ଅସହାୟ ମଣିଷ ଙ୍କ ହୃଦୟ ଜିଣିବାରେ ଦେବଦୂତ ସାଜିଛନ୍ତି ମହେନ୍ଦ୍ର ବଢ଼େଇ…!

!!! ବରଗଡ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!

ଏଥର ସମ୍ଭାଳ(ପଦ୍ମପୁର)- ଗରିବ, ନିଃସହାୟ ବ୍ୟକ୍ତି ବିଶେଷ ଙ୍କ ଅସହାୟ ସମୟ ରେ ସାହାଯ୍ୟ ପ୍ରଦାନ କ୍ଷେତ୍ରରେ ପଦ୍ମପୁର ଅଞ୍ଚଳ ବାସୀ ଙ୍କ ହୃଦୟ ରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ଶ୍ରୀମାନ ମହେନ୍ଦ୍ର ବଢ଼େଇ lସତରେ ସେ ଦେବଦୂତ ଭଳି ଖବର ପାଇବାପରେ ସେ କାଳବିଳମ୍ବ ନକରି ଅଞ୍ଚଳ ର କେତେକ ସମାଜସେବୀ ଙ୍କ ମାଧ୍ୟମରେ ଆର୍ଥିକ ରାଶି ସମେତ ରାଜନ ସାମଗ୍ରୀ ପହଞ୍ଚାଇ ବେଶ ପ୍ରିୟ ଭାଜନ ହୋଇପାରିଛନ୍ତି lଏ ପରିପ୍ରେକ୍ଷୀରେ ପଦ୍ମପୁର ନିର୍ବାଚନ ମଣ୍ଡଳୀ ରେ ଯାଉଥିବା ସର୍ଗିବାହାଲ ଗ୍ରାମ ର ଦିନ ମଜୁରିଆ ଶ୍ରୀ ପ୍ରଫୁଲ୍ଲ ବେହେରା lତାଙ୍କ ଶରୀରର ଗୋଟିଏ ପାର୍ଶ୍ବ ପକ୍ଷାଘାତ ରୋଗରେ ଆକ୍ରାନ୍ତ ହୋଇ ଯାଇଛି l

ଏ ସମ୍ପର୍କରେ ଶ୍ରୀମାନ ସର୍ଗିବାହାଲ ଗ୍ରାମ ର ମନୋଜ ମେହେର ଙ୍କ ଠାରୁ ଖବର ପାଇଲେ lତାଙ୍କ ନିର୍ଦ୍ଦେଶକ୍ରମେ ଟାଲ ଗ୍ରାମ ର ଏବଂ ସର୍ଗିବାହାଲ ଗ୍ରାମ ର ଯୁବଗୋଷ୍ଠୀ ପିଡିତ ଙ୍କ ଘରକୁ ଯାଇ କିଛିଦିନ ଚଳିବା ପାଇଁ ଅତ୍ୟାବଶ୍ୟକୀୟ ରାସନ୍ ସାମଗ୍ରୀ ସହ ଓୈାଷଧ ଖର୍ଚ୍ଚ ପାଇଁ ଟ ୫୦୦୦ଙ୍କା ଆର୍ଥିକ ସହାୟତା ରାଶି ପ୍ରଦାନ କରିଛନ୍ତି lଏ ଦୁଃଖଦ ପରିସ୍ଥିତି ସମୟରେ ଅନ୍ୟ ମାନଙ୍କ ମଧ୍ୟରେ ଗ୍ରାମ ର ସୁବ୍ରତ ରଥ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ରାଜିବ ମେହେର, ଉମେଶ ଅଗ୍ରୱାଲ ଏବଂ ଟାଲ ଗ୍ରାମ ର ମାରୁତି ମିଶ୍ର, ନିରଞ୍ଜନ ସେଠ ପ୍ରମୁଖ ଉପସ୍ଥିତ ଥିଲେ l ଶ୍ରୀ ସଞ୍ଜୟ ବଢେଇ ପୀଡ଼ିତ ଙ୍କୁ ଯଥା ସମ୍ଭବ ଆଗକୁ ସାହାଯ୍ୟ ପାଇଁ ଚେଷ୍ଟା କରିବୁ ବୋଲି କହିଛନ୍ତି l ପିଡିତ ପ୍ରଫୁଲ୍ଲ ବରିହା ଙ୍କ ୫ ଟି ଛୋଟ ସନ୍ତାନ ସହ ସମୁଦାୟ ପରିବାର ସଂଖ୍ୟା ସାତ l

ମାର ମାର ଭଣ୍ଡାରିଆକୁ ମାର କ୍ରମରେ ହାତୀ ଗଳି ଯାଇ ବନ୍ଧା ପଡିଛି ପିମ୍ପୁଡି ; କମିଶନର ଙ୍କ ତଦନ୍ତ ଦାବୀ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ରାୟଗଡ଼ା ଜିଲ୍ଲା ଅବକାରୀ ବିଭାଗ ର ଘଟୁଥିବା ଦୁର୍ନତୀ ଅଭିଯୋଗ କୁ ନେଇ ଭାଇରାଲ୍ ଖବର ପରେ ରାଜ୍ଯ ପ୍ରଶାସନ ପକ୍ଷରୁ କଡା ଆଭିମୁଖ୍ୟ ଗ୍ରହଣ କରାଯାଇଛି। ଘଟଣା ରେ ସମ୍ପୃକ୍ତ ଥିବା ଅଭିଯୋଗ ନେଇ ପ୍ରାଥମିକ ପର୍ଯ୍ୟାୟରେ ଅବକାରୀ ବିଭାଗ କମିଶନର, କଟକ, ଓଡିଶା ଙ୍କ କାର୍ଯ୍ୟାଳୟ ପତ୍ରାଙ୍କ ୬୪୯୯ କ୍ରମେ ଶ୍ରୀ ସୁଶାନ୍ତ କୁମାର ପାତ୍ର ଙ୍କୁ ନିଳମ୍ବନ କରାଯାଇ ନିଲମ୍ବିତ ସମୟରେ ଏହାଙ୍କ କାର୍ଯ୍ଯସ୍ଥଳୀ ଡେପୁଟି କମିଶନର ବ୍ରହ୍ମପୁର ଙ୍କ କାର୍ଯ୍ୟାଳୟ ଓ ପତ୍ରାଙ୍କ ୬୫୯୭ କ୍ରମେ ଶ୍ରୀ ଭବାନୀ ଶଙ୍କର ତ୍ରିପାଠୀ ଙ୍କୁ ନିଳମ୍ବନ କରଯାଇ ନିଲମ୍ବିତ ସମୟରେ ଡେପୁଟି କମିଶନର କଟକ ଙ୍କ କାର୍ଯ୍ୟାଳୟ ଠାରେ କାର୍ଯ୍ୟକରିବା ପାଇଁ ସୂଚନା ଦିଆଯାଇଛି।

