ଆଦିବାସୀ ଅଧିକାର ମଞ୍ଚ ପକ୍ଷରୁ ଶୋଭା ଯାତ୍ରା ।

!!! ଡାବୁଗାଁ ରୁ ଦକ୍ଷିଣାଞ୍ଚଳ ଚ୍ୟାନେଲ ବ୍ୟୁରୋ ଚିଫ ପ୍ରବୀର ପାତ୍ର ଙ୍କ ରିପୋର୍ଟ  !!!

ଏଥର ସମ୍ଭାଳ — ନବରଂଗପୁର ଜିଲ୍ଲା ଆଦିବାସୀ ଅଧିକାର ମଞ୍ଚ ର ଆବାହକ ରାଜେଶ ଜନୀଙ୍କ ଆହ୍ବାନ କ୍ରମେ ଓଡ଼ିଶା ଆଦିବାସୀ ଅଧିକାର ମଞ୍ଚ ଓ ଓଡ଼ିଶା କୃଷକ ସଭା ପକ୍ଷରୁ ଡାବୁଗାଁ ବ୍ଲକ ସଦମହକୁମା ଠାରେ ଏକ ବିଶାଳ ଆଦିବାସୀ ଶୋଭାଯାତ୍ରାର ଆୟୋଜନ କରାଯାଇଛି। ବ୍ଲକରେ ବସବାସ କରୁଥିବା ଆଦିବାସୀ ମହିଳା ଓ ପୁରୁଷ ମାନେ ସହସ୍ରାଧିକ ସଂଖ୍ୟାରେ ଡ଼ାବୁଗାଁ ବ୍ଲକ ସଦର ମହକୁମା ଠାରେ ସମ୍ମିଳିତ ହୋଇ ବିଭିନ୍ନ ସ୍ଲୋଗାନ ଦେଇ ଗ୍ରାମ ପରିକ୍ରମ କରି ସ୍ଥାନୀୟ ବ୍ଲକ,ତହସିଲ ଓ ବନବିଭାଗ କାର୍ଯ୍ୟାଳୟ ଠାରେ ପହଞ୍ଚି ୧୫ ଦଫା ଦାବି ସମ୍ବଳିତ ଏକ ଦାବିପତ୍ର ସମ୍ପୃକ୍ତ ଅଧିକାରୀଙ୍କୁ ପ୍ରଦାନ କରିଛନ୍ତି। ଏଥିରେ ଆଦିବାସୀଙ୍କୁ ଜମିପଟ୍ଟା ଓ ବାସଗୃହ ପ୍ରଦାନ କରିବା ,ଶୀତଳ ଭଣ୍ଡାର ପ୍ରତିଷ୍ଠା କରିବା, ସାର ଯୋଗାଇ ଦେବା, ଜମିକୁ ଜଳ ଯୋଗାଇବା,ଶିକ୍ଷିତ ଯୁବକ – ଯୁବତୀ ଙ୍କୁ ଚାକିରି ଯୋଗାଇଦେବା,ବିଦ୍ୟାଳୟରେ ଶିକ୍ଷକ ନିଯୁକ୍ତି ଦେବା, ହସ୍ପିଟାଲରେ ଆବଶ୍ୟକୀୟ ଡାକ୍ତର ଯୋଗାଇବା ଭଳି ଦାବୀ ମାନ ଉଲ୍ଲେଖ କରିଛନ୍ତି ।ମଞ୍ଚ ପକ୍ଷରୁ ପ୍ରସ୍ତାବିତ ଦାବୀ ଗୁଡ଼ିକ ପୂରଣ କରାନଗଲେ ଆଗାମୀ ଦିନରେ ଦାବୀ ପୁରାଣ ନିମନ୍ତେ ମଞ୍ଚ ଆନ୍ଦୋଳନ କରିବ ବୋଲି ଚେତାବନୀ ଦେଇଛନ୍ତି ।

୧୦ ଦଫା ଦାବୀ ନେଇ ଆଦିବାସୀ ଙ୍କ ଶୋଭାଯାତ୍ରା ଓ ଧାରଣା ।

!!! ଦକ୍ଷିଣ ଓଡିଶା ଜୋନାଲ ମୁଖ୍ୟ ପ୍ରବୀର ପାତ୍ର ଙ୍କ ରିପୋର୍ଟ !!!

