ଶ୍ରୀମେଟାଲିକ୍ସ କାରଖାନାରେ ଦୁର୍ଘଟଣା ଘଟି କର୍ମଚାରୀ ମୃତ…!

!!! କେନ୍ଦୁଝର ଜିଲ୍ଲା ଯୋଡା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କେନ୍ଦୁଝର) – କେନ୍ଦୁଝର ଜିଲ୍ଲା ଯୋଡ଼ା ଖଣି ମଣ୍ଡଳ ଅନ୍ତର୍ଗତ ରୁଗୁଡି ଥାନା ଅଂଚଳ ରେ ଥିବା ଶ୍ରୀମେଟାଲିକ୍ସ କାରଖାନା ରେ ସୁରକ୍ଷା ଅଭାବରୁ ଦୁର୍ଘଟଣା ଘଟି ଜଣେ କର୍ମଚାରୀଙ୍କ ମୃତ୍ୟୁ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ କମ୍ପାନୀ ର ସିନିୟର ମେକାନିକାଲ ଇନଚାର୍ଜ ସୁଶାନ୍ତ କୁମାର ଦାସ ସବୁ ଦିନ ପରି କାରଖାନା କୁ ଆସିଥିବା ବେଳେ ଗତ କାଲି ଦିନ ୧୧.୩୦ ସମୟ ରେ କମ୍ପାନୀ ତରଫରୁ ତାଙ୍କ କେନ୍ଦ୍ରାପଡା ନରେନ୍ଦ୍ରପୁର ସ୍ଥିତ ଘର କୁ ସୁଶାନ୍ତ ଆତ୍ମହତ୍ୟା କରିଥିବା ଖବର ଦିଆଯାଇଥିଲା l ତେବେ ଆଜି ତାଙ୍କ ପରିବାର ଲୋକ ଘଟଣା ସ୍ଥଳ ରେ ପହଂଚି ପାରିପାର୍ଶ୍ବିକ ଦୃଷ୍ଟି ଓ ଘଟଣା ସ୍ଥଳ ରେ ତାଙ୍କର ଜୋତା ଓ ହେଲମେଟ ପଡିଥିବାର ଦେଖି ଏହା ଆତ୍ମହତ୍ୟା ନୁହେଁ ବରଂ ଦୁର୍ଘଟଣା ଜନିତ ମୃତ୍ୟୁ ବୋଲି ଅଭିଯୋଗ କଲା ପରେ କମ୍ପାନୀ ଦୁର୍ଘଟଣା ବୋଲି ସ୍ୱୀକାର କରିଛି l ଉକ୍ତ କାରଖାନା ରେ ବାରମ୍ବାର ଏହିପରି ଭାବରେ ଦୁର୍ଘଟଣା ଘଟି ଧନ ଜୀବନ ହାନି ହେଉଥିବା ବେଳେ କାରଖାନା ପରିସରରେ କୌଣସି ପ୍ରକାର ସୁରକ୍ଷା ବ୍ୟବସ୍ଥା ପାଳନ କରାଯାଉନଥିବା ଜଣାପଡିଛି l

ରାସ୍ତା ଉପରେ ଶୋଇଥିବା ଗୋରୁ ପଲ ଙ୍କ ଉପରେ ଚଢ଼ିଗଲା ଅଜଣା ଟ୍ରକ୍ ।

!!! କେନ୍ଦୁଝର ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କେନ୍ଦୁଝର) – କେନ୍ଦୁଝର ଜିଲ୍ଲା ରୁଗୁଡ଼ି ଥାନା, ୫୨୦ ନମ୍ବର ଜାତୀୟ ରାଜପଥ, ଗନ୍ଦଲପଦା ନିକଟରେ ଅଘଟଣ । ରାସ୍ତା ଉପରେ ଶୋଇଥିବା ଗୋରୁ ପଲଙ୍କ ଉପରେ ଚଢ଼ିଯାଇଛି ଅଜଣା ଟ୍ରକ୍ । ଘଟଣାସ୍ଥଳରେ ୯ ଗୋରୁଙ୍କ ମୃତ୍ୟୁ ହୋଇଥିବା ବେଳେ ଗୋଟିଏ ଗୋରୁ ଗୁରୁତର ଆହତ ହୋଇଥିବା ଜଣାପଡିଛି । ଆଜି ଭୋର ସମୟରେ ଏହି ଅଭାବନୀୟ ଘଟଣା ଘଟିଥିବା କୁହାଯାଉଛି । କୋଇଡ଼ା ପଟୁ କେନ୍ଦୁଝର ରାସ୍ତାରେ ଯାଉଥିବା କୌଣସି ଏକ ଟ୍ରକ୍ ଗୋରୁ ପଲଙ୍କ ଉପରେ ମାଡ଼ିଯାଇ ଘଟଣା ସ୍ଥଳରୁ ଖସି ପଳାଇଛି । ଘଟଣା ପରେ ସ୍ଥାନୀୟ ଅଂଚଳରେ ଉତ୍ତେଜନା ଦେଖାଦେଇଥିଲା । ସୂଚନାପାଇ ରୁଗୁଡ଼ି ପୋଲିସ୍ ଘଟଣାସ୍ଥଳରେ ପହଁଚି ମୃତ ଗୋରୁଙ୍କୁ ରାସ୍ତା ଉପରୁ ଉଠାଇଛି । ଆହତ ଗୋରୁକୁ ଯୋଡ଼ା ସ୍ଥିତ ନନ୍ଦୀ ଗୋ ସେବା କେନ୍ଦ୍ରକୁ ପଠାଇବା ପାଇଁ ବ୍ୟବସ୍ଥା କରାଯାଇଛି ।

