ପହିଲି ରଜ ର କାଳ ବୈଶାଖୀ ଉଡ଼ାଇନେଲା ୯ ଗୋଟି ଘର ; ପ୍ରଶାସନ ର ସହାୟତା ଅପହଞ୍ଚ !

!!! ରାୟଗଡ଼ା ରୁ ଡ଼ି କିରଣ କୁମାର ଙ୍କ ରିପୋର୍ଟ !!!

ଏଥର ସମ୍ଭାଳ ବ୍ୟୁରୋ (କୋଲନରା/ରାୟଗଡ଼ା) – ଗତକାଲି ହୋଇ ଥିବା କାଳ ବୈଶାଖୀ ର ପବନରେ ରାୟଗଡ଼ା ଜିଲ୍ଲା କୋଲନରା ବ୍ଲକ ଅଧିନସ୍ଥ ଝରୋଡ଼ି ଗାଁ ର ୯ ଗୋଟି ଘରର ଛାତ ଉଡ଼ିଯାଇଅଛି ଫଳରେ ଏଠାରେ ରହୁଥିବା ୯ ଗୋଟି ପରିବାର ବେଘର ହୋଇ ପଡ଼ଛନ୍ତି।

ବ୍ଲକ କିମ୍ବା ଜିଲ୍ଲା ପ୍ରଶାସନ ପକ୍ଷରୁ ବର୍ତ୍ତମାନ୍ ସୁଦ୍ଧା କୌଣସି ସହାୟତା ପ୍ରଦାନ କରାଯାଇ ନଥିବା ଅଭିଯୋଗ ହେଉଛି।

କ୍ଷତି ଗ୍ରସ୍ତ ପରିବାର ଙ୍କୁ ପଞ୍ଚାୟତ କାର୍ଯ୍ୟାଳୟ ରେ ଆଶ୍ରୟ ଦିଆଯାଇ ଭୋଜନ ଯୋଗାଇ ଦିଆ ଯାଉଥିବା ଜଣା ପଡିଛି।

କ୍ଷତି ଗ୍ରସ୍ତ ପରିବାର ବର୍ଗ ହେଲେ କୋଟିସ୍ଵର କାଡ୍ରାକା, ଭଗବାନ ମଣ୍ଡାଙ୍ଗି, ପୁନାଲୁ କାଡ୍ରାକା, ତ୍ରିନାଥ ତାଡ଼ିଙ୍ଗି, ଗଣେଶ ରତ୍ନାଲୁ, କର୍ଣ୍ଣନଦାନ ମଣ୍ଡାଙ୍ଗି, ଧର୍ମା ନିମାଲା, ବଜି ପାତିକା, ଅବତାର କାଡ୍ରାକା ।

ଯଥା ଶୀଘ୍ର ଏହି ପରିବାର ବର୍ଗ ଙ୍କୁ ସ୍ଥାୟୀ ବାସ ଗୃହ ଯୋଗାଇଦେବା ନିମନ୍ତେ ଦାବୀ ହେଉଛି।

ଗୁଣପୁର ଠାରେ ବିଶ୍ବ ପରିବେଶ ଦିବସ ଅନୁଷ୍ଠିତ !

!!! ଗୁଣପୁର ରୁ ଡ଼ି କିରଣ କୁମାର ଓ ଏମ ଶ୍ରୀକାନ୍ତ ଙ୍କ ରିପୋର୍ଟ !!!

ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ରେ ବିଶ୍ବ ପରିବେଶ ଦିବସ ଅନୁଷ୍ଠିତ ହୋଇଯାଇଛି ।

ଆଜି ର ଦିନ ରେ ଗୁଣପୁର ଜଙ୍ଗଲ ବିଭାଗ ଓ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ର ଛାତ୍ର ଛାତ୍ରୀ ମାନଂକ ମିଳିତ ଆନୁକୁଲ୍ୟ ରେ ଗୁଣପୁର ଏସ୍ ଡ଼ି ଜେ ଏମ କୋର୍ଟ ପରିସର ଏବଂ ଗୁଣପୁର ରେଳ ଷ୍ଟେସନ ପରିସର ରେ ପ୍ରାୟ ୭୦ ଗୋଟି ଚାରା ଗଛ ଲଗାଯାଇଥିଲା ।

କେବଳ ଗଛ ଲଗେଇବା ନୁହଁ ଏହି ଗଛ ଗୁଡ଼ିକ ବଢିବା ଏବଂ ଏହାର ସୁରକ୍ଷା ନେଇ ନିୟମିତ ଏଥିରେ ପାଣି ଦେବା ନିମନ୍ତେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ର ଛାତ୍ର ଛାତ୍ରୀ ସଂକଳ୍ପ ନେଇଥିଲେ ।

ଏହି କାର୍ଯ୍ୟକ୍ରମ କୁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ର ଜିଲ୍ଲା ବିଭାଗ ପ୍ରମୁଖ ଶ୍ରୀ ଉମା ଶଙ୍କର ଦାଶ , ଜିଲ୍ଲା ସଂଯୋଜକ ଶ୍ରୀ ବି ସତୀଶ କୁମାର ଓ ପୂର୍ବତନ ନଗର ସଭାପତି ତଥା ଆଇନଜୀବି ଶ୍ରୀ ଇନ୍ଦ୍ରାକ୍ଷି ପ୍ରସାଦ ଦାଶ , ଅଧ୍ୟାପକ ଶ୍ରୀ ପ୍ରଶାନ୍ତ କୁମାର ହୋତା ପ୍ରମୁଖ ପରିଚାଳନା କରିଥିଲେ ।

ଏହି କାର୍ଯ୍ୟକ୍ରମ ରେ ସ୍ଥାନୀୟ ବରିଷ୍ଠ ସାମ୍ବାଦିକ ନାଗଭୂଷଣ ରାଓ , ରାଧାକାନ୍ତ ପଣ୍ଡା , ଦୀପକ ବେହେରା , ଯୁବ ସାମ୍ବାଦିକ ଚିନ୍ମୟ ପାଣିଗ୍ରାହୀ , ଶକ୍ତି ଦାଶ , ସନ୍ତୋଷ ରଥ , ସିଦ୍ଧାର୍ଥ ଦାଶ, ସନ୍ତୋଷ ସୁବୁଦ୍ଧି ପ୍ରମୁଖ ଉପସ୍ଥିତ ରହିଥିଲେ ।

ଗୁଣପୁର ଠାରେ ଆମ୍ବ ମୋହତ୍ସବ ଅନୁଷ୍ଠିତ !