ଏଥର ସମ୍ଭାଳ (ନବରଙ୍ଗପୁର) – ଓଡ଼ିଶା ଆଦିବାସୀ ଅଧିକାର ମଞ୍ଚ ଜିଲ୍ଲା ସମ୍ପାଦକ ରାଜେଶ ଜାନୀ ଏବଂ ରାଷ୍ଟ୍ରୀୟ ମଜଦୂର୍ କିଶାନ ସଂଘ୍ ଜିଲ୍ଲା ସଭାପତି ଦିବାକର ପୁଜାରୀ ଙ୍କ ନେତୃତ୍ୱରେ ଶତାଧିକ ପୁରୁଷ ଓ ମହିଳା ଆଦିବାସୀ ସେମାନଙ୍କ ପାରମ୍ପରିକ ଅସ୍ତ୍ରଶସ୍ତ୍ର ଧରି ଉମରକୋଟ ବ୍ଲକ ବୁର୍ଜା ପଞ୍ଚାୟତ ର ଚାରୋଟି ଗାଁ ର ଜଙ୍ଗଲଜମି ବିବାଦ ଓ ମକା ଫସଲ ନଷ୍ଟ ଘଟଣାର ପ୍ରତିବାଦରେ ସହସ୍ରାଧିକ ଆଦିବାସୀ ଏକ ଶୋଭାଯାତ୍ରା ରେ ସହର ପରିକ୍ରମା କରିବା ପରେ ନବରଙ୍ଗପୁର ଜିଲ୍ଲାପାଳ ଙ୍କ ଅଫିସ୍ ସମ୍ମୁଖରେ ଧାରଣା ରେ ବସିଥିଲେ।ସେମାନେ ପୂର୍ବରୁ ଦେଇଥିବା ସେମାନଙ୍କ ଦାବୀ ଗୁଡ଼ିକ ପୂରଣ ନହେବା ପର୍ଯ୍ୟନ୍ତ ଏଭଳି ଅଫିସ୍ ସମ୍ମୁଖରେ ଧାରଣା ରେ ବସିବେ ବୋଲି ଜିଦ୍ କରି ବସିଥିଲେ। ସେମାନେ ଦେଇଥିବା ଦାବୀ ଗୁଡ଼ିକ ମଧ୍ୟରେ ଉମରକୋଟ ବ୍ଲକର ଚାରି ଗୋଟି ଗ୍ରାମରେ ଭି ଏସ ଏସ ର ଶତାଧିକ ସଦୟ ପଶି ଭିଆଇଥିବା ଦୁଃଖଦ ଘଟଣା ପାଇଁ ସେମାନଙ୍କ ନେତୃତ୍ୱ ନେଇଥିବା ବ୍ୟକ୍ତିଙ୍କୁ ଯଥାଶୀଘ୍ର ଗିରଫ କରିବା , ନଷ୍ଟ ହୋଇଥିବା ମକା ଫସଲ ର କ୍ଷତି ପୂରଣ ଦେବା କ୍ଷତି ଗ୍ରସ୍ତ ଚାଷୀ ଙ୍କ ଋଣ ଛାଡ କରିବା , କ୍ଷତିଗ୍ରସ୍ତ ଗ୍ରାମ ରେ ଜଙ୍ଗଲ ଅଧିକାର କମିଟି ଗଠନ କରିବା ଭଳି ରହିଥିବା ଦଶ ଦଫା ଦାବି ପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେଇନଥିବାରୁ ଏହା ଆଦିବାସୀ ଙ୍କ ମଧ୍ୟରେ ଅସନ୍ତୋଷ ର ଦାନା ବାନ୍ଧି ଜନ ଆନ୍ଦୋଳନ ର ରୂପ ନେଇଥିବା ଆଦିବାସୀ ସଭାନେତ୍ରୀ ହାରାବତି ଗଣ୍ଡ କହିଛନ୍ତି । ଜିଲ୍ଲା ପ୍ରଶାସନ ର ପ୍ରତଶୃତି ପରେ ରାତ୍ର ଆଠ ଘଣ୍ଟା ପର୍ଯ୍ୟନ୍ତ ଚାଲୁ ରହିଥିବା ଧାରଣା ପ୍ରତ୍ୟାହୃତ ହୋଇଛି । ଯଥାଶୀଘ୍ର ଦାବୀ ଗୁଡ଼ିକ ପୂରଣ କରାନଗଲେ ଏହା ଉଗ୍ର ରୂପ ନେବ ବୋଲି ଆନ୍ଦୋଳନକାରି ପ୍ରକାଶ କରିଛନ୍ତି ।

ଆକାଶ ଛୁଆଁ ଦରକୁ ମନୋମୂଖୀ ପରିବା ଓ ରେସନ ବେପାର…!

!!! ନବରଙ୍ଗପୁର ରୁ ଜିଲ୍ଲା ପ୍ରତିନିଧି ଏସ୍. ଏନ୍. ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ(ନବରଙ୍ଗପୁର) – ନବରଙ୍ଗପୁର ଜିଲ୍ଲା କୃଷିପ୍ରଧାନ୍ୟ ଜିଲ୍ଲା ହେଲେ ମଧ୍ୟ୍ୟ ବର୍ତ୍ତମାନ ବଜାର ଓ ଖାଉଟି ଦର ଆକାଶ ଛୁଆଁ ପରିବା ବଜାରରେ ବାଇଗଣ ୪୦ ଟଙ୍କା , ବିନିସ ୪୦ ଟଙ୍କା , ପୋଟଳ ୬୦ ଟଙ୍କା , କୋବି ୮୦ ଟଙ୍କା , ଭେଣ୍ଡି ୫୦ ଟଙ୍କା, କଞ୍ଚାଲଙ୍କା ୮୦ ଟଙ୍କା, ପିଆଜ ୩୦ ଟଙ୍କା ହୋଇଥିବା ବେଳେ ତେଲ ଲିଟର ପିଛା ୨୦୦ ଟଙ୍କା ତ କେଉଁଠି ୨୨୦ ଟଙ୍କା ପ୍ରଯନ୍ତ ବିକିବା ଦେଖିବା ମିଳିଛି l ପ୍ରାୟ ଦୋକାନ ମାନଙ୍କରେ ଦରଦାମ ତାଲିକା ଟଙ୍ଗା ଯାଉନି l

ମନ ମୁତାବକ ଦୋକାନରେ ବିକ୍ରି ହେଉଛି l ଗରିବ ଓ ମଧ୍ୟବିତ ପରିବାର ଉପରେ ଏହାର ପ୍ରଭାବ ଦେଖିବାକୁ ମିଳିଛି l ପେଟ୍ରୋଲ ଦରବୃଦ୍ଧି ପୁରା ଭାରତବର୍ଷରେ ଗରିବ ଓ ମଧ୍ୟବିତ୍ତ ପରିବାର ଉପରେ ବୋଝ ଥିବାବେଳେ ଏବେ ପରିବା ଓ ଖାଇବା ତେଲ ର ପ୍ରଭାବ ବେଶି ଦେଖିବାକୁ ମିଳିଛି l ବର୍ତ୍ତମାନ ଖାଉଟି ବିଭାଗ ଏହାର ତଦନ୍ତ କରି ସମାନ ଦରରେ କିପରି ନବରଂଗପୁରରେ ପାଇପାରିବେ ଧ୍ୟାନଦେଇ ମୂଲ୍ୟାକଣ କଲେ ଗରିବ କିଛିଟା ଅସୁସ୍ତୀ ପାଇପାରିବେ ବୋଲି ଗଣମାଧ୍ୟମରେ ପ୍ରକାଶ କରିଛନ୍ତି l

ନବରଙ୍ଗପୁର ଲାଇନ୍ସ କ୍ଲବର ସଭାପତି ଚୟନ..!

