ଜୟପୁର ରେ ନୂତନ ରୋଟରି କ୍ଳବ ର ଶୁଭ ଉଦ୍ଘାଟନ…!

!!! ନବରଙ୍ଗପୁର ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ଏସ୍. ଏନ୍. ପଟନାୟକଙ୍କ ରିପୋର୍ଟ୍ !!!

ଏଥର ସମ୍ଭାଳ (ଜୟପୁର) – କୋରାପୁଟ ଜିଲ୍ଲା ଜୟପୁର ବ୍ଲକ ମାଉନ୍ଟଭେଲୀ ହୋଟେଲ ସଭାଗୃହ ରେ ନୂତନ ରୋଟରି କ୍ଳବ ର ଶୁଭ ଉଦ୍ଧଘାଟଣ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା। ଏହି କାର୍ଯ୍ୟକ୍ରମ କୁ ରୋଟରି କ୍ଳବ ର ଡିଷ୍ଟ୍ରିକ୍ଟ ଗୋବର୍ଣ୍ଣର ରଟରିୟାନ ସାନ୍ତନୁ କୁମାର ପାଣି ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରଦୀପ ପ୍ରଜ୍ବଳନ କରି ଶୁଭ ଉଦ୍ଧଘାଟଣ କରିବା ସହ ଅଭିଭାଷଣ ରେ ଉପସ୍ଥିତ ମେମ୍ବର ମାନଙ୍କୁ ଶୁଭେଚ୍ଛା ଜଣେଇଥିଲେ ଏବଂ ଏକ ମନ ପରସ୍ପର ସୁଖ ଦୁଃଖ ର ସହଯୋଗୀ ହେଇ କାର୍ଯ୍ୟ କରିବା ପାଇଁ ଉତ୍ସାହିତ କରିଥିଲେ। ଏହି ନୂଆ କ୍ଳବ ର ଉପଦେଷ୍ଟା ଶ୍ରୀ ଅଶୋକ ମିଶ୍ର ସଭାପତିତ୍ବ କରିଥିଲେ. ଆଶିଟେଣ୍ଟ ଗୋବର୍ଣ୍ଣର ସମ୍ମାନିତ ଅତିଥି ଭାବେ ଯୋଗ ଦେଇଥିବା ବେଳେ ରଟେରିୟନ ଜିଭି ରାଓ ପରଚାଳନ କରିଥିଲେ।

ଏହି ନୂତନ ରୋଟରି କ୍ଳବ ର ପିକେ ନାୟକ (ସମାଜସେବି)କୁ ସଭାପତି ଏବଂ ରାମ ହରି ପଣ୍ଡା କୁ ସମ୍ପାଦକ ଭାବେ ମନୋନିତ କରିଥିଲେ। ଡିଷ୍ଟ୍ରିଟ ଗୋବର୍ଣ୍ଣର ରଟେ ରୀୟନ ଶାନ୍ତନୁ କୁମାର ପାଣି କୁ ମନୋନିତ କରିଛନ୍ତି ପରେ ଏକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା। ଏହି କାର୍ଯ୍ୟକ୍ରମ ରେ ୩୦ ଜଣ ମେମ୍ବର ତାଙ୍କ ପରିବାର ସହି ଉପସ୍ଥିତ ରହିଥିଲେ. ଶେଷରେ ଅଶୋକ ମିଶ୍ର ସମସ୍ତଙ୍କୁ ଧନ୍ୟବାଦ କରିଥିଲେ।

କୋଟିଆକୁ ନେଇ ଆନ୍ଧ୍ର କରିଲା ନୂଆ ଚାଲ…!

!!! ଦକ୍ଷିଣ ଓଡିଶା ବ୍ୟୁରୋ ହେଡ ହୃଷୀକେଶ ପାତ୍ର ଙ୍କ ରିପୋର୍ଟ !!!

