ଗୁଣୁପୁର ପୌର ପରିଷଦର ବିଭିନ୍ନ ୱାର୍ଡ ରେ ଗୃହ ପ୍ରବେଶ କାର୍ଯ୍ୟକ୍ରମ ଅନୁଷ୍ଠିତ…!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ପ୍ରଧାନମନ୍ତ୍ରୀ ଆବାସ ଯୋଜନା (ସହରାଞ୍ଚଳ) -୨॰୦ର ‘ଅଙ୍ଗୀକାର-୨୦୨୫’ ଅଭିଯାନ ଅଧୀନରେ ଆଜି ଗୁଣୁପୁର ପୌର ପରିଷଦର ବିଭିନ୍ନ ୱାର୍ଡ ରେ ଗୃହ ପ୍ରବେଶ ସମାରୋହ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆବାସ ଯୋଜନା ରେ ସମ୍ପୂର୍ଣ ହୋଇଥିବା ଆଠ ଗୋଟି ହିତାଧିକାରୀ ଙ୍କ ଗୃହ ପ୍ରବେଶ କରାଯାଇଥିଲା |

ଗୁଣୁପୁର ପୌର ପରିଷଦର ଅଧ୍ୟକ୍ଷା ଶ୍ରୀମତୀ ମମତା ଗୌଡ଼, ଉପାଧ୍ୟକ୍ଷ ଶ୍ରୀଯୁକ୍ତ ଶିବ ପ୍ରସାଦ ଗୌଡ଼, ପରିଷଦର କାର୍ଯ ନିର୍ବାହୀ ଅଧିକାରୀ, ସମ୍ପୃକ୍ତ ୱାର୍ଡ କାଉନସିଲର, ଜିଲ୍ଲା ନଗର ଉନ୍ନୟନ ସଂସ୍ଥାରେ କାର୍ଯ୍ୟରତ ସି.ଏଲ. ଟି.ସି. ଶ୍ରୀ ଶୁଭ୍ରଜିତ ସ୍ୱାଇଁ, ସି.ଏଲ. ଟି.ସି. ଅଶୋକ କୁମାର ପଣ୍ଡା, ଏମ ଆଣ୍ଡ ଇ ଏକ୍ସପର୍ଟ ଦୀପକ କୁମାର କୋଠିଆ, ପୌର ପରିଷଦର, ଅମିନ, ଏମ.ଆଇ.ଏସ କମ୍ପୁଟର ପ୍ରୋଗ୍ରାମର, କମ୍ୟୁନିଟି ଅର୍ଗାନାଇଜର, ଅନ୍ୟାନ୍ୟ କର୍ମଚାରୀବୃନ୍ଦ ଉପସ୍ଥିତ ଥିଲେ | ପୌର ପରିଷଦର ପରିଷଦର ଅଧ୍ୟକ୍ଷା ଶ୍ରୀମତୀ ମମତା ଗୌଡ଼ ଓ ଉପାଧ୍ୟକ୍ଷ ଶ୍ରୀଯୁକ୍ତ ଶିବ ପ୍ରସାଦ ଗୌଡ଼, ପ୍ରଧାନମନ୍ତ୍ରୀ ଆଦାସ ଯୋଜନା ହିତାକାରୀମାନଙ୍କୁ ଘରର ଚାବି ବଣ୍ଟନ କରିଥିଲେ ଏବଂ ନୂତନ ଗୃହ ପ୍ରବେଶ ପାଇଁ ହିତାଧିକାରୀଙ୍କୁ ଶୁଭେଚ୍ଛା ଜଣାଇଥିଲେ ।

ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ନିମନ୍ତେ ଶପଥ…!

ଏଥର ସମ୍ଭାଳ ବ୍ୟୁରୋ(ରାୟଗଡ଼/ରାମନାଗୁଡା)- ୨୭-୨୧୦-୨୦୨୫ରିଖ ଠାରୁ ଆସନ୍ତା ତା:୦୨-୧୧-୨୦୨୫ରିଖ ପର୍ଯ୍ୟନ୍ତ ରାୟଗଡ ଜିଲ୍ଲାରେ ଦୁର୍ନୀତି ନିବାରଣ ସପ୍ତାହ ପାଳନ କରାଯାଉଛି । ଏହି ଅବସରରେ ଆଜି ୨୭-୧୦ତାରିଖ ଦିନ ରାମନାଗୁଡା ବ୍ଲକ ପରିସରରେ ଜିଲ୍ଲାପାଳ, ରାୟଗଡ଼ଙ୍କ ଯୁଗ୍ମ ଅଭିଯୋଗ ଶୁଣାଣି ଶିବିରରେ ଉପସ୍ଥିତ ସମସ୍ତ ଜିଲ୍ଲା ସ୍ତରୀୟ, ଉପଖଣ୍ଡ ସ୍ତରୀୟ ଓ ବ୍ଲକ ସ୍ତରୀୟ ଅଧିକାରୀଙ୍କୁ ଜିଲ୍ଲାପାଳ ଦୁର୍ନୀତି ନିବାରଣ ଶପଥ ପାଠ କରାଇଥିଲେ । ଶପଥ ପାଠ କାର୍ଯ୍ୟକ୍ରମରେ ଜିଲ୍ଲାପାଳ ରାୟଗଡ ଆଶୁତୋଷ କୁଲକର୍ଣ୍ଣି, ଉପ ଜିଲ୍ଲାପାଳ ଗୁଣପୁର ଦୁଧାଲ ଅଭିଷେକ ଦିଲୀପ, ମୁଖ୍ୟ ଉନ୍ନୟନ ତଥା ନିର୍ବାହୀ ଅଧିକାରୀ, ଜିଲ୍ଲା ପରିଷଦ ଅକ୍ଷୟ କୁମାର ଖେମୁଣ୍ଡୁ, ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ପ୍ରଦୀପ୍ତ କୁମାର, ରାମନାଗୁଡା ବ୍ଲକ ଅଧ୍ୟକ୍ଷ ରବିଶଙ୍କର ଗମାଙ୍ଗ, ରାମନାଗୁଡା ତହସିଲଦାର ପ୍ରାଣକୃଷ୍ଣ ପାଣିଗ୍ରାହୀ, ରାମନାଗୁଡା ଗୋଷ୍ଠୀ ଉନ୍ନୟନ ଅଧିକାରୀ ପ୍ରଦ୍ୟୁମ୍ନ ମଣ୍ଡଳଙ୍କ ସମେତ ଜିଲ୍ଲା ଓ ବ୍ଲକ ସ୍ତରୀୟ ଅଧିକାରୀ ଯୋଗ ଦେଇଥିଲେ ।

ସେହିପରି ଜିଲ୍ଲାପାଳଙ୍କ କାର୍ଯ୍ୟାଳୟ, ରାୟଗଡ଼ ଠାରେ ଅତିରିକ୍ତ ଜିଲ୍ଲାପାଳ ଶ୍ରୀ ନବୀନ ନାୟକ ଓ ଅତିରିକ୍ତ ଜିଲ୍ଲାପାଳ ଶ୍ରୀ ନିହାର ରଞ୍ଜନ କହଁରଙ୍କ ଉପସ୍ଥିତିରେ ସମସ୍ତ କର୍ମଚାରୀ ଓ ପଦାଧିକାରୀଙ୍କୁ ଦୁର୍ନୀତି ନିବାରଣ ଉପରେ ମାର୍ଗ ଦର୍ଶନ କରି ଶପଥ ପାଠ କରାଇଥିଲେ l ସେହିପରି ଜିଲ୍ଲାର ସମସ୍ତ କାର୍ଯ୍ୟାଳୟ ମାନଙ୍କରେ କର୍ମଚାରୀ ମନେ ଆଜି ଶପଥ ପାଠ କରିଥିଲେ l ଆଜିଠାରୁ ଆରମ୍ଭ ହୋଇଥିବା ସପ୍ତାହେ ବ୍ୟାପି ଜନ ସଚେତନତା କାର୍ଯ୍ୟକ୍ରମ ବିଭିନ୍ନ ବ୍ଲକ, ଗ୍ରାମ ପଞ୍ଚାୟତ ପର୍ଯ୍ୟନ୍ତ ଆୟୋଜନ କରାଯିବ । ଆସନ୍ତା ତା ୨୯/୧୦/୨୦୨୫ରିଖରେ ସ୍ଥାନୀୟ ଜିଲ୍ଲା ପରିଷଦ ସମ୍ମିଳନୀ କକ୍ଷ ଠାରେ ଜିଲ୍ଲାସ୍ତରୀୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହେବ l

ବିଶ୍ଵ ହାତ ଧୁଆ ଦିବସ ରାୟଗଡା ସି.ଡବ୍ଲ୍ୟୁ.ସ୍ ସହଭାଗୀତାରେ ପାଳିତ…!

ଏଥର ସମ୍ଭାଳ ବ୍ୟୁରୋ (ରାୟଗଡ଼ା) – ରାୟଗଡା ଜିଲ୍ଲାର ସି.ଡବ୍ଲ୍ୟୁ.ସ୍ ସଂସ୍ଥା ତରଫରୁ ପିତାମହଲ ଓ ତାଡମା ଗ୍ରାମ ପଞ୍ଚାୟତର ସମସ୍ତ ଗାଁ ମାନଙ୍କରେ ଅଙ୍ଗନବାଡି କେନ୍ଦ୍ରରେ ପିଲା ମାନଙ୍କୁ ନେଇ ବିଶ୍ଵ ହାତ ଧୁଆ କାର୍ଯ୍ୟକ୍ରମର ଆୟୋଜନ କରାଯାଇଥିଲା l ଏଥିରେ ରାୟଗଡ଼ା ସି.ଡବ୍ଲ୍ୟୁ.ସ୍ community mobiliser ଅଭିଷେକ ଆଚାର୍ଯ୍ଯ, ଏଫ୍.ଇ.ଡବ୍ଲ୍ୟୁ ତପନ  କାଡ୍ରାକା, ସ୍ଵେଚ୍ଛାସେବୀ ହେମଲତା ମେଲେକା ଓ ପୁଷ୍ପା ମେଲେକା ଉପସ୍ଥିତ ରହି କାର୍ଯ୍ୟକ୍ରମକୁ ତ୍ୱରାନ୍ୱିତ କରିଥିଲେ l ଏଥିରେ ସ୍ଵଚ୍ଛତା ଓ ହାତ ସଫା ରଖିବା ନେଇ ଗୁରୁତ୍ୱପୂର୍ଣ୍ଣ ସ୍ୱାସ୍ଥ୍ୟ ସମ୍ବନ୍ଧୀୟ ଆଲୋଚନା ଓ ସାବୁନ୍ ରେ ହାତ ଧୋଇବା ପ୍ରକ୍ରିୟା ପିଲା ମାନଙ୍କୁ ତଥା ମା ମାନଙ୍କୁ ଶିଖେଇ ଦିଆଯାଇଥିଲା l

Community mobiliser ଅଭିଷେକ ଆଚାର୍ଯ୍ଯ ସଂକ୍ଷିପ୍ତରେ ଏହି କାର୍ଯ୍ୟକ୍ରମ ବିଷୟରେ ବକ୍ତବ୍ୟ ରଖିଥିଲେ l FEW ତପନ କାଡ୍ରାକା ଓ ସ୍ଵେଚ୍ଛାସେବୀ ପୁଷ୍ପା ଓ ହେମ ଲତା ସମସ୍ତ ସହୋଯାଗ କରିଥିଲେ l ଏହି ମୂଲ୍ୟବାନ କାର୍ଯ୍ୟକ୍ରମ ଆୟୋଜନ କରିଥିବା ହେତୁ ଗ୍ରାମବାସୀ CWS ର ସମସ୍ତ କର୍ମକର୍ତ୍ତାଙ୍କୁ ହାର୍ଦିକ ଧନ୍ୟବାଦ ଜଣାଇଥିଲେ l

ସାଇବର ସୁରକ୍ଷା ସଚେତନତା ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ ….!

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ସାମ୍ପ୍ରତିକ ଦୈନ୍ଦନଦିନ ସାଇବର ଅପରାଧ ବୃଦ୍ଧି ପାଉଥିବାରୁ ଏବଂ ଏହାଦ୍ୱାରା ବହୁତ ନିରୀହ ଜନସାଧାରଣ ଶିକାର ହେଉଥିବାରୁ ସୁରକ୍ଷା ଦେବା ନିମନ୍ତେ ସରକାରଙ୍କ ବିର୍ଦେଶ କ୍ରମେ ବ୍ୟାପକ ସଚେତନତା ସୃଷ୍ଟିକରିବା କାର୍ଯ୍ୟକ୍ରମ ଗ୍ରହଣ କରାଯିବ l ଏଥିନିମନ୍ତେ ରାୟଗଡ଼ ଜିଲ୍ଲାପାଳ ଶ୍ରୀ ଆଶୁତୋଷ କୁଲକାର୍ଣ୍ଣିଙ୍କ ଅଧ୍ୟକ୍ଷତlରେ ଆଜି ଭାରଚୁଳ ମାଧ୍ୟମରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା l ଆରକ୍ଷୀ ଅଧିକ୍ଷକା ସ୍ୱାତୀ ଏସ କୁମାରଙ୍କ ଉପସ୍ଥିତରେ ଆଲୋଚନା କରିଥିଲେ l ସାଇବର ଅପରାଦ୍ଧ ରୋକିବା ନିମନ୍ତେ ଜଣସଚେତନତା ନିହାତି ଆବଶ୍ୟକ l ଜିଲ୍ଲାସ୍ତରରୁ ଆରମ୍ଭ ହୋଇ ବ୍ଲକ ସ୍ତର ପର୍ଯ୍ୟନ୍ତ ବ୍ୟlପକ ସଚେତନତା କରାଯିବ l ବିଶେଷ କରି ବିଦ୍ୟାଳୟ ମହାବିଦ୍ୟାଳୟ ମାନଙ୍କରେ ରିଲ ଓ କ୍ଵିଜ ପ୍ରତିଯୋଗିତା ଆୟୋଜକ କରାଯିବ l ମାରାଥନ ଓ ସାଇକ୍ଲଥନ ରାଲି ଆଦି ଆୟୋଜନ କରାଯିବ ବୋଲି ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ କହିଥିଲେ l ଏହି ବୈଠକରେ ଅତିରକ୍ତ ପୋଲିସ ଅଧିକାରୀ, ଉପଖଣ୍ଡ ପୋଲିସ ଅଧିକାରୀ,ପିଏ ଆଇଟିଡିଏ, ରାୟଗଡ଼ ଓ ଗୁଣପୁର,ସମସ୍ତ ଥାନା ଅଧିକାରୀ, ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା ମଙ୍ଗଳ ଅଧିକାରୀ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ, ଡିପିଏମ ଓଏଲ ଏମ,ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ ଆଦି ଯୋଗଦେଇଥିଲେ l

ରାଜ୍ୟସ୍ତରୀୟ ଚାଷୀ ସମାବେଶ ; ଆଦିବାସୀ ଅଞ୍ଚଳରେ ଜଳବାୟୁ ଉପଯୋଗୀ ଏବଂ ନିରନ୍ତର ଜୀବିକା ପାଇଁ ପାରିବେଶିକ ଓ ବ୍ୟବହାରିକ ସାକ୍ଷ୍ୟରତା ପ୍ରକଳ୍ପ…!