!!! ଗୁଣପୁର ରୁ ଡି କିରଣ କୁମାର ଙ୍କ ରିପୋର୍ଟ !!!

ଜିଲ୍ଲା ପ୍ରଶାସନ ରାୟଗଡା ଓ ଓଡିଶା ମିଶନ ସହାୟତାରେ ଗୁଣପୁର ନୂତନ ବାସ ଷ୍ଟାଣ୍ଡ ନିକଟସ୍ଥ ଚଇତି ମଣ୍ଡପ ପଡିଆ ଠାରେ ଆମ୍ବ ମହୋତ୍ସବ ଉତ୍ସବ ୨୦୧୯ ଆଜି ସକଳ ୧୦ ଘଣ୍ଟା ସମୟରେ ଆରମ୍ଭ ହୋଇଛି ।

ଏହାକୁ ସ୍ଥାନୀୟ ପଞ୍ଚାୟତ ସମିତି ଅଧକ୍ଷା ଶ୍ରୀମତୀ ଦେବକୀ ଗମାଙ୍ଗ ଉଦ୍ଘାଟନ କରିଥିଲେ।

ଉତ୍ସବ ଉଦ୍ଘାଟନ ସମାରୋହ ରେ ଗୁଣପୁର ଗୋଷ୍ଠି ଉନ୍ନୟନ ଅଧିକାରୀ ଶ୍ରୀମତୀ ଗାୟତ୍ରୀ ଦେବୀ , ORMAS ର କର୍ମଚାରୀ ବୃନ୍ଦ , ଉଦ୍ୟାନ ବିଭାଗ ଗୁଣପୁର ର କର୍ମଚାରୀ ବୃନ୍ଦ , ଗୁଣପୁର ଉପଖଣ୍ଡ ଲୋକ ସୁଚନା ଅଧିକାରୀ ସୁଶ୍ରୀ ରଶ୍ମିରାଣୀ ନିମାକା ଏବଂ ଅଙ୍ଗନବାଡି କର୍ମୀ ମାନେ ଉପସ୍ଥିତ ରହିଥିଲେ ।

ଏଠାରେ ଖୋଲା ଯାଇଥିବା ଷ୍ଟଲ ଗୁଡିକରେ ଆମ୍ବର ରାଜା ଓ ଶୁଦ୍ଧ ତାର ମଜା ବିଭିନ୍ନ ପ୍ରକାର ଆମ୍ବର ପ୍ରଦର୍ଶନୀ ଓ ବିକ୍ରୟ କରାଯିବା ର ଆୟୋଜନ କରାଯାଇଛି ।

ଏହି ପ୍ରଦର୍ଶନୀକୁ ଆମରପଲ୍ଲି ,ବାଇଗଣ ପଲ୍ଲୀ, ଦେଶରା , ଲେଙ୍ଗଡା, ଗୁଲାବଖାସ, ଆଖୁରସ , ହାତୀ ମୁଣ୍ଡ ଭଳି ବିଭିନ୍ନ କିସମର ଅମ୍ଵ ବିକ୍ରୟ ପାଇଁ ଆସିଛି ।

ସାବିତ୍ରୀ ଅମାବାସ୍ୟା କୁ ଆଖିରେ ରଖି ଏହି ଉତ୍ସବ କୁ ଆୟୋଜନ କରାଯାଇଛି ବୋଲି ଜଣାପଡିଛି ।

ହିନ୍ଦୁ ଗଣ ପର୍ବ ରେ ଆମ୍ଵ ର ଜରୁରୀ ରହିଥିବାରୁ ଷ୍ଟଲ ଗୁଡିକରେ ଭଲ ବିକ୍ରି ହେବ ବୋଲି ଆୟୋଜକ କହିଛନ୍ତି । ଏହି ଉତ୍ସବକୁ ଓରମାସ ଆୟୋଜନ କରିଛନ୍ତି ।

ଏହା ଚଳିତ ୨ ତାରିଖ ରୁ ୬ ତାରିଖ ଯାଏଁ ଚାଲୁ ହେବ ବୋଲି ଆୟୋଜକ ପ୍ରକାଶ କରିଛନ୍ତି ।

ବିନା ଫଳକରେ ଚାଲିଛି ତହସିଲ କାର୍ଯ୍ୟାଳୟ !

!!! ରାୟଗଡ଼ା ଜିଲ୍ଲା ପଦ୍ମପୁର ରୁ ଡ଼ି କିରଣ କୁମାର ଙ୍କ ରିପୋର୍ଟ !!!

ରାଜ୍ୟ ସରକାରଙ୍କ ପକ୍ଷରୁ ପ୍ରତି ବ୍ଲକ ରେ ତହସିଲ କାର୍ଯ୍ୟାଳୟର ରୂପରେଖ କାର୍ଯ୍ୟକାରୀ ନେଇ ରାୟଗଡା ଜିଲ୍ଲାର ପଦ୍ମପୁର ଠାରେ ଦୀର୍ଘ 4 ବର୍ଷରୁ ଉର୍ଦ୍ଧ୍ବହେବ ପ୍ରତିଷ୍ଠା ହୋଇଛି ତହସିଲ କାର୍ଯ୍ୟାଳୟ ।କାର୍ଯ୍ୟାଳୟର ସ୍ଥାୟୀ ଗୃହନିମନ୍ତେ ରାଜ୍ୟ ପାଣ୍ଠିର ଅର୍ଥରେ ଗୃହନିର୍ମାଣ କରାଯାଇଛି । ଏହି ନୂତନ କୋଠାରେ କାର୍ଯ୍ୟାଳୟ ଚାଲୁଥିଲେ ବି ଏଠାରେ ନାମ ଫଳକ ନାହିଁ । ଦୀର୍ଘ ବର୍ଷ ମଧ୍ୟରେ ଏହି କାର୍ଯ୍ୟାଳୟ ପରିଦର୍ଶନରେ ରାଜସ୍ବ ବିଭାଗୀୟ ଅଧିକାରୀ ମାନେ ଆସି ସାରିଥିଲେ ମଧ୍ୟ ଏଥିପ୍ରତି କାହାରି ନଜର ପଡିନଥିବା ଦୁଃଖ ଦାୟକ ବୋଲି ସାଧାରଣରେ ମତ ପ୍ରକାଶ ପାଉଛି। କାର୍ଯ୍ୟାଳୟର ନାମ ଫଳକ ନଥିବାରୁ ବ୍ଲକ ର କୋଣ ଅନୁକୋଣରୁ ଆସୁଥିବା ଅନେକ ବ୍ୟକ୍ତି ଅଫିସ ଖୋଜା ଲୋଡ଼ା କରିବାକୁ ପଡୁଛି ବୋଲି କୁହାଯାଉଛି। ଯଥା ଶୀଘ୍ର କାର୍ଯ୍ୟାଳୟର ନାମଫଳକ ଲଗାଇବା ନିମନ୍ତେ ସାଧରଣ ରେ ଦାବୀ ହେଉଛି।

ଜିଲ୍ଲା ସ୍ଵାସ୍ଥ୍ୟ ବିଭାଗ ର ଆରଟିଆଇ କୁ ବେଖାତିର ଓ ଅକାମୀ କରିବା ର ପ୍ରୟାସ !

