ଆଜିର ରାଶିଫଳ ୨୪.୦୧.୧୯ ଗୁରୁବାର ।

ମେଷ: ପିଲାଙ୍କ ପଢ଼ାପଢ଼ିକୁ ନେଇ ବ୍ୟସ୍ତ ରହିପାରନ୍ତି। ପଢ଼ା ଲେଖାରେ ନିଜର ପ୍ରଧାନ୍ୟ ବିସ୍ତାର କରିପାରନ୍ତି। ଅର୍ଥ ପ୍ରାପ୍ତିର ସୂଚନା ମିଳୁଛି। ସୁ-ସମ୍ବାଦ ପାଇ ଆନନ୍ଦ ଅନୁଭବ କରିପାରନ୍ତି। ଦାମ୍ପତ୍ୟ ଜୀବନ ସୁଖପ୍ରଦ ହେବ।

ବୃଷ: ମାନସିକ ଅସ୍ଥିରତା ବୃଦ୍ଧି ପାଇପାରେ। ଅନୁଗତମାନେ ଆଡହୋଇ ପଶ୍ଚାତ୍‌ପଦ ଦେବେ। କେତେକ କ୍ଷେତ୍ରରେ ଭୁଲ ବୁଝାମଣା ଘଟିପାରେ। ପରିଶ୍ରମର ମୂଲ୍ୟ ମିଳିବ। କୃଷିରୁ ଲାଭ ମିଳିବ। ଯାନବାହନ ସୁଖ ମିଳିବ। ଗୃହ ପରିବେଶ ଠିକ୍ ରହିବ।

ମିଥୁନ: ଅର୍ଥପ୍ରାପ୍ତିର ସୂଚନା ମିଳୁଛି। ବିଭିନ୍ନ ସ୍ତରରେ ସମ୍ମାନିତ ହେବେ। ଆର୍ଥିକ କ୍ଷେତ୍ର ସ୍ବଚ୍ଛଳ ରହିବ। ଶୁଭ କାର୍ଯ୍ୟ ପାଇଁ ବାତାବରଣ ଅନୁକୂଳ ରହିଛି। ଦେବଦର୍ଶନର ସୁଯୋଗ ଅଛି। ଅଶାନ୍ତି ହ୍ରାସ ହେବ। ସରକାରୀ ସ୍ତରରୁ ଲାଭ ମିଳିବ।

କର୍କଟ: ନିଜ ପୂର୍ବ ମତର ପରିବର୍ତ୍ତନ କରିପାରନ୍ତି। ସାମାନ୍ୟ ଅସୁସ୍ଥତା ଅନୁଭବ କରିବେ। ଶତ୍ରୁନାଶ କରି ଆଶ୍ବସ୍ତ ହେବେ। ଭାଗ୍ୟବାନ ହେବେ। କୁଳ ପ୍ରଧାନ ହୋଇପାରନ୍ତି। ପୁତ୍ରପ୍ରାପ୍ତିର ସୁଯୋଗ ସୃଷ୍ଟି ହୋଇଛି। ଧନାନ୍ବିତ ହେବା ଆଶା କରାଯାଏ।

ସିଂହ: ଗୁରୁତ୍ବପୂର୍ଣ୍ଣ କାର୍ଯ୍ୟରେ ଉତ୍ସାହ ବୃଦ୍ଧି ପାଇବ। ଆୟ ଆଶାନୁରୂପ ହେବ। ସରକାରୀ ବା ବନ୍ଧୁ ସୂତ୍ରରୁ ଲାଭବାନ ହେବେ। ଉତ୍ତମ ଭୋଜନରେ ଆପ୍ୟାୟିତ ହେବେ। ଦାମ୍ପତ୍ୟ ଜୀବନ ସୁଖପ୍ରଦ ହେବ। ସୁସ୍ଥ ଓ ନିରାମୟ ରହିବେ। ଚିନ୍ତାଧାରା ଉନ୍ନତମାନର ହେବ।

କନ୍ୟା: ମାନସିକ ସ୍ତରରେ ପ୍ରସନ୍ନତା ଉଦୟ ହେବ। କାର୍ଯ୍ୟରେ ଉପୁଜି ଥିବା ବାଧା-ବିଘ୍ନ ଦୂର ହେବ। ଅଯଥା ବିତର୍କରେ ଭାଗ ନ ନେଇ ଚୁପ୍ ରହିବା ଭଲ; ମାତ୍ର ତାହା କ୍ଷଣକ ପାଇଁ । ଭ୍ରାତୃଭାବ ଅତୁଟ ରହିବ।

ତୁଳା: ସୁସ୍ଥ ଓ ନିରାମୟ ରହିପାରନ୍ତି। ଶୁଭ ଖବର ପାଇ ଖୁସି ହେବେ। ଜ୍ଞାନ ଅର୍ଜନ ପାଇଁ ଆଗ୍ରହ ପ୍ରକାଶ କରିପାରନ୍ତି। ସତ୍‌କର୍ମରେ ନିଜକୁ ନିୟୋଜିତ କରିପାରନ୍ତି। ଅର୍ଥ ପ୍ରାପ୍ତିର ସୁଯୋଗ ସୃଷ୍ଟି ହୋଇଛି। କରିତ୍‌କର୍ମା ହେବେ। ରୂପବାନ୍‌ ଓ ଗୁଣଜ୍ଞ ହେବେ।

