ନକ୍ସଲ ପ୍ରବଣ ଅଞ୍ଚଳରେ ନୂଆପଡ଼ା ଜିଲ୍ଲାପାଳ…!

!!! ନୂଆପଡା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ(ନୂଆପଡ଼ା)- ନକ୍ସଲ ପ୍ରବଣ ଅଞ୍ଚଳରେ ନୂଆପଡ଼ା ଜିଲ୍ଲାପାଳ ସ୍ୱଧାଦେବ ସିଂ। ସେ ସରକାରୀ ଯୋଜନାର ସମୀକ୍ଷା କରିବା ସହିତ ଲୋକଙ୍କ ସହିତ ଭାବବିନିମୟ କରିଛନ୍ତି।  ଏଥିସହ କେତେକ ଲୋକାଭିମୁଖୀ ପ୍ରକଳ୍ପର ଲୋକାର୍ପିତ କରିଛନ୍ତି। ଜିଲ୍ଲାପାଳ ଗାଁରେ ପହଞ୍ଚିବା ପରେ ସ୍ଥାନୀୟ ଲୋକମାନେ ସ୍ୱାଗତ କରିଥିଲେ। ନୂଆପଡା ସ୍ୱଧାଦେବ ସିଂ ଆଜି ନକ୍ସଲ ପ୍ରବଣ ଅଞ୍ଚଳ ସୁନାବେଡା ଅଭୟାରଣ୍ୟର ସୁନାବେଡା ଓ ସୋସେଙ୍ଗ ପଞ୍ଚାୟତ ଗସ୍ତ କରିଥିଲେ। ସେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ତଦାରଖ କରିଥିଲେ। ସୁନାବେଡା ଅଞ୍ଚଳରେ ଚକୋଟିଆ ଭୁଞ୍ଜିଆ ଉନ୍ନୟନ ସଂସ୍ଥା ଓ ଓପିଲିପି ଦ୍ୱାରା ତିଆରି କରା ଯାଇ ଥିବା ମାତୃ ଶିଶୁ ପୋଷଣ କେନ୍ଦ୍ର, ମାର୍କେଟ କମ୍ପ୍ଲେକ୍ସ, ବ୍ଲକ ତରଫରୁ ତିଆରି କରାଯାଇ ଥିବା ଗ୍ରାମୀଣ ବଜାର ଆଦି ବୁଲି ଦେଖିଥିଲେ। ପରେ ସୁନାବେଡାଠାରେ ଥିବା ଏସ୍‌ଓଜି କ୍ୟାମ୍ପକୁ ଯାଇ ଯବାନଙ୍କ ବିଭିନ୍ନ ସମସ୍ୟା ବୁଝି ଥିଲେ। ଗମନାଗମନ ସମସ୍ୟାର ସମାଧାନ ପାଇଁ ଲୋକଙ୍କୁ ପ୍ରତିଶ୍ରୁତି ଦେଇଥିଲେ। ବରକୋଟ ଗାଁରେ ଥିବା ଭୁଞ୍ଜିଆ ମହିଳାମାନଙ୍କ ପାଇଁ ଏକ ଧାନ ପେଷା କଳକୁ ଲୋକାର୍ପିତ କରିଥିଲେ। ଜିଲ୍ଲାପାଳଙ୍କ ସହ ବିଭିନ୍ନ ବିଭାଗର ଅଧିକାରୀମାନେ ଯାଇଥିଲେ।

ଆଜିଠାରୁ ୬ ଦିନ ଖରିଆର୍ ରୋଡ୍ ଏନଏସି ଓ ଖଡ଼ିଆଳ ଏନଏସି ଅଞ୍ଚଳ ସମ୍ପୂର୍ଣ୍ଣ ଶଟଡାଉନ୍…!

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ  !!!

ଏଥର ସମ୍ଭାଳ (ନୂଆପଡ଼ା) – ସାରା ଦେଶରେ କରୋନା ମହାମାରୀର ଦ୍ୱିତୀୟ ଲହର କ୍ଷୀପ୍ର ଗତିରେ ମାଡ଼ିଚାଲିଛି। ଏହାକୁ ଦୃଷ୍ଟି ଆଗରେ ରଖି ବିଭିନ୍ନ ରାଜ୍ୟର ସରକାର କଠୋର ପଦକ୍ଷେପ ନେଇଛନ୍ତି। ଜିଲ୍ଲା ସ୍ତରରେ ମଧ୍ୟ ପ୍ରଶାସନ ପକ୍ଷରୁ ବିଭିନ୍ନ ସର୍ତକତା ମୂଳକ ପଦକ୍ଷେପ ନିଆଯାଉଛି। ଏହିକ୍ରମରେ ଓଡ଼ିଶାର ନୂଆପଡ଼ା ଜିଲ୍ଲାର ଖରିଆର୍ ରୋଡ୍ ଏନଏସି ଓ ଖଡ଼ିଆଳ ଏନଏସିକୁ ଶଟଡାଉନ୍ କରିଦିଆଯାଇଛି। ସଂକ୍ରମଣ ବୃଦ୍ଧିକୁ ଆଖି ଆଗରେ ରଖି ନୂଆପଡ଼ା ଜିଲ୍ଲା ପ୍ରଶାସନ ଏହି ବଡ଼ ଘୋଷଣା କରିଛନ୍ତି। ଛତିଶଗଡ଼ ସୀମାନ୍ତରେ ଥିବା ଖରିଆର୍ ରୋଡ୍ ଏନଏସିକୁ ଆଜିଠାରୁ ୨୧ ତାରିଖ ସକାଳ ୬ଟା ପର୍ଯ୍ୟନ୍ତ ଶଟଡାଉନ୍ କରାଯାଇଛି। ଶଟଡାଉନ୍ ବେଳେ ସମସ୍ତ ଦୋକାନ, ରେଷ୍ଟୁରାଣ୍ଟ, ହୋଟେଲ୍, ଢାବା, ବ୍ୟାଙ୍କ, ଅଫିସ୍, ଶିକ୍ଷାନୁଷ୍ଠାନ ବନ୍ଦ ରହିବ। ତେବେ ମେଡିକାଲ୍ ଷ୍ଟୋର୍, ଏଲପିଜି ଗ୍ୟାସ, ପେଟ୍ରୋଲ୍ ପମ୍ପ ଓ ଅନ୍ୟାନ୍ୟ ଜରୁରୀକାଳୀନ ସେବା ଜାରି ରହିବ। ଶଟଡାଉନ୍ ସମୟରେ ଆମ୍ବୁଲାନ୍ସ, ମେଡିକାଲ୍ ଗାଡ଼ି ଓ ଅନ୍ୟାନ୍ୟ ସରକାରୀ କାର୍ଯ୍ୟରେ ନିୟୋଜିତ ଗାଡ଼ିର ଚଳାଚଳ ଜାରିବ। ତେବେ ସାଧାରଣ ଲୋକଙ୍କ ପାଇଁ ଗାଡ଼ି ଚଳାଚଳ ବନ୍ଦ ରହିବ। ବିବାହ ଓ ଶୁଦ୍ଧି କାର୍ଯ୍ୟ ପାଇଁ ସ୍ୱତନ୍ତ ରିଲିଫ୍ କମିଶନଙ୍କ ଠାରୁ ଅନୁମତି ଆଣିବାକୁ ପଡ଼ିବ। ସେହିପରି ଆସନ୍ତାକାଲି ସକାଳ ୬ଟା ଠାରୁ ତାରିଖଠାରୁ ୨୨ ତାରିଖ ସକାଳ ୬ଟା ପର୍ଯ୍ୟନ୍ତ ଖଡିଆଳ ଏନଏସିକୁ ଶଟଡାଉନ୍ କରାଯାଇଛି। ଏହି ସମୟରେ ସମସ୍ତ ଦୋକାନ ବଜାର ବନ୍ଦ ରହିବ। ଯାନ ବାହାନ ଚଳାଚଳ ବନ୍ଦ ରହିବା ସହ ଲୋକଙ୍କ ଚଳ ପ୍ରଚଳ ମଧ୍ୟ ବନ୍ଦ ରହିବ।