(ରାୟଗଡ଼ା/ଗୁଣପୁର – ଡି. କିରଣ କୁମାର ଓ ଏମ୍. ଶ୍ରୀକାନ୍ତ ଙ୍କ ରିପୋର୍ଟ୍, ଏଥର ସମ୍ଭାଳ LIVE)

ରାୟଗଡ଼ା ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ବିଭାଗ ଅଧୀନ ରେ ହୋଇ ଆସିଥିବା ବିଭିନ୍ନ ନିଯୁକ୍ତି ତଥା ANM, GNM, Pharmacist , DPM, GPM, କିରାଣୀ ଓ ଅନ୍ୟାନ୍ୟ ପଦବୀ ଗୁଡିକର ନିଯୁକ୍ତି ରେ ଅନିୟମିତତା ତଥା ସ୍ଥାୟୀ ଭାବରେ କର୍ମଚାରୀ ଙ୍କ ସ୍ଥାନ ପ୍ରଦତ୍ତ ରେ ଅନିୟମିତତା ନେଇ ବିଭିନ୍ନ ବିରୋଧୀ ଦଳ ଓ ପତ୍ର ପତ୍ରିକା ବାରମ୍ଵାର ପ୍ରତିବାଦ କରି ଆସିଛନ୍ତି।

ଏତତ୍ ବ୍ୟତୀତ ଦିର୍ଘ ଦିନ ହେବ ଥଇଥାନ ନିଯୁକ୍ତି ନିମନ୍ତେ ଆବେଦନ କରିଥିବା ବ୍ଯକ୍ତି ଙ୍କ ନିଯୁକ୍ତି ହୋଇ ପାରିନଥିବା ନେଇ ମଧ୍ଯ ଉଚ୍ଚ ପଦସ୍ଥ ଅଧିକାରୀ ଙ୍କ ଦୃଷ୍ଟି ଆକର୍ଷଣ କରିଥିଲେ ସୁଦ୍ଧା କୌଣସି କାର୍ଯ୍ୟାନୁଷ୍ଠାନ ହୋଇପାରିନାହିଁ।

ଜିଲ୍ଲା ମୁଖ୍ୟ ଚିକିତ୍ସାଳୟରେ ଔଷଧ ବଣ୍ଟନ ରେ ଅନିୟମିତତା ହେଇଥିବା ନେଇ ମଧ୍ଯ ଅଭିଯୋଗ ଆସୁଅଛି। ଏ ସମସ୍ତ ତଥ୍ଯ କୁ ରାୟଗଡ଼ା ର ବରିଷ୍ଠ ସାମ୍ବାଦିକ, ଆଇନ୍ ଜିବି ଓ ବୁଦ୍ଧୀଯିବି ସୂଚନା ଆଇନ ବଳରେ ତଥ୍ୟ ପ୍ରଦାନ ନିମନ୍ତେ ଆବେଦନ କରିଥିଲେ ମଧ୍ଯ ଆବେଦନ ତାରିଖ ଓ ଅପିଲ ତାରିଖ ଗୁଡିକ ଚାଲି ଯାଉଥିଲେ ସୁଦ୍ଧା କୌଣସି ସୂଚନା ପ୍ରଦାନ କରାଯାଉନାହିଁ।

ଅପର ପକ୍ଷରେ ଏହି ଦାୟିତ୍ଵ ରେ ଥିବା ଅଧିକାରୀ ବୃନ୍ଦ ପ୍ରଚାର କରୁଛନ୍ତି କି ସୂଚନା ମାଗୁଥିବା ବ୍ଯକ୍ତି ଙ୍କୁ ଅର୍ଥ ଦେଇ ଆମେ ସନ୍ତୁଷ୍ଟ କରୁଛୁ।

ଏହା କେବଳ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ରହୁଥିବା କେତେଜଣ ବରିଷ୍ଠ କିରାଣୀ ଓ ଦୀର୍ଘ 5 ବର୍ଷ ରୁ ଉର୍ଦ୍ଧ ରହି ଆସିଥିବା କର୍ମଚାରୀ ଙ୍କ ମନଗଢା କାହାଣୀ ବୋଲି ସାଧାରଣ ରେ ଚର୍ଚ୍ଚା ହେଉଛି।

ଏଣୁ ଉଚ୍ଚ କତୃପକ୍ଷ ତଥା ସ୍ୱାସ୍ଥ୍ୟ ବିଭାଗର ପଦସ୍ଥ ଅଧିକାରୀ ଏଥି ପ୍ରତି ଦୃଷ୍ଟି ଦେଇ ସୂଚନା ଅଧିକାରୀ ଆଇନ କୁ କଡ଼ାକଡି ଭାବରେ କାର୍ଯ୍ୟକାରୀ କରିବା ସହ ଦୀର୍ଘ ଦିନରୁ ସୂଚନା ପ୍ରଦାନ କରାନଯାଇ ପଡି ରହିଥିବା ଦରଖାସ୍ତ ଗୁଡିକ ପ୍ରତି ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ପାଞ୍ଚ ବର୍ଷ ରୁ ଉର୍ଦ୍ଦ ରହିଥିବା କର୍ମଚାରୀ ଙ୍କୁ ଅନ୍ୟତ୍ର ବଦଳି ଦିଗରେ ପଦକ୍ଷେପ ଗ୍ରହଣ କରିବା ପାଇଁ ବୁଦ୍ଧି ଯିବି, ଜନ ସାଧାରଣ ଓ ସ୍ୱେଚ୍ଛାସେବି ସଂଗଠନ ଗୁଡିକ ଦାବି କରୁଛନ୍ତି।

ରୋଗୀ ସହାୟକ ଙ୍କ ହୃଦୟ ସ୍ପର୍ଶୀ ଗାଥା …!

ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡ଼ ଜିଲ୍ଲା ଗୁଣପୁର ଉପଖଣ୍ଡ ଚିକିତ୍ସାଳୟ କୁ ରୋଗୀ ନେଇ ଯାଇଥିବା ରୋଗୀ ସହାୟକ ଙ୍କ ହୃଦୟ ସ୍ପର୍ଶୀ ଗାଥା ଆପଣ ଙ୍କ ଅବଗତି ନିମନ୍ତେ ଏଠି ଉପସ୍ଥାପନା କରୁଛୁ।

“ଭାଇ ରେ କେମିତି ଅଛୁ, କିଛି କଥା ଆଜି ର ମନ ଭିତରେ ଘାନ୍ତି ହେଉଛି ବୋଲି ତତେ କହି ଦେଉଛି l ଆଜି ମୁଁ ବହୁତ ଦିନ ପରେ ଗୁଣୁପୁର ମେଡିକାଲ କୁ ମୋ ନାନୀ ଆଉ ଜିଜୁ ମିଶିକି ଯାଇଥିଲୁ ସେଥି ଯାହା ଦେଖିଲି ମୋ ଆଖି ହୁଏତ ବିଶ୍ୱାସ କରିପାରିଲା ନାହିଁ l opd ରେ ଗୋଟେ ଵି dr. ନାହାନ୍ତି ମୁଁ କହିଲି ଏଠି 5:40 ହେଲାଣି dr କୁଏଡ଼େ ଗଲେ l କେହି ଜଣେ କହିଲେ ଆସିବେ ବସନ୍ତୁ l କିଛି ସମୟ ଜଗିବା ଭିତରେ କିଛି dr ନିଜ ଘରେ ହସ୍ପିଟାଲ ପାଖରେ ସରକାରୀ ଘରେ ରହି ରୋଗୀ ଙ୍କର ସେବା କରୁଛନ୍ତି l ବହୁତ ଖୁସିରେ ଲାଗିଲା l ଏ କଥା ଟା ଶୁଣିକି ଆମେ ଵି ଗଲୁ dr sir ବହୁତ ଖୁସିରେ ରେ ଥାନ୍ତି l ହାତରେ ସୁନା ଘଣ୍ଟା ହାତରେ ସୁନା ମୁଦି ଦାମୀ duechakia l ମୋ ଜିଜୁ ସରକାରୀ ଚାକିରି କରନ୍ତି dr sir ଆସିଲେ ଆମେ କହିଲୁ ମୋ ନାନୀ ଙ୍କୁ ତକ ଜର ଅଛି ସିର କଣ କରିବା ଆଗକୁ ପିଲା ଛୁଆ ହେବାର ଅଛି l ସାର କହିଲେ ହସି ହସି ମୁଁ ଏବେ ଦେଖି ପାରିବି ନାହିଁ 6 ରେ ଦେଖିବି ଆସନ୍ତୁ ଆମେ ଜଗି ବସିଲୁ ସେଥି l ମନ ରେ ଭାବୁ ଥାଏ ଏମିତି ଲୋକ ଅଛନ୍ତି ଲୋକ ଙ୍କ ପାଇଁ ଏମିତି ସେବା କରୁଛନ୍ତି ନିଜ କାର୍ଯ୍ୟ ବ୍ୟସ୍ତ ଟା ଛାଡିକି ଵି ନିଜ ସରକାରୀ ବାସ ଭବନ ରେ l ଠିକ 6 ଟା ବାଜିଲା ଦେଖିଲି ଯାହା ଆଖି ରେ ବିଶ୍ୱାସ ଵି କରିପାରିଲିନି ନିଜ ରୋଗୀ ଦେଖିବା ପାଇଁ ନେଲେ 200 ଟଙ୍କା ହଉ l କିଛି ରୋଗ ଜାଣିବା ପାଇଁ test ଲେଖିଦେଲେ l ସେ ଥିଲା urin ଟେଷ୍ଟ l ହେଇଗଲା ସେଟା ପୁଣି 300 ଟଙ୍କା chage କରିଲେ l ମୁଁ ମୋ ପାଟି ରେ ଭାଷା ନଥାଏ ଶୁଣିକି l ଯଦି ରକ୍ଷକ ଭକ୍ଷକ ସାଜିଵ କହିବ କାହାକୁ l ଯଦି ଜଣେ 500 ଦେବ ପୁଣି ମେଡିକାଲ 500 ଆଣିବ ଏହା କଣ ଗୋଟେ ଛୋଟ କାମ କରୁଥିବା ଲୋକ ପାଇଁ ଠିକ କି ”

ଏଭଳି ବି ଏକ ଘଟଣା ଘଟି ଯାଇଛି ଜଣେ ସମ୍ବାଦଦାତା ଙ୍କ ପିତା ଙ୍କୁ ଉଚ୍ଚ ଚିକିତ୍ସା ପାଇଁ ଗୁଣପୁର ଠାରୁ ନେବା ବେଳେ।

” ଘଟଣା ଟି ହେଲା ; ଗତ 26/12/2018 ତାରିଖ ଦିନ ଦେହ ଅସୁସ୍ଥ କାରଣରୁ ଉପଖଣ୍ଡ ଚିକିତ୍ସାଳୟ ରେ ଭର୍ତି କରିଥିବା ରୋଗୀଣା ବାପାଙ୍କ ଉଚ୍ଚ ଚିକିତ୍ସା ନିମନ୍ତେ ଡାକ୍ତର ଙ୍କ ପରାମର୍ଶ କ୍ରମେ ବିଭାଗୀୟ ଆମ୍ବୁଲାନ୍ସ ଦ୍ଵାରା ବିଶାଖାପାଟଣମ କୁ ବାପା ଙ୍କୁ ନେଇ ଯାଇଥିଲେ। ନିକଟ ରାସ୍ତା ଦେଇ ଆମ୍ବୁଲାନ୍ସ ନେବା ବଦଳରେ ଗାଡି ଚାଳକ ଆବଡ଼ା ଖାବଡ଼ା ଦୂରାନ୍ତ ରାସ୍ତା ଦେଇ ଆମ୍ବୁଲାନ୍ସ ନେଇ ଥିଲେ। ଏହି ସମୟରେ ଗାଡି ଚାଳକ ଜଣକ ମଦ୍ୟପାନ କରି ରାସ୍ତା ରେ ଦୁଇ ଘଣ୍ଟା ଶୋଇ ଯାଇଥିଲେ। କିଛି କମିସନ ପାଇବା ପାଇଁ ଆମ୍ବୁଲାନ୍ସ ଡ୍ରାଇଭର୍ ଜଣକ ରୋଗୀ ଙ୍କୁ ତାଙ୍କ ସହ ସମ୍ପର୍କ ରେ ଥିବା ଗୋଟିଏ ହସ୍ପିଟାଲ କୁ ନେଇ ଥିଲେ। ଯଦ୍ଵାରା ରୋଗୀ ର ଠିକ୍ ଚିକିତ୍ସା ହୋଇ ନ ପାରି ମୃତ୍ୟୁବରଣ ହୋଇଥିଲା। ଏହାକୁ ନେଇ ଦୀପକ କୁମାର ବେହେରା ବିଭାଗୀୟ କତୃପକ୍ଷ ଙ୍କ ନିକଟ ରେ ଅଭିଯୋଗ କରିଛନ୍ତି। ପିତାଙ୍କ ମୃତ୍ୟୁ ପାଇଁ ଗାଡି ଚାଳକ ସିମାଞ୍ଚଳ ରାଓ ପରୋକ୍ଷରେ ଦାଇ ଥିବା ଶ୍ରି ବେହେରା ଙ୍କ ଲିଖିତ ଅଭିଯୋଗ ରୁ ସୂଚନା ମିଳିଛି। ଡ୍ରାଇଭର୍ ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି”।