ବିଛା: ଆଜି ଦିନଟିରେ ଯାନବାହନ ଚଳାଚଳରେ ସତର୍କତା ଅବଲମ୍ବନ କରିବେ। ସୁ-ସମ୍ବାଦ ପାଇ ଖୁସି ହେବେ। କର୍ମରେ ଅପୂର୍ବ ସଫଳତା ମିଳିବ। ଆର୍ଥିକ ସ୍ଥିତିରେ ସ୍ବଚ୍ଛଳତା ଦେଖା ଦେଇପାରେ। ଶୁଭକାର୍ଯ୍ୟ ପାଇଁ ସମୟ ଅନୁକୂଳ ରହିଛି। ସୁଖୀ ହେବେ।

ଧନୁ: କିଛି ଦ୍ରବ୍ୟ ଅପହୃତ ହୋଇପାରେ। ଭ୍ରମଣ ଯୋଗ ରହିଛି। କାର୍ଯ୍ୟରେ ସଫଳତା ମିଳିବ। କ୍ଷମତାର ଅଭିବୃଦ୍ଧି ଘଟାଇ ତା’ର ସଦ୍‌ବ୍ୟବହାର କରିପାରନ୍ତି। ବିବାଦୀୟ ଘଟଣାରେ ବିଜୟୀ ହେବେ। ବୀରତ୍ବ ପ୍ରଦର୍ଶନ କରି ଲୋକମାନଙ୍କ ପ୍ରଶଂସାର ପାତ୍ର ହେବେ।

ମକର: ଅର୍ଥାଭାବ ଦେଖା ଦେଇପାରେ। ସାମାନ୍ୟ ମାତ୍ରାର ଶାରୀରିକ ପୀଡ଼ା ଅନୁଭବ କରିପାରନ୍ତି। ପ୍ରଦୂଷିତ ପରିବେଶରେ ରହିବା ଆପଣଙ୍କ ପକ୍ଷେ ସମ୍ଭବ ହୋଇ ନ ପାରେ। ଅଷ୍ଟମ ଚନ୍ଦ୍ର ଭୋଗ ହେଉଥିବାରୁ ସତର୍କତାର ସହ ଚଳିବାକୁ ପଡ଼ିବ।

କୁମ୍ଭ: ଭ୍ରମଣ ସୁଖକର ହୋଇପାରେ। ସୁଖ-ସମ୍ମାନ ଲାଭ କରିପାରନ୍ତି। ସୁଖକର ଘଟଣାମାନ ଘଟିପାରେ। କର୍ମ​‌େ​‌କ୍ଷତ୍ରରେ ଅପୂର୍ବ ସଫଳତା ମିଳିବ। ଶୁଭକାର୍ଯ୍ୟ ପାଇଁ ସମୟ ଅନୁକୂଳ ରହିଛି। ସୁଖାଦ୍ୟ ପ୍ରାପ୍ତିରେ ଆନନ୍ଦ ଅନୁଭବ କରିବେ।

ମୀନ: ସୁଯୋଗ ହସ୍ତଗତ ହୋଇପାରେ। ଶତ୍ରୁକୁ ପରାଜିତ କରି ମାନସିକ ଶାନ୍ତି ଫେରି ପାଇବେ। ଶୁଭ ଖବର ପାଇ ଖୁସି ହେବେ। ବ୍ୟସ୍ତତା ମଧ୍ୟରେ ଦିନଟି ଅତିବାହିତ ହେବ। ଶୁଭକାର୍ଯ୍ୟ ପାଇଁ ଦିନଟି ଉତ୍ସାହଜନକ ହେବ। ଋଣପରିଶୋଧ କରିପାରନ୍ତି।