ପୂର୍ବତନ ବିଧାୟକ ସନାତନ ମହାକୁଡ଼ ଙ୍କ ଘରେ ସ୍ଥାନୀୟ ଲୋକଙ୍କ ଘେରାଉ

!!! କେନ୍ଦୁଝର ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କେନ୍ଦୁଝର) – କେନ୍ଦୁଝର ଜିଲ୍ଲା ଚମ୍ପୁଆ ର ପୂର୍ବତନ ବିଧାୟକ ସନାତନ ମହାକୁଡ଼ ଙ୍କ ନମ୍ବିର। ସ୍ଥିତ ବାସଭବନ ରେ ଓ ଉଁଚବ।ଲି ଠାରେ ଥିବା କାର୍ଯ୍ୟାଳୟ କୁ ଶନିବାର ପରିବହନ କାର୍ଯ୍ୟରେ ପାଇଁ ଦିଆଯାଇଥିବା ଅଂଶୀଦାର ଟଙ୍କା ଫେରସ୍ତ କୁ କେନ୍ଦ୍ର କରି ବିଭିନ୍ନ ଗ୍ରାମପଞ୍ଚାୟତ ର ଶତାଧିକ ଲୋକ ଘେରାଉ କରି ଥିବା ଦେଖିବାକୁ ମିଳିଥିଲା ।ଗ୍ରାମବାସୀ ଅଭିଯୋଗ କରିଛନ୍ତି ଯେ,ପ୍ରାୟ ୧୦ ବର୍ଷ ପୂର୍ବେ ବିଭିନ୍ନ ଖଣିରେ ପରିବହନ କାର୍ଯ୍ୟ ରେ ଅଂଶୀଦାର କରାଇ ଦେବା ପାଇଁ ବଡ କାଳୀ ମାଟି,ନୟାଗଡ଼,ଓ ବଳଦ। ଅଞ୍ଚଳର ଶତାଧିକ ଲୋକ ଟଙ୍କ। ଦେଇଥିଲେ ।ମାତ୍ର ପରବର୍ତ୍ତୀ ସମୟରେ ସେମାନଙ୍କୁ କୌଣସି ଲାଭାଂଶ ମିଳି ନ ଥିଲା କି ସେମାନଙ୍କ ମୂଳପୁଞ୍ଜି ଫେରସ୍ତ କରା ଯାଇ ନ ଥିଲା ।ଏହି ମୂଳ ପୁଞ୍ଜି ଦେବା ପାଇଁ ବାରମ୍ବାର କହି ଆସୁଥିଲେ ସୁଦ୍ଧା କେହି କର୍ଣ୍ଣପାତ କରି ନ ଥିଲେ ।ଫଳରେ ଲୋକଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇ ଶନିବାର ଉଗ୍ର ରୂପ ଧାରଣ କରିଥିଲା ।ପ୍ରାୟ ୫ଶହ ରୁ ଉର୍ଦ୍ଧ୍ବ ଗ୍ରାମବାସୀ ଏକତ୍ରିତ ହୋଇ ପୂର୍ବତନ ବିଧାୟକ ସନାତନ ମହାକୁଡ଼ ଙ୍କ ଘର କୁ ଘେରାଉ କରିଥିଲେ ।ଘଟଣା ସ୍ଥଳରେ ବାମେବାରି ଥାନା ପକ୍ଷରୁ ବ୍ୟାପକ ପୋଲିସ ମୁତୟନ କରାଯାଇ ପରିସ୍ଥିତି କୁ ରାତି ପ୍ରାୟ ୮ଟା ପର୍ଯ୍ୟନ୍ତ ନିୟନ୍ତ୍ରଣ କରିବା ପାଇଁ ଚେଷ୍ଟା କରାଯାଇଥିଲା କିନ୍ତୁ ଖବର ଲେଖାଯିବା ପର୍ଯ୍ୟନ୍ତ ଗଣ ଧାରଣା ରହିଛି ।ତେବେ ଏହି ପୁଞ୍ଜିଭୂତ ଅସନ୍ତୋଷ ଆଗାମୀ ଦିନରେ ଏକ ବଡ ଆନ୍ଦୋଳନ ର ରୂପ ନେବ ବୋଲି ଗ୍ରାମବାସୀ କହିଛନ୍ତି ।