ରାୟଗଡା ଜିଲ୍ଲା କାଶିପୁର ବ୍ଲକ ସ୍ଥାନ କାଶିପୁର ଅଗ୍ରଗାମୀ ଅଫିସ ଜିଲ୍ଲା: ରାୟଗଡା ଅଗ୍ରଗାମୀ ତରଫରୁ ୧୫-୧୬ ଅକ୍ଟୋବର ୨୦୨୫ ଦୁଇଦିନ ଧରି ଏକ ରାଜ୍ୟସ୍ତରୀୟ ଚାଷୀ ସମାବେଶ ଅନୁଷ୍ଠିତ ହୋଇଯାଇଛି। ଏଥ‌ିରେ ରାୟଗଡା, କୋରାପୁଟ, ନବରଙ୍ଗପୁର, କଳାହାଣ୍ଡି ଜିଲାର ବିଭିନ୍ନ ବ୍ଲକରୁ ମୋଟ ଶତାତ୍ତ୍ଵିକ ଅଂଶଗ୍ରହଣକାରୀ ଯଥା ସରକାରୀ କର୍ମକର୍ତ୍ତା, ସାମାଜିକ ସଂଗଠନ, ପଞ୍ଚାୟତ ପ୍ରତିନିଧ୍ଵ, ମହିଳା ଚାଷୀ, ନରିନେତ୍ରୀ, ପ୍ରକଳ୍ପ ହିତାଧ୍ୟାକାରୀ, ଗଣମାଧ୍ୟମ ପ୍ରତିନିଧ୍, ସ୍ଥାନୀୟ ଚାଷୀ ଏବଂ ଅଗ୍ରଗାମୀ କର୍ତ୍ତୃପକ୍ଷ ଓ ଏହାର ସହକର୍ମୀ ବୃନ୍ଦ ଏଥ‌ିରେ ଯୋଗଦାନ କରିଛନ୍ତି। ଏହି ରାଜ୍ୟସ୍ତରୀୟ ଚାଷୀ ସମାବେଶର ମୁଖ୍ୟ ଉଦ୍ଦେଶ୍ୟ ହେଉଛି ସଫଳ ଜୈବିକ ଚାଷୀ ମାନଙ୍କ ମଧ୍ୟରେ ନିରନ୍ତର ଜୀବିକା ଏବଂ ଆତ୍ମନିର୍ଭରଶୀଳତା ବିଷୟରେ ନିଜସ୍ଵ ଅନୁଭୂତିର ଆଦାନ ପ୍ରଦାନ। ଏହାଦ୍ଵାରା ଚାଷୀମାନେ ପ୍ରେରଣା ପାଇ ନିଜ ନିଜ ଗାଁରେ ନିଜେ ସେଇଭଳି ସଫଳ ନିରନ୍ତର ଜୈବିକ ଚାଷ ପଦ୍ଧତି ଅବଲମ୍ବନ କରିବେ। ଫଳରେ, ଏହି ସଫଳ ଦୃଷ୍ଟାନ୍ତକୁ ଗାଁର ଅନ୍ୟ ଚାଷୀଭାଇ ମାନେ ତାହାକୁ ଅନୁସରଣ କରି ସଠିକ ଭାବେ ଲାଭାନ୍ବିତ ହେବେ ।ଏଠାରେ ଉଲ୍ଲେଖଯୋଗ୍ୟ ଯେ ଓଡ଼ିଶାର ବିଭିନ୍ନ ଜିଲ୍ଲାରେ ଆଦିବାସୀ ଏବଂ ଗରିବ ସମ୍ପ୍ରଦାୟ/ଗୋଷ୍ଠୀ ମାନଙ୍କର ଜୀବିକା ଏବଂ ଆତ୍ମନିର୍ଭରଶୀଳତା ନେଇ ଉଭୟ ଜଳବାୟୁ ପରିବର୍ତନ ଏବଂ ରାସାୟନିକ ସାର ଓ କୀଟନାଶକ ଔଷଧର ପ୍ରୟୋଗ, ଚାଷୀ ପ୍ରତି ବିଭିନ୍ନ ଅତ୍ୟାବଶ୍ୟକୀୟ ସହାୟତା ଏପର୍ଯନ୍ତ ଉପଲବ୍ଧ ନହେବା ଫଳରେ ଏହି ଚାଷୀ, କୃଷି ପରିବେଶ, ଆମର ସ୍ଵାସ୍ଥ୍ୟବସ୍ଥା କ୍ରମଶଃ ଶୋଚନୀୟ ହେବାରେ ଲାଗିଛି। ଅନେକ ଆଦିବାସୀ ଜିଲାରୁ ବହୁ ସଂଖ୍ୟାରେ ଯୁବକ ଯୁବତୀ ମାନେ ପେଟପାଟଣା ପାଇଁ ବାହାରକୁ ଦାଦନ ଖଟିବାକୁ ଯାଉଛନ୍ତି।
ଅଣଜୈବିକ ଚାଷ ଲାଭଜନକ ହେଉନଥିବାରୁ ସେମାନେ କ୍ରମଶଃ ଗାଁରେ ରହି ଚାଷରୁ କ୍ଷତି ସହି ବଞ୍ଚିବା ପରିବର୍ତ୍ତେ ରାଜ୍ୟ ବାହାରକୁ ଚେନ୍ନାଇ,ଅହମଦାବାଦ, ଦିଲ୍ଲୀ, ମୁମ୍ବାଇ, କେରଳ ଆଦି ସ୍ଥାନକୁ ଦାଦନ ଖଟିବାକୁ ଉଚିତ ମନେ କରୁଛନ୍ତି। ଆଜି ଆଦିବାସୀ ଅଞ୍ଚଳରେ ମଧ୍ୟ ଭାଗଚାଷ,
ହାଇବ୍ରୀଡ ବିହନ ଚାଷ ଓ ରାସାୟନିକ ସାର ଓ କୀଟନାଶକ ଔଷଧର ପ୍ରୟୋଗ ଏକ ସାଧାରଣ ଜିନିଷ ପାଲଟି ଯାଇଛି।ଏସବୁକୁ ଆଖ୍ ଆଗରେ ରଖ୍ ଏହାର ସମାଧାନ ସ୍ଵରୂପ ଅଗ୍ରଗାମୀ ତରଫରୁ ଜଳବାୟୁ ଉପଯୋଗୀ ଓ ନିରନ୍ତର ଜୀବିକା ପାଇଁ ସ୍ଟାମିଲି ଫାର୍ମବା ପାରିବାରିକ ବଗିଚା ପାଇଁ ରାୟଗଡା ଜିଲ୍ଲାର କାଶୀପୁର ଓ ରାୟଗଡା ବ୍ଳକ ଓ କୋରାପୁଟ ଜିଲ୍ଲାର ଦଶମନ୍ତପୁର ବ୍ଲକରେ ମୋଟ ୧୩୧ ଗାଁର ସର୍ବମୋଟ ୧୨୬୪ ଜଣ ହିତାଧିକାରୀ ଚାଷୀଙ୍କୁ ଆମ୍ବ, କାଜୁ, ଲିଚୁ, ପିଜୁଳି, ସେଓ, କମଳା, ଲେମ୍ବୁ ଆଦି ଫଳଗଛ ସହିତ ମାଟିଆଳୁ, ଓଲୁଅ, ପୋଟଳ, ହଳଦୀ ଇତ୍ୟାଦି ୨୦୨୩ ଜୁଲାଇ ମାସରୁ ବଣ୍ଟନ କରାଯାଇଛି। ଏହା ବ୍ୟତୀତ ହିତାଧିକାରୀ ଚାଷୀ ମାନଙ୍କୁ ପାଞ୍ଚ ପ୍ରକାରର ଦେଶୀ ବିହନ ଯଥା କଳାମଲ୍ଲୀ, କଳାଜୀରା, କୁଳେଇଚୁଡି, ଗୋବିନ୍ଦ ଭୋଗ, ମାଛକଣ୍ଟା, ରଘୁସାହି ଏବଂ କାନ୍ଦୁଲ, ରାଇକିଆ ବିନ୍ସ ଓ ଅନ୍ୟାନ୍ୟ ପନିପରିବାବିହନ ବଣ୍ଟନ କରାଯାଇଛି I

ସେମାନଙ୍କୁ ମାନଙ୍କୁ ଜୈବିକ ପଦ୍ଧତିରେ ଚାଷ ପାଇଁ ଦେଶୀ ବିହନ, ଜୈବିକ ଖତସାର ଯଥା ହାଣ୍ଡିଖତ, ଜୀବାମୃତ,ବୀଜାମୃତ ପ୍ରସ୍ତୁତି ଟ୍ରେନିଂ, କଲମୀକରଣ ଓ ନର୍ସରିପରିଚାଳନା ଟ୍ରେନିଂ ଆଦି ପ୍ରଦାନ କରାଯାଇଛି।ମ୍ଫାମିଲି ଫାର୍ମ ବା ପାରିବାରିକ ବଗିଚା ବିଭିନ୍ନ ଚାଷ କରି ଓ ବିଭିନ୍ନ ଫଳଗଛ ଓ ବିନା ଖର୍ଚ୍ଚରେ ହେଉଥ‌ିବା କନ୍ଦମୂଳ ଚଷାରୁ ଯେମିତି ବର୍ଷ ତମାମ ଚାଷୀ ପରିବାରକୁ ସଠିକ ଖାହୁ ସୁରକ୍ଷା ସହିତ ଉପରୋକ୍ତ ଚାଷ ଅମଳରୁ ବଳକା ପନିପରିବା, କନ୍ଦମୂଳ, ଫଳମୂଳ ବିକ୍ରି କରି ଦେଶୀବିହନ,ଜୈବିକ ଚାଷ ପଦ୍ଧତିରେ ସେମାନେ ସ୍ବାବଲମ୍ବୀ ହୋଇ ଖୋଦ ନିଜ ଗାଁରେ ଯେମିତି ବର୍ଷସାରା ନିୟମିତ ରୋଜଗାର ପାଇ ପାରିବେ ସେଥ‌ିପାଇଁ ଏହି ଆଦର୍ଶ ତଥା ବହୁମୁଖୀ ହିତ ସାଧନକାରୀ ପ୍ରକଳ୍ପ କାର୍ଯକ୍ରମକୁ ସଫଳତାର ସହ ପରିଚାଳନା କରାଯାଉଛି। ଅଗ୍ରଗାମୀ ତରଫରୁ କଳାହାଣ୍ଡି ଜିଲ୍ଲାର ଥୁଆମୂଳ ରାମପୁର ବ୍ଲକ ଏବଂ ନବରଙ୍ଗପୁର ଜିଲ୍ଲାର ତେନ୍ତୁଳିଖୁଣ୍ଟି ବ୍ଲକରେ ଏହି ଫ୍ଲାମିଲି ଫାର୍ମ ବା ପାରିବାରିକ ବଗିଚା କାର୍ଯକାରୀ ହୋଇ ବହୁତ ସଫଳତା ମିଳିଛି I ବିଶ୍ବସ୍ତରରେ ମ୍ଫାମିଲି ଫାର୍ମ ବା ପାରିବାରିକ ବଗିଚା କାର୍ଯକ୍ରମର ସଫଳତା ନେଇ ଖୋଦ ଜାତିସଂଘ ତରଫରୁ ୨୦୨୩-୨୪ ବର୍ଷକୁ ଷ୍ଟାମିଲି ଫାର୍ମ ବା ପାରିବାରିକ ବଗିଚାର ବର୍ଷ ବୋଲି ଘୋଷଣା କରାଯାଇଥିବା ବିଭିନ୍ନ ମିଡିଆରେ ପ୍ରକାଶିତ ହୋଇଛି। ମ୍ଫାମିଲି ଫାର୍ମ ବା ପାରିବାରିକ ବଗିଚା ଦ୍ଵାରା ଇକୋସିଷ୍ଟମର ସୁରକ୍ଷା, ମାଟିର ଉର୍ବରତା ସୁରକ୍ଷା, ବର୍ଷ ତମାମ ଖାଦ୍ୟ ଓ ରୋଜଗାର ସୁରକ୍ଷା, ଦେଶୀ ବିହନରେ ଜୈବିକ ପଦ୍ଧତିରେ ଚାଷ ଓ ନିରନ୍ତର ଜୀବିକାର ବିକାଶ ସହ ସମ୍ପୂର୍ଣ ଆତ୍ମନିର୍ଭରଶୀଳତା, ଜଳବାୟୁ ପରିବର୍ତନ ଓ ସର୍ବୋପରି ଦାଦନ ଭଳି ସାଂଘାତିକ ସମସ୍କା ଆଦିର ଏଭଳି କାର୍ଯକ୍ରମ ପରିଚାଳନାରୁ ସୁନିଶ୍ଚିତ ହୋଇପାରିବ। ଏଥରେ ବନୀକରଣ କୃଷି, ସ ମନ୍ଦିତ କୃଷି, ନର୍ସରି ପରିଚାଳନା ଆଦି ସବୁକିଛି ସମ୍ଭବ ହୋଇପାରିବ। ଉଭୟ ପରିବେଶ ଏବଂ ମଣିଷ ସ୍ଵାସ୍ଥ୍ୟ ସୁରକ୍ଷା ସୁନିଶ୍ଚିତ ହୋଇପାରିବ । ଏ ଦିଗରେ ଅଗ୍ରଗାମୀର ନିଜସ୍ଵ ସଫଳତାକୁ ଆଧାର କରି ଓଡ଼ିଶାର ପ୍ରତ୍ୟେକ ଆଦିବାସୀ ଜିଲ୍ଲାର ପ୍ରତି ଗାଁରେ କାର୍ଯକାରୀ କରିବାକୁ ଚାହୁଁଛୁ ବୋଲି ଅଗ୍ରଗାମୀ ନିର୍ଦେଶକ ଶ୍ରୀ ଅଚ୍ୟୁତ ଦାସ ଏବଂ ଶ୍ରୀମତୀ ବିଦ୍ୟା ଦାସ ଏହି କାର୍ଯକ୍ରମର ଉଦଘାଟନୀ ଅବସରରେ ଦର୍ଶାଇଛନ୍ତି ।