ଜନ୍ ସାଧାରଣ ଙ୍କ ସ୍ଵାସ୍ଥ୍ଯ ସେବା ନିମନ୍ତେ ରାଜ୍ଯ ଏବଂ କେନ୍ଦ୍ର ସରକାର ଙ୍କ ମଧ୍ୟରେ ପ୍ରତିଯୋଗିତା ଚାଲିଥିବା ବେଳେ ଅନୁନ୍ନତ ଆଦିବାସୀ ବହୁଳ ଅଞ୍ଚଳରେ ସ୍ୱାସ୍ଥ୍ୟ ସେବା କିଭଳି ଚାଲିଛି ଏଥିରୁ ସ୍ପଷ୍ଟ ଜାଣିହୁଏ। ଏଭଳି ପରିସ୍ଥିତିରେ ରାଜ୍ଯ ଓ କେନ୍ଦ୍ର ସରକାରଙ୍କ ଯୋଜନା କିଭଳି ଫଳ ପ୍ରଦ ହେବ ଏନେଇ ଏକ ବିରାଟ ପ୍ରଶ୍ନବାଚି ସୃଷ୍ଟି ହୁଏ। ଉଚ୍ଚ କତୃପକ୍ଷ ଙ୍କ ଦ୍ଵାରା ଏହି ଘଟଣା ର ସତ୍ୟା ସତ୍ୟ କୁ ଯାଞ୍ଚ କରି ଦୃଢ଼ ପଦକ୍ଷେପ ଗ୍ରହଣ କରାଗଲେ ସ୍ଥାନୀୟ ଅଞ୍ଚଳରେ ସ୍ୱାସ୍ଥ୍ୟ ସେବା ର ଉନ୍ନତି ହୋଇପାରିବ ବୋଲି ବୁଦ୍ଧିଯିବି ମହଲରେ ମତ ପ୍ରକାଶ ପାଇଛି। ଦେଖିବାକୁ ରହିଲା ଏହାକୁ ନେଇ କିଏ ଉଚିତ୍ ପଦକ୍ଷେପ ଗ୍ରହଣ କରୁଛନ୍ତି ; ରାଜ୍ଯ ନା କେନ୍ଦ୍ର।

ଗୁଣପୁର : ଜଗନ୍ନାଥପୁର ଗ୍ରାମ ପଞ୍ଚାୟତ ଚିନ୍ତାଲଗୁଡା ଗ୍ରାମରେ ଘର ପୋଡି ଭସ୍ମୀଭୂତ ।

ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡ଼ ଜିଲ୍ଲା ଗୁଣପୁର ବ୍ଲକ ଅଧିନସ୍ଥ ଜଗନ୍ନାଥପୁର ଗ୍ରାମ ପଞ୍ଚାୟତ ର ଚିନ୍ତାଲଗୁଡା ଗ୍ରାମରେ ନିଆଁ ଲାଗି ୨ ଗୋଟି ଘର ସଂପୂର୍ଣ୍ଣ ଭସ୍ମୀଭୂତ ହୋଇଯାଇଥିବା ବେଳେ ନିକଟସ୍ଥ ୪ ଗୋଟି ଘର ଅନେକାଂଶ ପୋଡିଯାଇଛି । ବିଳମ୍ବିତ ରାତ୍ର ୧୨ ଘଣ୍ଟା ୩୦ ମିନିଟ ସମୟରେ ନିଆଁ ଲାଗିଯାଇଥିବା ରୁ ସ୍ଥାନୀୟ ବାସିନ୍ଦା ଏହାକୁ ଆୟତ କରିବା ଚେଷ୍ଟା କରି ଗୁଣପୁରସ୍ଥ ଦମକଳ ବାହିନୀକୁ ଅବଗତ କରାଇଥିଲେ । ଘଟଣାଟି ରାତ୍ର ସମୟରେ ହୋଇଥିବାରୁ ଦମକଳ କେନ୍ଦ୍ର ରେ କେହି ଫୋନ ଉଠାଇ ନଥିବା ନେଇ ଅଭିଯୋଗ ହୋଇଛି । ଘଟଣା ବିଷୟରେ ଖବର ପାଇ ସ୍ଥାନୀୟ ସରପଞ୍ଚ ଙ୍କ ପ୍ରତିନିଧି ଗୁଣପୁର ଦମକଳ କେନ୍ଦ୍ରରେ ପହଞ୍ଚି ଅଭିଯୋଗ କରିବା ରୁ ଦମକଳ ବାହିନୀ ଚିନ୍ତାଲଗୁଡା ରେ ପହଞ୍ଚି ନିଆଁ କୁ ଆୟତ କରିଛନ୍ତି । ଏହି ଗ୍ରାମର ୩ ଗୋଟି ସାହି ରେ ପ୍ରାୟ ୮୦ ଗୋଟି ଘର ରହିଛି । ଘଟଣା ସ୍ଥଳରେ ସରପଞ୍ଚ ଗୌରୀ ଗମାଙ୍ଗ ସହ ଗୁଣପୁର କଳିଙ୍ଗ ସାମ୍ବାଦିକ ସଂଘ ର ଆଇନ ଉପଦେଷ୍ଟା ଗୌରୀ ଶଙ୍କର ଦାଶ ଏବଂ ସମ୍ପାଦକ ସୁମନ ସାହୁକାର ପହଞ୍ଚି ଘଟଣା ର ଅନୁସନ୍ଧାନ କରି ପ୍ରପୀଡିତ ପରିବାର ଙ୍କୁ ସାନ୍ତ୍ଵନା ଦେଇଛନ୍ତି । ଗ୍ରାମ ପଞ୍ଚାୟତ ତରଫରୁ ପ୍ରପୀଡିତ ପରିବାର ବର୍ଗ ଙ୍କୁ ସଂପୂର୍ଣ୍ଣ ସହାୟତା ଯୋଗାଇ ଦିଆଯିବ ବୋଲି ସରପଞ୍ଚ ଗୌରୀ ଗମାଙ୍ଗ ପ୍ରକାଶ କରିଛନ୍ତି । ମଧ୍ୟ ରାତ୍ରରେ ନିଆଁ ଲାଗିଥିବାରୁ କେଉଁ କାରଣ ରୁ ନିଆଁ ଲାଗିଲା ତାହା ବର୍ତ୍ତମାନ ଅସ୍ଵଷ୍ଟ ଅଛି ଓ କ୍ଷୟକ୍ଷତି ର ଆକଳନ କରାଯାଇପାରି ନାହିଁ  ।

