ଦୂର ହେଲା ଜଳକଷ୍ଟ,ପୂରଣ ହେଲା ଦୀର୍ଘ ଦିନର ଦାବୀ;ସମସ୍ତ ଅଧିକାରୀ ଙ୍କୁ ସାଧୁବାଦ ଜଣାଇଛନ୍ତି ଗ୍ରାମବାସୀ …!

ଏଥର ସମ୍ଭାଳ ବ୍ୟୁରୋ(ରାଉରକେଲା)- ସୁନ୍ଦରଗଡ଼ ଜିଲ୍ଲା ଗୁରୁଣ୍ଡିଆ ବ୍ଲକ ଅନ୍ତର୍ଗତ ଚାନ୍ଦିପୋଷ ପଞ୍ଚାୟତ ର ଆଦିବାସୀ ବହୁଳ ରୁମକୁବେର୍ଣ୍ଣା ଗ୍ରାମ ରେ ଲାଗିରହିଥିବା ବହୁ ଦିନର ଜଳ କଷ୍ଟ ଏବେ ଦୂର ହୋଇଛି ।  ବ୍ଲକ କାର୍ଯ୍ୟଳୟ ଠାରୁ ୭୦ କି ମି ଦୂରରେ ଅବସ୍ଥିତ ଏହି ଆଦିବାସୀ ଗ୍ରାମ ରେ ରହିଥିବା ୪୩ ଗୋଟି ଆଦିବାସୀ ପରିବାର ପ୍ରତି ଗ୍ରୀଷ୍ମ ଋତୁରେ ଜଳ କଷ୍ଟ ଭଗୁଥିଲେ । ପାନୀୟ ଜଳ ନିମନ୍ତେ ଉପଯୋଗୀ ଗୋଟିଏ ମାତ୍ର୍ ନଳକୂପ ରହିଅଛି ।  ଏହା ଏହି ରୁତୁ ରେ ଏଠାର ସମସ୍ତ ପରିବାର କୁ ଜଳ ଯୋଗାଇ ପାରୁନଥିବା ଅଭିଯୋଗ ନେଇ ସମସ୍ତ ସମ୍ପୃକ୍ତ ଉଚ୍ଚ ପଦସ୍ଥ ଅଧିକାରୀ ଙ୍କୁ ଜଣା କରିଥିଲେ ବି ଗ୍ରାମବାସୀ ଙ୍କ ଜଳ କଷ୍ଟ ଦୂର ହୋଇ ପାରୁନଥିଲା ।ଓ.ଟି.ଏଲ୍.ପି ପ୍ଲସ୍ ସହଯୋଗ ରେ ଆଇଟିଡିଏ ପାନପୋଷ ତରଫରୁ ୩ ଲକ୍ଷ ୪୦ ହଜାର ଟଙ୍କା ବ୍ୟୟ ଅଟକଳ ରେ ଏଠାରେ ବର୍ତ୍ତମାନ ଏକ୍ ସୌର ଚାଳିତ ପାନୀୟ ଜଳ ଯୋଗାଣ ପ୍ରକଳ୍ପ ନିର୍ମାଣ ହୋଇଛି ।  ଏହି ପ୍ରକଳ୍ପ ଚାଲୁ ହେବା ପରେ ଏହି ଅଞ୍ଚଳରୁ ଜଳ କଷ୍ଟ ଦୂର ହୋଇ ଅଞ୍ଚଳବାସୀ ସୁବିଧାରେ ପାଣି ପାଇ ପାରୁଛନ୍ତି ।  ଏଥି ପାଇଁ ଅଞ୍ଚଳ ବାସୀ ଙ୍କ ପକ୍ଷରୁ ଆଇଟିଡିଏ ର ପ୍ରକଳ୍ପ ପ୍ରଶାସକ ଦୌଲତ ଚନ୍ଦ୍ରାକର, ଜଳଛାୟା ଉନ୍ନୟନ ଅଧିକାରୀ ଶ୍ରୀ ସୁମନ୍ତ ଧୁରୁଆ ଓ ଦକ୍ଷତା ବୃଦ୍ଧି ଅଧିକାରୀ ଶ୍ରୀ ଶଶାଙ୍କର ପଣ୍ଡା ଙ୍କୁ କୃତଜ୍ଞତା ଜ୍ଞାପନ କରିବା ସହ ସାଧୁବାଦ ଜଣାଇଛନ୍ତି ।

ଡାଲମିଆ ଭାରତ ସିମେଣ୍ଟ ଲିମିଟେଡ ର କେନ୍ଦ୍ର ଏବଂ ରାଜ୍ୟ ସରକାରଙ୍କର କୋଭିଡ-୧୯ ନିୟମକୁ ଉଲଂଘନ…!