ସ୍ୱତନ୍ତ୍ର ସଘନ ସଂଶୋଧନ ସଂପର୍କିତ ଆଭାସୀ ବୈଠକ;ବିଭ୍ରାନ୍ତକାରୀ ସୂଚନାର ତ୍ୱରିତ ମୁକାବିଲା ଉପରେ ମୁଖ୍ୟ ନିର୍ବାଚନ ଅଧିକାରୀଙ୍କ ଗୁରୁତ୍ୱାରୋପ….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର/ରାୟଗଡ଼)- ମୁଖ୍ୟ ନିର୍ବାଚନ ଅଧିକାରୀ, ଓଡ଼ିଶା ଶ୍ରୀ ଆର୍‌.ଏସ୍‌. ଗୋପାଳନ (ଭା. ପ୍ର. ସେ.)ଙ୍କ ଅଧ୍ୟକ୍ଷତାରେ ସ୍ୱତନ୍ତ୍ର ସଘନ ସଂଶୋଧନ ସମ୍ପର୍କିତ ଆଭାସି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଉପ ମୁଖ୍ୟ ନିର୍ବାଚନ ଅଧିକାରୀ ଡ. ଲକ୍ଷ୍ମୀ ପ୍ରସାଦ ସାହୁ, ଲୋକସମ୍ପର୍କ ଅଧିକାରୀ ଶ୍ରୀ ସୌରଭ ପ୍ରଧାନଙ୍କ ସମେତ ସମସ୍ତ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଯୋଗଦେଇଥିଲେ ।
ସ୍ୱତନ୍ତ୍ର ସଘନ ସଂଶୋଧନର ମହତ ଉଦ୍ଦେଶ୍ୟ ଓ ସମୟୋଚିତ ଆବଶ୍ୟକତା, ମତଦାତାଙ୍କ ଯୋଗ୍ୟତା, ବିଭ୍ରାନ୍ତକାରୀ ସୂଚନାର ମୁକାବିଲା ସମ୍ପର୍କରେ ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ଗୋପାଳନ ବିଷଦ ସୂଚନା ଦେବା ସହ ତୃଣମୂଳ ସ୍ତରରେ ଜନସାଧାରଣଙ୍କ ମଧ୍ୟରେ ଜାଗରଣ ସୃଷ୍ଟି କରିବାରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ଉଲ୍ଲେଖ କରିଥିଲେ । ଅନେକ ବର୍ଷ ଧରି ନିଷ୍ଠାପର ଓ ନିରପେକ୍ଷ ଭାବରେ କାର୍ଯ୍ୟକରି ନିର୍ବାଚନ ଆୟୋଗ ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ସମ୍ମାନ ପ୍ରତିଷ୍ଠା କରିପାରିଛନ୍ତି । ସେହି ସମ୍ମାନକୁ ଅକ୍ଷୁଣ୍ଣ ରଖିବାକୁ ହେଲେ ଭ୍ରମାତ୍ମକ ତଥା ବିଭ୍ରାନ୍ତକାରୀ ସୂଚନାର ସଠିକ ମୁକାବିଲା କରାଯିବାର ଆବଶ୍ୟକତା ରହିଛି ବୋଲି ସେ କହିଛନ୍ତି । ଭୋଟର ତାଲିକାରୁ ଜଣେବି ଯୋଗ୍ୟ ମତଦାତା ନାମ ନ କଟିବା ଏବଂ ଜଣେ ବି ଅଯୋଗ୍ୟ ବ୍ୟକ୍ତିଙ୍କ ନାମ ସଂଯୁକ୍ତ ନ ହେବା ଉପରେ ଭାରତ ନିର୍ବାଚନ ଆୟୋଗ ସର୍ବାଧିକ ଗୁରୁତ୍ୱ ଦେବା ସହ ସେହି ଅବଲୋକନରେ ଓଡିଶାରେ ସମସ୍ତ କାର୍ଯ୍ୟ କରାଯାଉଛି ବୋଲି ସେ ଉଲ୍ଲେଖ କରିଥିଲେ। ଉପମୁଖ୍ୟ ନିର୍ବାଚନ ଅଧିକାରୀ ଡ. ସାହୁ ସ୍ୱତନ୍ତ୍ର ସଘନ ସଂଶୋଧନ ସମ୍ପର୍କିତ ସବିଶେଷ ତଥ୍ୟ ପିପିଟି ମାଧ୍ୟମରେ ଅଧିକାରୀମାନଙ୍କୁ ଅବଗତ କରାଇଥିଲେ । ତା’ସହିତ ବିହାର ନିର୍ବାଚନ ପରିପ୍ରେକ୍ଷୀରେ ଭାରତ ନିର୍ବାଚନ କମିଶନ ନେଇଥିବା ବିଭିନ୍ନ ଗୁରୁତ୍ୱପୂର୍ଣ ପଦକ୍ଷେପ ସଂପର୍କରେ ସୂଚନା ଦେଇଥିଲେ । ଭ୍ରମାତ୍ମକ ସୂଚନା ଯଥା-ଗୁଡ଼ାଏ ଲୋକଙ୍କ ନାମ ଏକା ସହିତ କଟିଯିବ, ବୁଥ୍‌ ଲେବୁଲ୍‌ ଅଧିକାରୀମାନେ ଭୁଲ ତଥ୍ୟ ଦେଉଛନ୍ତି, ଘର ନମ୍ବର ନଥିବା ଘର, ଗୋଟିଏ ଠିକଣାରେ ଅନେକ ଲୋକଙ୍କ ପଞ୍ଜିକରଣ ଭଳି ଭ୍ରମାତ୍ମକ ତଥ୍ୟ ବିଷୟରେ ଜାଣିବା ପରେ ସୂଚନା ଓ ଲୋକସମ୍ପର୍କ ଅଧିକାରୀମାନେ ସଠିକ୍‌ ତଥ୍ୟ ଲୋକଲୋଚନକୁ ଆଣି ଭୁଲ ତଥ୍ୟର ତ୍ୱରିତ ମୁକାବିଲା କରିବାର ଆବଶ୍ୟକତା ରହିଛି ବୋଲି ସେ ପ୍ରକାଶ କରିଛନ୍ତି । ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟରୁ ନିୟମିତ ପ୍ରେରିତ ପ୍ରେସ ବିଜ୍ଞପ୍ତି ଓ ସୂଚନାକୁ ସାମାଜିକ ଓ ଅନ୍ୟାନ୍ୟ ଗଣମାଧ୍ୟମ ଜରିଆରେ ତୃଣମୂଳସ୍ତରର ଜନସାଧାରଣଙ୍କ ଅବଗତି ନିମନ୍ତେ ନିରବଛିନ୍ନ ଭାବେ ପ୍ରେରଣ କରିବା ସହିତ ସୃଜନାତ୍ମକ ମତାମତ ଦେବାପାଇଁ ସେ ପରାମର୍ଶ ଦେଇଛନ୍ତି l

ଉତ୍ସବ ପୂର୍ବକ ଭାବେ ଜିଲ୍ଲା ସ୍ତରୀୟ ୮ମ ରାଷ୍ଟ୍ରୀୟ ପୋଷଣ ମାସ-୨୦୨୫ ପାଳନ, ସଫଳତାର ସହିତ ରାୟଗଡାଠାରେ ଆୟୋଜିତ…!