ଏହି ଖବର ଜଣା ପଡିବା ପରେ ରାୟଗଡ଼ା ସହର ରେ ଏହାକୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଇଛି। କିଛି ସଙ୍ଗଠନ ପକ୍ଷରୁ ଏଥିରେ ସମ୍ପୃକ୍ତ ଥିବା ମୁଖ୍ୟଙ୍କୁ ଛାଡିଦେଇ ମାର ମାର ଭଣ୍ଡାରିଆକୁ ମାର ନ୍ୟାୟ ରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା କୁହାଯାଉଛି। ଭାଇରାଲ୍ ଭିଡିଓ ଏବଂ ଅଡିଓ ରୁ ଏଭଳି ଲାଞ୍ଚ କାରବାର ସୁପରିଟେଣ୍ଡେଣ୍ଟ ଙ୍କ କାର୍ଯ୍ୟାଳୟ ରେ ଚାଲିଥିବା ସ୍ଵଷ୍ଟ ହେଉଥିବା ବେଳେ ଏହି କାର୍ଯ୍ୟାଳୟ ର ମୁଖ୍ୟ ଙ୍କୁ କାର୍ଯ୍ୟାନୁଷ୍ଠାନ ପରିସର ଭୁକ୍ତ ନକରି କେବଳ ଅଧୀନସ୍ଥ କର୍ମଚାରୀ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ବ୍ୟବସ୍ଥା କୁ ସାଧାରଣ ରେ ନାପସନ୍ଦ କରାଯାଇଛି। ଉପର ହାକିମଙ୍କ ସହଯୋଗ ବିନା ଅଧୀନସ୍ଥ କର୍ମଚାରୀ ଏଭଳି ଦୁଃସାହସ କରି ପାରିନଥାନ୍ତେ। ଯଦି ଘଟଣା ବଳି ସମ୍ପର୍କ ରେ ସୁପରିଟେଣ୍ଡେଣ୍ଟ ଜ୍ଞାତ ଥିଲେ ତେବେ ଏଭଳି ସହକାରୀ ଙ୍କୁ ଘଣ୍ଟ ଘୋଡ଼ାଇ ରଖି ଦୋଷ କରିନାହାନ୍ତି କି ବୋଲି ପ୍ରଶ୍ନ ଉଠିଛି।ମାନ୍ୟବର କମିଶନର ବ୍ୟକ୍ତିଗତ ତଦନ୍ତ କଲେ ସମସ୍ତ ଘଟଣା ର ପର୍ଦ୍ଦାଫାସ ହୋଇପାରିବ ବୋଲି ଆଶା ପ୍ରକାଶ ପାଉଛି।

ଜିଲ୍ଲା ଅବକାରୀ ଅଧ୍ୟକ୍ଷ ଶ୍ରୀ ନାୟକ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଭିଜିଲାନ୍ସ ତଦନ୍ତ କଲେ ସେ ଠୁଳ କରିଥିବା ଅନେକ ବେଆଇନ ସମ୍ପତି କୁ ବାଜ୍ୟାପ୍ତ କରିବା ନିମନ୍ତେ ଏସ୍.ଏଫ୍.ଏଫ୍.ଜେ ର ଚେୟାରମ୍ୟାନ ବାଦଲ କୁମାର ଥା ଦାବୀ କରିଛନ୍ତି । ଏସଂକ୍ରାନ୍ତରେ ଜିଲ୍ଲା ଆରକ୍ଷୀ ଅଧିକ୍ଷକ ବିବେକ ଶର୍ମା ଙ୍କୁ ସୋସାଇଟି ଫର ଫାଷ୍ଟ ଜଷ୍ଟିସ ପକ୍ଷରୁ ଏକ ଅଭିଯୋଗ ଦରଖାସ୍ତ ( FIR ) ଦିଆଯାଇ ଘଟଣାର କିଙ୍ଗ ପିନ ସାଜିଥିବା ଅବକାରୀ ସୁପରିଟେଣ୍ଡେଣ୍ଟ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଅନୁରୋଧ କରାଯାଇଛି । ଦେଖିବାକୁ ରହିଲା ପୋଲିସ ସୁପରିଟେଣ୍ଡେଣ୍ଟ ଏନେଇ କଣ କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି ଏବଂ ଭାରତୀୟ ଦଣ୍ଡବିଧି ଆଇନ ର କେଉଁ ଧାରାରେ ଶ୍ରୀ ନାୟକଙ୍କ ବିରୁଦ୍ଧରେ କେସ ଦାୟର କରୁଛନ୍ତି ।

ବନ ବିଭାଗ କାର୍ଯ୍ୟାଳୟ ରେ ପତାକା ଉତ୍ତୋଳନ ହୋଇନଥିବା କୁ ନେଇ ସାଧାରଣରେ ଅସନ୍ତୋଷ…!

!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!! 

