ନ୍ୟାୟ ପାଇଁ ଏ ଥାନାରୁ ସେ ଥାନା ଘୁରି ବୁଲୁଛନ୍ତି ମହିଳା,କେସ୍‌ ନ ରଖି ଆଇନ୍‌ର‌ ପାଠ ପଢାଇଲା ପୋଲିସ୍ ;ସମାଜସେବୀ ସସ୍ମିତା ଦାସ ଙ୍କ ହସ୍ତକ୍ଷେପ ପରେ ତଦନ୍ତ ଆରମ୍ଭ…!

!!! କେନ୍ଦୁଝର ଜିଲ୍ଲା ଯୋଡ଼ା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କେନ୍ଦୁଝର) – ନ୍ୟାୟ ପାଇବା ପାଇଁ ଆଠ ମାସର କଅଁଳ ଶିଶୁକୁ ଧରି ଏ ଥାନାରୁ ସେ ଥାନା ଦୌଡୁଛନ୍ତି ମହିଳା। ଏହି କେସ୍ ଆମ ଥାନାରେ ଆସୁନି କହି ଥାନା ଅଧିକାରୀ ମହିଳାଙ୍କୁ ଫେରାଇ ଦେଉଛନ୍ତି। ଏହି ପରି ମହିଳା ଜଣକ ନ୍ୟାୟ ପାଇଁ ଥାନା ଦୌଡି ଦୌଡି ନୟାନ୍ତ ହେଲେଣି। ନିଜ ସ୍ଵାମୀଙ୍କ କୁକର୍ମ ଯୋଗୁଁ ମହିଳାଙ୍କୁ ଏମିତି ପରିସ୍ଥିତିର ସମ୍ମୁଖୀନ ହେବାକୁ ପଡୁଛି। ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ତେଲକୋଇ ଥାନା ଅଞ୍ଚଳରେ।

ମୟୂରଭଞ୍ଜ ଜିଲ୍ଲା ଗୁରୁମହିଷାଣି ଥାନା ଅନ୍ତର୍ଗତ ଡଙ୍ଗାପାଣି ଗାଁର ବାପା ଛେଉଣ୍ଡ ଝିଅ ପୂର୍ଣ୍ଣିମା ନାୟକ ୨୦୧୮ ମସିହାରେ ତେଲକୋଇ ଥାନା ଅନ୍ତର୍ଗତ ହାଲପୋଡି ଗାଁର ଦିଲ୍ଲୀପ କୁମାର ସାହୁଙ୍କ ପୁତ୍ର ମୁକେଶ ସାହୁଙ୍କୁ ପ୍ରେମ ବିବାହ କରିଥିଲେ । ଦୁଇ ଜଣ ସ୍ବାମୀ ଓ ସ୍ତ୍ରୀ ମହାଦେଇଯୋଡା ଗାଁରେ ଭଡା ଘରେ ରହୁଥିଲେ । ଉଭୟଙ୍କ ଔରସରୁ ଏକ ଆଠ ମାସର ଶିଶୁପୁତ୍ର ମଧ୍ୟ ଜନ୍ମ ହୋଇ ଥିବାବେଳେ ୧ ମାସ ହେବ ମୁକେଶ ଆଉ ଜଣଙ୍କୁ ବିବାହ କରିଛନ୍ତି ।

                                                    ଦ୍ୱିତୀୟ ପତ୍ନୀଙ୍କ ସହ ମୁକେଶ

ଏଘଟଣା ଜାଣିବା ପରେ ପୀଡିତା ଆଦିବାସୀ ମହିଳା ଜଣଙ୍କ ମୁକେଶଙ୍କ ଘରକୁ ମାର୍ଚ୍ଚ ୨୪ ତାରିଖରେ ଆସିଥିଲେ । ପୂର୍ଣ୍ଣିମାଙ୍କୁ ତାଙ୍କ ସ୍ବାମୀ ମୁକେଶ ଜାତିଆଣ ଆକ୍ଷେପ କରି ଘରେ ପୁରେଇ ଦେଇ ନଥିଲେ । ଜୀବନରୁ ମାରି ଦେବାର ଧମକ ଦେଇ ପୂର୍ଣ୍ଣିମାଙ୍କୁ ରାଇସୁଆଁ ଥାନା ଅନ୍ତର୍ଗତ ମହାଦେଇଯୋଡା ଗାଁ ଭଡା ଘରେ ଛାଡି ଦେଇ ଚାଲି ଆସିଥିଲେ। ଏସର୍ମ୍ପକରେ ପୂର୍ଣ୍ଣିମା ରାଇସୁଆଁ ଥାନାରେ ଅଭିଯୋଗ କରିଥିଲେ। ହେଲେ ତୁମ ଶାଶୁଘର ତେଲକୋଇରେ। ଏଠି କିଛି ହୋଇ ପାରିବ ନାହିଁ କହି ଏବଂ ଆଇନର ପାଠ ପଢାଇ ତେଲକୋଇ ଥାନାକୁ ପଠାଇ ଦେଇଥିଲେ ରାଇସୁଆଁ ପୁଲିସ ବୋଲି ଅଭିଯୋଗ କରିଛନ୍ତି ପୂର୍ଣ୍ଣିମା।