ଏଥର ସମ୍ଭାଳ ବ୍ୟୁରୋ(ରାୟଗଡ଼)-  ଜିଲ୍ଲା ସମାଜ କଲ୍ୟାଣ ବିଭାଗ ଓ ମହିଳା ଓ ଶିଶୁ ବିକାଶ ବିଭାଗ, ରାୟଗଡାଙ୍କ ଉଦ୍ୟମରେ ଆଜି ରାୟଗଡା ବ୍ଲକ୍ କନ୍ଫରେନ୍ସ ହଲ୍‌ରେ ଜିଲ୍ଲା ସ୍ତରୀୟ ୮ମ ରାଷ୍ଟ୍ରୀୟ ପୋଷଣ ମାସ – ୨୦୨୫ ଉତ୍ସବପୂର୍ବକ ଭାବେ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଶ୍ରୀ ଅକ୍ଷୟ କୁମାର ଖାମୁଣ୍ଡୁ,(CDO, Rayagada ) ଏବଂ ସମ୍ମାନିତ ଅତିଥି ଭାବେ ଶ୍ରୀମତୀ ସରସ୍ୱତୀ ମାଝୀ (Zilla parishad President, Rayagada ), ଡ଼ା. ସରସ୍ୱତୀ ରାୟ,(Principal, Autonomous college, Rayagada ), ଶ୍ରୀମତୀ ଶାନ୍ତିଲତା ମୁଣି(ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ), ଶ୍ରୀମତୀ ମିନତି ଦେଓ, ଜିଲ୍ଲା ସମାଜ କଲ୍ୟାଣ ଅଧିକାରୀ (DSWO), ଶ୍ରୀମତୀ ଅହଲ୍ୟା ସୁନା, ଜିଲ୍ଲା ପ୍ରକଳ୍ପ ଅଧିକାରୀ (DPO), ଶ୍ରୀମତୀ ପ୍ରତିମା ରାଣୀ ଦାସ,(PO cum PO), ଓ ଶ୍ରୀମତୀ ଶୈଳଜା ଦାସ,(PO, Rayagada Sub-Division) ମଞ୍ଚାସୀନ ଥିଲେ। କାର୍ଯ୍ୟକ୍ରମରେ ଜିଲ୍ଲାର ସମସ୍ତ ୧୧ଟି ବ୍ଲକ୍ ICDS ପ୍ରକଳ୍ପ ଅଧୀନର ସିଡିପିଓମାନେ, ପୋଷଣ BCs, ଅଙ୍ଗନୱାଡ଼ି ସୁପରଭାଇଜର, କର୍ମୀ, ହେଲ୍ପର ଓ ମହିଳା ଓ ଶିଶୁ ବିକାଶ ବିଭାଗ ରାୟଗଡାର ସମସ୍ତ କର୍ମଚାରୀ ଯୋଗଦେଇଥିଲେ। ସେପରି ସ୍କୁଲ ଓ କଲେଜ ଛାତ୍ରଛାତ୍ରୀମାନେ ମଧ୍ୟ ସକ୍ରିୟ ଭାବେ ଅଂଶଗ୍ରହଣ କରିଥିଲେ। ପ୍ରଧାନ ଅତିଥି ତାଙ୍କ ଉଦ୍ବୋଧନରେ କହିଥିଲେ ଯେ, ପୋଷଣ ମାସର ମୂଖ୍ୟ ଉଦ୍ଦେଶ୍ୟ ହେଉଛି — ଜିଲ୍ଲାର କୌଣସି ମା’ ଓ ଶିଶୁ କୁପୋଷଣର ଶିକାର ହେବା ନାହିଁ। ସନ୍ତୁଳିତ ଓ ପୋଷଣଯୁକ୍ତ ଖାଦ୍ୟ ଦ୍ୱାରା ଆମେ ସୁସ୍ଥ ସମାଜ ଗଠନ କରିପାରିବୁ। ପ୍ରୋଜେକ୍ଟ ଅଫିସର-କମ୍-ପ୍ରୋଗ୍ରାମ ଅଫିସର ଶ୍ରୀମତୀ ପ୍ରତିମା ରାଣୀ ଦାସ ତାଙ୍କ ଭାଷଣରେ ସ୍ଥୂଳତା (Obesity) ଓ ଏହାର ସ୍ୱାସ୍ଥ୍ୟ ଓ ସମାଜ ଉପରେ ପ୍ରଭାବ ବିଷୟରେ ଆଲୋକପାତ କରିଥିଲେ। ସେ କହିଥିଲେ ଯେ, ଅସନ୍ତୁଳିତ ଖାଦ୍ୟ ଅଭ୍ୟାସ ଓ ଅକ୍ରିୟ ଜୀବନଶୈଳୀ ଦ୍ୱାରା ସ୍ଥୂଳତା ବଢ଼ି ଚାଲିଛି ଯାହା ହୃଦରୋଗ, ଡାୟାବେଟିଜ୍‌ ଓ ଅନ୍ୟାନ୍ୟ ଦୀର୍ଘ ରୋଗର ମୂଳ କାରଣ ହେଉଛି। ସେହିପରି ପୋଷଣ ଯୋଗୁଁ ସମସ୍ତଙ୍କୁ ସଚେତନ ହେବା ଆବଶ୍ୟକ ବୋଲି ତାଙ୍କ ମତବ୍ୟକ୍ତ କରିଥିଲେ। ଏହି କାର୍ଯ୍ୟକ୍ରମରେ ପ୍ରତ୍ୟେକ ICDS ପ୍ରକଳ୍ପ ପକ୍ଷରୁ ପୋଷଣଯୁକ୍ତ ଖାଦ୍ୟ ପ୍ରଦର୍ଶନ (Recipe Demonstration) କରାଯାଇଥିଲା। ବିଭିନ୍ନ ମା’ ଓ ଅଙ୍ଗନୱାଡ଼ି କର୍ମୀମାନଙ୍କ ତିଆରି ପୋଷଣଯୁକ୍ତ ଖାଦ୍ୟ – ଶଷ୍ୟ, ଡାଲି, ସବୁଜ ସାଗ, କ୍ଷୀର, ଅଣ୍ଡା ଓ ପିଠା ପ୍ରଦର୍ଶିତ ହୋଇଥିଲା। ସେଥିରୁ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ପ୍ରାପ୍ତ ମାନଙ୍କୁ ପୁରସ୍କାର, ଟ୍ରୋଫି ଓ ସମ୍ମାନ ପତ୍ର ପ୍ରଦାନ କରାଯାଇଥିଲା। ଏହାସହିତ କଲେଜ ଓ ସ୍କୁଲ ଛାତ୍ରଛାତ୍ରୀମାନଙ୍କ ମଧ୍ୟରେ ପୋଷଣ ଭିତ୍ତିକ ଚିତ୍ରାଙ୍କନ, ତର୍କ , କୁଇଜ୍ ଓ ଭାଷଣ ପ୍ରତିଯୋଗିତା ଆୟୋଜନ ହୋଇଥିଲା। ବିଜେତାମାନଙ୍କୁ ମଧ୍ୟ ସମ୍ମାନ ପତ୍ର ଓ ଟ୍ରୋଫି ଦେଇ ସମ୍ମାନିତ କରାଯାଇଥିଲା। ଏହି ସମଗ୍ର କାର୍ଯ୍ୟକ୍ରମକୁ ମଧୁଲତା ଦଣ୍ଡସେନା, (D.C.ପୋଷଣ , ରାୟଗଡା) , ଦିବାକର ପରିଛା ସଂଯୋଜକ ମହିଳା ସଶକ୍ତି କରଣ କେନ୍ଦ୍ର ଓ ଶ୍ରୀ ସୂର୍ଯ୍ୟନାରାୟଣ ନାୟକ (SRA) (W&CD Deptt.) ଙ୍କ ଦ୍ୱାରା ସଂଯୋଜନା ଓ ପରିଚାଳନା କରାଯାଇ, ଜିଲ୍ଲା ସମାଜ କଲ୍ୟାଣ ଅଧିକାରୀ (DSWO) ଶ୍ରୀମତୀ ମିନତି ଦେଓ ଙ୍କ ନେତୃତ୍ୱ ଏବଂ ସହଯୋଗରେ ସଫଳତାପୂର୍ଣ୍ଣ ଭାବେ ଆୟୋଜନ କରାଯାଇଥିଲା। ପରିଶେଷରେ ଅତିଥିମାନଙ୍କ ଦ୍ୱାରା ପୋଷଣ ସଂକଳ୍ପ ଗ୍ରହଣ ଓ ସମସ୍ତ ଅଂଶଗ୍ରହୀମାନଙ୍କୁ ଧନ୍ୟବାଦ ଜଣାଇ ସଭାର ସମାପନ ଘୋଷଣା କରାଯାଇଥିଲା।

ଜିଲ୍ଲା ଖଣିଜ ଭିତ୍ତିଭୂମି ଫାଣ୍ଟି ଟ୍ରଷ୍ଟ ବୈଠକ ଅନୁଷ୍ଠିତ…!