ଏଥର ସମ୍ଭାଳ ବ୍ୟୁରୋ (କୋରାପୁଟ)– କୋରାପୁଟର କୋଟିଆ ଯେ ଆନ୍ଧ୍ରର ନୁହେଁ, ତାହା ସମସ୍ତଙ୍କୁ ଜଣା । ହେଲେ ଓଡ଼ିଶା ସରକାରଙ୍କ ରାଜନୈତିକ ଇଛା ଅଭାବରୁ ପଡୋଶୀ ଆନ୍ଧ୍ର କିନ୍ତୁ ଅକ୍ତିଆର କରିବାକୁ ଗୋଟି ଚଳାଉଛି । ଭୋଟ୍ ପାଇଁ ପଲିଟିକାଲ୍ ଗେମ୍ ଖେଳିଥିବା ଆନ୍ଧ୍ର, ଭାଷାଭିତ୍ତିରେ କୋଟିଆ ଗ୍ରାମପୁଞ୍ଜକୁ ଦଖଲ କରିବାକୁ ଏବେ ଗୁପ୍ତ ଯୋଜନା କରିଛି। କୁହାଯାଉଛି, ଏହି ସ୍ୱାଧିନତା ଦିବସ ପୂର୍ବରୁ ସବୁ ଗାଁରେ ଲଗାଇବ ତେଲୁଗୁ ଫଳକ । ଏ ସମ୍ପର୍କରେ ଆନ୍ଧ୍ରର ବିଭିନ୍ନ ଗଣମାଧ୍ୟମରେ ଖବର ବି ପ୍ରକାଶ ପାଇଛି। ତାସହ ଲୋକସତ୍ତା ପାର୍ଟି ପକ୍ଷରୁ ଦାବି ଉଠିଛି।  ଅଥଚ ନା କୋରାପୁଟ ଜିଲ୍ଲା ପ୍ରଶାସନ ନା ଓଡ଼ିଶା ସରକାର, କାହା ପାଖରେ ଏ ସମ୍ପର୍କିତ ସୂଚନା ନାହିଁ। ଏବେ ଗଣମାଧ୍ୟମରୁ ଜାଣିବା ପରେ ପୁଣି ଥରେ ଜାଗି ଉଠିଛି ଅଖଣ୍ଡ ଓଡ଼ିଶା ସ୍ୱର। ପଡୋଶୀ ଆନ୍ଧ୍ରର ନିଇତି ନୂଆ ଷଡ଼ଯନ୍ତ୍ର । କେବେ ସରକାରୀ ଯୋଜନାର ଥୋପ ପକାଇ ତ ଆଉ କେବେ ନିର୍ବାଚନରେ ନେତା ବନାଇ ଓଡ଼ିଶା ସୀମାକୁ କବ୍‌ଜା କରିବାକୁ ଆନ୍ଧ୍ର ସରକାରଙ୍କ ଚାଲ୍ । ଓଡ଼ିଆଙ୍କ ଭିଟାମାଟିରେ ପାଦ ପକାଇ ଏବେ ଭାଷାଭିତ୍ତିରେ ଦଖଲ କରିବାକୁ ଗୋଟି ଚଳାଇଛି ଆନ୍ଧ୍ର। ଅଗଷ୍ଟ ୧୫ ପୂର୍ବରୁ କୋରାପୁଟ ଜିଲ୍ଲାର ୮ ହଜାର ଜନସଂଖ୍ୟା ବିଶିଷ୍ଟ ବିବାଦୀୟ କୋଟିଆକୁ ଅକ୍ତିଆର କରିବାକୁ ଯୋଜନା କରିଛି। ଏଥିପାଇଁ ପାଗ ଭିଡ଼ି ସାରିଛନ୍ତି ଜଗନ୍ ସରକାର। କୋଟିଆର ବହୁ ଲୋକ ତେଲୁଗୁ ଭାଷା ସହ ଅଭ୍ୟସ୍ତ ଥିବାରୁ ଏହାର ଫାଇଦା ନେଇ ସବୁ ଗାଁରେ ତେଲୁଗୁ ଫଳକ ଲଗାଇବାକୁ ବ୍ଲୁ ପ୍ରିଣ୍ଟ ତିଆରି କରିଛି  ଆନ୍ଧ୍ର।  ପାର୍ବତୀପୁରମ୍ ପ୍ରଶାସନକୁ ଭେଟି ଲୋକସତ୍ତା ପାର୍ଟି ପକ୍ଷରୁ ଏକ ଦାବିପତ୍ର ବି ଦିଆଯାଇଛି । ଯାହାକୁ ଆନ୍ଧ୍ର ପ୍ରଶାସନ ମଧ୍ୟ ଗୁରୁତ୍ୱର ସହ ନେଇଛି । ଏହି ଖବର ପରେ ଓଡ଼ିଶା ସରକାରଙ୍କ ଦାୟିତ୍ୱହୀନତା ଉପରେ ତୀବ୍ର ଅସନ୍ତୋଷ ଝାଡ଼ିଛନ୍ତି କୋରାପୁଟ ଜିଲ୍ଲାର ବିଭିନ୍ନ ସଂଗଠନ। ବିବାଦୀୟ କୋଟିଆ ଗ୍ରାମପୁଞ୍ଜକୁ ନେଇ ସୁପ୍ରିମକୋର୍ଟରେ ଜାରି ରହିଛି ନ୍ୟାୟିକ ଲଢ଼େଇ । ମାମଲା ଏବେ ବି ବିଚାରାଧିନ ରହିଛି।  ଏହାସତ୍ତ୍ୱେ ଗତ ଫେବୃୟାରୀ ଏବଂ ଏପ୍ରିଲରେ କୋଟିଆରେ ପଶି ପଞ୍ଚାୟତ ନିର୍ବାଚନ ସାରିଦେଇଛି ଆନ୍ଧ୍ର । ଏହାକୁ ନେଇ ହଟଚମଟ ପରେ ତତ୍ପରତା ଦେଖାଇଥିଲେ ଓଡ଼ିଶା ସରକାର। ଏପରିକି ନିର୍ବାଚନ ପୂର୍ବଦିନ ବିଜେଡି, ବିଜେପି ଏବଂ କଂଗ୍ରେସର ଜନପ୍ରତିନିଧି ମାନେ ଠୁଳ ହୋଇ ସର୍ବଦଳୀୟ ବୈଠକରେ କୋଟିଆରେ କେହି ବି ଅନୁପ୍ରବେଶ କରିପାରିବେ ନାହିଁ ବୋଲି ନିଷ୍ପତ୍ତି ନେଇଥିଲେ।  ତାହାସତ୍ତ୍ୱେ ବିଭିନ୍ନ ସମୟରେ ସରକାରୀ ଯୋଜନାର ଥୋପ ପକାଇ କୋଟିଆବାସୀଙ୍କୁ ନିଜ ଆଡ଼କୁ ଟାଣିବାରେ ଚେଷ୍ଟା ଜାରି ରଖିଛି ପଡୋଶୀ ଆନ୍ଧ୍ର । ଏବେ ଭାଷାଭିତ୍ତିରେ କୋଟିଆକୁ ଅକ୍ତିଆର ପାଇଁ ଆନ୍ଧ୍ର ଅଣ୍ଟାଭିଡ଼ିଥିବାବେଳେ ସ୍ଥାନୀୟ ଶାସକ ଦଳର ବିଧାୟକ ପୁଣି ଥରେ ରଣହୁଙ୍କାର ଦେଇଛନ୍ତି । ଏପରିକି କୌଣସି ଜବରଦଖଲକୁ ପ୍ରଶ୍ରୟ ଦିଆଯିବନାହିଁ ଏବଂ ଏହା ଜିଲ୍ଲା ପ୍ରଶାସନର ପରମ କର୍ତ୍ତବ୍ୟ ବୋଲି କହିଛନ୍ତି ଜିଲ୍ଲାପାଳ ।