ତେବେ ତେଲକୋଇ ପୁଲିସ ମଧ୍ୟ ତାଙ୍କ ଅଭିଯୋଗକୁ ରଖି ନଥିବା ପୂର୍ଣ୍ଣିମା ପ୍ରକାଶ କରିଛନ୍ତି । ଆଠ ମାସର ଶିଶୁପୁତ୍ର ଙ୍କୁ ଧରି ଏ ଥାନାରୁ ସେ ଥାନାକୁ ଘୁରି ଘୁରି ପୀଡିତା ମହିଳା ତାଙ୍କ ସ୍ବାମୀଙ୍କୁ ତାଙ୍କୁ ଫେରାଇ ଦେବାପାଇଁ ଆକୁଳ ନିବେଦନ କରି ସମାଜସେବୀ ମହାମାୟୀ ମା (ସସ୍ମିତା ଦାସ) ଙ୍କ ସହଯୋଗରେ ନ୍ୟାସନାଲ ହ୍ୟୁମାନ ରାଇଟ କମିଶନ ଅଧ୍ୟକ୍ଷାଙ୍କ ଦ୍ୱାରସ୍ତ ହୋଇଥିଲେ। ସଦସ୍ୟ ଙ୍କ ହସ୍ତକ୍ଷେପ ପରେ ତେଲକୋଇ ପୁଲିସ ପୀଡିତା ମହିଳାଙ୍କ ଅଭିଯୋଗ ଗ୍ରହଣ କରି ତଦନ୍ତ ଆରମ୍ଭ କରିଥିବା ସୂଚନା ମିଳିଛି। ଏଠାରେ ପ୍ରଶ୍ନ ଉଠୁଛି ନାରୀ ଙ୍କୁ ସୁରକ୍ଷା ଦେବା ନାଁରେ ଡିଣ୍ଡିମ ପିଟୁଥିବା ନବୀନ ସରକାର ପୀଡିତା ମହିଳା ଙ୍କ ରିପୋର୍ଟ୍ ଗ୍ରହଣ ନକରି ଏଥାନା ରୁ ସେଥାନା ବୁଲାଇଥିବା ଅଧିକାରୀଙ୍କ ବିରୁଦ୍ଧରେ କି କାର୍ଯ୍ୟାନୁଷ୍ଠାନ ଗ୍ରହଣ କରିବେ।

ଚଇତି ପର୍ବ ପାଇଁ ମା’ ତାରିଣୀ ପୀଠରେ ବନ୍ଦ ରହିବ ଭକ୍ତଙ୍କ ଦର୍ଶନ ..!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ରାଜ୍ୟରେ ବଢ଼ୁଥିବା କରୋନା ଗ୍ରାଫ୍‌କୁ ଦେଖି ମାଆ ତାରିଣୀଙ୍କ ପୀଠରେ ଜାରି ହେଲା କଟକଣା। ମାଆଙ୍କ ଚଇତିପର୍ବ ପାଇଁ ଗାଇଡ୍‌ଲାଇନ୍‌ ଜାରି କରିଛି ପ୍ରଶାସନ। ନୂଆ ଗାଇଡ୍‌ଲାଇନ୍‌ ଅନୁସାରେ ପଣାସଂକ୍ରାନ୍ତି ଅବସରରେ ଦୁଇଦିନ ଭକ୍ତଙ୍କ ପାଇଁ ମାଆଙ୍କ ଦର୍ଶନ ବନ୍ଦ ରହିବ। ମାଆଙ୍କ ଦୈନିକ ନୀତିକାନ୍ତି, ସୁନାବେଶ, ଭାଗବତ ପାଠ, ହୋମ, ଚଣ୍ଡିପାଠ ଓ ସତ୍ୟନାରାୟଣ ପୂଜା କୋଭିଡ୍‌ ଗାଇଡ୍‌ଲାଇନ୍ ଅନୁସାରେ ପାଳନ କରାଯିବ। ଭକ୍ତମାନଙ୍କ ଦ୍ୱାରା କୌଣସି ନୈବେଦ୍ୟ ଅର୍ପଣ କରାଯିବନାହିଁ। ଚଇତିପର୍ବ ଅବସରରେ ଏପ୍ରିଲ ୯ରୁ ୧୨ ତାରିଖ ଓ ଏପ୍ରିଲ ୧୫ ତାରିଖରେ ଭକ୍ତମାନେ କେବଳ ଦର୍ଶନ କରିପାରିବେ। ଚଇତିପର୍ବରେ ଏପ୍ରିଲ ୧୩ ମଙ୍ଗଳବାର ଓ ୧୪ ତାରିଖ ପଣାସଂକ୍ରାନ୍ତି ଅବସରରେ ଦୁଇଦିନ ଭକ୍ତଙ୍କ ପାଇଁ ମାଆଙ୍କ ଦର୍ଶନ ବନ୍ଦ ରହିବ। ଚଇତିପର୍ବ ଅବସରରେ ଭକ୍ତଙ୍କ ସାଧାରଣ ଦର୍ଶନ ସକାଳ ୭ ଘଟିକାଠାରୁ ୧୨ଟା ୩୦ ପର୍ଯ୍ୟନ୍ତ ଓ ଅପରାହ୍ନ ୩ଟା ୩୦ରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଚାଲୁ ରହିବ। ଏହି ଅବସରରେ ମନ୍ଦିର ପରିସରରେ ଥିବା ପୂଜା ସାମଗ୍ରୀ ଦୋକାନ ବନ୍ଦ ରହିବ। ଏପରିକି ପଣାଭୋଗ ଓ ଅନ୍ନଭୋଗ ବିତରଣକୁ ବନ୍ଦ ରଖାଯିବ। ମା’ ତାରିଣୀଙ୍କ ପୂଜାର୍ଚ୍ଚନା କାର୍ଯ୍ୟ ସୋଶାଲ ମିଡ଼ିଆରେ ପ୍ରସାରଣ କରାଯିବ। ଚଇତିପର୍ବ ଅବସରରେ କୌଣସି ସାଂସ୍କୃତିକ କାର୍ଯ୍ୟକ୍ରମ କରାଯିବ ନାହିଁ। ମା’ ତାରିଣୀ ମନ୍ଦିରରେ କାର୍ଯ୍ୟରତ ସମସ୍ତ ସେବାୟତ, କର୍ମକର୍ତ୍ତା କର୍ମଚାରୀ କୋଭିଡ୍‌ ନିୟମ ଅନୁସାରେ ମାସ୍କ ପିନ୍ଧିବେ। ସାନିଟାଇଜର ବ୍ୟବହାର କରିବା ସହିତ ସାମାଜିକ ଦୂରତା ପାଳନ କରିବେ। କୌଣସି ପ୍ରକାର ଜନସମାଗମ କରାଯିବ ନାହିଁ ବୋଲି ମନ୍ଦିର ପ୍ରଶାସନ ତରଫରୁ ସ୍ପଷ୍ଟ କରାଯାଇଛି।