ଏଥର ସମ୍ଭାଳ (ପଦ୍ମପୁର) – ପ୍ରତି ବର୍ଷ ଅଗଷ୍ଟ ମାସ ୧୫ ତାରିଖ ଦିନ ସାରା ଭାରତର ବିଭିନ୍ନ ସରକାରୀ ବେସରକାରୀ କାର୍ଯ୍ୟାଳୟ ରେ ସ୍ବାଧୀନତା ଦିବସ ଅବସରରେ ପତାକା ଉତ୍ତୋଳନ କରାଯାଇଥାଏ। ଏହି ଦିନରେ ଭାରତ ର ସମସ୍ତ ଦେଶ ପ୍ରେମୀ ଙ୍କ ମନରେ ଆନନ୍ଦ ଓ ଉଲ୍ଲାସ ଦେଖାଦେଇଥାଏ । ଚଳିତ ବର୍ଷ ପ୍ରତ୍ୟେକ ଅନୁଷ୍ଠାନ ରେ କୋରାନା କଟକଣାକୁ ଦୃଷ୍ଟିରେ ରଖି ସୀମିତ କର୍ମଚାରୀ ଙ୍କୁ ନେଇ ସ୍ୱାଧୀନତା ଦିବସ ପାଳନ କରାଯାଇଛି। କିନ୍ତୁ ରାୟଗଡା ଜିଲ୍ଲା ପଦ୍ମପୁର ଠାରେ ଥିବା ବନବିଭାଗ କାର୍ଯ୍ୟଳୟରେ ସ୍ୱାଧୀନତା ଦିବସ ପାଳନ ହୋଇନଥିବା ଏକ ଦୁଃଖ ଆଉ ପରିତାପର ବିଷୟ।

ରାଜ୍ୟ ସରକାର ଓ ରାୟଗଡା ଜିଲ୍ଲା ବନବିଭାଗ ଅଧିକାରୀ ପଦ୍ମପୁର ବନ ବିଭାଗ କୁ ସ୍ୱାଧୀନତା ଦେଇନାହାଁନ୍ତି କି ? ନା ସ୍ୱାଧୀନତା ଦିବସ ପାଳନ କରିବାକୁ ଅନୁମତି ଦେଇନାହାଁନ୍ତି , ନା ପଦ୍ମପୁର ବନବିଭାଗ ସ୍ୱାଧୀନ ଦିବସ ପାଳନ କରିବାକୁ ଇଚ୍ଛା ପ୍ରକାଶ କରୁନାହାନ୍ତି ବୋଲି ପ୍ରଶ୍ନ ଉଠିଛି। ସ୍ଵାଧୀନତା ଦିବସ ଦିନ ଏକ ସରକାରୀ ଅନୁଷ୍ଠାନ ରେ ପତାକା ଉତ୍ତୋଳନ ନକରି ରାଷ୍ଟ୍ର ସମ୍ବିଧାନକୁ ଅବମାନନା କରିଥିବା ଏହି କାର୍ଯ୍ୟାଳୟ ର ଅଧିକାରୀ ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ସାଧାରଣରେ ଦାବି ହେଉଛି।

ଓଡିଶା ଓ ଭାରତ ବନ୍ଦ ଡାକରା ସଫଳ କରିବା ନିମନ୍ତେ ଲୋକ ସଚେତନତା ସଂଘଠନ ପକ୍ଷରୁ ସଚେତନତା ଶୋଭାଯାତ୍ରା ….!

!!! ରାୟଗଡ଼ ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଜୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ(ଗୁଣପୁର)- ବାମପନ୍ଥୀ ଦଳ ପକ୍ଷରୁ ଦିଆଯାଇଥିବା ଓଡିଶା ବନ୍ଦ ଡାକରା ଦିଆଯାଇଥିବା ବେଳେ ଲୋକ ଚେତନା ସଂଗଠନ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି । ଏହି ପରିପ୍ରେକ୍ଷୀରେ ଆଜି ଗୁଣପୁର ଠାରେ ଲୋକଚେତନା ସଂଗଠନ କର୍ମୀମାନେ ଖାଉଟି ବିବାଦ ବିଚାର ମଞ୍ଚ ର ପ୍ରାକ୍ତନ ସଭାପତି ତଥା ସଂଘଠନ ଅଧ୍ୟକ୍ଷ ପ୍ରଦୀପ କୁମାର ଦାଶ ଙ୍କ ନେତୃତ୍ୱରେ ଏକ ଶୋଭାଯାତ୍ରା ମାଧ୍ୟମରେ ସ୍ଥାନୀୟ ପୁରୁଣା ଗୁଣପୁର ଛକ ଠାରୁ ବାହାରି ସହର ପରିଭ୍ରମଣ କରି ପୁରୁଣା ବସ ଷ୍ଟାଣ୍ଡ ଠାରେ ପହଞ୍ଚି ସଚେତନା ସୃଷ୍ଟି କରିଛନ୍ତି ।

କେନ୍ଦ୍ର ଓ ରାଜ୍ୟ ସରକାର ଙ୍କ ଅହେତୁକ ଦର ବୃଦ୍ଧିକୁ ବିରୋଧ କରି ଭାରତ ବନ୍ଦ ରେ ସାମିଲ ହୁଅନ୍ତୁ,କେନ୍ଦ୍ର ଓ ରାଜ୍ୟ ସରକାର ଙ୍କ ଜନତା ମାରଣ ନୀତି ବନ୍ଦ କର,ଡିଜେଲ ଓ ପେଟ୍ରୋଲ ଦାମ କମ କର,ବିଦ୍ୟୁତ ଦର ବୃଦ୍ଧି ହ୍ରାସ କର,ଖାଇବା ତେଲ, ଡାଲି, ଲୁଣର ଦର ବୃଦ୍ଧିକୁ ପ୍ରତ୍ୟାହାର କରିବାକୁ ବିରୋଧ କରି ଭାରତ ବନ୍ଦରେ ସାମିଲ ହେବାକୁ ଡାକରା ଦେଇଛନ୍ତି । ଶ୍ରୀ ଦାଶ ଙ୍କ ନେତୃତ୍ୱରେ ଆୟୋଜିତ ଏହି ଶୋଭାଯାତ୍ରା ରେ ସଂଘଠନ ଆବାହକ ଜେମଶ ଶବର, ପରମ ଶବର, ସିପନ ଶବର, ମିନୋଳିତା ଶବର ଙ୍କ ସମେତ ବହୁ ସଂଘଠନ କର୍ମକର୍ତ୍ତା ଯୋଗଦେଇଥିଲେ।

