ପୁଣି ବାଲିଗୁଡା ପୁଲିସ ଜବତ କଲା ୨୭୨ କେଜି ଗଞ୍ଜେଇ…!

!!! କନ୍ଧମାଳ ରୁ ଜିଲ୍ଲା ପ୍ରତିନିଧି ଜଳନ୍ଧର ବେହେରା ଙ୍କ ରିପୋର୍ଟ   !!!

ଏଥର ସମ୍ଭାଳ (କନ୍ଧମାଳ) – କନ୍ଧମାଳ ବାଲିଗୁଡ଼ା ଉପଖଣ୍ଡ ଆରକ୍ଷୀ ଅଧିକାରୀ ଶ୍ରୀ ମନୋଜ ପୂଜାରିଙ୍କ ନିର୍ଦ୍ଦେଶ କ୍ରମେ ବାଲିଗୁଡ଼ା ଏସଆଇ ରବିନ୍ଦ୍ର ମୁଣ୍ଡାରୀ ନିଜ ଟିମ୍ ସହ ମିଶି ପେଟ୍ରୋଲିଙ୍ଗ କରୁଥିବା ସମୟରେ ବାଲିଗୁଡ଼ା ଥାନା ବୁଡ୍ରୁକିଆ ଗ୍ରାମ ଅନ୍ତର୍ଗତ ମାଦିନାଟ ଗ୍ରାମରେ ଗୋଟଏ ଇନୋଭା ଓ ଗୋଟିଏ ବୋଲେରୋ ଗାଡ଼ିକୁ ଯାଞ୍ଚ କରିବା ସମୟରେ ୨୭୨ କେଜି ଗଞ୍ଜେଇ ସହ ୨ଜଣକୁ ଗିରଫ କରିଥିଲା |ଗିରଫ ୨ଜଣକ ନାମ ମନୋରଞ୍ଜନ ରାଉତ ଘର ଶୈଳଶ୍ରୀ ବିହାର ଭୁବନେଶ୍ୱର ହୋଇଥିବା ବେଳେ ଅନ୍ୟ ଜଣେ ସମୀର ଦିଗାଲ କାମପଡ଼ା ବାଲିଗୁଡ଼ା ର ବୋଲି ଜଣାପଡ଼ିଛି| ଏମାନଙ୍କ ନାମରେ ବାଲିଗୁଡ଼ା ଥାନା ଭାର ପ୍ରାପ୍ତ ଅଧିକାରି ପ୍ରଶାନ୍ତ କୁମାର ବେହେରା ମାମଲା ନମ୍ବର ୭୨/୨୧ ରୁଜୁ କରି କୋର୍ଟ ଚାଲାଣ କରିଥିବା ନେଇ ସୁଚନା ଦେଇଛନ୍ତି |

ଘୁ.ଉଦୟଗିରି ପୁଲିସ ଦ୍ୱାରା ହେଲମେଟ ଯାଞ୍ଚ ବେଳେ ଉତ୍ତେଜନା;କାର୍ଯ୍ୟରତ ମହିଳା ପୁଲିସ ଏସଆଇ ଯୁବକଙ୍କ ମୋବାଇଲ ଝାମ୍ପି ନେଇ ଥିବା ଅଭିଯୋଗ..!