୭ରୁ ଖୋଲିବ ସବୁ ଧର୍ମାନୁଷ୍ଠାନ, ହେଲେ ଖୋଲିବନି ତାରିଣୀ ମନ୍ଦିର…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)- କେନ୍ଦୁଝର ଜିଲ୍ଲାର ସବୁ ଧର୍ମାନୁଷ୍ଠାନ ଆସନ୍ତା ୭ ତାରିଖରୁ ଖୋଲିବ। ହେଲେ ଖୋଲିବ ନାହିଁ ଘଟଗାଁର ଅଧିଷ୍ଠାତ୍ରୀ ଦେବୀ ତାରିଣୀ ମନ୍ଦିର। ଘଟଗାଁର ମା’ ତାରିଣୀ ମନ୍ଦିର ଆସନ୍ତା ୧୮ ତାରିଖରୁ ଖୋଲିବ। କୋଭିଡ୍‌ ଗାଇନ୍‌ ଲାଇନ ମଧ୍ୟରେ ମିଳିବ ମନ୍ଦିର ପ୍ରବେଶ ଅନୁମତି। ତେବେ କେତେ ସମୟ ମନ୍ଦିର ଖୋଲାଯିବ, ତାହା ଉପରେ ମନ୍ଦିର ଟ୍ରଷ୍ଟ୍‌ ନିଷ୍ପତ୍ତି ନେବ। ଏନେଇ ସୂଚନା ଦେଇଛନ୍ତି କେନ୍ଦୁଝର ଜିଲ୍ଲାପାଳ। ରାଜ୍ୟରେ କରୋନା ଆକ୍ରାନ୍ତା ଏକ ପ୍ରକାର ନିୟନ୍ତ୍ରଣରେ ରହିଛି। ତେବେ ବ୍ରିଟେନ୍‌ରୁ ଆସିଥିବା ନୂଆ ଷ୍ଟ୍ରେନ୍‌କୁ ନେଇ ରାଜ୍ୟ ସରକାର ଚିନ୍ତିତ ଅଛନ୍ତି। ହେଲେ ଆଜି ପର୍ଯ୍ୟନ୍ତ ଓଡ଼ିଶାରେ ବ୍ରିଟେନ୍‌ ଷ୍ଟ୍ରେନ୍‌ ଚିହ୍ନଟ ହୋଇନାହିଁ। ସଥାପି ରାଜ୍ୟ ସରକାର ସତର୍କ ରହିଛନ୍ତି। ବହୁ ବାଦବିବାଦ ପରେ କୋଭିଡ୍‌ ଗାଇଡ୍‌ଲାଇନ୍‌ ଭିତରେ ଶ୍ରୀଜଗନ୍ନାଥ ମନ୍ଦିର ସହିତ ରାଜ୍ୟର ଅନ୍ୟାନ୍ୟ ଧର୍ମାନୁଷ୍ଠାନ ଖୋଲିଛି। ହେଲେ ଆଜି ପର୍ଯ୍ୟନ୍ତ କେନ୍ଦୁଝରର ଅଧିଷ୍ଠାତ୍ରୀ ଦେବୀ ଘଟଗାଁ ତାରିଣୀ ଓ ଅନ୍ୟାନ୍ୟ ମନ୍ଦିର ଖୋଲିନାହିଁ। ଯେଉଁଥିପାଇଁ ଜିଲ୍ଲାବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଶେଷରେ ସବୁ କଳ୍ପନାଜଳ୍ପନାର ଅନ୍ତ ଘଟାଇ ଜିଲ୍ଲା ପ୍ରଶାସନ ମନ୍ଦିର ଖୋଲିବାକୁ ନିଷ୍ପତ୍ତି ନେଇଛନ୍ତି। ଆସନ୍ତା ୭ ତାରିଖରେ ଜିଲ୍ଲାର ସମସ୍ତ ମନ୍ଦିର ଖୋଲିବ। ମାତ୍ର ମାଆ ତାରିଣୀ ମନ୍ଦିର ୧୮ ତାରିଖରେ ଖୋଲିବାକୁ ନିଷ୍ପତ୍ତି ହୋଇଥିବା ଜଣାପଡ଼ିଛି।

ଅନ୍ୟାୟ ଭାବରେ ଛଟେଇ ହୋଇଥିବା ଶ୍ରମିକଙ୍କ ପୂନଃନିଯୁକ୍ତି ଦାବିରେ MSP ପ୍ଲାଣ୍ଟ ସାମ୍ନାରେ ଧାରଣା ଦେଲେ ଶ୍ରମିକ !

!!! କେନ୍ଦୁଝର ଜିଲ୍ଲା ଯୋଡ଼ା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କେନ୍ଦୁଝର) – ଅନ୍ୟାୟ ଭାବରେ ଛଟେଇ ହୋଇଥିବା ଶ୍ରମିକଙ୍କ ପୂନଃନିଯୁକ୍ତି ଦାବିରେ MSP ପ୍ଲାଣ୍ଟ ସାମ୍ନାରେ ଧାରଣା ଦେଲେ ଶ୍ରମିକମାନେ ! କମ୍ପାନୀ କର୍ତ୍ତୁପକ୍ଷ ଓ ଠିକାଦାର ମନମାନି ବିରୁଦ୍ଧରେ ତାତିଲେ ଶ୍ରମିକ । କେନ୍ଦୁଝର ସଦର ଥାନା ଅନ୍ତର୍ଗତ ହଳଦୀ ଗୁଣା ଠାରେ ଥିବା ଏମ.ଏସ.ପି. ପ୍ଲାଣ୍ଟ ରେ କାର୍ଯ୍ୟ କରୁଥିବା ଶ୍ରମିକ ମାନେ ଆଜି ୭ ଦଫା ଦାବିନେଇ ପ୍ଲାଣ୍ଟ ଗେଟ ବନ୍ଦକରିଛନ୍ତି ଏବଂ ତାଙ୍କ ଦାବି ମଧ୍ଯରେ ଅନ୍ୟାୟ ଭାବରେ ଛଟେଇ ଶ୍ରମିକଙ୍କୁ ପୁନଃ ନିଯୁକ୍ତି ଏବଂ ତାଙ୍କର ବକେୟା ଧରମା ରାଶି ପ୍ରଦାନ ,ପ୍ରତ୍ୟେକ ମାସରେ ପେ ସ୍କିପ ପ୍ରଦାନ ଯଥା ସମୟରେ ଦରମା ପ୍ରଦାନ ଓ ୧୨ ଘଣ୍ଟା ବଦଳରେ ୮ ଘଣ୍ଟା ର କାର୍ଯ୍ୟ ଏବଂ ସର୍ବନିମ୍ନ ମଜୁରୀ ସହ ସେଫଟି ଉପକରଣ ପ୍ରଦାନ , ଓ ଲକଡାଉ ସମୟର ଦରମା ପ୍ରଦାନ ଅନ୍ତର୍ଭୁକ୍ତ । ଆଗରୁ ଶ୍ରମିକମାନେ ଅନେକବାର ଦାବି କରି ଆସୁଥିଲେ ମଧ୍ୟ କମ୍ପାନୀ କର୍ତ୍ତୁପକ୍ଷଙ୍କର ଦାବି ମାନି ନେବାର ମିଥ୍ୟା ପ୍ରତିଶୃତି ଦେଇଥିବାର ଅଭିଯୋଗ କରିଛନ୍ତି ଶ୍ରମିକମାନେ । ସେମାନଙ୍କ କହିବା ଅନୁସାରେ କମ୍ପାନୀ ଦ୍ବାରା ପାରିପାର୍ଶୀକ ବିକାଶ ତ ଦୂର ର କଥା ମହିଳା ମାନଙ୍କର ନିମନ୍ତେ କୌଣସି ଶୌଚାଳୟ ର ବ୍ୟବସ୍ଥା ହୋଇନଥିବା ଅଭିଯୋଗ କରିଛନ୍ତି ମହିଳା ଶ୍ରମିକମାନେ । ଦାବି ପୂରଣ ନହେବା ପର୍ଯ୍ୟନ୍ତ ଗେଟ ସମ୍ମୁଖ ରେ ଧାରଣାରେ ବସିବେ ବୋଲି କହିଛନ୍ତି ଶ୍ରମିକନେତା !

ପ୍ଲାଣ୍ଟ ନାଁ ରେ କଳଙ୍କ ! ଖୁଲାମଖୁଲା ଚାଲିଛି ମଦ କାରବାର !

!!! କେନ୍ଦୁଝର ଜିଲ୍ଲା ଯୋଡ଼ା ରୁ ପ୍ରତିନିଧି ରବୀନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କେନ୍ଦୁଝର)- ସରକାର ମଦ ଦୋକାନ ଖୋଲିବା ପାଇଁ ସ୍ବତନ୍ତ୍ର ଲାଇସେନ୍ସ ପ୍ରଦାନ କରିଛନ୍ତି ! କିନ୍ତୁ ବିକ୍ରି କରିବା ପାଇଁ ମଧ୍ୟ ଅନେକ କଟକଣା ରଖିଛନ୍ତି ! କିନ୍ତୁ ଏଠାରେ ସବୁ କଟକଣା କୁ ଫୁ କରି ଖୁଲମଖୁଲା ଚ୍ୟାଲେଞ୍ଜ କରି ପେଟି ପେଟି ମଦ କୁ ବୋଲେରୋ କ୍ୟାମ୍ପର OD09K-2194 ମାଧ୍ୟମରେ ବୁହା ଚାଲିଛି ଏକ Beneficial ପ୍ଲାଣ୍ଟ କୁ ! ଏମିତି ଏକ ଅଭାବନୀୟ ପରିସ୍ଥିତି ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଯୋଡ଼ା ବ୍ଳକ ଅନ୍ତର୍ଗତ ବଡ଼ କାଳିମାଟି ପଞ୍ଚାୟତ ର ଦବୁନା ଠାରେ ଥିବା ଏସାର ଷ୍ଟିଲ ପ୍ଲାଣ୍ଟ (ଆର୍ତ୍ତଲ ମିତ୍ତଲ) ଠାରେ ! ଖଣି ଖାଦାନ ଏବଂ ପ୍ଲାଣ୍ଟ ରେ ଶ୍ରମିକ ମାନଙ୍କ ପାଇଁ ଅନେକ କଟକଣା ଜାରି କରିଛନ୍ତି କମ୍ପାନୀ କର୍ତ୍ତୃପକ୍ଷ ଏବଂ ସରକାର ! ସ୍ୟୁକୁରିଟି ମାନଙ୍କୁ କଡାକଡି ନିର୍ଦ୍ଦେଶ ଦେଇଛନ୍ତି ପ୍ଲାଣ୍ଟ କର୍ତ୍ତୃପକ୍ଷ ମାନେ, ସମସ୍ତ ଶ୍ରମିକ ମାନଙ୍କୁ ଠିକ୍ ସେ ତଦାରଖ ନ କରି ଭିତରକୁ ନ ଛାଡ଼ିବାକୁ ! କିନ୍ତୁ ଏଠାରେ ଖାଲି ତଳ କର୍ମଚାରୀ ଓ ଶ୍ରମିକ ମାନଙ୍କୁ ଦାଉ ସାଧୁଛନ୍ତି ସ୍ୟୁକିରିଟି ଗାର୍ଡ ! ବଡ଼ ବଡିଆ ଇଞ୍ଜିନିୟର ମାନଙ୍କୁ କୈାଣସି ପ୍ରକାର ର କଟକଣା ନାହିଁ ! ଜଣେ ସ୍ଥାନୀୟ ନିରିହ ସାଧାରଣ ଲୋକ କୈାଣସି ପ୍ରକାର ର ସମସ୍ୟା କୁ ନେଇ ଅଭିଯୋଗ କରିବାକୁ ଗଲେ ଭିତରକୁ ଛାଡୁ ନାହାନ୍ତି ସ୍ୟୁକୁରିଟି, କୈାଣସି ବାଇକ ହେଉ କି ଚାରି ଚକିଆ ଗାଡ଼ିରେ ଗଲେ ଭିତରକୁ ଛାଡୁ ନାହାନ୍ତି ! କିନ୍ତୁ ଏଠାରେ ପ୍ରଶ୍ନ ଉଠୁଛି ଯେ କେମିତି ଓ କାହା ନିର୍ଦ୍ଦେଶ ବଳରେ ପେଟି ପେଟି ଲୋଡ୍ ଥିବା ଗାଡ଼ି କୁ ଭିତରକୁ ଛାଡୁଛନ୍ତି ବୋଲି ଅସନ୍ତୋଷ ପ୍ରକାଶ ପାଇଛି ଜନ ସାଧାରଣ ରେ ! ଏସାର କମ୍ପାନୀ ତାଙ୍କ ପାଇଁ ସ୍ବତନ୍ତ୍ର ବିଦେଶୀ ମଦ ନେବା ଆଣିବା ପାଇଁ ଏକ ବୋଲେରୋ କ୍ୟାମ୍ପର ଗାଡ଼ି ରଖିଥିବା ହେତୁ ଘୋର ନିନ୍ଦା କରିଛନ୍ତି ଅଞ୍ଚଳ ବାସୀ ! ଏଥିରୁ ସ୍ପଷ୍ଟ ଜଣାପଡ଼ୁଛି ଯେ ନିୟମ ଦୁଇ ପ୍ରକାର ର ହେଇଥାଏ ପାରେ ବୋଲି ! ଗରିବ ଲୋକଙ୍କ ପାଇଁ ଗୋଟିଏ ଏବଂ ବଡ଼ ବଡିଆ ମାନଙ୍କ ପାଇଁ ଆଉ ଗୋଟିଏ ! ଏସାର କମ୍ପାନୀ ଏମିତି ଅନେକ ପ୍ରକାରର ବେଖାତିର କାର୍ଯ୍ୟ କଳାପ କରୁଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରୁନଥିବା ଅଭିଯୋଗ କରିଛନ୍ତି ଅଞ୍ଚଳ ବାସୀ ! ଏମିତି ପ୍ଲାଣ୍ଟ ଭିତରକୁ ମଦ ପ୍ରବେଶ କରି ମଦ ପିଇ କାମ କରୁଥିବା ବେଳେ କୈାଣସି ପ୍ରକାର ଅଘଟଣ ମଦୁଆ ଇଞ୍ଜିନିୟର ମାନେ ଘଟାଇଲେ ଏଥିପାଇଁ ସମ୍ପୂର୍ଣ୍ଣ ଏସାର କମ୍ପାନୀ ଦାୟୀ ରହିବ ବୋଲି ଚର୍ଚ୍ଚା ଜୋର ଧରିଛି ଅଞ୍ଚଳରେ !