୧୫ ପର୍ଯ୍ୟନ୍ତ ଧାନମଣ୍ଡି ଖୋଲୁ: ବିଜେପିର ଧାରଣା, ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଲେ ବିଜେପି ବିଧାୟକ…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)- ସମସ୍ତ ପଞ୍ଜିକୃତ ଚାଷୀଙ୍କଠୁ ଧାନ କିଣିବା ଦାବିରେ ବିଜେପି ପକ୍ଷରୁ ଆଜି ରାଜ୍ୟବ୍ୟାପୀ ପ୍ରତିବାଦ ସହ ଯୋଗାଣ ନିଗମ କାର୍ଯ୍ୟାଳୟ ଆଗରେ ଧାରଣା ଦିଆଯାଇ ଥିବାବେଳେ ବିଜେପି ବିଧାୟକମାନେ ଆଜି ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ହସ୍ତକ୍ଷେପ ଦାବି କରିଛନ୍ତି। ଆସନ୍ତା ୧୫ଦିନ ପର୍ଯ୍ୟନ୍ତ ଧାନ ମଣ୍ଡି ଖୋଲିବା ପାଇଁ ବିଜେପି ବିଧାୟକମାନେ ଆଜି ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଅନୁରୋଧ କରିଛନ୍ତି। ବିଜେପି ବିଧାୟକମାନେ ଅଭିଯୋଗ କରିଛନ୍ତି ଯେ, ରାଜ୍ୟରେ ରବି ଫସଲ ଧାନ କିଣା ଅତ୍ୟନ୍ତ ଅବ୍ୟବସ୍ଥିତ ହୋଇଛି। ଗତ ଖରିଫ ଫସଲ ସିଜନ ସମୟରୁ ସରକାରଙ୍କ ପରିଚାଳନାଗତ ଭୁଲ୍ ଯୋଗୁଁ ବିଭିନ୍ନ ସମସ୍ୟା ଦେଖାଦେଇଥିଲା। ବିଧାନସଭାରେ ବିଜେପି ବିଧାୟକମାନ ଏହି ପ୍ରସଙ୍ଗ ଉଠାଇବା ସତ୍ତ୍ୱେ ସରକାର ଏଥି ପ୍ରତି ଦୃଷ୍ଟି ଦେଲେ ନାହିଁ। ଟୋକନ ବ୍ୟବସ୍ଥା, ଯୋଗାଣ ନିଗମ ତଥା ଜିଲ୍ଲା ଧାନକ୍ରୟ ବ୍ୟବସ୍ଥାରେ ତାଳମେଳ ଅଭାବ ଥିବାରୁ ଚାଷୀଙ୍କ ଠାରୁ ଧାନ କିଣାଯାଇ ପାରୁ ନାହିାଁ ଧାନ କିଣାର ସଂପୂର୍ଣ୍ଣ ବ୍ୟବସ୍ଥା ମିଲରମାନଙ୍କ ଦ୍ୱାରା ପରିଚାଳିତ ହେଉଛି। ଚାଷୀ ଟୋକନ ପାଇ ମଧ୍ୟ ଧାନ ବିକ୍ରି କରିପାରୁ ନାହିଁ । ରବି ଫସଲର ଧାନ କ୍ରୟ ପାଇଁ ରାଜ୍ୟର ସମସ୍ତ ମଣ୍ଡିକୁ ଜୁଲାଇ ୧୫ ପର୍ଯ୍ୟନ୍ତ ଖୋଲା ରଖିବାକୁ ଦଳର ବିଧାୟକମାନେ ଦାବି କରିଛନ୍ତି। ଅନ୍ୟପକ୍ଷରେ ବିଜେପି ରାଜ୍ୟ କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତ କହିଛନ୍ତି ଯେ, ସାରା ରାଜ୍ୟରେ ହଜାର ହଜାର ସଂଖ୍ୟାରେ ଚାଷୀଙ୍କ ପାଖରେ ଧାନ ବିକ୍ରି ନହୋଇପାରି ସ୍ଥାନୀୟ ମଣ୍ଡିଗୁଡିକରେ ପଡିରହିଛି। ସରକାରଙ୍କ ତରଫରୁ ଟୋକନ ବ୍ୟବସ୍ଥାରେ ଧାନ ବିକ୍ରି ପାଇଁ ଥିବା ବିଧି ବ୍ୟବସ୍ଥାରେ ପ୍ରାୟ ୫ ହଜାର ଚାଷୀଙ୍କ ଟୋକନ ଲ୍ୟାପସ୍ ହେବା କାରଣରୁ ସେମାନଙ୍କ ଧାନ ମଣ୍ଡିରେ ପଡିରହିଛି। ଏଥିପାଇଁ ଯେତେ ସଂଖ୍ୟାରେ ଚାଷୀ ପଞ୍ଜୀକରଣ କରିଥିଲେ ଟୋକନ ନଦେବା କାରଣରୁ ସେମାନେ ଅଭାବୀ ବିକ୍ରିର ସମ୍ମୁଖୀନ ହୋଇ ଖୋଲା ବଜାରରେ କ୍ୱିଂଟାଲ ପିଛା ୧ ହଜାର ଟଙ୍କାରେ ଧାନବିକ୍ରି କରିବାକୁ ବାଧ୍ୟ ହୋଇଛନ୍ତି।ଟୋକନ୍ ପାଇଥିବା ଚାଷୀ ମଣ୍ଡିରେ ଧାନବିକ୍ରି କଲାବେଳେ ମିଲର୍ସମାନେ ମନଇଚ୍ଛା କ୍ୱିଂଟାଲ ପିଛା ୮/୧୦ କେଜି କଟନୀ ଛଟନୀ କରି ଚାଷୀଙ୍କୁ ଶୋଷଣ କରୁଛନ୍ତି। ଚଳିତ ରବି ଋତୁରେ ସରକାର ଟୋକନର ଅବଧି ମାତ୍ର ୧୨ ଦିନ କରିଦେଇଥିବାରୁ ଅନେକ ଚାଷୀଙ୍କ ଟୋକନ୍ ଲ୍ୟାପସ ହୋଇଛି। ମଣ୍ଡିରେ ପଡିଥିବା ଧାନ ଗଦା ହେବାର ଦୃଶ୍ୟ ପ୍ରତିଦିନ ଗଣମାଧ୍ୟମରେ ପ୍ରସାରଣ କରୁଛି। ଏପରି ଅବ୍ୟବସ୍ଥା ବିରୁଦ୍ଧରେ ରାଜ୍ୟ କୃଷକ ମୋର୍ଚ୍ଚା ପକ୍ଷରୁ ରାଜ୍ୟ ଯୋଗାଣ ନିଗମ ଆଗରେ ଧାରଣା ଦିଆଯିବା ସହ ତୁରନ୍ତ ବାକି ଥିବା ଧାନକୁ କିଣିବା ପାଇଁ ଦାବି କରାଯାଇଥିଲା। ଜୁନ୍ ୩୦ ତାରିଖ ସୁଦ୍ଧା ଧାନ ସବୁ କିଣାଯିବ ବୋଲି ଯୋଗାଣ ନିଗମର ପରିଚାଳନା ନିର୍ଦ୍ଦେଶକ ପ୍ରତିଶ୍ରୁତି ଦେବା ପରେ ବି ଏଯାବତ୍ ମଣ୍ଡିରୁ ଗୋଟିଏ ବସ୍ତା ଧାନ ଉଠିଲା ନାହିଁ। ପଞ୍ଜିକୃତ ଚାଷୀ ଏବଂ ଅକାମୀ ହୋଇଥିବା ଟୋକନରେ ସମସ୍ତ ଧାନ କିଣିବା ଦାବିରେ ଆଜି ବିଜେପି ପକ୍ଷରୁ ରାଜ୍ୟବ୍ୟାପୀ ସମସ୍ତ ଧାନମଣ୍ଡି ଏବଂ ସିଏସଓ ଅଫିସ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରାଯାଇଛି। ଆଗାମୀ ଦିନରେ ସମସ୍ତ ଚାଷୀଙ୍କ ଠାରୁ ଧାନ କିଣାନଗଲେ ଆନ୍ଦୋଳନକୁ ଆହୁରି ଜୋରଦାର କରାଯିବ ବୋଲି ଶ୍ରୀ ପୁରୋହିତ ଚେତାବନୀ ଦେଇଛନ୍ତି । ଆଜି ଦଳର ବରିଷ୍ଠ ନେତାଙ୍କ ନେତୃତ୍ୱରେ ରାଜ୍ୟର ବିଭିନ୍ନ ଜିଲ୍ଲାରେ ଆଜି ଘେରାଉ ଓ ରାସ୍ତାରୋକ କାର୍ଯ୍ୟକ୍ରମ ହୋଇଥିଲା।