!!! ନବରଙ୍ଗପୁର ରୁ ଜିଲ୍ଲା ପ୍ରତିନିଧି ଏସ୍. ଏନ୍. ପଟ୍ଟନାୟକ ଙ୍କ ରିପୋର୍ଟ୍ !!! 

ଏଥର ସମ୍ଭାଳ(ନବରଙ୍ଗପୁର) – ନବରଙ୍ଗପୁର ଲାଇନ୍ସ କ୍ଲବର ଚତୁର୍ଥ ଥର ପାଇଁ ସଭାପତି ହେଲେ ଜଗନ୍ନାଥ ମହାପାତ୍ର ନବରଙ୍ଗପୁର ଲାଇନ୍ସ କ୍ଲବ ର ବାର୍ଷିକ ସାଧାରଣ ବୈଠକ ସ୍ଥାନୀୟ ତୃପ୍ତି ସମ୍ମିଳନୀ କକ୍ଷ ଠାରେ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ୨୦୨୨ -୨୩ ବର୍ଷ ପାଇଁ ଲାଇନ୍ସ କ୍ଲବର କର୍ମକର୍ତ୍ତା ନିର୍ବାଚନ ସମନ୍ଧରେ ଆଲୋଚନା ହୋଇଥିଲା । ଲାଏନ୍ସ କେ ଡି ପଟ୍ଟନାୟକଙ୍କ ପ୍ରସ୍ତାବ କ୍ରମେ ଲାଏନ୍ସ ଜଗନ୍ନାଥ ମହାପାତ୍ରଙ୍କୁ ପୁନର୍ବାର ଆଗାମୀ ୨୦୨୨ -୨୩ ବର୍ଷ ପାଇଁ ସଭାପତି ରୂପେ ମନୋନୀତ କରଯାଇଥିଲା `। ଅନୁରୂପ ଭାବେ ଲାଏନ୍ସ ଭୂବିନି ସୁରଙ୍କୁ କ୍ଲବର ସମ୍ପାଦକ ରୂପେ , ଲାଏନ୍ସ ବିଜୟ ଜୈନଙ୍କୁ କୋଷାଧ୍ୟକ୍ଷ ରୂପେ ,ଲାଏନ୍ସ ପି ଏସ ଆର ଶେଖର ମୂର୍ତି ଓ ଲାଏନ୍ସ ପି ନନ୍ଦୀ କେସର ରେଡ୍ଡୀଙ୍କୁ ପ୍ରଥମ ଓ ଦ୍ଵିତୀୟ ଉପସଭାପତି ଭାବେ ସର୍ବ ସମ୍ମତି କ୍ରମେ ମନୋନୀତ କରାଯାଇଥିଲା । ଲାଏନ୍ସ କ୍ଳବର ସାମ୍ବିଧାନିକ ନିୟମ ପ୍ରକାରେ ସମସ୍ତ କାର୍ଯ୍ୟ ସମ୍ପାଦନ କରିବାରେ ଲାଏନ୍ସ ପି ଏଲ ମୁର୍ତୀ ,ଶ୍ରୀକାନ୍ତ ମହାନ୍ତି ଓ ଲାଏନ୍ସ ଦିଲୀପ ଦାସ , ଅଖିଳ ଭଟ୍ଟ,ପପୁ ଜୈନ,ରବି ରେଡ୍ଡୀ ସହାୟତା କରିଥିଲେ । ପରିଶେଷରେ ଲାଏନ୍ସ ମୁରୁଳି ପ୍ରସାଦ ଦାଶ ନବ ନିର୍ବାଚିତ କାର୍ଯ୍ୟକର୍ତ୍ତା ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି ବୈଠକ ବହୁ ସଂଖ୍ୟାରେ ଲାଏନ୍ସ ମାନେ ଉପସ୍ଥିତ ରହିଥିଲେ । ସୂଚନା ଯୋଗ୍ୟ ଯେ , ବିଶିଷ୍ଟ ସମାଜସେବୀ ତଥା ଲାଏନ୍ସ ଜଗନ୍ନାଥ ମହାପାତ୍ର ଚତୁର୍ଥ ଥର ପାଇଁ ସଭାପତି ରୂପେ ମନୋନୀତ ହୋଇଛନ୍ତି । ତାଙ୍କର ଏହି ସଫଳତା ପରେ ବିଭିନ୍ନ ମହଲରୁ ଶୁଭେଛାର ସୁଅ ଛୁଟିଛି ।

ପୁଣି ଥରାଇବ ଶୀତ ; ଆଜିଠୁ ଖସିବ ପାରଦ….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ଆଜିଠୁ ପୁଣି ବଢ଼ିବ ଶୀତ । ବର୍ଷାର ପରିମାଣ କମିବା ସହ ଶୀତ ବଢ଼ିବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ୩ରୁ ୪ ଡିଗ୍ରୀ ପର୍ଯ୍ୟନ୍ତ ଖସିପାରେ ପାରଦ । କିଛି ସ୍ଥାନରେ ସ୍ୱାଭାବିକ ଏବଂ କିଛି ସ୍ଥାନରେ ସ୍ୱାଭାବିକଠାରୁ କମ୍ ରହିପାରେ ତାପମାତ୍ରା । ରାଜଧାନୀ ଭୁବନେଶ୍ୱରରେ ଆଜି ସର୍ବନିମ୍ନ ତାପମାତ୍ରା ୧୭ ଡିଗ୍ରୀକୁ ଖସିପାରେ  । ସେହିପରି ବାକି ସହରରେ ମଧ୍ୟ ପାରଦ ଖସିବା ନେଇ ଆକଳନ କରିଛି ପାଣିପାଗ ବିଭାଗ । ତେବେ ମାଲକାନଗିରି, କୋରାପୁଟ, ରାୟଗଡ଼ା, ଗଜପତି, ନବରଙ୍ଗପୁର ଏବଂ ଗଂଜାମ ଜିଲ୍ଲାର କିଛି ସ୍ଥାନରେ ବର୍ଷା ସମ୍ଭାବନା ରହିଛି  । ବାକି ଜିଲ୍ଲାରେ ଗୋଟିଏ ଦୁଇଟି ସ୍ଥାନରେ ହୋଇପାରେ ବର୍ଷା । ଆସନ୍ତାକାଲିଠୁ ଶୁଖିଲା ପାଗ ଥିବା ବେଳେ କୁହୁଡ଼ି ବଢ଼ିବ । ଆସନ୍ତାକାଲି ସାମାନ୍ୟରୁ ମଧ୍ୟମ ଧରଣର କୁହୁଡ଼ି ରହିପାରେ  । ୧୮ ଏବଂ ୧୯ ତାରିଖରେ ସକାଳେ ଘନ କୁହୁଡ଼ି ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ।