ଲୋକଙ୍କ ରୋଜଗାର ନିଶ୍ଚିତ କରିବାକୁ ଅଂଟା ଭିଡ଼ିଲେଣି ରାଜେନ୍ଦ୍ର।

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ନୂଆପଡ଼ା) – କୋବିଡ଼ 19ର ସଂକ୍ରମଣ କୁ ରୋକିବା ପାଇଁ ସରକାରଙ୍କର ଦ୍ୱାରା ବର୍ତ୍ତମାନ ଚତୁର୍ଥ ପର୍ଯ୍ୟାୟର ଲକଡାଉନ ଘୋଷଣ କରାଯାଇଛି । ଆରମ୍ଭରୁ ଘୋଷଣା ହେଇଥିବ ଏହି ଲକଡାଉନ ଫଳରେ ମୁଖ୍ୟତଃ ଗରିବ ଖଟିଖିଆ ଶ୍ରମିକ ମାନଙ୍କର ଜୀବନ ଜୀବିକା ଅନେକ ମାତ୍ରାରେ ପ୍ରଭାବିତ ହେଇଥିଲା । କର୍ମକ୍ଷେତ୍ର ସବୁ ବନ୍ଦ ରହିଥିବା କରଣରୁ ଜୀବିକା ହରାଇଥିଲେ ଅନେକ ଶ୍ରମଜୀବୀ । ଯଦିଓ ସରକାର ଏହି ଅସମୟରେ ଗରିବ ଓ ଶ୍ରମିକ ମାନଙ୍କର ସହିତ ଛିଡା ହୋଇ ତାଙ୍କର ସବୁ ପ୍ରକାର ସୁବିଧା କରିଛନ୍ତି ତଥାପି କାମ କରିବା ଲୋକ ଯଦି କାମ ନ କରିବ ତେବେ ଅସୁବିଧା ତ ନିଶ୍ଚୟ ହେବ । ଶ୍ରମିକ ମାନଙ୍କର ଏହି ଅବସ୍ଥାକୁ ହୃଦୟଙ୍ଗମ କରି ରାଜ୍ୟ ସରକଙ୍କର ତରଫରୁ ଅନେକ ପଦକ୍ଷେପ ଗ୍ରହଣ କରାଯାଇ ଶ୍ରମିକ ଓ ଗରିବ ଲୋକଙ୍କୁ ଜୀବିକା ପାଇଁ ମାଧ୍ୟମ ଯୋଗାଇ ଦିଆଯାଉଛି ।

ଏହିକ୍ରମରେ ନୂଆପଡା ଜିଲ୍ଲା ଖରିଆରରୋଡ଼ NAC ଅଂଚଳରେ ଆଜି ନୂଆପଡା ବିଧାୟକ ତଥା ଜିଲ୍ଲା ଉନ୍ନୟନ କମିଟିର ଅଧ୍ୟକ୍ଷ ଶ୍ରୀ ରାଜେନ୍ଦ୍ର ଢୋଲକିଆ ନିର୍ମାଣ ଶ୍ରମିକ ଓ ଗରିବ ଶ୍ରେଣୀର ଲୋକଙ୍କୁ ପ୍ରତ୍ୟକ୍ଷ ଭାବରେ ରୋଜଗାର ପ୍ରଦାନ କରିବାର ମହତ ଉଦେଶ୍ୟ ନେଇ NAC ର ବିଭିନ୍ନ ୱାର୍ଡରେ ଉନ୍ନୟନ ମୂଳକ କାର୍ଯର ଶୁଭାରଂଭ କରିବା ସହିତ ଅନେକ କାର୍ଯର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ଏଠାରେ ସୂଚନାଯୋଗ୍ୟ ଯେ ବିଧାୟକ ଶ୍ରୀ ରାଜେନ୍ଦ୍ର ଢୋଲକିଆ ଏହି ଦୁରଦିନରେ ସବୁବେଳେ ନିଜ ଲୋକଙ୍କର ସହିତ ପ୍ରତକ୍ଷ ଭାବରେ ରହି ଆସିଛନ୍ତି ଓ ବିଗତ ଦିନ ମାନଙ୍କରେ ଏହିଭଳି ଅନେକ ନୂତନ କାର୍ଯର ଶୁଭାରମ୍ଭ କରିସାରିଲେଣି ।

ବିଜେପି ପକ୍ଷରୁ ନୂଆପଡ଼ା ଜିଲ୍ଲାପାଳ ଙ୍କୁ ଦାବୀ ପତ୍ର ପ୍ରଦାନ।

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ନୂଆପଡ଼ା) – ଆଜି ଭାରତୀୟ ଜନତା ପାର୍ଟି ନୁଆପଡା ଶାଖା ତରଫରୁ ମାନ୍ୟବର ସାଂସଦ କଳାହାଣ୍ଡି ବସନ୍ତ କୁମାର ପଣ୍ଡା ଙ୍କ ନେତୃତ୍ବରେ ଭାରତୀୟ ଜନତା ପାର୍ଟିର ଏକ ପ୍ରତନିଧି ଦଳ ନିମ୍ନଲିଖିତ ସମସ୍ୟା ଉପରେ ଆଲୋଚନା ପୂର୍ବକ ନିରାକରଣ ପାଇଁ ନୁଆପଡା ଜିଲ୍ଲାପାଳ ମଧୁସ୍ମିତା ସାହୁ ଙ୍କ ସହିତ ଚର୍ଚ୍ଚା ଆଲୋଚନା କରିଥିଲେ କୋଭିଡ୧୯ ପରିପ୍ରେକ୍ଷୀରେ ଭାରତ ବର୍ଷର ବିଭିନ୍ନ ପ୍ରଦେଶରେ ଜିଲ୍ଲାର ପ୍ରାୟ ୬୦୦୦୦ ପଞ୍ଜିକୃତ ଶ୍ରମିକ ନିଜର ନାମ ପଞ୍ଜିକରଣ କରିଥିବା ବେଳେ ଅଦ୍ୟାବଧି ଜିଲ୍ଲାରେ ମାତ୍ର ପ୍ରାୟ ୫୦୦୦ ଶ୍ରମିକ ପହଞ୍ଚି ଛନ୍ତି କେନ୍ଦ୍ର ସରକାର ସମସ୍ତ ଶ୍ରମିକ ଙ୍କୁ ଶ୍ରମିକ ସ୍ପେଶିଆଳ ଟ୍ରେନ ମାଧ୍ୟମରେ ନିଜ ନିଜ ଅଞ୍ଚଳରେ ପହଞ୍ଚାଇବାକୁ ବ୍ୟବସ୍ଥା କରି ଥିବା ବେଳେ ବଞ୍ଚିତ ୫୫ହଜାର ଶ୍ରମିକ ଆସିବା ପାଇଁ ତୁରନ୍ତ ବ୍ୟବସ୍ଥା କରିବା ପାଇଁ ଜିଲ୍ଲାପାଳ ଙ୍କ ମାଧ୍ୟମରେ ରାଜ୍ୟ ସରକାର ଙ୍କୁ ନିବେଦନ କରାଯାଇଥିଲା ଆଗକୁ ଅଳ୍ପ ଦିନ ମଧ୍ୟରେ ଖରିଫ୍ ଚାଷ ଆରମ୍ଭ ହେବ ବସି ରହିଥିବା ବିଭିନ୍ନ କାରଣ କୁ ନେଇ ଯେଉଁ ଯାତ୍ରୀ ମାନେ ବାହାର ରାଜ୍ୟକୁ ଯାଇଥିଲେ ସେମାନେ ମଧ୍ୟ ଏ ଯାବତ୍ ପହଞ୍ଚି ନାହାଁନ୍ତି, ଛାତ୍ର, ଶ୍ରମିକ ଯେଉଁମାନେ ମଧ୍ୟ ଫସିରହିଛନ୍ତି ଏମାନଙ୍କୁ ଫେରାଇ ଆଣିବା ପାଇଁ ପ୍ରତିନିଧି ଦଳ ଜିଲ୍ଲାପାଳଙ୍କୁ ଅନୁରୋଧ କରିବା ସହ ଶ୍ରମିକ ମାନଙ୍କୁ ତୁରନ୍ତ ଫେରାଇ ଆଣିଲେ ଜିଲ୍ଳାରେ ପର୍ଯ୍ୟାପ୍ତ ପରିମାଣରେ ମନରେଗା କାମ ଆରମ୍ଭ କରି ଶ୍ରମିକ ମାନଙ୍କୁ ଶ୍ରମ କାର୍ଯ୍ୟ ରେ ନିୟୋଜନ କରିବା ପାଇଁ ଦାବି ଜଣାଇଥିଲେ ବିଭିନ୍ନ ପତ୍ର ପତ୍ରିକାରେ ଓ ଦୂରଦର୍ଶନ ମାଧ୍ୟମରେ ଫସିରହିଥିବା ଓଡ଼ିଆ ଶ୍ରମିକ, ଛାତ୍ର ମାନଙ୍କ ପ୍ରତି ହେଉଥିବା ଚରମ ଅବହେଳା ଓ ଅକଥନୀୟ ଦୂର୍ଦସଶା ଓ ଆକୁଲନ କରୁଥିବା ଦୃଶ୍ୟ ଦେଖିବାକୁ ମିଳୁଛି ଏଭଳି ପରିସ୍ଥିତି ରେ ଅତିଶିଗ୍ର ପ୍ରଶାସନ ଓ ରାଜ୍ୟ ସରକାର ଫସିରହିଥିବା ଅଡିଆ ପ୍ରବାସୀ ଶ୍ରମିକ ଙ୍କ ନିକଟକୁ ପହଞ୍ଚି ଉଦ୍ଧାର ବ୍ୟବସ୍ଥା ପାଇଁ ଜିଲ୍ଲାପାଳ ମାଧ୍ୟମରେ ରାଜ୍ୟ ସରକାର ଙ୍କୁ ଅନୁରୋଧ ଜଣାଇଥିଲେ ତାର ସାଙ୍ଗରେ ଧାନ ବିକ୍ରୟ ନିମନ୍ତେ ଚଳିତ ରବି ଫସଲ ରେ ୧୭୨ ଜଣ ପଞ୍ଜିକୃତ ଚିଷୀ ପ୍ରଶାସନ ଦ୍ବାରା ଆବଶ୍ୟକୀୟ କାଗଜ ପତ୍ର ଦେଖି ଠିକ ହିସାବରେ କରାଯାଇନଥିବାରୁ ସେମାନଙ୍କ ନିକଟକୁ ଟୋକନ ନ ଆସିବାରୁ ବଞ୍ଚିତ ଅଛନ୍ତି ତୁରନ୍ତ ଏହି ବଞ୍ଚିତ ଚାଷୀ ଙ୍କୁ ଅନୁମତି ପ୍ରଦାନ ସହ ଗତ ଖରିଫ୍ ଫସଲ ବଞ୍ଚିତ ଚାଷୀ ଧାନ ବିକ୍ରି କରିବା ପାଇଁ ପୁନଃ ସୁଯୋଗ ଦେବା ପାଇଁ ଜିଲ୍ଲାପାଳ ଙ୍କ ସହ ଚର୍ଚ୍ଚା କରୁଥିଲେ ଏହି ପ୍ରତିନିଧି ମଣ୍ଡଳୀରେ ଭାରତୀୟ ଜନତା ପାର୍ଟିର ରାଜ୍ୟ ଉପ ସଭାପତି ପ୍ରସନ୍ନ ପାଢ଼ୀ,ଗତ ନିର୍ବାଚନର ବିଧାୟକ ପାର୍ଥି ହୋମସିଂ ମାଝୀ, ରାଜ୍ୟ କାର୍ଯ୍ୟକାରିଣୀ ମନିଜର ଆର୍ଯ୍, ଚତୁର୍ଭୁଜ ଶର୍ମା, ଜିଲ୍ଲା ସଭାପତି ସୁବ୍ରତ ଠାକୁର, ଜିଲ୍ଲା ସାଧାରଣ ସଂପାଦକ ଗଳ୍ଡୀ ଅଗ୍ରୱାଲ,ସୁସାନ୍ତ ପତୀ, ଜିଲ୍ଲା ସମ୍ପାଦକ କାମ୍ଲେସ ଦିକ୍ଷୀତ, ଜିଲ୍ଲା ସ ଯୁବ ମୋର୍ଚ୍ଚା ସାଧାରଣ ସଂପାଦକ ତୁଲସ ପଟେଲ, କୋଷାଧ୍ୟକ୍ଷ ଅଭିନନ୍ଦନ ପଣ୍ଡା,ମୋହିଳା ଅଭିନେତ୍ରୀ ସବିତା ଜେନା, ସାବିତ୍ରୀ ସାହୁ, ମୁରଲୀଧର ସୁନା,ମୁନା ମହାପାତ୍ର,ଭଗତସିଂ,ପୂସ୍ତମ ମୁଶ୍ରା, ମୁଲଚନ ସୁନାନୀ, ସଙ୍କର ଅହିର ପ୍ରମୁଖ ସାମିଲ ହୋଇଥିଲେ