ପର୍ଯ୍ୟଟନ ବୁଲିବା ହେଲା କାଳ, କୁଣ୍ଡରେ ବୁଡି ଯୁବକଙ୍କ ମୃତ୍ୟୁ !

!!! କେନ୍ଦୁଝର ଜିଲ୍ଲା ଯୋଡା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କେନ୍ଦୁଝର) – ସରକାର ଲକ ଡାଉନ କୁ କୋହଳ କରିବା ପରେ ସାଧାରଣ ଜନଜୀବନ ଏକ ପ୍ରକାର ସ୍ୱାଭାବିକ ହୋଇଛି । ଏହି ସ୍ୱାଭାବିକ ପରେ ପଦାକୁ ଗୋଡ଼ କାଢ଼ିଛନ୍ତି ଯୁବ ଗୋଷ୍ଟି । ଆଜି ପର୍ଯ୍ୟଟନ ସ୍ଥଳ ଖଣ୍ଡାଧାରକୁ କେନ୍ଦୁଝର ସହରର କିଛି ଯୁବକ ବୁଲିବାକୁ ଯାଇଥିଲେ । ସେଠାରେ ସେମାନେ ଭୋଜି କରିବା ସହ ଜଳପ୍ରପାତ କୁଣ୍ଡରେ ଗାଧେଇ ଥିଲେ । ଏହି ଗାଧେଇବା ବେଳେ ଅସାବଧାନତା ଯୋଗୁଁ କୁଣ୍ଡରେ ବୁଡି ଯୁବକ ନିଖୋଜ ହୋଇଥିଲେ । ଯୁବକଙ୍କୁ ଅନ୍ୟ ସାଙ୍ଗ ମାନେ ଉଦ୍ଧାର କରିବାକୁ ଚେଷ୍ଟା କରି ବିଫଳ ହେବା ପରେ ସ୍ଥାନୀୟ ବାସିନ୍ଦା ଙ୍କୁ ଜଣେଇଥିଲେ । ନିଖୋଜ ଯୁବକ ଜଣକ କେନ୍ଦୁଝର ସହରରଚର୍ଚ ଛକ ନିକଟସ୍ଥ ସୌରଭ ସ୍ୱାଇଁ ବୋଲି ଜଣା ପଡ଼ିଛି । ସ୍ଥାନୀୟ ଲୋକେ ଏନେଇ ପୋଲିସ କୁ ଖବର ଦେଇଥିଲେ । ପୋଲିସ ଠାରୁ ଖବର ପାଇ ଘଟଣା ସ୍ଥଳରେ ପହଞ୍ଚି ଦମକଳ ବାହିନୀର ଯୁବକଙ୍କୁ ଉଦ୍ଧାର କରିଛି । ଯୁବକଙ୍କୁ ଉଦ୍ଧାର ପରେ ନୟାକୋଟ ପୋଲିସ ବ୍ୟବଛେଦ ପାଇଁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠେଇ ତଦନ୍ତ ଆରମ୍ଭ କରିଛି । ପ୍ରକାଶ ଯେ ଉକ୍ତ ଜଳପ୍ରପାତରେ କିଛି ସୁରକ୍ଷା ବ୍ୟବସ୍ଥା ନଥିବାରୁ ବହୁ ସମୟରେ ଦୁର୍ଘଟଣା ଘଟୁଛି ।

କରୋନା ପାଇଁ ୧୨ ହଜାର ଟଙ୍କା ଦାନ କଲେ ଦାରା ସିଂ ।

!!! କେନ୍ଦୁଝର ଜିଲ୍ଲା ଯୋଡ଼ା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (କେନ୍ଦୁଝର) – କରୋନା ର ମୁକାବିଲା କରିବା ପାଇଁ କେନ୍ଦ୍ର ଓ ରାଜ୍ୟ ସରକାର ଦେଶବାସୀଙ୍କ ଠାରୁ ଅର୍ଥଦାନ ମାଗିଛନ୍ତି । ଆଉ ଏହି ଖବର ପାଇ ଗ୍ରାହାମଷ୍ଟେନ ପୋଡ଼ି ଘଟଣାର ମୁଖ୍ୟ ଅଭିଯୁକ୍ତ ଦାରା ସିଂ ଆଜି ନିଜ ଓକିଲ ସହାୟତାରେ କେନ୍ଦ୍ର ସରକାର ତଥା ରାଜ୍ୟ ସରକାରଙ୍କୁ ନିଜ ପାରିଶ୍ରମିକ ପଇସା ରୁ ଛଅ , ଛଅ ହଜାର କରି ଦାନ କରିଛନ୍ତି । ଏଥି ନିମନ୍ତେ ସେ ବହୁ ପୂର୍ବରୁ କେନ୍ଦୁଝର ଜେଲ ଅଧିକ୍ଷକଙ୍କୁ ଅନୁମତି ମାଗିଥିଲେ । ଯାହାକୁ ନେଇ ଜେଲ ଡିଜି ଅନୁମତି ଦେବା ପରେ ଆଜି କେନ୍ଦୁଝର ଜେଲ ଅଧିକ୍ଷକ ଦାରାଙ୍କ ଓକିଲଙ୍କୁ ନଗଦ ୧୨ ହଜାର ଟଙ୍କା ଦେଇଥିଲେ । ଯାହାକୁ ସେ ଉଭୟ ସରକାରଙ୍କ ରିଲିଫ ଫଣ୍ଡ ରେ ଦାଖଲ କରିଛନ୍ତି । ଦାରା ସିଂ ଏବେ କେନ୍ଦୁଝର ଜେଲରେ ଆଜିବନ ସଜା କାଟୁଛନ୍ତି ।

ତାରିଣୀ ପ୍ରସାଦ ମହାନ୍ତି ଙ୍କ ତରଫରୁ ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ବଣ୍ଟନ !

!!! କେନ୍ଦୁଝର ଜିଲ୍ଲା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ଯୋଡା) – ବର୍ତ୍ତମାନ ସାରା ବିଶ୍ବ ମାରାତ୍ମକ କରୋନା ସଂକ୍ରମଣ ରେ କବଳିତ ! ସାବଧାନ ନ ହେଲେ କରୋନା ଭୂତାଣୁ ଦ୍ଵାରା ସଂକ୍ରମିତ ହୋଇ ଜୀବନ ହାରିବା ସୁନିଶ୍ଚିତ । ବର୍ତ୍ତମାନ ପରିସ୍ଥିତି ର ମୁକାବିଲା ପାଇଁ ସରକାର ତଥା ପ୍ରସାଶନ ତରଫରୁ କରାଯାଇଥିବା ଲକ୍ ଡାଉନ୍ ବ୍ୟବସ୍ଥା ରେ ଗରିବ ଜନ ସାଧାରଣ ଙ୍କ ଠାରୁ ଆରମ୍ଭ କରି ପ୍ରାୟ ସମସ୍ତ ବର୍ଗ ର ଲୋକ ମାନେ ଘରୁ ବାହାର କୁ ବାହାରି ପାରୁ ନାହାଁନ୍ତି ! ଏ ପରି ସ୍ଥିତି ରେ ନଇବୁଗା ତାରିଣୀ ଖଣି କମ୍ପାନୀ ଲୋକ ମାନଙ୍କର ସୁରକ୍ଷା ତଥା ସ୍ଥାନୀୟ ଅଞ୍ଚଳରେ ସୁସ୍ଥ ବାତାବରଣ ପ୍ରତିଷ୍ଠା ପାଇଁ କିଛି ଜନ ହିତକର ପଦକ୍ଷେପ ଗ୍ରହଣ କରିଥିବା ର ଦେଖିବାକୁ ମିଳିଛି ! ତନ୍ମଧ୍ୟରୁ ସ୍ଥାନୀୟ ତଥା ପଡସି ଲୋକ ମାନଙ୍କୁ ଦୈନନ୍ଦିନ ମୈଳିକ ଆବଶ୍ୟକତା ଯଥା ଚାଉଳ ରାସନ୍ ସାମଗ୍ରୀ ଯୋଗାଇ ଦେବାପାଇଁ ଏକ ବହୁ ମୂଲ୍ୟ ପଦକ୍ଷେପ ଖଣି କମ୍ପାନୀ ଦ୍ବାରା ନେଇଥିବା ର ଦେଖିବାକୁ ମିଳିଛି ! ସମ୍ପୃକ୍ତ ଖଣି ର କର୍ମଠ ସଦସ୍ୟ ମାନେ ଯୋଡ଼ା ବ୍ଲକ ଅନ୍ତର୍ଗତ ବସନ୍ତ ପୁର ପଞ୍ଚାୟତ ରେ ଥିବା ନଇବୁଗା ତାରିଣୀ ପ୍ରସାଦ ମହାନ୍ତି ଙ୍କ ଖଣି କର୍ତ୍ତୃପକ୍ଷ ମାନେ ଖଣି ର ଚତୃପାର୍ଶ୍ବ ରେ ଥିବା