ତୃତୀୟ ରାଷ୍ଟ୍ରୀୟ ଲୋକ ଅଦାଲତ ୨୦୨୧ ଅନୁଷ୍ଠିତ …!

!!! ନବରଙ୍ଗପୁର ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ଏସ॰ଏନ॰ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ(ନବରଙ୍ଗପୁର)- ଜିଲ୍ଲା ଆଇନ ସେବା ପ୍ରାଧିକରଣ, ନବରଙ୍ଗପୁର ତରଫରୁ ଜିଲ୍ଲା କୋର୍ଟ ପରିସରରେ ଜିଲ୍ଲା ଜର୍ଜ ଶ୍ରୀଯୁକ୍ତ. ଅଶୋକ କୁମାର ପଣ୍ଡାଙ୍କ ଅଧ୍ୟକ୍ଷତାରେ ତୃତୀୟ ରାଷ୍ଟ୍ରୀୟ ଲୋକ ଅଦାଲତ, ୨୦୨୧ ଅନୁଷ୍ଟିତ ହୋଇଯାଇଛି। ଜିଲ୍ଲା ଜର୍ଜ ଶ୍ରୀଯୁକ୍ତ ଅଶୋକ କୁମାର ପଣ୍ଡା ଗୋଟିଏ (୧) ଏମ.ଏ.ସି.ଟି. କେସ ଫଇସଲା କରି ଟ.୫,୧୦,୦୦୦/- ଟଙ୍କା କ୍ଷତିପୂରଣ ରାଶି ଧାର୍ଯ୍ୟ କରିଛନ୍ତି ଓ ୨ ଗୋଟି ଏକଜ୍ୟୁକେସନ ପିଟିସନ ମଧ୍ୟ ଫଇସଲା କରିଛନ୍ତି । ପରିବାର ବିଚାରବିଭାଗୀୟ ଜର୍ଜ ଶ୍ରୀଯୁକ୍ତ. ସଞ୍ଜୟ କୁମାର ସାହୁ ୭ ଗୋଟି ପାରିବାରିକ ବିବାଦ କେସ ରେ ଆପୋଷ ମିଳାମିଶା କରାଇଛନ୍ତି । ଏହି ୭ ଗୋଟି କେସ ମଧ୍ୟରୁ ଗୋଟିଏ କେସ ରେ ପରିବାର ବିଚାରବିଭାଗୀୟ ଜର୍ଜ ଶ୍ରୀଯୁକ୍ତ. ସଞ୍ଜୟ କୁମାର ସାହୁ ଓ ଆଇନଜୀବି ଶ୍ରୀଯୁକ୍ତ ଗୋପାଳ ଶତପଥୀଙ୍କ ପ୍ରୟାସ କ୍ରମେ ଦୀର୍ଘ ୮ ବର୍ଷ ପରେ ସ୍ଵାମୀ ଶରତ ପଣ୍ଡା ଓ ସ୍ତ୍ରୀ ନମିତା ପଣ୍ଡାଙ୍କ ମଧ୍ୟରେ ଆପୋସ ମିଳାମିଶା ହୋଇପାରିଛି। ମୁଖ୍ୟ ବିଚାରବିଭାଗୀୟ ଦଣ୍ଡାଧିକାରି ଶ୍ରୀଯୁକ୍ତ. ସୁଦାମ ଚରଣ ଦାସ ୫ ଟି ବେଲର ମିସ. ମକଦ୍ଦମା ର ଫଇସଲା କରିଛନ୍ତି ।

ବରିଷ୍ଟ ଦେବାନୀ ଜଜ ଶ୍ରୀଯୁକ୍ତ ରାଜ କିଶୋର ଜେନା ୨ ଗୋଟି ଦେବାନୀ କେସର ଫଇସଲା କରିଛନ୍ତି । ରେଜିଷ୍ଟ୍ରାର ଜିଲ୍ଲାକୋର୍ଟ ଶ୍ରୀମତୀ ଅପର୍ଣ୍ଣା ମହାପାତ୍ର ୬ ଟି କେସର ଫଇସଲା କରିଛନ୍ତି। ଜିଲ୍ଲା ଆଇନ ସେବା ପ୍ରାଧିକରଣର ସଚିବ ଶ୍ରୀମତୀ ଅନ୍ନପୂର୍ଣ୍ଣା ନାୟକ ୨ ଟି ପ୍ରାକ ମକଦ୍ଦମା ଆପୋଷ ମିଳାମିଶା କରିଛନ୍ତି । ସେହିଭଳି ଉପଖଣ୍ଡ ବିଚାର ବିଭାଗୀୟ ଦଣ୍ଡାଧିକାରୀ ଶ୍ରୀଯୁକ୍ତ ପ୍ରିୟ ରଞ୍ଜନ ଓଝା ୩୫ ଟି ଫୌଜଦାରୀ ମକଦ୍ଦମା ର ଫଇସଲା କରିଛନ୍ତି। ଏହି ଲୋକ ଅଦାଲତରେ ବ୍ୟାଙ୍କର ୫୫ ଟି ପ୍ରାକ ମକଦ୍ଦମା ଫଇସଲା କରାଯାଇ ଟ. ୨୨,୮୨,୬୪୧/- ରୁଣ ଆଦାୟ କରାଯାଇଛି । ଏହି ଲୋକ ଅଦାଲତ ରେ ସର୍ବମୋଟ ୮୮ ଗୋଟି କୋର୍ଟ କେସ ର ଫଇସଲା କରାଯାଇଛି। ଏହି ଲୋକ ଅଦାଲତ ରେ ଅତିରିକ୍ତ ଜିଲ୍ଲା ଜଜ ଶ୍ରୀଯୁକ୍ତ ପ୍ରଣୟ କୁମାର ଦାସ, ଓ ପ୍ରଥମଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀ ଶ୍ରୀଯୁକ୍ତ ସୁମନ୍ତ କୁମାର ପଟ୍ଟନାୟକ ଓ ଶ୍ରୀମତୀ ରାଜଶ୍ରୀ ଅରୟବାଲା ତ୍ରିପାଠୀ ପ୍ରମୁଖ ଯୋଗ ଦେଇଥିଲେ । ଜିଲ୍ଲା ଆଈନ ସେବା ପ୍ରାଧିକରଣର ସଚିବ ଶ୍ରୀମତୀ ଅନ୍ନପୂର୍ଣ୍ଣା ନାୟକ ଏହି ଲୋକ ଅଦାଲତ ପରିଚାଳନା କରିଥିବା ବେଳେ କୋର୍ଟର ଆଇନଜୀବୀ ଓ କର୍ମଚାରୀ ସହଯୋଗ କରିଥିଲେ।

