ଧର୍ମଗଡ଼ ଚାମ୍ବର ଅଫ କମର୍ସ ର ସପ୍ତମ ତମ ବାର୍ଷିକ ଉତ୍ସବ ପାଳିତ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ଧର୍ମଗଡ଼ ଚାମ୍ବର ଅଫ କମର୍ସ ପକ୍ଷରୁ ସ୍ଥାନୀୟ ବିଜୁକଲ୍ୟାଣ ମଣ୍ଡପ ଠାରେ ଏହାର ସପ୍ତମ ବର୍ଷିକ ଉତ୍ସବ ଓ ନୂଆଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ଏହି ଉତ୍ସବ ରେ ମୁଖ୍ୟ ଅତିଥିଭାବେ ସ୍ତାନୀୟ ବିଧାୟକ ମୌସୁଧି ବାଗ ଯୋଗ ଦେଇଥିବା ବେଳେ ଶିକ୍ଷା ବିତ ପ୍ରତାପ କିଶୋର ମୁଣ୍ଡ,ଅବସର ପ୍ରାପ୍ତ ଅଧ୍ୟକ୍ଷ ସତ୍ୟ ପଟ୍ଟନାୟକ ଏବଂ ପୋୖରାଞ୍ଚଳ ଅଧକ୍ଷ ହୀରା ବାଗ ଅତିଥିଭାବେ ଯୋଗ ଦେଇଥିଲେ । ସଭା କାର୍ଯ୍ୟ ପ୍ରାରମ୍ଭରେ ସ୍ଥାନୀୟ ସରରସ୍ବତୀ ବିଦ୍ୟା ମନ୍ଦିର ର ବିଦ୍ୟାର୍ଥୀଙ୍କ ଦ୍ୱାରା ପ୍ରାରମ୍ଭିକ ସଙ୍ଗୀତ ଗାନ କରାଯାଇଥିଲା ।ସି.ସି.ଡ଼ି ର ଅଧକ୍ଷ ବିଦ୍ୟାଧର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ସମ୍ପାଦକ ଅରୁଣ କୁମାର ତାୟଲ ବାର୍ଷିକ ବିବରଣୀ ପାଠ କରିଥିଲେ ।ସଭା କାର୍ଯ୍ୟକୁ ଆଇନଜୀବି ରାଜେନ୍ଦ୍ର ମୁନୀ ସଂଯୋଜନା କରି ଥିବାବେଳେ ଉପ ସଭାପତି ଯଶୋବନ୍ତ ମେହେର ଧନ୍ୟବାଦ ଅର୍ପଣ କରିଥିଲେ । ସଭାରର ନିମନ୍ତ୍ରୀତ ଅତିଥି ଭାବେ ସୁକଲ ଅଗ୍ରୱାଲ ଓ ନବକିଶୋର ମେହେର ଯୋଗ ଦେଇ ସ୍ଥାନ ଅଳଙ୍କୃତ କରିଥିଲେ । ଉସ୍ତବରର ବରିଷ୍ଠ ବ୍ୟବଦାୟୀ ଓ କୃତିବାନ ପ୍ରତିଭା ସମ୍ପନ୍ନ ବ୍ୟକ୍ତି ଙ୍କୁ ସାମ୍ମାନୀତ କରାଯାଇଥିଲା ।

କଣ୍ଡକ୍ଟର ଙ୍କ କାରନାମା ପାଇଁ କ୍ଷମା ମାଗିଲେ ସ୍ତ୍ରୀ…!

