍ଲୋଗାନ ଆର୍ଏସ୍ଏସ୍ ଓ ବିଜେପି ଲୋକମାନେ ଦେଇଥାନ୍ତି। ଆମେ ସ୍ନେହ ଓ ଭଲପାଇବା ମଧ୍ୟରେ କାମ କରୁଛୁ। ଆମେ ଯୋଡ଼ିବାର କାମ କରୁଛୁ ଓ ଆମେ ଏ ଲୋକମାନଙ୍କୁ ଭଲପାଇବା ଭିତରେ ହିଁ ପରାଜିତ କରିବା। ମୁର୍ଦ୍ଦାବାଦ ଆମେ କହିବା ନାହିଁ।”
ରାହୁଲ ନିଜର ଭାଷଣରେ ନବୀନ ପଟ୍ଟନାୟକଙ୍କୁ କେନ୍ଦ୍ରରେ ନେତୃତ୍ୱାଧୀନ ମୋଦି ସରକାରର ‘ରିମୋଟ କଣ୍ଟ୍ରୋଲ’ ବୋଲି କହିବା ସହ ବିଭିନ୍ନ ପ୍ରସଙ୍ଗରେ କଡ଼ା ସମାଲୋଚନା କରିଥିଲେ। ନିଜ କର୍ମୀମାନଙ୍କୁ ଏଭଳି ଶାଳୀନତାର ପରାମର୍ଶକୁ ଏବେ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଉଛି କିନ୍ତୁ ରାହୁଲ ନିଜ ଭାଷଣରେ ବାରମ୍ବାର ମୋଦିଙ୍କ ଉଦ୍ଦେଶ୍ୟରେ ‘ଚୌକିଦାର ଚୋର ହୈ’ କହିବା ଶାଳୀନତାର ବିପରୀତ ଥିଲା ବୋଲି ସମାଲୋଚକ କହିଛନ୍ତି।
ଏଥର ସମ୍ଭାଳ ବ୍ୟୁରୋ (ମହାରାଷ୍ଟ୍ର) – ଅନଶନରୁ ଓହରିଲେ ବିଶିଷ୍ଟ ସମାଜସେବୀ ଆନ୍ନା ହଜାରେ । ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନାଭିସ୍ ଏବଂ ଦୁଇ କେନ୍ଦ୍ର ମନ୍ତ୍ରୀଙ୍କ ସହ ମଙ୍ଗଳବାର ସଂଧ୍ୟାରେ ଆଲୋଚନା ହେବା ପରେ ୭ ଦିନ ଧରି ଜାରି ରଖିଥିବା ଆମରଣ ଅନଶନକୁ ଭଙ୍ଗ କରିଛନ୍ତି ଆନ୍ନା । ଜାଣିବାକୁ ମିଳିଛି ଯେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଆନ୍ନାଙ୍କର ଦାବି ପୂରଣ ନେଇ କଥା ହେବା ପରେ ଆନ୍ନା ଅନଶନରୁ ଓହରିଛନ୍ତି । ଆନ୍ନା ଗଣମାଧ୍ୟମ ପ୍ରତିନିଧିଙ୍କୁ ଜଣାଇ କହିଛନ୍ତି ଯେ ମୁଖ୍ୟମନ୍ତ୍ରୀ ଫଡନାଭିସଙ୍କ ସହ ସନ୍ତୋଷଜନକ ଆଲୋଚନା ପରେ ସେ ନିଜ ଅନଶନ ଭଙ୍ଗ କରିଛନ୍ତି ।