ଆକାଂକ୍ଷା ଜିଲ୍ଲା ପ୍ରଭାରୀ ସଚିବ ଙ୍କ ନବରଙ୍ଗପୁର ଜିଲ୍ଲା ଗସ୍ତ ଓ ଉନ୍ନୟନ ମୂଳକ କାର୍ଯ୍ୟକ୍ରମର ସମୀକ୍ଷା।

!!! ନବରଙ୍ଗପୁର ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ଏସ୍. ଏନ୍. ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ନବରଙ୍ଗପୁର) – ନବରଙ୍ଗପୁର ଜିଲ୍ଲା ଦାୟିତ୍ୱରେ ଥିବା ଆକାଂକ୍ଷା ଜିଲ୍ଲା ପ୍ରଭାରୀ ସଚିବ ତଥା ସମାଜ କଲ୍ୟାଣ, ମହିଳା ଓ ଶିଶୁ ବିକାଶ ବିଭାଗ ନିର୍ଦ୍ଦେଶକ ଶ୍ରୀ ଅରବିନ୍ଦ ଅଗ୍ରୱାଲ ଦୁଇ ଦିନିଆ ନବରଙ୍ଗପୁର ଜିଲ୍ଲା ଗସ୍ତରେ ଆସି ଜିଲ୍ଲାରେ ସରକାରଙ୍କ ଦ୍ଵାରା କାର୍ଯ୍ୟକାରୀ କରାଯାଉଥିବା ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମର ଅଗ୍ରଗତି ସମ୍ପର୍କରେ ଅନୁଧ୍ୟାନ ପୂର୍ବକ କ୍ଷେତ୍ର ପରିଦର୍ଶନ କରି ଜିଲ୍ଲାସ୍ତରୀୟ ଅଧିକାରୀ ଙ୍କୁ ନେଇ ଅନୁଷ୍ଠିତ ସମୀକ୍ଷା ବୈଠକରେ ଯୋଗଦେଇ ଜିଲ୍ଲା ର ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମର ଅଗ୍ରଗତି ସମ୍ପର୍କରେ ସମୀକ୍ଷା କରିଥିଲେ। ସ୍ଥାନୀୟ ମିଶନ ଶକ୍ତି ସଭା ଗୃହରେ ଅନୁଷ୍ଠିତ ଏହି ବୈଠକରେ ଜିଲ୍ଲାପାଳ ଡକ୍ଟର ଅଜିତ୍ କୁମାର ମିଶ୍ର, ପ୍ରକଳ୍ପ ନିର୍ଦ୍ଦେଶକ ଶ୍ରୀ ରତ୍ନାକର ସାହୁ, ଉପଜିଲ୍ଲାପାଳ ଶ୍ରୀ ଅକ୍ଷୟ ସୁନିଲ ଅଗ୍ରୱାଲ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡକ୍ଟର ଶୋଭା ରାଣୀ ମିଶ୍ର, ଜିଲ୍ଲା ଶିକ୍ଷା ଅଧିକାରୀ ଶ୍ରୀ ଚନ୍ଦ୍ରଶେଖର ପାଣିଗ୍ରାହୀ, ପ୍ରକଳ୍ପ ପ୍ରଶାସକ ଆଇଟି ଡି ଏ, ଶ୍ରୀ ଅଭିମନ୍ୟୁ ମାଝୀ, ଜିଲ୍ଲା ସମାଜ କଲ୍ୟାଣ ଅଧିକାରୀ ଶ୍ରୀମତୀ ସ୍ଵର୍ଣ୍ଣ ଲତା ବିଶ୍ୱାସ, ଜିଲ୍ଲା ମଙ୍ଗଳ ଅଧିକାରୀ ଶ୍ରୀ ସ୍ମୃତିରଞ୍ଜନ୍ ସାମନ୍ତରାୟ, ନିର୍ବାହୀ ଯନ୍ତ୍ରୀ ରାସ୍ତା ଓ ଗୃହ ନିର୍ମାଣ ବିଭାଗ ଶ୍ରୀ ପ୍ରଫୁଲ୍ଲ କୁମାର ମିଶ୍ର,ଜିଲ୍ଲା ମୁଖ୍ୟପ୍ରାଣୀ ଧନ ଅଧିକାରୀ ଏସ କେ ପ୍ରଧାନ, ଉପ ନିର୍ଦ୍ଦେଶକ ଉଦ୍ୟାନ କୃଷି ଶ୍ରୀ ପ୍ରଦୋଷ କୁମାର ପଣ୍ଡା ଙ୍କ ସମେତ ଜିଲ୍ଲା ସ୍ତରୀୟ ଅଧିକାରୀ ଯୋଗଦେଇଥିଲେ। ବୈଠକରେ ଆକାଂକ୍ଷା ଜିଲ୍ଲା ହିସାବରେ ଭାରତ ସରକାରଙ୍କ ଦ୍ୱାରା ନିର୍ଦ୍ଧାରିତ ମାପଦଣ୍ଡ ଅନୁଯାୟୀ ଜିଲ୍ଲାର ଉନ୍ନୟନ କର୍ୟକ୍ରମସ ସମ୍ପର୍କରେ ପର୍ଯ୍ୟାୟକ୍ରମେ ସମୀକ୍ଷା କରିଥିଲେ। ଏଥିରେ ବିଶେଷ କରି ସ୍ଵାସ୍ଥ୍ୟ ଓ ପୁଷ୍ଟି, ଶିକ୍ଷା, କୃଷି, ଉଦ୍ୟାନ କୃଷି, ପ୍ରାଣୀ ଧନ, ମୌଳିକ ଓ ଭିତ୍ତିଭୂମି ପ୍ରଧାନମନ୍ତ୍ରୀ ଆବାସ ଯୋଜନା ସୂଚନା ପ୍ରଯୁକ୍ତି ଇତ୍ୟାଦି ବିଷୟରେ ଅଗ୍ରଗତି ନେଇ ଜିଲ୍ଲା ପ୍ରଭାରୀ ସଚିବ ଶ୍ରୀ ଅଗ୍ରୱାଲ ସମୀକ୍ଷା କରିଥିଲେ। ସ୍ଵାସ୍ଥ୍ୟ ବିଭାଗ ଉପରେ ଆଲୋଚନା କରି ଗର୍ଭ ବତି ମା ଓ ଶିଶୁ ମାନଙ୍କର ବିଭିନ୍ନ ସମସ୍ୟା ଓ ତାର କିପରି ସୁଧାର ଅଣାଯାଇ ପାରିବ ସେସମ୍ପର୍କରେ ପରାମର୍ଶ ଦେଇଥିଲେ। ସେଇପରି କୃଷି,ଉଦ୍ୟାନ କୃଷି, ଶିକ୍ଷା,ମହିଳା ଓ ଶିଶୁ ବିକାଶ, ସୂଚନା ପ୍ରଯୁକ୍ତି ଇତ୍ୟାଦି ସମ୍ପର୍କରେ ଆଲୋଚନା କରି ଏହାର ଅଗ୍ରଗତି ସମ୍ପର୍କରେ ପରାମର୍ଶ ଦେଇଥିଲେ।

