ଯୁବ ଗାଳ୍ପିକ ଡିଲେଶ୍ଵର ରଣା ଙ୍କ ” ସେଁରରା ” ଲୋକାର୍ପିତ।

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜନୀକାନ୍ତ ସମରଲିଆ ଙ୍କ ରିପୋର୍ଟ୍ !!!

ଏଥର ସମ୍ଭାଳ (କଳାହାଣ୍ଡି) – ସାହିତ୍ୟ ମଣିଷ ଜୀବନକୁ ସରସ ସୁନ୍ଦର କରି ଗଢିଥାଏ ଓ ସମାଜକୁ ନୂତନ ଦିଗଦର୍ଶନ ଦେଇଥାଏ। ବର୍ତ୍ତମାନ ଜୀବନକୁ ଆହୁରି ସାରସ୍ଵତମୟ କରିବାପାଇଁ ସାହିତ୍ୟ ଏକାନ୍ତ ଅପରିହାର୍ଯ୍ୟ।ଏଇ ପରିପ୍ରେକ୍ଷୀରେ କଳାହାଣ୍ଡି ଜିଲ୍ଲାର ଉଦୀୟମାନ ଯୁବ ଗାଳ୍ପିକ ଡିଲେଶ୍ଵର ରଣା ଙ୍କ ପ୍ରଥମ ସଂସ୍କରଣ ” ସେଁରରା ” ର ଲୋକାର୍ପଣ ଭବାନୀପାଟଣା ସ୍ଥିତ ଅମଲା ଭବନ ଠାରେ କଳାହାଣ୍ଡି ଯୁବ ଲେଖକ ସମାବେଶ ଦ୍ଵାରା ଲୋକାର୍ପଣ ହୋଇଯାଇଛି।

ଏଥିରେ ମୂଖ୍ୟ ଅତିଥି ଭାବେ ଡ଼ଃ ବିଜୟ କୁମାର ସାହୁ ଆଞ୍ଚଳିକ ପରିଚାଳକ ଓ ମୂଖ୍ୟ ଏନ୍. ଆଇ.ଡି.ସି. ଭାରତ ସରକାର, ବିଶିଷ୍ଟ ଅତିଥି ସୁଶାନ୍ତ କୁମାର ଚୋପଦାର ଜିଲ୍ଲା ଶିକ୍ଷା ଅଧିକାରୀ, ସୁକାନ୍ତ କୁମାର ସାହୁ ବିଶିଷ୍ଟ କଥାକାର ଓ ସଂପାଦକ, ପରମେଶ୍ବର ମୁଣ୍ଡ ଶିକ୍ଷାବିତ, ସତ୍ୟନାରାୟଣ ମୁଣ୍ଡଛିନା ଅଧ୍ୟକ୍ଷ +୨ ମହାବିଦ୍ୟାଳୟ ଥୁଆମୂଳ ରାମପୁର , ସମ୍ମାନିତ ଅତିଥି ଭବାନୀଶଙ୍କର ନିଆଲ ମୂଖ୍ୟ ସଂପାଦକ “ମହୁରୀ”,ଆଦିତେଶ୍ଵର ମିଶ୍ର ବିଶିଷ୍ଟ କଥାକାର, ଅଧ୍ୟାପକ ଅଖିଳ ନାଏକ କବି ଓ ଔପନ୍ୟାସିକ, ସଭାପତି ଭାବେ ସୁଧୀର କୁମାର ଧଙ୍ଗଡାମାଝୀ ସଂପାଦକ କଳାହାଣ୍ଡି ଯୁବ ଲେଖକ ସମାବେଶ ପ୍ରମୁଖ ଯୋଗଦାନ କରିଥିଲେ। ଯୁବ ଗାଳ୍ପିକ ଶ୍ରୀ ରଣାଙ୍କ ଏହି ସଂକଳନକୁ ମଞ୍ଚାସୀନ ଅତିଥି ମାନେ ଉଚ୍ଚ ପ୍ରଶଂସା କରିଥିଲେ। ଏହି ଅବସରରେ ଜିଲ୍ଲା ତଥା ଜିଲ୍ଲା ବାହାର ର ବହୁ ସାହିତ୍ୟ ପ୍ରେମୀ ଓ ଲେଖକ ଲେଖିକା ଯୋଗଦାନ କରିଥିଲେ।