ଡେପୁଟି କଲେକ୍ଟର ଆଲୋକ ଅନୁଗୁଳିଆ ନିଲମ୍ବିତ…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର/କୋରାପୁଟ) – କୋରାପୁଟ ଜିଲ୍ଲାପାଳଙ୍କ କାର୍ଯ୍ୟାଳୟରେ ଡେପୁଟି କଲେକ୍ଟର ଭାବେ କାର୍ଯ୍ୟ କରୁଥିବା ଆଲୋକ କୁମାର ଅନୁଗୁଳିଆଙ୍କୁ ନିଲମ୍ବନ କରାଯାଇଛି । ରାଜସ୍ୱ ଓ ବିପର୍ଯ୍ୟୟ ପ୍ରଶମନ ବିଭାଗ ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ ତାଙ୍କୁ ନିଲମ୍ବନ କରିଛନ୍ତି । ସରକାରୀ ଜମି ହଡ଼ପ ଅଭିଯୋଗରେ ଡେପୁଟି କଲେକ୍ଟର ଆଲୋକ ଅନୁଗୁଳିଆଙ୍କୁ ନିଲମ୍ବନ କରାଯାଇଛି । କାଲିମେଳାରେ ତହସିଲଦାର ଥିବା ବେଳେ ତାଙ୍କ ନାଁରେ ସରକାରୀ ଜମି ହଡ଼ପ ଅଭିଯୋଗ ଆସିଥିଲା । ଗୁରୁବାର ଜାରି ହୋଇଥିବା ନିଲମ୍ବନ ନିର୍ଦ୍ଦେଶରେ କୁହାଯାଇଛି ଯେ ଏବେ କୋରାପୁଟ ଜିଲ୍ଲାପାଳଙ୍କ କାର୍ଯ୍ୟାଳୟ ଶ୍ରୀ ଅନୁଗୁଳିଆଙ୍କ ହେଡକ୍ୱାର୍ଟର୍ସ ରହିବ । ନିଲମ୍ବନ ଅବଧି ମଧ୍ୟରେ ସେ କୋରାପୁଟ ଜିଲ୍ଲାପାଳଙ୍କ ବିନା ଅନୁମତିରେ ହେଡକ୍ୱାର୍ଟର୍ସ ଛାଡ଼ି ଯାଇପାରିବେ ନାହିଁ ।