ଗୁଣପୁର : ଜଗନ୍ନାଥପୁର ଗ୍ରାମ ପଞ୍ଚାୟତ ଚିନ୍ତାଲଗୁଡା ଗ୍ରାମରେ ଘର ପୋଡି ଭସ୍ମୀଭୂତ ।

ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡ଼ ଜିଲ୍ଲା ଗୁଣପୁର ବ୍ଲକ ଅଧିନସ୍ଥ ଜଗନ୍ନାଥପୁର ଗ୍ରାମ ପଞ୍ଚାୟତ ର ଚିନ୍ତାଲଗୁଡା ଗ୍ରାମରେ ନିଆଁ ଲାଗି ୨ ଗୋଟି ଘର ସଂପୂର୍ଣ୍ଣ ଭସ୍ମୀଭୂତ ହୋଇଯାଇଥିବା ବେଳେ ନିକଟସ୍ଥ ୪ ଗୋଟି ଘର ଅନେକାଂଶ ପୋଡିଯାଇଛି । ବିଳମ୍ବିତ ରାତ୍ର ୧୨ ଘଣ୍ଟା ୩୦ ମିନିଟ ସମୟରେ ନିଆଁ ଲାଗିଯାଇଥିବା ରୁ ସ୍ଥାନୀୟ ବାସିନ୍ଦା ଏହାକୁ ଆୟତ କରିବା ଚେଷ୍ଟା କରି ଗୁଣପୁରସ୍ଥ ଦମକଳ ବାହିନୀକୁ ଅବଗତ କରାଇଥିଲେ । ଘଟଣାଟି ରାତ୍ର ସମୟରେ ହୋଇଥିବାରୁ ଦମକଳ କେନ୍ଦ୍ର ରେ କେହି ଫୋନ ଉଠାଇ ନଥିବା ନେଇ ଅଭିଯୋଗ ହୋଇଛି । ଘଟଣା ବିଷୟରେ ଖବର ପାଇ ସ୍ଥାନୀୟ ସରପଞ୍ଚ ଙ୍କ ପ୍ରତିନିଧି ଗୁଣପୁର ଦମକଳ କେନ୍ଦ୍ରରେ ପହଞ୍ଚି ଅଭିଯୋଗ କରିବା ରୁ ଦମକଳ ବାହିନୀ ଚିନ୍ତାଲଗୁଡା ରେ ପହଞ୍ଚି ନିଆଁ କୁ ଆୟତ କରିଛନ୍ତି । ଏହି ଗ୍ରାମର ୩ ଗୋଟି ସାହି ରେ ପ୍ରାୟ ୮୦ ଗୋଟି ଘର ରହିଛି । ଘଟଣା ସ୍ଥଳରେ ସରପଞ୍ଚ ଗୌରୀ ଗମାଙ୍ଗ ସହ ଗୁଣପୁର କଳିଙ୍ଗ ସାମ୍ବାଦିକ ସଂଘ ର ଆଇନ ଉପଦେଷ୍ଟା ଗୌରୀ ଶଙ୍କର ଦାଶ ଏବଂ ସମ୍ପାଦକ ସୁମନ ସାହୁକାର ପହଞ୍ଚି ଘଟଣା ର ଅନୁସନ୍ଧାନ କରି ପ୍ରପୀଡିତ ପରିବାର ଙ୍କୁ ସାନ୍ତ୍ଵନା ଦେଇଛନ୍ତି । ଗ୍ରାମ ପଞ୍ଚାୟତ ତରଫରୁ ପ୍ରପୀଡିତ ପରିବାର ବର୍ଗ ଙ୍କୁ ସଂପୂର୍ଣ୍ଣ ସହାୟତା ଯୋଗାଇ ଦିଆଯିବ ବୋଲି ସରପଞ୍ଚ ଗୌରୀ ଗମାଙ୍ଗ ପ୍ରକାଶ କରିଛନ୍ତି । ମଧ୍ୟ ରାତ୍ରରେ ନିଆଁ ଲାଗିଥିବାରୁ କେଉଁ କାରଣ ରୁ ନିଆଁ ଲାଗିଲା ତାହା ବର୍ତ୍ତମାନ ଅସ୍ଵଷ୍ଟ ଅଛି ଓ କ୍ଷୟକ୍ଷତି ର ଆକଳନ କରାଯାଇପାରି ନାହିଁ  ।

ଇଭିଏମ୍ ହ୍ୟାକାଥନକୁ କଂଗ୍ରେସ ପ୍ରାୟୋଜିତ କହିଲା ବିଜେପି ! ଟ୍ୟାମ୍ପରିଂ କରି ବିଜେପି ୨୦୧୪ରେ ବିଜୟୀ ହୋଇଥିବା ଆରୋପ୍ ଲଗାଇଥିଲେ ଆଇଟି ଏକ୍ସପର୍ଟ ।

ଏଥର ସମ୍ଭାଳ ବ୍ୟୁରୋ – ନିର୍ବାଚନ ପୂର୍ବରୁ ଇଭିଏମ୍ ହ୍ୟାକର ଅଭିଯୋଗ  । ଆମେରିକୀୟ ସାଇବର୍ ଏକ୍ସପର୍ଟ ସୈୟଦ୍ ସୁଜା ୨୦୧୪ ନିର୍ବାଚନରେ ଇଭିଏମ୍ ହ୍ୟାକ୍ କରାଯାଇଥିବା ଅଭିଯୋଗ ଆଣିବା ପରେ ଏହାକୁ ଖଣ୍ଡନ କରିଛନ୍ତି ନିର୍ବାଚନ କମିସନ  । ଅନ୍ୟପଟେ ଲଣ୍ଡନରେ ହୋଇଥିବା ଇଭିଏମ୍ ହ୍ୟାକାଥନକୁ କଂଗ୍ରେସ ପ୍ରାୟୋଜିତ କହିଛନ୍ତି କେନ୍ଦ୍ର ଆଇନ ମନ୍ତ୍ରୀ ରବିଶଙ୍କର ପ୍ରସାଦ  । ସେପଟେ ଏହାକୁ ନେଇ ବଢ଼ିବାରେ ଲାଗିଛି ବୟାନବାଜୀ  । ହ୍ୟାକ୍ ହୋଇନଥିଲା ଇଭିଏମ୍ ମେସିନ୍ । ଜବାବ୍ ରଖିଲେ ନିର୍ବାଚନ କମିସନ । ୨୦୧୪ ନିର୍ବାଚନରେ ଇଭିଏମ୍ ହ୍ୟାକ୍ କରାଯାଇଥିବର ସାଇବର ଏକ୍ସପର୍ଟ ସୈୟଦ୍ ସୁଜା ଅଭିଯୋଗ ଆଣିବା ପରେ ଏହାକୁ ଖଣ୍ଡନ କରିଛନ୍ତି ନିର୍ବାଚନ ଆୟୋଗ  । ଆୟୋଗ କହିଛନ୍ତି ବିଇଏଲ୍ ବା ଭାରତ ଇଲେକଟ୍ରନିକ୍ସ ଲିମିଟେଡ୍ ଦ୍ୱାରା ପ୍ରସ୍ତୁତ ଇଭିଏମକୁ ନିର୍ବାଚନରେ ବ୍ୟବହାର କରାଯାଇଥାଏ ଓ ବିଭିନ୍ନ ପ୍ରକାର ପରୀକ୍ଷା ପରେ ଇଭିଏମକୁ ହ୍ୟାକ୍ କରାଯାଇପାରିବ ନାହିଁ ବୋଲି ଏକ୍ସପର୍ଟ ଏକମତ । ସେପଟେ ଇଭିଏମ୍ ହ୍ୟାକର ଅଭିଯୋଗ ପରେ ଏହାକୁ ନେଇ ଆରମ୍ଭ ହୋଇଯାଇଛି ଆରୋପ୍ ପ୍ରତ୍ୟାରୋପ  ।

ଦେଖିବା କ’ଣ କହିଥିଲେ ସୈୟଦ୍ ସୁଜା ?

