କୁତ୍ରାଥାନା ଅନ୍ତର୍ଗତ ଯୋଉରାମୁଣ୍ଡା ଗ୍ରାମର କେରାଟୋଲି ବସ୍ତିରେ ଦୁଇ ନାବାଳିକା କୁ ଦୁଷ୍କର୍ମ ଅଭିଯୋଗ ଦୁଇଅଭିଯୁକ୍ତ ଗିରଫ।

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ସପ୍ତାହ ଭିତରେ ଅଂଚଳରେ ତିନୋଟି ମାମଲା ପ୍ରଶାସନ ଏବଂ ସମାଜ ପାଇଁ ଚିନ୍ତାର କାରଣ ପାଲଟିଛି।
ମିଳିଥିବା ସୂଚନା ଅନୁଯାୟୀ ସୁନ୍ଦରଗଡ଼ଜିଲ୍ଲାର କୁତ୍ରା ବ୍ଲକ ଅନ୍ତର୍ଗତ ଯୋଉରାମୁଣ୍ଡା ଗ୍ରାମର କେରାଟୋଲି ବସ୍ତିରେ ଜେଓରମ ବିଲୁଙ୍ଗ (୫୦) ନାମକ ବ୍ୟକ୍ତି ଜଣେ ୯ ବର୍ଷର ନାବାଳିକା ସହିତ ଦୁଷ୍କର୍ମ କରିଥିବା ଏବଂ ରୋବଜିତ ଡୁଙ୍ଗ ଡୁଙ୍ଗ(୨୮)ନାମକ ଯୁବକ ୧୪ ବର୍ଷର ନାବାଳିକା ସହ ଦୁଷ୍କର୍ମ କରିବା ପାଇଁ ଜୋର ଜବରଦସ୍ତ କରିଥିବା ନେଇ କୁ ପିଡ଼ିତା ଙ୍କର ପରିବାର ଲୋକ କୁତ୍ରା ଥାନାରେ ୧୯/୦୬/୨୦୨୦ ତାରିଖରେ ଲିଖିତ ଅଭିଯୋଗ କରିଛନ୍ତି। ନାବାଳିକା ପିଡ଼ିତା ସମ୍ପର୍କରେ ଦୁଇ ଭଉଣୀ ହେଇଥିବା ସୂଚନା ମିଳିଛି।
ବିଗତ ଦିନରେ ଦୁଇଟି ନା ବାଳିକା ଦୁଷ୍କର୍ମ ମାମଲା ରାଜଗାଙ୍ଗପୁର ଥାନା ରେ ଅଭିଯୋଗ ହେଇଥିବା ବେଳେ ଆଜି ପୁଣି ଏକ ଲଜ୍ଜା ଜନକ ଘଟଣା ଘଟିଛି କୁତ୍ରା ଥାନା ଅନ୍ତର୍ଗତ ଜଉରାମୁଣ୍ଡା ଗ୍ରାମ ରେ । ଆଜି ରାଜଗାଙ୍ଗପୁର ଏସଡ଼ିପିଓ ବିଜୟ ନନ୍ଦଙ୍କ ତତ୍ତ୍ୱବଧାନରେ କୁତ୍ରା ଥାନା ଅଧିକାରୀ ସୁଶାନ୍ତ ପରିଡା ମାମଲାର ଯାଞ୍ଚ କରିବା ସହ ଦୁଷ୍କର୍ମ କରିଥିବା ଅଭିଯୁକ୍ତ ଜେଓରମ ବିଲୁଙ୍ଗ ଏବଂ ରୋବଜିତ ଡୁଙ୍ଗ ଡୁଙ୍ଗ କୁ ଗିରଫ କରିବା ସହ ପିଡିତା ଏବଂ ଅଭିଯୁକ୍ତଙ୍କ ଡାକ୍ତରୀ ମାଇନା କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛନ୍ତି । ପୋଲିସ ୧୪ବର୍ଷର ପିଡ଼ିତା ସହିତ ଅସଦାଚରଣ ଘଟଣାରେ ଅଭିଯୁକ୍ତ କୁ ଏବଂ ୯ବର୍ଷର ପିଡ଼ିତା ଙ୍କର ସହିତ ଦୁଷ୍କର୍ମ କରିଥିବା ଅଭିଯୁକ୍ତ କୁ ଘଟଣାରେ ମାମଲା ରୁଜୁ କରି ତଦନ୍ତ କରିବାପରେ ରଵଜିତ ଡୁଙ୍ଗ ଡୁଙ୍ଗ କୁ ଗିରଫ କରି ଦୁଇ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରିଛନ୍ତି । ବିଗତ ଏକ ସପ୍ତାହ ଭିତରେ ସ୍ଥାନୀୟ ଅଞ୍ଚଳରେ ନିରୀହ ନା ବାଳିକାଙ୍କ ସହ ଏକାଧିକ ଦୁଷ୍କର୍ମ ମାମଲା ସାମ୍ନା କୁ ଆସିଥିବା ବେଳେ ଏହା ସଭ୍ୟ ସମାଜ ପାଇଁ ଚିନ୍ତାର ବିଷୟ ପାଲଟିଛି ।