ମୁଖ୍ୟମନ୍ତ୍ରୀଙ୍କ ଦ୍ୱାରା ପୁରସ୍କୃତ ହେଲେ କାମାକ୍ଷା…!

!!! ଦକ୍ଷୀଣ ଓଡ଼ିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ୍ !!!

ଏଥର ସମ୍ଭାଳ (କୋରାପୁଟ/ବୈପାରୀଗୁଡା) – ସମାଜସେବାକୁ ନିଶା ଓ ପେଶାରେ ପରିଣତ କରି ଆଜି ସଫଳତାର ପାହାଚ ଚଢିଛନ୍ତି କୋରାପୁଟର ବିଶିଷ୍ଟ ସମାଜସେବୀ ତଥା ଆଇନଜୀବି ଛାତ୍ର କାମାକ୍ଷା ପ୍ରସାଦ ମାଝୀ | ଆଜି ଭୁବନେଶ୍ୱର ସ୍ଥିତ ଜୟଦେବ ଭବନ ଠାରେ ଜାତୀୟ କ୍ରୀଡା ଦିବସ ୨୦୧୯ ଅବସରରେ ରାଜ୍ୟ କ୍ରୀଡା ଓ ଯୁବ ସେବା ବିଭାଗ ପକ୍ଷରୁ ଆୟୋଜିତ ଏକ ଭବ୍ୟ ସମ୍ଭର୍ଦ୍ଧନା କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ଦ୍ୱାରା ପୁରସ୍କୃତ ହେଲେ କାମାକ୍ଷା ପ୍ରସାଦ ମାଝୀ |