– ୨୦୧୪ ନିର୍ବାଚନରେ ଇଭିଏମ୍ ହ୍ୟାକ୍ କରାଯାଇଥିଲା  ।

– ଇଭିଏମ୍ ଟ୍ୟାମ୍ପରିଂ ବିଷୟରେ ଜାଣିଥିବାରୁ ଗୋପୀନାଥ ମୁଣ୍ଡେଙ୍କୁ ହତ୍ୟା କରାଯାଇଥିଲା  ।

– ଇଭିଏମ୍ ଟ୍ୟାମ୍ପରିଂ ସମ୍ପର୍କିତ ଖବର ସାମ୍ବାଦିକ ଗୌରୀ ଲଙ୍କେଶ୍ ଛାପିବାକୁ ଥିବାରୁ ତାଙ୍କୁ ମଧ୍ୟ ରାସ୍ତାରୁ ହଟାଇ ଦିଆଯାଇଥିଲା  ।

– କେବଳ ବିଜେପି ନୁହେଁ ସମାଜବାଦୀ ପାର୍ଟି, ବହୁଜନ ସମାଜ ପାର୍ଟି ଓ ଆମ ଆଦମି ପାର୍ଟି ମଧ୍ୟ ଇଭିଏମ ଟ୍ୟାମ୍ପରିଂରେ ସଂପୃକ୍ତ  ।

– ଇଭିଏମ୍ ହ୍ୟାକ୍ କରି ବିଜେପି ଛତିଶଗଡ଼, ରାଜସ୍ଥାନ ଓ ମଧ୍ୟପ୍ରଦେଶ ନିର୍ବାଚନ ଜିତିବାକୁ ଚେଷ୍ଟା କରିଥିଲା କିନ୍ତୁ ଏହାକୁ ଆମ ଟିମ୍ ବିଫଳ କରିଥିଲା  ।

ନିର୍ବାଚନ ପରେ ଓ ପୂର୍ବରୁ ରାଜନୈତିକ ଦଳଗୁଡ଼ିକ ପାଇଁ ଇଭିଏମ୍ ଟ୍ୟାମ୍ପରିଂ ସବୁବେଳେ ଏକ ଅସ୍ତ୍ର ହୋଇ ରହିଆସିଥିବା ବେଳେ ଏବେ ହ୍ୟାକ୍ ଅଭିଯୋଗ ଆଣିଛନ୍ତି ହ୍ୟାକର୍  । ଏହାକୁ ନିର୍ବାଚନ କମିସନ୍ ଖଣ୍ଡନ କରିଥିବା ବେଳେ ଏହି ପ୍ରସଙ୍ଗକୁ ନେଇ ରାଜନୈତିକ ତାତି କିନ୍ତୁ ଥମିବାର ନାଁ ନେଉଁନାହିଁ  ।

ନିର୍ବାଚନୀ ଚାନ୍ଦା ପାଇଁ କେନ୍ଦ୍ରମନ୍ତ୍ରୀ ଓଡ଼ିଶାର ଜନସ୍ୱାର୍ଥକୁ ଜଳାଞ୍ଜଳି ଦେବାକୁ ମଧ୍ୟ ପଛଘୁଞ୍ଚା ଦେଉନାହାନ୍ତି :ପ୍ରତାପ

ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) – କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଆଜି ଦିଲ୍ଲୀରେ ଓଡ଼ିଶାର ଉପକୂଳ ରାଜପଥ (କୋଷ୍ଟାଲ୍‍ ହାଇୱେ) ବାବଦରେ ଯେଉଁ ସାମ୍ବାଦିକ ସମ୍ମିଳନୀ ରଖିଥିଲେ, ତାହା ସେହି କୋଷ୍ଟାଲ୍‍ ହାଇୱେର ଟେଣ୍ଡର ପାଇଁ ଆଶାୟୀ ଠିକାଦାରଙ୍କ ଦ୍ୱାରା ପ୍ରାୟୋଜିତ । ଭାରତୀୟ ଜନତା ପାର୍ଟି ଏବଂ ବିଶେଷ କରି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଅଭ୍ୟାସଗତ ମିଛୁଆ । ଯେଉଁ ବକ୍ତବ୍ୟ ସେ ଦିଲ୍ଲୀରେ ରଖିଛନ୍ତି, ତାହା ଅମୂଳକ ଓ ଭିତ୍ତିହୀନ ଏବଂ ତରବରିଆ ଭାବରେ କୋଷ୍ଟାଲ୍‍ ହାଇୱେର ଟେଣ୍ଡର ପ୍ରକ୍ରିୟାକୁ ତ୍ୱରାନ୍ୱିତ କରି ନିର୍ବାଚନୀ ଖର୍ଚ୍ଚ ବାହାର କରିବାର ଏକ ଅଭିସନ୍ଧି । ୨୦୧୫ ମସିହାରେ କେନ୍ଦ୍ରମନ୍ତ୍ରୀ ଶ୍ରୀ ନୀତିନ ଗଡ଼କରୀ ଓଡ଼ିଶାରେ କୋଷ୍ଟାଲ୍‍ ହାଇୱେର ନିର୍ମାଣକୁ ନେଇ ଯେଉଁ ବିବୃତି ରଖିଥିଲେ, ତାହା କେନ୍ଦ୍ର ସରକାରଙ୍କ ଦ୍ୱାରା କ୍ୟାବିନେଟ୍‍ ଅନୁମୋଦନ ପାଇ ଦୀର୍ଘ ଅଢେ଼ଇ ବର୍ଷ ଲାଗିଥିଲା । କାହିଁକି ଏ ପ୍ରକାର ବିଳମ୍ବ ହେଲା, ତାହା ଶ୍ରୀ ପ୍ରଧାନ ସ୍ପଷ୍ଟ କଲେ ଉଚିତ୍‍ ହୁଅନ୍ତା । ରାଜ୍ୟର ପୁରୁଣା ରାସ୍ତାକୁ ନବୀକରଣ କରି ତାହାକୁ କୋଷ୍ଟାଲ୍‍ ହାଇୱେର ଆଖ୍ୟା ଦେଇ ଯେଉଁ ଏକ ଅସଫଳ ପ୍ରୟାସ ଶ୍ରୀ ପ୍ରଧାନ କରୁଛନ୍ତି, ତାହା ତାଙ୍କର ଠିକାଦାର ପୋଷିବା ନୀତିକୁ ପଦାରେ ପକାଉଛି । କେନ୍ଦ୍ର ସରକାରଙ୍କ ଏନ୍‍ଏଚ୍‍ଆଇ ସଂସ୍ଥା ରାଜ୍ୟ ସରକାରଙ୍କ ସହ ଏହି କୋଷ୍ଟାଲ୍‍ ହାଇୱେର ପଥ ନିର୍ଦ୍ଧାରଣ ସଂକ୍ରାନ୍ତୀୟ ଆଲୋଚନା କଲା ପରେ ମଧ୍ୟ ଏବଂ ରାଜ୍ୟ ସରକାର ନିଜର ଗୁରୁତ୍ୱପୂର୍ଣ୍ଣ ମତ ଦେବା ସତ୍ତେ୍ୱ, ଲୁକ୍କାୟିତ ଭାବରେ କେନ୍ଦ୍ର ସରକାର ଓ ଶ୍ରୀ ପ୍ରଧାନ ଏହି ପ୍ରକଳ୍ପକୁ ରାଜ୍ୟ ସରକାରଙ୍କ ବିନା ଅବଗତରେ ତରବରିଆ ଭାବରେ କାର୍ଯ୍ୟକାରୀ କରାଇବା ପାଇଁ ଚଳାଇଥିବା ପ୍ରୟାସ ଭିତରେ ଏକ ଅଭିସନ୍ଧି ଥିବା ସ୍ପଷ୍ଟ ଜଣାପଡିଯାଉଛି । ଶ୍ରୀ ପ୍ରଧାନ ଏହି ଅଭିସନ୍ଧିର ମୁଖ୍ୟ ନାୟକ । ଯାହା ଶୁଣିବାକୁ ମିଳୁଛି, ଯେଉଁ ପଥମାର୍ଗ ଦେଇ ଏହି କୋଷ୍ଟାଲ୍‍ ହାଇୱେକୁ ନିର୍ମାଣ କରିବା ପାଇଁ କେନ୍ଦ୍ର ସରକାର ଓ ଶ୍ରୀ ପ୍ରଧାନ ଚାହୁଁଛନ୍ତି, ତାହା ଯଦି ସାକାର ହୁଏ, ତେବେ ହଜାର ହଜାର ଘର ଓ ଗାଁ କ୍ଷତିଗ୍ରସ୍ତ ହେବ । ନିଜର ନିହୀତ ନିର୍ବାଚନୀ ଚାନ୍ଦା ପାଇଁ ଶ୍ରୀ ପ୍ରଧାନ ଓଡ଼ିଶାର ଜନସ୍ୱାର୍ଥକୁ ଜଳାଞ୍ଜଳି ଦେବାକୁ ମଧ୍ୟ ପଛଘୁଞ୍ଚା ଦେଉନାହାନ୍ତି । ରାଜ୍ୟ ସରକାର କୋଷ୍ଟାଲ୍‍ ହାଇୱେ ଓଡ଼ିଶାରେ ହେଉ, ଏହା ଦୃଢ଼ତାର ସହିତ ଚାହୁଁଛନ୍ତି । କୋଷ୍ଟାଲ୍‍ ହାଇୱେ ହେଲେ ରାଜ୍ୟର ପର୍ଯ୍ୟଟନ, ଗମନାଗମନ ଓ ନିଯୁକ୍ତିର ସୁଯୋଗ ସୃଷ୍ଟି ହେବ । କିନ୍ତୁ ତାହା ହଜାର ହଜାର ଜୀବନକୁ କ୍ଷତିଗ୍ରସ୍ତ କରି ଏବଂ ଠିକାଦାରମାନଙ୍କୁ ପୋଷି ତାଙ୍କ ପାଖରୁ ନିର୍ବାଚନୀ ଚାନ୍ଦା ଆଦାୟ କରିବାର ଏକ ମାଧ୍ୟମ ନହେଉ, ଯାହାକି ଶ୍ରୀ ପ୍ରଧାନ ଚାହୁଁଛନ୍ତି । ବିଜୁ ଜନତା ଦଳ ଏଠାରେ ଦାବି ରଖୁଛି ଯେ କେନ୍ଦ୍ର ସରକାରଙ୍କ ଏନ୍‍ଏଚ୍‍ଆଇ ଏହି ପ୍ରକଳ୍ପର ସଂପୂର୍ଣ୍ଣ ପଥ ନିର୍ଦ୍ଧାରଣର ତଥ୍ୟ ଓ ବିବରଣୀ ସହିତ ରାଜ୍ୟ ସରକାରଙ୍କ ସହ ଆଲୋଚନା କରନ୍ତୁ ଏବଂ ରାଜ୍ୟ ସରକାରଙ୍କ ପିଠି ପଛରେ ଯାଇ ତରବରିଆ, ଏକପାଖିଆ ଓ ଅଭିସନ୍ଧିମୂଳକ କାର୍ଯ୍ୟ ନକରନ୍ତୁ । କୋଷ୍ଟାଲ୍‍ ହାଇୱେ ଶ୍ରୀ ପ୍ରଧାନଙ୍କ ନିର୍ବାଚନୀ ଚାନ୍ଦା ସଂଗ୍ରହ କରିବାର ମାଧ୍ୟମ ନହୋଇ ଓଡ଼ିଶାବାସୀଙ୍କ ପ୍ରକୃତ ହିତରେ ଲାଗୁ ବୋଲି ଆଜି ବିଜୁ ଜନତା ଦଳ ରାଜ୍ୟ କାର୍ଯ୍ୟାଳୟରେ ଅନୁଷ୍ଠିତ  ସାମ୍ବାଦିକ ସମ୍ମିଳନୀରେ ବରିଷ୍ଠ  ନେତା ଶ୍ରୀ ପ୍ରତାପ ଜେନା କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ମୁଖପାତ୍ର ଡ. ସସ୍ମିତ ପାତ୍ର ଉପସ୍ଥିତ ଥିଲେ ।