ଅନୁସୂଚିତ ଜାତିର ନାବାଳିକାକୁ ଗଣବଳାତ୍କାର ଅଭିଯୋଗ: ୩ ଅଭିଯୁକ୍ତ ଯୁବକ ଗିରଫ ।

!!! ବାରିପଦା ରୁ ଟାଉନ ପ୍ରତିନିଧି ଅମିତ୍ ନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବାରିପଦା)- ପୁଣି ଫେରିଲା କଳଙ୍କ | ସାତ ବର୍ଷର ବ୍ୟବଧାନ ପରେ ବାରିପଦା ସହରରେ ପୁଣି ଥରେ ଗଣବଳାତ୍କାର ଭଳି ଏକ ଅମାନବୀୟ ମାମଲା ସାମନାକୁ ଆସିଛି । ସଂଖ୍ୟାଲଘୁ ସମ୍ପ୍ରଦାୟର ଯୁବକ ଅନୁସୂଚିତ ଜାତିର ଧରମ ଭଉଣୀକୁ ଘରୁ ଡ଼ାକି ନେଇ ଅନ୍ୟ ୨ ସାଙ୍ଗମାନଙ୍କ ସହିତ ମିଶି ୧୫ ବର୍ଷୀୟା ନାବାଳିକା ସହିତ ଜଣେ ପରେ ଜଣେ ଗଣବଳାତ୍କାର କରିଥିବାର ଅଭିଯୋଗ ହୋଇଛି । ବାରିପଦା ମଧୁବନ ପଡ଼ିଆ ନିକଟ ଗେରେଜରେ ମେ ୧୨ ରାତିରେ ଏହି ଘଟଣା ଘଟିଛି । ରାତି ପ୍ରାୟ ୩ଟା ପରେ ଅଭିଯୁକ୍ତମାନେ ବାହାରକୁ ବାହାରି ଆସିବା ପରେ ପିଡ଼ିତା ନାବାଳିକା ସୁଯୋଗ ଉଣ୍ଡାଇ ଖସି ପଳାଇ ଆସିବାରେ ସଫଳ ହେବା ପରେ ମେ ୧୩ରେ ବାରିପଦା ଟାଉନ ଥାନାରେ ପହଁଞ୍ଚି ଲିଖିତ ଅଭିଯୋଗ କରିଛି । ପିଡ଼ିତା ପକ୍ଷରୁ ଥାନାରେ ହୋଇଥିବା ଅଭିଯୋଗ ଆଧାରରେ ତାର ଧରମ ଭାଇ ଗତ ମଙ୍ଗଳବାର ସନ୍ଧ୍ୟା ସମୟରେ ପେଟ୍ରୋଲ ଆଣିବା ନିମନ୍ତେ ଘରୁ ଡ଼ାକି ନେଇଯାଇଥିଲା । ଟାଙ୍କିରୁ ପେଟ୍ରୋଲ ଆଣି ନାବାଳିକାକୁ ଧରି ପ୍ରଥମେ ମଧୁବନ ପଡ଼ିଆରେ ପହଁଞ୍ଚିଥିଲା । ସେଠାରେ ଅନ୍ୟ ଦୁଇ ସାଙ୍ଗମାନଙ୍କ ସହିତ ମିଶି ପ୍ରଥମେ ନାବାଳିକା ସହିତ ଦୁର୍ବ୍ୟବହାର ପ୍ରଦର୍ଶନ କରିବା ପରେ ନିକଟସ୍ଥ ଗେରେଜ ଭିତରକୁ ନେଇଯାଇଥିଲେ । ସେଠାରେ ନାବାଳିକାର ମୁହଁରେ କପଡ଼ା ବାନ୍ଧି ଜଣେ ପରେ ଜଣେ ଗଣବଳାକ୍ରାର କରିବାରେ ଲାଗିପଡ଼ିଥିଲେ । ଅଭିଯୁକ୍ତମାନେ ହେଲେ ପିଡ଼ିତା ନାବାଳିକାର ଧରମ ଭାଇ ତଥା ବାରିପଦା ଷ୍ଟେସନ ବଜାର ସେକ୍ କାଲୁଙ୍କ ପୁଅ ସେକ୍ ରଫିକ୍ ଓରଫ ସଫୁଆ(୨୩), ୱାର୍ଡ ନମ୍ବର ୭, ମଧୁବନ ଅଞ୍ଚଳରେ ରହୁଥିବା ମୟୂରଭଞ୍ଜ ଜିଲ୍ଲା ଉଦଳା ଥାନା ଅନ୍ତର୍ଗତ ଜିରୀଡା ଗ୍ରାମର ସନାତନ ଦାସଙ୍କ ପୁଅ ରବୀନ୍ଦ୍ର ଦାସ ଓରଫ ରବି(୨୮) ଓ ବାରିପଦା ପୌରପରିଷଦର ୱାର୍ଡ ନମ୍ବର ୧୪ ଶୁନଗଡ଼ିଆ ଅଞ୍ଚଳର ସେକ୍ ନୁରୁଙ୍କ ପୁଅ ଶେଖ ନିଆଜୁର ଓରଫ ବୁତୁରୁ । ନାବାଳିକାର ଅଭିଯୋଗ କ୍ରମେ ଭାରତୀୟ ଦଣ୍ଡବିଧି ଆଇନ ଧାରା ୩୭୬(୩), ୩୭୬(ଡ଼ି), ୩୪ ଏବଂ ସେକସନ ୬ ପୋକ୍ସୋ ଆକ୍ଟ ବଳରେ ଏକ ମାମଲା(କେଶ ନଂ. ୩୧୧/୨୦୨୦) ରୁଜୁ କରାଯାଇ ଅଭିଯୁକ୍ତ ସେକ୍ ସଫିକ୍, ରବି ଓ ଶେଖ ନିଆଜୁରଙ୍କୁ ଗିରଫ କରାଯାଇ ବାରିପଦା ପିଆରଏମ ମେଡ଼ିକାଲରେ ଡ଼ାକ୍ତରୀ ପରୀକ୍ଷା କରାଯାଇଛି । ସେହିପରି ପୀଡ଼ିତା ନାବାଳିକାର ମଧ୍ୟ ଡ଼ାକ୍ତରୀ ମାଇନା କରାଯାଇଛି । ଏଥି ସହିତ ଉକ୍ତ ମାମଲାର ଆଇଓ ରଞ୍ଜିତ କୁମାର ବେହେରା ଏବଂ ସାଇଣ୍ଟିଫିକ୍ ଟିମ ଗେରେଜରେ ପହଁଞ୍ଚି ଗଣବଳାକ୍ରାର ମାମଲାରେ ଯୋଡ଼ି ହୋଇଥିବା ପ୍ରମାଣ ଯୋଗାଡ଼ରେ ଲାଗିପଡ଼ିଥିଲେ ବୋଲି ବାରିପଦା ଟାଉନ ଥାନା ଅଧିକାରୀ ବୀରେନ୍ଦ୍ର କୁମାର ସେନାପତି ପ୍ରକାଶ କରିଛନ୍ତି । ସୂଚନା ଯୋଗ୍ୟ ଯେ, ୨୦୧୩ ଜାନୁଆରୀ ୨୧ରେ ବାରିପଦା ମେଡ଼ିକାଲରେ ଚିକିତ୍ସା ହେଉଥିବା ଭାଇର ଯତ୍ନ ନେବାକୁ ଆସିଥିବା ଜଣେ ଅନୁସୂଚିତ ଜନଜାତି ମହିଳା ସନ୍ଧ୍ୟା ୭ଟାରେ ମେଡ଼ିକାଲ ପଛକୁ ସ୍ୱାମୀ ସହିତ ଶୌଚ ନିମନ୍ତେ ଯାଇଥିବା ବେଳେ ସ୍ୱାମୀକୁ ମାଡ଼ ମାରି ଗଣ ବଳାତ୍କାର କରାଯାଇଥିଲା । ଏହାକୁ ନେଇ ବାରିପଦା ଟାଉନ ଥାନାରେ ଆଇପିସି ଧାରା ୩୪୧, ୩୨୩, ୫୦୬, ୩୭୬(୨)(ଜି) ବଳରେ କେଶ ନଂ ୧୯/୨୦୧୩ରେ ମାମଲା ରୁଜୁ କରାଯାଇଥିଲା ଏବଂ ଅଭିଯୁକ୍ତମାନେ ଅଦାଲତ ଦ୍ୱାରା ଦଣ୍ଡିତ ହୋଇସାରିଛନ୍ତି ।

ମୟୂରଭଞ୍ଜ ଜିଲ୍ଲାପାଳ ଙ୍କ ସାମ୍ବାଦିକ ସମ୍ମିଳନୀ ମାଧ୍ୟମରେ ଜନ ସାଧାରଣ ଙ୍କୁ ସଚେତନତା ବାର୍ତ୍ତା।

!!! ମୟୂରଭଞ୍ଜ ଜିଲ୍ଲା ବାରିପଦା ରୁ ରୋହିତ୍ ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ (ବାରିପଦା) – ମୟୁରଭଂଜ ଜିଲ୍ଲାପାଳ ଏକ ପ୍ରେସ ମିଟ ଡାକି ଜିଲ୍ଲାବାସୀ ଙ୍କୁ ସଚେତନ ତାର ବାର୍ତା ଦେଇଥିଲେ । ସେ କହିଥିଲେ ଜରୁରୀ କାର୍ଯ୍ୟ ଥିଲେ ବହାରନ୍ତୁ ନଚେତ ଘରୁ ନ ବାହାରିବା ପାଈଁ ପରାମର୍ଶ ଦେଇଛନ୍ତି । ବସ,ଟ୍ରେନ ରେ ଯିବା ଆସିବା କରନ୍ତୁ ନାହଁ ପରସ୍ପର ମଧ୍ୟରେ ବେବଧାନ ରଖନ୍ତୁ ।