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ଭୁବନେଶ୍ବର ଠାରୁ କଳାହାଣ୍ଡି ଜିଲ୍ଲା ଧର୍ମଗଡ଼ ଅଭିମୁଖେ ଯାଉଥିବା ଗୋପିନାଥ ବସ (OD 02 AR 8685) ରେ ଖୋର୍ଦ୍ଧା ଛକ ଠାରେ ଜୈନିକ ଝିଅ ଧର୍ମଗଡ଼ ଯିବା ପାଇଁ ବସ୍ ରେ ଚଢି ଥିଲେ। ଉକ୍ତ ବସ ରେ ଏହି ଦିନ କାର୍ଯ୍ୟରତ ଥିବା କଣ୍ଡକ୍ଟର ପ୍ରଦ୍ୟୁମ୍ନ ମହାନ୍ତି ଝିଅ ଟିକୁ ଖାଲି ଥିବା ସ୍ଲିପର ସିଟ୍ ରେ ବସିବାକୁ କହିଥିଲେ। ବସ ଟି ଦଶପଲ୍ଲା ପାଖାପାଖି ପହଁଞ୍ଚିବା ବେଳେ କଣ୍ଡକ୍ଟର ଜଣକ ଝିଅଟିକୁ ମୋବାଇଲ ନମ୍ବର ମାଗିଥିଲେ। ଝିଅ ଟି ନମ୍ବର ନଦେବାରୁ କଣ୍ଡକ୍ଟର ଜଣକ ତାଙ୍କ ଠାରୁ ମୋବାଇଲ ଟି ଜୋର୍ ଜବରଦସ୍ତ ଛଡାଇଥିଲେ। ବସ ଟି ଦଶପଲ୍ଲା ଠାରେ ପହଁଞ୍ଚି କିଛି ସମୟ ଅଟକି ବାରୁ ଘଟଣା ଟି ସମ୍ପର୍କ ରେ ଜାଣିବା ପରେ ଏହାକୁ ବିରୋଧ କରିବାରୁ କଣ୍ଡକ୍ଟର ଜଣକ ଅଧା ରାସ୍ତା ରୁ ଓହ୍ଲାଇ ପଡ଼ିଥିଲେ। ବସଟି ସକାଳୁ ଧର୍ମଗଡ଼ ଠାରେ ପହଁଞ୍ଚିବା ପରେ ସ୍ଥାନୀୟ ଜନସାଧାରଣ ଉକ୍ତ ବସଟିକୁ ରାଜ ରାସ୍ତା ରେ ଦୀର୍ଘ ସମୟ ଅଟକାଇ ରଖିଥିଲେ। ଏକ ଅଶାନ୍ତ ବାତାବରଣ ସୃଷ୍ଟି ହେବା ପୂର୍ବରୁ ସ୍ଥାନୀୟ ଥାନା ଅଧିକାରୀ ଲକ୍ଷ୍ମୀ ପଣ୍ଡା ଓ ଏ.ଏସ୍.ଆଇ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଜନତାଙ୍କୁ ବୁଝାସୁଝା କରି ବସ ଟିକୁ ଥାନା କୁ ନେଇ ଯାଇଥିଲେ। ଜୈନିକ ଝିଅ ଜଣକ ଏକ ସମ୍ରାନ୍ତ ପରିବାର ର ହୋଇଥିବାରୁ ନିଜ ସମ୍ମାନ ର ଆଞ୍ଚ ଆସିବା ଭୟରେ ଘଟଣା ସମ୍ପର୍କରେ ଥାନା ରେ ଲିଖିତ ଭାବେ ଅଭିଯୋଗ ନକରି ମୌଖିକ ଭାବେ ଏହାର ପ୍ରତିବାଦ କରିଥିବା ସ୍ଥାନୀୟ ଜନସାଧାରଣ ପ୍ରକାଶ କରିଛନ୍ତି। ଘଟଣା ଘଟିବାର ପରବର୍ତ୍ତୀ ଦିନ ଅଭିଯୁକ୍ତ ମହାନ୍ତି ଙ୍କ ସ୍ତ୍ରୀ ଙ୍କ ସହିତ ଗୋପୀନାଥ ବସ ର ଅନ୍ୟ କର୍ମଚାରୀ ଧର୍ମଗଡ଼ ଥାନାରେ ପହଞ୍ଚି ଝିଅ ଙ୍କ ପରିବାର ସହ ବୁଝାମଣା କରି କଣ୍ଡକ୍ଟର ମହାନ୍ତି ଙ୍କ ଏତାଦୃଶ୍ୟ କାର୍ଯ୍ୟ ପାଇଁ କ୍ଷମା ପ୍ରାର୍ଥନା କରିଥିଲେ। ଥାନା ପକ୍ଷରୁ ଘଟଣା ର ସମାଧାନ କରାଯାଇ ଅଟକ ରଖାଯାଇ ଥିବା ବସଟିକୁ ଛଡାଯାଇଥିଲା। ଏହି ଭଳି କିଛି ଖଳ ପ୍ରକୃତି ର କଣ୍ଡକ୍ଟର ଙ୍କ ପାଇଁ ରାତ୍ର ଯାତ୍ରୀ ବାହି ବସ ର ଅନ୍ୟ କଣ୍ଡକ୍ଟର ଙ୍କ ନିକଟରୁ ଆସ୍ଥା ହରାଉଥିବା ଜନ ସାଧାରଣ ବିରୋଧ କରି ଏହାଙ୍କ କଣ୍ଡକ୍ଟର ଲାଇସେନ୍ କୁ ରଦ୍ଦ କରିବା ଲାଗି ଦାବି କରିଛନ୍ତି।

କାମ ଶେଷ ନ ହେଉଣୁ ରାସ୍ତା ର ଅବସ୍ଥା ବେହାଲ…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କଳାହାଣ୍ଡି) – ଗାଁ ଗାଁ କୁ ସଂଯୋଗୀକରଣ କରି ପକ୍କା ସଡକ ନିର୍ମାଣ ପାଇଁ ସରକାର ପ୍ରଧାନ ମନ୍ତ୍ରୀ ସଡକ ଯୋଜନା,ମୁଖ୍ୟମନ୍ତ୍ରୀ ସଡକ ଯୋଜନା ଭଳି ଯୋଜନା ଲାଗୁ କରିଛନ୍ତି। କିନ୍ତୁ ଏହି ଯୋଜନା ରେ କୋଟି କୋଟି ଟଙ୍କା ଖର୍ଚ୍ଚ କରି ପକ୍କା ସଡକ ନିର୍ମାଣ ପରିବର୍ତ୍ତେ ଅତି ନିମ୍ନ ମାନର ରାସ୍ତା ନିର୍ମାଣ କରାଯାଇ ଅର୍ଥ ବାଟମାରଣା କରାଯାଇଥିବାରୁ କାମ ସମ୍ପୂର୍ଣ୍ଣ ନ ହେବା ପୂର୍ବରୁ ରାସ୍ତାରୁ ପିଚୁ ଉଠି ଯାଉଥିବା ଅଭିଁଯୋଗ୍ ହୋଇଛି । ବର୍ତ୍ତମାନ କଳାହାଣ୍ଡି ଜିଲ୍ଲାର ଗୋଲାମୁଣ୍ଡା ରାସ୍ତାର ସ୍ଥାୟୀତ୍ୱ ନେଇ ପ୍ରଶ୍ନ ଉଠିଛି।

ସଦ୍ୟ ନିର୍ମାଣ କାର୍ଯ୍ୟ ଶେଷ ହୋଇଛି ଗତ ମାସରେ। କାମ ସମ୍ପୂର୍ଣ୍ଣ ନ ହେଉଣୁ କଂକ୍ରିଟ ରାସ୍ତା ଫାଟି ମରାମତି ହୋଇଛି ଓ ଚିପ୍ସ ବାହାରି ପଡ଼ିଛି। ମାପ ଅନୁଯାୟୀ କଂକ୍ରିଟ ଓ ପୋଲ କାମ ହୋଇନାହିଁ। ପିଚୁ କାମ ଅତି ନିମ୍ନ ମାନର ହୋଇଥିବାରୁ ପିଚୁ ଉଠି ଯାଇଥିବା ଅଭିଁଯୋଗ୍ ହୋଇଛି।
କେବିକେ ଯୋଜନା ରେ ସିଆଲ ଯୋଡ଼ି ଠାରୁ ପୁରୁଣା ପାଣି କୁ ୩.୫ କିମି ଦୂରତ୍ୱ ରାସ୍ତାରେ ୧୩୨ ଲକ୍ଷ ଟଙ୍କା ବ୍ୟୟ ଅଟକଳ ରେ ନିର୍ମାଣ କରିଛନ୍ତି । ଧର୍ମଗଡ ର ଜଣେ ଠିକାଦାର ସ୍ଥାନୀୟ ଜଣେ ପେଟି ଠିକାଦାର ହାତରେ ଏହି କାର୍ଯ୍ୟ ସମ୍ପାଦନ କରିଥିବା କୁହାଯାଉଛି । ଆବଶ୍ୟକ ସ୍ଥାନରେ ପୋଲ ଓ ଡ୍ରେନେଜ ନିର୍ମାଣ ନ ହେବାରୁ ଘରେଘରେ ପାଣି ପଶୁଥିବା ଅଭିଯୋଗ ହେଉଛି। ଏହି ରାସ୍ତାକୁ ହାଲୁକା ଭାବେ ନେଇ ନିମ୍ନ ମାନର କାର୍ଯ୍ୟ କରିବା ଯୋଗୁ କାମ ସମ୍ପୂର୍ଣ୍ଣ ନ ହେଉ ଣୁ ରାସ୍ତାରୁ ପିଚୁ ଉଠି ପଡ଼ିଛି ଓ କାମର ଫଳକ ମଧ୍ୟ ଏ ଯାଏଁ ଲଗାନଯାଇ ସଧାରଣ ଲୋକଙ୍କୁ କାର୍ଯ୍ୟର ସବିଶେଷ ତଥ୍ୟ ବିଷୟରେ ଲୁଚାଇ ଅର୍ଥ ଆତ୍ମସାତ୍ କରିଥିବା ସ୍ଥାନୀୟ ବାସିନ୍ଦା ଅଭିଯୋଗ ଆଣିଛନ୍ତି । ଏହି ଅଭିଯୋଗକୁ ଖଣ୍ଡନ କରିବା ସହ ରାସ୍ତା ର ମରାମତି କରିବା ପରେ ହିଁ ବିଲ କରାଯିବ ବୋଲି ନିର୍ବାହୀ ଯନ୍ତ୍ରୀ ପ୍ରକାଶ କରିଛନ୍ତି।

ଆଉ ନାହାନ୍ତି ମହାରାଜ ଶ୍ରୀ ଉଦିତ ପ୍ରତାପ ଦେଓ ! ଶୋକଵ୍ୟକ୍ତ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ !

!!! କଳାହାଣ୍ଡି ଜିଲ୍ଲା ପ୍ରତିନିଧି ରଜତ ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ (ଜୁନାଗଡ଼) – କଳାହାଣ୍ଡିର ୩୨ତମ ମହାରାଜ ତଥା ପୂର୍ବତନ ଜୁନାଗଡ଼ ବିଧାୟକ ଉଦିତ ପ୍ରତାପ ଦେଓଙ୍କ ଦେହାନ୍ତ. ଚାରିଦିନ ତଳେ ସ୍ୱାସ୍ଥ୍ୟ ଗୁରୁତର ହେବାରୁ ତାଙ୍କୁ ଭୁବନେଶ୍ବର ସ୍ଥିତ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ଆଜି ସନ୍ଧ୍ୟାରେ ତାଙ୍କର ପରଲୋକ ଘଟିଛି।

କଳାହାଣ୍ଡି ର ଶେଷ ଶାସକ ମହାରାଜ ପ୍ରତାପ କେଶରୀ ଦେଓଙ୍କ ଜ୍ୟେଷ୍ଠପୁତ୍ର ଉଦିତ ୨୧ ଅଗଷ୍ଟ ୧୯୪୮ ମସିହାରେ ଜନ୍ମଗ୍ରହଣ କରିଥିଲେ । ସେ ୧୯୭୪ ମସିହାରେ ଜୁନାଗଡ଼ ବିଧାନସଭା ମଣ୍ଡଳୀରୁ ସ୍ୱତନ୍ତ୍ର ପାର୍ଟିରୁ ନିର୍ବାଚନ ଲଢ଼ି ବିଧାୟକ ଭାବେ ନିର୍ବାଚିତ ହୋଇଥିଲେ।  ୧୯୭୪ ରୁ ୧୯୭୭ ପର୍ଯ୍ୟନ୍ତ ସେ ଏହି ଜୁନାଗଡ ନିର୍ବାଚନ ମଣ୍ଡଳୀ ର ବିଧାୟକ ରହିଥିଲେ। ୨୦୦୧ ମସିହା  ରେ ତାଙ୍କର ରାଜ୍ୟାଭିଷେକ ହୋଇଥିଲା। ଉଦିତ ପ୍ରତାପଙ୍କ ମର ଶରୀରକୁ ଶେଷକୃତ୍ୟ ପାଇଁ ଭବାନୀପାଟଣା ନିଆଯିବ ବୋଲି ଜଣାପଡିଛି।

ତାଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି।  ମହାରାଜଙ୍କ ଦେହାନ୍ତ ଖବର ପାଇବା ପରେ ଶୋକଵ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ସେ ତାଙ୍କ ଶୋକବାର୍ତ୍ତାରେ କହିଛନ୍ତି “କଳାହାଣ୍ଡିର ମହାରାଜ ତଥା ଜୁନାଗଡ଼ର ପୂର୍ବତନ ବିଧାୟକ ଉଦିତ ପ୍ରତାପ ଦେଓଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ଏପରି ଦୁଃଖଦ ସମୟରେ ଶୋକସନ୍ତପ୍ତ ପରିବାରବର୍ଗଙ୍କୁ ମୋର ସମବେଦନା ଜଣାଇବା ସହ ତାଙ୍କ ଅମର ଆତ୍ମାର ସଦଗତି କାମନା କରୁଛି।”

ମହାରାଜଙ୍କ  ବିୟୋଗରେ ଏକ ଅପୂରଣୀୟ କ୍ଷତି ହୋଇ ଥିବା ବେଳେ ଅଞ୍ଚଳ ବାସୀ ମର୍ମାହତ ହୋଇପଡିଛନ୍ତି ।

କଳାହାଣ୍ଡି ଜିଲ୍ଲା ମହିଚଲା ଉତ୍କଳ ଗ୍ରାମ୍ୟ ବ୍ଯାଙ୍କ ଡକାୟତ ମାମାଲା: ଅଭିଯୁକ୍ତ ନିର୍ଦ୍ଦୋଷରେ ଖଲାସ୍