ଅନ୍‌ଲକ୍‌ ନୁହେଁ, ଆହୁରି କୋହଳ ହେଲା ଲକ୍‌ଡାଉନ୍‌ କଟକଣା…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ରାଜ୍ୟକୁ ଅନ୍‌ଲକ୍ ଘୋଷଣା କରିବା ବଦଳରେ ସରକାର ଲକ୍‌ଡାଉନ୍‌ କଟକଣାକୁ ଆଂଶିକ କୋହଳ କରିବାକୁ ନିଷ୍ପତ୍ତି ନେଇଥିବା ସୂଚନା ମିଳିଛି। ଏହି ସୂଚନା ଅନୁଯାୟୀ, ସଂକ୍ରମଣ କମିଥିବା ଦକ୍ଷିଣ ଓ ପଶ୍ଚିମ ଓଡ଼ିଶାର ୧୭ଟି ଜିଲ୍ଲାରେ ସକାଳ ୭ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଲକ୍‌ଡାଉନ୍‌ କଟକଣାକୁ କୋହଳ କରାଯାଇଛି। ସେହିପରି ବାକି ୧୩ଟି ଜିଲ୍ଲାରେ ସକାଳ ୬ଟାରୁ ଅପରାହ୍ଣ ୧ଟା ପର୍ଯ୍ୟନ୍ତ ଲକ୍‌ଡାଉନ୍‌ କଟକଣା କୋହଳ କରିଛନ୍ତି। ତେବେ ଆଉ କିଛି ସମୟ ପରେ ମୁଖ୍ୟ ଶାସନ ସଚିବ ରାଜ୍ୟବାସୀଙ୍କୁ ସମ୍ବୋଧିତ କରିବାକୁ ଥିବା ବେଳେ, ସେଥିରେ ଏସବୁ ନେଇ ସ୍ପଷ୍ଟ ହୋଇଯିବ। ସଂକ୍ରମଣ ହାର ୫% ତଳେ ଥିବାରୁ ୧୭ଟି ଜିଲ୍ଲାରେ କୋହଳ ସମୟ ଅଧିକ ରଖାଯାଇଛି। ସେହିପରି ଏହି ସମୟ ମଧ୍ୟରେ ମିଠା ଦୋକାନ ବି ଖୋଲିବ ବୋଲି ଜଣାପଡ଼ିଛି। ୩୦ଟି ଜିଲ୍ଲାକୁ ସରକାର ଦୁଇଟି ବର୍ଗରେ ଭାଗ କରିଛନ୍ତି। ଅଧିକ ସମୟ କଟକଣା କୋହଳ କରାଯାଇଥିବା ୧୭ଟି ଜିଲ୍ଲାକୁ ‘ଏ’ ବର୍ଗରେ ରଖାଯାଇଥିବା ବେଳେ ବାକି ୧୩ଟିକୁ ‘ବି’ ବର୍ଗରେ ରଖାଯାଇଛି।