ଅଧାଗଢ଼ା ଜଗନ୍ନାଥ ଠାକୁରଙ୍କ ମନ୍ଦିର ସମ୍ପୂର୍ଣ୍ଣ ପାଇଁ ଅଣ୍ଟା ଭିଡିଲା କମ୍ପାନୀ ।

!!! କେନ୍ଦୁଝର ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କେନ୍ଦୁଝର) – କେନ୍ଦୁଝର ଜିଲ୍ଲା ଏକ ଖଣି ଖାଦାନ ଭରା ଜିଲ୍ଲା ହୋଇଥିବା ବେଳେ ଏଠାକାର ଜନ ସାଧାରଣ ଅନେକ ଦେବାଦେବୀଙ୍କୁ ନେଇ ପୂଜାର୍ଚ୍ଚନା କରିଥାନ୍ତି, ଅନେକ ଦେବାଦେବୀଙ୍କ ପାଇଁ ମନ୍ଦିର ନିର୍ମାଣ କରି ସମସ୍ତେ ଭଲରେ ରହିବା ପାଇଁ ଶୁଭ ମନାସି ଥାଆନ୍ତି । ଠିକ୍ ସେହିପରି କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ବଡ଼ କାଳିମାଟି ପଞ୍ଚାୟତ ରେ ଦୀର୍ଘ ୨୩ ବର୍ଷ ହେଲା ଜଗନ୍ନାଥ ।ବଳଭଦ୍ର ଓ ସୁଭଦ୍ରା ଦେବୀଙ୍କୁ ସ୍ଥାପନ କରି ପୂଜାବିଧି କରି ଆସୁଛନ୍ତି ।ପାଖାପାଖି ୨୦୦୦/୨୦୦୧ ମସିହାରେ ଚମ୍ପୁଆ ର ପୂର୍ବତନ ବାହୁବଳୀ ବୋଲାଯାଉଥିବା ବିଧାୟକ ସନାତନ ମହାକୁଡ଼ ମନ୍ଦିର ନିର୍ମାଣ ନିମନ୍ତେ ଅଣ୍ଟା ଭିଡିଥିଲେ କିନ୍ତୁ କିଛି ମାତ୍ରାରେ ମନ୍ଦିର କାର୍ଯ୍ୟ ଆରମ୍ଭ କରି ବନ୍ଦ କରିଦେଲେ । ଆଉ ତାଙ୍କ ନିଜ ଚଡ଼କ ମରା ଠାରେ ଥିବା ଗୁମ୍ଫାରେ ନିଜର ପତିଆରା ଦେଖାଇବା ପାଇଁ ନିଜେ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ କରିବା ସହ ମେଘନାଦ ପାଚେରୀ ନିର୍ମାଣ କରିଥିଲେ । ଏଥିରୁ ସ୍ପଷ୍ଟ ବାରି ହେଉଛି ଯେ ପୂର୍ବତନ ଏସାର ଷ୍ଟିଲ କମ୍ପାନୀ ର ସି ଏସ୍ ଆର୍ ଟଙ୍କା କୁ ସମ୍ପୂର୍ଣ୍ଣ ହଡ଼ପ କରିଥିବା ଲୋକ ଅଭିଯୋଗ ମଧ୍ୟ କରିଥିଲେ କିନ୍ତୁ ଠାକୁରଙ୍କ ଦୁର୍ଭାଗ୍ୟର ବିଷୟ ଯେ ସେ ମନ୍ଦିର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରି ପାରିଲେ ନାହିଁ । ଏତେ ସବୁ ପରେ କିଛି ବର୍ଷ ହେଲା ବଡ଼ କାଳିମାଟି ପଞ୍ଚାୟତ ରେ ବଳଭଦ୍ର ପାତ୍ର ଙ୍କ ନେତୃତ୍ବରେ ଏକ ସଂଗଠନ ତିଆରି ହେଲା ସେହି ସଂଗଠନ ଟି ହେଲା ବଡ଼ କାଳିମାଟି ଡେଭଲପମେଣ୍ଟ ସୋସାଇଟି ।ଏହି ସୋସାଇଟି ସୁଦୃଢ଼ ହେବା ପାଇଁ ଅନେକ ବର୍ଷ ଲାଗିଥିଲା, ଏହି ସଂଗଠନ ସ୍ଥାନୀୟ ଖଣି ଓ କାରଖାନା ସଂସ୍ଥା ସହିତ ଅଞ୍ଚଳର ବିକାଶ ମୂଳକ କାର୍ଯ୍ୟ ପାଇଁ ଲଢେଇ ଜୋରଦାର କରିବା ପରେ କିଛି ମାତ୍ରାରେ ସମର୍ଥନ ମିଳିବା ସହ ଅନେକ ଲୋକ ମାନଙ୍କୁ ନିଯୁକ୍ତି ମଧ୍ୟ ମିଳିଥିବା ନଜିର ରହିଛି । ଏହି ସବୁ ପରେ ଅଧାଗଢ଼ା ରେ ପଡ଼ି ରହିଥିବା ଶ୍ରୀ ଜଗନ୍ନାଥ ଠାକୁରଙ୍କ ମନ୍ଦିର ଉପରେ ନଜର ପକେଇ ପାଖରେ ଥିବା ପୂର୍ବତନ ଏସାର ଷ୍ଟିଲ ବର୍ତ୍ତମାନ ର ଆର୍ସେଲର ମିତ୍ତଲ କମ୍ପାନୀ କୁ ଅଭିଯୋଗ କରିଥିଲେ ବଡ଼ କାଳିମାଟି ଡେଭଲପମେଣ୍ଟ ସୋସାଇଟି ର ସଭାପତି ଏବଂ ସମସ୍ତ ସଂଗଠନ ର କାର୍ଯ୍ୟ କର୍ତ୍ତା ମାନେ । ଏହି ଅଭିଯୋଗ କ୍ରମେ ସ୍ଥାନୀୟ ଆର୍ସେଲର ମିତ୍ତଲ କମ୍ପାନୀ ପକ୍ଷରୁ ମନ୍ଦିର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରିବାକୁ ପୁଣି ଅଣ୍ଟା ଭିଡିଛନ୍ତି, ଆଜି ସକାଳ ୧୦ ଘଟିକା ସମୟରେ ମନ୍ଦିର ପୂଜକ ରାକେଶ ପଣ୍ଡା, ପୁରୀ ରୁ ଆସିଥିବା ମନ୍ଦିର ନିର୍ମାଣ କାରୀ, ଆର୍ସେଲର ମିତ୍ତଲ କମ୍ପାନୀ ର କର୍ତ୍ତୃପକ୍ଷ ଜେ କେ ଶର୍ମା,ଏଚ୍ ଆର୍ ର ହେଡ୍ ବନଜ ଖଟୁଆ, ସୁଜିତ କୁମାର ମହାନ୍ତି, ଭଳି ଅନେକ କର୍ମଚାରୀ ରହିଥିବା ବେଳେ ମନ୍ଦିର କମିଟିର ସଭାପତି ଲମ୍ବୋଦର ପାତ୍ର ସମ୍ପାଦକ ଶ୍ରୀକାନ୍ତ ବାରିକ, ଏବଂ ଆଗଧାଡିର ମୁଖ୍ୟ ଥିବା ନଟବର ପାତ୍ର,ଭରତ ଚନ୍ଦ୍ର ବାରିକ,ଇନ୍ଦ୍ରାସ୍ମୁତି ବିଦ୍ୟାଳୟ ର ପ୍ରଧାନ ଶିକ୍ଷକ ଭରତ ଚନ୍ଦ୍ର ସାମଲ, ଚନ୍ଦ୍ର ପଲେଇ, ଦେବବ୍ରତ ବାରିକ, ରଞ୍ଜିତ ବାରିକ ଉପସ୍ଥିତ ଥିବା ବେଳେ ଆହୁରି ଅନେକ ମନ୍ଦିର କମିଟିର ସଦସ୍ୟ ମାନେ ଯୋଗ ଦେଇଥିଲେ । ତେବେ ଏହି ଅସମ୍ପୂର୍ଣ୍ଣ ମନ୍ଦିର ସମ୍ପୂର୍ଣ୍ଣ ନିର୍ମାଣ କରିବାକୁ ଯାଉଥିବା ଆର୍ସେଲର ମିତ୍ତଲ କମ୍ପାନୀ ଙ୍କ ପ୍ରତି ଅଞ୍ଚଳ ବାସୀ ଖୁସି ହେଉଥିବା ଦେଖିବାକୁ ମିଳିଛି । ତେବେ ଦେଖିବାକୁ ବାକି ରହିଲା ଆଗରୁ ବାହୁବଳୀ ବୋଲାଉଥିବା ବିଧାୟକ ସନାତନ ମହାକୁଡ଼ ଅଧାଗଢ଼ା ରେ ଛାଡି ଚାଲି ଯାଇଥିବା ଭଳି ପରିସ୍ଥିତି ସୃଷ୍ଟି ହେବ ନା ସତରେ କମ୍ପାନୀ ପକ୍ଷରୁ ମନ୍ଦିର ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ହେବ ତାହା ସମୟ କହିବ ।