୨୦୧୮ବର୍ଷ ପାଇଁ ସେ ରାଜ୍ୟ ସ୍ତରୀୟ ସମାଜସେବା ପୁରସ୍କାର ଗ୍ରହଣ କରିଛନ୍ତି | ଅକ୍ଲାନ୍ତ ପରିଶ୍ରମ ଓ ନିସ୍ଵାର୍ଥପର ସମାଜସେବା ପାଇଁ ଆଜି କାମାକ୍ଷାଙ୍କୁ ଏହି ସାମ୍ମନ ଦିଆଯାଇଛି | କୋରାପୁଟ ଜିଲ୍ଲା ସଦର ମହକୁମା ସ୍ଥିତ କୁମ୍ଭାର ସାହିର ଅବସରପ୍ରାପ୍ତ କିରାଣୀ ଡମ୍ବରୁଧର ମାଝୀଙ୍କ ପୁଅ କାମାକ୍ଷା ପ୍ରସାଦ ମାଝୀ ବର୍ତମାନ ଜୟପୁର ଆଇନ ବିଦ୍ୟାଳୟରେ ଅଧ୍ୟୟନ କରୁଛନ୍ତି | ତାଙ୍କ ମାଆ ଲଷ୍ମୀ ମାଝୀ ଠାରୁ ଯାହା ହାତ ଖର୍ଚ୍ଚ ମିଳେ ତାହାକୁ ସମାଜସେବାରେ ବିନିଯୋଗ କରିଥାନ୍ତି | ପିଲା ଦିନରୁ ହିଁ ସେ ନିଜକୁ ସମାଜସେବାରେ ନିୟଜିତ କରିଆସିଛନ୍ତି | କୋରାପୁଟ ଜିଲ୍ଲା ରୋଗୀ କଲ୍ୟାଣ ସମିତିର ସଦସ୍ୟ ଭାବେ ଥାଇ ସେ ଯେ କୌଣସି ସମୟରେ ରାସ୍ତା କଢ଼ରେ ଥିବା ଗରିବ ଅସହାୟ ଓ ଜରୁରୀ କାଳିନ ପରିସ୍ଥିତିରେ ସାହାଯ୍ୟ ସେବା ଯୋଗାଇବା ପାଇଁ ଆଗ ଧାଡିରେ ଠିଆ ହୁଅନ୍ତି | କୋରାପୁଟ ଜିଲ୍ଲାର ଶହୀଦ ଲଷ୍ମଣ ନାୟକ ଜନ୍ମ ପୀଠ ତେନ୍ତୁଳୀଗୁମ୍ମାର ଉନ୍ନତି ପାଇଁ ୧୦୦କୋଟି ଦାବି ଆନ୍ଦୋଳନର ଉପଦେଷ୍ଟା ଥିଲେ | ଏହି ଆନ୍ଦୋଳନ ପରେ ୨.୬୫କୋଟି ଟଙ୍କା ରାଜ୍ୟ ସରକାର ମଞ୍ଜୁରୀ କରିବାରେ ବାଧ୍ୟ ହୋଇଥିଲେ | ଜିଲ୍ଲା ରଣା ଯୁବକ ସଙ୍ଘର ସଭାପତି ଭାବେ ସେ ସବୁବେଳେ ନିଜ ଅଂଚଳର ଯୁବକ ଯୁବତୀଙ୍କୁ ନେଇ ମୁଖ୍ୟ ସ୍ରୋତରେ ସାମିଲ କରିବା ପାଇଁ ଅହରହ ଚେଷ୍ଟା କରିଆସୁଛନ୍ତି | ରଣା ଓ ଦୋରା ସମାଜକୁ ହିଲ ଟ୍ରାଇବ ମାନ୍ୟତା ପ୍ରଦାନ ପାଇଁ ଆନ୍ଦୋଳନ ଜାରି ରହିଛି ବୋଲି ଜଣାପଡିଛି |

ତାରା କହିଲେ ରୋକ୍‌ଠୋକ୍‌ କଥା , ହେମାଙ୍କ ଘର ବାହୁଡ଼ା ନେଇ ଖୁସି ନୁହଁ !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – କଂଗ୍ରେସକୁ ହେମା ଗମାଙ୍ଗଙ୍କ ବାହୁଡ଼ାକୁ ନେଇ ଚର୍ଚ୍ଚା ଚାଲିଥିବାବେଳେ ସେପଟେ ଏହାକୁ ନେଇ ପ୍ରତିକିୟା ରଖିଛନ୍ତି ଜୟପୁର ବିଧାୟକ ତଥା ବିରୋଧୀ ଦଳ ମୁଖ୍ୟ ସଚେତକ  ତାରା ପ୍ରସାଦ ବାହିନୀପତି । ହେମା ଗମାଙ୍ଗ ଦଳକୁ ଆସନ୍ତୁ କିନ୍ତୁ କୌଣସି ପଦ ପଦବୀ ଆଶା ରଖନ୍ତୁ ନାହିଁ ବୋଲି ରୋକଠୋକ୍ କହିଛନ୍ତି ତାରା । ଦଳକୁ କିଏ ଆସିଲା, କିଏ ଗଲା କୌଣସି ଫରକ ପଡିବନି। କିନ୍ତୁ ହେମାଙ୍କ ଉପରେ ଲୋକେ ଅସନ୍ତୁଷ୍ଟ ଥିବା କହିଛନ୍ତି ତାରା। ଗତକାଲି ଓଟିଭିକୁ  ସୂଚନା ଦେଇ କଂଗ୍ରେସକୁ ଫେରିବା ନେଇ ସଂକେତ ଦେଇଥିଲେ ହେମା ଗମାଙ୍ଗ। କଂଗ୍ରେସର ଟପ୍ ନେତାଙ୍କୁ ଭେଟିବା ପାଇଁ ସେ ଏବେ ଦିଲ୍ଲୀରେ ଅଛନ୍ତି। ତେଣୁ ତାରାଙ୍କ ମନ୍ତବ୍ୟ ନେଇ ହେମାଙ୍କ ପ୍ରତିକ୍ରିୟା ମିଳିନାହିଁ ।