ପେଟ୍ରୋଲ ଡିଜେଲ ଦର ବୃଦ୍ଧି ପ୍ରତିବାଦ ରେ ଧର୍ମଗଡ କଂଗ୍ରେସ ତରଫରୁ ସ୍ମାରକପତ୍ର ପ୍ରଦାନ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ପେଟ୍ରୋଲ ଡିଜେଲ ଦର ବୃଦ୍ଧି ନେଇ ଧର୍ମଗଡ କଂଗ୍ରେସ ତରଫରୁ ମହାମହିମ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରାଯାଇଥିଲା। ସଂପ୍ରତି ପ୍ରତିଦିନ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇବାରେ ଲାଗିଛି। ତୈଳ ମନ୍ତ୍ରଣାଳୟ ନିୟମ ଅନୁସାରେ ଅନ୍ତର୍ଜାତୀୟ ବଜାର ରେ ତୈଳ ଦର ବୃଦ୍ଧି ହେଲେ ଆମ ଦେଶ ରେ ମଧ୍ୟ ତୈଳ ଦର ବୃଦ୍ଧି ହେବା କଥା କିନ୍ତୁ ହଉଛି ଓଲଟା ଅନ୍ତର୍ଜାତୀୟ ବଜାର ରେ ତୈଳ ଦର କମ ଥିଲେ ସୁଦ୍ଧା ଭାରତ ରେ ତୈଳ ଦର ହୁ ହୁ ହୋଇ ବଢ଼ିବାରେ ଲାଗିଛି। ଯାହା ଫଳରେ ସାଧାରଣରେ ଖାଉଟି ଉପରେ ଏହାର କୁ ପ୍ରଭାବ ପଡୁଛି। ଗୋଟିଏ ପଟେ କରୋନା ମହାମାରୀ ନେଇ ସମସ୍ତ ଙ୍କ ଆର୍ଥିକ ଅବସ୍ଥା ଦୋହଲି ଯାଇଥିବା ବେଳେ ବାରମ୍ବାର ତେଲ ଦରବୃଦ୍ଧି ମଧ୍ୟବିତ୍ତ ଓ ନିମ୍ନ ମଧ୍ୟବିତ୍ତ ଗରିବ ଶ୍ରେଣୀର ଜନସାଧାରଣ ଙ୍କ ଉପରେ ପ୍ରବଳ ଚାପ ପଡିବା ସହ ତେଲ ବୃଦ୍ଧି କୁ ନେଇ ଅନ୍ୟାନ୍ୟ ସାମଗ୍ରୀ ଗୁଡିକ ର ଦର ମଧ୍ୟ ହୁ ହୁ ହୋଇ ବଢୁଥିବା ସହ ଚାଷ କାର୍ଯ୍ୟ ରେ ନିୟୋଜିତ ଯନ୍ତ୍ରପାତି ର ଖର୍ଚ୍ଚ ମଧ୍ୟ ବଢ଼ିବାରେ ଲାଗିଯାଇଛି। ଯାହାକି ଚାଷୀ ଓ ଖାଉଟି ପାଇଁ ଚିନ୍ତା ର ବିଷୟ ପାଲଟି ଯାଇଛି। ତେଣୁ କେନ୍ଦ୍ର ସରକାର ଏହି ଅହେତୁକ ତେଲ ଦର ବୃଦ୍ଧି ପ୍ରତ୍ୟାହାର କରିବା ପାଇଁ ଏକ ରାଲି ମାଧ୍ୟମରେ ନାରା ଆସି କରି ବିଡ଼ିଓ ଧର୍ମଗଡ ଙ୍କ ଜରିଆରେ ମହାମହିମ ରାଷ୍ଟ୍ରପତିଙ୍କ ନିକଟକୁ ଏକ ସ୍ମାରକପତ୍ର ପ୍ରଦାନ କରାଯାଇଛି। ଆଜି ର ଏହି କାର୍ଯ୍ୟକ୍ରମଟି ଧର୍ମଗଡ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ପ୍ରାର୍ଥୀ ଦିଗାମ୍ବର ଦୁରିଆ ଙ୍କ ନେତୃତ୍ୱରେ ସୁରେଶ ଅଗ୍ରୱାଲ, ପ୍ରଶନଜିତ ପତ୍ର,ମିଟୁ ନାଏକ, ସଦାଶିବ ମହାନନ୍ଦ, ଧରଣୀ ଧଙ୍ଗଡାମାଝି, ଗୋବିନ୍ଦ ଜାଲ,ହେରାମ ବାଗ, ପରୀକ୍ଷିତ ନାଏକ, ପରୀକ୍ଷିତ ଧଙ୍ଗଡାମାଝି, ଦେବାନନ୍ଦ ସୁନାନୀ, ରବି ନାଏକ ମୁରଲୀ ସତନାମୀ, ପ୍ରମୁଖ ଉପସ୍ଥିତ ଥିଲେ।