ଓ ଏମ୍ ସି ଖଣି କମ୍ପାନୀ ତରଫରୁ ବିଦ୍ୟାଳୟ ରେ ପୋଷାକ ବଣ୍ଟନ ।

!!! କେନ୍ଦୁଝର ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କେନ୍ଦୁଝର) – କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ବଡ଼ କାଳିମାଟି ପଞ୍ଚାୟତ ର ଦବୁନା ଠାରେ ଥିବା ଇନ୍ଦିରା ସ୍ମୃତି ବିଦ୍ୟାପୀଠ ଏମ୍ ଇ ସ୍କୁଲ୍ ରେ ଓ ଏମ୍ ସି ଖଣି କମ୍ପାନୀ ର ଆନୁକୁଲ୍ୟରେ ପୋଷାକ ବଣ୍ଟନ ଉତ୍ସବ ଅନୁଷ୍ଠିତ ହୋଇ ଯାଇଛି । ଏଥିରେ ଓ ଏମ୍ ସି ର ଡି ଜି ଏମ୍ ଶ୍ରୀଯୁକ୍ତ ଜ୍ଞାନ ପ୍ରକାଶ ମହାପାତ୍ର ମୁଖ୍ୟ ଅତିଥି ଙ୍କ ସହିତ ଓ ଏମ୍ ସି ର କର୍ମକର୍ତ୍ତା ବୃନ୍ଦ ସମୀର ରଞ୍ଜନ ବିଶ୍ବାଳ,କିସାନ ବାବୁ, ବିରଞ୍ଚି ବାବୁ ଓ ବିଦ୍ୟାଳୟ ର ପୁରାତନ ଛାତ୍ର ଦିଲ୍ଲିପ ବେହେରା,ଗୁନା ପଲେଇ, ମନୋଜ ତନ୍ତି ଏବଂ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ଭରତ ଚନ୍ଦ୍ର ସାମଲ ଅଭିଭାଷଣ ରଖିଥିଲେ, ଏବଂ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ କରୁଣାକର ନାଏକ ଓ ବିଦ୍ୟାଳୟ ର ପରିଚାଳନା କମିଟି ର ସମସ୍ତ ପରିବାର ବୃନ୍ଦ ଓ ବିଦ୍ୟାଳୟ ର ବିଜ୍ଞାନ ଶିକ୍ଷକ ସଞ୍ଜିତ ରଞ୍ଜନ ବଳ ଉପସ୍ଥିତ ରହି ବିଦ୍ୟାଳୟ ର ସମସ୍ତ ଛାତ୍ରଛାତ୍ରୀଙ୍କୁ ଦୁଇ ହଳ ଲେଖାଏଁ ପୋଷାକ ଓ ମିଷ୍ଟାନ୍ନ ଆଦି ବଣ୍ଟନ କରିଥିବା ଦେଖିବାକୁ ମିଳିଛି,ଏଥି ସହିତ ଆଗାମୀ ଦିନରେ ବିଦ୍ୟାଳୟ ପ୍ରତି ସୁଦୃଷ୍ଟି ରଖିବା ପାଇଁ ପରିଚାଳନା କମିଟି ତରଫରୁ ଅନୁରୋଧ କରିଛନ୍ତି, ସର୍ବଶେଷରେ ଧନ୍ୟବାଦ ଅର୍ପଣ କରାଗଲା ।ତେବେ ଏହି ଭଳି ସମସ୍ତ ଖଣି କମ୍ପାନୀ ତରଫରୁ ଖଣି କ୍ଷତିଗ୍ରସ୍ତ ଅଞ୍ଚଳ ରେ ବସବାସ କରୁଥିବା ଆଦିବାସୀ ସଂପ୍ରଦାୟର ଗରିବ ଛାତ୍ରଛାତ୍ରୀ ମାନଙ୍କୁ କିଛି କିଛି ଆର୍ଥିକ ସହାୟତା ଯୋଗାଇ ଦେଲେ ନିଶ୍ଚିତ ଭାବେ ଶିକ୍ଷା ର ଅଗ୍ରଗତି ହୋଇ ପାରିବ ବୋଲି ଅଞ୍ଚଳ ବାସୀ ଚିନ୍ତା କରୁଛନ୍ତି ।

ଚଇତି ପର୍ବରେ ମାଆ ତାରିଣୀଙ୍କ ଆଶୀର୍ବାଦ ନେଲେ ଲକ୍ଷାଧିକ ଶ୍ରଦ୍ଧାଳୁ…!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)-  ଚଇତି ପର୍ବ ଦିନ ଘଟଗାଁବାସିନୀ ମାଆ ତାରିଣୀ ଆବିର୍ଭାବ ହୋଇଥିଲେ। ତେଣୁ ୯ ତାରିଖରୁ ବିଷୁବ ସଂକ୍ରାନ୍ତି ପର୍ଯ୍ୟନ୍ତ ମାଆଙ୍କ ଜନ୍ମ ଦିନ ଧୁମ୍‌ଧାମରେ ପାଳନ କରାଯାଉଛି। ଆଜିର ଦିନଟିରେ ମାଆଙ୍କୁ ଦର୍ଶନ କଲେ ସମସ୍ତ ମନସ୍କାମନା ପୂରଣ ହୋଇଥାଏ ବୋଲି ବିଶ୍ୱାସ ରହିଛି। ସେଥିପାଇଁ ଆଜି ଦିନରେ ମାଆଙ୍କୁ ଦର୍ଶନ କରିବା ଲାଗି ଦୂର ଦୂରାନ୍ତରୁ ଭକ୍ତମାନେ ଘଟଗାଁକୁ ଧାଇଁ ଆସିଥାଆନ୍ତି। ଆଜି ଲକ୍ଷାଧିକ ଭକ୍ତ ମାଆଙ୍କୁ ଦର୍ଶନ କରିଛନ୍ତି। ମହାମାରୀ କରୋନା ପାଇଁ ଦୁଇ ବର୍ଷ ଧରି ମାଆଙ୍କ ଚଇତି ପର୍ବ ହୋଇପାରୁନଥିଲା। କେବଳ ନୀତିକାନ୍ତି ହେଉଥିଲା। ମହାମାରୀ କରୋନାର କୋପ କମିବା ପରେ ଚଳିତ ବର୍ଷ ମାଆଙ୍କ ପର୍ବକୁ ଧୂମ୍‌ଧାମ୍‌ରେ ପାଳନ କରାଯାଇଛି। ରାତି ଦୁଇଟାରୁ ନୀତିକାନ୍ତି ଆରମ୍ଭ ହୋଇଥିଲା। ପ୍ରଥମେ ମାଆଙ୍କ ସ୍ନାନ ଓ ମହାସ୍ନାନ କରାଯାଇଥିଲା। ତା’ପରେ ମାଆଙ୍କୁ ସୁନା ବେଶରେ ସଜ୍ଜିତ କରାଯାଇଥିଲା। ଭୋର ୪ଟା ସବୁ ପୂଜା ସରିବା ପରେ ସାଧାରଣ ଦର୍ଶନ ପାଇଁ ମନ୍ଦିର ଖୋଲିଥିଲା। ତା’ପରେ ଶ୍ରଦ୍ଧାଳୁମାନେ ଶୃଙ୍ଖଳିତ ଭାବେ ଯାଇ ମାଆଙ୍କୁ ଦର୍ଶନ କରୁଛନ୍ତି। ମାଆଙ୍କ ପୂଜା କାର୍ଯ୍ୟରେ ୨୭ ଜଣ ପୂଜକ ନିୟୋଜନ ଅଛନ୍ତି। ଶୃଙ୍ଖଳିତ ଦର୍ଶନ ପାଇଁ ମନ୍ଦିର ପରିଚାଳନା କମିଟି ଓ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ଦୂରଦୂରନ୍ତରୁ ଆସୁଥିବା ଭକ୍ତଙ୍କ ଅନ୍ନ ପ୍ରସାଦର ବ୍ୟବସ୍ଥା ହୋଇଥିବା ପରିଚାଳନା କମିଟି ପକ୍ଷରୁ କୁହାଯାଇଛି। ଘଟଗାଁ ବାସିନୀ ମାଆ ତାରିଣୀଙ୍କ ଘଟଗାଁ ପୀଠରେ ୧୯୩୭ ମସିହା ଆଜିର ଦିନରେ ପରିଚାଳନା କମିଟି ଗଠନ ହୋଇଥିଲା। ପବିତ୍ର ବିଷୁବ ପଣା ସଂକ୍ରାନ୍ତି ଅବସରରେ ଦୀର୍ଘ ୮୬ ବର୍ଷ ଧରି ଏହି ପର୍ବ ଭକ୍ତି ଓ ନିଷ୍ଠାର ସହ ପାଳିତ ହୋଇଆସୁଛି। ବାର୍ଷିକ ଉତ୍ସବରେ ମାଆଙ୍କ ସୁନା ବେଶ ଦେଖିବା ପାଇଁ ଲକ୍ଷାଧିକ ଭକ୍ତଙ୍କ ସମାଗମ ହୋଇଥିଲା। ବହୁ ସଂଖ୍ୟାରେ ଭକ୍ତଙ୍କ ଶୃଙ୍ଖଳା ଦର୍ଶନ ପାଇଁ ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।

ସରକାରଙ୍କ ନିୟମକୁ ଉଲ୍ଲଂଘନ କରି ଲୁହାପଥର ଚୋରି ଅଭିଯୋଗ…!

