ଗଣତନ୍ତ୍ର ଦିବସରେ ଦେଶର ବିଭିନ୍ନ ସ୍ଥାନରେ ଅଗ୍ନିକାଣ୍ଡ ।

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ଗଣତନ୍ତ୍ର ଦିବସ ଅବସରରେ ସନ୍ଧ୍ୟାରେ ଦେଶର ବିଭିନ୍ନ ସ୍ଥାନରେ ଅଗ୍ନିକାଣ୍ଡ ଘଟିଛି। ହିମାଚଳ ପ୍ରଦେଶରେ  କଲ୍କୁ, ମହାରାଷ୍ଟ୍ରରେ କଲ୍ୟାଣ ଏବଂ ପୁଣେ ଏବଂ କେରଳରେ ନିଆଁ ଲାଗିଛି। ତେବେ ଏହି ଘଟଣାରେ କୌଣସି ମୃତାହତ ହୋଇ ନଥିବା ଖବର ଆସି ନାହିଁ। ହିମାଚଳପ୍ରଦେଶରେ କଲ୍କୁ ଜିଲ୍ଲାରେ ବହଙ୍ଗରେ ଶନିବାର ସନ୍ଧ୍ୟାରେ ନିଆଁ ଲାଗିଥିଲା। ଏହି ଅଗ୍ନିକାଣ୍ଡରେ ୩ଟି ସେଡ୍‌ ଜଳିଯାଇଛି। ସେହିପରି ମହାରାଷ୍ଟ୍ରରେ କଳ୍ୟାଣ ତିଲକ ଚୌକ ଇଲାକାରେ ଏକ ୬ ତାଲା ବିଶିଷ୍ଟ କୋଠାରେ ନିଆଁ ଲାଗିଥିଲା। ପରେ ନିଆଁକୁ ନିୟନ୍ତ୍ରଣ କରାଯାଇଥିଲା। ସେହିପରି କେରଳରେ ଏକ ସ୍ଥାନରେ ବଡ଼ଧରଣର ଅଗ୍ନିକାଣ୍ଡ ଘଟିଥିଲା।

ନିର୍ବାଚନୀ ଥୋପ ! ମହିଳାଙ୍କୁ ମିଳିବ ପୁଷ୍ପ-କୁମ୍‌କୁମ୍‌ ସ୍କିମ ।

ଏଥର ସମ୍ଭାଳ ବ୍ୟୁରୋ (ଅମରାବତୀ) – ମହିଳାଙ୍କୁ  ମିଳିବ ୧୦ ହଜାର ଟଙ୍କା ଓ ସ୍ମାର୍ଟ ଫୋନ୍‌। ଓଡ଼ିଶା ସରକାର ଭଳି ଆନ୍ଧ୍ରପ୍ରଦେଶ ସରକାର ନିର୍ବାଚନକୁ ଆଖି ଆଗରେ ରଖି କିଛି ଏମିତି ଲୋଭନୀୟ ଯୋଜନା ଘୋଷଣା କରିଛନ୍ତି। ଆଗାମୀ ନିର୍ବାଚନକୁ ଦୃଷ୍ଟିରେ ରଖି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାୟଡୁ ସ୍ୱଂୟ ସହାୟକ ଗୋଷ୍ଠୀର ମହିଳାମାନଙ୍କ ପାଇଁ ୧୦ ହଜାର ଟଙ୍କା ଏବଂ ସ୍ମାର୍ଟଫୋନ ଦେବାକୁ ଘୋଷଣା କରିଛନ୍ତି। ମହିଳା ଏବଂ ଶିଶୁ ବିକାଶ ଯୋଜନା କାର୍ଯ୍ୟକ୍ରମ ଅଧୀନରେ ମହିଳାମାନଙ୍କୁ ଏହି ଅର୍ଥରାଶି ପ୍ରଦାନ କରାଯିବ।