!!! କଳାହାଣ୍ଡି ଜିଲ୍ଲା ପ୍ରତିନିଧି ରଜତ ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ (ଜୁନାଗଡ଼) – କଳାହାଣ୍ଡି ଜିଲ୍ଲା ଜୁନାଗଡ ବ୍ଲକ ମହିଚଲା ଗ୍ରାମ ରେ ତା 21.02. 2017 ରିଖ ଦିନ ସେହି ଗ୍ରାମର ଉତ୍କଳ ଗ୍ରାମ୍ୟ ବ୍ଯାଙ୍କ ରେ ଛଅ ଲକ୍ଷ୍ ଏକଚାଳିଶ ହଜାର ଚଉଷଠି ଟଙ୍କା ଡକାୟତି ହୋଇ ଥିଲା । ଏନେଇ ଜୁନାଗଡ ଥାନା ରେ କେଶ୍ ନମ୍ବର 70/17 ରେ ଏକ ମାମଲା ରୁଜୁ ହୋଇ ତଦନ୍ତ ହୋଇଥିଲା । ସେହି ସମୟରେ ଅଭିଯୁକ୍ତ ଭୂଷଣ ସାହୁ ନାମକ ଏକ ବ୍ୟକ୍ତି ଙ୍କୁ ଗିରଫ୍ କରି ଏସ୍ ଆଇ ଅନୁସୁପା ବେହେରା କୋର୍ଟ ଚାଲାଣ କରିଥିଲେ । ଗତ 29.08. 2019 ରିଖ ଦିନ ଜୁନାଗଡ ଜେଏମଏଫସି କୋର୍ଟ ରେ ସାକ୍ଷ୍ୟ ପ୍ରମାଣ ଅଭାବରୁ ଅଭିଯୁକ୍ତ ଭୂଷଣ ସାହୁଙ୍କୁ  ବିଚାର ପତି ସିଏ ଦେଶପ୍ରିୟ ବାରିକ ନିର୍ଦୋଷ ରେ ଖଲାସ କରିଛନ୍ତି ।ଅଭିଯୁକ୍ତ ଙ୍କ ତରଫରୁ ଯୁବ  ଆଇନଜୀବୀ ଜୟଦେବ ସୁନାନି ମାମଲା ଲଢ଼ିଥିଲେ.।

୩୪ ତମ ଜାତୀୟ ଚକ୍ଷୁଦାନ ପକ୍ଷ ଅବସରରେ ଶୋଭାଯାତ୍ରା..!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କଳାହାଣ୍ଡି) – ରାଷ୍ଟ୍ରୀୟ ଦୃଷ୍ଟିହୀନତା ନିୟନ୍ତ୍ରଣ କାର୍ଯ୍ୟକ୍ରମ ଓ ଜିଲ୍ଲା ସ୍ୱାସ୍ଥ୍ୟ ସମିତି କଳାହାଣ୍ଡି ପକ୍ଷରୁ ୩୪ ତମ ଜାତୀୟ ଚକ୍ଷୁଦାନ ପକ୍ଷ ଏକ ସଚେତନତା ଶୋଭାଯାତ୍ରା, ବିଭିନ୍ନ ପ୍ରତିଯୋଗିତା ଓ ଏକ ସଭାର ଆୟୋଜନ ଜିଲ୍ଲା ମୁଖ୍ୟ ଡାକ୍ତରଖାନା ସମ୍ମିଳନୀ କକ୍ଷରେ ଆୟୋଜିତ ହୋଇଯାଇଛି। ଏହି ଶୋଭାଯାତ୍ରା ସହର ପରିକ୍ରମା କରି ଜିଲ୍ଲା ମୁଖ୍ୟ ଚିକିତ୍ସାଳୟ ନିକଟରେ ପହଞ୍ଚିଥିଲା। ଏହି ଅବସରରେ ଏ. ଏନ୍. ଏମ୍, ଜି. ଏନ୍. ଏମ୍, ଛାତ୍ରୀ ଙ୍କ ମଧ୍ୟ ରେ ଜୁନିୟର ଓ ସିନିୟର ବିଭାଗ ରେ ବକ୍ତୃତା ଓ ଏକକ ସଙ୍ଗୀତ ପ୍ରତିଯୋଗୀତା ହୋଇଥିଲା। ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ଵାସ୍ଥ୍ୟ ଅଧିକାରୀ ଡ଼. ବନଲତା ଦେବୀ, ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲା ଚିକିତ୍ସା ଅଧିକାରୀ ଡା. ଅଶୋକ କୁମାର ଦାସ, ଏଡିଏମଓ ଡ଼. ଜାଗୁଳାଇ ଅଗ୍ରୱାଲ, ଜିଲ୍ଲା ଚକ୍ଷୁ ପରିଚାଳକ ତଥା ଚକ୍ଷୁ ବିଶେଷଜ୍ଞ ଡାକ୍ତର ନିବେଦିତା ସାହୁ, ହସ୍ପିଟାଲ ମ୍ୟାନେଜର ଡ଼. ଶ୍ରୀରାମ ମହାନ୍ତି. ଜିଲ୍ଲାର ବରିଷ୍ଠ ଡ଼. ଲୋମ୍ବୋଦର ସାହୁ, ଡ଼. ସୁଶିଲ ଚନ୍ଦ୍ର ରଥ ଓ ଜିଲ୍ଲା ଜନ ସ୍ଵାସ୍ଥ୍ୟ ଯୋଗଯୋଗ ଅଧିକାରୀ ଖଗେଦ୍ର ମାଝୀ ପ୍ରମୁଖ ଯୋଗଦେଇ ଥିଲେ। କାର୍ଯ୍ଯକ୍ରମ ଶେଷରେ କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା।