!!! କେନ୍ଦୁଝର ଜିଲ୍ଲା ଯୋଡା ରୁ ରବୀନ୍ଦ୍ର ଖମଣଆ ଙ୍କ ରିପୋର୍ଟ !!! 

ଏଥର ସମ୍ଭାଳ (ଯୋଡା)- କେନ୍ଦୁଝର ଜିଲ୍ଲାରେ ଖଣି ଚୋରି କିଛି ନୂଆ କଥା ନୁହେଁ। ପୂର୍ବରୁ ଜିଲ୍ଲାରେ ହଜାର ହଜାର କୋଟି ଟଙ୍କାର ଖଣି ଚୋରି ନେଇ ଅଭିଯୋଗ ହୋଇଥିଲା।  ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ସାହା କମିଶନ ଏହାର ତଦନ୍ତ କରି ସୁପ୍ରିମକୋର୍ଟରେ ରିପୋର୍ଟ ଦାଖଲ କରିଛନ୍ତି। ସୁପ୍ରିମକୋର୍ଟ ମଧ୍ୟ ଖଣି ଚୋରି ହୋଇଥିବା ଅନୁଭବ କରି ହଜାର ହଜାର କୋଟି ଟଙ୍କାର ଜୋରିମାନା ନିର୍ଦେଶ ଦେଇଥିଲେ। କେତେକ କମ୍ପାନୀ ଜୋରିମାନା ଟଙ୍କା ଦେଇ ଥିବାବେଳେ ଆଉ କେତେକ ବର୍ତ୍ତମାନ ପର୍ଯ୍ୟନ୍ତ ଜୋରିମାନା ଟଙ୍କା ପୈଠ କରିନାହାନ୍ତି। ଏହା ସତ୍ତ୍ୱେ ମଧ୍ୟ କେନ୍ଦୁଝର ଶୁଆକାଠି ସ୍ଥିତ ଓଏମସି ଖଣିରେ ସରକାରଙ୍କ ନିୟମ କୁ ଉଲ୍ଲଂଘନ କରି  ରାତିରେ ଟ୍ରକରେ ଲୁହାପଥର ଲୋଡ଼ କରିବା ନେଇ  ଭିଡ଼ିଓ ଭାଇରାଲ ହୋଇଛି। ଶୁଆକାଠି ସ୍ଥିତ ଓଏମସି ଖଣିରେ ଡିଜିଏମ ଥିବା ବ୍ୟକ୍ତିଙ୍କୁ ଆରଏମ ଦାଇତ୍ୱ ଦିଆଯାଇଥିବାବେଳେ ସେ କେନ୍ଦୁଝର ଜିଲ୍ଲାର ଟ୍ରକ ମାଲିକଙ୍କୁ ବିଭିନ୍ନ ସମସ୍ୟାରେ ପକାଉଥିବା ବହୁ ଟ୍ରକ ମାଲିକ ଅଭିଯୋଗ କରିଛନ୍ତି। ସରକାରଙ୍କ ନିୟମ ବାହାନାରେ ଓଏମସି ଖଣିରେ ଚଳାଇଛନ୍ତି ଆତଙ୍କରାଜା। ସରକାରଙ୍କ ନିୟମକୁ ଭାଙ୍ଗି ସରକାରଙ୍କୁ ଦେଉଛନ୍ତି ଖୋଲା ଚ୍ୟାଲେଞ୍ଜ। ନିଜ ମନ ମୁତାବକ ନିୟମ କରି ଟ୍ରକ ମାଲିକଙ୍କ ଉପରେ  ଲଦି ପକାଉଛନ୍ତି । କେତେବେଳେ ଖଣି ପରିସର ବାହାରେ ୫ରୁ ୭ କିଲୋମିଟର ଦୂରରେ ଜାତୀୟ ରାଜପଥରେ ଥିବା ଟ୍ରକକୁ କଳା ତାଲିକା ଭୁକ୍ତ କରୁଛନ୍ତି ତ କେତେବେଳେ ଖଣି ମଧ୍ୟରେ ସରକାରଙ୍କ ନିୟମ କୁ ଭଙ୍ଗ କରି ରାତିରେ ଟ୍ରକରେ ଲୁହାପଥର ବୋଝେଇ କରି ଗାଡିକୁ ବାହାରକୁ ପଠାଇ ଦେଉଛନ୍ତି ।ସରକାରଙ୍କ ନିୟମ ଅନୁଯାୟୀ ସୂର୍ଯ୍ୟ ଉଦୟରୁ ସୂର୍ଯ୍ୟ ଅସ୍ତ ଯାଏଁ ଲୁହାପଥର ଲୋଡ଼ ହେବା କଥା। ହେଲେ ରାତିରେ କେଉଁ ସୂର୍ଯ୍ୟ ଉଦୟ ହୋଇଥିଲା ଯେ ଟ୍ରକରେ ଲୁହାପଥର ଲୋଡ଼ କରୁଛନ୍ତି ବୋଲି ଅଭିଯୋଗ କରିଛନ୍ତି ଟ୍ରକ ମାଲିକ । କେନ୍ଦୁଝର ଜିଲ୍ଲା ଟ୍ରକ ମାଲିକ ସଂଘରେ ପଞ୍ଜିକୃତ ଟ୍ରକ ମାଲିକଙ୍କ ପାଇଁ ଗୋଟିଏ ନିୟମ ଏବଂ ଶୁଆକାଠି ସ୍ଥିତ ଟ୍ରକ ମାଲିକ ସଙ୍ଘ ପାଇଁ ଅହେତୁକ ଅନୁକମ୍ପା ଦେଖାଇ ଯାଇଥିବା  ଅଭିଯୋଗ କରିଛନ୍ତି ଟ୍ରକ ମାଲିକ ।

ଘର ପରିବର୍ତ୍ତେ ଜଙ୍ଗଲରେ ଛାଡ଼ି ଚାଲିଗଲା ଆମ୍ବୁଲାନ୍ସ …!