“ଆଉ ମିଳିବନି ଲୁଣ” ଗୁଜବ;ଆଶଙ୍କା ଭିତରେ ନୂଆପଡା ଜିଲ୍ଲାବାସୀ।

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ନୂଆପଡା) – ଆଉ କିଛି ଦିନ ପାଇଁ ଲୁଣ ମିଳିବ ନାହିଁ । ଏପରି ଏକ ଗୁଜବ ଆଜି ସକାଳୁ ନୂଆପଡା ତଥା ଆଖପାଖ ଅଞ୍ଚଳରେ ପ୍ରକାଶିତ ହେବା ପରେ ଲୋକଙ୍କ ମଧ୍ୟରେ ଲୁଣ ଅଭାବର କୋକୁଆ ଭୟ ଦେଖିବାକୁ ମିଳିଥିଲା । ଲୋକେ ତେଜରାତି ଦୋକାନ ମାନଙ୍କ ସାମନାରେ ଭିଡ ଜମାଇଥିଲେ ।
ଆମେ ସମସ୍ତେ ଜାଣୁ ଯେ ଖାଦ୍ୟ ଯେତେ ସୁନ୍ଦର ରନ୍ଧା ହୋଇଥିଲେ ମଧ୍ୟ ଯଦି ସେଥିରେ ଲୁଣ ନ ପଡେ ତାହା ସୁସ୍ୱାଦୁ ହୋଇ ନ ଥାଏ । ତେଣୁ ଲୁଣର ଚାହିଦା ଘରେଘରେ ଅଧିକ ହୋଇଥାଏ । କରୋନା ମହାମାରୀ ପାଇଁ ସରକାରଙ୍କ ଦ୍ୱାରା କରାଯାଇଥିବା ତାଲାବନ୍ଦ ଆଜି ତୃତୀୟ ପ୍ରର୍ଯ୍ୟାୟରେ ପହଞ୍ଚିଛି । ଅନାବଶ୍ୟକ ବାହାରକୁ ବାହାରିବା ପାଇଁ ସମସ୍ତଙ୍କୁ ବାରଣ କରାଯାଇଛି । ଲୋକେ ତାଲାବନ୍ଦକୁ ମାନି ଘରେଘରେ ରହିଛନ୍ତି । ତୃତୀୟ ପ୍ରର୍ଯ୍ୟାୟ ତାଲାବନ୍ଦ ପରେ ମଧ୍ୟ ନୂଆପଡା ଜିଲ୍ଲା ନିଜକୁ କରୋନା ପଜିଟିଭ ଶୂନ୍ୟ ତାଲିକାରେ ରଖିବାରେ ସକ୍ଷମ ହୋଇପାରିଛି । କିନ୍ତୁ ଆଜି ସକାଳେ ଲୁଣ ଆଉ ମିଳିବ ନାହିଁ ଭଳି ଗୁଜବରେ ଜିଲ୍ଲାବାସୀ ଭୟଭିତ ହୋଇ ପଡିଥିଲେ । ନୂଆପଡା ଜିଲ୍ଲା ର ସମସ୍ତ ଦୋକାନୀ ବିଭିନ୍ନ ପ୍ରକାର ଜିନିଷ ଆମଦାନି ପାଇଁ ପଡୋଶି ଛତିସଗଡ ରାଜ୍ୟ ରାଜଧାନୀ ରାୟପୁର ଉପରେ ନିର୍ଭର କରିଥାନ୍ତି । ଗୁଜବରେ ରାୟପୁର ରେ ମଧ୍ୟ ଲୁଣ ଗଛିତ ନାହିଁ ଓ ଆଗାମୀ ସମୟରେ ଲୁଣ ମିଳିବା କଷ୍ଟକର ହେବ ଏବଂ ଲୁଣ ଦର ବର୍ତ୍ତମାନ ଅପେକ୍ଷା ବହୁତ ବଢିଜିବ ପ୍ରକାଶିତ ହୋଇଥିଲା । ଭୟଭିତ ଲୋକେ ଖରିଆର ରୋଡ, ନୂଆପଡା, କୋମନା, ଉଦ୍ୟାନବନ୍ଧ, ଆଦି ସହର ମାନଙ୍କରେ ଥିବା ତେଜରାତି ଦୋକାନ ମାନଙ୍କ ସାମନାରେ ପ୍ରବଳ ଭିଡ ଲଗାଇ ଜଣପିଛା ୫ ରୁ ୬ ପ୍ୟାକେଟ ଲେଖାଏଁ ପ୍ୟାକେଟ ପିଛା ୪୦ରୁ୫୦ଟଙ୍କା ଦେଇ ଚଢା ଦରରେ ଲୁଣ କିଣିବାର ଦେଖାଯାଇଥିଲା । ଲୁଣ କିଣିବା ଜୋସରେ ନା ଲୋକଙ୍କ ମୁହଁରେ ଥିଲା ମାସ୍କ ନା ସାମାଜିକ ଦୂରତାର ସଚେତନତା । ସତେ ଯେମିତି କରୋନା ମହାମାରୀର ଭୟ ଲୁଣ କିଣିବାର ଆବଶ୍ୟକତା ଆଗରେ ହାର ମାନିଯାଇଥିଲା । ସହରାଞ୍ଚଳରୁ ନେଇ ଗ୍ରାମାଞ୍ଚଳ ପର୍ଯ୍ୟନ୍ତ ଲୁଣ ଅଭାବର ଭୟ ଦେଖାଦେଇଛି । ଭବିଷ୍ୟତରେ ଲୁଣ ନ ମିଳିବାର ଗୁଜବ କେତେଦୂର ସତ ତାହା ବୁଦ୍ଧିଜିବୀଙ୍କ ମହଲରେ ଏକ ପ୍ରଶ୍ନବାଚୀ ସୃଷ୍ଟି କରିଛି । ଏଭଳି ଗୁଜବ ସୃଷ୍ଟିକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଦାବି ହେଉଛି |

ନୂଆପଡା ପୋଲିସ ଧଇଲା ୪ ଆନ୍ତଃରାଜ୍ୟ ଲୁଟେରା ।

!!!ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ!!! 