ଆନ୍ତର୍ଜାତୀୟ ଯୋଗ ଦିବସ ପାଳିତ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ଆନ୍ତର୍ଜାତିକ ଯୋଗ ଦିବସ
ଭାରତ ସରକାରଙ୍କ ଯୁବ ଓ କ୍ରୀଡ଼ା ବ୍ୟାପର ମନ୍ତ୍ରଣାଳୟ ନେହରୁ ଯୁବ କେନ୍ଦ୍ର କଳାହାଣ୍ଡି ଶାଖା ତରଫରୁ ଆନ୍ତର୍ଜାତିକ ଯୋଗ ଦିବସ ପାଳିତ ହେଇଯାଇଛି । ବ୍ଲକର ଜାତୀୟ ଯୁବ ସ୍ବେଚ୍ଛାସେବୀ ଶ୍ରୀ ଅକ୍ଷୟ କୁମାର ମେହେର ଙ୍କ ନେତୃତ୍ୱରେ ସମ୍ଭବ ଯୁବକ ସଂଘ ,ଛଞ୍ଚାଣବାହାଲି ଠାରେ ଅନୁଷ୍ଠିତ ହୋଇଥିଲା । କରନା ସଂକ୍ରମଣ ଦେଶରେ କାୟା ବିସ୍ତାର କରି ଥିଲା ବେଳେ ଆଜି ସମସ୍ତେ ଘରେ ରହି ସପରିବାର ସହ ଯୋଗ କରିଥିଲେ । କରଯୋଗ , ରୁହ ନିରୋଗ ବାର୍ତା ଦେଇ ସମସ୍ତେ ସୁଚାରୁ ରୁପେ ସଂପାଦକ କରିଥିଲେ । ଏହି ଯୋଗ ଶିବିର ରେ ସ୍ଥାନୀୟ ଯୁବକ ସଂଘ ର କର୍ମକର୍ତା ସହଯୋଗ କରିଥିଲେ । ସଂଘ ର ସଭାପତି ରୋମାଞ୍ଚଳ ଗୋପାଳ, ସଂପାଦକ ହୁକିମ ଚନ୍ଦ୍ର ଭାଇସାଲ, ଛବିଲାଲ ଗୋପାଳ, ପରେଶ ଗୋପାଳ,ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ କୁ ସଫଳ କରିଥିଲେ ।

“ହ୍ୟୁମାନ ଫର୍ ହ୍ୟୁମାନ ” ପକ୍ଷରୁ ଗରୀବ ପରିବାର ଙ୍କୁ ସହାୟତା।

!!! କଳାହାଣ୍ଡି ଜିଲ୍ଲା ଭବାନୀପାଟଣା ରୁ ରଜନୀ କାନ୍ତ ସାମର୍ଲିଆ ଙ୍କ ରିପୋର୍ଟ !!!!