!!! କନ୍ଧମାଳ ଜିଲ୍ଲା ଘୁ. ଉଦୟଗିରି ରୁ ପ୍ରତିନିଧି ତପସ୍ବିନୀ ମଲ୍ଲିକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଘୁ.ଉଦୟଗିରି) – ସରକାରଙ୍କ ଆଇନ ପ୍ରଣୟନ ପରେ ଘୁ.ଉଦୟଗିରି ପୁଲିସ ଦ୍ୱାରା ହେଲମେଟ, ଇନ୍ସୁରାନ୍ସ ଏବଂ ଗାଡ଼ି କାଗଜ ପତ୍ର ଯାଞ୍ଚ କୁ କଡ଼ାକଡ଼ି କରାଯାଇଛି I ପ୍ରତ୍ୟକ ଦିନ ଘୁ.ଉଦୟଗିରି ପୁଲିସ ଘୁ.ଉଦୟଗିରି ସହରର ବିଭିନ୍ନ ସ୍ଥାନରେ ଯାଞ୍ଚ କରୁଥିବାର ଦେଖା ଦେଇଛି I ଆଜି ସନ୍ଧ୍ୟା ପ୍ରାୟ ୬ଟା ସମୟରେ ସ୍ଥାନୀୟ ପୁଲିସ ଦ୍ୱାରା ଗାନ୍ଧୀ ଛକ ଠାରେ ଏସଆଇ କୌଶଲ୍ୟା ବେହେରା ଦ୍ୱାରା ଯାଞ୍ଚ କରା ଯାଇଥିଲା I ଏହି ସମୟରେ ଉତ୍ତେଜନା ପ୍ରକାଶ ପାଇ ଥିଲା I ଘଟଣା ସ୍ଥଳରେ ଏଏସଆଇ ସୁବାଷ ପ୍ରଧାନ ପୁଲିସ ଫୋର୍ସ ସହ ପହଞ୍ଚି ଲୋକମାନଙ୍କୁ ବୁଝା ସୁଝା କରିବା ପରେ ଉତ୍ତେଜନା ଥମି ଥିଲା I ସନ୍ଧ୍ୟା ସମୟରେ କନାବାଗେରି ଗ୍ରାମର ସୁମିତ କୁମାର ମହାରଣା କୌଣସି ଜରୁରୀ କାଳୀନ କାମ ପାଇଁ ବିନା ହେଲମେଟରେ ବଜାର ଆସି ଥିଲେ I ଏହି ସମୟରେ ପୁଲିସ ତାଙ୍କୁ ଅଟକାଇ ଯାଞ୍ଚ କରି ପ୍ରଥମେ ଗାଡ଼ି ଚାବି ନେଇ ଥିଲେ I ଯୁବକ ଯୁବକ ଜଣକ ଫାଇନ ଦେବାକୁ ରାଜି ହୋଇ ଥିଲେ ଏବଂ ଉପସ୍ଥିତ ପୁଲିସ କର୍ମଚାରୀ ଏସଆଇ କୌଶଲ୍ୟା ବେହେରାଙ୍କୁ ଚାଲାଣ କାଟିବା ପାଇଁ କହି ଥିଲେ I ପୁଲିସ ୧୦୦୦ ଟଙ୍କାର ଫାଇନ ଚାଲାଣ ସୁମିତଙ୍କୁ ଦେଇ ଥିଲେ I କେଉଁ କେଉଁ ବାବଦକୁ ଫାଇନ କଟା ଯାଇ ଥିଲା ବୋଲି ସୁମିତ ଚାଲାଣ କାଟି ଥିବା ମହିଳା ପୁଲିସ କର୍ମଚାରିଙ୍କୁ ପଚାରି ଥିଲା I ଏହି ସମୟରେ ପୁଲିସ ତାଙ୍କୁ ଅସଦ ବ୍ୟବହାର କରିଥିବା ସୁମିତ କୁମାର ମହାରଣା ଅଭିଯୋଗ କରିଛନ୍ତି I ଏହା ପରେ ମହିଳା ପୁଲିସ କର୍ମଚାରୀ ଏବଂ ସୁମିତ କୁମାର ମହାରଣାଙ୍କ ମଧ୍ୟରେ ବହୁତ ସମୟ ଧରି କଥା କିଟାକଟି ହୋଇ ଥିଲା I ସେହି ପରି ନୂଆସାହି ଗ୍ରାମର ଅଶୋକ ନାୟକ ନାମକ ଜଣେ ବ୍ୟକ୍ତି ଗାନ୍ଧୀ ଛକରେ ଥିବା ଔଷଧ ଦୋକାନକୁ ତାଙ୍କ ସ୍ତ୍ରୀଙ୍କ ପାଇଁ ଜରୁରୀ ଔଷଧ ଆଣିବା ସକାଶେ ବିନା ହେଲମେଟରେ ଆସି ପୁଲିସ ହାତରେ ଧରା ପଡ଼ି ଥିଲେ ଏବଂ ପୁଲିସକୁ ଛାଡ଼ି ଦେବା ପାଇଁ ଅନୁରୋଧ କରିବା ସହ ସମସ୍ତ ସରକାରୀ ଫାଇନ ପଇଠ କରିବା ପାଇଁ ରାଜି ହୋଇ ଥିଲେ I ଏହି ସମୟରେ ତାଙ୍କ ପୁଅ ଆଲଫାନ୍ସ ନାୟକ ଏବଂ ତାଙ୍କ ବଡଭାଇ ସେଠାରେ ପହଞ୍ଚି ପୁଲିସକୁ ଘଟଣା ସମ୍ପର୍କରେ ପଚାରି ବୁଝିବା ସହ ମୋବାଇଲରେ ଭିଡିଓ ଉତ୍ତଳନ କରୁଥିଲେ I ଏଥିରେ ଉତ୍ୟକ୍ତ ହୋଇ ମହିଳା ପୁଲିସ ଏସଆଇ କୌଶଲ୍ୟା ବେହେରା ତାଙ୍କର ମୋବାଇଲ ଝାମ୍ପି ନେଇ ଥିବା ଅଲଫାନ୍ସ ନାୟକ ଅଭିଯୋଗ କରିଛନ୍ତି I ଯାହା ପାଇଁ ମହିଳା ପୁଲିସ ଏବଂ ଯୁବକଙ୍କ ମଧ୍ୟରେ ବହୁତ ସମୟ ଧରି କଥା କଟାକଟି ହେବା ପରେ ଉତ୍ତେଜନା ପ୍ରକାଶ ପାଇ ଥିଲା I ଆଜି ଘୁ. ଉଦୟଗିରି ପୁଲିସ ଦ୍ୱାରା ଅକସ୍ମାତ ଗାନ୍ଧୀ ଛକ ଠାରେ ଯାନବାହନ ଯାଞ୍ଚ କରା ଯାଇ ଥିଲା I ଆମ ପୁଲିସ କାର୍ଯ୍ୟକ୍ରମ ମାଧ୍ୟମରେ ସାଧାରଣ ଜନତା ଏବଂ ପୁଲିସ ମଧ୍ୟରେ ଥିବା ଦୁରତାକୁ ସମାପ୍ତ କରି ନିକଟତର କରିବା ପାଇଁ ସରକାର ବିଭିନ୍ନ ଯୋଜନା ମାଧ୍ୟମରେ ଉଦ୍ୟମ ଜାରି ରଖିଛନ୍ତି I କିନ୍ତୁ ଘୁ.ଉଦୟଗିରି ପୁଲିସର କିଛି ପୁଲିସ କର୍ମଚାରୀ ଜନତାଙ୍କ ନିକଟତର ହେବା ପାଇଁ ଚାହୁଁ ନାହାନ୍ତି I ଯାହାକି ଏହି ପୁଲିସ କର୍ମଚାରୀ ସରକାରୀ ଉଦ୍ୟମକୁ ଫୁ କରୁଥିବା ଅଞ୍ଚଳବାସୀ ମତବ୍ୟକ୍ତ କରିଛନ୍ତି I ପ୍ରଶାସନ ଏଥି ପ୍ରତି ଦୃଷ୍ଟି ଦେବା ସହ ପୁଲିସ ଏବଂ ଜନତା ମଧ୍ୟରେ ଉତ୍ତମ ବୁଝାବଣା ପାଇଁ ଦୃଷ୍ଟି ଦେବା ସକାଶେ ସାଧାରଣରେ ଦାବୀ ହୋଇଛି I

କନ୍ଧମାଳ ଗଣମାଧ୍ୟମ ସଂଘ ର ସାଧାରଣ ବୈଠକ ଅନୁଷ୍ଠିତ; କଲ୍ଯାଣ ପାଣ୍ଠି ଗଠନ ପାଇଁ ନିଷ୍ପତ୍ତି।

!!! କନ୍ଧମାଳ ଜିଲ୍ଲା ଘୁ.ଉଦୟଗିରି ରୁ ପ୍ରତିନିଧି ତପସ୍ଵିନୀ ମଲ୍ଲିକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଘୁ.ଉଦୟଗିରି) – କନ୍ଧମାଳ ଜିଲ୍ଲା ଘୁ ଉଦୟଗିରି ଠାରେ କନ୍ଧମାଳ ଗଣମାଧ୍ୟମ ସଂଘ ତରଫରୁ ଜିଲ୍ଲା ରେ ବିଭିନ୍ନ ଅଞ୍ଚଳରେ କାର୍ଯ୍ୟରତ ୱେବ ପୋର୍ଟାଲ ,ପ୍ରିଣ୍ଟ ମିଡ଼ିଆ ଓ ଇଲକ୍ଟ୍ରୋନିକ ମିଡ଼ିଆ ର ପ୍ରତିନିଧି ଙ୍କୁ ନେଇ କନ୍ଧମାଳ ଗଣମାଧ୍ୟମ ସଂଘ ଗଠିତ କରାଯାଇଛି। ଘୁ.ଉଦୟଗିରି ଠାରେ ଜିଲ୍ଲା ସଂଘ ର ଉପସଭାପତି ଶ୍ରୀ ଗଗନ କୁମାର ପ୍ରଧାନ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଜରୁରୀ ବୈଠକ ରେ ସଂଘ ର ବିଭିନ୍ନ ସମସ୍ୟା ଗୁଡିକୁ ଆଲୋଚନା କରାଯାଇ ସଂଘ କୁ ଆଗାମୀ ଦିନ ରେ କିପରି ସୁଦୃଢ କରାଯିବ ଏହା ଉପରେ ସଦସ୍ୟ ମାନେ ମତ ଦେଇଥିଲେ । ଏହି ଅବସରରେ ସିମାଞ୍ଚଳ ସାହୁ ପ୍ରାରମ୍ଭିକ ସୂଚନା ପ୍ରଦାନ କରିବା ବେଳେ ଜିଲ୍ଲା ଉପସଭାପତି ଫିଲିପ କୁମାର ଦିଗାଲ ବୈଠକ ର ଆଭିମୁଖ୍ୟ ନେଇ ଆଲୋଚନା କରିଥିଲେ । ଅନୁଷ୍ଠିତ ବୈଠକ ରେ ସନୁଜ କୁମାର ଦିଗାଲ , ଇସ୍ମାଇଲ ନାୟକ,ଅଜିତ ଦିଗାଲ ,ଭବାନୀ ଶଙ୍କର ଜେନା,ତାପସ ନାୟକ, ସାମନ୍ତ ଶେଖର ନାୟକ ଯୋଗ ଦେଇ ଆଲୋଚନାରେ ଭାଗ ନେଇ ଥିଲେ ।