ଏଥର ସମ୍ଭାଳ (ନୂଆପଡ଼ା) – ନୂଆପଡ଼ା ଜିଲ୍ଲା ପୁଲିସକୁ ଏକ ବଡ ସଫଳତା ମିଳିଛି । ଆଜି ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗକୁ ପୁଲିସ ଧରିବାରେ ସକ୍ଷମ ହୋଇଛି । ତାଙ୍କ ଠାରୁ ୧.୩ ଲକ୍ଷ ନଗଦ, ୫ ତୋଲା(୬୦ ଗ୍ରାମ) ସୁନା, ୧.୮ କେଜି ରୁପା, ୨୩ଟି ମୋବାଇଲ ଫୋନ, ଏକ ନମ୍ବର ବିହିନ ନୁଆ ମୋଟର ସାଇକେଲ, ୬ଟି ଡିକି ଖୋଲିବା ମାଷ୍ଟର ଚାବି, ୫ଟି ମାରଣାସ୍ତ୍ର ଜବତ କରିଥିଲେ । ଲୁଟେରା ମାନେ ହେଲେ ଗଂଜମା ଜିଲ୍ଲା ଆସ୍କା ଥାନା ଧୁନକୁନି ଗାଁର କରନ ଦାସ(୧୯), ଛତିଶଗଡ଼ ରାଜ୍ୟ ମହାସମୁନ୍ଦ ଜିଲ୍ଲା ଖଲ୍ଲାରୀ ଥାନା ବିକେବାହାରା ଗାଁର କରନ ନେତାମ(୨୨) ଓ କାର୍ତ୍ତିକ(୨୦), ଭିମଖୋଜ ଥାନା ସଦର ଗାଁର ସଚିନ ଧ୍ରୁ(୧୮) । ଆଜି ସମସ୍ତ ଲୁଟେରାଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସ୍ଥାନୀୟ ଜିଲ୍ଲା ପୁଲିସ କାର୍ଯ୍ୟାଳୟରେ ଆହୁତ ସମ୍ମାଦିକ ସମ୍ମିଳନୀରେ ଏସପି ବିନିତ ଅଗ୍ରୱାଲ ସୂଚନା ଦେଇଛନ୍ତି ।

ଗତ ଜାନୁୟାରୀ ୧୮ ତାରିଖରେ ସ୍ଥାନୀୟ ପଞ୍ଜାବ ନ୍ୟାସନାଲ ବ୍ୟାଙ୍କରେ ବେଲଟୁକୁରୀ ଥାନା ବୋଥା ଗାଁର ଚାଷୀ ପରସରାମ ରଣା ଧାନ ବିକ୍ରି ଟଙ୍କା ଉଠାଣ ପାଇଁ ବ୍ୟାଙ୍କକୁ ଆସିଥିଲେ । ଅପରାହ୍ନରେ ବ୍ୟାଙ୍କରୁ ୪୯ ହଜାର ଟଙ୍କା ଉଠାଣ କରି ନିଜ ବାଇକ ଡ଼ିକିରେ ଭତ୍ତି କରି ଲକ କରିଥିଲେ । ତାଙ୍କର ଜଣେ ସମ୍ପର୍କୀୟ ଚା ପିଇବାକୁ ଡ଼ାକିବାରୁ ବ୍ୟାଙ୍କ ସମ୍ମୁଖ ଚା ଦୋକାନକୁ ଯାଇଥିଲେ । ଚା ପିଇ ସାରି ବାଇକ ନିକଟକୁ ଆସିବା ସମୟରେ କେହି ଜଣେ ଲୁଟେରା ଡ଼ିକି ଭାଙ୍ଗି ୪୯ ହଜାର ଟଙ୍କା ଲୁଟ ନେଇଥିଲା । ଅପରାହ୍ନରେ ପରସରାମ ସଦର ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ସଦର ଥାନାରେ କେଶ ନଂ ୧୨/୨୦୨୦ରେ ମାମଲା ରୁଜୁ କରିଥିଲେ । ଏସପି ବିନିତ ଅଗ୍ରୱାଲଙ୍କ ପ୍ରତ୍ୟକ୍ଷ ତତ୍ୱାବଧାନରେ ସଦର ଆଇଆଇସି ଆଦିତ୍ୟ ମହାକୁଡଙ୍କ ନେତୃତ୍ୱରେ ଏକ ସ୍ୱତନ୍ତ୍ର ପୁଲିସ ଟିମ ଗଠନ ହୋଇଥିଲା । ଏହି ପୁଲିସ ଟିମ ତଦନ୍ତ କରି ଲୁଟେରା ଗ୍ୟାଙ୍ଗର ଜଣେ ଲୁଟେରାଙ୍କୁ ସଦର ପୁଲିସ ସହର ଭିତରେ କାବୁ କରିବାରେ ସକ୍ଷମ ହୋଇଥିଲେ । ତାଙ୍କୁ ଗିରଫ କରି ପୁଲସି ତଦନ୍ତ ଆରମ୍ଭ କରିଥିଲା । ଗଂଜମା ଜିଲ୍ଲା ଆସ୍କା ଥାନା ଧୁନକୁନି ଗାଁର କରନ, ଛତିଶଗଡ଼ ରାଜ୍ୟ ମହାସମୁନ୍ଦ ଜିଲ୍ଲା ଖଲ୍ଲାରୀ ଥାନା ବିକେବାହାରା ଗାଁର କରନ ନେତାମ ଓ କାର୍ତ୍ତିକ, ଭିମଖୋଜ ଥାନା ସଦର ଗାଁର ସଚିନ ଧ୍ରୁଙ୍କୁ ପୁଲିସ ଗିରଫ କରିଥିଲା । ତାଙ୍କ ଠାରୁ ୧.୩ ଲକ୍ଷ ନଗଦ, ୫ ତୋଲା(୬୦ ଗ୍ରାମ) ସୁନା, ୧.୮ କେଜି ରୁପା, ୨୩ଟି ମୋବାଇଲ ଫୋନ, ଏକ ନମ୍ବର ବିହିନ ନୁଆଁ ମୋଟର ସାଇକେଲ, ୬ଟି ଡିକି ଖୋଳିବା ମାଷ୍ଟର ଚାବି, ୫ଟି ମାରଣାସ୍ତ୍ର ଜବତ କରିଥିଲେ । ସେମାନେ ନୂଆପଡ଼ା ଜିଲ୍ଲା ସମେତ ବରଗଡ ଓ ବଲାଙ୍ଗୀର ଜିଲ୍ଲାର ବିଭିନ୍ନ ଲୁଟ କରି ଆସୁଥିଲେ । ତାଙ୍କ ନାଁରେ ଖଡ଼ିଆଳ, ଜୋଙ୍କ, ସିନାପାଲି, କୋମନା, ବରଗଡ଼ ଜିଲ୍ଲାର ପାଇକମାଲ, ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନାରେ ଅଭିଯୋଗ ହୋଇଥିଲା । ଏବେ ଏହି ସବୁ ମାମଲାର ତଦନ୍ତ ଜାରି ରହିଛି । ଅଅଜି ସମସ୍ତଙ୍କୁ କୋର୍ଟ ଚାଳାଣ କରାଯିବ ବୋଲି ଆହୁତ ସମ୍ବାଦିକ ସମ୍ମିଳନୀରେ ଏସପି ଶ୍ରୀ ଅଗ୍ରୱାଲ ସୂଚନା ଦେଇଥିଲେ । ଏଠାରେ ଏଏସପି ସୁନିଲ ଆଚାର୍ଯ୍ୟ, ନୂଆପଡ଼ା ଏସଡିପିଓ ପ୍ରସନ୍ନ ପଟ୍ଟନାୟକ, ଖଡ଼ିଆଳ ଏସଡିପିଓ ବିରଂଚି ନାରାୟଣ ଦେହୁରୀ, ସଦର ଆଇଆଇସି ଆଦିତ୍ୟ କୁମାର ମହାକୁଡ ଉପସ୍ଥିତ ଥିଲେ ।

ଖରିଆର ବିଜେଡି ପକ୍ଷରୁ ବିଶ୍ୱ ମହିଳା ଦିବସ ପାଳିତ।

!!! ନୁଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ !!! 