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ଚନ୍ଦ୍ର ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ରାଜଗାଙ୍ଗପୁର ସ୍ଥିତ ଡାଲମିଆ ଭାରତ ସିମେଣ୍ଟ ଲିମିଟେଡ ର ଲାଇନ-୩ ଠିକା କାମ କରୁଥିବା ଆହଲୁଓ୍ବାଲିଆ ଠିକା ସଂସ୍ଥା କମ୍ପାନୀ ର ଇନଚାର୍ଜ ଜିତେନ୍ଦ୍ର ଯାଦବ ଏବଂ ସୁନିଲ ଯାଦବ ଗତକାଲି ବିହାର ରାଜ୍ୟର ଗୋପାଳଗଞ୍ଜ ଜିଲ୍ଲାରୁ ୧୬ ଜଣ ଶ୍ରମିକ ଏବଂ ଆଜି ସକାଳେ ସିଓ୍ବାନ ଜିଲ୍ଲା ରୁ ଦୁଇଟି ବୋଲେରୋ ଗାଡ଼ି ଯୋଗେ ୧୬ ଜଣ ଶ୍ରମିକଙ୍କୁ ଆଣି କାରଖାନା ପରିସର ଭିତରେ ରଖିଥିବା ସୂଚନା ମିଳିଛି। ସୂଚନା ଅନୁଯାୟୀ ଗତମାସ ରାଜଗାଙ୍ଗପୁର ବ୍ଲକ ଅନ୍ତର୍ଗତ ମାଲିଡିହି ପଞ୍ଚାୟତ ର ୬ ଜଣ କୋରନା ପୋଜିଟିଭ ଖବର ପ୍ରକାଶ ପାଇବା ପରେ ଡାଲମିଆ ଭାରତ ସିମେଣ୍ଟ କମ୍ପାନୀ ର କତ୍ତୃପକ୍ଷ ସ୍ଥାନୀୟ ବଗିଚାପଡ଼ା ଠାରୁ ଆରମ୍ଭ କରି ମାଲିଡ଼ିହି ପଞ୍ଚାୟତ ର ଆଖପାଖ ଅଞ୍ଚଳର ଶ୍ରମିକ ଏବଂ କର୍ମଚାରୀ ମାନଙ୍କୁ କାରଖାନା ଭିତରକୁ ପ୍ରବେଶ ନକରିବା ପାଇଁ ବାରଣ କରିବା ସହ ବିଜ୍ଞାପନ ଜାରି କରିଥିଲେ।ବର୍ତ୍ତମାନ କୋରନା ମହାମାରୀ ରାଜ୍ୟ ତଥା ସୁନ୍ଦରଗଡ଼ଜିଲ୍ଲାକୁ କବଳିତ କରିଥିବା ବେଳେ ଆଜି ରାଜଗାଙ୍ଗପୁର ବ୍ଲକ ର ୪ ଟି ପଞ୍ଚାୟତ କୁ ପ୍ରଶାସନ ଦ୍ୱାରା ସଟଡାଉନ ଘୋଷଣା କରାଯାଇଛି।ଏହିଭଳି ଘଡିସନ୍ଧି ମୁହୂର୍ତ୍ତରେ ଦୁଇଦିନ ଭିତରେ ବିହାର ରାଜ୍ୟର ଗୋପାଳଗଞ୍ଜ ଏବଂ ସିଓ୍ବାନ ଜିଲ୍ଲାର ପ୍ରାୟ ୩୨ ଜଣ ଶ୍ରମିକଙ୍କୁ ଠିକାସଂସ୍ଥା ର ଅଧିକାରୀ ଶ୍ରମିକ ମାନଙ୍କର କୋଭିଡ ଟେଷ୍ଟ ନକରି ସେମାନଙ୍କୁ ଆଣି କମ୍ପାନୀ ପରିସରରେ ରଖିଥିବା ସୂଚନା ମିଳିଛି।ଆଜି ଦୁଇଟି ବୋଲେରୋ ଗାଡ଼ି ଯୋଗେ ୧୬ ଜଣ ଶ୍ରମିକ ଲିପଲୋଇ ସ୍ଥିତ କମ୍ପାନୀ ଫାଟକରେ ଆସି ପହଞ୍ଚିଥିଲେ ଏହାକୁ ଦେଖି ସ୍ଥାନୀୟ ଅଞ୍ଚଳର ଲୋକମାନେ ଗାଡ଼ିକୁ ଅଟକାଇବା ସହ ଶ୍ରମିକ ମାନଙ୍କୁ କମ୍ପାନୀ ଭିତରକୁ ଯିବାପାଇଁ ବାରଣ କରିଥିଲେ ଏବଂ ସ୍ଥାନୀୟ ପ୍ରଶାସନ ଏବଂ କମ୍ପାନୀ କତ୍ତୃପକ୍ଷ କୁ ସୂଚନା ଦେଇଥିଲେ ସୁଦ୍ଧା ଏହି ବିଷୟକୁ କେହି କର୍ଣ୍ଣପାତ କରିନଥିଲେ। ଠିକାସଂସ୍ଥା ର ଇନଚାର୍ଜ ସୁନୀଲ ଯାଦବ ସହ ଫୋନ ମାଧ୍ୟମରେ ଯୋଗାଯୋଗ କରିଥିଲେ ସୁଦ୍ଧା ସୁନୀଲ ଯାଦବ ଖାତିର ନକରି ନିଜର ଫୋନ ବନ୍ଦ କରିଦେଇଥିଲେ ଏବଂ ପରବର୍ତ୍ତୀ ସମୟରେ ଶ୍ରମିକ ମାନଙ୍କୁ ନେଇ କାରଖାନାଅ ପରିସରରେ ରଖିଛନ୍ତି। ବହାର ରାଜ୍ୟର ଶ୍ରମିକ ମାନଙ୍କର ପ୍ରବେଶ ପାଇଁ କାରଖାନା କତ୍ତୃପକ୍ଷ ଅନୁମତି ଦେଉଥିବାରୁ ଡାଲମିଆ ଭାରତ ସିମେଣ୍ଟ ଲିମିଟେଡ ର ଦୋମୁହାଁ ନୀତିକୁ ସ୍ପଷ୍ଟ କରୁଥିବା ଜଣାପଡ଼ିଛି ଏବଂ କେନ୍ଦ୍ର ଏବଂ ରାଜ୍ୟ ସରକାରଙ୍କର କୋଭିଡ-୧୯ ନିୟମକୁ ଉଲଂଘନ କରୁଥିବା ଦୃଶ୍ୟ ସାମ୍ନାକୁ ଆସିଛି।ଏହାକୁ ନେଇ ସ୍ଥାନୀୟ ଜନସାଧାରଣ ଏବଂ କାରଖାନା ରେ କାର୍ଯ୍ୟରତ କର୍ମଚାରୀ ମାନଙ୍କ ଭିତରେ କକୁଆଭୟ ସୃଷ୍ଟି କରିଛି ବୋଲି ସାଧାରଣରେ ଚର୍ଚ୍ଚା ହେଉଛି।ସ୍ଥାନୀୟ ଅଞ୍ଚଳ ବାହାରର ଶ୍ରମିକ ମାନଙ୍କ ର ଏହିଭଳି ଅବାଧ ପ୍ରଵେଶ ଉପରେ ଜିଲ୍ଲା ପ୍ରଶାସନ ଏବଂ ସ୍ଥାନୀୟ ପ୍ରଶାସନକୁ କଡ଼ା ଦୃଷ୍ଟି ରଖିବାପାଇଁ ଜନସାଧାରଣ ଦାବି କରିଛନ୍ତି।

ରାଜଗାଙ୍ଗପୁର ସ୍ଥିତ ରାଜ୍ୟ କର୍ମଚାରୀ ବୀମା ନିଗମ ଚିକିତ୍ସାଳୟ ରେ ବିଭିନ୍ନ ପ୍ରକାରର ସମସ୍ୟା ଏବଂ ଅବ୍ୟବସ୍ଥା ଘେର ଭିତରେ ରହିଥିବା ଅଭିଯୋଗ।