ଏଥର ସମ୍ଭାଳ (ଆନନ୍ଦପୁର) – ସୁସ୍ଥ ହୋଇଥିବା ଜଣେ କୋଭିଡ ଆକ୍ରାନ୍ତଙ୍କୁ ଘର ପରିବର୍ତ୍ତେ ଜଙ୍ଗଲରେ ଛାଡ଼ିଦେଲା ନିଶାସକ୍ତ ଆମ୍ବୁଲାନ୍ସ ଡ୍ରାଇଭର। ଦୀର୍ଘ ସମୟ ଅପେକ୍ଷା କରିବା ପରେ ଶେଷରେ ଅନ୍ୟ ଏକ ଆମ୍ବୁଲାନ୍ସରେ ଘରେ ପହଞ୍ଚିଲେ ବ୍ୟକ୍ତିଜଣକ। ଏଭଳି ଅଭାବନୀୟ କାଣ୍ଡ କେନ୍ଦୁଝର ଜିଲ୍ଲା ଆନନ୍ଦପୁର ଅଞ୍ଚଳରେ ଘଟିଛି।

ଆନନ୍ଦପୁର ଅଞ୍ଚଳର ଭାସ୍କର ସାହୁ ନାମକ ଜଣେ କୋଭିଡ୍ ସଂକ୍ରମିତ ବ୍ୟକ୍ତି କେନ୍ଦୁଝରରେ ରହି ଚିକିତ୍ସିତ ହେଉଥିଲା । ସୁସ୍ଥ ହେବା ପରେ ଗତକାଲି ତାଙ୍କୁ ଡିସଚାର୍ଜ କରାଯାଇ ଏକ ଆମ୍ବୁଲାନ୍ସ ଯୋଗେ ଘରକୁ ପଠାଯାଇଥିଲା। ମାତ୍ର ତାଙ୍କୁ ଘରେ ଛାଡ଼ିବା ପରିବର୍ତ୍ତେ ପ୍ରାୟ ୪୦ କିମି ଦୂର ଜଙ୍ଗଲ  ମଝିରେ ଛାଡି ଚାଲିଗଲା  ମଦ୍ୟପ ଆମ୍ବୁଲାନ୍ସ ଡ୍ରାଇଭର ।

୨୦ ନଂ ଜାଜୀୟ ରାଜପଥର ଅଟେଇ ଜଙ୍ଗଲ ଅଧୀନ  କୁମୁଡ ଛକଠାରେ ସମ୍ପୃକ୍ତ ବ୍ୟକ୍ତିଙ୍କୁ ଗାଡିରୁ ତଳକୁ ଓହ୍ଲାଇ ଦେଇ ଗାଡି ଧରି ପଳାଇଲା ଡ୍ରାଇଭର।   ବ୍ୟକ୍ତିଜଣକ ପ୍ରାୟ ୨ ଘଣ୍ଟା ପାଖାପାଖି ଅପେକ୍ଷା କରିବା ପରେ ମଧ୍ୟ ଡ୍ରାଇଭରଙ୍କ ପତ୍ତା ପାଇଲା ନାହିଁ। ଶେଷରେ ଗଣମାଧ୍ୟମ ପ୍ରତିନିଧିଙ୍କ ହସ୍ତକ୍ଷପ ଫଳରେ ସାଇଁକୁଳ ଗୋଷ୍ଠି ସ୍ୱାସ୍ଥକେନ୍ଦ୍ରରୁ ଅନ୍ୟ  ଏକ ଆମ୍ବୁଲାନ୍ସ ଆସି ତାଙ୍କୁ ନେଇ ଘରେ ଛାଡ଼ିଛି।

ଏନେଇ  ଭାସ୍କର ସାହୁ  କହିଛନ୍ତି,  କେନ୍ଦୁଝରରେ ଥିଲି। ଗାଡ଼ି ଡ୍ରାଇଭର ବାଟରେ ନିଶାସକ୍ତ ହୋଇ  ଶୋଇ ପଡ଼ିଲା। କିଛି ସମୟରେ ଉଠି ପୁଣି କୁଆଡ଼େ ପଳାଇଲା। ମୁଁ ଅପେକ୍ଷା କରିଛି, ଆଉ ତା’ର ଦେଖା ମିଳୁନି।

ରୋଗୀଜଣକ କୁମୁଡ ଛକଠାରେ ଛିଡ଼ା ହୋଇଥିବା ଖବର ପାଇ ଏଠାକୁ ଆସିଛି। ତାଙ୍କୁ ନେଇ ତାଙ୍କ ଗାଁରେ ଛାଡ଼ିବି ବୋଲି କହିଛନ୍ତି ଘରେ ପହଞ୍ଚାଇଥିବା ଆମ୍ବୁଲାନ୍ସ ଡ୍ରାଇଭର ବିନୋଦ ବିହାରୀ ସାହୁ।

ଆମ୍ବୁଲାନ୍ସ ଚଳାଇବା ପରି ଗୁରୁଦାୟିତ୍ୱ ନ୍ୟସ୍ତ ଥିବା ସତ୍ତ୍ୱେ ସମ୍ପୃକ୍ତ ଡ୍ରାଇଭର ଡ୍ୟୁଟିରେ ଥାଇ ନିଶାସକ୍ତ ଅବସ୍ଥାରେ ରୋଗୀଙ୍କୁ ଅଧା ବାଟରେ ଛାଡ଼ି ଚାଲିଯିବା ଏକ ସ୍ପର୍ଶକାତର ଘଟଣା। ଏପରି କର୍ମଚାରୀଙ୍କ ବିରୋଧରେ ବିଭାଗ ପକ୍ଷରୁ କ’ଣ ପଦକ୍ଷେପ ଗ୍ରହଣ କରାଯିବ ତାହା ଦେଖିବାକୁ ବାକି ରହିଲା।

ପଦାରେ ପଡ଼ୁଛି ଠିକାଦାର ଏବଂ ଯନ୍ତ୍ରୀଙ୍କର ମଧୁ ଚନ୍ଦ୍ରିକା ; ଦୁବନା କାଳିମାଟି ରାସ୍ତା ପାଲଟିଛି ମରଣଯନ୍ତା..!