ଏଥର ସମ୍ଭାଳ (ସିନାପାଲି) – ନୂଆପଡା ଜିଲ୍ଲା ଖରିଆର ବିଧାନସଭା ନିର୍ବାଚନ ମଣ୍ଡଳୀ ତରଫରୁ ରବିବାର ସିନାପାଲି ଥରେ ବିଜୁ ପଟ୍ଟନାୟକ ଙ୍କ 104ତମ ଜନ୍ମ ଜୟନ୍ତୀ ତଥା ବିଶ୍ୱ ମହିଳା ଦିବସ ପାଳିତ ହୋଇଯାଇଛି | ରବିବାର ପୂର୍ବାହ୍ନ 11ଘଣ୍ଟା ସମୟ ରେ ଶତାଧିକ ମହିଳା ଓ ବିଜେଡି କର୍ମକର୍ତା ସିନାପାଲି ସ୍ଥିତ ପଂଚାୟତ ସମିତି ବିଶ୍ରାମ ଗୃହ ଠାରେ ଏକତ୍ରିତ ହୋଇଥିଲେ !ବୀର ବାଦ୍ୟ ତଥା ଘୁମୁରା ଓ ଡିଜେ ବାଜା ର ତାଲେ ତାଳେ ଉଭୟ ମହିଳା ଓ କର୍ମୀ ମାନେ ସିନାପାଲି ସହର ପରିକ୍ରମା କରିଥିଲେ !ଶେଷ ରେ ସିନାପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନିକଟରେ ସ୍ଥିତ ଏକ ଆମ୍ବ ବଗିଚା ଠାରେ ପହଂଚିଥିଲେ | ଏହି ସଭାରେ ଜିଲ୍ଲା ସଭାପତି ମନୋଜ ମିଶ୍ର ସଭାପତିତ୍ୱ କରିଥିଲେ | ପଶ୍ଚିମଓଡିଶା ବିକାଶ ପରିଷଦ ସଦସ୍ୟ ଲମ୍ବୋଦର ନିଆଳ, ମହିଳା ସମାବେଶର ପର୍ଯ୍ୟବେକ୍ଷକ ସୋଭାଗ୍ୟ ନାଏକ, ଜିଲ୍ଲା ପରିଷଦ ଅଧକ୍ଷା ନମିତା ପ୍ରଧାନ, ରାଜ୍ୟ ପରିଷଦ ସଦସ୍ୟା ପୁଷ୍ପାଞ୍ଜଳି ପାଣ୍ଡେ ପ୍ରମୁଖ ଉପସ୍ଥିତ ଥିଲେ |

ସିନାପାଲି ଠାରେ ଦଶମ ଶ୍ରେଣୀ ଆଦିବାସୀ ଛାତ୍ରୀ ଗର୍ଭବତୀ ହୋଇଥିବା ଅଭିଯୋଗ : ହାଇସ୍କୁଲ ସମ୍ମୁଖରେ ଗୌଡ଼ ସମାଜର ଧାରଣା ।

!!! ନୂଆପଡା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ(ସିନାପାଲି)-ନୂଆପଡା ଜିଲ୍ଲା ସିନାପାଲି ବ୍ଲକ ଅନୁସୂଚିତ ଜାତି ଓ ଜନ ଜାତି ଉନ୍ନୟନ ବିଭାଗ ତରଫରୁ ପରିଚାଳିତ ଏକ ହଷ୍ଟେଲ ର ଜଣେ ଦଶମ ଶ୍ରେଣୀ ଆଦିବାସୀ ଛାତ୍ରୀ ଗର୍ଭବତୀ ହୋଇଥିବା ଅଭିଯୋଗ ହୋଇଥିଲା ! ଘଟଣାକୁ ସିନାପାଲି ବ୍ଲକ ଗୌଡ଼ ସମାଜ ତରଫ ରୁ ସାନ୍ଧ୍ୟା ମାଝୀ ସରଜାମିନ ତଦନ୍ତ କରିଥିଲେ !ହେଲେ ଘାଟଣ କୁ 15 ଦିନ ବିତିଯାଇଥିଲେ ମଧ୍ୟ ପ୍ରକୁତ ଦୋଷୀ କୁ ଖୋଜି ବାହାରକରି କାର୍ଯାନୁଷ୍ଠାନ ନେବା ବଦଳରେ ନିଜ ଦୋଷ ଦୁର୍ବଳତା କୁ ଲୁଚାଇବାକୁ ଯାଇ ସ୍କୁଲ କର୍ତ୍ତୃପକ୍ଷ ଏବଂ ପ୍ରଶାସନ ଛାତ୍ରୀଙ୍କ ଗାଁ ଜଣେ ଯୁବକ ଙ୍କ ନିନ୍ଦା କରାଯିବା ସହ ହାଇସ୍କୁଲ ସମ୍ମୁଖରେ 10 ଦଫା ଦାବି ନେଇ ଧାରଣା ଦିଆଯାଇଛି !ଏହି ଘଟଣା ରେ ଉଚ୍ଚସ୍ତରୀୟ ନିରପେକ୍ଷ ତଦନ୍ତ, ଦୋଷୀ ବିରୋଧରେ ଆଇନ ଗତ କାର୍ଯ୍ୟନୁଷ୍ଠାନ ଓ ପୀଡିତ ପରିବାର କୁ ସରକାରୀ ସହାୟତା ଯୋଗାଇ ଦେବାକୁ ରାଜ୍ୟ ସରକାର ଓ ଜିଲ୍ଲା ପ୍ରଶାସନ ନିକଟ ରେ ସମାନ ଦାବି କରିଛି ! ସିନାପାଲି ବ୍ଲକ ର ଉକ୍ତ ହଷ୍ଟେଲ ରେ ଛାତ୍ରୀ 7 ମାସ ର ଗର୍ଭବତୀ ଅଭିଯୋଗ ହେବା ପରେ ଜାନୁଆରୀ 29 ତାରିଖ ରେ ଜିଲ୍ଲା ମଙ୍ଗଳ ଅଧିକାରୀ ମୁଣ୍ଡ ରେ ଦୋଷ ଲଦିବାକୁ ଚେଷ୍ଟା କରୁଥିବା ଅଭିଯୋଗ ଆଣି ଗୌଡ଼ ସମାଜ ପକ୍ଷ ରୁ ସ୍କୁଲ ସମ୍ମୁଖରେ ରେ ଧାରଣା ଦିଆ ଯାଇଛି !ସେମାନଙ୍କ ଅଭିଯୋଗ ହେଲା ଆଦିବାସୀ ଛାତ୍ରୀ ଜଣକ ସ୍କୁଲ ହଷ୍ଟେଲ ରେ ରହି ଅଧ୍ୟୟନ କରୁଥିବା ସମୟ ରେ ଗର୍ଭବତୀ ହୋଇଛନ୍ତି !ହେଲେ 6 ମାସ ବିତି ଯାଇଥିଲେ ଛାତ୍ରୀ ନିବାସ ର ୱାଦେନ,ପ୍ରଧାନ ଶିକ୍ଷକ, ମହିଳା ସ୍ୱାସ୍ଥ୍ୟ ସେବିକା କେମିତି ଜାଣିପାରିନଥିଲେ ସେ ନେଇ ପ୍ରଶ୍ନ କରିଛନ୍ତି !ଗାଁ ରେ ଜଣେ ଯୁବକଙ୍କ ସହ ତାଙ୍କର ସମ୍ପର୍କ ରହିଥିବା ଛାତ୍ରୀ ଜଣକ ଅଭିଯୋଗ କରି ଛନ୍ତି ! ହେଲେ ଉକ୍ତ ଯୁବକ ଜଣକ ଛାତ୍ରୀଙ୍କ ସହ କୌଣସି ସମ୍ପର୍କ ରହି ନ ଥିବା କହିଛନ୍ତି !ଏବେ ପୋଲିସ ଓ ଜିଲ୍ଲା ମଙ୍ଗଳ ଅଧିକାରୀ ଯୁବକଙ୍କୁ ବଳ ପୂର୍ବକ ଦୋଷୀ ସାବ୍ୟସ୍ତ କରିବାକୁ ଚେଷ୍ଟା କରିଛନ୍ତି ! ଏହି ଘଟଣାରୁ ସ୍କୁଲ ର ୱାର୍ଡନ, ପ୍ରଧାନ ଶିକ୍ଷକ, ଛାତ୍ରୀ ନିବାସ ସୁରକ୍ଷା ଦାଇତ୍ୱରେ ଥିବା କର୍ମଚାରୀଙ୍କ ଜେରା କରି ଘଟଣାରେ ପ୍ରକୁତ ତଥ୍ୟ ବାହାର କରିବା ବଦଲରେ ଘଣ୍ଟ ଗୋଡ଼ାଇ ବାକୁ ଉଦ୍ୟମ କରୁଛନ୍ତି !ଅନ୍ୟ ପକ୍ଷେ ସ୍କୁଲ ଓ ହଷ୍ଟେଲ କତୃପକ୍ଷ ନିଜ ଦୋଷ ଲୁଚାଇ ବାକୁ ଉକ୍ତ ଯୁବକଙ୍କୁ ପୀଡିତା ଛାତ୍ରୀଙ୍କୁ ବିବାହ କରିବାକୁ ପ୍ରଲୋଭନ ଦେଖାଉଛନ୍ତି ! ପୀଡିତା ଛାତ୍ରୀ ଙ୍କୁ ବିବାହ କଲେ ଉକ୍ତ ଯୁବକଙ୍କୁ ମୋଟର ସାଇକଲ, ସୁନା, ରୂପା ଅଳଙ୍କାର ଆଦି ବହୁତ ଜିନିଷ ଯୌତୁକ ଆକାର ରେ ଯୋଗାଇ ଦେବୁବୋଲି ପ୍ରଲୋଭନ ଦେଖାଉଛନ୍ତି ! ଏହାର ପ୍ରତିବାଦ ରେ ଗୌଡ଼ ସମାଜ ତରଫରୁ ସମ୍ପୃକ୍ତ ହାଇ ସ୍କୁଲ ସମ୍ମୁଖରେ ଅନିଧିଷ୍ଟ କାଳ ପାଇଁ ଧାରଣା ଦିଆ ଯାଇଛି !
ଆଜି ପୂର୍ବାହ୍ନ ରେ ସମାଜର କର୍ମକର୍ତାମାନେ ହାଇସ୍କୁଲ ରେ ପହଂଚି 10 ଦଫା ଦାବି ଉପସ୍ଥାପନା କରିଛନ୍ତି !ଏହି ଘଟଣା ର ଉଚ୍ଚସ୍ତରୀୟ ନିରପେକ୍ଷ ତଦନ୍ତ କରି ପ୍ରକୁତଙ୍କ ବିରୋଧ ରେ ଦୃଢ଼ କାର୍ଯ୍ୟନୁଷ୍ଟାନ ଗ୍ରହଣ କରାଯାଉ ! ସ୍କୁଲ ର ସମ୍ପୃକ୍ତ କର୍ମକର୍ତାଙ୍କୁ ଚାକିରୀ ରୁ ବହିଷ୍କାର କରାଯାଉ !ପୀଡିତ ଛାତ୍ରୀ ଙ୍କ 10 ଲକ୍ଷ ର ସରକାରୀ ସହାୟତା ପ୍ରଦାନ, ଜିଲ୍ଲା ରେ ସମସ୍ତ ଛାତ୍ରୀ ନିବାସ ରେ ମହିଲା ସୁରକ୍ଷା କର୍ମୀ ନିୟୋଜିତ କରି ସୁରକ୍ଷା ଯୋଗାଇ ଦେବା ପ୍ରତେକ ବ୍ଲକରେ ଆଦିବାସୀ ସମ୍ପ୍ରଦାୟ ର ବ୍ୟକ୍ତି ବିଶେଷ ଙ୍କୁ ନେଇ 10 ଜଣିଆ ଟିମ ଗଠନ କରି ଆଶ୍ରମର ତଦାରଖ କରିବା, ଜିଲ୍ଲା ରେ ସମସ୍ତ ଛାତ୍ରୀ ନିବାସର ପାଚେରୀ କୁ ଉଚ୍ଚ କରିବା ସହ କଣ୍ଟା ତାର ବାଡ଼ ଓ ସିସି କେମେରା ଦ୍ୱାର ହଷ୍ଟେଲ ପରିସରକୁ ସ୍ଵଚ୍ଚ କରାଯିବା, ସମସ୍ତ ଆଦିବାସୀ ବିଦ୍ୟାଳୟ ରେ ଆଦିବାସୀ ସମ୍ପ୍ରଦାୟ ଅଭିବାବକ ଙ୍କୁ ସଭାପତି ଚୟନ କରାଯାଉ, ବିନା ଅଭିଭାବକ ର ହାଇସ୍କୁଲ ର କମିଟି କୁ ରଦ୍ଦ କରି ନୂତନ କମିଟି ଗଠନ କରାଯାଉ ବୋଲି ଦାବି ଉପସ୍ଥାପିତ କରିଛନ୍ତି ।