କଳାହାଣ୍ଡି ଜିଲ୍ଲା ଅବକାରୀ ସୁପରିଟେଣ୍ଡେଣ୍ଟ ଙ୍କୁ ଅବସର କାଳୀନ ବିଦାୟ ସମ୍ବର୍ଦ୍ଧନା…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କଳାହାଣ୍ଡି) – ଜିଲ୍ଲାପାଳ ଙ୍କ ସମ୍ମିଳନୀ କକ୍ଷରେ କଳାହାଣ୍ଡି ଜିଲ୍ଲା ଅବକାରୀ ସୁପରିଟେଣ୍ଡେଣ୍ଟ ବିଶ୍ଵନାଥ ଶତପଥୀ ଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଅୟୋଜିତ ଏହି ଜିଲ୍ଲା ସ୍ତରୀୟ ବିଦାୟ କାଳୀନ ସମ୍ବର୍ଦ୍ଧନା ରେ ଜିଲ୍ଲାପାଳ କଳାହାଣ୍ଡି ଡ଼. ଗାଭାଲି ପରାଗ ହର୍ଷଦ, ଏସ୍.ପି ବି. ଗଙ୍ଗାଧର, ଅତିରିକ୍ତ ଜିଲ୍ଲାପାଳ ସରତ ଚନ୍ଦ୍ର ଶ୍ରିଚନ୍ଦନ, ପିଡି ଡିଆରଡିଏ ଜ୍ଞାନ୍ ରଞ୍ଜନ ଭଞ୍ଜ ଦେବ, ଏପିଡ଼ି ଗୋପାଳସ୍ଵାମୀ ନାଇଡୁ, ଆର. ଟି. ଓ ଦିନବନ୍ଧୁ ଶୁଣ୍ଢି ଙ୍କ ସମେତ ଜିଲ୍ଲା ସ୍ତରୀୟ ବିଭିନ୍ନ ବିଭାଗର ପଦାଧିକାରୀ ଓ ଅବକାରୀ ବିଭାଗ ର ଜିଲ୍ଲା ର ସମସ୍ତ କର୍ମଚାରୀ ମାନେ ଯୋଗ ଦେଇଥିଲେ। କଳାହାଣ୍ଡି ଜିଲ୍ଲା ରେ ତାଙ୍କ ଚାକିରି ସମୟରେ ରେଡକ୍ରସ ସଂସ୍ଥା ତରଫରୁ ବହୁବାର ଜିଲ୍ଲା ଶ୍ରେଷ୍ଠ ବିବେଚିତ ହୋଇ ରାଜ୍ଯପାଳ ଙ୍କ ଟ୍ରଫି ପାଇଛନ୍ତି ଶ୍ରୀ ଶତପଥୀ। ତାଙ୍କ ଅବସର କାଳୀନ ବିଦାୟ ଅବକାରୀ ବିଭାଗ ର କର୍ମଚାରୀ ମାନଙ୍କ ନିକଟରେ ଶୂନ୍ୟସ୍ଥାନ ହୋଇ ରହିବ ବୋଲି ଉପସ୍ଥିତ ଅତିଥି ମାନେ ମତ ପ୍ରକାଶ କରିଛନ୍ତି। କାର୍ଯ୍ୟକ୍ରମ ଆରମ୍ଭ ରେ ଡେପୁଟି କଲେକ୍ଟର ସୁରେନ୍ଦ୍ର ନାଥ ତ୍ରିପାଠୀ ଶ୍ରୀ ଶତପଥୀ ଙ୍କ କର୍ମ ଜୀବନ ର ଗୁଣାବଳୀ କରିଥିଲେ।