ଏଥର ସମ୍ଭାଳ (ଭବାନୀପାଟଣା)-ବର୍ତ୍ତମାନ ଚାରିଆଡ଼େ କୋରୋନା ମହାମାରୀ ଭୁତାଣୁ ଯୋଗୁଁ ଭୟର ବାତାବରଣ ସ୍ରୁଷ୍ଟି ହୋଇଛି। ଲୋକଙ୍କ ଜୀବନ ଜୀବିକା ଉପରେ ଗଭୀର ପ୍ରଭାବ ପଡିଥିବା ବେଳେ ଅତି ସତର୍କତାର ସହ କାମଧନ୍ଦା ପାଇଁ ବାହାରକୁ ବାହାରୁଛନ୍ତି। ଏଭଳି ବିଷମ ପରିସ୍ଥିତି ରେ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ଅନ୍ତର୍ଗତ ଭଟଙ୍ଗପଦର ଗ୍ରାମ ପଞ୍ଚାୟତ ଅଧିନସ୍ଥ ୨୨ ଟି ପରିବାର କୁ ନେଇ ଗଠିତ ବଣ ପାହାଡ ଘେରା ଏକ କ୍ଷୁଦ୍ର ଗ୍ରାମ କୋଲଗାଁ ର ଗରୀବ ଆଦିବାସୀ ଦୟନୀୟ ଅବସ୍ଥା ରେ ଦିନ ବିତାଉଛନ୍ତି। ଜୀବିକା କହିଲେ ଜଙ୍ଗଲ ହିଁ ଏକମାତ୍ର ସାହା ଭରସା। ଜଙ୍ଗଲ ଜାତ ଦ୍ରବ୍ଯ ସଂଗ୍ରହ କରି ଦୈନନ୍ଦିନ ଆବଶ୍ଯକତା କୁ ପୁରଣ କରିଥାନ୍ତି। କିନ୍ତୁ ସମାଜରେ ମଣିଷ ପଣିଆ ଏବେ ବି ବଞ୍ଚି ରହିଛି, ସେମାନଙ୍କର ଅଭାବ ଅସୁବିଧା କୁ ଲାଘବ କରିବା ପାଇଁ ଭବାନିପାଟଣାର କିଛି ଯୁବକ ଙ୍କ ଦ୍ବାରା ଗଠିତ “ହ୍ୟୁମାନ ଫର୍ ହ୍ୟୁମାନ” ନାମକ ଅନୁଷ୍ଠାନ ର ସଦସ୍ଯ ତାଙ୍କୁ ସହଯୋଗ ର ହାତ ବଢ଼ାଇବା ପାଇଁ ଆଗେଇ ଆସିଛନ୍ତି। ସେମାନେ ଗରୀବ ପରିବାର ଙ୍କୁ ଅତ୍ୟାବଶ୍ୟକୀୟ ଶୁଖିଲା ଖାଦ୍ୟ ପ୍ୟାକେଟ ବଣ୍ଟନ କରିଥିଲେ। ଏହା ସହିତ ସେମାନେ ସମ୍ମଖୀନ ହେଉଥିବା ଶିକ୍ଷା, ସ୍ୱାସ୍ଥ୍ୟ, ବିଜୁଳି, ପାନୀଯ ଜଳ, ରାସ୍ତା ଘାଟ ବିଷୟ ପଚାରି ବୁଝି ଥିଲେ। ଏହି ସହାୟତା କାର୍ୟ୍ଯ ରେ ସୁଶାନ୍ତ ପ୍ରଧାନୀ, ସୁକାନ୍ତ ପ୍ରଧାନୀ, ସୁପ୍ରତିମ ବେହେରା, ଶାନ୍ତ ପାଢ଼ୀ, ସୁବାଷ ମାଝୀ, ଜଗଦୀଶ ପଟ୍ଟନାୟକ, ଶ୍ରୀକାନ୍ତ ଦାସ, ରାକେଶ ପାତ୍ର, ଗୋବିନ୍ଦ ମାଝୀ, ଦିନେଶ ଭୋଇ ଓ ଜଗନ୍ନାଥ ବାଗ ପ୍ରମୂଖ ଅଂଶ ଗ୍ରହଣ କରିଥିଲେ। ଯୁବକ ଙ୍କ ଏଭଳି ସେବା ମନୋଭାବ କୁ ବିଭିନ୍ନ ମହଲରେ ପ୍ରଶଂସା କରିଛନ୍ତି।