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ରାଜଗାଙ୍ଗପୁର ସ୍ଥିତ ରାଜ୍ୟ କର୍ମଚାରୀ ବୀମା ନିଗମ ଚିକିତ୍ସାଳୟ ରେ ବିଭିନ୍ନ ପ୍ରକାରର ସମସ୍ୟା ଏବଂ ଅବ୍ୟବସ୍ଥା ଘେର ଭିତରେ ରହିଥିବା ଦୃଶ୍ୟ ସାମନା କୁ ଆସିଛି। ଡାକ୍ତରଙ୍କର ଏବଂ ବିଭିନ୍ନ ବିଭାଗରେ କର୍ମଚାରୀଙ୍କର ଅଭାବ ଏବଂ ଚିକିତ୍ସାଳୟ ଗୃହର ଅବସ୍ଥା ବିପଦ ସଂକୁଳ ଅବସ୍ଥାରେ ଏବଂ କର୍ମଚାରୀ ଙ୍କର ବାସଗୃହ ର ଅବସ୍ଥା ରହିବା ଉପଯୋଗୀ ନଥିବା ବେଳେ ଭଳି ସମସ୍ୟା କୁ ରାଜ୍ୟ ସରକାରଙ୍କ ର ଅଣଦେଖା। ସୁନ୍ଦରଗଡ଼ଜିଲ୍ଲା ର ରାଜଗାଙ୍ଗପୁର ସ୍ଥିତ ଆଇ ଟି କଲୋନୀ ରେ ରାଜ୍ୟ ସରକାରଙ୍କ ଦ୍ଵାରା ପରିଚାଳିତ ରାଜ୍ୟ କର୍ମଚାରୀ ବୀମା ନିଗମ ର ନିର୍ମିତ ୬୦ ବର୍ଷରୁ ଉର୍ଦ୍ଧ ପୁରୁଣା ଚିକିତ୍ସାଳୟ ଉପରେ ରାଜଗାଙ୍ଗପୁର ଅଞ୍ଚଳରେ ଥିବା ସମସ୍ତ ଛୋଟ ବଡ଼ କଳ କାରଖାନା ଏବଂ ଠିକା ସଂସ୍ଥା ର ରାଜ୍ୟ କର୍ମଚାରୀ ବୀମା ଅନ୍ତର୍ଭୁକ୍ତ ପ୍ରାୟ ୨୦୦୦୦ ହଜାର ରୁ ଉର୍ଦ୍ଧ୍ବ କର୍ମଚାରୀ ନିଜ ର ସ୍ୱାସ୍ଥ୍ୟ ଚିକିତ୍ସା ପାଇଁ ନିର୍ଭର କରିଥାନ୍ତି ଏବଂ ପ୍ରତିଦିନ ପ୍ରାୟ ୨୦୦ ରୁ ଅଧିକ ରୋଗୀ ଚିକିତ୍ସିତ ପାଇଁ ଉକ୍ତ ଚିକିତ୍ସାଳୟ କୁ ଆସିଥାନ୍ତି।ସରକାର ଗଣ୍ଡା ଗଣ୍ଡା ଯୋଜନା ଘୋଷଣା କରିବା ସହିତ ପ୍ରଗତି ପଥେ ଓଡ଼ିଶା ର ନାରା ଦେଇ ଡିମ ଡିମ ପିଟୁଛନ୍ତି କିନ୍ତୁ ବଡ଼ ବିଡମ୍ବନାର ବିଷୟ ଯେ ଏହି ଚିକିତ୍ସାଳୟ କୁ ପରିଚାଳନା କରିବା ପାଇଁ ଆବଶ୍ୟକ କର୍ମଚାରୀ ଠାରୁ କମ ସଂଖ୍ୟକ କର୍ମଚାରୀ ଥିବାବେଳେ ଚିକିତ୍ସା ପାଇଁ ଆବଶ୍ୟକ ପରୀକ୍ଷା ନିରୀକ୍ଷା କରିବାପାଇଁ ଥିବା ଯାନ୍ତ୍ରିକ ଉପକରଣ ଗୁଡିକ ରୁଗଣ ଅବସ୍ଥାରେ ପଡିରହିଛି ଏବଂ ସବୁଠାରୁ ବଡ ସମସ୍ୟା ହେଲା ଚିକିତ୍ସାଳୟ ଗୃହର ଛାତ ରୁ ପାଣି ଗଳୁଥିବା ଚିତ୍ର ଦେଖିବାକୁ ମିଳିଛି।ଉକ୍ତ ଚିକିତ୍ସାଳୟର ସମସ୍ତ ବିଭାଗରେ ଦାୟିତ୍ୱ ତୁଲାଇବା ପାଇଁ ୫୦ ଜଣ କର୍ମଚାରୀଙ୍କର ଆବଶ୍ୟକ ଥିବାବେଳେ କିନ୍ତୁ ଦୀର୍ଘବର୍ଷ ହେବ ମାତ୍ର ୧୫ ଜଣ କର୍ମଚାରୀ ଙ୍କ ଦ୍ଵାରା ପରିଚାଳିତ ହେଉଥିବା ଦ୍ୱାରା ସିଧାସଳଖ ଏଠାକୁ ଚିକିତ୍ସା ପାଇଁ ଆସୁଥିବା ବିଭିନ୍ନ ପ୍ରକାର ରୋଗରେ ପୀଡ଼ିତ ରୋଗୀ ଅନେକ ପ୍ରକାରର ସମସ୍ୟାର ସମ୍ମୁଖୀନ ହେଉଛନ୍ତି।ଚିକିତ୍ସାଳୟରେ ବିଭିନ୍ନ ବିଭାଗ ପାଇଁ ୭ ଜଣ ଡାକ୍ତର ଙ୍କର ଆବଶ୍ୟକ ଥିବାବେଳେ ଅଛନ୍ତି ମାତ୍ର ୩ ଜଣ ଡାକ୍ତର ସେହିପରି ଷ୍ଟାଫ ନର୍ସ ୭ ଜଣଙ୍କ ସ୍ଥାନରେ ମାତ୍ର ୨ ଜଣ,ଲାବରୋଟାରୀ ଟେକ୍ନିସିୟାନ ପାଇଁ ୩ ଜଣ ସ୍ଥାନରେ ଅଛନ୍ତି ଜଣେ,ଫାର୍ମାସିଷ୍ଟ ପାଇଁ ୬ ଜଣଙ୍କ ସ୍ଥାନରେ ଅଛନ୍ତି ମାତ୍ର ୨ ଜଣ ସେହିପରି ଏ .ଏନ .ଏମ ,ଆମ୍ବୁଲାନ୍ସ ଡ୍ରାଇଭର,କନିଷ୍ଠ କିରାଣୀ ,ଡ୍ରେସର ପାଇଁ ଏବଂ ଜଗୁଆଳି ପଦବି ପାଇଁ ଯଥାକ୍ରମେ ୨ଜଣ ଲେଖାଏଁ ଆବଶ୍ୟକ ରହିଥିବାବେଳେ ଦୀର୍ଘଦିନ ହେବ ଏହିସବୁ ପଦଵୀ ରେ କେହି ଜଣେ ହେଲେବି କର୍ମଚାରୀ ନାହାନ୍ତି । ଏଠାରେ ଉନ୍ନତ ମାନର ଚିକିତ୍ସା ପାଇଁ ସୁବିଧା ନମିଳିବାରୁ ସେମାନଙ୍କୁ ରାଜଗାଙ୍ଗପୁର ଠାରୁ ୪୦ କିଲୋମିଟର ଦୂରରେ ଥିବା ମଡେଲ ଡାକ୍ତର ଖାନା କୁ ଯିବାପାଇଁ ବାଧ୍ଯ ହେଉଛନ୍ତି।ଚିକିତ୍ସାଳୟର ସବୁଠାରୁ ବଡ ସମସ୍ୟା ହେଲା ଚିକିତ୍ସାଳୟ ଗୃହର ଛାତରୁ ସିମେଣ୍ଟ ପ୍ଲାସ୍ତର ବାହାରି ଲୁହାଛଡ ବାହାରକୁ ଦିଶୁଥିବା ବେଳେ ବର୍ଷା ସମୟରେ ଡାକ୍ତର ବସୁଥିବା କୋଠରୀ ସମେତ ସମସ୍ତ ବିଭାଗ ର କୋଠରୀ ଭିତରେ ଛାତରୁ ବର୍ଷା ପାଣିପଡ଼ି ସମସ୍ତ ଜରୁରୀ କାଗଜପତ୍ର ଓ ଉପକରଣ ନଷ୍ଟ ହେଉଥିବା ଦେଖିବାକୁ ମିଳିଛି। କାର୍ଯ୍ୟରତ କର୍ମଚାରୀ ବିପଦ ସଂକୁଳ ପରିସ୍ଥିତି ରେ ଏବଂ ଭୟଭୀତ ହୋଇ ମୁଣ୍ଡରେ ହ୍ୟାଲମେଟ ଲଗାଇ ଅଫିସ କୋଠରୀ ରେ ଅଫିସ କାର୍ଯ୍ୟ କରୁଥିବା ଭଳି ଦୃଶ୍ୟ ସାମନାକୁ ଆସିଛି। ସରକାର ଙ୍କ ଦ୍ଵାରା ପ୍ରଦାନ କରାଯାଇଥିବା ଆମ୍ବୁଲାନ୍ସ ରୋଗୀସେବାରେ ନିୟୋଜିତ ପାଇଁ ଆସିଥିବା ବେଳେ ତାହା ଚାଳକ ଅଭାବରୁ ବାହାରେ ପଡି ଖରା ବର୍ଷା ରେ ଖତ ଖାଉଛି।କର୍ମଚାରୀଙ୍କର ରହିବା ନିମନ୍ତେ ନିର୍ମିତ ବାସଗୃହ ବଣ ଜଙ୍ଗଲ ଭିତରେ ଢ଼ାଙ୍କି ହେଇ ରହିଥିବା ବେଳେ କିଛି କର୍ମଚାରୀ ବିପଦ ସଂକୁଳ ଅବସ୍ଥାରେ ଥିବା ବାସଗୃହ ରେ ରହିବା ପାଇଁ ବାଧ୍ୟ ହେଉଛନ୍ତି।ଚିକିତ୍ସାଳୟ ଅଧିକାରୀ ଭୁବନେଶ୍ୱର ସ୍ଥିତ ଆଞ୍ଚଳିକ ନିର୍ଦେଶକ ଙ୍କ ମାଧ୍ୟମରେ ସରକାର ଙ୍କୁ ଲିଖିତ ଭାବେ ଅବଗତ କରାଇଥିଲେ ମଧ୍ୟ ସରକାର ଚିକିତ୍ସାଳୟ ଉନ୍ନତି କରଣ ପାଇଁ ଅଣଦେଖା କରୁଛନ୍ତି।ଆଇ ଏନ ଟି ଇଉ ସି ଶ୍ରମିକ ସଂଗଠନ ର ଯୁବନେତା ଶ୍ରୀ ଅଜୟ ପାଇକରାୟ ରାଜ୍ୟ ସରକାର କିମ୍ଵା ଜିଲ୍ଲା ପ୍ରଶାସନ ଆସନ୍ତା ଦୁଇମାସ ଭିତରେ ଯଦି କୌଣସି ପଦକ୍ଷେପ ନନିଅନ୍ତି ତାହାହେଲେ ଆନ୍ଦୋଳନ କରିବାପାଇଁ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।ତେଣୁ ଯଥାଶିଘ୍ର ଏହି ରାଜ୍ୟ କର୍ମଚାରୀ ବିମା ନିଗମ ଚିକିତ୍ସାଳୟ ର ଉନ୍ନତିକରଣ କରାଯିବା ସହିତ ଖାଲିପଡିଥିବା ସମସ୍ତ ପଦବୀପାଇଁ ନୂତନ କର୍ମଚାରୀ ନିଯୁକ୍ତି କରିବାପାଇଁ ବିମାଧାରୀ ଶ୍ରମିକ ସଙ୍ଗଠନ ଏବଂ ଜନସାଧାରଣରେ ଦାବି ହେଉଛି।