ପଶ୍ଚିମ ପଡ଼ିଶାରେ ସ୍ଥାୟୀ ହାଇକୋର୍ଟ ବେଞ୍ଚ ସ୍ଥାପନ ଦାବୀ: ୭ ଘଣ୍ଟିଆ ନୂଆପଡ଼ା ଜିଲ୍ଲା ବନ୍ଦ…!

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ !!! 

ଏଥର ସମ୍ଭାଳ (ନୂଆପଡ଼ା) – ପଶ୍ଚିମ ଓଡ଼ିଶାରେ ସ୍ଥାୟୀ ବେଞ୍ଚ ସ୍ଥାପନ ଦାବୀ ତେଜିବାରେ ଲାଗିଛି । ରାଜ୍ୟ ଓକିଲ ସଂଘ ସଦସ୍ୟ ଆକ୍ରୋସ ମୁଳକ ପଶ୍ଚିମ ଓଡିଶାର ଆନେ୍ଦାଳନରତ ଓକିଲ ମାନଙ୍କ ଲାଇସେନ୍ସ ରଦ୍ଧ କରିବାକୁ ସର୍ବ ଭାରତୀୟ ଓକିଲ ସଂଘକୁ ଲିଖିତ ଜଣାଇଛନ୍ତି । ଏହାକୁ ବିରୋଧ କରି ନୂଆପଡ଼ା ସିଭିଲ ବାର ଏସୋସିଏସନ ନେତୃତ୍ୱରେ ନୂଆପଡ଼ାରେ ୭ ଘଣ୍ଟିଆ ବନ୍ଦ ପାଳନ ହୋଇଥିଲା । ସକାଳ ୬ଟାରୁ ମଧ୍ୟାହ୍ନ ୧ଟା ପର୍ଯ୍ୟନ୍ତ ଜାନ ବାହାନ ଚଳାଚଳ ବନ୍ଦ ରହିବା ସହ ସରକାରୀ ଓ ବେସରକାରୀ ଅଫିସ ସମ୍ପୁର୍ଣ୍ଣ ବନ୍ଦ ରହିଥିଲା ।