!!! କେନ୍ଦୁଝର ଜିଲ୍ଲା ଯୋଡ଼ା ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କାଳିମାଟି ) – ଖଣି କାରଖାନା ପାଇଁ ରାଜ୍ୟ ରାଜକୋଷ କୁ ସବୁଠାରୁ ଅଧିକା ରାଜସ୍ଵଦେଉଥିବା ଅଞ୍ଚଳ ର ରାସ୍ତାର ଅବସ୍ଥା ନିଜ ଆଖି ରେ ନ ଦେଖିଲେ ବିଶ୍ୱାସ କରିହେବ ନାହିଁ । ଆମେ କହୁଛୁ କାଳି ମାଟି ଠାରୁ ଦୁବୁନା ପର୍ଯ୍ୟନ୍ତ ରାସ୍ତା କଥା। ଏଠାରେ ବାହୁବଳୀ ବିଧାୟକଙ୍କ ଠାରୁ ଆରମ୍ଭ କରି ବର୍ତ୍ତମାନ ର ବିଧାୟିକା ମୀନାକ୍ଷୀ ମହାନ୍ତ ଙ୍କ ପର୍ଯ୍ୟନ୍ତ , ସମସ୍ତେ ନିଜର ପତିଆରା ଦେଖାଇ ନିଜର ଆଧିପତ୍ୟ ବିସ୍ତାର କରି ଚାଲିଥିବା ବେଳେ ଏହି ଖଣି ଅଞ୍ଚଳର ବିକାଶ ପାଇଁ କାହାରି ନଜର ନାହିଁ । ଖଣି ପ୍ରଭାବିତ ଅଞ୍ଚଳର ବିକାଶ ପାଇଁ ଜିଲା ଖଣିଜ ପ୍ରତିଷ୍ଠାନରୁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହେଉଥିବା ବେଳେ ଏ ଅଞ୍ଚଳ ପାଲିଟିଛି ପ୍ରଶାଶନର ସାବତ ପୁଅ । ଏ ଅଞ୍ଚଳରେ କାଳିମାଟି ଠାରୁ ଦୁବୁନା ପର୍ଯ୍ୟନ୍ତ ରାସ୍ତାର ନିର୍ମାଣ ପାଇଁ ୨୦୧୮ ମସିହାରେ  DMF ରୁ ୧୨ କୋଟି ୮୭ ଲକ୍ଷ ୮୬ ହଜାର ୫୪୬ ଟଙ୍କା ମଞ୍ଜୁର ହୋଇଥିବା ବେଳେ ଏହାର ସଂପାଦନ କାର୍ଯ୍ୟ ଜିଲା ରାସ୍ତା ଓ ଗୃହ ବିଭାଜନ ବିଭାଗକୁ ଦିଆଯାଇଥିଲା । ଏବଂ ବିଭାଗ ଦ୍ବାରା ଏହି କାର୍ଯ୍ୟ ବି.ବି. ଇନ୍ଫ୍ରାସଲୁସନ୍ ପ୍ରାଇଭେଟ୍ ଲିମିଟେଡ୍ ନାମକ ଠିକା ସଂସ୍ଥାକୁ ଦିଆଯାଇଥିଲା ।

ଏହାର ନିର୍ମାଣ କାର୍ଯ୍ୟ ୧୮- ୪ – ୨୦୧୮ ରୁ.ଆରମ୍ଭ ହୋଇ୧୭-୨ – ୨୦୧୯ ରେ ସରିବାର ଥିଲା ଶୁଚନା ଫଳକ ଅନୁଶାରେ ଏହି ରାସ୍ତା କାମ ୨ ବର୍ଷ ୪ ମାସ ଆଗରୁ ସରିବା କଥା କିନ୍ତୁ ଆଜି ପର୍ଯ୍ୟନ୍ତ ଏହାର ଅବସ୍ତା ଯଥାପୂର୍ବଂ ତଥା ପରଂ । ଏହି ରାସ୍ତା ପରିଦର୍ଶନ ରେ ନିଜେ ଜିଲ୍ଲାପାଳ ଆଶି ବୁଲି ଦେଖିଥିଲେ । ତାହା ବି ବର୍ଷେ ଉପରେ ହେବା ପରେ ମଧ୍ୟ କୌଣଷି ସୁଫଳ ମିଳି ନ ଥିଲା। ତେବେ କାର୍ଯ୍ୟ ଦେଶ ସରିବାର ୨ ବର୍ଷ ୪ ମାସ ବିତିଯାଇଥିଲେ ମଧ୍ୟ ପ୍ରଶାଶନିକ ସ୍ଥର ରେ ଆଜି ପର୍ଯ୍ୟନ୍ତ କୌଣସି ପଦକ୍ଷେପ ନ ହେବା ନିଶ୍ଚୟ ପ୍ରଶ୍ଳବାଚୀ ଶୃଷ୍ଟି କରିଛି। ଏବଂଏଥିରୁ ଯଣା ପଡୁଛି ଠିକା ସଂସ୍ଥା ଓ ଯନ୍ତ୍ରୀ ମାନଙ୍କ ମଧ୍ୟରେ ଥିବା ମଧୁର ସମ୍ପର୍କ | ପ୍ରକାଶ ଯୋଗ୍ୟ ଯେ ଏହି ରାସ୍ତା ଦେଇ ପ୍ରତିଦିନ ଶହ ଶହ ଟ୍ରିପ ଖଣିଜ ସାମଗ୍ରୀ ପରିବହନ ହେଉଥିବା ବେଳେ ଏହି ରାସ୍ତା ଉପରେ ଆଖପାଖ ୩ ଟି ପଞ୍ଚାୟତର ଲୋକ ନିର୍ଭର କରିଥାନ୍ତି । ତେଣୁ ରାସ୍ତାର ଏପରି ଅବସ୍ଥା ଯୋଗୁ ପ୍ରାୟ ପ୍ରତିଦିନ ଏଠାରେ ଛୋଟ ବଡ ଦୁର୍ଘଟଣା ଘଟି ବହୁ ଧନଜୀବନ ନଷ୍ଟ ହୋଉଥିବାର ଦେଖିବା ପାଇଁ ମିଳୁଛି। ତେବେ ଏ ଅଞ୍ଚଳବାସୀଙ୍କ ପାଇଁ ଏହି ରାସ୍ତା ଏବେ ପାଲଟିଛି ମରଣଯନ୍ତା ।

ଅନାଥ ତିନି ଭାଇ ଭଉଣୀ ଙ୍କ ଫୋଟ ଭାଇରାଲ ପରେ ପହଞ୍ଚିଲା ଶିଶୁ ଯତ୍ନ ବିଭାଗ ଅଧିକାରୀ…!

!!! କେନ୍ଦୁଝର ଜିଲ୍ଲା ଯୋଡ଼ା ରୁ ରବୀନ୍ଦ୍ର ଖମଣିଆଙ୍କ ରିପୋର୍ଟ  !!!