ବିଜେପି କ୍ୟାମ୍ପ ରେ ଜୟରାମ ସୁରକ୍ଷିତ ! ଜୟରାମ ପାଙ୍ଗୀଙ୍କ ପାଇଁ ଇତିଶ୍ରୀଙ୍କୁ ଇତିହାସ କରିଦେଲା କି ବିଜେପି ? ବିଜେପି ଏଜେଣ୍ଡାରେ ନାହିଁ ଇତିଶ୍ରୀ ପ୍ରସଙ୍ଗ !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) – ଓଡ଼ିଶାରେ ମହିଳାଙ୍କ ଉପରେ ଅତ୍ୟାଚାର ବଢୁଥିବା ଅଭିଯୋଗ ଆଣି ଆଜି ବିଜେପି କାର୍ଯ୍ୟାଳୟରୁ ନବୀନ ନିବାସ ଅଭିମୁଖେ ନାଲି ଚୁଡ଼ି ଧରି ବାହାରିଥିଲେ ହଜାର ହଜାର ମହିଳା ମୋର୍ଚ୍ଚାର କର୍ମୀ । ଏହି ଆନ୍ଦୋଳନ ମାଧ୍ୟମରେ ମହିଳା ମାନଙ୍କ ପ୍ରତି ରାଜ୍ୟରେ ହେଉଥିବା ଅତ୍ୟାଚାର ବିରୋଧରେ ସ୍ୱର ଉତ୍ତୋଳନ କରିଛି ବିଜେପି । ପିପିଲି ପୀଡିତା ଓ କୁନ୍ଦୁଲି ପୀଡିତାଙ୍କୁ ନ୍ୟାୟ ଦେବାକୁ ବିଜେପିର ମହିଳା ମୋର୍ଚ୍ଚାର ଏହି ପ୍ରୟାସ ନିଶ୍ଚିତ ଭାବେ ପ୍ରଂଶସାଯୋଗ୍ୟ । କିନ୍ତୁ ମହିଳାଙ୍କୁ ନ୍ୟାୟ ଦେବାକୁ କହି ବିଜେପିର ମହିଳା ମୋର୍ଚ୍ଚା ଯେତେବେଳେ ନାଲି ଚୁଡି ଧରି ରାଜରାସ୍ତାକୁ ଓହ୍ଲାଉଛି ସେତେବେଳେ ଟିକିରିର ଇତିଶ୍ରୀଙ୍କ କଥା ଭୁଲି ଯାଉଛନ୍ତି କିପରି । ଇତିଶ୍ରୀ ମଧ୍ୟ ସବୁଦିନ ପାଇଁ ଆଖି ବୁଜିବା ପୂର୍ବରୁ ନ୍ୟାୟ ଭିକ୍ଷା କରିଛି । ଇତିଶ୍ରୀର ସ୍ୱର କଣ ବିଜେପିର ମହିଳା ମୋର୍ଚ୍ଚା ଶିବିରରେ ପହଞ୍ଚି ପାରିନି । ପିପିଲି ପୀଡିତାଙ୍କ ସର୍ମ୍ପକରେ ରାୟ ଆସିବା ପରେ ମନ୍ତ୍ରୀ ପ୍ରଦୀପ ମହାରଥୀଙ୍କ ବିବାଦୀୟ ବୟାନକୁ ନେଇ ରାଜରାସ୍ତାକୁ ଓହ୍ଲାଇଥିଲା ବିଜେପିର ମହିଳା ମୋର୍ଚ୍ଚା । ଏପରିକି ପ୍ରଧାନମନ୍ତ୍ରୀ ମୋଦି ମଧ୍ୟ ପିପିଲି ପୀଡିତାଙ୍କୁ ନ୍ୟାୟ ଦେବା କଥା ଉଠାଇବା ପରେ ମହାରଥୀଙ୍କୁ ମନ୍ତ୍ରୀ ପଦରୁ ଇସ୍ତଫା ଦେବାକୁ ପଡିଥିଲା । କିନ୍ତୁ ରାଜ୍ୟ ରାଜନୀତିରେ ଭୂକମ୍ପ ସୃଷ୍ଟି କରିଥିବା ଟିକିରି ଇତିଶ୍ରୀଙ୍କୁ ନ୍ୟାୟ ଦେବା ପ୍ରସଙ୍ଗରେ ବିଜେପିର ମହିଳା ମୋର୍ଚ୍ଚା କାହିଁକି ଚୁପ ବସିଛି । ଇତିଶ୍ରୀଙ୍କ ପାଇଁ କଣ ବିଜେପିର ଟିକିଏ ବି ଦରଦ ନାହିଁ । ଏଭଳି ଏକ ସ୍ପର୍ଶକାତର ପ୍ରସଙ୍ଗରେ କାହିଁକି ପଛଘୁଞ୍ଚା ଦେଉଛି ବିଜେପି । ଓଡିଶାବାସୀ ଭାବେ ଏଭଳି ଏକ ପ୍ରଶ୍ନ ସମସ୍ତଙ୍କ ମନରେ ଉଙ୍କି ମାରିବା ସ୍ୱାଭାବିକ । ତେବେ ପିପିଲି ଓ କୁନ୍ଦୁଲି ପୀଡିତାଙ୍କ ପାଇଁ ବିଜେପିର ମହିଳା ମୋର୍ଚ୍ଚା ରାଜ୍ୟ ସରକାରଙ୍କୁ ହଲାପଟା କରୁଥିବା ବେଳେ  ଇତିଶ୍ରୀଙ୍କ ପ୍ରସଙ୍ଗରେ ଚୁପ୍ ରହିବା ପଛରେ ଏକ ବଡ କାରଣ ମଧ୍ୟ ଲୁଚି ରହିଛି ।