ଏହି ଅବସରରେ ସଂଘ ର ଏକ କଲ୍ୟାଣ ପାଣ୍ଠି ଗଠନ କରିବା ସହ ଏହାକୁ ସଂଘ ସଦସ୍ୟଙ୍କ ଅସମୟରେ ରେ ସହାୟତା ନିମନ୍ତେ ବିନିଯୋଗ କରାଯିବ ବୋଲି ନିଷ୍ପତି ନିଆଗଲା ।ଏହା ଉପରେ ଜିଲ୍ଲା ଗଣମାଧ୍ୟମ ସଂଘ ର ସଭାପତି ଶ୍ରୀ ମିଳନ କହଁର ଏହା କୁ ସମର୍ଥନ କରିବା ପରେ ସମସ୍ତ ସଦସ୍ୟ ଙ୍କ ଦ୍ୱାରା ଗୃହିତ କରାଯାଇଛି । ସଂଘ କୁ ସୁଦୃଢ କରିବା ପାଇଁ ଆଗାମୀ ଦିନ ରେ ଆହୁରି ବହୁତ କାଯ୍ୟକ୍ରମ କରାଯିବ ଏବଂ ବ୍ଲକ ସ୍ତର ରେ ଥିବା ସାମ୍ବାଦିକ ଭାଇ ଭଉଣୀ ଙ୍କୁ ଯେମିତି କୌଣସି ପ୍ରକାର ଅସୁବିଧା ର ସମ୍ମୁଖୀନ ହେବାକୁ ନହୁଏ ତାହା ଉପରେ ମଧ୍ୟ ପଦକ୍ଷେପ ନିଆଯିବ ବୋଲି ବୈଠକରେ ମତପ୍ରକାଶ ପାଇଛି ।

ଘୁ.ଉଦୟଗିରି ସ୍ଥିତି ବସଷ୍ଟାଣ୍ଡ ରେ ବହୁ ବର୍ଷ ଧରି ପଡିରହିଥିବା ବସ ଆଜି ଜଳି ପାଉଁଶ।

!!! କନ୍ଧମାଳ ଜିଲ୍ଲା ଘୁ.ଉଦୟଗିରି ରୁ ପ୍ରତିନିଧି ତପସ୍ଵିନୀ ମଲ୍ଲିକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଘୁ.ଉଦୟଗିରି) – କନ୍ଧମାଳ ଜିଲ୍ଲା ଘୁ ଉଦୟଗିରି ସ୍ଥିତି ବସଷ୍ଟାଣ୍ଡ ଠାରେ ପ୍ରାୟ ଦୁଇ ବର୍ଷ ହେବ ପଡି ପଡି ରହିଥିବା ବସଟି ଜଳୁ ଥିବା ଦେଖିବାକୁ ମିଳିଛି । ଏହି ବସଟି କାକାମହା ଗ୍ରାମର ଚୁ ଚୁ ଦିଗାଲ ଓରଫ୍ ବିଜୟ କୁମାର ଦିଗାଲ ଙ୍କର ବୋଲି ଜଣା ପଡିଛି ।ଖବର ପାଇ ସ୍ଥାନୀୟ ଅଗ୍ନିଶମ ବିଭାଗ କର୍ମଚାରୀ ଘଟଣା ସ୍ଥାନରେ ପହଞ୍ଚି ନିଆଁ କୁ ଲିଭାଇଥିଲେ । ବହୁ ବର୍ଷ ହେବ ବସଷ୍ଟାଣ୍ଡ ନିର୍ମାଣ ହେବା ପରେ ବି ସେଠାକୁ କୌଣସି ବସ ନ ଆସିବାରୁ ଏହି ସ୍ଥାନ ଟି ଉଜୁଡା ଅବସ୍ଥାରେ ପଡିରହିଛି । ତଥାପି ସ୍ଥାନୀୟ ବିଜ୍ଞାପିତ ଅଞ୍ଚଳ ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ଙ୍କ ଏଥି ପ୍ରତି ନଜର ପଡୁନ ନଥିବା ସାଧାରଣ ରେ ଅଭିଯୋଗ ହେଉଛି । ଦେଖି ବାକୁ ରହିଲା ବସଷ୍ଟାଣ୍ଡ କୁ କେବେ ସ୍ଥାନୀୟ ପ୍ରଶାସନ କାର୍ଯ୍ୟକ୍ଷମ କରୁଛି ।

କନ୍ଧମାଳ ଗୃହରକ୍ଷୀ ସଂଘ ତରଫରୁ ସ୍ୱଚ୍ଛଭାରତ ଓ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଟିତ ହେଇଯାଇଛି ….