ନୂଆଖାଇ ପାଇଁ ରିଧମ ସ୍କିଲ ଡ୍ୟାନ୍ସ ଗ୍ରୁପ ର ଅଭ୍ୟାସ ଆରମ୍ଭ…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଜୟପାଟଣା) – ପଶ୍ଚିମ ଓଡିଶାର ଗଣପର୍ବ ନୂଆଖାଇ ପାଇଁ ସହର ରୁ ଗାଁ ପର୍ଯ୍ୟନ୍ତ ଚଳ ଚଞ୍ଚଳ ରହିଛି । ପ୍ରତିବର୍ଷ ଭଳି ନୁଆଖାଇ ପାଇଁ ବିଭିନ୍ନ ସଂସ୍କୃତିକ ଡ୍ୟାନ୍ସର ପ୍ରସ୍ତୁତି ଚଳାଇଥିବା ବେଳେ,କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ତାଳଗୁଡ଼ ମା ଦୋକାରୀ ଙ୍କ ଆଶୀର୍ବାଦ ରୁ ଦେଶ ରେ ସୁନାମ ଅର୍ଜନ କରିଥିବା ଲୋକନୃତ୍ୟ ରିଧମ ସ୍କିଲ ଡ୍ୟାନ୍ସ ଗ୍ରୁପର ମଧ୍ୟ ଅଭ୍ୟାସ ଜୋରଦାର ଚାଲିଛି। ୨୦ଜଣ କୁ ନେଇ ଏହି ଡ୍ୟାନ୍ସ ଗ୍ରୁପ ଗତଥର ବାଂଗାଲୋର ଠାରେ ଡ୍ୟାନ୍ସ ପରିବେଷଣ କରିଥିଲେ। ଏଥର ସେମାନଙ୍କୁ ଦିଲ୍ଲୀ ଜୁହାର ପରିବାର ପକ୍ଷରୁ ଆମତ୍ରଣ କରାଯାଇଛି। ଗ୍ରୁପର କଳାକାର ମାନେ ଏଥର କୁରେଫୁଲ, ସର୍ଗିପତର,ଧାବ ନାଚ ପରିବେଷଣ କରିବେ ବୋଲି ସୂଚନା ମିଳିଛି ।ଏଥିପାଇଁ ସବୁ ପ୍ରସ୍ତୁତି ଚଳାଇଥିବା ବେଳେ କିପରି ଭାବରେ ସବୁଠାରୁ ଉକୃଷ୍ଟ ନାଚ ପ୍ରଦର୍ଶିନ କରିପାରିବେ ସେଥିପାଇଁ ଅଭ୍ୟାସ ଜୋର ରେ ହେଉଛି ବୋଲି ଡ୍ୟାନ୍ସ ମାଷ୍ଟର ପ୍ରକାଶ କରିଛନ୍ତି।କୁନି କୁନି କଳାକାର ମାନେ ତାଙ୍କର କଳା ଦ୍ଵାରା ଦେଶରେ ଓଡ଼ିଶାର, କଳାହାଣ୍ଡିର ଓ ଜୟପାଟଣା ବ୍ଲକର ଓ ତାଙ୍କ ସ୍କୁଲର ନାଁ ରୋସନ୍ କରିବେ ବୋଲି କହିଛନ୍ତି।

ସେପଟେମ୍ବର ୧ ରୁ ଲାଗୁହେବ କଳାହାଣ୍ଡି ରେ ନୂତନ ଟ୍ରାଫିକ ବ୍ୟବସ୍ତା ; କଡ଼ାକଡ଼ି ଚେକିଂ ସହିତ ମୋଟା ଅଙ୍କ ର ଜରିମାନା …!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କଳାହାଣ୍ଡି) – ବର୍ତ୍ତମାନ ଯାନବାହନ ସଂଖ୍ୟା ଅବାଞ୍ଛିତ ଭାବେ ବଢି ଚାଲି ଥିବାରୁ ବିଭନ୍ନ ରାସ୍ତାରେ ଗାଡ଼ି ଚଳାଇବା ବେଳେ ଦୁର୍ଘଟଣା ଦେଖିବାକୁ ମିିିଳୁଛି । ଦୁର୍ଘଟଣା ଜନୀତ ମୃତ୍ୟୁ ହାର କୁ କମାଇବା ନିମନ୍ତେ ସରକାରଙ୍କ ପରିବହନ ବିଭାଗ ପକ୍ଷରୁ ମୋଟର ଯାନ ଧାରା ୧୯୮୮ କୁ ପରିବର୍ତ୍ତନ କରି ନୂତନ ନିୟମ ଲାଗୁ କରାଯାଇଛି । ବର୍ତ୍ତମାନ କଳାହାଣ୍ଡି ଆଞ୍ଚଳିକ ପରିବହନ ଅଧିକାରୀ ଓ ଜିଲ୍ଲା ପୋଲିସ ବିଭାଗ ପକ୍ଷ ରୁ ଏହାକୁ ଆଗାମୀ ସେପ୍ଟେମ୍ବର ମାସ ୧ ତାରିଖରୁ କଡାକଡି ଭାବେ ପାଳନ କରିବାକୁ ଆଭିମୁଖ୍ୟ ଗ୍ରହଣ କରାଯାଇଛି । ବିନା ହେଲମେଟରେ ଗାଡ଼ିଚଳାଇବା, ସିଟବେଲ୍ଟ ନପିନ୍ଧି ଗାଡି ଚଳାଇବା, ସିଗନାଲ ନମାନି ଗାଡି ଚଳାଇବା,ବାଇକରେ ୨ ଜଣରୁ ଅଧିକ ବସି ଚଳାଇବା, ବିନା ଲାଇସେନ୍ସରେ ଗାଡ଼ିଚଳାଇବା ,ବେପାରୁଆ ଗାଡି ଚାଳନା,ନିଶାସକ୍ତ ଅବସ୍ଥାରେ ଗାଡି ଚଳାଉବା ,ଆମ୍ବୁଲାନ୍ସ କୁ ରାସ୍ତା ନଦେବା ଓ ମୋବାଇଲ ରେ କଥା ହୋଇ ଗାଡି ଚଳାଇବା ଭଳି କାର୍ଯ୍ୟ କଳାପ ପ୍ରତି ପୋଲିସ ବିଭାଗ କଡା ନଜର ରଖିବା ସହ ଏଥିନିମନ୍ତେ ୧୦୦୦ ରୁ ୧୦,୦୦୦ ପର୍ଯ୍ୟନ୍ତ ଜରିମାନା ଆଦାୟ କରିବା ସ୍ଥିର କରିଛନ୍ତି।ଅନେକ ସମୟରେ ୧୮ ବର୍ଷ ରୁ କମ ବୟସ୍କ ପିଲାମାନେ ଗାଡି ଚଳାଉଥିବା ନଜରକୁ ଆସୁଛି ।ଏହାକୁ ରୋକିବା
ନିମନ୍ତେ ବିଭାଗ ପକ୍ଷରୁ ମୋଟର ଯାନ ଧାରା ୨୦୧୯ ଅନୁଯାୟୀ ନାବାଳକ ଗାଡି ଚାଳକଙ୍କ ଠାରୁ ୨୫,୦୦୦ ଟଙ୍କା ଜରିମାନା ଆଦାୟ କରିବା ସହିତ ଅଭିବାବକଙ୍କ ବିରୁଦ୍ଧରେ କେସ ଦାୟର କରିବ । ଫଳରେ ନାବାଳକଙ୍କ ନିମନ୍ତେ ପିତା କିମ୍ଵା ଅବିଭାବକ ତିନିବର୍ଷ ଜେଲ ଭୋଗିବାକୁ ପଡିବ । ଆଗାମୀ ଦିନରେ ବିଭାଗ ପକ୍ଷରୁ ଗ୍ରହଣ କରିବାକୁ ଥିବା ଏଭଳି ପଦକ୍ଷେପ କୁ ବୁଦ୍ଧିଜୀବୀ ଓ ନାଗରିକଙ୍କ ମହଲରେ ସ୍ୱାଗତ କରାଯାଇଛି ।