ଯଥା-ନଇବୁଗା,ସେକ୍ରାଡିହି,ଚୁଡିସାହି,ଦୁବୁନା କ୍ୟାମ୍ପ,ଜଳିପଦା ନାଏକ ସାହି,ପୁରୁଣା ଡିହି,କଟୁପାଲି ମୁଣ୍ଡା ସାହି ଏମିତି ପ୍ରାୟ ପାଞ୍ଚ ଶହ ରୁ ଉର୍ଦ୍ଧ୍ବ ଅନେକ ଅସହାୟ ଓ ରାସନ୍ କାର୍ଡ ନ ଥିବା ଭଳି ଲୋକଙ୍କୁ ସହାୟତା ର ହାତ ବଢ଼ାଇଥିବା ଦେଖିବାକୁ ମିଳିଛି ! ତାରିଣୀ ପ୍ରସାଦ ମହାନ୍ତି ଙ୍କ କାର୍ଯ୍ୟ କର୍ତ୍ତା ମାନେ ଗ୍ରାମ ମାନଙ୍କୁ ଯାଇ ଘର ଘର ବୁଲି ଚାଉଳ,ଆଳୁ, ଡାଲି,ତେଲ, ସାବୁନ…. ଇତ୍ୟାଦି ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ମାନ ଲୋକ ମାନଙ୍କୁ ବଣ୍ଟନ କରିଛନ୍ତି ! ତାରିଣୀ ପ୍ରସାଦ ମହାନ୍ତି ଙ୍କ ଏହି ପରି ପଦକ୍ଷେପ ଅତ୍ୟନ୍ତ ସ୍ୱାଗତଯୋଗ୍ୟ ବୋଲି ଚର୍ଚ୍ଚା ର ବିଷୟ ପାଲଟିଛି!

ପ୍ରଧାନମନ୍ତ୍ରୀ ସଡ଼କ ଯୋଜନା ର ଏଠି ସେଠି ସବୁଠି ପେଚ୍ ମରା କାର୍ଯ୍ୟ କୁ ଥରେ ନ ଦେଖିଲେ ବିଶ୍ୱାସ ହେବ ନାହିଁ ; ଧନ୍ଯ ତୁମ ବୁଦ୍ଧି କୁ – ଧନ୍ଯ ତୁମ ଦୁଇ ଖୁରାକୁ ।

!!! କେନ୍ଦୁଝର ଜିଲ୍ଲା ଯୋଡା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ଯୋଡା) – ପଳସା ପଞ୍ଚାୟତ ର ସମସ୍ତ ରୋଡ଼ ରାସ୍ତା ଗୁଡିକୁ ବିଗତ ଦିନରେ ପୂର୍ବତନ ବିଧାୟକ ଓ ସମାଜସେବୀ(ମହାକୁଡ଼ ବାବୁଙ୍କ) ଉଦ୍ୟମ ଓ ପ୍ରଚେଷ୍ଟାରେ ସିରାଜଦୁନି ଓ ଇନ୍ଦ୍ରାଣୀ ପଟ୍ଟନାୟକ କମ୍ପାନୀର ସହାୟତାରେ ଠିକାଦାର ତ୍ରିବେଣୀ ଆର୍ଥ ମୋଭର୍ସ ସଂପୂର୍ଣ୍ଣ ଭାବେ ଏହି ରୋଡ଼ ଟିକୁ କୋଟି କୋଟି ଅର୍ଥ ବିନିମୟରେ ଅତି ସୁନ୍ଦର ଭାବେ ମେସିନ ସାହାଯ୍ୟରେ ରୋଡ଼ କାର୍ଯ୍ୟ କରିଥିଲେ ତେବେ ପ୍ରଶ୍ନ ଆସେ କି ପ୍ରଧାନମନ୍ତ୍ରୀ ସଡ଼କ ଯୋଜନାରୁ 2019/20ବର୍ଷ ରେ ରୋଡ଼ କାର୍ଯ୍ୟ ପାଇଁ ଦିଆଯାଇଛି । କିନ୍ତୁ ପୁରୁଣା କଲଭଟକୁ ଉପରେ ରଙ୍ଗ ଦେଇ ଓ କାହଁ ବାଆଁ 10,15 ଟା ଲେବରଙ୍କୁ ଧରି ପଚା ମେଣ୍ଟାଲ ରେ ବର୍ତ୍ତମାନର ଠିକାଦର ନିମ୍ନ ମାନର କାମ 4 ମାସ ହେବ ଆରମ୍ଭ ହେଇଛି ସତ କିନ୍ତୁ 10% ମଧ୍ୟ ହେଇନାହିଁ ଫଳକ ରେ ଲେଖା ଆଛି ଆସନ୍ତା ମାସ ଜୁଲାଇ 2020 ରେ ସରିବ । ଖଣି କମ୍ପାନୀ ପେରି ଫେରି କାମ କରିଥିବା ଫଳକ କୁ ଭାଙ୍ଗିଦେଇ ପ୍ରଧାନମନ୍ତ୍ରୀ ସଡ଼କ ଯୋଜନା ଫଳକ ଲଗାଯାଇଛି । ଏବେ ବି ଖଣି କମ୍ପାନୀ କରିଥିବା ପିଚୁ କଲଭଟ ଓ ଡ୍ରେନ 75% ଭଲ ରହିଛି । ଏମିତି ଏକ ଅଭାବନୀୟ ପରିସ୍ଥିତି ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ପଳସା ପଞ୍ଚାୟତ ର ବାମେବାରୀ ମୁଖ୍ୟ ରାସ୍ତା ଠାରୁ ଯାଇଥିବା ଯମୁନା ପଶି ପର୍ଯ୍ୟନ୍ତ ସାତ କିଲୋମିଟର ରାସ୍ତା ର ଦୃଶ୍ୟ ! ପ୍ରଧାନମନ୍ତ୍ରୀ ଯୋଜନାରେ ଆସି ଥିବା ପ୍ରୋଜେକ୍ଟ କୁ ଉଚ୍ଚପଦସ୍ଥ ଅଧିକାରୀ ତଦନ୍ତ ନ କଲେ ,ଏହା ବାଟମାରଣା ର ଗନ୍ଧ ବାରିହେଉଛି। ରୋଡ଼ କୁ ଅନେକ ଦିନ ହେବ ମେସିନ ସାହାଯ୍ୟରେ କାଟି ପକେଇ ଦେଇଥିବାରୁ ବନ୍ୟଜୀବ ଜନ୍ତୁ ଓ ଗୃହପାଳିତ ପଶୁ ଗାତରେ ପଡି ମୃତ୍ୟୁ ବରଣ କରିବା ଅନେକ ଆଶଙ୍ଖା ରହିଛି, ଜରୁରୀ କାଳୀନ ଯାନ ବାହାନ ଯାତାୟତ ପାଇଁ ନାହିଁ ନଥିବା ଅସୁବିଧା ଭୋଗିବା ସୁନିଶ୍ଚିତ ତେବେ ଜିଲ୍ଲା ପ୍ରଶାସନ,ଉଚ୍ଚପଦସ୍ଥ ଅଧିକାରୀ, ଜନପ୍ରତିନିଧି ଓ ଗଣପ୍ରତିନିଧିଙ୍କ ଦୃଷ୍ଟି ଆକର୍ଷଣ କରି କାର୍ଯ୍ୟ କୁ ଧ୍ୟାନ ଦେଲେ ହୁଏତ ଭଲ କାର୍ଯ୍ୟ ହେଇ ପାରିବ ବୋଲି ଅଞ୍ଚଳ ର ଜନସାଧାରଣ ଆଶା କରିଛନ୍ତି ।