କରୋନାରେ ଅନାଥ ପିଲାଙ୍କ ଶିକ୍ଷା ଖର୍ଚ୍ଚ ବୁଝିବେ ସରକାର..!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – କରୋନାରେ ଅନାଥ ହୋଇଥିବା ପିଲାଙ୍କ ଶିକ୍ଷା ଖର୍ଚ୍ଚ ଦେବେ ରାଜ୍ୟ ସରକାର।  ଅନାଥ ଶିଶୁ ରାଜ୍ୟ ସରକାରଙ୍କ ଗ୍ରୀନ ପ୍ୟାସେଜ ଯୋଜନାରେ ସାମିଲ ହେବେ।  ସେମାନଙ୍କ ମେଡିକାଲ ବା ଇଂଜିନିୟରିଂ ଶିକ୍ଷା ଖର୍ଚ୍ଚ ବି ସରକାର ବହନ କରିବେ।  ଏମିତିକି ଘରୋଇ ଶିକ୍ଷାନୁଷ୍ଠାନରେ ପଢୁଥିଲେ ଶିକ୍ଷାନୁଷ୍ଠାନ ଖର୍ଚ୍ଚ ସରକାର ଦେବେ । ଅନ୍ୟପକ୍ଷରେ ଏବେ ସୁଦ୍ଧା କୋଭିଡ ଯୋଗୁଁ ବାପା, ମାଙ୍କୁ ହରାଇଥିବା ୧୨ ଜଣ ପିଲା  ଭତ୍ତା ପାଇଁ ଚିହ୍ନଟ ହୋଇଛନ୍ତି। ମଧୁବାବୁ ଯୋଜନାରେ ଭତ୍ତା ଦେବା ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। କେନ୍ଦ୍ରାପଡ଼ା ଓ ମୟୂରଭଂଜରୁ ୩ ଜଣ ଲେଖାଏଁ ପିଲା ପାଇବେ ଭତ୍ତା। ସେହିପରି ଭଦ୍ରକ, ରାୟଗଡ଼ା ଓ ଦେବଗଡ଼ରୁ ୨ ଜଣ ଲେଖାଏଁ ଭତ୍ତା ପାଇବେ  । ଅନାଥ ଶିଶୁଙ୍କ ବ୍ୟାଙ୍କ ଆକାଉଣ୍ଟ ଖୋଲିବାରେ ସରକାର ସହଯୋଗ କରିବେ। କରୋନାରେ ବାପା ମାଆଙ୍କୁ ହରାଇ ଥିବା ଅନାଥଙ୍କୁ ମଧୁବାବୁ ପେନସନରେ ସାମିଲ କରାଯିବ ।

ନିଲମ୍ବିତ ହେଲେ ସିପାହୀ କ୍ଷୀରୋଦ ବାଗ୍।

!!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ରୁ ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ଗୁଣପୁର ଉପଖଣ୍ଡ ଅଧିନସ୍ଥ ଭାମିନି ଦ୍ଵିତୀୟ ଭାରତ ସଂରକ୍ଷିତ ବାହିନୀ କ୍ୟାମ୍ପ ର ଏକ ଦାୟିତ୍ଵ ବାନ କାର୍ଯ୍ୟରେ ନିଯୁକ୍ତ ଥାଇ ଶୃଙ୍ଖଳା ଭଙ୍ଗ କରିଥିବା ଅଭିଯୋଗ ରେ ସିପାହୀ କ୍ଷୀରୋଦ ବାଗ ଙ୍କୁ ନିଲମ୍ବନ କରାଯାଇଛି। ଶ୍ରୀ ବାଗ ଏଠାରେ ରହିଥିବା ଶସ୍ତ୍ରାଗାର ରେ ସିପାହୀ ଭାବେ କାର୍ଯ୍ୟରତ ଅଛନ୍ତି। ଶସ୍ତ୍ରାଗାର ରହିଥିବା ଅଞ୍ଚଳକୁ ଛାଡ଼ି କୌଣସି ସ୍ଥାନକୁ ଯିବା ପାଇଁ ଅନୁମତି ନଥିବା ବେଳେ ସିପାହୀ ଶ୍ରୀ ବାଗ ମଦ୍ୟପାନ କରି କିଛି ଦୂରରେ ଥିବା ସରକାରୀ ଗାଡି ସମେତ ଅନ୍ୟ କେତେକ ଗାଡ଼ି କୁ ଭାଙ୍ଗି ଉପସ୍ଥିତ ଅନ୍ୟ ସିପାହୀ ମାନଙ୍କୁ ଅଶ୍ରାବ୍ଯ ଭାଷା ରେ ଗାଳି ଗୁଲଜ କରିଥିଲେ। କ୍ଷତାକ୍ତ ଅବସ୍ଥାରେ ଥିବା ବାଗ ଙ୍କୁ ଚିକିତ୍ସା ନିମନ୍ତେ ଗୁଣପୁର ଉପଖଣ୍ଡ ଚିକିତ୍ସାଳୟ କୁ ପଠା ଯିବାପରେ ସେଠାରେ ମଧ୍ଯ ସେ ଉନ୍ମୁକ୍ତ କାଣ୍ଡ ଭିଆଇ ଥିବାରୁ ବ୍ରିଥ ଏନାଲାଇଜର୍ ଟେଷ୍ଟ୍ (ମଦ୍ୟପ ଚିହ୍ନଟ ପରୀକ୍ଷଣ) ନିମନ୍ତେ ଗୁଣପୁର ଥାନକୁ ପଠାଯାଇ ଥିଲା। ପରୀକ୍ଷା ରୁ ବାଗ ମଦ୍ୟପାନ କରିଥିବା ସ୍ପଷ୍ଟ ହୋଇଥିବା ଜଣାପଡିଛି ।