ରାଜ୍ୟ ସରକାରଙ୍କ ନିର୍ଦ୍ଦେଶ କୁ ଉଲ୍ଲଂଘନ, ସମାଜିକ ଦୂରତା ରକ୍ଷା କରିବାଭଳି ନିୟମକୁ ଫୁ କରିଲେ ଖୋଦ ସରକାରୀ ଦଳର ପୁରୁଖା ନେତା ଏବଂ କର୍ମକର୍ତ୍ତା।

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ଗତକାଲି ବୁଧୁବାର ଦିନ ରାଜଗାଙ୍ଗପୁର ବ୍ଲକ ଅନ୍ତର୍ଗତ ଲାଇଙ୍ଗ ପଞ୍ଚାୟତ ଠାରେ ଶାସକ ବିଜୁ ଜନତା ଦଳର ନୂତନ ଦଳୀୟ କାର୍ଯ୍ୟାଳୟ ର ଉଦଘାଟନ କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା। ଏହି ଉଦଘାଟନ କାର୍ଯ୍ୟକ୍ରମରେ ଜିଲ୍ଲାର ସ୍ବତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ତଥା ବର୍ତମାନର ସୁନ୍ଦରଗଡ଼ଜିଲ୍ଲା ର ବିଜୁ ଜନତା ଦଳ ଜିଲ୍ଲା ସଭାପତି ଶ୍ରୀ ବିନୟ ଟପ୍ପୋ ଏବଂ ରାଜଗାଙ୍ଗପୁରର ପୂର୍ବତନ ବିଧାୟକ ତଥା ପୂର୍ବତନ ଜିଲ୍ଲା ସଭାପତି ମଙ୍ଗଳା କିଷାନ ଙ୍କ ସହିତ ୩୦ ରୁ ଅଧିକ କର୍ମକର୍ତା ଏହି କାର୍ଯ୍ୟକ୍ରମ ରେ ଯୋଗ ଦେଇଥିଲେ । ମହାମାରୀ କୋରୋନା ଭାଇରସ ସଂକ୍ରମଣ ରୁ ରକ୍ଷା ପାଇବା ପାଇଁ ରାଜ୍ୟ ସରକାର ସାମାଜିକ ଦୂରତା ବଜାୟ ରଖିବାକୁ କଡ଼ାକଡ଼ି ନିର୍ଦ୍ଦେଶ ଜାରି କରିଥିବା ବେଳେ ଦଳୀୟ କାର୍ଯ୍ୟକ୍ରମ ,ସାମାଜିକ କାର୍ଯ୍ୟକ୍ରମ,ବିଭିନ୍ନ ସାଂଗଠନିକ କାର୍ଯ୍ୟକ୍ରମ ସହ ଵିଵାହ ଉତ୍ସବ ଧାର୍ମିକ କାର୍ଯ୍ୟକ୍ରମ ଉପରେ ଲୋକଙ୍କ ଭିଡ଼ କୁ ସୀମିତ ରଖିବାକୁ ଏବଂ ସାମାଜିକ ଦୂରତା ରଖି ଅନୁଷ୍ଠିତ କରିବା ପାଇଁ ପରାମର୍ଶ ଦେଇଛନ୍ତି । ସ୍ଥାନୀୟ ପ୍ରଶାସନ ଦୋକାନ ବଜ଼ାର ରେ ସାମାଜିକ ଦୂରତା ନିୟମ ଉଲ୍ଲଂଘନ କରୁଥିବା ଦୋକାନୀଙ୍କ ଠାରୁ ଏବଂ ସାଧାରଣ ଲୋକଙ୍କ ଠାରୁ ଜରିମାନା ଆଦାୟ କରୁଥିବା ବେଳେ ଅନ୍ୟପଟେ କୌଣସି ରାଜନୈତିକ ଦଳ ଏହାକୁ ମାନୁ ନଥିବାର ଚିତ୍ର ସାମ୍ନାକୁ ଆସିଛି। ଶବ ଯାତ୍ରାରେ ୨୦ ରୁ ଅଧିକ ଲୋକ ସାମିଲ ହୋଇପାରିବେ ନାହିଁ ଏବଂ ବାହାଘର ପାଇଁ ପ୍ରଶାସନ ର ଅନୁମତି ସାଧାରଣ ଲୋକଙ୍କୁ ଆବଶ୍ୟକ ପଡ଼ୁଥିବା ବେଳେ ୫୦ ରୁ ଅଧିକ ଲୋକଙ୍କର ଭିଡ଼ ନକରିବା ପାଇଁ କଟକଣା ରହିଛି । ଉକ୍ତ ଉଦଘାଟନୀ କାର୍ଯ୍ୟକ୍ରମରେ ୩୦ରୁ ଅଧିକ ସ୍ଥାନୀୟ ନେତା ଏବଂ କର୍ମୀଙ୍କ ଉପସ୍ଥିତି ଦେଖିବାକୁ ମିଳିଥିଲା ।କିନ୍ତୁ ଏଠି ଏକ ବଡ଼ ପ୍ରଶ୍ନ ଉଠୁଛି ଏହି ସରକାରୀ ଦଳର ଦଳୀୟ କାର୍ଯ୍ୟକ୍ରମ ଆୟୋଜନ କରିବା ପାଇଁ ଜିଲ୍ଲା ପ୍ରଶାସନର ଅନୁମତି ନିଆଯାଇଥିଲା କି? ବିଭିନ୍ନ ଦଳର ଦଳୀୟ ନେତା ନିଜେ ନିୟମ କୁ ଉଲଘଂନ କରୁଥିବା ବେଳେ ସାଧାରଣ ଜନତା ନିୟମ ଉଲ୍ଲଘଂନ କଲେ ପ୍ରଶାସନ ତାଗିଦ କରିବା ସହ ଆର୍ଥିକ ଜରିମାନା ଆଦାୟ କରି ଦଣ୍ଡିତ କରୁଥିବା ଦେଖିବାକୁ ମିଳୁଛି । ଉକ୍ତ ଦଳୀୟ ଉଦଘାଟନୀ କାର୍ଯ୍ୟକ୍ରମରେ ଶାସକ ଦଳର ପୁରୁଖା ନେତା ଏବଂ କର୍ମକର୍ତ୍ତା ସରକାରୀ ନିୟମ କୁ ଖୋଲାଖୋଲି ଉଲଘଂନ କରିଥିବା ଓ ବେଖାତିର କରୁଥିବା ଦେଖିବାକୁ ମିଳିଛି । ଏହଭଳି ଦୃଶ୍ୟ କୁ ଦେଖି ସ୍ଥାନୀୟ ଅଞ୍ଚଳର ଜନସାଧାରଣଙ୍କର ମହଲରେ ଖୋଦ ସରକାରୀ ଦଳର ନେତା ଓ କର୍ମକର୍ତ୍ତା ରାଜ୍ୟ ସରକାରଙ୍କର ନିୟମ କୁ ‘ଫୁ’ କରୁଛନ୍ତି ବୋଲି ଚର୍ଚ୍ଚା ହେଉଥିବାର ପରିଲକ୍ଷିତ ହେଉଛି।