ସିବିଆଇ କ୍ଲୋଜର ରିପୋର୍ଟ ଦେବା ପରେ ଇତିଶ୍ରୀ ମାମଲାକୁ ବନ୍ଦ କରିବାକୁ ସୁପ୍ରିମକୋର୍ଟ ଅନୁମତି ଦେଇଛନ୍ତି ।  ଆଉ ସୁପ୍ରିମକୋର୍ଟଙ୍କ ଏହି ଅନୁମତି ପରେ  ଇତିଶ୍ରୀ ମୃତ୍ୟୁ ଘଟଣାର ମୁଖ୍ୟ ଅଭିଯୁକ୍ତ ମାନେ ବେଶ ଖୁସିରେ ନିଶ୍ୱାସ ମାରିଛନ୍ତି । କିନ୍ତୁ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା, ଯେଉଁ ଇତିଶ୍ରୀ ମୃତ୍ୟୁକୁ ନେଇ ବିଜେପି ପୂର୍ବରୁ ବିଜେଡିରେ ଥିବା ଜୟରାମ ପାଙ୍ଗୀଙ୍କୁ ଟାର୍ଗେଟ କରି ଆସୁଥିଲା । ଯାହାଙ୍କୁ ବିରୋଧ କରି ରାଜ୍ୟପାଳଙ୍କ ନିକଟରେ ବିଜେପି ଫେରାଦ ହୋଇଥିଲା । ସେହି ବ୍ୟକ୍ତିଙ୍କୁ ସମୟ ବିତିବା ସହ ବିଜେପି ନିଜ ଦଳକୁ କୋଳେଇ ନେଇଥିଲା । ଟିକିରି ଶିକ୍ଷୟତ୍ରୀ ଇତିଶ୍ରୀଙ୍କ ହତ୍ୟା ଘଟଣାରେ ତତ୍କାଳୀନ ସାଂସଦ ଜୟରାମ ପାଙ୍ଗୀକୁ ବିରୋଧ କରି କାଠଗଡାରେ ଠିଆ କରାଇଥିଲା ବିଜେପି । କିନ୍ତୁ ଏବେ ତାଙ୍କୁ ପାଛୋଟି ନେଇଛି ନିଜ ଦଳକୁ । ସମୟଚକ୍ରରେ ଶତ୍ରୁ ବନିଯାଇଛି ମିତ୍ର । ସମୟ ସହ ବଦଳିଯାଇଛି ଚରିତ୍ରର ଚିତ୍ର । କିନ୍ତୁ ଏହି ରାଜନୈତିକ ମିତ୍ରତା ଭିତରେ କଣ ବିଜେପି ଭୁଲିଯାଇଛି ଇତିଶ୍ରୀଙ୍କ କଥା ।

୨୦୧୩ ମସିହାରେ ଟିକିରିର ଶିକ୍ଷୟତ୍ରୀ ଇତିଶ୍ରୀଙ୍କ ମୃତ୍ୟୁ ପୂର୍ବରୁ ଦେଇଥିବା ବୟାନରେ ତତ୍କାଳୀନ ସାଂସଦ ଜୟରାମ ପାଙ୍ଗୀଙ୍କ ସଂପୃକ୍ତି ନେଇ ଅଭିଯୋଗ ଆଣିଥିଲା ବିଜେପି । ରାଜ୍ୟ ସରକାରଙ୍କୁ ବରଖାସ୍ତ କରିବା ସହ ସିବିଆଇ ତଦନ୍ତ ଦାବି କରିଥିଲା ଦଳ । ଏବେ ବିଜେଡିରୁ ବିଦା ହୋଇଥିବା ସେହି ନେତାକୁ ଆପଣେଇ ନେଇଛି ବିଜେପି । ଏହା ସହ ବଦଳିଛି ଦଳର ଆଭିମୁଖ୍ୟ । ଆଜି ଯିଏ ଶତ୍ରୁ, କାଲି ସେ ମିତ୍ର । ଏହା ରାଜନୀତିର ଏକ ମହାମନ୍ତ୍ର  । ଏହା ପୁଣି ପ୍ରମାଣିତ ହୋଇଛି ।ଆଉ ଏସବୁ ଭିତରେ ବିଜେପି ପିପିଲି ପୀଡିତାଙ୍କୁ ନ୍ୟାୟ ଦେବା ପାଇଁ ରାଜରାସ୍ତାକୁ ଓହ୍ଲାଉଥିବା ବେଳେ ଦଳୀୟ ବନ୍ଧୁଙ୍କ ପାଇଁ ଇତିଶ୍ରୀଙ୍କୁ ଭୁଲି ଯାଇନି ତ ତାହା ଏବେ ସବୁଠୁ ପ୍ରଶ୍ନ ଭାବେ ଉଭା ହୋଇଛି ।