ଗୁଣପୁର ଉପଖଣ୍ଡ ସାଂସ୍କୃତିକ ଉତ୍ସବ “ ଇଡିତାଲ ” ଉଦଦ୍ଘାଟିତ ।

ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡ଼ ଜିଲ୍ଲା ଗୁଣପୁର ସଦର ମହକୁମା ଠାରେ ଗୁଣପୁର ଉପଖଣ୍ଡ ର ଲୁକ୍କାୟିତ ପ୍ରତିଭା ର ପରି ପ୍ରକାଶ ଓ ବିକାଶ ନିମନ୍ତେ ଉପଖଣ୍ଡ ସ୍ଥର ରେ ଚଇତି ସାଂସ୍କୃତିକ ଉତ୍ସବ ଇଡିତାଲ ୨୦୧୮ – ୧୯ ମହା ସମାରୋହ ରେ ଉଦଦ୍ଘାଟିତ ହୋଇଯାଇଛି । ଆଜି ତା ୧୧.୦୧.୨୦୧୯ ରିଖ ଠାରୁ ତା ୧୩.୦୧.୨୦୧୯ ରିଖ ପର୍ଯ୍ୟନ୍ତ ସ୍ଥାନୀୟ ନୂଆ ବସ ଷ୍ଟାଣ୍ଡ ସ୍ଥିତ ସାଂସ୍କୃତିକ ମଣ୍ଡପ ରେ ପ୍ରଦତ୍ତ କାର୍ଯ୍ୟସୂଚୀ ଅନୁଯାଇ ପାଳିତ ହେବାକୁ ଯାଉଛି । ଗୁଣୁପୁର ଉପଖଣ୍ଡ ର ସଂସ୍କୃତି କୁ ବିଶ୍ଵ ଦରବାର ରେ ପହଞ୍ଚାଇବା ନିମନ୍ତେ ସାଂସ୍କୃତିକ କାର୍ଯ୍ୟକ୍ରମ ସହ ବିଭିନ୍ନ ବିଭାଗର ଉନ୍ନୟନ ପ୍ରଦର୍ଶନୀ ଓ ମିନା ବଜାର ର ବ୍ୟବସ୍ଥା ଉତ୍ସବ ପାଳନ କମିଟି ଦ୍ଵାରା କରାଯାଇଛି । ଆଜି ସକାଳ ୧୦.୦୦ ଘଣ୍ଟା ସମୟ ରେ କଳସ ଶୋଭାଯାତ୍ରା ରେ ସ୍ଥାନୀୟ ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣ ରୁ ଆରମ୍ଭ ହୋଇ ସାଂସ୍କୃତିକ ମଣ୍ଡପ କୁ ଆସିଥିଲା । ମନ୍ଦିର ଠାରେ ପୂଜା କାର୍ଯ୍ୟ ଶେଷ ହେବ ପରେ ଉତ୍ସବ ପାଳନ କମିଟି ଅଧ୍ୟକ୍ଷ ତଥା ଗୁଣୁପୁର ଉପ ଜିଲ୍ଲାପାଳ ଶ୍ରୀ ସିଦ୍ଧେଶ୍ଵର ବଳିରମ ବନ୍ଧୋର ପ୍ରଭୁ ଙ୍କ ଆଜ୍ଞା ମାଳ ଆଣିବା ସହ କଳସ ଯାତ୍ରା ର ଶୁଭ ଉଦ୍ଘାଟନ କରିଥିଲେ । ଏହି ଶୋଭାଯାତ୍ରା ରେ ଗୁଣପୁର ଆଇଟିଡ଼ିଏ ପ୍ରକଳ୍ପ ନିର୍ଦ୍ଦେଶକ ଶ୍ରୀ ଗୋରାଚାନ୍ଦ ଗମାଙ୍ଗ , ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମତୀ ଗାୟତ୍ରୀ ଦେବୀ , ଗୁଣପୁର ତହସିଲଦାର ସୁଶ୍ରୀ ନମ୍ରତା ମୋଦୀ , ଗୁଣପୁର ର ବୁଦ୍ଧିଜୀବୀ , ସମସ୍ତ ରାଜନୈତିକ ଦଳ ର ନେତା ଏବଂ ସମସ୍ତ ସାମ୍ବାଦିକ ଉପସ୍ଥିତ ରହିଥିଲେ ।

ଶୋଭାଯାତ୍ରା ରେ ଆଦିବାସୀ ପରମ୍ପରା ର ନୃତ୍ୟ , ଘୁମୁରା ନାଚ , ସମ୍ବଲପୁରୀ ଢୋଲ , କଣ୍ଢେଇ ନାଚ ଏବଂ ଡିଜେ ସହକାରେ ବାଣ ର ରୋଷଣୀ ସହ ଜନସାଧାରଣ ନାଚ ଗୀତ ରେ ବିଭୋର ହୋଇ ଶୋଭାଯାତ୍ରା ରେ ସହର ପରିକ୍ରମା କରିଥିଲେ ।

ପିପିଲି ପ୍ରସଙ୍ଗକୁ ନେଇ ହଟଚମଟ, ହେଲେ ଇତିଶ୍ରୀ ବେଳେ ଚୁପ୍ କାହିଁକି ?