ରାଜଗାଙ୍ଗପୁର ରେ ଜଣେ ବ୍ୟକ୍ତି ନିଜର ମିଥ୍ୟା ପରିଚୟ ଦେଇ ଅସହାୟ ମହିଳାଙ୍କୁ ଠକେଇ ଅଭିଯୋଗ !

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ସୁନ୍ଦରଗଡ଼ ଜିଲ୍ଲା ର ରାଜଗାଙ୍ଗପୁର ଥାନା ଅନ୍ତର୍ଗତ ରେଳବାଇ ସାଇଡିଂ ରେ ରହୁଥିବା ପ୍ରତାପ ସାହୁ ନାମକ ବ୍ୟକ୍ତିଙ୍କ ନାଁ ରେ ନିଜର ମିଛ ପରିଚୟ ଦେଇ ଏକ ଗରିବ ଅସହାୟ ମହିଳାଙ୍କ ଠାରୁ ମୋଟା ଅଙ୍କର ଟଙ୍କା ଠକେଇ କରିଥିବା ନେଇ ମହିଳା ଜଣଙ୍କ ରାଜଗାଙ୍ଗପୁର ଥାନାରେ ଲିଖିତ ଅଭିଯୋଗ କରିଛନ୍ତି।ମିଳିଥିବା ସୂଚନା ଅନୁଯାୟୀ ସ୍ଥାନୀୟ ବଗିଚା ପଡ଼ା ୱାଡ଼ ନଂ ୬ ଅଞ୍ଚଳରେ ରହୁଥିବା ପିଡ଼ିତା ମହିଳା ଅଁଏଲା ବାରିକଙ୍କ ସ୍ୱାମୀ ଶିବ ପ୍ରସାଦ ବାରିକ ଭାରତ ସରକାର ଅଧିନସ୍ଥ ସାମରିକ ବାହିନୀ ରେ ସୁଇପର ଭାବରେ କାର୍ଯ୍ୟ କରୁଥିଲେ । ହଠାତ ତାଙ୍କର ଦୁଇ ବର୍ଷ ତଳେ ଦେହାନ୍ତ ହେଇଯାଇଥିଲା।ତେଣୁ ସ୍ବାମୀଙ୍କ ର ପେନସନ ଟଙ୍କା ପାଇବା ପାଇଁ ଆବଶ୍ୟକ କାଗଜପତ୍ର ପାଇଁ ପିଡ଼ିତା ମହିଳା ପ୍ରତାପ ସାହୁ ଙ୍କର ସହଯୋଗ ଲୋଡ଼ିଥିଲେ । ତେଣୁ ପ୍ରତାପ ସାହୁ ଆବଶ୍ୟକ କାଗଜପତ୍ର ତିଆରି କରିଦେବାପାଇଁ ପିଡ଼ିତା ଙ୍କ ଠାରୁ ନଗଦ ୫୦୦୦(ପାଂଚହଜାର) ଟଙ୍କା ବିବାହ ସାର୍ଟିଫିକେଟ ଏବଂ ଉତ୍ତରାଧିକାରୀ ସାର୍ଟିଫିକେଟ ନେଇଥିଲେ ।କିନ୍ତୁ ଦୀର୍ଘଦିନ ବିତିଯାଇଥିଲେ ମଧ୍ୟ ମହିଳା ଙ୍କୁ କୌଣସି କାଗଜପତ୍ର ମିଳିପାରିନଥିଲା।ତେଣୁ ପିଡ଼ିତା ମହିଳା ଜଣକ ଦେଇଥିବା କାଗଜପତ୍ର ଏବଂ ଟଙ୍କା ଫେରସ୍ତ ମାଗିବାରୁ ପ୍ରତାପ ସାହୁ ପିଡ଼ିତା ମହିଳା ଙ୍କୁ ପୁନଶ୍ଚ ୭୦୦୦୦(ସତୁରି ହଜାର)ଟଙ୍କା ଦାବି କରିଥିଲା ଏବଂ କାଗଜପତ୍ର ଓ ଟଙ୍କା ଫେରସ୍ତ କରିବା ବଦଳରେ ମହିଳାଙ୍କୁ ଧମକ ଚମକ ଦେଇଥିଲେ ।ତେଣୁ ଧମକ ଦେବା ସମୟରେ ମହିଳା ଙ୍କର ଦୁଇଜଣ ଝିଆରୀ ହସ୍ତକ୍ଷେପ କରିଥିଲେ। କିନୁ ଅଭିଯୁକ୍ତ ପ୍ରତାପ ସାହୁ ମୁଁ ଜଣେ ସାମ୍ବାଦିକ, ଓକିଲ ଏବଂ ଥାନାର ବଡବାବୁ ବୋଲି ନିଜର ପରିଚୟ ଦେଇ ମହିଳା ଙ୍କୁ ଧମକ ଦବା ସହିତ ମହିଳାଙ୍କ ର ଦୁଇ ଝିଆରୀ ଙ୍କୁ ଦୁର୍ବ୍ୟବହାର କରିଥିଲା। ତେଣୁ ପିଡ଼ିତା ମହିଳା ଉକ୍ତ ଘଟଣା ବିଷୟରେ ପ୍ରତାପ ସାହୁ ନାଁ ରେ ରାଜଗାଙ୍ଗପୁର ଥାନାରେ ଏକ ଲିଖିତ ଅଭିଯୋଗ କରିଥିଲେ।ଉକ୍ତ ଲିଖିତ ଅଭିଯୋଗ କୁ ଭିତ୍ତିକରି ଥାନା ଅଧିକାରୀ ଥାନା କେଶ-ନଂ-୧୪୦/୨୦ ଭାରତୀୟ ପିଙ୍ଗଳ କୋଡ଼-ଧାରା ୪୨୦ ରେ ମାମଲା ରୁଜୁକରି ଘଟଣାର ତଦନ୍ତ କରଥିଲେ ଏବଂ ଘଟଣା ର ସତ୍ୟା ସତ୍ୟ ଜଣାପଡିବା ପରେ ପୋଲିସ ଅଭିଯୁକ୍ତ ପ୍ରତାପ ସାହୁ କୁ ଗିରଫ କରି ସ୍ଥାନୀୟ ସରକାରୀ ଡାକ୍ତରଖାନାରେ ଡାକ୍ତରୀ ମୁଆଇନା କରି କୋର୍ଟ ଚାଲାଣ କରିଥିବା ଜଣାପଡିଛି।ଏହିଭଳି ଘଟଣାକୁ ରାଜଗାଙ୍ଗପୁର ଜନସାଧାରଣ ନିନ୍ଦା କରିବା ସହିତ ଅଭିଯୁକ୍ତ ବିରୋଧ ରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପ୍ରଶାସନ ନିକଟରେ ଦାବି କରିଛନ୍ତି।