ସକାଳ ୬ଟାରେ ସିଭିଲ ବାର ଏସୋସିଏସନ ସଭାପତି ଘାସିରାମ ମାଝିଙ୍କ ନେତୃତ୍ୱରେ ସିଭିଲ ବାର ଏସୋସିଏସନ, ସଦସ୍ୟ ମାନେ ସ୍ଥାନୀୟ ଏକତା ଛକ ନିକଟରେ ଏକତ୍ରିତ ହୋଇଥିଲେ । ଜାତୀୟ ରାଜପଥ ୩୫୩କୁ ଓକିଲ ମାନେ ଅବରୋଧ କରିଥିଲେ । ପରେ ସହରର ଦୋକାନ ବଜାର ବନ୍ଦ କରି ଆନ୍ଦୋଳନକୁ ସମର୍ଥନ କରିବାକୁ ବ୍ୟବସାୟୀ ମାନଙ୍କୁ ଅନୁରୋଧ କରିଥିଲେ । ପୂର୍ବାହ୍ନ ୧୦ଟାରେ ପ୍ୟାକେଟିଂ କରି ସରକାରୀ ଓ ବେସକାରୀ ଅଫିସକୁ ବନ୍ଦ କରିଥିଲେ । ପଶ୍ଚିମ ଓଡିଶାର ୧୦ଟି ଜିଲ୍ଲାରେ ୨୭ଟି ଓକିଲ ସଂଘ ରହିଛି । ଦିର୍ଘ ବର୍ଷ ହେଲା ପଶ୍ଚିମ ଓଡିଶାରେ ସ୍ଥାୟୀ ବ୍ୟାଞ୍ଚ ସ୍ଥାପନ କରିବାକୁ ଓକିଲମାନେ ଆନେ୍ଦାଳନ କରି ଆସୁଛନ୍ତି । ଜନସଂଖ୍ୟା ଓ ଫୌଜଦାରୀ ମକଦ୍ଦମା କୁ ଦୃଷ୍ଟିରେ ରଖି ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବ୍ୟାଞ୍ଚ ପ୍ରତିଷ୍ଠା ନିତାନ୍ତ ଆବଶ୍ୟକତା ରହିଛି । ଏହି ଓକିଲ ମାନଙ୍କଆନ୍ଦୋଳନ ପୂର୍ବ ଓଡିଶାର ଓକିଲ ସଂଘର କର୍ମକର୍ତ୍ତା ମାନେ ଆକ୍ରୋସ ମନୋଭାବ ରଖି ଭଣ୍ଡୁର କରିବାକୁ ଉଦ୍ୟାମକୁ କରୁଛନ୍ତି । ପଶ୍ଚିମ ଓଡିଶାର ଓକିଲ ସଂଘର ସଦସ୍ୟ ମାନଙ୍କ ସର୍ବଦା ଆନେ୍ଦାଳନରତ ରହୁଛନ୍ତି । ଏଣୁ ପଶ୍ଚିମ ଓଡିଶାର ଓକିଲମାନଙ୍କ ଲାଇସେନ୍ସ ରଦ୍ଦ କରିବାକୁ ଓଡ଼ିଶା ବାର କାଉନସିଲ କର୍ମକର୍ତ୍ତା ମାନେ ସର୍ବ ଭାରତୀୟ ଓକିଲ ସଂଘ ନିକଟରେ ଦାବୀ କରିଛନ୍ତି । ଏହାକୁ ନୂଆପଡ଼ା ଜିଲ୍ଲା ସିଭିଲ ବାର ଏସୋସିଏସନ ତିବ୍ର ବିରୋଧ କରୁଛି । ଏହାର ପ୍ରତିବାଦରେ ନୂଆପଡ଼ା ଜିଲ୍ଲାକୁ ବନ୍ଦ ପାଳନ କରିଥିବା ସିଭିଲ ବାର ଏସୋସିଏସନ ସଭାପତି ଶ୍ରୀ ମାଝୀ ସୂଚନା ଦେଇଥିଲେ । ପଶ୍ଚିମ ଓଡିଶାର ଓକିଲ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କଲେ ଆନେ୍ଦାଳନ ତିବ୍ରତର ହେବ ବୋଲି ସିଭିଲ ବାର ଏସୋସିଏସନ ସାଧାରଣ ସମ୍ପାଦକ ବିଶ୍ୱମଣୀ ପାଣିଗ୍ରାହୀ, ଉପ ସଭାପତି ଶୁସାନ୍ତ ପତି, ଆଇନଜିବୀ ଦେବଦତ୍ତ ଦିକ୍ଷୀତ ଚେତାବନୀ ଦେଇଛନ୍ତି । ବାର ଏସୋସିଏସନ ସ୍ୱେତରାମ ଦେବାଙ୍ଗନ, ଅମିତାଭ ବୋଷ, ଶ୍ରୀବତ୍ସ ମଲ୍ଲିକ, ଦୁଲୁ ପାଣିଗ୍ରାହୀ, ଲେଖରମ ସାହୁ , କଂଗ୍ରେସ ଜିଲ୍ଲା ସେବା ଦଳ ସଭାପତି ଜଗଦୀଶ ସାହୁ, ଖରିଆରରୋଡ଼ ନଗର କଂଗ୍ରେସ ସଭାପତି ଜୁନେଦ ମହମ୍ମଦ ପ୍ରମୁଖଙ୍କ ସମେତ ସିଭିଲ ବାର ଏସୋସିଏସନ, ଓ ଜିଲ୍ଲା କଂଗ୍ରେସ କମିଟି ସଦସ୍ୟମାନେ ଆନେ୍ଦାଳନରେ ସାମିଲ ହୋଇଥିଲେ । ସକାଳ ୬ଟାରୁ ମଧ୍ୟାହ୍ନ ୧ଟା ପର୍ଯ୍ୟନ୍ତ ଜାତୀୟ ରାଜପଥରେ ଜାତାୟତ ସମ୍ପୁର୍ଣ୍ଣ ଠପ୍ ହୋଇ ପଡିଥିଲା । ଯାତ୍ରୀମାନେ ନାହିଁ ନଥିବାର ଅସୁବିଧାର ସମ୍ମୁଖିନ ହୋଇଥିଲେ । ସମସ୍ତ ସରକାରୀ ଓ ବେସରକାରୀ କାର୍ଯ୍ୟଳୟ ବନ୍ଦ ରହିଥିବା ବେଳେ ଦୋକାନ ବଜାର ବନ୍ଦରେ ଆଂଶିକ ପ୍ରଭାବ ଦେଖା ଦେଇଥିଲା । ସହର ଭିତରେ କିଛି ଦୋକାନ ବଜାର ଖୋଳା ରହିଥିବା ଦେଖିବାକୁ ମିଳିଥିଲା । ସେହିପରି କୋମନା, ଉଦ୍ୟାନବନ୍ଧରେ ବନ୍ଦର ଆଂଶିକ ପ୍ରଭାବ ଦେଖିବାକୁ ମିଳିଥିଲା ।

ନୁଆଁଗୁଡ଼ା ଗାଁକୁ ମିଳିଲା ପ୍ରଥମ ଗୋଷ୍ଠୀ ଜଙ୍ଗଲ ସମ୍ବଳ ଅଧିକାର ; ଆଦିବାସୀଙ୍କ ଆନ୍ଦୋଳନ ଆଗରେ ମୁଣ୍ଡ ନୁଆଁଇଲା ପ୍ରଶାସନ…!

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ !!! 