ଏଥର ସମ୍ଭାଳ(ଯୋଡ଼ା)- ସଂସାର ଭିତରେ ଘର କରିଥିଲେ ପଥର ପଡ଼ିଲେ ସହି ! ଭଗବାନ ମଣିଷକୁ ଜନ୍ମ ଦେଇଛନ୍ତି କିନ୍ତୁ କେତେବେଳେ କାହାକୁ ସୁଖ ମିଳିବ ଆଉ କାହାକୁ ଦୁଃଖ ଭୋଗିବାକୁ ପଡ଼ିବ ସେକଥା ତାଙ୍କୁ ହିଁ ଜଣା ! ଏଭଳି ଏକ ଛାତି ବିଦାରକ ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଯୋଡ଼ା ବ୍ଲକ ଅନ୍ତର୍ଗତ ବଡ଼ କାଳିମାଟି ପଞ୍ଚାୟତ ରେ ଥିବା ଦବୁନା ଠାରେ ! ଦବୁନା ବସ୍ତିରେ ବାସ କରି ଦୀର୍ଘ ବର୍ଷ ଧରି ରହି ଆସୁଥିବା ଏକ ପରିବାର ଏବେ ବୋଝ ଉପରେ ଲଳିତା ବିଡ଼ା ସଦୃଶ ! କାର୍ତ୍ତିକ ସେଠୀ ନାମକ ଜଣେ ସରଳ ଓ ନିରୀହ ଲୋକ ଯାହାକି ଘର ଘର ବୁଲି ଲୋକଙ୍କ ଲୁଗାପଟା ସଫା କରି ପରିବାର ପୋଷଣ କରୁଥିଲେ ! ଦୀର୍ଘ ଚାରି ପାଞ୍ଚ ବର୍ଷ ହେଲା ତାଙ୍କ ସ୍ତ୍ରୀ ତାଙ୍କୁ ସମସ୍ତଙ୍କୁ ଛାଡି ଆର ପାରିକି ଚାଲିଯାଇଥିଲେ ! ସ୍ତ୍ରୀ ଙ୍କ ଅକାଳ ମୃତ୍ୟୁ କୁ ନେଇ ଚିନ୍ତା କରି କରି ତାଙ୍କ ତିନି ଛୁଆ ଙ୍କୁ ଖୋଜି ଅଣ୍ଡାଳି ଦାନା ମୁଠାଏ ଯୋଗାଡ଼ କରି ପ୍ରତିପୋଷଣ କରି ଆସୁଥିଲେ ! କିନ୍ତୁ ଅତି ଦୁଃଖର ବିଷୟ ରାସ୍ତା କଡରେ ମାଟିଝାଟି କୁଡିଆ ଘରଟି ଥିବା ହେତୁ ଖଣି ପରିବହନ କାର୍ଯ୍ୟ ରାତି ଦିନ ଅହରହ ଚାଲିଥିବା ଯୋଗୁଁ ଧୂଳି ଧୂଆଁ ରେ ଅଣନିଃଶ୍ବାସୀ ହୋଇ ଦୀର୍ଘ ଦିନ ଧରି ରୋଗାକ୍ରାନ୍ତ ହୋଇ ପଡି ରହିଥିଲେ, ଫଳରେ ଅର୍ଥାଭାବରୁ ଔଷଧ ଟିକିଏ ମଧ୍ୟ ନ ପାଇ ଅତି ବିକଳ ଅବସ୍ଥା ରେ ମାତ୍ର ୫୫ ବର୍ଷ ବୟସରେ ମୃତ୍ୟୁ ବରଣ କରିଛନ୍ତି ! ଆଜିକୁ ପ୍ରାୟ ନଅ ଦିନ ହେଲା ତାଙ୍କ ଦୁଇ ଝିଅ, ଅମ୍ବିକା ସେଠୀ ବୟସ ପାଖାପାଖି ସତର, ଶ୍ରାବଣୀ ବୟସ ପାଖାପାଖି ପନ୍ଦର ବର୍ଷ ଏବଂ ସବା ସାନ ପୁଅ ଶ୍ରବଣ କୁମାର ସେଠୀ ବୟସ ପାଖାପାଖି ଆଠ ବର୍ଷ, ଏ ତିନି ଛୁଆ ଙ୍କୁ ସବୁ ଦିନ ପାଇଁ ଛାଡ଼ି ଚାଲିଗଲା ତାଙ୍କ ବାପା କାର୍ତ୍ତିକ ସେଠୀ ! ତାଙ୍କ ଜୀବନ କାଳ ମଧ୍ୟରେ ସରପଞ୍ଚଙ୍କ ଠାରୁ ଆରମ୍ଭ କରି ବ୍ଲକ ଉନ୍ନୟନ ଅଧିକାରୀଙ୍କ ପାଖରେ ଅଭିଯୋଗ କରି କରି ଜୀବନ ଯୁଦ୍ଧରେ ହାରି ଗଲେ ପଛେ ସରକାରଙ୍କ ତରଫରୁ ପକ୍କାଘର ଟିଏ ପାଇପାରି ନଥିଲେ,ସତରେ କ’ଣ ଭଗବାନ ଏତେ ନିଷ୍ଠୁର ? ନା ଜିଲ୍ଲା ପ୍ରଶାସନ ର ଅପାରଗତା ? ତାଙ୍କ ଭାଗ୍ୟ ରେ କ’ଣ ସରକାରୀ ଯୋଜନା ମିଳିବାର ନ ଥିଲା ? ଏମିତି ଅନେକ ପ୍ରଶ୍ନ ଉଠୁଛି ଏବେ ଜନ ସାଧାରଣ ରେ ! ଏବେ ଏ ତିନି ଭାଇ ଭଉଣୀ ପୁରା ପୁରି ବେସାହାରା ହୋଇ ପଡ଼ି ରହିଥିବା ବେଳେ ଜଣେ ଅଞ୍ଚଳର ଯୁବକ ତାଙ୍କ ଫୋଟ ଉଠାଇ ଫେସବୁକ ରେ ଭାଇରାଲ କରିଥିଲେ ! ଫଳରେ କିଛି ସମାଜସେବୀ ସେହି ଅନାଥ ତିନି ଭାଇ ଭଉଣୀ ଙ୍କୁ ସହାୟତା ର ହାତ ବଢ଼ାଇଥିଲେ ! ଏବଂ ସେମାନଙ୍କ ଫୋଟ ମଧ୍ୟ ଭାଇରାଲ କରିଥିଲେ ସେହି ଯୁବକ ଜଣକ ଫଳରେ ଜିଲ୍ଲା ପ୍ରଶାସନ ର ଦୃଷ୍ଟି ପଡ଼ିବା ପରେ ଆଜି ଚାଇଲ୍ଡ ଲାଇନ ବିଭାଗ ଅଧିକାରୀ ଆସି ପହଁଚିଲେ ! ତାଙ୍କ ସହିତ ଆଲୋଚନା କରି ସେମାନଙ୍କୁ କେମିତି ସହଯୋଗ କରିପାରିବେ ଓ ତାଙ୍କ ଭବିଷ୍ୟତ ପାଇଁ ଚିନ୍ତା କରି ଯଥାଶୀଘ୍ର ସମ୍ଭବ ପଦକ୍ଷେପ ନେବାକୁ ଲକ୍ଷ ରଖିଥିବା ଜଣାପଡିଛି ! ତାଙ୍କ ପ୍ରତି ନିହାତି ଦୃଷ୍ଟି ଦେବାକୁ ଜିଲ୍ଲା ପ୍ରଶାସନ ଙ୍କୁ ଅନୁରୋଧ କରିଛନ୍ତି ଅଞ୍ଚଳ ବାସୀ !