ନାବାଳିକା ଙ୍କୁ ଗଣ ଦୁଷ୍କର୍ମ ଅଭିଯୋଗ ; ୨ ଗିରଫ୍।

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ନାବାଳିକା କୁ ଗଣ ଦୁଷ୍କର୍ମ ଅଭିଯୋଗ ଦୁଇ ଅଭିଯୁକ୍ତ ଥାନାରେ ଅଟକ। ଏକ ବିଶ୍ୱସ୍ତ ସୂତ୍ରରୁ ସୂଚନା ମୁତାବକ ରାଜଗାଙ୍ଗପୁର ଥାନା ଅନ୍ତର୍ଗତ କୁକୁଡ଼ା ପଂଚାୟତ ଠାରେ ଗତ ରବିବାର ୭/୬/୨୦୨୦ ତାରିଖ ସନ୍ଧ୍ୟା ସମୟରେ କୁକୁଡ଼ା ଗ୍ରାମର ଅଜୟ ଟପ୍ପୋ(୨୫)ଏବଂ ସହଯୋଗୀ ଜିତେନ(୨୬)ନାମକ ଦୁଇ ଯୁବକ ଜଣେ ୧୩ ବର୍ଷ ର ନାବାଳିକା କୁ ନିକଟସ୍ଥ ବିହାବନ୍ଧ ଛକ ନିକଟକୁ ଚାଉମିନ ଖାଇବାର ପ୍ରଲୋଭନ ଦେଖାଇ ସାଙ୍ଗରେ ନେଇଯାଇଥିଲେ।ଚାଉମିନ ଖାଇସାରି ଫେରିବା ବାଟରେ ଏକ ନିଛାଟିଆ ସ୍ଥାନରେ ଉକ୍ତ ଦୁଇ ଅଭିଯୁକ୍ତ ପିଡ଼ିତା ନାବାଳିକା ସହିତ ଗଣ ଦୁଷ୍କର୍ମ କରିଥିବା ନେଇ ପିଡ଼ିତା ନିଜର ସମ୍ପର୍କୀୟ ଙ୍କୁ ଖବର ଦେଇଥିଲେ। ସମ୍ପର୍କୀୟ ଏହି ଖବର ଶୁଣିବା ପରେ ଗ୍ରାମବାସୀ ଙ୍କର ସହଯୋଗରେ ଉକ୍ତ ଘଟଣାର ସମାଧାନ ପାଈଁ ସୋମବାର ୮/୦୬/୨୦୨୦ ତାରିଖରେ ଏକ ବୈଠକ ଡକାଇଥିଲେ କିନୁ ଦୁଇ ଅଭିଯୁକ୍ତ ଉକ୍ତ ବୈଠକରେ ଉପସ୍ଥିତ ହେଇନଥିଲେ।ଗ୍ରାମବାସୀ ଏବଂ ସମ୍ପର୍କୀୟ ଙ୍କର ପରାମର୍ଶ କ୍ରମେ ପିଡ଼ିତା ନାବାଳିକା ୯/୬/୨୦୨୦ ତାରିଖ (ମଙ୍ଗଳବାର) ସନ୍ଧ୍ୟାରେ ରାଜଗାଙ୍ଗପୁର ଥାନାରେ ଦୁଇ ଅଭିଯୁକ୍ତ ନାଁ ରେ ଲିଖିତ ଅଭିଯୋଗ କରିଥିଲେ।ଉକ୍ତ ଅଭିଯୋଗ କୁ ଭିତ୍ତି କରି ଥାନା ଅଧିକାରୀ କେଶ ନଂ ୧୩୮/୨୦ ଆଇପିସି ଧାରା ୩୭୬ ରେ କେଶ ରୁଜୁକରି ପିଡ଼ିତା ନାବାଳିକା କୁ ନିକଟସ୍ଥ ସରକାରୀ ଡାକ୍ତରଖାନାକୁ ଡାକ୍ତରୀ ମୁଆଇନା ପାଇଁ ପଠାଇଥିବାବେଳେ ଦୁଇ ଅଭିଯୁକ୍ତ ଙ୍କୁ ଥାନାରେ ଅଟକ ରଖି ଉକ୍ତ ଘଟଣାର ତଦନ୍ତ କରୁଥିବା ଥାନା ଅଧିକାରୀ ସୂଚନା ଦେଇଛନ୍ତି ।

ସୁନ୍ଦରଗଡରେ ସ୍ବର୍ଗତ ସୁବାସ ଚୌହାନଙ୍କୁ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି।