ଜିଲ୍ଲାପାଳ ଙ୍କ ଅଧ୍ୟକ୍ଷତା ରେ ଜିଲାସ୍ତରୀୟ ନୋଡାଲ ବୈଠକ ଏବଂ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଅନ୍ତର୍ଗତ ସ୍ମାର୍ଟ କାର୍ଡ ବଣ୍ଟନ ପ୍ରସ୍ତୁତି ବୈଠକ ଅନୁଷ୍ଠିତ।

!!! ନବରଙ୍ଗପୁର ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ଏସ୍. ଏନ୍. ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ନବରଙ୍ଗପୁର) –ନବରଙ୍ଗପୁର ଜିଲ୍ଲାପାଳ ଡ଼ଃ ଅଜିତ କୁମାର ମିଶ୍ର ଙ୍କ ଅଧ୍ୟକ୍ଷତାରେ ଜିଲ୍ଲା ସ୍ତରୀୟ ନୋଡାଲ ବୈଠକ ଏବଂ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ସମ୍ୱନ୍ଧୀୟ ସ୍ମାର୍ଟ କାର୍ଡ ବଣ୍ଟନ ନିମିତ୍ତ ପ୍ରସ୍ତୁତି ବୈଠକ ନବରଙ୍ଗପୁର ମିଶନ ଶକ୍ତି ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଅଛି । ଏହି ବୈଠକରେ ବିଜୁ ସ୍ୱାସ୍ଥ କଲ୍ୟାଣ ଯୋଜନା ର ସ୍ମାର୍ଟ ସ୍ୱାସ୍ଥ କାର୍ଡ ଜିଲ୍ଲାର ସମ୍ପୃକ୍ତ ହିତାଧିକାରୀ ମାନଙ୍କୁ କିଭଳି ସୁଚାରୁ ରୂପେ ବଣ୍ଟନ କରାଯାଇପାରିବ ଆଲୋଚନା କରାଯାଇଥିଲା। ନବରଙ୍ଗପୁର ଜିଲ୍ଲାରେ କାର୍ଡ ର ସୁବଣ୍ଟନ ସମୟରେ ଜିଲ୍ଲା ଠାରୁ ଗ୍ରାମ ସ୍ତର ପର୍ଯ୍ୟନ୍ତ କେଉଁ ଅଧିକାରୀ ଙ୍କ କେଉଁ ଦାଇତ୍ୱ ରହିବ ସେ ସମ୍ପର୍କରେ ବିସ୍ତୃତ ଭାବରେ ଆଲୋଚନା କରାଯାଇଥିଲା। ଜିଲ୍ଲାରେ ୩,୧୮,୬୧୭ ବିଜୁ ସ୍ୱାସ୍ଥ କାର୍ଡ ହିତାଧିକାରୀ ମାନଙ୍କ ମଧ୍ୟରେ ବଣ୍ଟନ କରିବା ପାଇଁ ସ୍ଥିର କରାଯାଇଅଛି।