ଏହି ସ୍କିମର ନାଁ ରହିଛି ପୁଷ୍ପ-କୁମ୍‌କୁମ୍‌। ଅମରାବତୀର ଏକ ସରକାରୀ ସଭାରେ ଏହି ସ୍କିମର ଘୋଷଣା କରିଛନ୍ତି ଚନ୍ଦ୍ରବାବୁ ନାଇଡୁ। ତେବେ ଏହି ଟଙ୍କା ଚେକ୍‌ ଆକାରରେ ୩ଟି ଇନଷ୍ଟଲମେଣ୍ଟରେ ପ୍ରଦାନ କରାଯିବ। ପ୍ରଥମ କିସ୍ତିରେ ସମସ୍ତ ଚେକ୍‌ ଫେବୃଆରୀ ପ୍ରଥମ ସପ୍ତାହରେ ଦିଆଯିବ । ସ୍କିମ ଅନୁସାରେ ମହିଳାଙ୍କୁ ତିନିଟି କିସ୍ତିରେ ୨୫୦୦ ଟଙ୍କା ପ୍ରଦାନ କରାଯିବ ।

ଯାହା ଫେବୃଆରୀରେ ଉଠାଯାଇପାରିବ। ସେହିପରି ୩୦୦୦ ଟଙ୍କା ଫେବୃଆରୀ ଶେଷ ଏବଂ ଅପ୍ରେଲରେ ୪୦୦୦ ଟଙ୍କା ପ୍ରଦାନ କରାଯିବ। ଏହି ଯୋଜନାରେ ୯୩ ଲକ୍ଷ ମହିଳା ଉପକୃତ ହେବେ ବୋଲି ଜଣାପଡ଼ିଛି। ଏଥିପାଇଁ ସରକାରଙ୍କ ତହବିଲରୁ ୯,୪୦୦ କୋଟି ଟଙ୍କାର ବୋଝ ପଡ଼ିବ। ତେବେ ଏହି ଯୋଜନାକୁ ବିରୋଧୀ ୱାଇଏସ୍‌ଆରସିପିର ମୁଖ୍ୟ ଜଗମୋହନ ରେଡ୍ଡୀ ସମାଲୋଚନା କରିଛନ୍ତି। କହିଛନ୍ତି ସରକାରଙ୍କର ଏହା ହେଉଛି ଭୋଟ୍‌ ପାଇଁ ନୋଟ୍‌ ଯୋଜନା।

ସାଧାରଣତନ୍ତ୍ର ଦିବସରେ ସହିଦ ହେଲେ ଓଡ଼ିଆ ଯବାନ ।

ଏଥର ସମ୍ଭାଳ ବ୍ୟୁରୋ (ଖୋର୍ଦ୍ଧା) – ଗତକାଲି ସାଧାରଣତନ୍ତ୍ର ଦିବସରେ ଜଣେ ଓଡ଼ିଆ ଯବାନଙ୍କ ପରଲୋକ ହୋଇଛି। ତାଙ୍କ ନାଁ ହେମନ୍ତ ପଣ୍ଡା। ତାଙ୍କ ଘର ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ଅଠରାଙ୍ଗ ଗାଁରେ। ହେମନ୍ତ ଜମ୍ମୁ କଶ୍ମୀରରେ ବାରମୁଲାରେ ମୁତୟନ ହୋଇଥିଲେ। ସେ ଗୁଳିମାଡ଼ରେ ଆହତ ହୋଇ ଚିକିତ୍ସାଧୀନ ଥିଲେ। ତେବେ ଆତଙ୍କବାଦୀଙ୍କ ଗୁଳିରେ ସେ ଆହତ ହୋଇଥିଲେ ନା ଆଉ କିଛି କାରଣ ଯୋଗୁ ତାଙ୍କ ଦେହରେ ଗୁଳିମାଡ଼ ହୋଇଥିଲା, ତାହା ସ୍ପଷ୍ଟ ହୋଇନାହିଁ। ଖୋର୍ଦ୍ଧା ଜିଲ୍ଲା ପ୍ରଶାସନ ପକ୍ଷରୁ ମଧ୍ୟ ଏନେଇ ସ୍ପଷ୍ଟ ସୂଚନା ମିଳି ପାରି ନାହିଁ। ଏହି ଘଟଣାରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି।