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ରାୟଗଡ଼ ଜିଲ୍ଲାପାଳ ଶ୍ରୀଯୁକ୍ତ ଆଶୁତୋଷ କୁଲକାର୍ଣ୍ଣି, ଭl. ପ୍ର.ସେ.ଙ୍କ ଅଧ୍ୟକ୍ଷତlରେ ଜିଲ୍ଲା ଖଣିଜ ଭିତ୍ତିଭୂମି ଫାଣ୍ଟି ଟ୍ରଷ୍ଟ ବୈଠକ ଆଜି ସ୍ଥାନୀୟ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି l ଏଥିରେ ମାନ୍ୟବର କୋରାପୁଟ ଲୋକସଭା ସାଂସଦ, ଶ୍ରୀଯୁକ୍ତ ସପ୍ତଗିରି ଉଲ୍ଲକା, ରାୟଗଡ଼ ବିଧାୟକ ଶ୍ରୀଯୁକ୍ତ ଅପ୍ପଲା ସ୍ୱାମୀ କାଡ୍ରାକl, ଜିଲ୍ଲା ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ, ଜିଲ୍ଲାପରିଷଦ, ଶ୍ରୀ ଅକ୍ଷୟ କୁମାର ଖେମୁଣ୍ଡୁ ଯୋଗଦେଇ ଶିଳ୍ପ ସଂସ୍ଥା ମାନଙ୍କ ତରଫରୁ ପ୍ରାପ୍ତ ପରିପlର୍ଷିକ ଉନ୍ନୟନ ପାଣ୍ଠି ଜିଲ୍ଲା ଅଂଶର ବିନିଯୋଗ ଉପରେ ଆଲୋଚନା କରିଥିଲେ l ଖଣୀ ଖାଦାନ ଦ୍ୱାରା ପ୍ରଭାବିତ ଲୋକଙ୍କର ବିକାଶ ନିମନ୍ତେ ପାଣ୍ଠି ବିନିଯୋଗ କରିବା,ରାୟଗଡ଼ ଜିଲ୍ଲାରେ ଖଣୀ ଖାଦାନ ଓ କାରଖାନା ଯୋଗୁଁ ପରିବେଶ, ସ୍ୱାସ୍ଥ୍ୟ ଓ ସାମାଜିକ ଆର୍ଥିକ ପ୍ରଭାବିତ ଅଂଚଳରେ ଲୋକଙ୍କ ଦୀର୍ଘ ମିଆଦି ସ୍ଥାୟୀ ଜୀବନଜୀବିକା ଦୀର୍ଘ ମିଆଦି ପ୍ରକଳ୍ପ କାର୍ଯ୍ୟକ୍ରମ କାର୍ଯ୍ୟକlରୀ କରି ବିଶେଷ ପ୍ରଭାବିତ ଲୋକଙ୍କ ସମସ୍ୟା ଗୁଡିକ ଦୁରକରିବା କରିବା ଜିମନ୍ତେ ଉଦୁଷ୍ଟ l ଏହାର ମୁଖ୍ୟ ଉଦେଶ୍ୟ ହେଉଛି ପ୍ରଭାବିତ ଅଂଚଳରେ ଉନ୍ନୟନ ମୂଳକ କାର୍ଯ୍ୟ କରlଯିବ l ଏହି ବୈଠକରେ ମାନ୍ୟବର ସାଂସଦ ଜିଲ୍ଲା ଖଣିଜ ପାଣ୍ଠି ପ୍ରଭାବିତ ଅଂଚଳର ଲୋକଙ୍କ ବିକାଶ ନିମନ୍ତେ ସଦୁପଯୋଗ କରିବାକୁ କହିଥିଲେ ଓ ବିନିଯୋଗ ବିବରଣୀ ପ୍ରାଦlନ କଲେ ଆମେ ସେଠାକୁ ଯାଇ ଆବୁଧ୍ୟାନ କରିବୁ ବୋଲି କହିଥିଲେ l ସେହିପରି ମାନ୍ୟବର ବିଧାୟକ ୨୦୨୨-୨୩ର ବିନିଯୋଗ ବିବରଣୀ ଉପସ୍ଥାପନା କରିବାକୁ କହିଥିଲେ l ତଟା ସାହିରୁ ସୋରିଷ ପଦର ଛକ ପର୍ଯ୍ୟନ୍ତ ଟ୍ରାଫିକ ଜlମ ହେଉଛି ଯଦି ରୋଗୀ କିମ୍ବା ଗର୍ଭବତୀ ମହିଳା ମାନଙ୍କୁ ଆମ୍ବୁଲାନ୍ସ ସେବା ବଦା ପ୍ରାପ୍ତ ହେଉଥିବା କଥା ପ୍ରକାଶ କରି ଗୋଟିଏ ବାଇପାସ ରାସ୍ତା ନିର୍ମାଣ ନିମନ୍ତେ ପ୍ରସ୍ତାବ ଦେଇଥିଲେ l ସେହି ଅଂଚଳର ଲୋକଙ୍କ ସ୍ୱାସ୍ଥ୍ୟ ପାଇଁ ମଧ୍ୟ ବିନିଯୋଗ କରିବାକୁ କହିଥିଲେ l ଏହି ବୈଠକରେ ଜିଲ୍ଲାପାଳ ଶ୍ରୀ କୁଲକାର୍ଣ୍ଣି ବାର୍ଷିକ ଯୋଜନା ଓ ପଞ୍ଚ ବାର୍ଷିକ ଯୋଜନା ପ୍ରସ୍ତୁତ କରିବାକୁ ଜିଲ୍ଲା ମୁଖ୍ୟ ବିକାଶ ଅଧିକାରୀଙ୍କୁ ନିର୍ଦେଶ ଦେଇଥିଲେ l ଜିଲ୍ଲା ଗତ ୨୦୧୫ ମସିହାରୁ ଏଯାଏଁ ୪୨୦କୋଟି ଖଣିଜ ପାଣ୍ଠି ବିଭିନ୍ନ ଶିଳ୍ପାନୁଷ୍ଠାନରୁ ଜିଲ୍ଲାକୁ ମିଳିଛି l ସେଥିରୁ ଆସନ୍ତା ବର୍ଷ ମାଙ୍କରେ ୧୩୬କୋଟି ଟଙ୍କlର ବିଭିନ୍ନ ବିକାଶ ମୂଳକ କାର୍ଯ୍ୟ ପାଇଁ ବିନିଯୋଗ କରାଯିବା ନିମନ୍ତେ ପଦ୍ଧକ୍ଷେପ ନିଆଯିବ l ଏହି ବୈଠକରେ ଜିଲ୍ଲା ବନଖଣ୍ଡ ଅଧିକାରୀ ସଚିନ ଅହ୍ନା ସାହେବ ଓହଲେ, ସିଡିଏମଓ ଡା. ବି. ସରୋଜିନୀ ଦେବୀ, ଖଣୀ ଉପନିର୍ଦ୍ଧେଶକ କୋରାପୁଟ, ଅଧିକ୍ଷଣ ଯନ୍ତ୍ରୀ ରାସ୍ତା ଓ ଗୃହ ଶ୍ରୀ ଆମ୍ଭିକେୟ ମିଶ୍ର, ଅଧିକ୍ଷଣ ଯନ୍ତ୍ରୀ, ରାସ୍ତା ଓ ଗୃହ, ଗୁଣୁପୁର, ନିର୍ବାହୀ ଯନ୍ତ୍ରୀ, ଗ୍ରାମ୍ୟ ଜଳାଯୋଗାଣ ସଂସ୍ଥା, ରାୟଗଡ଼, ଜିଲ୍ଲା ଖଣିଜ ପାଣ୍ଠି ଟ୍ରଷ୍ଟ ସଦସ୍ୟ ପିଲକୁ ମାଝୀ, ସଦସ୍ୟା ରୁଆଡେଇ ମାଝୀ, ସୁରେନ୍ଦରୀ ମାଝୀ, ଅନି ମାଝୀ ଆଦି ଯୋଗଦେଇ ବିଭିନ୍ନ ପ୍ରସ୍ତାବ ଉପସ୍ଥାପନା କରିଥିଲେ l

କଲ୍ୟାଣସିଂପୁର ବ୍ଲକ ସଦର ମହକୁମା ଠାରେ ଯୁଗ୍ମ ଅଭିଯୋଗ ଶୁଣାଣି ଅନୁଷ୍ଠିତ …!