ଏହି ବୈଠକରେ ନୋଡାଲ ଅଧିକାରୀ, ପିଡି ଡିଆରଡିଏ , ରତ୍ନାକର ସାହୁ, ଅତିରିକ୍ତ ଜିଲ୍ଲାପାଳ, ଭାସ୍କର ରଇତ, ଉପ ଜିଲ୍ଲାପାଳ, ଅଗ୍ରୱାଲ ଅକ୍ଷୟ ସୁନିଲ, ସମନ୍ୱିତ ଆଦିବାସି ଉନ୍ନୟନ ପ୍ରକଳ୍ପ ପ୍ରଶାସକ, ଅଭୀମନ୍ୟୁ ମାଝୀ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ସୁରେଶ ପଟନାୟକ, ଜିଲ୍ଲା ପଞ୍ଚାୟତ ଅଧିକାରୀ, ଶିଶିର କୁମାର ପାଣି, ଜିଲ୍ଲା ଶ୍ରମ ଅଧିକାରୀ, ନରେନ୍ଦ୍ର କୁମାର ଗାଇପାଇ, ଉପ ମୁଖ୍ୟ କାର୍ଯ୍ୟ ନିର୍ବାହି ଅଧିକାରୀ, ଓଡ଼ିଆ ଗ୍ରାମୀଣ ଉନ୍ନତି ଓ ବିପଅଣ ସଂସ୍ଥା, ଉମା ମହେଶ, ଜିଲ୍ଲା ନିୟୋଜନ ଅଧିକାରୀ, ତତ୍ତ୍ୱମସି ମହାପାତ୍ର, ଜିଲ୍ଲା ମଙ୍ଗଳ ଅଧିକାରୀ, ସ୍ମୁତି ରଞ୍ଜନ ସାମନ୍ତରାୟ, ଅଧିକ୍ଷକ ଯନ୍ତ୍ରୀ, ଗ୍ରାମ୍ୟ ଜଳ ଯୋଗାଣ ଏବଂ ପରିମଳ, ଅମରେନ୍ଦ୍ର ପାଢ଼ୀଙ୍କ ବ୍ୟତୀତ, ଜିଲ୍ଲାର ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ, ସମସ୍ତ ତହସିଲଦାର,ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ, ଚୌଧୁରୀ ଶୋଭାରାଣୀ ମିଶ୍ର, ଜିଲ୍ଲା ସମାଜ କଲ୍ୟାଣ ଅଧିକାରୀ, ସ୍ବର୍ଣ୍ଣଲତା ବିଶ୍ୱାସ, ଜିଲ୍ଲା ଶିକ୍ଷା ଅଧିକାରୀ, ଚନ୍ଦ୍ରଶେଖର ପାଣିଗ୍ରାହୀ, ଜିଲ୍ଲା ମୁଖ୍ୟ ପ୍ରାଣୀଧନ ଚିକିତ୍ସା ଅଧିକାରୀ, ଜିଲ୍ଲା ଯୋଗାଣ ଅଧିକାରୀ, ସଂଜୀବ କୁମାର ସାହୁ, ନିର୍ବାହୀ ଯନ୍ତ୍ରୀ, ରାସ୍ତା ଓ ଗୃହ ନିର୍ମାଣ, ପ୍ରଫୁଲ୍ଲ କୁମାର ମିଶ୍ର, ନିର୍ବାହୀ ଯନ୍ତ୍ରୀ, ଗ୍ରାମ୍ୟ ନିର୍ମାଣ ବିଭାଗ,ସୁଦାମ ଚରଣ ମହାପାତ୍ର, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ, ହଳଧର ନିହାଲ, ଜେନେରାଲ ମ୍ୟାନଜେର, ଜିଲ୍ଲା ଶିଳ୍ପ କେନ୍ଦ୍ର, ଏ ବାଣେଶ୍ୱର ରାଓ ସୁବୁଦ୍ଧି, ସହକାରୀ ନିବନ୍ଧକ, ସମବାୟ ସମିତି ସମୂହ, ସନ୍ତୋଷ କୁମାର ଦାସ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ, ସୁଧାଂଶୁ ପାତ୍ରଙ୍କ ବ୍ୟତୀତ ଜିଲ୍ଲାର ଅନ୍ୟାନ୍ୟ ବରିଷ୍ଠ ଅଧିକାରୀ ପ୍ରମୁଖ ଯୋଗ ଦେଇଥିଲେ ।

ଡକ୍ଟର ସଦାଶିବ ତ୍ରିପାଠୀ ଙ୍କ ଶ୍ରାଦ୍ଧ ଦିବସ ପାଳିତ।

!!! ନବରଙ୍ଗପୁର ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ଏସ॰ଏନ ପଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ(ନବରଙ୍ଗପୁର)- ନବରଙ୍ଗପୁର ମାଟିର ବିଶିଷ୍ଟ ସ୍ଵାଧୀନତା ସଂଗ୍ରାମୀ ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ସଦାଶିବ ତ୍ରିପାଠୀ ଙ୍କ ଶ୍ରାଦ୍ଧ ଦିବସ ଆଜି ପାଳନ କରାଯାଇଅଛି । ଜିଲ୍ଲାପ୍ରଶାସନ, ପୌରପାଳିକା ନବରଙ୍ଗପୁର ଆନୁକୁଲ୍ୟରେ ସଦାଶିବ ତ୍ରିପାଠୀ ପାର୍କ ଠାରେ ଅନୁଷ୍ଠିତ ଏହି କାର୍ଯ୍ୟକ୍ରମ ର ମୁଖ୍ୟ ଅତିଥି ଭାବେ ଜିଲ୍ଲାପାଳ ଡକ୍ଟର ଅଜିତ କୁମାର ମିଶ୍ର ଯୋଗଦେଇ ସଦାଶିବ ତ୍ରିପାଠୀ ଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ କରିଥିଲେ। ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀ ଭାସ୍କର ର ଇ ତ, ଉପଜିଲ୍ଲାପାଳ ଶ୍ରୀ ଅକ୍ଷୟ ସୁନିଲ ଅଗ୍ରୱାଲ, ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ଶ୍ରୀ ହଳଧର ନିଆଲ୍, ଶ୍ରୀ କେଦାରନାଥ ତ୍ରିପାଠୀ ଯୋଗଦେଇ ଡକ୍ଟର ସଦାଶିବ ତ୍ରିପାଠୀ ଙ୍କ ପ୍ରତିମୂର୍ତ୍ତି ରେ ଶ୍ରଦ୍ଧା ସୁମନ୍ ଅର୍ପଣ କରିଥିଲେ। ଏଥିରେ ବିଭିନ୍ନ ଗଣମାଧ୍ୟମର ପ୍ରତିନିଧି, ବିଭାଗୀୟ ଅଧିକାରୀ, କର୍ମଚାରୀ ପ୍ରମୁଖ ଯୋଗଦେଇ ଶ୍ରଦ୍ଧା ସୁମନ୍ ଅର୍ପଣ କରିଥିଲେ। ମହାମାରୀ କୋରୋନା କଟକଣା ଯୋଗୁଁ ସୀମିତ ପଦାଧିକାରୀ, ବ୍ୟକ୍ତି ବିଶେଷଙ୍କୁ ନେଇ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।