ଏହି ଘଟଣା କ୍ରମକୁ ନେଇ କ୍ୟାମ୍ପ ଦାୟିତ୍ଵରେ ଥିବା ଦୁର୍ଗପତି ଶ୍ରୀ. ଦିଲ୍ଲୀପ କୁମାର ମହାପାତ୍ର ସିପାହୀ କ୍ଷୀରୋଦ ବାଗ ଙ୍କୁ କାର୍ଯ୍ୟରୁ ନିଲମ୍ବିତ କରିଥିବା ସାମ୍ବାଦିକ ଙ୍କ ସମ୍ମୁଖ ରେ ପ୍ରକାଶ କରିଛନ୍ତି। ପ୍ରକାଶ ଥାଉକି ଦୁର୍ଗପତି ଶ୍ରୀ ମହାପାତ୍ର ଏବଂ ସିପାହୀ ବାଗଙ୍କ ପରିବାର ଉଭୟେ ଉଭୟ ଙ୍କ ବିରୁଦ୍ଧରେ ଗୁଣପୁର ଆଦର୍ଶ ଥାନାରେ ଏତଲା ଦେଇଛନ୍ତି। ଦୁର୍ଗପତି ଙ୍କ ଏତଲା କୁ ଗ୍ରହଣ କରି ମହିଳା ଥାନା ଅଧିକାରୀ ସ୍ମୃତି ପ୍ରଜ୍ଞା ବେହେରା ଏବଂ ସିପାହୀଙ୍କ ପରିବାରର ଏତଲାକୁ ଗ୍ରହଣ କରି ଉପଖଣ୍ଡ ଆରକ୍ଷୀ ଅଧିକ୍ଷକ ଅଜୟ କୁମାର ବାରିକ ଙ୍କ ଦାୟିତ୍ଵ ରେ ତଦନ୍ତ ଆରମ୍ଭ ହୋଇଛି।

କରୀନା ହେବେ ସୀତା, ଡିମାଣ୍ଡ କଲେ ୧୨ କୋଟି ..!

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) – ୨ ଛୁଆଙ୍କ ମା’ ହେବା ସହ ବୟସର ୪୦ତମ ପାହାଚ ଅତିକ୍ରମ କରିବା ପରେ ଵି’ ଟାଉନରେ ବେବୋଙ୍କ କ୍ରେଜ୍‌ କମି ନାହିଁ। ଏବେଵି ତାଙ୍କ ନିକଟରେ ନିର୍ଦ୍ଦେଶକଙ୍କ ଲାଇନ ଲାଗୁଛି। ଆଉ ଆକାଶଛୁଆଁ ପ୍ରାଇସ୍‌ ଡିମାଣ୍ଡ କରୁଛନ୍ତି ଛୋଟେ ନବାବଙ୍କ ବେଗମ । ଏବେ ଫିଲ୍ମ ‘ସୀତା’ରେ ଲିଡ୍‌ ରୋଲ୍‌ରେ ଅଭିନୟ କରିବା ପାଇଁ କରୀନ କପୁରଙ୍କୁ ମିଳିଛି ଅଫର। ଆଉ ସେଥିପାଇଁ ସେ ମାଗିଛନ୍ତି ୧୨ କୋଟି ଟଙ୍କା । ଅଲୌକିକ ଦେଶାଇ ଫିଲ୍ମଟିର ନିର୍ଦ୍ଦେଶନା ଦାୟିତ୍ୱରେ ଥିବା ବେଳେ ଏହା ‘ରାମାୟଣ’ ଆଧାରରେ ନିର୍ମାଣ ହେବ ବୋଲି ଜଣାପଡ଼ିଛି। ଏଥିରେ ଦେବୀ ସୀତାଙ୍କ ଭୂମିକାକୁ ବିଶେଷ ଭାବେ ପ୍ରାଧ୍ୟାନ୍ୟ ଦିଆଯିବ ବୋଲି ମଧ୍ୟ ଜଣାପଡ଼ିଛି। କରୀନାଙ୍କୁ ଫିଲ୍ମର କନସେପ୍ଟ ପସନ୍ଦ ଆସିଛି। ସେ ଗୋଟେ ପ୍ରକାର ହିଁ କରିସାରିଛନ୍ତି। ତେବେ ସେ ପାରିଶ୍ରମିକ ବାବଦକୁ ୧୨ କୋଟି ଟଙ୍କା ମାଗିଥିବାରୁ ନିର୍ମାତା ଟିକେ ଦ୍ୱନ୍ଦ୍ୱରେ ଥିବା ଖବର ଆସିଛି। ସେମାନେ ‘ସୀତା’ ଭୂମିକା ପାଇଁ ଆଉ ଜଣେ କମ୍ ବୟସର ଅଭିନେତ୍ରୀ ମଧ୍ୟ ଖୋଜୁଥିବା ଜଣାପଡ଼ିଛି। ତେବେ କରୀନା ସେମାନଙ୍କର ପ୍ରଥମ ପସନ୍ଦ ବୋଲି ଜଣାପଡ଼ିଛି। କରୀନା ସାଧାରଣତଃ ଗୋଟିଏ ଫିଲ୍ମ ପାଇଁ ୬ରୁ ୮ କୋଟି ଦାବି କରନ୍ତି। କିନ୍ତୁ ‘ସୀତା’ ଫିଲ୍ମ ପାଇଁ ଅଧିକ ସମୟ ଦେବାକୁ ପଡ଼ିବ ବୋଲି ସେ ୧୨ କୋଟି ଦାବି କରିଥିବା କୁହାଯାଉଛି। ନିର୍ମାତାଙ୍କ ଯୋଜନା ମୁତାବକ ଏହି ଫିଲ୍ମ ପାଇଁ ତାଙ୍କୁ ୮ରୁ ୧୦ ମାସ ସମୟ ଦେବାକୁ ପଡ଼ିପାରେ। ‘ସୀତା’ ଫିଲ୍ମରେ କରୀନାଙ୍କ ସହ ବଲିଉଡର ‘ଗଲିବୟ’ ରଣବୀର ସିଂହ ବି ଅଭିନୟ କରିବେ। ତେବେ ସେ ରାମ ନା ରାବଣ ଭୂମିକାରେ ଅଭିନୟ କରିବେ, ତାହା ଫାଇନାଲ୍ ହୋଇ ନଥିବା କୁହାଯାଉଛି।