ଏଥର ସମ୍ଭାଳ (ନୂଆପଡ଼ା) – ଆଦିବାସୀଙ୍କ ଆନ୍ଦୋଳନ ଆଗରେ ଜିଲ୍ଲା ପ୍ରଶାସନ ମୁଣ୍ଡ ନୁଆଁଇଛି । କେନ୍ଦ୍ର ସରକାରଙ୍କ ଜଙ୍ଗଲ ଅଧିକାର ଆଇନ ୨୦୦୬କୁ କାର୍ଯ୍ୟକାରି କରିବା ପାଇଁ ଜମି ଜଙ୍ଗଳ ମୁକ୍ତି ଆନ୍ଦୋଳନ ତରଫରୁ ୧୧ ଦିନ ଧରି ଜିଲ୍ଲାପାଳ ଅଫିସ ସମ୍ମୁଖରେ ଧାରଣାରେ ବସିଥିଲେ । ଆଜି ଅପରାହ୍ନରେ ଜିଲ୍ଲା ପ୍ରଶାସନ ବନବାସୀଙ୍କ ଆନ୍ଦୋଳନ ଆଗରେ ମୁଣ୍ଡ ନୁଆଁଇ ଥିଲା । ଜିଲ୍ଲା ଇତିହାସରେ ଜଙ୍ଗଲ ଅଧିକାର ଆଇନ ବଳରେ ପ୍ରଥମ କରି ସିନାପାଲି ବ୍ଲକ କୁଶୁମଜୋର ପଞ୍ଚାୟତର ନୁଆଁଗୁଡ଼ାକୁ ଗୋଷ୍ଠୀ ଜଙ୍ଗଲ ସମ୍ବଳ ଅଧିକାର ପ୍ରଦାନ କରିଥିଲେ । ଆଗାମୀ ଦୁଇ ମାସ ଭିତରେ ଜଙ୍ଗଲ ଭିତରେ ବସବାସ କରୁଥିବା ଆଦିବାସୀ ଓ ଅନ୍ୟାନ୍ୟ ଜାତିର ଲୋକଙ୍କୁ ବ୍ୟକ୍ତିଗତ ଜଙ୍ଗଲ ଜମି ପଟ୍ଟା ପ୍ରଦାନ କରିବାକୁ ଜିଲ୍ଲା ପ୍ରଶାସନ ତରଫରୁ ପ୍ରତିଶୃତି ଦେବାରୁ ଧାରଣା ପ୍ରତ୍ୟାହୃତ ହୋଇଥିଲା । ଜଙ୍ଗଲକୁ ସୁରକ୍ଷା କରିବା ଉଦ୍ଦେଶ୍ୟରେ କେନ୍ଦ୍ର ସରକାର ଆଦିବାସୀ, ବନବାସୀ, ଅଣ ଆଦିବାସୀଙ୍କ ପାଇଁ ଜଙ୍ଗଲ ଅଧିକାର ଆଇନ ୨୦୦୬ ପ୍ରଣୟନ କରିଥିଲେ । ଇତି ମଧ୍ୟରେ ୧୪ ବର୍ଷ ବିତି ଯାଇଥିଲେ ବି ନୂଆପଡ଼ା ଜିଲ୍ଲାରେ ଏହି ଆଇନ କାର୍ଯ୍ୟକାରୀ ହୋଇନଥିଲା । ଏହାର ପ୍ରତିବାଗରେ ଗତ ୨୭ ତାରିଖ ଠାରୁ ଜିଲ୍ଲାର ବନବାସୀ ମାନେ ୧୬ ଦଫା ଦାବୀରେ ଜିଲ୍ଲାପାଳ ଅଫିସ ସମ୍ମୁଖରେ ବର୍ଷା, ଶୀତ କାକରରେ ୧୧ ଦିନ ଧରି ଦିନ ରାତି ଧାରଣାରେ ବସିଥିଲେ । ଜଙ୍ଗଲ ଜମି ଆଇନ ଅନୁସାରେ ଜିଲ୍ଲାର ସମସ୍ତ ଗାଁର ଗ୍ରାମସଭାରୁ ଗୋଷ୍ଠୀ ଜଙ୍ଗଲ ଓ ଗୋଷ୍ଠୀ ଜଙ୍ଗଲ ସମ୍ବଲ ଅଧିକାର ପ୍ରଦାନ । ଛୋଟ ଓ ଅଣ ରାଜସ୍ୱ ଗାଁକୁ ତଥା ଜନବସତୀକୁ ରାଜସ୍ୱ ଗାଁର ମାନ୍ୟତା ପ୍ରଦାନ । ଆଦିବାସୀ ଓ ଅନ୍ୟାନ୍ୟ ପାରମ୍ପରିକ ବର୍ଗର ସମସ୍ତ ଆବେଦନକାରୀଙ୍କୁ ଜଙ୍ଗଲ ଜମି ପଟ୍ଟା ପ୍ରଦାନ । ଜଙ୍ଗଲ ଜମି ଆଇନ କାର୍ଯ୍ୟକାରିତା ନହେବ ଯାଏଁ ସୁନାବେଡା ଅଭୟାରଣ୍ୟ ଘୋଷଣା ବନ୍ଦ ରହୁ । ଆମ ଜଙ୍ଗଲ ଯୋଜନା ଓ ବନ ସୁରକ୍ଷା ସମିତି(ଭିଏସଏସ)କୁ ସମ୍ପୁର୍ଣ୍ଣ ବନ୍ଦ କର । ଜଙ୍ଗଲ ଅଧିକାର ଆଇନ ଅନୁସାରେ ଗ୍ରାମସଭା ଓ ଜଙ୍ଗଲ ଅଧିକାର କମିଟିର ଅବଗତିରେ ବନ ବିଭାଗର ସମସ୍ତ କାର୍ଯ୍ୟ ପରିଚାଳିତ ହେଉ ଭଳି ୧୬ ଦଫା ଦାବୀ ଉପସ୍ଥାପନା କରିଥିଲେ । କେନ୍ଦ୍ର ସରକାରଙ୍କ ଜଙ୍ଗଲ ଅଧିକାର ଆଇନ କାର୍ଯ୍ୟକାରୀ କରିବା ପାଇଁ ନିରୀହ ବନବାସୀ ମାନେ ୧୧ ଦିନ ଧରି ଧାରଣାରେ ବସି ରହିଥିଲେ । ଶେଷରେ ଆଜି ଜିଲ୍ଲା ପ୍ରଶାସନ ବନବାସୀଙ୍କ ଆନ୍ଦୋଳନ ଆଗରେ ମୁଣ୍ଡ ନୁଆଁଇ ଥିଲା । ଆଜି ଅପରାହ୍ନରେ ଉପ ଜିଲ୍ଲାପାଳ ତରଣୀସେନ ନାଏକ, ଜିଲ୍ଲା ମଙ୍ଗଳ ଅଧିକାରୀ ସନ୍ଧ୍ୟା ମାଝି ପ୍ରମୁଖଙ୍କ ଏକ ଜିଲ୍ଲାସ୍ତରୀୟ ଟିମ ଧାରଣା ସ୍ଥଳକୁ ଆସିଥିଲେ । ସେଠାରେ ଆନ୍ଦୋଳନକାରିଙ୍କ ସହ ବହୁ ସମୟ ଧରି ଆଲୋଚନା ପର୍ଯ୍ୟାଲୋଚନା ହୋଇଥିଲା । ଜିଲ୍ଲା ଇତିହାସରେ ପ୍ରଥମ କରି ସିନାପାଲି ବ୍ଲକ କୁଶୁମଜୋର ପଞ୍ଚାୟତ ନୁଆଁଗୁଡ଼ା ଗ୍ରାମସଭାକୁ ଗୋଷ୍ଠୀ ଜଙ୍ଗଲ ସମ୍ବଳ ଅଧିକାର ପ୍ରଦାନ କରିଥିଲେ । ଏହି ଆଇନ ବଳରେ ଗାଁ ଲୋକଙ୍କୁ ୮୨.୮ ହେକ୍ଟର ଜଙ୍ଗଲର ଏକ ପଟ୍ଟାକୁ ନୁଆଁଗୁଡ଼ା ଗାଁ କମିଟି ସଭାପତି ବଲମତ ମାଝି ଓ ଧନୁ ମାଝିଙ୍କୁ ଉପ ଜିଲ୍ଲାପାଳ ଶ୍ରୀ ନାଏକ ପ୍ରଦାନ କରିଥିଲେ । ସେହିପରି ଆସନ୍ତା ୨ ମାସ ଭିତରେ ଅନୁସୂଚିତ ଜାତି ଓ ଜନଜାତି ବିଭାଗ ତରଫରୁ ଏକ ସ୍ୱତନ୍ତ୍ର ଟିମ ଜଙ୍ଗଲ ଭିତରେ ବସବାସ କରୁଥିବା ବନବାସୀ, ଆଦିବାସୀ, ଅଣ ଆଦିବାସୀଙ୍କ ଜଙ୍ଗଲ ଜମି ଅଧିକାର ଉପରେ ସର୍ଭେ କରାଯିବ । ସେଥିରେ ଅଧିକାରୁ ଅଧିକ ବନବାସୀଙ୍କୁ ବ୍ୟକ୍ତିଗତ ଜମି ପଟ୍ଟା ପ୍ରଦାନ କରିବା ଦିଗରେ ପଦକ୍ଷେପ ଗ୍ରହଣ କରାଯିବ ବୋଲି ନିର୍ଭରଯୋଗ୍ୟ ପ୍ରତିଶୃତି ଦେବାରୁ ଆନ୍ଦୋଳନକାରୀ ମାନେ ଧାରଣାରୁ ପ୍ରତ୍ୟାହୃତ ହୋଇଥିଲା । ଆସନ୍ତା ଫେବୃୟାରୀ ୯ ତାରିଖରେ ନୁଆଁଗୁଡ଼ା ଗାଁରେ ଜିଲ୍ଲାସ୍ତରୀୟ ଅଧିକାରୀ ଓ ଜମି ଜଙ୍ଗଲ ମୁକ୍ତି ଆନ୍ଦୋଳନର ସଦସ୍ୟ ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହେବ ସ୍ଥିର ହୋଇଥିଲା । ଆସନ୍ତା ଏପ୍ରିଲ ୧ ତାରିଖରେ ଜମି ଜଙ୍ଗଳ ମୁକ୍ତି ଆନ୍ଦୋଳନର ସଦସ୍ୟ ମାନଙ୍କୁ ଏକ ବୈଠକ ଅନୁଷ୍ଠିତ ହେବ ଓ ଜିଲ୍ଲା ପ୍ରଶାସନ ଦେଇଥିବା ପ୍ରତିଶୃତିର କାର୍ଯ୍ୟକାରତା ଉପରେ ସମୀକ୍ଷା କରାଯିବ । ଜିଲ୍ଲା ପ୍ରଶାସନ ତାର ପ୍ରତିଶୃତି ପାଳନ କରିବାରେ ଅବହେଳା କରିଥିଲେ ଜମି ଜଙ୍ଗଳ ମୁକ୍ତି ଆନ୍ଦୋଳନ ତରଫରୁ ଆନ୍ଦୋଳନ ଆହୁରୀ ଭୟାବହ ହେବ ବୋଲି ଜିଲ୍ଲା ପ୍ରଶାସନକୁ ଜମି ଜଙ୍ଗଳ ମୁକ୍ତି ଆନେ୍ଦାଳନର ରାଜ୍ୟ ଆବାହକ ଖୁଟୁରାମ ସୁନାନୀ ଚେତାବନୀ ଦେଇଛନ୍ତି । ଆଦିବାସୀ ନେତା ହୀରାଲାଲ ମାଝି, ମେଘନାଦ ଖର୍ସେଲ, ବିଜୟ ଝାଙ୍କର, ଭୁଜବଲ ମାଝି, ଚୈତନ ମାଝି, ହନୁରାମ ମାଝି, ବଲମତ ମାଝି, ଯୁଧିଷ୍ଠିର ସାହୁ, ଗୋବିନ୍ଦ ମାଝି, ଟିକେରାମ ମାଝି, ଖିରମନ ମାଝି, ଗୌତମ ମିର୍ଦ୍ଧା ପ୍ରମୁଖ ଧାରଣାରେ ସାମିଲ ଥିଲେ ।