ଆଜିର ରାଶିଫଳ ୨୭.୦୧.୨୦୧୯ ରବିବାର ।

ମେଷ: ଆର୍ଥିକ ସ୍ଥିତି ଭଲ ରହିବ। ଶରୀର ଫୂର୍ତ୍ତି ରହିବ। ବନ୍ଧୁଙ୍କଠାରୁ ଉପହାର ପାଇ‍ବେ।

ବୃଷ: ମିଠା କଥା କହି ଲୋକଙ୍କ ମନ ଜିତିବେ। ଶୁଭ କାର୍ଯ୍ୟରେ ଯୋଗ ଦେଇପାରନ୍ତି। ସାହିତ୍ୟ କ୍ଷେତ୍ରରେ ରୁଚି ବଢ଼ିବ।

ମିଥୁନ: ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଅନ୍ତୁ ନାହିଁ। ପାଣି ଠାରୁ ଦୂରେଇ ରୁହନ୍ତୁ। ବାଦ-ବିବାଦଠାରୁ ଦୂରେଇ ରୁହନ୍ତୁ।

କର୍କଟ: ଘରେ ହସଖୁସିର ବାତାବରଣ ରହିବ। ବନ୍ଧୁଙ୍କ ସହ ସାକ୍ଷାତ କରିପାରନ୍ତି। ମନ ଖୁସି ରହିବ।

ସିଂହ: ମନୋରଞ୍ଜନ ସ୍ଥାନକୁ ବୁଲିବାକୁ ଯାଇପାରନ୍ତି। ଦାମ୍ପତ୍ୟ ଜୀବନ ଖୁସିରେ କଟିବ। ସ୍ୱାଦିଷ୍ଟ ଖାଦ୍ୟ ଖାଇପାରନ୍ତି।

କନ୍ୟା: ରାଗ ଉପରେ ନିୟନ୍ତ୍ରଣ ରଖନ୍ତୁ । ନୂତନ ବସ୍ତ୍ର କିଣିପାରନ୍ତି। ଘରକୁ ଅତିଥି ଆସିପାରନ୍ତି।

ତୁଳା: ଘରେ ମାଙ୍ଗଳିକ କାର୍ଯ୍ୟ ଅନୁଷ୍ଠିତ ହୋଇପାରେ। ଯାନବାହନ କିଣିପାରନ୍ତି। ଅନୈତିକ କାର୍ଯ୍ୟ ଠାରୁ ଦୂରେଇ ରୁହନ୍ତୁ।

ବିଚ୍ଛା: ନୂତନ କାର୍ଯ୍ୟରେ ଯୋଗ ଦେଇପାରନ୍ତି। ଦୂରସ୍ଥାନକୁ ଯାତ୍ରା କରିପାରନ୍ତି। ବିବାହ ସ୍ଥିର ହୋଇପାରେ।

ଧନୁ: ବିଦେଶରୁ ଖୁସି ଖବର ଶୁଣି ପାରନ୍ତି। ବ୍ୟବସାୟରେ ଆଶାମୁତାବକ ଲାଭ ମିଳିବ। ଉଚ୍ଚଅଧିକାରୀଙ୍କ ସହଯୋଗ ମିଳିବ।

ମକର: ଶରୀର ସୁସ୍ଥ ରହିବ। ଛାତ୍ରଛାତ୍ରୀମାନେ ପରୀକ୍ଷାରେ ଉନ୍ନତି କରିବେ। ଅଳସୁଆ ଅନୁଭବ କରିବେ।

କୁମ୍ଭ: ନକାରାତ୍ମକ ଚିନ୍ତା ଠାରୁ ଦୂରେଇ ରୁହନ୍ତୁ। ଦୁର୍ଘଟଣା ଯୋଗ ରହିଛି। ସତର୍କ ରୁହନ୍ତୁ।

ମୀନ: ମାନ-ସମ୍ମାନ ମିଳିବ। ମାଲି ମକଦ୍ଦମାରେ ବିଜୟୀ ହେବେ। ଈଶ୍ୱରଙ୍କୁ ଆରାଧନା କରନ୍ତୁ।