!!! ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ସୁନ୍ଦରଗଡ) ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ତଥା ବିଜୁ ଜନତା ଦଳର ବରିଷ୍ଠ ନେତା ସୁବାଷ ଚୌହ୍ୱାନଙ୍କ 54 ବର୍ଷ ବୟସରେ ପରଲୋକ ଘଟିଛି । ଲିଭର କ୍ୟାନସରରେ ପୀଡିତ ଶ୍ରୀ ଚୌହ୍ୱାନ ଗତ ୫ ଦିନ ତଳେ ଅସୁସ୍ଥ ହୋଇ ଭୁବନେଶ୍ବରର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ। ତାଙ୍କର ସ୍ବାସ୍ଥ୍ୟବସ୍ଥା ଉଦବେଗଜନକ ଥିବାରୁ ବରିଷ୍ଠ ଡାକ୍ତରଙ୍କୁ ନେଇ ଗଠିତ ଏକ ଟିମ୍ ତାଙ୍କର ଚିକିତ୍ସା ଜାରି ରଖିଥିଲେ। ଚିକିତ୍ସାଧୀନ ଅବସ୍ଥାରେ ଗତକାଲି ରାତି ପ୍ରାୟ ୩ଟା ୫ରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି। ସେ ପଶ୍ଚିମ ଓଡିଶାର ଜଣେ ଟାଣୁଆ ନେତା ତଥା ଦକ୍ଷ ସଙ୍ଗଠକ ଭାବରେ ପରିଚିତ ଥିଲେ l ତାଙ୍କର ବିୟୋଗ ପଶ୍ଚିମ ଓଡିଶା ବାସୀଙ୍କ ପାଇଁ ଅପୂରଣୀୟ କ୍ଷତି l ପଶ୍ଚିମ ଓଡିଶାର ପ୍ରଗତି ପ୍ରତି ତାଙ୍କ କାର୍ଯ୍ୟନିଷ୍ଠା ଓ ତ୍ୟାଗ ଓ ତାଙ୍କ ଜନକଲ୍ୟାଣକାରୀ କାର୍ଯ୍ୟ ସର୍ବଦା ସ୍ମରଣୀୟ ରହିବ। ତାଙ୍କ ବିୟୋଗରେ ସୁନ୍ଦରଗଡ଼ ବିଜୁ ଜନତା ଦଳ ସାଙ୍ଗଠନିକ ଜ଼ିଲ୍ଲା ତରଫରୁ ସଭାପତି ଶ୍ରୀ ବିନୟ କୁମାର ଟପ୍ପୋ, ପୂର୍ବତନ ବିଧାୟକ ଶ୍ରୀ ଯୋଗେଶ କୁମାର ସିଂ, ବରିଷ୍ଠ ନେତା ଜନ୍ମଜୟ ମହାପାତ୍ର, ଗୋପ ମହାନ୍ତି, ଜୟ ନାରାୟଣ ତ୍ରିପାଠୀ,ବିଜୁ ଜନତା ଦଳ ରାଜ୍ୟ କାର୍ଯ୍ୟକାରିଣୀ ସଦସ୍ୟ ହରଜେନ୍ଦ୍ର ସିଂ, ବିଜୁ ଯୁବ ଜନତା ଦଳ ରାଜ୍ୟ ସାଧାରଣ ସମ୍ପାଦକ ସୁମନ୍ତ କୁମାର ପଣ୍ଡା, ବିଜୁ ଛାତ୍ର ଜନତା ଦଳ ସମ୍ବଲପୁର ଜୋନ ସଭାପତି ବୈକୁଣ୍ଠ ନାଏକ, ବିଜୁ ଜନତା ଦଳ ଆଇନଜୀବି ସାମ୍ମୁଖ୍ୟ ଜ଼ିଲ୍ଲା ଆବାହକ ଅଶୋକ କୁମାର ସ୍ୱାଇଁ, ସୁନ୍ଦରଗଡ଼ ନଗର ସଭାପତି ସୁରେନ୍ଦ୍ର ଭିତରିଆ, ସଦର ବ୍ଲକ ଉପଧକ୍ଷ ତଥା ସଭାପତି ଅଶ୍ଵିନୀ କୁମାର ନାଏକ, ଟାଙ୍ଗରପାଲି ବ୍ଲକ ସଭାପତି ସନ୍ତୋଷ ଆଚାର୍ଯ୍ୟ, ଟାଙ୍ଗରପାଲି ବ୍ଲକ ଅଧକ୍ଷ ଜଟିଆ ମୁଣ୍ଡା ସମେତ ଅନ୍ୟମାନେ ଗଭୀର ଶୋକ ଜ୍ଞାପନ କରିବା ସହ ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଏପରି ଦୁଃଖଦ ସମୟରେ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜଣାଉଛନ୍ତି l

ସରକାରଙ୍କର ନିୟମ କୁ ପୁଞ୍ଜିପତି କାରଖାନା ମାଲିକମାନଙ୍କ ର ବେଖାତିର।

!!! ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ସରକାରଙ୍କର ନିୟମ କୁ ପୁଞ୍ଜିପତି କାରଖାନା ମାଲିକମାନଙ୍କ ର ବେଖାତିର ମନୋଭାବ ନୋଭେଲ କୋରୋନା ( କୋଭିଡ୧୯) ଯୁଦ୍ଧ ରେ ଦେଶର ସାଧାରଣ ଜନତାଙ୍କ ର ସୁରକ୍ଷା ଏବଂ ବିଜୟକୁ ସରକାର ଲକ୍ଷ୍ୟ ରଖି ସାରା ଦେଶକୁ ଲକଡାଉନ ଘୋଷଣା କରିଥିବା ବେଳେ ସୁନ୍ଦରଗଡ ଜିଲ୍ଲା ର ରାଜଗାଙ୍ଗପୁର ଥାନା ଅନ୍ତର୍ଗତ ରାମାବାହାଲ,ବୁଢ଼ାକଟା, ଗଙ୍ଗାଜଳ ରେ ଥିବା ସ୍କାନଷ୍ଟିଲ ଏବଂ ସୁରଜ ପ୍ରଡକ୍ଟ ଲିମିଟେଡ଼ର ପୁଞ୍ଜିପତି ମାଲିକ ନିଜ କାରଖାନା ର ଗରୀବ କର୍ମଚାରୀ ଙ୍କୁ ଯିଏ କାମକୁ ନଆସିବ ତାକୁ ଚାକିରୀ ରୁ ବହିଷ୍କାର କରିଦିଆଯିବ ବୋଲି ଧମକ ଦେଇ ଉତ୍ପାଦନ କାର୍ଯ୍ୟ ଜାରୀରଖିଥିବା ସ୍ଥାନୀୟ ଗ୍ରାମବାସୀମାନେ ସୂଚନା ଦେଇଥିବା ବେଳେ ରାଜଗାଙ୍ଗପୁର ର ପୂର୍ବତନ ବିଧାୟକ ଶ୍ରୀ ମଙ୍ଗଳା କିଷାନ ଙ୍କର ଲିଖିତ ବିବୃତି ଟାଉନ ବିଜେଡି ର ପୂର୍ବତନ ସଭାପତି ଶ୍ରୀ ଅମରେଶ ପଣ୍ଡା ସ୍ଥାନୀୟ ଗଣମାଧ୍ୟମ କୁ ସୂଚନା ଦେଇଥିଲେ, ଯେ ଜିଲ୍ଲାପାଳଙ୍କର ଅନୁମତି ନେଇ କାରଖାନା ଚଲାଉଛନ୍ତି।

ଏଠି ସାଧାରଣ ରେ ଅନେକ ପ୍ରଶ୍ନବାଚୀ ସୃଷ୍ଟି ହେଉଛି ଯେ ରାଜଗାଙ୍ଗପୁର ଓସିଏଲ ଭଳି କାରଖାନା ଦେଶକୁ ସହଯୋଗ କରୁଥିବା ବେଳେ ଉକ୍ତ କାରଖାନା ମାଲିକ ଜନତା ଙ୍କର ଜିବନ ଠୁ ବଡ ? ନା ସରକାରଙ୍କଠୁଁ ବଡ଼ ? ଦେଶରେ ଦିନମଜୁରିଆ ନିଜର ରୋଜଗାର ବନ୍ଦକରି,କ୍ଷୁଦ୍ରବ୍ୟବସାୟୀ ନିଜର ବ୍ୟବସାୟିକ ପ୍ରତିଷ୍ଠାନ ବନ୍ଦରଖି ଲକଡାଉନ କୁ ସମ୍ମାନ ଦେଉଥିବା ବେଳେ ଜିଲ୍ଲା ପ୍ରଶାସନ କୁ କାରଖାନା ଗୁଡ଼ିକୁ ତୁରନ୍ତ ବନ୍ଦ କରିବାପାଇଁ ବିନମ୍ର ଅନୁରୋଧ କରିଛନ୍ତି।

ବାହାର ରାଜ୍ୟ ରୁ ନିଜ ଗୁଜୁରାଣ ମେଣ୍ଟାଇବା ପାଇଁ ଆସି ଲକଡାଉନ ରେ ଫସି ଯାଇଥିବା ପରିବାରଙ୍କୁ ରାଜଗାଙ୍ଗପୁର ବିଧାୟକ ଙ୍କ ସାହାଯ୍ୟ !