ମୃତ ଦାଦନ ଶ୍ରମିକଙ୍କ ପରିବାରକୁ ସହଯୋଗର ହାତ ବଢ଼ାଇଲା ଯୁବ ଯାଦବ ମହାସଭା।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ଧର୍ମଗଡ ବ୍ଲକ ଖଇରପଦର ଗ୍ରାମର ମୃତ ଦାଦନ ଶ୍ରମିକ ବୈଲୋଚନ ନାଏକଙ୍କ ପରିବାରକୁ ସହଯୋଗର ହାତ ବଢାଇଛି କଳାହାଣ୍ଡି ଜିଲ୍ଲା ଯୁବ ଯାଦବ ମହାସଭା । ଆଜି ମହାସଭାର ସଭାର ସଭାପତି ଗୋବିନ୍ଦ ବନଛୋରଙ୍କ ନେତୃତ୍ବରେ ଏକ ପ୍ରତିନିଧି ମଣ୍ଡଳୀ ମୃତ ଶ୍ରମିକଙ୍କ ଧର୍ମପତ୍ନୀ ଲଲିତା ନାଏକଙ୍କୁ ଭେଟି କିଛି ଆର୍ଥିକ ସହାୟତା ଓ ରାସନ ସାମଗ୍ରୀ ପ୍ରଦାନ କରିଥିଲେ । ଏହାସହ ତାଙ୍କର ଦୁଇ ପୁଅ ଝିଅଙ୍କ ସମସ୍ତ ପଢା ଖର୍ଚ୍ଚ ଉଠାଇବା ପାଇଁ ପ୍ରତିଶୃତି ଦେଇଛି ଯୁବ ଯାଦବ ମହାସଭା ।
ଏଠାରେ ସୂଚନାଯୋଗ୍ୟ ଯେ, ଖଇରପଦର ଗାଁର ବୈଲୋଚନ ନାଏକ ୬ ମାସ ତଳେ ତେଲେଙ୍ଗାନାକୁ କାମ କରିବା ପାଇଁ ଯାଇଥିଲେ । ତେବେ କରୋନା ସଂକଟ ଯୋଗୁଁ ଗାଁକୁ ଫେରିଥିଲେ । ସନ୍ଧିକୋଳିହାରି ଟିଏମସିରେ ୭ ଦିନ ସଙ୍ଗରୋଧରେ ରହିବା ଭିତରେ ତାଙ୍କ ସ୍ୱାସ୍ଥ୍ୟ ଖରାପ ହୋଇଯାଇଥିଲା । ସେଠାରୁ ବୈଲୋଚନଙ୍କୁ ତାଙ୍କ ଶଶୁରଘରେ ଛାଡ଼ି ଦିଆଯାଇଥିଲା । ଏହାର ସାତ ଦିନ ନପୁରୁଣୁ ତାଙ୍କ ମୃତ୍ୟୁ ହୋଇଥିଲା । ବୈଲୋଚନଙ୍କ ମୃତ୍ୟୁ ପରେ ଏବେ ବେସାହାରା ହୋଇ ପଡିଛନ୍ତି ତାଙ୍କ ପରିବାର । ଦୁଇ ପୁଅ ରାହୁଲ (୧୦) ଓ ସାହେବ (୧) ଙ୍କ ଭରଣ ପୋଷଣର ଚିନ୍ତା ଘାରୁଛି ବିଧବା ଲଲିତାଙ୍କୁ । ସ୍ବାମୀ ଦାଦନ ଶ୍ରମିକ ଭାବେ କାମକରି ପରିବାର ପ୍ରତିପୋଷଣ କରୁଥିଲେ । ଏବେ ଲଲିତାଙ୍କୁ ଚାରି ଦିଗ ଅନ୍ଧାର ଲାଗୁଛି । ନା’ ଜମିବାଡି ଅଛି ନା’ ମୁଣ୍ଡ ଗୁଞ୍ଜିବାକୁ ଘର ଖଣ୍ଡିଏ ଅଛି । ଆହା ସାହା ହେବାକୁ ମଧ୍ୟ କେହି ନାହାନ୍ତି । ଏପଟେ ସରକାରୀ ସାହାଯ୍ୟ କହିଲେ ଖଣ୍ଡିଏ ରାସନ କାର୍ଡ । ଏଥିରେ ମିଳିବ ମାସକୁ ୧୫ କିଲୋ ଚାଉଳ । ଏଥିରେ ସେମାନେ ଚଳିବେ କେମିତି ? ତେଣୁ ଏହି ପରିବାରକୁ ତୁରନ୍ତ ଆବାସ ଯୋଜନାରେ ଗୃହ ଯୋଗାଇଦେବା, ଲଲିତାଙ୍କୁ ବିଧବା ଭତ୍ତା ପ୍ରଦାନ ସହ ବଞ୍ଚିବାର ରାହା ଯୋଗାଇଦେବା ପାଇଁ ପ୍ରଶାସନ ପାଖରେ ଦାବି କରିଛି କଳାହାଣ୍ତି ଜିଲ୍ଲା ଯୁବ ଯାଦବ ମହାସଭା ।
ଏହି ଅସହାୟ ପରିବାରକୁ ସହାୟତା ପ୍ରଦାନ କରିବା ସମୟରେ ଜିଲ୍ଲା ଯୁବ ଯାଦବ ମହାସଭା ସଭାପତି ଶ୍ରୀ ବନଛୋରଙ୍କ ସମେତ କଳାହାଣ୍ଡି ଜିଲ୍ଲା ଯାଦବ ମହାସଭାର ପୂର୍ବତନ ସଭାପତି ଡମ୍ବରୁଧର ଲହଜଳ, ଜିଲ୍ଲା ଯୁବ ଯାଦବ ଜିଲ୍ଲାର ସାଧାରଣ ସମ୍ପାଦକ ଲିଙ୍ଗରାଜ ବେହେରା, ଜିଲ୍ଲା ଉପସଭାପତି ଡାକେଶ୍ୱର ଲହଜଳ, କୋଷାଧ୍ୟକ୍ଷ ସନ୍ତୋଷ ବାଗ, ଧର୍ମଗଡ ବ୍ଲକ ଯାଦବ ସମିତି ସଭାପତି ଶଙ୍କର ଜୁଏଡ, ଯୁବ ଯାଦବ ତିଲାମଣି ନାଗ, ଆଦିତ୍ୟ ହଂସ, ଧର୍ମଗଡ ଯୁବ ସଭାପତି ଲବଣି ରାଉତ, ସମ୍ପାଦକ କାର୍ତ୍ତିକ ଛାତ୍ରୀଆ ପ୍ରମୁଖ ଉପସ୍ଥିତ ଥିଲେ ।