!!! କନ୍ଧମାଳ ରୁ ଜିଲ୍ଲା ପ୍ରତିନିଧି ଜଳନ୍ଧର ବେହେରା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଫୁଲବାଣୀ) – କନ୍ଧମାଳ ଜିଲ୍ଲା ଫୁଲବାଣୀ ସଦର ମହକୁମା ରିଝର୍ବ ପୋଲିସ୍ ପଡ଼ିଆ ଠାରେ ୫୮ ତମ ଗୃହରକ୍ଷୀ ଦିବସ ପାଳନ ହେଇଯାଇଛି । ସେଇ ଉପଲକ୍ଷେ କନ୍ଧମାଳ ଗୃହରକ୍ଷୀ ସଂଘ ତରଫରୁ କରୋନା ମହାମାରୀ ର ସରକାରୀ ଗାଇଡ୍ଲାଇଁ କୁ ପାଳନ କରି ସ୍ୱଚ୍ଛଭାରତ ଓ ବୃକ୍ଷରୋପଣ କାର୍ଯ୍ୟକ୍ରମ କରାଯାଇଛି । ଗୃହରକ୍ଷୀ ଦିବସ ଟି କୋରନା ମହାମାରୀ ଗାଇଡଲାଇନ ନିୟମ କୁ ମାନି କୈଣସି ପ୍ରକାର ସାଂକୃତିକ କାର୍ଯ୍ୟକ୍ରମ ଓ ନିରାମ୍ବର ନ କରି ଅତି ସୁନ୍ଦର ଭାବେ ପାଳନ କରାଯାଇଛି । ରିଜର୍ଭ ପୋଲିସ୍ ପଡ଼ିଆଠାରେ ଉପରିସ୍ଥ ଅଧିକାରୀ ଙ୍କ ଆଦେଶ ପ୍ରକାରେ ପେରେଡ଼ ଅନୁଷ୍ଠିତ କରିଥିଲେ ।

କନ୍ଧମାଳ ଜିଲ୍ଲା ଗୃହରକ୍ଷୀ ସଂଘ କର୍ମକର୍ତ୍ତା ଙ୍କ ଆଲୋଚନା କ୍ରମେ ସ୍ୱଛ ଭାରତ ଅଭିଯାନ ଏବଂ ପରିବେଶ ସୁରକ୍ଷା ନିମନ୍ତେ ବୃକ୍ଷ ରୋପଣ କାର୍ଯ୍ୟ କ୍ରମ ମା ନାରାୟଣି ଙ୍କ ମନ୍ଦିର ପାଖ ଶୈବପୀଠରେ ସଫେଇ କାର୍ଯ୍ୟ କ୍ରମ ଓ ବୃକ୍ଷ ରୋପଣ କାର୍ଯ୍ୟ କ୍ରମ ସଭାପତି ପ୍ରଭାତ କୁମାର ସାହାଣୀ ଙ୍କ ତତ୍ବାଧନାରେ ଅନୁଷ୍ଠିତ କରାଯାଇଥିଲା । ଏଥିରେ କନ୍ଧମାଳ ଜିଲ୍ଲା ଗୃହରକ୍ଷୀ ସଂଘ ର ସମସ୍ତ କର୍ମକର୍ତ୍ତା ଓ ଆଡ଼ଭାଇଜର୍ କୁନା ଦିଗାଲ ଙ୍କ ସହିତ ମିଲନ କହଁର, ଅଶୋକ ମହାନ୍ତି, ପୂର୍ବତନ ଗୃହରକ୍ଷୀ କମ୍ପାନୀ କମାଣ୍ଡର ଓ ସମାଜସେବୀ ତଥା ରାଷ୍ଟ୍ରପତି ପୁରସ୍କୃତ ପାଇଥିବା ବିଭୁତିଭୂଷଣ ପଣ୍ଡା , ଉପସଭାପତି ବିରାଜ କୁମାର ପ୍ରଧାନ , କୋଷାଦକ୍ଷ S K ରିହାଜଦିନ, ସମ୍ପାଦକ ତପନ କୁମାର ମିଶ୍ର , ସହ ସମ୍ପାଦକ ଅମିତ କୁମାର କହଁର ଓ କୁବେର କହଁର ଉପସ୍ତିତ ଥିଲେ । ସଂଘ କର୍ମକର୍ତ୍ତା ଙ୍କ ଆଲୋଚନା ପ୍ରକାରେ ଆଗାମୀ ଦିନରେ କନ୍ଧମାଳ ଜିଲ୍ଲାର ସମସ୍ତ ଥାନା ମାନଙ୍କର ଭାଇ ଭଉଣୀ ମାନେ କିପରି ସଫେଇ କାର୍ଯ୍ୟ କ୍ରମ ଓ ବୃକ୍ଷ ରୋପଣ କାର୍ଯ୍ୟକ୍ରମ କରିବେ ତା ସହିତ କନ୍ଧମାଳ ଜିଲ୍ଲା ଗୃହରକ୍ଷୀ ସଂଘ କିପରି ସୁଦୃଢ଼ ହେଇ ସମସ୍ତ ଗୃହରକ୍ଷୀ ଭାଇ ଭଉଣୀ ମାନେ ଉପରିସ୍ତ ଅଧିକାରୀ ମାନଙ୍କ ଠାରୁ କିପରି ନିର୍ଯାତନା ପାଇବାରୁ ବଞ୍ଚିତ ରହିବେ ସେ ବିଷୟରେ ଆଲୋଚନା କରାଯାଇଥିଲା । ସେସରେ ସଂଘ କାର୍ଯ୍ୟକାରି ସଭାପତି ଅଖୟ କୁମାର ରାୟ ସମସ୍ତ ଙ୍କୁ ଧନ୍ୟବାଦ ଦେଇଥିଲେ ।

ଫୁଲବାଣୀ ରେ ଗଣମାଧ୍ୟମ ପ୍ରତିନିଧିଙ୍କୁ ଆକ୍ରୋଶ ମୂଳକ ଭାବେ ଆକ୍ରମଣ;ଦୋଷୀ ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାନଗଲେ ରାଜରାସ୍ତା କୁ ଓହ୍ଲାଇବ ଜିଲ୍ଲା ଗଣମାଧ୍ୟମ ସଂଘ ।