!!! ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) -ଉତ୍ତର ପ୍ରଦେଶ ଓ ମଧ୍ୟ ପ୍ରଦେଶ ଭଳି ବିଭିନ୍ନ ରାଜ୍ୟ ରୁ ନିଜ ପେଟ ପାଟଣା ପାଇଁ ଆସି କାନ ସଫା, କଇଁଚି ଧାର ଭଳି କାର୍ଯ୍ୟ କରି ନିଜ ପରିବାର ପତି ପୋଷଣ କରୁଥିବା ବହୁ ପରିବାର ଲକ ଡାଉନ ଯୋଗୁଁ ରାଜଗାଙ୍ଗପୁର ରେ ଫସି ରହିଛନ୍ତି ! ଏହି ପରିବାରଙ୍କୁ ରାଜଗାଙ୍ଗପୁର ବିଧାୟକ ଡ଼କ୍ଟର ସି ଏସ ରାଜନ ଏକ୍କା ଶୁକ୍ରବାର ଦିନ ସାହାଯ୍ୟ ଓ ସହାନୁଭୂତି ପ୍ରଦାନ କରିଥିଲେ ! ଉତ୍ତର ପ୍ରଦେଶ ଓ ମଧ୍ୟ ପ୍ରଦେଶ ବହୁ ପରିବାର ଓଡିଶା କୁ ଆସି କାନ ସଫା ଓ କଇଁଚି ଧାର କରି ନିଜ ପରିବାର ପ୍ରତି ପୋଷଣ କରି ଆସନ୍ତି ! କୋରୋନା ଭାଇରସ ପାଇଁ ସେମାନେ କିଛି ଦିନ ହେଲା ରାଜଗାଙ୍ଗପୁର ଷ୍ଟେସନ, ବଜାର ଦାଣ୍ଡ, ଓ ବିଭିନ୍ନ ସ୍ଥାନରେ ଅଟକି ରହିଛନ୍ତି ! ସେମାନଙ୍କ ଖାଦ୍ୟ ପେୟ ଅସୁବିଧା, ଓ ତାଙ୍କ ଗନ୍ତବ୍ୟ ସ୍ଥାନକୁ ଯିବାର ଥିବା ଅସୁବିଧା ଶୁଣିବା ପରେ ରାଜଗାଙ୍ଗପୁର ବିଧାୟକ ଡକ୍ତର ରାଜନ ଏକ୍କା ତାଙ୍କ ପାଖକୁ ପହଁଚି ଶୁକ୍ରବାର ଦିନ ରନ୍ଧା ଖାଦ୍ୟ ସହ ପାଣି ବୋତଲ ଯୋଗାଇ ଦେବା ସହିତ ସେମାଙ୍କୁ ତାଙ୍କ ଗନ୍ତବ୍ୟ ସ୍ଥଳ ରେ ପହଂଚାଇବା ପାଇଁ ପ୍ରତିଶୃତି ଦେଇଛନ୍ତି !ବିଧାୟକ ଙ୍କ ଅସହାୟ ଙ୍କ ପ୍ରତି ସହାନୁଭୂତି ପଦକ୍ଷେପ କୁ ସାଧାରଣ ରେ ପ୍ରଶଂସା କରାଯାଇଛି !

ଆଇରନ ଏଣ୍ଡ ଷ୍ଟିଲ ଲିମିଟେଡ଼ ପ୍ଲାଣ୍ଟ କାର୍ଯ୍ୟରତ ଶତାଧିକ କର୍ମଚାରୀଙ୍କର ୪ମାସର ଦରମା ବକେୟା ପୈଠ ହୋଇନଥିବା ଏପରିକି ପ୍ରାୟ ୪ ବର୍ଷ ର ଇ.ଏସ.ଆଇ ଓ ଇ.ପିଏ.ଫ୍ ଟଙ୍କା ଜମା ହୋଇନଥିବା ଅଭିଯୋଗ ।

!!! ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ରାଜ୍ୟରେ ସମ୍ପ୍ରତି ଦେଖା ଦେଇଥିବା କରନା ପରିସ୍ଥିତିରେ ସରକାରୀ ଏବଂ କମ୍ପାନୀ କର୍ମଚାରୀ ଙ୍କୁ ଆଗୁଆ ଦରମା ପ୍ରଦାନର ନିଷ୍ପତି ସରକାର ଗ୍ରହଣ କରିଥିବା ବେଳେ ରାଜଗାଙ୍ଗପୁର ସ୍ଥିତ ଓସିଏଲ ଆଇରନ ଏଣ୍ଡ ଷ୍ଟିଲ ଲିମିଟେଡ଼ ପ୍ଲାଣ୍ଟ କାର୍ଯ୍ୟରତ ଶତାଧିକ କର୍ମଚାରୀଙ୍କର ୪ମାସର ଦରମା ବକେୟା ପୈଠ ହୋଇନଥିବା ଏପରିକି ପ୍ରାୟ ୪ ବର୍ଷ ର ଇ.ଏସ.ଆଇ ଓ ଇ.ପିଏ.ଫ୍ ଟଙ୍କା ଜମା ହୋଇନଥିବା ଅଭିଯୋଗ ହୋଇଛି । ସଂକ୍ରମିତ କୋରୋନା ପାଇଁ ସମଗ୍ର ଦେଶ ଲାକଡାଉନ ଅବସ୍ଥାରେ ଥିବା ବେଳେ ହାଉସିଙ୍ଗ କଲୋନୀ ରେ ପ୍ରାୟ ୨ କୋଟି ଟଙ୍କାର ବୀଜୁଳି ଦେୟ ବକେୟା ଥିବାରୁ ୱେସ୍କୋ ତରଫରୁ ବିଜୁଳିକାଟ କରାଯାଇଛି । ଏହି ବିଷୟ ନେଇ କର୍ମଚାରୀ ମାନେ ରାଜଗାଙ୍ଗପୁର ବିଧାୟକ ଡ଼:ସି ଏସ ରାଜନ ଏକ୍କା ଙ୍କ ନିକଟରେ ଅଭିଯୋଗ କରିଥିଲେ । ଅଭିଯୋଗ ଶୁଣିବା ପରେ ଡ଼:ରାଜନ ଏକ୍କା ଘଟଣାର ତଦନ୍ତ ନିମନ୍ତେ ତୁରନ୍ତ ପ୍ଲାଣ୍ଟ ରେ ପହଞ୍ଚିଥିଲେ । ଏଠାରେ କୌଣସି ଅଧିକାରୀ ଉପସ୍ଥିତ ନଥିବା ଜାଣିବାକୁ ପାଇ ପର୍ଚେଜ ଡିପାର୍ଟମେଣ୍ଟ ର ଶ୍ରୀ ଆନନ୍ଦ କୁମାର ଏବଂ ପ୍ରଡକସନ୍ ଜି.ଏମ୍ ଶ୍ରୀ ସଞ୍ଜୟ ସିଂ କୁ ତାଗିଦ କରିବା ସହିତ ତୁରନ୍ତ କର୍ମଚାରୀ ମାନଙ୍କୁ ଅତିକମରେ ଦେଢମାସର ବକେୟା ଦରମା ଦେବାପାଇଁ ନିର୍ଦ୍ଧେଶ ଦେଇଛନ୍ତି ।