ବିଜୁ ଯୁବ ଓ ଛାତ୍ର ଜନତା ଦଳ ତରଫରୁ ମାନ୍ୟବର ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ଓ ଉଚ୍ଚ ଶିକ୍ଷା ସଚିବ ଶାଶ୍ୱତ ମିଶ୍ରଙ୍କୁ କଳାହାଣ୍ଡି ବିଶ୍ବବିଦ୍ୟାଳୟ ର କାର୍ଯ୍ୟ ତ୍ବରାନ୍ବିତ କରିବା ସହ କୂଳପତି ନିଯୁକ୍ତି ପାଇଁ ସ୍ମାରକପତ୍ର ପ୍ରଦାନ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ଆଜି ବିଜୁ ଯୁବ ଓ ଛାତ୍ର ଜନତା ଦଳ ତରଫରୁ ମାନ୍ୟବର ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ଓ ଉଚ୍ଚ ଶିକ୍ଷା ସଚିବ ଶାଶ୍ୱତ ମିଶ୍ରଙ୍କୁ କଳାହାଣ୍ଡି ବିଶ୍ବବିଦ୍ୟାଳୟ ର କାର୍ଯ୍ୟ ତ୍ବରାନ୍ବିତ କରିବା ସହ କୂଳପତି ନିଯୁକ୍ତି ପାଇଁ ସ୍ମାରକପତ୍ର ଦିଆ ଯାଇଛି । ୨୦୨୦-୨୧ ଶିକ୍ଷା ବର୍ଷ ରୁ କଳାହାଣ୍ଡି ବିଶ୍ବବିଦ୍ୟାଳୟ ରେ ନାମଲେଖା ହେବ ବୋଲି ସରକାର ପୂର୍ବରୁ ବିଜ୍ଞପ୍ତି ପ୍ରକାଶ କରିଛନ୍ତି । ରାଜ୍ୟ ରେ କରୋନା ପାଇଁ ଏପର୍ଯ୍ୟନ୍ତ ଆଖି ଦୁଶିଆ ପଦକ୍ଷେପ ନିଆଯାଇ ପାରିନଥିବା ସ୍ଥଳେ କୂଳପତି ଓ ଅନ୍ୟାନ୍ୟ ପଦବୀ ନିଯୁକ୍ତି ପ୍ରକ୍ରିୟା ବିଳମ୍ବ ହେଲାଣି । ଆଜି ଉଚ୍ଚ ଶିକ୍ଷା ସଚିବ କୋଭିଡ ସମିକ୍ଷା ପାଇଁ କଳାହାଣ୍ଡି ଗସ୍ତରେ ଥିବା ବେଳେ ଜିଲ୍ଲା ଯୁବ ଓ ଛାତ୍ର ବିଜେଡି ତରଫରୁ ସାକ୍ଷାତ କରି କଳାହାଣ୍ଡି ବିଶ୍ବବିଦ୍ୟାଳୟ ଚଳିତ ବର୍ଷ ରୁ ଆରମ୍ଭ ପାଇଁ ସ୍ମାରକ ପତ୍ର ଦିଆଯାଇଛି । ଉଚ୍ଚ ଶିକ୍ଷା ସଚିବ କରୋନା ପାଇଁ ବିଳମ୍ଵିତ ହୋଇଥିବା କଥା ସ୍ବୀକାର କରିବା ସହ ଖୁବ ଶିଘ୍ର ପ୍ରକ୍ରିୟା ଆରମ୍ଭ ହେବ ବୋଲି ପ୍ରତିଶ୍ରୁତି ଦେଇଛନ୍ତି । ସହିଭଳି ଗୃହ ରାଷ୍ଟ୍ର ମନ୍ତ୍ରୀ ନେଜେ ମୁଖ୍ୟମନ୍ତ୍ରୀ ଙ୍କ ଦୃଷ୍ଟି ଆକର୍ଷଣ କରାଯିବ ବୋଲି କହିଛନ୍ତି । ଏହି କାର୍ଯ୍ୟକ୍ରମ ରେ ଜିଲ୍ଲା ଯୁବ ସଭାପତି ଶ୍ରୀ ଆଦିତ୍ୟ ନନ୍ଦ, ଜିଲ୍ଲା ଛାତ୍ର ବିଜେଡି ସଭାପତି ଶ୍ରୀ ଅବିନାଶ ଠାକୁର, ଯୁବ ଉପସଭାପତି ମନିନ୍ଦ୍ର ମହାନ୍ତି, ଚିନ୍ମୟ ମିଶ୍ର, ଅଭିଷେକ ମହାପାତ୍ର, ଅମିତ ଯାଦବ, ଜିତେନ୍ଦ୍ର ବେହେରା, ନରୋତ୍ତମ ଭାଟି ପ୍ରମୁଖ ଉପସ୍ଥିତ ଥିଲେ ।