!!! କନ୍ଧମାଳ ରୁ ଜିଲ୍ଲା ପ୍ରତିନିଧି ଜଳନ୍ଧର ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ (ଫୁଲବାଣୀ) – ଗତ ରଵିବାର ରାତ୍ର ୮ ଘଣ୍ଟା ସମୟରେ କନ୍ଧମାଳ ଜିଲ୍ଲା ଓଡିଶା ଟୁଡେ ର ଵିରୋଚିଫ ଙ୍କୁ କିଛି ଅସାଧୁ ଯୁଵକ ମଦ୍ୟ ପାନ କରି ନିଶାସକ୍ତ ଅବସ୍ଥାରେ ଆସି ଆକ୍ରମଣ କରିଥିଲେ। ସୂଚନା ଅନୁଯାୟୀ ଗତ କିଛି ଦିନ ତଳେ ସୁଡ୍ରୁକୁମ୍ପା ଗ୍ରାମପଞ୍ଚାୟତ ର ନେଡିଗୁଡା ଗାମର ଭାଗିରଥୀ ବେହେରାଙ୍କ ମୃତ ଶରୀର କୁ ଗ୍ରାମବାସୀ ରାସ୍ତା ଉପରେ ରଖି ରାସ୍ତା ଅବରୋଧ କରିଥିଲେ। ଏହାର ଖବର ସଂଗ୍ରହ କରିବା ପାଇଁ ଜିଲ୍ଲାର ପ୍ରତ୍ୟେକ ଗଣମାଧ୍ୟମ ପ୍ରତିନିଧି ସେଠାକୁ ଯାଇଥିଲେ। ଜିଲ୍ଲା ପ୍ରଶାସନ ପକ୍ଷରୁ ଖଜୁରୀପଡା ବ୍ଲକ ଵିଡିଓ ଓ ବ୍ଲକ ଅଧ୍ୟକ୍ଷ ଏବଂ ଫୁଲଵାଣୀ ସଦର ଏସଡିପିଓ ମହେନ୍ଦ୍ର ନାଥ ମୁର୍ମୁ ମଧ୍ୟ ଯାଇଥିଲେ। ପ୍ରାଶାସନିକ ଅଧିକାରୀ ମାନେ ସେଠାରେ ପହଞ୍ଚି ଲୋକମାନଙ୍କୁ ଵୁଝାସୁଜା କରିଥିଲେ ଏବଂ ପ୍ରତିଶୃତି ଦେଇଥିଲେ କି ଜିଲ୍ଲା ପ୍ରଶାସନ ପକ୍ଷରୁ ମୃତ ପରିବାର କୁ ସଵୁସହଯୋଗ ମିଳିବ ଆଉ ତାପରେ ଆନ୍ଦୋଳନ କାରି ରାସ୍ତା ରୁ ହଟିଥିଲେ। ମୃତ ଭାଗିରଥୀଙ୍କ ଘଟଣା କୁ ନେଇ ଗଣମାଧ୍ୟମ ପ୍ରତିନିଧିଙ୍କୁ ନିଶାସକ୍ତ ଅବସ୍ଥାରେ ପ୍ରଶ୍ନ ପଚାରିବା ସହ ଭାଗିରଥୀ ଙ୍କୁ କିଛି ସହଯୋଗ ମିଳିଲା ନାହିଁ କାହିଁକି ବୋଲି କହି ନିସ୍ତୁକ ମାଡ଼ ମାରିଥିଲେ। ଏ ନେଇ ଗଣମାଧ୍ୟମ ପ୍ରତିନିଧି ଓଡିଶା ଟୁଡେ ର ଵିରୋଚିଫ ଅଶୋକ ମିଶ୍ର ଉତ୍ତର ଦେଇଥିଲେ, ଯେ ଆପଣ ମାନେ ଜିଲ୍ଲା ପ୍ରଶାସନ ପାଖକୁ ଯାଇ ନିଜର ଦୁଃଖ ଶୁଣାନ୍ତୁ ଯଦି ଜିଲ୍ଲା ପ୍ରଶାସନ ନ ଶୁଣିଲା ତେଵେ ଆମେ ଆପଣଙ୍କ ସମସ୍ୟା କୁ ପରିଵେସଣ କରିବୁ। ଏତିକି କହିବାପରେ ମଦ୍ୟ ପାନ କରିଥିବା ଚନ୍ଦନ ଵେହେରା ଏଵଂ ଗଣେଶ ପିଲାଟା ନାମକ ବ୍ୟକ୍ତି ଦୁହେଁ ଖଲିଆ ବନ୍ଦ ସ୍ଥିତ ପୋଲିସ ଉପସ୍ଥିତ ରେ ଗଣମାଧ୍ୟମ ପ୍ରତିନିଧି ଙ୍କୁ ଆକ୍ରମଣ କରିବା ପାଇଁ ପଛେଇନଥିଲେ ସେ ସଵୁ ପୋଲିସ ଦେଖି ମଧ୍ୟ ଚୁପ୍ ହୋଇ ପଳାଇ ଯାଇଥିଲା। ଏହି ଘଟଣା ପରେ ପୋଲିସ ଏବଂ ଅସାଧୁ ବ୍ୟକ୍ତି ଙ୍କ ସହ କଣ ମଧୁଚନ୍ଦ୍ରିକା ଅଛି ଵୋଲି ସାଧାରଣ ରେ ଚର୍ଚ୍ଚା ଜୋରଧରିଛି। ଗଣମାଧ୍ୟମ ପ୍ରତିନିଧି ଙ୍କୁ ଆକ୍ରମଣ ଘଟଣା ସାରା ଜିଲ୍ଲା ରେ ନିନ୍ଦନୀୟ ଵୋଲି ଅଞ୍ଚଳ ବାସୀ କୁହାବୋଲା ହେଉଛନ୍ତି। ବଡ଼ ଦୁଃଖର କଥା ଏହି ଘଟଣା କୁ ୩ ଦିନ ବିତିଯାଇଥିଲେ ମଧ୍ଯ ପୋଲିସ ହାତବାନ୍ଧି ବସିଥିବା ଦେଖିବାକୁ ମିଳିଛି। ଜିଲ୍ଲା ପ୍ରଶାସନ ପକ୍ଷରୁ ଯଦି ଦୋଷୀ ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ନକରନ୍ତି ତାହା ହେଲେ କନ୍ଧମାଳ ଜିଲ୍ଲା ଗଣମାଧ୍ଯମ ସଂଘ ରାଜରାସ୍ତା କୁ ଓହ୍ଲାଇଥିବା ବୋଲି ସଂଘ ର ସଭାପତି ମିଲନ କହଁର ମତ ପ୍ରକାଶ କରିଛନ୍ତି। ତେବେ ଦେଖିବାକୁ ଵାକିରହିଲା ଜିଲ୍ଲା ପ୍ରଶାସନ ଏ ଦିଗରେ କି କାର୍ଯ୍ୟନୁଷ୍ଠାନ ଗ୍ରହଣ କରୁଛି।

କନ୍ଧମାଳ ଠାରେ ପୁଣି ସମ୍ବିଧାନ ର ୪ର୍ଥ ସ୍ତମ୍ଭ ଉପରେ ଆକ୍ରମଣ।

!!! କନ୍ଧମାଳ ରୁ ଜିଲ୍ଲା ପ୍ରତିନିଧି ଜଳନ୍ଧର ବେହେରା ଙ୍କ ରିପୋର୍ଟ୍ !!!