ମୋଦି ସରକାରର ୭ ବର୍ଷ ପୂର୍ତ୍ତି;ଦୁଇଦିନିଆ ସେବାଦିବସ ପାଳିବ ବିଜେପି..!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)- କେନ୍ଦ୍ରରେ କ୍ଷମତାସୀନ ନରେନ୍ଦ୍ର ମୋଦି ନେତୃତ୍ୱାଧୀନ ସରକାରର ୭ବର୍ଷ ପୂରଣ କରୁଥିବାରୁ ରାଜ୍ୟ ବିଜେପି ଆସନ୍ତାକାଲିଠୁ ଦୁଇଦିନ ପର୍ଯ୍ୟନ୍ତ ରାଜ୍ୟବ୍ୟାପୀ ସେବା ଦିବସ ପାଳନ କରିବାକୁ ନିଷ୍ପତ୍ତି ନେଇଛି। ରାଜ୍ୟର ସମସ୍ତ ପଂଚାୟତ ଓ ସହରାଂଚଳରେ ଏହି ସେବା ଦିବସ ପାଳନ ହେବା ସହ ବିଭିନ୍ନ ପ୍ରକାରର ସେବା କାର୍ଯ୍ୟ ଅନୁଷ୍ଠିତ ହେବ। ରାଜ୍ୟ ବିଜେପି ସଭାପତି ସମୀର ମହାନ୍ତି ଏ ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ଆସନ୍ତାକାଲି କେନ୍ଦ୍ରରେ ମୋଦି ସରକାର ୭ ବର୍ଷ ପୂର୍ତି ହେବ। ବିଭିନ୍ନ ଜନ ଓ ଗରିବକଲ୍ୟାଣ ଯୋଜନାର ସଫଳ ରୂପାୟନ କାରଣରୁ ଦେଶବାସୀଙ୍କ ମଧ୍ୟରେ ମୋଦି ସରକାର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିବାରେ ସଫଳ ହେବାସହ ବିଶ୍ୱସ୍ତରରେ ଭାରତକୁ ସମ୍ମାନିତ କରାଇଛନ୍ତି। ମୋଦି ସରକାରର ଦ୍ୱିତୀୟ ପାଳିର ଦ୍ୱିତୀୟ ବର୍ଷ ପୂର୍ତ୍ତି ଅବସରରେ ଅବସରରେ ଆସନ୍ତାକାଲି ୩୦ ଓ ୩୧ ତାରିଖକୁ ଦେଶବ୍ୟାପୀ ସେବା ଦିବସ ଭାବେ ପାଳନ କରାଯିବ। ଏହି କ୍ରମରେ ରାଜ୍ୟର ସମସ୍ତ ପଂଚାୟତ ଏବଂ ସହରାଂଚଳରେ ଏହି ସେବା କାର୍ଯ୍ୟ ଅନୁଷ୍ଠିତ ହେବ। କରୋନା ସଂକ୍ରମଣ କାରଣରୁ ରାଜ୍ୟବ୍ୟାପୀ ଲକ୍‌ଡାଉନ, ସଟଡାଉନ ଜାରି ରହିଛି। କରୋନା ଗାଇଡଲାଇନକୁ ସଂପୂର୍ଣ୍ଣ ଭାବେ ପାଳନ କରି ବିଜେପି କର୍ମକର୍ତ୍ତାମାନେ ରାଜ୍ୟର ପ୍ରତ୍ୟେକ ପଂଚାୟତ ଏବଂ ସହରାଂଚଳର ବିଭିନ୍ନ ୱାର୍ଡଗୁଡ଼ିକରେ ସେବା କାର୍ଯ୍ୟ କରିବେ । ବିଶେଷ ଭାବେ ବାତ୍ୟା ଓ ବନ୍ୟା ପ୍ରଭାବିତ ଅଂଚଳରେ ମାସ୍କ ଓ ସାନିଟାଇଜର ବଂଟନ ସମେତ ଶୁଖିଲା, ରନ୍ଧା ଖାଦ୍ୟ ବଂଟନ ଏବଂ ଅତ୍ୟାବଶ୍ୟକ ସାମଗ୍ରୀ ବଂଟନ କରାଯିବ । ସେହିପରି ରାଜ୍ୟର ପ୍ରତ୍ୟେକ ସାଂଗଠନିକ ଜିଲ୍ଲାରେ ରକ୍ତଦାନ ଶିବିର ଆୟୋଜିତ କରାଯାଇ ରକ୍ତ ସଂଗ୍ରହ କରାଯିବ। ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ମନ୍ କି ବାତ୍‌’ କାର୍ଯ୍ୟକ୍ରମକୁ ସମସ୍ତେ ଶୁଣିବା ପାଇଁ ଶ୍ରୀ ମହାନ୍ତି ଅନୁରୋଧ କରିଛନ୍ତି। ରାଜ୍ୟବ୍ୟାପୀ ହେବାକୁ ଥିବା ଏହି ୨ ଦିନିଆ ସେବା କାର୍ଯ୍ୟକ୍ରମକୁ ସଫଳ କରିବା ପାଇଁ ରାଜ୍ୟସ୍ତରୀୟ ପ୍ରମୁଖ ନେତୃବୃନ୍ଦଙ୍କୁ ଦାୟିତ୍ୱ ମଧ୍ୟ ପ୍ରଦାନ କରାଯାଇଛି। ସେହିପରି ଆସନ୍ତା ଜୁନ୍ ୨ ତାରିଖରେ ଭର୍ଚୁଆଲ ମିଟିଂ ଜରିଆରେ ଏକ ବୁଦ୍ଧିଜୀବୀ ସମ୍ମିଳନୀ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେବ ବୋଲି ଶ୍ରୀ ମହାନ୍ତି କହିଛନ୍ତି।