ହାତୀ କରୁଛି ଚାଷୀର ସର୍ବନାଶ; କୁମ୍ଭକର୍ଣ୍ଣ ନିଦ୍ରାରେ ଶୋଇଛି ବନ ବିଭାଗ…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କଳାହାଣ୍ଡି) – କଳାହାଣ୍ଡି ଜିଲ୍ଲା ଚାଷୀ ଆତ୍ମହତ୍ୟା ଓ ବନ୍ୟା ପ୍ରଭାବିତ ଅଞ୍ଚଳ ଭାବେ ସାରା ଦେଶରେ ପରିଚିତ ଥିବାବେଳେ ବର୍ତ୍ତମାନ ଆଗକୁ ଆସିଛି ଚାଷୀଙ୍କ ପାଇଁ ହାତୀ ଆମସ୍ୟା । ସ୍ଥାନୀୟ ଚାଷୀକୁଳ ନିଜର ପେଟ ପାଟଣା ନିମନ୍ତେ ବନ୍ୟାର କରାଳ ଛାୟା ରେ କିଛି ଧାନ ଜମି ଚାଷ କରିବାଜୁ ଅଣ୍ଟା ଭିଡୁଥିବା ବେଳେ ଦାଉ ସାଧୁଛି ହାତୀପଲ । ନର୍ଲା ରେଞ୍ଜ ଅନ୍ତର୍ଗତ ବାମଳ,ସମର କଟା ,ବଙ୍କେଲ,ଡଙ୍ଗରମାଲ, ରେଗିଡିମାଲ ଏବଂ ଉଲି ସିର୍କ। ଗ୍ରାମରେ ହାତୀ ପଲ ମାତି ଏହି ଅଞ୍ଚଳ ଚାଷୀଙ୍କ ଧାନ ଫସଲ ଓ ଅର୍ଥକାରୀ ଫସଲକୁ ନଷ୍ଟ କରି ଦେଉଛି । ହାତୀପଲ ଦ୍ୱାରା ଚାଷୀ ଙ୍କ ଉପାର୍ଜିତ ହେବାକୁଥିବା ଫସଲ ବାରମ୍ବାର ନଷ୍ଟ ହେବାରୁ ଚାଷୀ ଧୀରେ ଧୀରେ ଅର୍ଥିକ ଦୁର୍ବଳ ହୋଇ ବିଭିନ୍ନ ପନ୍ଥା ଆପଣାଉଛି।ଏନେଇ ସ୍ଥାନୀୟ ଚାଷୀ ମାନେ ବନବିଭଗ ଅଧିକାରୀଙ୍କୁ ବାରମ୍ବାର ଅଭିଯୋଗ କରୁଥିଲେବି ବାବୁଙ୍କ ନିଦ୍ରା ଭାଙ୍ଗୁ ନାହିଁ ବୋଲି ଅଭିଯୋଗ ଉଠିଛି । ଚାଷୀଙ୍କ ଏହି ସମସ୍ୟା ପ୍ରତି ଜିଲ୍ଲା ବନବିଭାଗୀୟ ଅଧିକାରୀ ତୁରନ୍ତ ଦୃଷ୍ଟି ଦେବା ନିମନ୍ତେ ଦାବୀ ହେଉଛି ।