ଏଥର ସମ୍ଭାଳ (କନ୍ଧମାଳ) – ପୁଣି ସମ୍ବିଧାନ ର ୪ର୍ଥ ସ୍ତମ୍ଭ ଉପରେ ଆକ୍ରମଣ।ଆଜି କନ୍ଧମାଳ ଜିଲା ରାଇକିଆ ବ୍ଲକ ରେ ଖବର ସଂଗ୍ରହ କରୁଥିବା ସମୟ ରେ ସରକାରୀ ବାବୁ ଙ୍କ ର ଆକ୍ରୋଷ ର ଶିକାର ହୋଇଛନ୍ତି ଏହି କାର୍ଯ୍ୟରତ ସାମ୍ବାଦିକ ଜଣକ।ସୂଚନାଥାଉ କି ସଂଘର୍ଷ ୱେବ ମିଡ଼ିଆ ର କନ୍ଧମାଳ ଜିଲା ପ୍ରତିନିଧି ଗୁପ୍ତେ ପ୍ରଧାନ ଆଜି ରାଇକିଆ ପଂଚାୟତ ଅଫିସ ରେ ପହଂଚି କିଛି ତଥ୍ୟ ସଂଗ୍ରହ ସକାଶେ ଯାଇଥିବା ସମୟ ରେ ସେତେବେଳେ ସେଠାରେ କୌଣସି ଅଫିସର ଉପସ୍ଥିତ ନଥିବା କାରଣ ରୁ ନିଜ ମୋବାଇଲ ସାହାଯ୍ୟ ରେ ଭିଜୁଆଲ ନେବା କୁ ଚେଷ୍ଟା କରୁଥିବା ସମୟ ରେ ପଂଚାୟତ ର ଜଣେ ତଳିଆ କର୍ମଚାରୀ ସେଠାରେ ପହଂଚିବା ସହିତ ସାମ୍ବାଦିକଙ୍କୁ ଅଭଦ୍ର ଭାଷା ରେ ଗାଳି ଗୁଲଜ କରିବା ସହିତ ମାଡ ମାରିବା ଅଭିଯୋଗ କରିଛନ୍ତି।ଆମ ରାଜ୍ୟ କନ୍ଧମାଳ ଜିଲା ଏକ ଆଦିବାସୀ ବହୁଳ ଅଂଚଳ ହୋଇଥିବାବେଳେ ଏଠି ପ୍ରାୟ ଲୋକ ନିରଖ୍ୟର୍ ଏହାକୁ ଲକ୍ଷ କରି ଏଠି ସରକାରୀ କର୍ମଚାରୀ ଜୁଲମ୍ ଦିନ କୁ ଦିନ ବଢୁଥିବା ଦେଖିବାକୁ ମିଲୁଅଛି।ସରକାରୀ କର୍ମଚାରୀ ଙ୍କ ର ଇଙ୍ଗିତ ରେ ପ୍ରାୟ ସବୁ କାର୍ଯ୍ୟ ଚାଲୁଥିବା ବେଳେ ଏହି୫ଟି କାର୍ଯ୍ୟକ୍ରମ କାହା ସକାଶେ ବୋଲି ଜନସାଧାରଣ ରେ ଚର୍ଚ୍ଚା ଛଲିଅଛି।ଆମ ଦେଶ ର ସମ୍ବିଧାନ କୁ ପ୍ରତ୍ୟେକ ସମାନ ଜଣାଇବା ପାଇଁ ବିଧି ଥିବା ବେଳେ ଏଠି ୪ର୍ଥ ସ୍ତମ୍ଭ ଉପରେ ବାରମ୍ବାର ପ୍ରହାର କରାଯାଉଛି।ସମ୍ବିଧାନ ର ଯଦି ଗୋଟିଏ ସ୍ତମ୍ଭ ଦୁର୍ବଳ ହୋଇଯାଏ ତେବେ ୩ଟି ସ୍ତମ୍ଭ ରେ ସୁରକ୍ଷିତ ରହିବ ତ।ଏଠି ସରକାରୀ କର୍ମଚାରୀ ଙ୍କ ର gundagardi ଚାଲିଛି କାହା ଇଙ୍ଗିତ ରେ।ଗୁପ୍ତେ ପ୍ରଧାନ ଏବେ ନ୍ୟାୟ ପାଇଁ ଥାନା ର ଦ୍ଵାରସ୍ଥ ହୋଇଥିବା ବେଳେ ତାହାଙ୍କୁ ଉଚିତ ନ୍ୟାୟ ମିଳିବ ତ ନା ସରକାରୀ କର୍ମଚାରୀ ଙ୍କ ର ଇଙ୍ଗିତ ରେ ଫସିଜିବେ ତାହା ଦେଖିବାକୁ ବାକି ରହିଲା।ଯଦି ଗୁପ୍ତେ ପ୍ରଧାନ ଙ୍କୁ ଆଗାମୀ ଦିନ ରେ ନ୍ୟାୟ ନା ମିଳେ ତେବେ ସାମ୍ବାଦିକ ମାନେ ରାଜରାସ୍ତା କୁ ଆସିବା ସକାଶେ ବାଧ୍ୟ ହେବେ ବୋଲି କନ୍ଧମାଳ ଜିଲ୍ଲା ସାମ୍ବାଦିକ ଗଣ ମତବ୍ୟକ୍ତ କରିଛନ୍ତି।

କନ୍ଧମାଳ ଜିଲ୍ଲା ପ୍ରଶାସନ ପକ୍ଷରୁ କୋଟଗଡ଼ ବ୍ଲକ ରୁ ମଶାରୀ ବଣ୍ଟନ କାର୍ଯ୍ୟକ୍ରମର ଶୁଭାରମ୍ଭ।

!!! କନ୍ଧମାଳ ରୁ ଜିଲ୍ଲା ପ୍ରତିନିଧି ଜଳନ୍ଧର ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ (କନ୍ଧମାଳ) – କନ୍ଧମାଳ ଜିଲ୍ଲାର ଜିଲ୍ଲାପାଳ ଓ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଙ୍କ ତତ୍ତ୍ଵାବଧାନରେ କୋଟଗଡ଼ ବ୍ଲକ ର ବୁଢ଼ା ବାଲି ଗ୍ରାମ ପଞ୍ଚାୟତ ଠାରେ ପ୍ରଥମ ପର୍ଯ୍ୟାୟ କୀଟ ନାଶକ ମଶାରୀ ବଣ୍ଟନ କାର୍ଯ୍ୟକ୍ରମ ଆରମ୍ଭ ହୋଇଯାଇଛି। ଏତଦ୍ଵାରା ବିଗତ ଦିନରେ ଦେଖା ଦେଇଥିବା ବହୁଳ ମାତ୍ରାର ମେଲେରିଆ ସଂକ୍ରମଣ ରୋକାଯାଇ ପାରିବ ବୋଲି ଆଶା ପ୍ରକାଶ କରାଯାଇଛି। ପର୍ଯ୍ୟାୟ କ୍ରମେ ଜିଲ୍ଲାର ସମସ୍ତ୍ ଅଞ୍ଚଳର ପରିବାର ବର୍ଗ ଏହି ମଶାରୀ ପାଇବେ ବୋଲି କୁହାଯାଇଛି। ଏହିଭଳି ବାଲିଗୁଡ଼ା ବିଧାୟକ ଚକ୍ରମଣି କହଁର କୋଟଗଡ଼ ଓ ତୁମୁଡ଼ିବନ୍ଧ ବ୍ଲକ ସଦରରେ ମଶାରୀ ବଣ୍ଟନ ର ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମରେ କୋଟଗଡ଼ ବିଡିଓ ମୋନଜ ଶାବତ, ପୂର୍ବତନ ବିଧାୟକ ରାଜୀବ ପାତ୍ର, ମେଡିକାଲ୍ ଅଫିସର ଯୋଗ ଦେଇଥିଲେ। ଡ଼. ପ୍ରଭାକର ସାହୁ କାର୍ଯ୍ୟକ୍ରମ ରେ ଯୋଗ ଦେଇ ମଶାରୀ ବଣ୍ଟନ ର ଉପଯୋଗିତା ବିଷୟରେ ଓ କୁମୁଦ ଚନ୍ଦ୍ର ସାହୁ ମେଲେରିଆ ନିରାକରଣ ସମ୍ୱନ୍ଧୀୟ ତଥ୍ଯ ମଶାରୀ ବ୍ୟବହାର ର ଉପଯୋଗୀତା ବିଷୟରେ ଆଞ୍ଚଳିକ କୁଇ ଭାଷାରେ ବୁଝାଇ ଥିଲେ।