ଯୋଡ଼ା ଅଞ୍ଚଳ ରେ ଫେଲ୍ ମାରିଛି ସରକାରଙ୍କ ଲୋକ ଡାଉନ୍ !

!!! କେନ୍ଦୁଝର ଜିଲ୍ଲା ଯୋଡା ରୁ ରବିନ୍ଦ୍ର ଖମନିଆ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କେନ୍ଦୁଝର) – ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ବଳଦା ର ସେରାଜୁଦିନ ଖଣି, ଉଚ୍ଚବାଲି ର ଇନ୍ଦ୍ରାଣୀ ପଟ୍ଟନାୟକ ଖଣି,ନଇବୁଗା ର ତାରିଣୀ ମହାନ୍ତି ଖଣି ଓ ଦୁବୁନା ର ଏସାର ଷ୍ଟିଲ କମ୍ପାନୀ ଲୋକ ଡାଉନ୍ କୁ ଖୁଲମଖୁଲା ଚ୍ୟାଲେଞ୍ଜ କରି ଶ୍ରମିକ ମାନଙ୍କୁ କାମ କରାଇବାକୁ ବାଧ୍ୟ କରୁଥିବା ର ଦେଖିବାକୁ ମିଳିଛି ! ଭାରତ ସରକାର ଙ୍କ ଦ୍ଵାରା କରୋନା ମହାମାରୀ ଦାଉରୁ ରକ୍ଷା ପାଇବା ପାଇଁ ସାରା ଭାରତରେ ଲୋକ ଡାଉନ୍ ଜାରି କରାଯାଇ ସମସ୍ତ କାର୍ଯ୍ୟ ଶୂନ୍ୟ ଏବଂ ଲୋକ ମାନଙ୍କୁ ଘରୁ ବାହାରକୁ ବାହାରିବା ପାଇଁ ବାରଣ କରାଯାଇଥିବା ବେଳେ ଏଠାରେ କାହିଁକି ସରକାର ନିର୍ଦ୍ଦେଶ ଦେଇଛନ୍ତି ଖଣି କମ୍ପାନୀ ମାନଙ୍କୁ ଖଣି ଚଳାଇବା କୁ ବୋଲି ଚିନ୍ତା ରେ ଅଞ୍ଚଳ ବାସୀ ! ଶ୍ରମିକ ମାନଙ୍କୁ କାମ କରାଇବାକୁ ବାଧ୍ୟ କରୁଛନ୍ତି ଖଣି କମ୍ପାନୀ ମାନେ କାମ ନ କଲେ କାମ ରୁ ହଟାଇଦିଆଯିବ ବୋଲି ଧମକ ଦେଇ ଜୋର ଜବରଦସ୍ତ କାମ କରାଇବାକୁ ବାଧ୍ୟ କରୁଥିବା ର ଚର୍ଚ୍ଚା ଜୋର ଧରିଛି ଅଞ୍ଚଳରେ ! ସରକାର ସାରା ବିଶ୍ବରେ ଆତଙ୍କିତ ମହାମାରୀ କରୋନା ଭାଇରସ କୁ ନେଇ ଲୋକ ଙ୍କୁ ସଚେତନତା କରାଉଥିବା ବେଳେ କାହିଁକି ଆମ ଖଣି ଅଞ୍ଚଳକୁ ଦୃଷ୍ଟି ଦେଉ ନାହାଁନ୍ତି ବୋଲି ଚର୍ଚ୍ଚା ଜୋର ଧରିଛି ବୁଦ୍ଧିଯିବି ମହଲରେ ! ଜଣେ ଲୋକ ସଉଦା ଆଣିବାକୁ ଗଲେ ପୋଲିସ ମାଡ ମାରୁଥିବା ବେଳେ ଖଣି ରେ ଶହ ଶହ ଟ୍ରକ୍ ଓ ଡମ୍ପର ଚଳାଚଳ ସମ୍ପୂର୍ଣ୍ଣ ମାଫ୍ କରାଯାଉଛି ବୋଲି ଅଭିଯୋଗ କରିଛନ୍ତି ଅଞ୍ଚଳ ବାସୀ ! ପ୍ରଶାସନ ସଠିକ ଭାବେ ତଦନ୍ତ କରି ଖଣି କାର୍ଯ୍ୟ ସମ୍ପୂର୍ଣ୍ଣ ବନ୍ଦ ନ କଲେ ବାଧ୍ୟ ହୋଇ ରାଜ ରାସ୍ତା କୁ ଓହ୍ଲାଇବୁ ବୋଲି ଚର୍ଚ୍ଚା ଜୋର ଧରିଛି ଅଞ୍ଚଳରେ !