କଳାହାଣ୍ଡି ନେହରୁ ଯୁବ କେନ୍ଦ୍ର ପକ୍ଷରୁ ବୃକ୍ଷରୋପଣ କାର୍ଯ୍ଯକ୍ରମ ଅନୁଷ୍ଠିତ।

!!! କଳାହାଣ୍ଡି ଜିଲ୍ଲା ଧର୍ମଗଡ ରୁ ପ୍ୟାରୀଲାଲ ଦୁର୍ଗା ଙ୍କ ରିପୋର୍ଟ୍ !!!

ନେହେରୁ ଯୁବକେନ୍ଦ୍ର କଳାହାଣ୍ଡି ତରଫରୁ ସମ୍ଭବ ଯୁବକ ସଙ୍ଘ , ଛାଞ୍ଚାଣବାହାଲି ଠାରେ ନେହେରୁ ଯୁବକେନ୍ଦ୍ରର ଜାତୀୟ ଯୁବ ସ୍ବେଛାସେବୀ ଅକ୍ଷୟ କୁମାର ମେହେର ଙ୍କ ତତ୍ତ୍ୱlବଧାନରେ ସ୍ଥାନୀୟ ଯୁବକ ସଙ୍ଘ ସମ୍ଭବ ର ସହଯୋଗରେ ଆଜି ଗଛ ଚାରା ଗାଁ ରାସ୍ତା ଦୁଇ ପସ୍ୟାରେ ଲଗାଇ ଛନ୍ତି ଗ୍ରାମରେ ଲୋକଙ୍କୁ ସାମାଜିକ ଦୂରତା ବଜାୟ ରଖିବା। ଏହି କାର୍ଯ୍ୟକ୍ରମରେ ସମ୍ଭବ ଯୁବକ ସଙ୍ଘର ସଭାପତି ରୋମାଞ୍ଚଲ ଗୋପାଳ, ସମ୍ପାଦକ ହୁକିମ ଚନ୍ଦ୍ର ଭଇସାଲ ଙ୍କ ସମେତ ସଭ୍ୟ ଛବିରାମ ଗୋପାଳ,ଧରଣୀ ଭଇସାଲ,ପରେଶ ବେମାଲ ପ୍ରମୁଖ ସକ୍ରିୟ ଅଂଶ ଗ୍ରହଣ କରିଥିଲେ।