ଆଜି ର ରାଶିଫଳ ୨୩.୦୧.୨୦୧୯ ବୁଧବାର ।

ମେଷ: ଅଳସୁଆ ଅନୁଭବ କରିବେ। କୌଣସି କାମ କରିବାକୁ ଇଚ୍ଛା ହେବ ନାହିଁ। ଘରକୁ ଅତିଥି ଆସି ପାରନ୍ତି। ବ୍ୟସ୍ତତା ଭିତରେ ଦିନଟି କଟିବ।

ବୃଷ: ଦ୍ୱନ୍ଦ୍ୱ ଭିତରେ ରହିବେ। ମାଆଙ୍କ ସ୍ୱାସ୍ଥ୍ୟକୁ ନେଇ ଚିନ୍ତିତ ରହିବେ। ବାଦ-ବିବାଦ ଠାରୁ ଦୂରେଇ ରୁହନ୍ତୁ।

ମିଥୁନ: ମିଠା କଥା କହି ଲୋକଙ୍କ ମନ ଜିତିବେ। ଅଧିକ ପରିଶ୍ରମ କରିବେ। ପାଚନ ତନ୍ତ୍ରରେ କଷ୍ଟ ଅନୁଭବ କରିବେ।

କର୍କଟ: ନୂତନ କାର୍ଯ୍ୟ ପାଇଁ ଯୋଜନା କରିପାରନ୍ତି। ଖର୍ଚ୍ଚ ବଢ଼ିବ। ଅଟକି ରହିଥିବା କାର୍ଯ୍ୟ ସଂପୂର୍ଣ୍ଣ କରିବେ।

ସିଂହ: ମନୋରଞ୍ଜନ ସ୍ଥାନକୁ ବୁଲିବାକୁ ଯାଇପାରନ୍ତି। କାର୍ଯ୍ୟକ୍ଷେତ୍ରରେ ପ୍ରଶଂସିତ ହେବେ। ଭାଗ୍ୟ ବୃଦ୍ଧି ହେବ।

କନ୍ୟା: ଦିନଟି ଭଲରେ କଟିବ। ସୁସ୍ଥ ରହିବେ। ମାଆ ଲକ୍ଷ୍ମୀଙ୍କ ଆଶୀର୍ବାଦ ମିଳିବ। ବନ୍ଧୁଙ୍କ ସହ ସାକ୍ଷାତ ହୋଇପାରେ।

ତୁଳା: ବନ୍ଧୁଙ୍କ ସହ ଦେଖା ହୋଇପାରେ। ପରିବାର ସଦସ୍ୟଙ୍କ ସହ ଖୁସିରେ ଦିନଟି କାଟିବେ। ଦାମ୍ପତ୍ୟ ଜୀବନ ଖୁସିରେ କଟିବ।

ବିଚ୍ଛା: ବ୍ୟବସାୟରେ ଆଶା ମୁତାବକ ଫଳ ମିଳିବ। ଉଚ୍ଚ ଅଧିକାରୀଙ୍କ ସହଯୋଗ ମିଳିବ। ସ୍ୱାସ୍ଥ୍ୟ ଭଲ ରହିବ।

ଧନୁ: ସ୍ୱାସ୍ଥ୍ୟର ଯତ୍ନ ନିଅନ୍ତୁ। ଧନପ୍ରାପ୍ତି ଯୋଗ ରହିଛି। ଗୁରୁଜନଙ୍କ ଆଶୀର୍ବାଦ ମିଳିବ।

ମକର: ନକାରାତ୍ମକ ଚିନ୍ତାଧାରାଠାରୁ ଦୂରେଇ ରୁହନ୍ତୁ। ରାଗ ଉପରେ ନିୟନ୍ତ୍ରଣ ରଖନ୍ତୁ। କୁକୁରକୁ ଖାଇବାକୁ ଦିଅନ୍ତୁ।

କୁମ୍ଭ: ଆତ୍ମବିଶ୍ୱାସ ବଢ଼ିବ। ଆଜି ଯେକୌଣସି କାର୍ଯ୍ୟ କଲେ ସଫଳ ହେବ। ଯାତ୍ରା କରିପାରନ୍ତି। ନୂଆ ପୋଷାକ କିଣିପାରନ୍ତି।

ମୀନ: ବୌଦ୍ଧିକ ଚର୍ଚ୍ଚାରେ ଯୋଗ ଦେଇପାରନ୍ତି। ପିଲାଙ୍କ ପାଠପଢ଼ାକୁ ନେଇ ଚିନ୍ତିତ ରହିବେ। ଅଯଥା ଖର୍ଚ୍ଚଠାରୁ ଦୂରେଇ ରୁହନ୍ତୁ।