ବାଲିଗୁଡା ବିଡ଼ିଓ ଲୋକପ୍ରତିନିଧିଙ୍କ କଥା ଶୁଣୁନାହାନ୍ତି : ବିଡ଼ିଓଙ୍କ ବଦଳି ଦାବୀରେ ବ୍ଲକ ଅଧକ୍ଷ ସମେତ ଲୋକପ୍ରତିନିଧିଙ୍କ ଧାରଣା ।

!!! କନ୍ଧମାଳ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!!

(ବାଲିଗୁଡା) – କନ୍ଧମାଳ ଜିଲ୍ଲା ବାଲିଗୁଡା ବ୍ଲକର ଗୋଷ୍ଠୀ ଉନ୍ନୟନ ଅଧିକାରୀ ଲୋକ ପ୍ରତିନିଧି ମାନଙ୍କୁ ଅଣଦେଖା ପ୍ରତିବାଦରେ ଗୁରୁବାର ଠାରୁ ଅନିର୍ଦ୍ଧିଷ୍ଟ କାଳ ପାଇଁ ଧାରଣାରେ ବସିଲେ ଲୋକ ପ୍ରତିନିଧି l ବାଲିଗୁଡା ବିଡ଼ିଓ ନରେଶ ଚନ୍ଦ୍ର ଶବର ବ୍ଲକ ଅଧକ୍ଷ, ଉପାଧ୍ୟାକ୍ଷ, ସମିତି ସଭ୍ୟ, ଓ ସରପଞ୍ଚ ମାନଙ୍କ କଥାକୁ ନଶୁଣି ନିଜ ମନଇଛାରେ କାମ କରୁଛନ୍ତି ଓ ଲୋକ ପ୍ରତିନିଧି ମାନଙ୍କୁ ଦୁର୍ବ୍ୟବହାର କରି ଦୁର୍ନୀତିରେ ଲିପ୍ତ ରହୁଛନ୍ତି ଏମିତି ଅଭିଯୋଗ ଆଣିଛନ୍ତି ବ୍ଲକ ଅଧ୍ୟକ୍ଷ ପ୍ରମୋଦ କୁମାର ମଲିକ ଓ ଉପାଧ୍ୟାକ୍ଷା ମିନତୀ ସୁନା l ବିଡିଓ ନରେଶ ଚନ୍ଦ୍ର ଶବରଙ୍କ ଦୁର୍ନୀତିଖୋର ଓ ଲାଞ୍ଚ ମନୋଭାବ ଯୋଗୁଁ ବ୍ଲକରେ ବିକାଶ ହୋଇପାରୁନି l ଆଦିବାସୀ ଓ ଦଳିତ ଗରିବ ଲୋକଙ୍କ ପ୍ରତି ଘୃଣା ମନୋଭାବ ରହିଥିବା ଅଭିଯୋଗ ହେଉଛି l ସାତ ମାସ ପୂର୍ବରୁ ବଦଳି ସ୍ଵତ୍ତ୍ୱେ କେଉଁ କାରଣରୁ ଜ଼ିଲ୍ଲା ପ୍ରଶାସନ ବିଡିଓଙ୍କୁ ଘଣ୍ଟ ଘୋଡାଇ ରଖିଛି ବୋଲି ଲୋକ ପ୍ରତିନିଧି ମାନେ ପ୍ରଶ୍ନ କରିଛନ୍ତି l ବାଲିଗୁଡା ବିଡିଓ ନରେଶ ଚନ୍ଦ୍ର ଶବରଙ୍କୁ ଅତିଶୀଘ୍ର ଏଠାରୁ ବଦଳି କରାନଗଲେ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଆମରଣ ଅନଶନ ଓ ଆନ୍ଦୋଳନ ଜାରୀ ରହିବ ବୋଲି ବ୍ଲକ ଅଧକ୍ଷ ସମେତ ବାଲିଗୁଡା ବ୍ଲକର ସମସ୍ତ ପଞ୍ଚାୟତର ଲୋକ ପ୍ରତିନିଧି ମାନେ ଚେତାବନୀ ଦେଇଛନ୍ତି l

ଥାନା ଅଧିକାରୀ ଙ୍କୁ ଆକ୍ରମଣ ମାମଲା : ଜଙ୍ଗଲରେ କଟିଲାଣି ଦୁଇ ଦିନ; କୁନି ପିଲାଙ୍କ ଆଖିରୁ ସୁଖୁନି ଲୁହ।