ନବରଂଗପୁରରେ ରେଳ ମନ୍ତ୍ରୀ ସହର ବାସୀଙ୍କ ଉଚ୍ଚାହ ଶୀଘ୍ର ଆସିଯିବ ନବରଂଗପୁରକୁ ରେଳ ପ୍ରତିଶ୍ରୁତି ଦେଇଗଲେ ଜନ ଆଶ୍ରିବାଦ କାର୍ଯ୍ୟକ୍ରମ ରେ କେନ୍ଦ୍ରମନ୍ତ୍ରୀ l 

!!! ନବରଙ୍ଗପୁର ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ଏସ ॰ଏନ॰ ପଟନାୟକଙ୍କ ରିପୋର୍ଟ !!!

ଏଥର ସମ୍ଭାଳ (ନବରଙ୍ଗପୁର)- ନବରଙ୍ଗପୁର ଜିଲ୍ଲାରେ କେନ୍ଦ୍ର କେବିନେଟ ରେଳଓ ବିଦ୍ୟୁତି ସୂଚନା ପ୍ରଯୁକ୍ତି ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଭବ୍ୟ ସ୍ୱାଗତ ସହ ନବରଂଗପୁର ଜିଲ୍ଲା ବିଜେପି ଦଳର କର୍ମୀ, ନେତା ଓ ନବରଂଗପୁର ସାଧାରଣ ଜନତା ଏଥିରେ ସାମିଲ ଥିଲେ l ସ୍ୱାଗତ ପ୍ରାରମ୍ଭରେ ମନ୍ତ୍ରୀଙ୍କ ନବରଂଗପୁର ପ୍ରତି ଶ୍ରଦ୍ଧା ଦେଖିବାକୁ ମିଳିଥିଲା ଯେତେବେଳେ ମନ୍ତ୍ରୀ ନିଜେ ଛୋଟ ମକାପୋଡା ଦୋକାନରେ ପାଖରେ ବସି ମକା ଖାଇବାର ଆନନ୍ଦ ନେଇଥିଲେ l

ନବରଙ୍ଗପୁର ଇନ୍ଦ୍ରାବତୀ ବ୍ରିଜ ଠାରେ ସୋତାଧିକ ବିଜେପି କର୍ମୀ ବାଇକ ରେଲି କରି ନବରଂଗପୁର ମୁଖ୍ୟ ରାସ୍ତା ଦେଇ ପରିକ୍ରମା ସହ ନବରଂଗପୁର ସହରରେ ଥିବା ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିଥିଲେ l ନବରଂଗପୁର ସ୍ଥିତ ଗାନ୍ଧୀ ଛକ ଠାରେ ସହର ବାସୀଙ୍କୁ ସମ୍ବୋଧନ କରି ସହର ବାସୀଙ୍କ ଆଶ୍ରିବାଦ କାମନା କରି ଆସୁଥିବା ନିର୍ବାଚନ ରେ ନବରଂଗପୁର ଜିଲ୍ଲାର ଚାରି MLA ଓ ଏକ MP କାମନା କରି ନବରଂଗପୁର ପାଇଁ କେବିନେଟ ମୁଂଜୁର ହୋଇଥିବା ଜୟପୁର ଠାରୁ ନବରଂଗପୁର ରେଳ ରାସ୍ତା ଯେତେଶୀଘ୍ର ଜମି ଦୋଖଲ ହେଲେ ସେତେ ଶୀଘ୍ର ନିଁଛିତ ରେଳ ନବରଂଗପୁର ଆସିବ ବୋଲି କହିଥିଲେ l ମିନ୍ତ୍ରୀଙ୍କୁ ଭେଟି ନବରଂଗପୁର ରେ ବିଭିନ୍ନ କମିଟି ପକ୍ଷରୁ ସ୍ମାରକ ପତ୍ର ପ୍ରଦାନ କରିଥିଲେ l ପରିଶେଷରେ ଜିଲ୍ଲାପାଳ Dr ଅଜିତ କୁମାର ମିଶ୍ରଙ୍କ ସହିତ ସର୍କିଟହାଉସ ରେ ମିଟିଙ୍ଗ ପରେ କଳାହାଣ୍ଡି ଗ୍ରସ୍ତ ରେ ଯାଇଥିଲେ l ମନ୍ତ୍ରୀଙ୍କ ଏହି କାର୍ଯ୍ୟକ୍ରମରେ ନବରଂଗପୁର ବିଜେପି ଦଳର ବରିଷ୍ଟ ନେତା ମାନେ ସହଯୋଗ କରିଥିଲେ ସେଥିମଧ୍ୟରୁ ପୂର୍ବତମ ସାଂସଦ ପୋର୍ଶୁରାମ ମାଝୀ, ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ, ରାଜ୍ୟ ଭା ଜ ପା ଉପସଭାପତି ବଳଭଦ୍ର ମାଝୀ, ଭୋଗୁବକ୍ସି ପାତ୍ର, ସାଧାରଣ ସମ୍ପାଦକ ଗୋଲୋକ ମହାପାତ୍ର ଓ ଭୋବି ନାୟକ, ସମ୍ପାଦକ ଗୌରୀ ଶଙ୍କର ମାଝୀ ଓ ସିମାଞ୍ଚଳ ଖୋଟେଇ, ଜିଲ୍ଲା ଶୋଭାପତି ଯୋଗଦୀସ ବିଶୋଇ ଯୋଗ ଦେଇଥିଲେ