ଏଥର ସମ୍ଭାଳ ବ୍ୟୁରୋ (ରାୟଗଡା) – ପିପିଲି ପୀଡିତା ଘଟଣାରେ ବିବାଦୀୟ ବୟାନ ଦେଇ ମନ୍ତ୍ରୀପଦ ହରାଇଛନ୍ତି ପ୍ରଦୀପ ମହାରଥୀ । ଆଉ ମହାରଥୀଙ୍କୁ ମନ୍ତ୍ରୀପଦରୁ ହଟାଇବା ପାଇଁ ସରକାରଙ୍କ ଉପରେ ଅଧିକ ଚାପ ପକାଇଥିଲା ବିଜେପି । ଗୋଟିଏ ପଟେ ରାଜ୍ୟ ବିଜେପିର ମହିଳା ମୋର୍ଚ୍ଚା ପିପିଲି ପୀଡିତା ଘଟଣାରେ ରାଜରାସ୍ତାକୁ ଓହ୍ଲାଇ ସରକାରଙ୍କୁ ହଲାପଟା କରୁଥିବା ବେଳେ ଅନ୍ୟପଟେ ଗତକାଲି ବାରିପଦା ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପିପିଲି ପୀଡିତାଙ୍କୁ ନ୍ୟାୟ ନ ମିଳିବା କଥା ଉଠାଇ ପରୋକ୍ଷରେ ରାଜ୍ୟ ସରକାରଙ୍କୁ କାଠଗଡାକୁ ଟାଣିଥିଲେ । ମୋଦିଙ୍କ ପ୍ରତ୍ୟାବର୍ତନ ପରେ ମହାରଥୀଙ୍କୁ ମନ୍ତ୍ରୀପଦରୁ ହଟାଇବା ଆରମ୍ଭ ହୋଇଥିଲା କାଉଣ୍ଟଡାଉନ । ଆଉ ବିବାଦୀୟ ବୟାନ ପାଇଁ ଆଜି ମହାରଥୀଙ୍କୁ ମନ୍ତ୍ରୀପଦରୁ ହଟିବାକୁ ପଡିଲା ।

ପିପିଲି ପୀଡିତାଙ୍କ ପାଇଁ ବିଜେପିର ଏହି ପ୍ରୟାସ ବେଶ ପ୍ରଂଶସାଯୋଗ୍ୟ । କିନ୍ତୁ ଯେତେବେଳେ ମହିଳାଙ୍କ ସୁରକ୍ଷା କଥା ଉଠାଇ ବିଜେପି ରାଜରାସ୍ତାକୁ ଓହ୍ଲାଉଛି ସେତେବେଳେ ସମୟ ବିତିବା ସହ ଟିକିରିର ଇତିଶ୍ରୀଙ୍କ କଥା ବିଜେପି ଭୁଲିଯାଇଛି କି ବୋଲି ପ୍ରଶ୍ନ ଉଠୁଛି । ପିପିଲି ପୀଡିତାଙ୍କ ଭଳି ଇତିଶ୍ରୀଙ୍କ ଘଟଣା ମଧ୍ୟ ରାଜ୍ୟ ରାଜନୀତିରେ ଭ୍ରୁକୁଞ୍ଚନ ସୃଷ୍ଟି କରିଥିଲା । ଏହି ଦୁଇ ସମ୍ବେଦନଶୀଳ ପ୍ରସଙ୍ଗରେ ବିଜେପି ସ୍ୱର ଉତ୍ତୋଳନ କରି ସରକାରଙ୍କୁ ପୂର୍ବରୁ ଅଡୁଆରେ ପକାଇଛି । କିନ୍ତୁ ଏବେ ପିପିଲି ପୀଡିତାଙ୍କ ପାଇଁ ବିଜେପି ଯେଉଁଭଳି ରାଜ୍ୟ ସରକାରଙ୍କୁ ଆଟାକ କରୁଛି ସେହିଭଳି ତତ୍ପରତା ଇତିଶ୍ରୀଙ୍କ ପାଇଁ କାହିଁକି ଦେଖାଉନାହିଁ । ସିବିଆଇ କ୍ଲୋଜର ରିପୋର୍ଟ ଦେବା ପରେ ସୁପ୍ରିମକୋର୍ଟ ଇତିଶ୍ରୀ ମାମଲାକୁ ବନ୍ଦ କରିବାକୁ ଅନୁମତି ଦେଇଛନ୍ତି । କିନ୍ତୁ କଣ ସତରେ ଇତିଶ୍ରୀକୁ ନ୍ୟାୟ ମିଳିଛି । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା, ଯେଉଁ ଇତିଶ୍ରୀ ମୃତ୍ୟୁକୁ ନେଇ ବିଜେପି ପୂର୍ବରୁ ବିଜେଡିରେ ଥିବା ଜୟରାମ ପାଙ୍ଗୀଙ୍କୁ ଟାର୍ଗେଟ କରି ଆସୁଥିଲା । ଯାହାଙ୍କୁ ବିରୋଧ କରି ରାଜ୍ୟପାଳଙ୍କ ନିକଟରେ ବିଜେପି ଫେରାଦ ହୋଇଥିଲା । ସେହି ବ୍ୟକ୍ତିଙ୍କୁ ସମୟ ବିତିବା ସହ ବିଜେପି ନିଜ ଦଳକୁ କୋଳେଇ ନେଇଥିଲା । ଟିକିରି ଶିକ୍ଷୟତ୍ରୀ ଇତିଶ୍ରୀଙ୍କ ହତ୍ୟା ଘଟଣାରେ ତତ୍କାଳୀନ ସାଂସଦ ଜୟରାମ ପାଙ୍ଗୀକୁ ବିରୋଧ କରି କାଠଗଡାରେ ଠିଆ କରାଇଥିଲା ବିଜେପି । କିନ୍ତୁ ଏବେ ତାଙ୍କୁ ପାଛୋଟି ନେଇଛି ନିଜ ଦଳକୁ । ସମୟଚକ୍ରରେ ଶତ୍ରୁ ବନିଯାଇଛି ମିତ୍ର । ସମୟ ସହ ବଦଳିଯାଇଛି ଚରିତ୍ରର ଚିତ୍ର । କିନ୍ତୁ ଏହି ରାଜନୈତିକ ମିତ୍ରତା ଭିତରେ କଣ ବିଜେପି ଭୁଲିଯାଇଛି ଇତିଶ୍ରୀଙ୍କ କଥା । ୨୦୧୩ ମସିହାରେ ଟିକିରିର ଶିକ୍ଷୟତ୍ରୀ ଇତିଶ୍ରୀଙ୍କ ମୃତ୍ୟୁ ପୂର୍ବରୁ ଦେଇଥିବା ବୟାନରେ ତତ୍କାଳୀନ ସାଂସଦ ଜୟରାମ ପାଙ୍ଗୀଙ୍କ ସଂପୃକ୍ତି ନେଇ ଅଭିଯୋଗ ଆଣିଥିଲା ବିଜେପି । ରାଜ୍ୟ ସରକାରଙ୍କୁ ବରଖାସ୍ତ କରିବା ସହ ସିବିଆଇ ତଦନ୍ତ ଦାବି କରିଥିଲା ଦଳ । ଏବେ ବିଜେଡିରୁ ବିଦା ହୋଇଥିବା ସେହି ନେତାକୁ ଆପଣେଇ ନେଇଛି ବିଜେପି । ଏହା ସହ ବଦଳିଛି ଦଳର ଆଭିମୁଖ୍ୟ । ଆଜି ଯିଏ ଶତ୍ରୁ, କାଲି ସେ ମିତ୍ର । ଏହା ରାଜନୀତିର ଏକ ମହାମନ୍ତ୍ରା ଏହା ପୁଣି ପ୍ରମାଣିତ ହୋଇଛି ।ଆଉ ଏସବୁ ଭିତରେ ବିଜେପି ପିପିଲି ପୀଡିତାଙ୍କୁ ନ୍ୟାୟ ଦେବା ପାଇଁ ରାଜରାସ୍ତାକୁ ଓହ୍ଲାଉଥିବା ବେଳେ ଦଳୀୟ ବନ୍ଧୁଙ୍କ ପାଇଁ ଇତିଶ୍ରୀଙ୍କୁ ଭୁଲି ଯାଇନି ତ ତାହା ଏବେ ସବୁଠୁ ପ୍ରଶ୍ନ ଭାବେ ଉଭା ହୋଇଛି ।