କେହି ବେକ୍ତି କୁ କାଶ, ଛିଙ୍କ ହୋଇଥିଲେ ତା ଠାରୁ ଦୁରେଇ ରୁହନ୍ତୁ । ଗାଧୁଆ ତୁଠରେ ବେବଧାନ ରଖି ଗାଧାନ୍ତୁ ଓ ସ୍ୱଚ୍ଛତା ଅବଲମ୍ବନ କରିଲେ ଆମେ କରନା ଭାଇରସ ସହିତ ମୁକାବିଲା କରିପାରିବା ।ଓ ଆଜି ଠାରୁ ଫାଷ୍ଟ ଫୁଡ଼ ,ଗୁପଚୁପ ଦୋକାନ ,ଉଠା ଦୋକାନୀ ,ଚା ଦୋକାନ ,ପାନ ଦୋକାନ ସମ୍ପୂର୍ଣ୍ଣ ବନ୍ଦ ରଖିବା ପାଇଁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ଯିଏ ଏଇ ନିୟମ ଉଲଘଂନ କରିବ ପ୍ରଶାସନ ତା ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଜିଲ୍ଲା ପ୍ରଶାସନ ସୂଚନା ଦେଇଛନ୍ତି ତତ୍ସହିତ ଆଜି ବାରିପଦା ପୋଲିସ ଓ ବାରିପଦା ମୁନିସିପଲ ତରଫରୁ ବାରିପଦା ସହରରେ ଡ଼ାକବାଜି ଯନ୍ତ୍ର ସାହାଯ୍ୟରେ ସଚେତନ ତାର ବାର୍ତା ଦେବା ସହିତ ଲୋକ ମାନଙ୍କୁ ସମାଜିକ ଦୂରତା ବଜାଇ ରଖିବା ପାଇଁ କୁହାଯିବ ସହିତ ଜରୁରୀକାଳୀନ ସେବା ଯଥା ଔଷଧ ଦୋକାନ, କ୍ଷୀର,ଆଳୁ, ପିଆଜ ପନିପରିବା, ପାଥୋଲୋଜି ,ମାଛ, ମାଂସ ଦୋକାନ ବେତିତ୍ୟା ଅନ୍ୟାନ୍ୟ ଦୋକାନ ବନ୍ଦ ପାଇଁ ନିର୍ଦ୍ଦେଶ ଦେଇଛନ୍ତି ।

ପ୍ରାର୍ଥନା ସଭାରେ ଆଣ୍ଠେଇଲେ ଛାତ୍ର;ଶିକ୍ଷକ -ଅଭିଭାବକ ମୁହାଁମୁହିଁ। ।

!!! ମୟୂରଭଞ୍ଜ ଜିଲ୍ଲା ବାରିପଦା ଟାଉନ ରୁ ଅମିତ୍ ନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବାରିପଦା) : ଆଜି ସ୍ଥାନୀୟ ମହାରାଜା କୃଷ୍ଣଚନ୍ଦ୍ର(ଏମ୍‌କେସି) ଉଚ୍ଚବିଦ୍ୟାଳୟରେ କିଛି ଛାତ୍ରଙ୍କୁ ପ୍ରାର୍ଥନା ସଭାରେ ଆଣ୍ଠେଇବା ଦଣ୍ଡଦେବାକୁ ନେଇ ମାନସିକ ନିର୍ଯାତନାର ଅଭିଯୋଗ ଆଣିଛନ୍ତି ଜଣେ ଛାତ୍ରଙ୍କ ମା’। ନବମ ଶ୍ରେଣୀ ଛାତ୍ର ସୁମିତ କୁମାର ସାହୁଙ୍କ ମା’ ତଥା ବିଦ୍ୟାଳୟ ପରିଚାଳନା କମିଟି(ଏସ୍‌ଏମ୍‌ସି) ସଦସ୍ୟା ସସ୍ମିତା ବେହେରାଙ୍କ ଅଭିଯୋଗ ଅନୁସାରେ ଏମ୍‌କେସି ଉଚ୍ଚବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ତାଙ୍କ ପୁଅଙ୍କୁ ଉଦ୍ଦେଶ୍ୟମୂଳକ ଭାବେ ପ୍ରାର୍ଥନା ସଭାରେ ସମସ୍ତ ଛାତ୍ରଛାତ୍ରୀ ଏବଂ ଶିକ୍ଷକଶିକ୍ଷୟିତ୍ରୀଙ୍କ ସମ୍ମୁଖରେ ଆଣ୍ଠେଇବାକୁ ନିର୍ଦ୍ଦେଶ ଦେଇଥିଲେ। ତାଙ୍କ ପୁଅର ଚୁଟିକୁ ନେଇ କଟୁ ମନ୍ତବ୍ୟ ଦେବା ସହିତ ସର୍ବସମ୍ମୁଖରେ ଆଣ୍ଠେଇବାର ଦଣ୍ଡ ଦେଇଥିଲେ। ଯାହାକି ତାଙ୍କ ପୁଅକୁ ମାନସିକଭାବେ ଆଘାତ ଦେଇଛି। ଆଜି ଇଂରାଜୀ ପରୀକ୍ଷା ଥିଲେ ମଧ୍ୟ ସୁମିତ କିଛି ଲେଖିପାରିନଥିଲେ। ଏପରିକି ମାନସିକପୀଡ଼ାର ଶିକାର ଛାତ୍ରଜଣଙ୍କ ଆତ୍ମହତ୍ୟା କରିବାକୁ କହୁଥିବା ଅଭିଯୋଗ ଆଣିଛନ୍ତି ତାଙ୍କ ମା’। କେବଳ ତାଙ୍କ ପୁଅ ନୁହେଁ ଆହୁରି କିଛି ଛାତ୍ରଙ୍କୁ ମଧ୍ୟ ଏପରି ଆଣ୍ଠେଇବାକୁ ଦଣ୍ଡ ଦିଆଯାଇଛି। ସରକାର ବିଦ୍ୟାଳୟକୁ ଦଣ୍ଡମୁକ୍ତ ଅଞ୍ଚଳଭାବେ ଘୋଷଣା କରିଥିଲେ ମଧ୍ୟ ପ୍ରଧାନଶିକ୍ଷୟିତ୍ରୀ ଜଣଙ୍କ ଏପରି ଦଣ୍ଡ ଦେଇଥିବାରୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସସ୍ମିତା। ମାତ୍ର ଏହି ଅଭିଯୋଗକୁ ଖଣ୍ଡନ କରିଛନ୍ତି ଏମ୍‌କେସି ଉଚ୍ଚବିଦ୍ୟାଳୟ ପ୍ରଧାନଶିକ୍ଷୟିତ୍ରୀ ପ୍ରଜ୍ଞାପାରମିତା ଜେନା। ନିଜ ପ୍ରତିକ୍ରିୟାରେ ଶ୍ରୀମତୀ ଜେନା କହିଛନ୍ତି କି ଜଗଜ୍ଜୀବନ ସାହୁ ଏବଂ ସସ୍ମିତା ବେହେରା ସ୍ବାମୀ ସ୍ତ୍ରୀ ହୋଇଥିଲେ ମଧ୍ୟ କୌଶଳକ୍ରମେ ବିଦ୍ୟାଳୟ ପରିଚାଳନା କମିଟି(ଏସ୍‌ଏମ୍‌ସି)ରେ ସଦସ୍ୟ ଭାବେ ରହିଥିଲେ। ତେବେ ପରବର୍ତ୍ତୀ ସମୟରେ ଏବିଷୟରେ ଜଣାପଡ଼ିଲାପରେ ସସ୍ମିତାଙ୍କ ସ୍ବାମୀ ଜଗଜ୍ଜୀବନଙ୍କୁ ଏସ୍‌ଏମ୍‌ସିରୁ ବାହାର କରାଯାଇଥିଲା। ଯାହାର ପ୍ରତିଶୋଧ ନେବାକୁ ଭିନ୍ନଭିନ୍ନ ସମୟରେ ବିଦ୍ୟାଳୟର ଖ୍ୟାତିରେ ଆଞ୍ଚ ଆଣିବାକୁ ଉକ୍ତ ମହିଳା ଜଣଙ୍କ ଏପରି ଅନେକ କାମ କରିଛନ୍ତି। ପରୀକ୍ଷା ଦେବାକୁ ୭୫ପ୍ରତିଶତ ଉପସ୍ଥାନ ଆବଶ୍ୟକ ଥିଲେ ମଧ୍ୟ ଛାତ୍ର ସୁମିତଙ୍କର ମାତ୍ର ୧୪ ପ୍ରତିଶତ ଉପସ୍ଥାନ ରହିଛି। ବିଦ୍ୟାଳୟର ଶୃଙ୍ଖଳାକୁ ବାରମ୍ବାର ଭଙ୍ଗ କରୁଥିବାରୁ ଛାତ୍ରଙ୍କୁ ଶୃଙ୍ଖଳିତ କରିବାକୁ ଆକଟ କରାଯିବା ଉଦ୍ଦେଶ୍ୟରେ ଏପରି ଘଟଣା ଘଟିଯାଇଛି। କୌଣସି ଛାତ୍ରଙ୍କୁ ମାନସିକ କିମ୍ବା ଶାରିରୀକ ନିର୍ଯାତନା ଦିଆଯାଇନଥିବା ପ୍ରଧାନଶିକ୍ଷୟିତ୍ରୀ ପ୍ରଜ୍ଞାପାରମିତା ଜେନା ପ୍ରକାଶ କରିଛନ୍ତି। ସୁମିତଙ୍କ ସହିତ ଆଉ ୪ ଜଣ ଛାତ୍ରଙ୍କୁ ମଧ୍ୟ ଏପରି ଆକଟ କରାଯାଇଥିଲା। ପରେ ଛାତ୍ରମାନଙ୍କୁ କାଉନ୍‌ସେଲିଂ ମଧ୍ୟ କରାଯାଇଥିବା ଶ୍ରୀମତୀ ଜେନା ପ୍ରକାଶ କରିଛନ୍ତି। ତେବେ ଉକ୍ତ ଛାତ୍ରଙ୍କର ମା’ ଉଦ୍ଦେଶ୍ୟମୂଳକ ଭାବେ ଏପରି କରିଥିବା ପ୍ରଧାନଶିକ୍ଷୟିତ୍ରୀ ଅଭିଯୋଗ କରିଛନ୍ତି। ତେବେ ପ୍ରାର୍ଥନାସଭାରେ ଛାତ୍ରମାନଙ୍କୁ ଆକଟ କରିବା ଉଦ୍ଦେଶ୍ୟରେ ଆଣ୍ଠେଇବାକୁ କୁହାଯାଇଥିବା ସ୍ପଷ୍ଟ ହୋଇଛି।

ଅଖିଳ ଭାରତୀୟ ସକ୍ଷମ ଅନୁଷ୍ଠାନ ପକ୍ଷରୁ ଦିବ୍ୟାଙ୍ଗ ଅଧିବେଶନ ଅନୁଷ୍ଠିତ।

!!! ମୟୂରଭଞ୍ଜ ଜିଲ୍ଲା ବାରିପଦା ଟାଉନ ରୁ ଅମିତ୍ ନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବାରିପଦା)- ଭିନ୍ନକ୍ଷମମାନଙ୍କ ସାମୂହିକ ବିକାଶ ଓ ହିତ ସାଧନ ନିମନ୍ତେ କାର୍ଯ୍ୟ କରିଆସୁଥିବା ଅଖିଳ ଭାରତୀୟ ସଙ୍ଗଠନ ‘ସକ୍ଷମ’ ପକ୍ଷରୁ ଏକ ଦିବ୍ୟାଙ୍ଗମାନଙ୍କ ଅଧିବେଶନ ମୟୂରଭଞ୍ଜ ମହାରାଣୀ ରାଜଲକ୍ଷ୍ମୀ ଭଞ୍ଜଦେଓଙ୍କ ଅଧ୍ୟକ୍ଷତାରେ ସ୍ଥାନୀୟ ମଞ୍ଚାବନ୍ଧାସ୍ଥିତ ରାଖାଲ ଚନ୍ଦ୍ର ଶିଳ୍ପ ତାଲିମ ପ୍ରତିଷ୍ଠାନ ପରିସରରେ ଆୟୋଜିତ ହୋଇଥିଲା । ପୂର୍ବତନ ସୈନିକ ସଂଘର ମୟୂରଭଞ୍ଜ ଜିଲ୍ଲା ଶାଖା ସାଧାରଣ ସମ୍ପାଦକ ଅଶୋକ କୁମାର ଦଳବେହେରାଙ୍କ ଆବାହକତ୍ୱରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ମୟୂରଭଞ୍ଜ ଲୋକସଭା ସାଂସଦ ଇଂ ବିଶେଶ୍ୱର ଟୁଡ଼ୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ‘ସକ୍ଷମ’ ଅନୁଷ୍ଠାନର ରାଷ୍ଟ୍ରୀୟ ସାଧାରଣ ସମ୍ପାଦକ କମଳାକାନ୍ତ ପାଣ୍ଡେ , ଓଡ଼ିଶା ପୂର୍ବ ପ୍ରାନ୍ତ ରାଜ୍ୟ ଶାଖା ସଭାପତି ଡ଼କ୍ଟର ସୁବ୍ରତ କୁମାର ଦାସ ଓ ରାଜ୍ୟ ସମ୍ପାଦକ ସରୋଜ କୁମାର ସାହୁ ମୁଖ୍ୟ ବକ୍ତା ଭାବେ ଯୋଗ ଦେଇ ଅଧିବେଶନରେ ଉପସ୍ଥିତ ଦିବ୍ୟାଙ୍ଗମାନଙ୍କୁ ଉଦବୋଧନ ଦେବା ସହ କେନ୍ଦ୍ର ସରକାରଙ୍କ ପକ୍ଷରୁ ସେମାନଙ୍କ ନିମନ୍ତେ କାର୍ଯ୍ୟକାରୀ କରାଯାଇଥିବା ବିଭିନ୍ନ ବିକାଶ ମୂଳକ ଯୋଜନାଗୁଡ଼ିକ ଉପରେ ବିସ୍ତୃତ ଭାବେ ଉପସ୍ଥାପନ କରାଇଥିଲେ । ସେହିପରି ଅନ୍ୟମାନଙ୍କ ମଧ୍ୟରେ ପୂର୍ଣ୍ଣଚନ୍ଦ୍ର ପାଣିଗ୍ରାହୀ, କବିବିଷ୍ଣୁ ଶତପଥୀ, ଗୀତିକୃଷ୍ଣ ତିୱାରୀ, ବଙ୍କେଶ ସେଠୀ, ଦୀପକ ବେହେରା, ହରେକୃଷ୍ଣ ମହାନ୍ତ, ଲକ୍ଷ୍ମଣ ତ୍ରିପାଠୀ, ନବୀନ କୁମାର ମହାନ୍ତ ପ୍ରମୁଖ କାର୍ଯ୍ୟକ୍ରମରେ ଯୋଗ ଦେଇଥିବା ବେଳେ ରାଜ୍ୟ କର୍ମକର୍ତ୍ତା ବୀର କିଶୋର ମହାନ୍ତ ଧନ୍ୟବାଦ ଅର୍ପଣ କରିଥିଲେ । ଉକ୍ତ ଅଧିବେଶନରେ ବିଭିନ୍ନ ଅଞ୍ଚଳରୁ ପ୍ରାୟ ୫ ଶହରୁ ଅଧିକ ଦିବ୍ୟାଙ୍ଗ ଯୋଗ ଦେଇଥିଲେ । ତେବେ ସମଗ୍ର ଭାରତରେ ଭିନ୍ନକ୍ଷମମାନଙ୍କ ସଂଖ୍ୟା ସମୂଦାୟ ଜନସଂଖ୍ୟାର ୩ ପ୍ରତିଶତ ହୋଇଥିବା ବେଳେ ମୟୂରଭଞ୍ଜ ଜିଲ୍ଲାରେ ଏମାନଙ୍କ ସଂଖ୍ୟା ପ୍ରାୟ ୮ ପ୍ରତିଶତରୁ ଅଧିକ । ତେଣୁ ଜିଲ୍ଲାରେ ଦିବ୍ୟାଙ୍ଗମାନଙ୍କ ସମର୍ପିତ ଏହି ଅଧିବେଶନ ସେମାନଙ୍କୁ ବିଶେଷ ଭାବେ ପ୍ରଭାବିତ କରାଇବ ବୋଲି ମତପ୍ରକାଶ ପାଇଛି ।

ପକେଇ ପକେଇ ମାରିଦେଲେ , ଆଉ ଶେଷ ବେଳକୁ କହିଲେ କଟକ ନେଇଯାଅ…!

 !!! ମୟୂରଭଞ୍ଜ ଜିଲ୍ଲା ବାରିପଦା ରୁ ଟାଉନ ପ୍ରତିନିଧି ଅମିତ୍ ନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବାରିପଦା) – ଡାକ୍ତରଙ୍କ ଭୁଲ ଚିକିତ୍ସା ଯୋଗୁଁ ରୋଗୀଙ୍କ ମୃତ୍ୟୁ ଅଭିଯୋଗ। ପିଆରଏମ୍ ମେଡିକାଲ ରେ ଉତ୍ତେଜନା ଓ ଭଙ୍ଗାରୁଜା। ମୃତକ ବାରିପଦା ସହର ର ପୁରୁଣାହାଟସାହିର ମମତା ବିଶ୍ବାଳ। ସୂଚନା ଅନୁସାରେ ପିଆରଏମ୍ ମେଡିକାଲ ର ମହିଳା ମେଡିସିନ୍ ବିଭାଗରେ ୬ ଦିନ ହେବ ମ୍ୟାଲେରିଆ ଯୋଗୁଁ ମମତାଙ୍କ ଚିକିତ୍ସା ଚାଲିଥିଲା। ତେବେ ଆଜି ଦିନ ପ୍ରାୟ ସାଢେ ୧୨ଟା ସମୟରେ ମମତା ଅଧିକ ଅସୁସ୍ଥ ହୋଇ ପଡିବାରୁ ତାଙ୍କ ପରିବାର ଲୋକେ ତୁରନ୍ତ ଡ୍ୟୁଟିରେ ଥିବା ଡାକ୍ତର ଏବଂ ନର୍ସଙ୍କୁ ଡାକିଥିଲେ।

ବାରମ୍ବାର ଅନୁରୋଧ କରିବା ସତ୍ତ୍ବେ ତାଙ୍କୁ ଚିକିତ୍ସା କରିବାରେ ବିଳମ୍ବ କରିଥିଲେ କାର୍ଯ୍ୟରତ ଡାକ୍ତର ଏବଂ ଅନ୍ୟ କର୍ମଚାରୀ ମାନେ। ବହୁ କାକୁତି ମିନତି ହେବା ପରେ ଡାକ୍ତର ଆସି ତରବରିଆ ଭାବେ ରୋଗୀଙ୍କୁ ଏକ ଇଞ୍ଜଙ୍କ୍ସନ୍ ଦେଇଥିଲେ। ସେ ଇଞ୍ଜେକ୍ସନ୍ ଦେବା ପରେ ରୋଗୀ ଛାଟିପିଟି ହୋଇ ମୃତ୍ୟୁବରଣ କରିଥିଲେ। ଯାହାକୁ ନେଇ ପରିବାର ବର୍ଗଙ୍କ ମଧ୍ୟରେ ତିବ୍ର ଅସନ୍ତୋଷ ଦେଖା ଯାଇଛି। ଏଥିରେ ଉତ୍ୟକ୍ତ ହୋଇ ଡାକ୍ତରଖାନାରେ ଗଣ୍ଡଗୋଳ କରିବା ସହିତ ଭଙ୍ଗାରୁଜା କରିଛନ୍ତି। ତେବେ ଡାକ୍ତରଙ୍କ ଭୁଲ ଚିକିତ୍ସା ଯୋଗୁଁ ହି ମମତାଙ୍କ ମୃତ୍ୟୁ ହୋଇଛି, ତେଣୁ ଦୋଷି କାର୍ଯ୍ୟରତ ଡାକ୍ତର ଏବଂ କର୍ମଚାରୀ ମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି।ଖବର ପାଇ ବାରିପଦା ଟାଉନଥାନା ପୋଲିସ ଘଟଣା ସ୍ଥଳରେ ପହଞ୍ଚି ଉତ୍ତ୍ଯକ୍ତ ଲୋକଙ୍କୁ ବୁଝାସୁଝା କରିବା ସହ ତଦନ୍ତ ଆରମ୍ଭ କରିଛି॥

ଘରଡିହ ପଟ୍ଟା ପାଇଁ ମଧ୍ୟ ହୋଇପାରୁନାହିଁ ଜାଗା ଚିହ୍ନଟ ।

!!! ମୟୂରଭଞ୍ଜ ଜିଲ୍ଲା ରୁ ବାରିପଦା ଟାଉନ ପ୍ରତିନିଧି ଅମିତ ନାୟକ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ବାରିପଦା) – ଘରଡିହ ପଟ୍ଟା ପାଇ ମଧ୍ୟ ଜାଗା ଚିହ୍ନଟ ହୋଇପାରୁନାହିଁ । ଜିଲ୍ଲାପାଳ ଙ୍କ ଦ୍ୱାରସ୍ଥ ହେଲେ ଶାମାଖୁଣ୍ଟା ବ୍ଲକ ର ଶତାଧିକ ଗ୍ରାମବାସୀ ସୂଚନାଯୋଗ୍ୟ ଯେ ମୟୁରଭଂଜ ଜିଲ୍ଲା ଅନ୍ତର୍ଗତ ଶାମାଖୁଣ୍ଟା ତହସିଲ ଅଧିନ ଦୁଧିଆ ଷୋଳ ରେ ଭୂମିହୀନ କୁ ରାଜ୍ୟ ସରକାର ୨୦୧୬ ରୁ ଜମି ପଟ୍ଟା ପ୍ରଦାନ କରିଥିଲେ ମଧ୍ୟ ଏବେ ପର୍ଯ୍ୟନ୍ତ ଜାଗା ଚିହ୍ନଟ ହୋଇପାରିନାହିଁ । ଗ୍ରାମବାସୀ କହିବା ମୁତାବକ ଉକ୍ତ ଜାଗାକୁ ଗାଁ ଅନ୍ୟ ଏକ ଗୋଷ୍ଠି ଜବର ଦଖଲ କରିଛନ୍ତି । ସୂଚନାଯୋଗ୍ୟ ଯେ ସରକାରୀ ଯୋଜନା ଅନୁଯାୟୀ ପ୍ରତ୍ୟେକ ଭୂମିହୀନ କୁ ୪ ଡେସିମିଲ ଲେଖାଏଁ ସରକାରୀ ଜମି ର ପଟ୍ଟା ପାଇବା ପରେ ମଧ୍ୟ ଜାଗା ଚିହ୍ନଟ ହୋଇପାରୁନାହିଁ । ସରକାର ଙ୍କ ତରଫରୁ ଆର. ଆଇ,ଅମୀନ, ସେହି ସ୍ଥାନକୁ ଯାଇ ପଟ୍ଟା ହିସାବରେ ଜମି ଚିହ୍ନଟ କଲା ବେଳକୁ ଗ୍ରାମର ଅନ୍ୟ ଏକ ଗୋଷ୍ଠି ଏକଜୁଟ ହୋଇ ବିରୋଧ ପ୍ରଦର୍ଶନ କରୁଥିବା ଅଭିଯୋଗ ଆଣିଛନ୍ତି ପଟ୍ଟା ପାଇଥିବା ହିତାଧିକାରୀ । ସରକାରୀ ନିୟମ ଅନୁଯାୟୀ ଗ୍ରାମରେ ଥିବା ସରକାରୀ ଜମି କୁ ହିତାଧିକାରୀଙ୍କ ନାମ ରେ ପଟ୍ଟା ପ୍ରଦାନ କରିବା ଆଗରୁ ପ୍ରଶାସନ ପକ୍ଷରୁ ଉକ୍ତ ଗ୍ରାମ ବାସୀ ମତାମତ ନିଆ ଯାଇନଥିବା ଗ୍ରାମ ବାସୀ ଅଭିଯୋଗ କରି ଆଜି ସେମାନଙ୍କୁ ସେମାନଙ୍କ ଜମିର ଦଖଲ ଦେବାକୁ ଦାବୀ ରଖି ଜିଲ୍ଲାପାଳ ଙ୍କ କାର୍ଯ୍ୟଳୟ କୁ ଆସିଥିଲେ ।