ଏଥର ସମ୍ଭାଳ ବ୍ୟୁରୋ(ରାୟଗଡ/କଲ୍ୟାଣସିଂପୁର)-୧୩.୧୦.୨୦୨୫ତାରିଖ ଦିନ ରାୟଗଡ ଜିଲ୍ଲା ପ୍ରଶାସନ ତରଫରୁ କଲ୍ୟାଣସିଂପୁର ବ୍ଲକ ସଦର ମହକୁମାସ୍ଥିତ ଗୋଷ୍ଠୀ ଉନ୍ନୟନ ଅଧିକାରୀଙ୍କ ସଦଭାବନା ସଭାଗୃହ ଠାରେ ଯୁଗ୍ମ ଅଭିଯୋଗ ଶୁଣାଣୀ ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ଶ୍ରୀ ଆଶୁତୋଷ କୁଲକର୍ଣ୍ଣିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୁଣାଣି ଶିବିରରେ ଆରକ୍ଷୀ ଅଧିକାରୀ ସ୍ୱାତୀ ଏସ କୁମାର, ସିଡ଼ିଓ ଅକ୍ଷୟ କୁମାର ଖେମୁଣ୍ଡୁ,ଉପ ଜିଲ୍ଲାପାଳ ରାୟଗଡ ଶ୍ରୀ ରମେଶ କୁମାର ଜେନା, ପ୍ରକଳ୍ପ ପ୍ରଶାସକ ଚନ୍ଦ୍ରକାନ୍ତ ମାଝୀ, ଜିଲ୍ଲା ମୁଖ୍ୟ ଜନସ୍ୱାସ୍ଥ୍ୟ ଅଧିକାରୀ ଵି ସରୋଜିନୀ ଦେବୀ, ସମିତି ଅଧ୍ୟକ୍ଷା ଶ୍ରୀମତୀ ଅମ୍ରିତା କାଦ୍ରାକା ଉପସ୍ଥିତ ରହି ଜନସାଧାରଣଙ୍କୁ ବିଭିନ୍ନ ଅଭିଯୋଗ ଶୁଣାଣି କରିଥିଲେ l ଆଜି ମୋଟ୭୫ଟି ଅଭିଯୋଗ ଜିଲ୍ଲାପାଳ ଗ୍ରହଣ କରିଥିଲେ । ସେଥି ମଧ୍ୟରୁ ୬୩ଟି ବ୍ୟକ୍ତିଗତ ଅଭିଯୋଗ ଥିଲା ବେଳେ ୮ଗୋଟି ଗ୍ରାମ ବାସୀ ମାନଙ୍କର ସାମୂହିକ ଅଭିଯୋଗ ଥିଲା l

ଏହି ଶିବିରରେ ବିଭିନ୍ନ ସମସ୍ୟା ମାନ ଅଭିଯୋଗ ପଞ୍ଜିକୃତ ହୋଇଥିଲା । ସ୍ୱାସ୍ଥ୍ୟଗତ ସମସ୍ୟା ନିମନ୍ତେ ୪ଜଣକୁ ୬୦ହଜାର ଟଙ୍କା ରେଡ କ୍ରସ ପାଣ୍ଠିରୁଜିଲ୍ଲାପାଳ ପ୍ରଦାନ କରିଥିଲେ l ଜିଲ୍ଲାପାଳ ଆଜିର ଅଭିଯୋଗ ପାଇବା ପରେ ବିଭାଗୀୟ ଅଧିକାରୀ ମାନଙ୍କୁ ତୁରନ୍ତ ଫଇସଲା କରିବା ନିମନ୍ତେ ନିର୍ଦ୍ଦେଶ ଦେଇଥିଲେ । ଆଜିର ଏହି ଅଭିଯୋଗ ଶିବିରରେ ତହସିଲଦାର,କଲ୍ୟାଣ ସିଂପୁର, ସମେତ ଜିଲ୍ଲା ସ୍ତରୀୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ । ଅଭିଯୋଗ ଶୁଣାଣି ଶିବିରକୁ ଗୋଷ୍ଠୀ ଉନ୍ନୟନ ଅଧିକାରୀ, ମନୀଷା ଦାସ,ସହକାରୀ ଜିଲ୍ଲାପାଳ (ଗ୍ରୀଭାନ୍ସ) ସସ୍ମିତା ପଟ୍ଟନାୟକ ପରିଚାଳନା କରିଥିଲେ ।

ଦୁର୍ଗମ ଅଞ୍ଚଳରେ ଲୋକଙ୍କ ଗମନାଗମନକୁ ସହଜ କରୁଛି ପିଏମ ଜନମନ୍…!

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ଓଡ଼ିଶା ସରକାର ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହା ଅଭିଯାନ (PM-JANMAN) ଅଧୀନରେ ଦୁଇଟି ଗୁରୁତ୍ୱପୂର୍ଣ୍ଣ ଗ୍ରାମୀଣ ସଡ଼କ ପ୍ରକଳ୍ପର ନିର୍ମାଣ ସଫଳତାର ସହିତ ଶେଷ କରିଛନ୍ତି । ରାଜ୍ୟର ଦୂରଦୂରାନ୍ତ ଆଦିବାସୀ ଅଞ୍ଚଳରେ ଏହି ପ୍ରକଳ୍ପ ଆଖିଦୃଶିଆ ପରିବର୍ତ୍ତନ ଆଣିପାରିଛି । ରାୟଗଡା ଜିଲ୍ଲାପାଳ ଶ୍ରୀ ଆଶୁତୋଷ କୁଲକାର୍ଣ୍ଣିଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଜିଲ୍ଲାର ତେଲଗୁଡୁଠାରୁ ତାରବେଲ ଗ୍ରାମ୍ୟ ଉନ୍ନୟନ ରାସ୍ତା ଏବଂ ଦେବଗଡ଼ ଜିଲ୍ଲାର ପୂର୍ତ୍ତ ରାସ୍ତାଠାରୁ ସିଆରହୁଲି ପର୍ଯ୍ୟନ୍ତ ରାସ୍ତା ନିର୍ମାଣ ଯୋଗୁଁ ପ୍ରଥମ ଥର ପାଇଁ ସ୍ଥାନୀୟ ଲୋକଙ୍କୁ ନିରାପଦ ଏବଂ ସବୁଦିନିଆ ଯୋଗାଯୋଗର ସୁବିଧା ମିଳିଛି ଏବଂ ସେମାନଙ୍କ ଜୀବନଯାପନରେ ଉନ୍ନତି ଦେଖାଦେଇଛି । ରାୟଗଡା ଜିଲ୍ଲାରେ, ୩୦ ମଇ ୨୦୨୫ ରେ ସମାପ୍ତ ହୋଇଥିବା ତେଲଗୁଡୁ ରାସ୍ତା ପ୍ରକଳ୍ପ ଯୋଗୁଁ ତେଲଗୁଡୁ ଗ୍ରାମଠାରୁ ୨.୫ କିଲୋମିଟର ଦୂର ତାରବେଲର ମୁଖ୍ୟ ରାସ୍ତା ପର୍ଯ୍ୟନ୍ତ ଯୋଗାଯୋଗ ସହଜ ହୋଇଛି । ପୂର୍ବରୁ, ଗ୍ରାମକୁ ଯିବା ପାଇଁ ଏକମାତ୍ର ରାସ୍ତା କାଦୁଅ ଏବଂ ବିପଦପୂର୍ଣ୍ଣ ଥିବାରୁ ବର୍ଷା ଋତୁରେ ଗ୍ରାମବାସୀମାନେ ନିକଟବର୍ତ୍ତୀ ପ୍ରମୁଖ ସହରରୁ ବିଚ୍ଛିନ୍ନ ରହୁଥିଲେ । ପିଲାମାନେ ସ୍କୁଲ ଯିବାରୁ ବଞ୍ଚିତ ହେଉଥିଲେ, ଚାଷୀମାନେ ଉଚିତ ସମୟରେ ସେମାନଙ୍କର ଫସଲ ବିକ୍ରି କରିପାରୁ ନଥିଲେ ଏବଂ ଯୋଗାଯୋଗ ଅଭାବରୁ ଜରୁରୀକାଳୀନ ଚିକିତ୍ସା ମଧ୍ୟ ମିଳିପାରୁନଥିଲା । ଆଜି ପରିସ୍ଥିତି ସମ୍ପୂର୍ଣ୍ଣ ଭାବରେ ବଦଳି ଯାଇଛି । ଏହି ନୂତନ ରାସ୍ତା ଯୋଗୁଁ ବର୍ଷସାରା ଗ୍ରାମକୁ ଯାନବାହାନ ପହଞ୍ଚିପାରିବ । ସ୍କୁଲରେ ପିଲାଙ୍କ ଉପସ୍ଥାନରେ ଉନ୍ନତି ଆସିପାରିବ, ଗର୍ଭବତୀ ମହିଳାମାନଙ୍କୁ ଏବେ ସୁରକ୍ଷିତ ଭାବରେ ଡାକ୍ତରଖାନାକୁ ନେଇହେବ, ଏବଂ ଗ୍ରାମବାସୀମାନେ ନିକଟସ୍ଥ ବଜାର ଏବଂ ସରକାରୀ କାର୍ଯ୍ୟାଳୟକୁ ସହଜରେ ଯାତ୍ରା କରିପାରିବେ । ଚାଷୀମାନେ ଏବେ ପନିପରିବା, ଧାନ ଏବଂ ଜଙ୍ଗଲଜାତ ଦ୍ରବ୍ୟକୁ ଗୁଣୁପୁର ମଣ୍ଡିକୁ ନେଇପାରିବେ । ଏହା ଦ୍ୱାରା ସେମାନଙ୍କର ଆୟରେ ନିଶ୍ଚିତ ଭାବେ ବୃଦ୍ଧି ଘଟିବ । ନିର୍ମାଣ କାର୍ଯ୍ୟରେ ସ୍ଥାନୀୟ ବାସିନ୍ଦାଙ୍କୁ ଶ୍ରମିକ ଭାବରେ ମଧ୍ୟ ସାମିଲ କରାଯାଇଥିଲା । ଏହା ଦ୍ୱାରା ସେମାନେ ମଜୁରୀଭିତ୍ତିକ ଆୟରେ ସମର୍ଥ ହୋଇଥିଲେ ଏବଂ ଏହା ଗୋଷ୍ଠୀସଂପୃକ୍ତିକୁ ସୁଦୃଢ଼ କରିଥିଲା । ପ୍ରକଳ୍ପ ଅଧିନରେ ରାସ୍ତାକୁ ଦୀର୍ଘସ୍ଥାୟୀ ଏବଂ ସୁରକ୍ଷିତ ରଖିବା ପାଇଁ ବୃକ୍ଷରୋପଣ ଏବଂ ଉପଯୁକ୍ତ ଜଳ ନିଷ୍କାସନ ଭଳି ପରିବେଶ ଅନୁକୂଳ ପଦ୍ଧତି ଗ୍ରହଣ କରାଯାଇଥିଲା । ଗ୍ରାମବାସୀମାନେ ଏହି ପ୍ରକଳ୍ପରେ ଗଭୀର ସନ୍ତୋଷ ପ୍ରକାଶ କରି ଏହି ରାସ୍ତା ସେମାନଙ୍କ ପିଲାମାନଙ୍କ ପାଇଁ ଏକ ଉନ୍ନତ ଭବିଷ୍ୟତର ଦ୍ୱାର ଖୋଲିଛି ବୋଲି ପ୍ରକାଶ କରିଛନ୍ତି ।

ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହା ଅଭିଯାନ ଅଧୀନରେ ଦେବଗଡ଼ ଜିଲ୍ଲାର ବାରକୋଟ ବ୍ଲକ ଅନ୍ତର୍ଗତ ସିଆରିହୁଲିର ଦୂରବର୍ତ୍ତୀ ବସତିକୁ ସବୁଦିନିଆ ଯୋଗାଯୋଗ ସୁନିଶ୍ଚିତ କରିବା ଉଦ୍ଦେଶ୍ୟରେ ପିଡବ୍ଲìଡି ରାସ୍ତାଠାରୁ ସିଆରିହୁଲି ପର୍ଯ୍ୟନ୍ତ ରାସ୍ତା ନିର୍ମାଣ କାର୍ଯ୍ୟ ହାତକୁ ନିଆଯାଇଥିଲା । ୧୪୧.୬୬ ଲକ୍ଷ ଟଙ୍କା ବ୍ୟୟରେ ନିର୍ମିତ ୨.୧୯୮ କିଲୋମିଟର ଦୀର୍ଘ ରାସ୍ତା, ମୁଖ୍ୟତଃ PVTG (ବିଶେଷ ଭାବେ ଅନୁନ୍ନତ ଜନଜାତି ସମୁଦାୟ) ପରିବାର ବାସ କରୁଥିବା ଏହି ଆଦିବାସୀ ଗ୍ରାମକୁ ବର୍ଷସାରା ଯୋଗାଯୋଗ ସୁବିଧା ଯୋଗାଇ ଦେଇଛି । ଏହି ରାସ୍ତା ଜନଜାତି ସମ୍ପ୍ରଦାୟ ପାଇଁ ଏକ ଜୀବନରେଖା ପାଲଟିଛି । ଏହା ଦ୍ୱାରା ସ୍କୁଲ, ଅଙ୍ଗନବାଡି କେନ୍ଦ୍ର ଏବଂ ସ୍ୱାସ୍ଥ୍ୟସେବା ସୁବିଧା ସୁନିଶ୍ଚିତ ହୋଇପାରିଛି । ଗ୍ରାମବାସୀମାନେ ଏବେ ସରକାରୀ କଲ୍ୟାଣକାରୀ ଯୋଜନାଗୁଡ଼ିକର ଲାଭ ପାଇବା ସହ ଆତ୍ମନିର୍ଭରଶୀଳ ହୋଇପାରୁଛନ୍ତି । ଉନ୍ନତ ଯୋଗାଯୋଗ ସୁବିଧା ଯୋଗୁଁ ବ୍ୟବସାୟୀ ଏବଂ ସେବା ପ୍ରଦାନକାରୀମାନେ ଏବେ ଗାଁରେ ପହଞ୍ଚି ପାରୁଛନ୍ତି, ଯାହା ସ୍ଥାନୀୟ ଯୁବକମାନଙ୍କ ପାଇଁ ନୂତନ ଜୀବିକା ନିର୍ବାହର ସୁଯୋଗ ସୃଷ୍ଟି କରୁଛି । ଏହି ପ୍ରକଳ୍ପଗୁଡ଼ିକର ସଫଳତା ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱକୁ ପ୍ରତିଫଳିତ କରୁଛି । ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହା ଅଭିଯାନ ଅଞ୍ଚଳର ସାମଗ୍ରିକ ବିକାଶକୁ ସୁନିଶ୍ଚିତ କରୁଛି ଏବଂ ତୃଣମୂଳସ୍ତରେ ଥିବା ଲୋକଙ୍କର ଅନ୍ତର୍ଭୁକ୍ତିମୂଳକ ଅଭିବୃଦ୍ଧି ସମ୍ଭବ ହୋଇପାରିଛି । ଏହି କାର୍ଯ୍ୟକ୍ରମ ଆଦିବାସୀ ସମ୍ପ୍ରଦାୟର ଜୀବନରେ ଏକ ଉଲ୍ଲେଖନୀୟ ଉନ୍ନତି ଆଣିଛି । ମାନ୍ୟବର ଗ୍ରାମ ଉନ୍ନୟନ ମନ୍ତ୍ରୀ ଶ୍ରୀ ରବି ନାରାୟଣ ନାୟକଙ୍କ ନିରନ୍ତର ମାର୍ଗଦର୍ଶନ ଏବଂ କ୍ଷେତ୍ରସ୍ତରୀୟ ତଦାରଖ, ସମନ୍ୱୟ ଓ ପ୍ରଭାବଶାଳୀ କାର୍ଯ୍ୟାନ୍ୱୟନ ଯୋଗୁଁ ଏହି ପ୍ରକଳ୍ପଗୁଡ଼ିକ ସମୟସୀମା ମଧ୍ୟରେ ଶେଷ ହୋଇପାରିଛି । ଉନ୍ନତ ଗ୍ରାମୀଣ ସଂଯୋଗୀକରଣ ଜୀବନକୁ କିପରି ଜନଜୀବନକୁ ପରିବର୍ତ୍ତନ କରିପାରିବ, ଏହି ପ୍ରକଳ୍ପଗୁଡ଼ିକ ତାହାର ନିଦର୍ଶନ ପାଲଟିଛି । ରାସ୍ତାଗୁଡ଼ିକ କେବଳ ଯୋଗାଯୋଗ ସୁବିଧା ପ୍ରଦାନ କରିନଥାଏ ବରଂ ଲୋକମାନଙ୍କୁ ସୁଯୋଗ, ସମ୍ମାନ ଏବଂ ପ୍ରଗତି ସହିତ ମଧ୍ୟ ଯୋଡ଼ିଥାଏ । ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହା ଅଭିଯାନରେ ଦୁର୍ଗମ ଅଞ୍ଚଳର ମୌଳିକ ଭିତ୍ତିଭୂମିକୁ ସୁଦୃଢ଼ କରିବା ସହ ପ୍ରତ୍ୟେକ ବ୍ୟକ୍ତି ନିକଟରେ ବିକାଶର ସୁଫଳ ପହଞ୍ଚାଇବାକୁ ସୁନିଶ୍ଚିତ କରୁଛି ଏବଂ ସାମାଜିକ ଏବଂ ଅର୍ଥନୈତିକ ବ୍ୟବଧାନକୁ ହ୍ରାସ କରୁଛି । ତେଲଗୁଡୁ ଏବଂ ସିଆରିହୁଲିରେ ନବନିର୍ମିତ ରାସ୍ତାଗୁଡ଼ିକ ତୃଣମୂଳସ୍ତରରେ ଥିବା ଲୋକ ପାଖରେ ଅନ୍ତର୍ଭୁକ୍ତିମୂଳକ ବିକାଶ ପହଞ୍ଚାଇବା ପାଇଁ ରାଜ୍ୟ ସରକାରଙ୍କ ଦୃଢ଼ ପ୍ରତିବଦ୍ଧତାର ଉଦାହରଣ ଭାବରେ ଉଭା ହୋଇଛି । ସଶକ୍ତିକରଣ ଏବଂ ସମୃଦ୍ଧି ଦିଗରେ ସଂଯୋଗୀକରଣ ପ୍ରଥମ ଭିତ୍ତିଭୂମି ବୋଲି ଏହି ପ୍ରକଳ୍ପ ଦୁଇଟି ପ୍ରମାଣିତ କରିଛି ଏବଂ ଲୋକଙ୍କ ଦୀର୍ଘକାଳୀନ ସ୍ୱପ୍ନ ବାସ୍ତବରେ ରୂପାନ୍ତରିତ ହୋଇଛି ।