!!! କନ୍ଧମାଳ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବାଲିଗୁଡା) – ୯ ପୁଲିସକୁ ଆକ୍ରମଣ କରିଲେ ଗ୍ରାମବାସୀ । ଏବେ ଗିରଫ ଭୟରେ ଜଙ୍ଗଲରେ ଗ୍ରାମବାସୀ। ପୁଲିସ୍‍ ଗିରଫ ଭୟରେ ୨ ଦିନ ହେଲା ଜଙ୍ଗଲରେ ଭୋକ ଶୋଷରେ ଜୀବନ ବିତାଉଛନ୍ତି ଗ୍ରାମବାସୀମାନେ। ଗାଁ ସଂପୂର୍ଣ୍ଣଭାବେ ଜନଶୁନ୍ୟ ହୋଇ ପଡ଼ିଛି। ମଝିରେ ମଝିରେ ମଧ୍ୟ ପୁଲିସ୍‍ ଗ୍ରାମକୁ ଯାଉଥିବା ଯୋଗୁଁ ସନ୍ଦେହ ଅଧିକ ଘନିଭୂତ ହୋଇଛି। ନିଶ୍ଚିତ ଭାବେ ଆହୁରି ଗିରଫ ହେବା ଭୟ ରହିଛି ଗ୍ରାମବାସୀଙ୍କର। ଲୋକେ ଭୋକ ଶୋଷ ଭୁଲିଯାଇଛନ୍ତି। ଶୀତକୁ ଖାତିର ନକରି ଛୁଆ ପିଲା ସମସ୍ତେ ଏ ଜଙ୍ଗଲରୁ ସେ ଜଙ୍ଗଲକୁ ଘୁରୁ ବୁଲୁଛନ୍ତି। ତେବେ ଏଥିରେ ବିଶେଷ ଭାବେ ଅସୁବିଧାର ସମ୍ମୁଖୀନ ହେଉଛନ୍ତି କୁନି ପିଲାମାନେ। କିଏ ମା କୋଳରୁ ଓଲ୍ଲୁନଥିବା ବେଳେ ଆଉ କାହାର ଆଖିରୁ ଲୁହ ସୁଖୁୁନାହିଁ। ଗିରଫ ଭୟରେ ଅଭାବାବକ ମାନଙ୍କ ସହିତ ଜଙ୍ଗଲରେ ଚଢୁଛନ୍ତି କୁନି ପିଲାମାନେ। ଯେଉଁଥିରେ ଜରେ ୬ ମାସର ଶିଶୁ ରହିଥିବା ବେଳେ ଅଛି ଜଣେ ୧ ବର୍ଷରୁ ୩ ବର୍ଷ ମଧ୍ୟରେ ଥିବା ୪ଟି ନିଷ୍ପାପ ଶିଶୁ। ଦୁନିଆକୁ ଭଲରେ ଜାଣିନଥିବା ଓ ଦେଖିନଥିବା ଏହି ଶିଶୁ ମାନଙ୍କର ଭୁଲ୍‍ କଣ ବୋଲି ଏବେ ସାଧାରଣରେ ଉଠିଛି ପ୍ରଶ୍ନ। ଦୋଷ କଲା କିଏ ଦଣ୍ଡ ଭୋଗୁଛି କିଏ ?। ଗୋଟିଏ ପଟେ ଓଡ଼ିଶାର କାଶ୍ମିର ଭାବେ ପରିଚିତ ଦାରିଙ୍ଗବାଡ଼ି ବ୍ଳକରେ ଶୀତର ପ୍ରକୋପ ବୃଦ୍ଧି ପାଇଥିଲେ ମଧ୍ୟ ବର୍ତ୍ତମାନ ପରିସ୍ଥିତିରେ ଉକ୍ତ ଶିଶୁମାନେ ଜଙ୍ଗଲରେ ନିଜ ଅଭିଭାବକ ମାନଙ୍କ ସାଥିରେ ଜୀବନ ବିତାଉଛନ୍ତି। ଖାଇଲେ କି ନଖାଇଲେ କିଏ ପଚାରିବାକୁ ନାହିଁ। ସବୁବେଳେ ଲାଗିରହିଛି ଏବେ ପୁଲିସ୍‍ ଭୟ। ଏପଟେ ସସସ୍ତ୍ର ପୁଲିସ୍‍ ଗିରଫ କରିବାକୁ ତୁହାକୁ ତୁହା ପଇଁତରା ମାରୁଛନ୍ତି ଗ୍ରାମରେ। ଯାହାକି ଗ୍ରାମର କୁନି କୁନି ପିଲା ମାନଙ୍କ ପାଇଁ ଚିନ୍ତାରେ ପଡ଼ିଯାଇଛନ୍ତି ଅଭିଭାବକ ମାନେ। କେବଳ ସେତିକି ନହେଁ , ଜଙ୍ଗଲରେ ଏବେ ଆଶ୍ରୟ ନେଇଛନ୍ତି ଗ୍ରାମ ସ୍କୁଲର ୧୪ ଜଣ ଛାତ୍ରଛାତ୍ରୀ ମଧ୍ୟ। ୧ମରୁ ୫ମ ଶ୍ରେଣୀ ପର୍ଯ୍ୟନ୍ତ ପଢୁଥିବା ଏହି ପିଲାମାନେ ମଧ୍ୟ ନିଜ ନିଜ ଅଭିଭାବକ ମାନଙ୍କ ସହିତ ନେଇଛନ୍ତି ଜଙ୍ଗଲରେ ଆଶ୍ରୟ। ଜିଲା ପ୍ରଶାସନ ଓ ପୁଲିସ୍‍ ପ୍ରଶାସନ ଏଥିରେ ହସ୍ତକ୍ଷେପ କରି ତୁରନ୍ତ ସମସ୍ୟାର ସମାଧାନ କରିବା ଦିଗରେ ପଦକ୍ଷେପ ନେବା ଆବଶ୍ୟକ ହୋଇ ପଡିଛି। ଅନ୍ୟଥା ଦୁନିଆକୁ ଭଲରେ କିଛି ଜାଣିନଥିବା ନିଷ୍ପାପ ଶିଶୁମାନେ ଭୋଗୁଛନ୍ତି ଦଣ୍ଡ। ପ୍ରକାଶଯେ, କୁମାର ପୂର୍ଣ୍ଣମା ରାତ୍ରରେ କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଥାନା ଅଂଚଳର ମେରାମାହା ଗ୍ରାମରେ କିଛି ଘଟଣାକୁ ନେଇ ଗ୍ରାମବାସୀ ଓ ପୁଲିସ୍‍ ମଧ୍ୟରେ ହୋଇଥିଲା ମୁହାଁମୁହିଁ ପରିସ୍ଥିତିରେ। ଏଥିରେ ବ୍ରାହ୍ମଣୀଗାଁ ଥାନା ଅଧିକାରୀ ଓ ଅନ୍ୟ ପୁଲିସ୍‍ କର୍ମଚାରୀ ଆହତ ହେବା ସହିତ ଗ୍ରାମର କିଛି ମଧ୍ୟ ଆହତ ହୋଇଛନ୍ତି। ଏହି ଘଟଣାରେ ପୁଲିସ୍‍ ମଧ୍ୟ ଏକ ମାମଲା ରୁଜୁ କରିବା ସହିତ ବର୍ତ୍ତମାନ ସୁଦ୍ଧା ୬ ଜଣକୁ ଗିରଫ କରିଛି। ଯେଉଁଥିରେ ୨ ଜଣ ପୁରୁଷ ଓ ୪ ଜଣ ମହିଳା ଅଛନ୍ତି।