ବ୍ରିଟିଶ ବିରୋଧରେ ଲଢ଼ିଥିବା ଭଗବାନଙ୍କ ଦାୟାଦ ଏବେ ପାଲଟିଛନ୍ତି ଦିନ ମଜୁରିଆ ।

ଏଥର ସମ୍ଭାଳ ବ୍ୟୁରୋ (କୋରାପୁଟ) – ବ୍ରିଟିଶ ବିରୋଧରେ ଭାରତ ଛାଡ଼ ଆନ୍ଦୋଳନରେ ସକ୍ରିୟ ଭାବେ ସାମିଲ ହୋଇଥିଲେ କୋରାପୁଟ ଖେମୁଣ୍ଡୁଗୁଡା ଗାଁର ସ୍ୱର୍ଗତ ଭଗବାନ ଖେମୁଣ୍ଡୁ ନାୟକ। ହେଲେ ଏହି ବୀରପୁତ୍ରଙ୍କୁ ପ୍ରକୃତ ସମ୍ମାନ ମିଳୁନଥିବା ଅଭିଯୋଗ ହେଉଛି। ଉଚ୍ଚ ଶିକ୍ଷିତ ହୋଇଥିଲେ ମଧ୍ୟ ଏହି ପରିବାରର ଦାୟାଦମାନେ ଦିନ ମଜୁରି କରି ଚଳୁଛନ୍ତି। ମୁଣ୍ଡ ଗୁଞ୍ଜିବାକୁ ଘର ନାହିଁ କି କୌଣସି ସରକାରୀ ସହାୟତା ମିଳୁ ନାହିଁ। କୋରାପୁଟ ଖେମୁଣ୍ଡୁଗୁଡା ଗାଁର ଏକମାତ୍ର ସ୍ୱାଧୀନତା ସଂଗ୍ରାମୀ ସ୍ୱର୍ଗତ ଭଗବାନ ଖେମୁଣ୍ଡୁ ନାୟକ ପରିବାର ଲୋକ ଏକ ଝାଟି ମାଟିର ଚାଳ ଛପର ଘରେ ରହୁଛନ୍ତି। ଭାରତ ଛାଡ଼ ଆନ୍ଦୋଳନରେ ସକ୍ରିୟ ଥିଲେ ଭଗବାନ। ଏହି ପରିବାରର ଦାୟଦମାନେ ଉଚ୍ଚ ଶିକ୍ଷିତ ହୋଇଥିଲେ ମଧ୍ୟ କୌଣସି ସରକାରୀ ସହାୟତା ପାଇବାରୁ ବଞ୍ଚିତ ହୋଇଛନ୍ତି। ସେଥିପାଇଁ ଦିନ ମଜୁରି କରି ଚଳୁଛନ୍ତି। ଖାଲି ସେତିକି ନୁହେଁ, ଦେଶ ସ୍ୱାଧୀନ ହେବାର ୭୦ ବର୍ଷ ପରେ ବି ଏହି ବୀରପୁତ୍ରଙ୍କୁ ଉଚିତ ସମ୍ମାନ ମିଳିପାରି ନାହିଁ। ତେଣୁ ସ୍ୱାଧୀନତା ସଂଗ୍ରାମୀ ସ୍ୱର୍ଗତ ଭଗବାନ ଖେମୁଣ୍ଡୁ ନାୟକଙ୍କୁ ପ୍ରକୃତ ସମ୍ମାନ ଦେବା ସହିତ ତାଙ୍କ ପରିବାର ଲୋକଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି। ସଂଗ୍ରାମୀ ଭଗବାନଙ୍କୁ ସ୍ୱତନ୍ତ୍ର ପରିଚୟ ଦେବା ସହିତ ପଞ୍ଚାୟତ କାର୍ଯ୍ୟାଳୟରେ ତାଙ୍କର ପ୍ରତିମୂର୍ତ୍ତି ନିର୍ମାଣ କରିବାକୁ ଗାଁ ଲୋକେ ଦୀର୍ଘ ଦିନରୁ ଦାବି କରି ଆସୁଛନ୍ତି। ହେଲେ ଏନେଇ କେହି କର୍ଣ୍ଣପାତ କରୁ ନଥିବା ଅଭିଯୋଗ ହୋଇଛି। ଏପରିକି ଗାଁରେ ରାସ୍ତା, ପାନୀୟ ଜଳ, ସ୍ୱାସ୍ଥ୍ୟ ଭଳି କୌଣସି ମୌଳିକ ସୁବିଧା ନଥିବା ମଧ୍ୟ ଅଭିଯୋଗ ହୋଇଛି।