ତିତିଲି କ୍ଷତିଗ୍ରସ୍ତ ଧାନ, କପା ଓ କାଜୁ ବଗିଚା ଚାଷୀ ଙ୍କୁ କ୍ଷତି ପୂରଣ ମିଳୁନି, ଚାଷୀ ଅସନ୍ତୋଷ ।

ଏଥର ସମ୍ଭାଳ ବ୍ୟୁରୋ (ଗୁଣପୁର) – ବର୍ତ୍ତମାନ ସୁଦ୍ଧା ରାଜ୍ୟ ସରକାର ତିତିଲି କ୍ଷତିଗ୍ରସ୍ତ ଧାନ, କପା ଓ କାଜୁ ବଗିଚା ଚାଷୀ ଙ୍କୁ କ୍ଷତି ପୂରଣ ପୈଠ କରିନଥିବା ବିରୋଧ କରି ରାୟଗଡା ଜିଲ୍ଲା ଗୁଣପୁର ବ୍ଲକ ଅଧିନସ୍ଥ ୧୯ ଗ୍ରାମପଞ୍ଚାୟତ ର ଗ୍ରାମ ମୁଖିଆ ଏବଂ ୱାର୍ଡ ମେମ୍ବର ଙ୍କୁ ନେଇ ଏକ ପ୍ରତିବାଦ ବୈଠକ ଅନୁଷ୍ଠିତ ହୋଇଯାଇଛି।

ଲୋକଚେତନା ସଙ୍ଗଠନ ପକ୍ଷରୁ ସ୍ଥାନୀୟ ସଙ୍ଗୀତ କଳା ନିକେତନ ପରିସରରେ ଆୟୋଜିତ ଏହି ବୈଠକରେ ସରକାର ଙ୍କ ଦୋମୁହାଁ ନୀତିକୁ ନେଇ କ୍ଷୋଭ ପ୍ରକାଶ କରାଯାଇଛି। ଜଙ୍ଗଲ ଜମିର ପଟା ପାଇବା ନିମନ୍ତେ ଦୁଇ ହଜାର ରୁ ଉର୍ଦ୍ଧ ଆବେଦନ ପତ୍ର ତହସିଲ କାର୍ଯ୍ଯାଳୟ ରେ ଦାଖଲ ହୋଇଥିଲେ ସୁଦ୍ଧା ଏଯାବତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିବା ବୈଠକ ରେ ପ୍ରକାଶ ପାଇଛି । ଗରିବୀ ଆଦିବାସୀ ହରିଜନ ଓ ଚାଷୀକୂଳ ନିମନ୍ତେ ଚଳନ୍ତି ସରକାର କୁମ୍ଭିର କାନ୍ଦଣା କାନ୍ଦୁଛନ୍ତି ବୋଲି ମତ ପ୍ରକାଶ ପାଇଛି। ଆଗାମୀ ୨୦ ତାରିଖ ସୁଦ୍ଧା ଜଙ୍ଗଲ ଜମି ର ପଟ୍ଟା ଏବଂ ତିତିଲି କ୍ଷତି ପୂରଣ ନପାଇଲେ ଆଗାମୀ ୨୭ ତାରିଖ ଠାରୁ ତହସିଲ୍ ଅଫିସ ସମ୍ମୁଖରେ ଆଦିବାସୀ ଓ ଚାଷୀକୂଳ ଅହୋରାତ୍ର ଧାରଣା ଦେବାକୁ ନିଷ୍ପତ୍ତି ଗ୍ରହଣ କରାଯାଇଛି।

ଲୋକଚେତନା ସଂଗଠନ ର ସଭାପତି ଜେମ୍ସ ଶବର ଙ୍କ ପୌରହିତ୍ୱ ରେ ଅନୁଷ୍ଠିତ ଏହି ବୈଠକ ରେ ଆଦିବାସୀ ଗ୍ରାମ୍ୟ ଉନ୍ନୟନ ସଂଘ ପକ୍ଷରୁ ଦିବାକର ଶବର ଗୁଣପୁର ସରପଞ୍ଚ ମହାସଂଘ ର ସଭାନେତ୍ରୀ ଗୌରୀ ଗମାଙ୍ଗ ସମେତ ବ୍ଲକ ର ସମିତି ସଦସ୍ୟ ଗଣ ଉପସ୍ଥିତ ଥିଲେ।