ବେହେରା ଠାରେ କଳାହାଣ୍ଡି ଜିଲ୍ଲା ପୋଲିସ ଆନୁକୂଲ୍ୟରେ ରେ ସ୍ବେଚ୍ଛାକୃତ ରକ୍ତଦାନ ଶିବିର।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (କୋକସରା) – କଳାହାଣ୍ଡି ଜିଲ୍ଲା ଆରକ୍ଷୀ ଅଧିକ୍ଷକଙ୍କ ଆନୁକୂଲ୍ୟରେ ଆଜି କୋକସରା ଥାନା ଅନ୍ତର୍ଗତ ବେହେରା ସ୍ଥିତ ଦନ୍ତେଶ୍ୱରୀ ସରକାରୀ ଉଚ୍ଚ ବିଦ୍ୟାଳୟ ଠାରେ ଏକ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି । ସାରା ବିଶ୍ବରେ କୋରନା ଭୁତାଣୁ ସଂକ୍ରମଣ ଜନିତ ଆତଙ୍କ ଯୋଗୁଁ Lock down ଜନିତ ସଙ୍କଟ ସମୟରେ ‘ମୋ ସରକାର’ ଯୋଜନା ମାଧ୍ୟମରେ ହେଉଥିବା ଏହି ରକ୍ତ ଦାନ ଶିବିରରେ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ମନୋଜ କୁମାର ମହାନ୍ତ, କୋକସରା ଥାନା ଅଧିକାରୀ ବାସୁଦେବ ଛତ୍ରିଆ, ଏଏସଆଇ ଜନ୍ମେଜୟ ବାଗ ସମେତ ୟୁଥ୍ ରେଡ୍ କ୍ରସ, ନେହେରୁ ଯୁବ କେନ୍ଦ୍ର, ରାମକୃଷ୍ଣ ଯୁବକସଂଘ, ଦଣ୍ଡପାଟ ଧନୁଯାତ୍ରା ମହୋତ୍ସବ କମିଟିର ସଦସ୍ୟ, ସ୍ଥାନୀୟ ସାମାଜିକ କର୍ମୀ, ପଞ୍ଚାୟତ ସମିତି ଅଧ୍ୟକ୍ଷ ଏବଂ ଚାରି ଗୋଟି ଗ୍ରାମ ପଞ୍ଚାୟତର ସରପଞ୍ଚ ପ୍ରମୁଖ ଉପସ୍ଥିତ ଥିଲେ ଓ ଶିବିରରେ COVID-19 କଟକଣା ଦୃଷ୍ଟିରୁ ସାମାଜିକ ଦୂରତା ବଜାୟ ରଖାଯାଇ ଥିଲା।
ଏହି ରକ୍ତଦାନ ଶିବିରରେ ୪୨ ୟୁନିଟ ରକ୍ତ ସଂଗ୍ରହ କରାଯାଇଛି। ଏହି ଶିବିରରେ ୟୁଥ୍ ରେଡକ୍ରସ୍ ଆବାହକ ମୋହନ ଚରଣ ବିଶି, ବେହେରା କଲେଜ ୟୁଥ୍ ରେଡକ୍ରସ୍ ର ଲକିରାମ ଅଗ୍ରୱାଲ, ନେହେରୁ ଯୁବ କେନ୍ଦ୍ର ସ୍ଵେଚ୍ଛାସେବୀ ଅକ୍ଷୟ କୁମାର ମେହେର, ରାମକୃଷ୍ଣ ଯୁବକ ସଂଘ ର ସୁଧୀର କୁମାର ଗୋପାଳ, ବେହେରା ଅଗ୍ରୱାଲ ସମାଜର ବିକାଶ ଚନ୍ଦ୍ର ଅଗ୍ରୱାଲ, ବେହେରା ଦଣ୍ଡପାଟ ଧନୁଯାତ୍ରା ମହୋତ୍ସବ କମିଟିର ସଦସ୍ୟଗଣ, ମୂଷାପାଲି ପଞ୍ଚାୟତର ସରପଞ୍ଚ ରଶ୍ମୀରେଖା ରାଉତ, ବେହେରା ପଞ୍ଚାୟତର ସରପଞ୍ଚ ସୁଚିତ୍ରା ଗୋପାଳ, ଖୁଣ୍ଟିଆ ପଞ୍ଚାୟତର ସରପଞ୍ଚ ଧର୍ମବ୍ରତ ପଣ୍ଡା, ତେଣ୍ଡାପାଲି ପଞ୍ଚାୟତର ସରପଞ୍ଚ ସୁଶାନ୍ତ ପଟ୍ଟନାୟକ, ଧର୍ମଗଡ଼ ପଞ୍ଚାୟତ ସମିତିର ଅଧ୍ୟକ୍ଷ ବଳରାମ ପୂଜାରୀ ସମେତ ରକ୍ତ ଭଣ୍ଡାର କର୍ମଚାରୀ ପ୍ରମୁଖ ପରିଚାଳନା ରେ ସହଯୋଗ କରିଥିଲେ । ଏହି ଶିବିରରେ ଉପରୋକ୍ତ ସଂଗଠନର ସ୍ଵେଚ୍ଛାସେବୀ ତଥା କୋକସରା ଥାନା ଅଞ୍ଚଳର ପାଞ୍ଚ ଗୋଟି ପଞ୍ଚାୟତର ବାସିନ୍ଦା ମାନେ ଯୋଗଦେଇ ରକ୍ତଦାନ କରିଥିଲେ।

ଜେଲଗଲା ପରେ ମଧ୍ୟ ଅଧିକାରୀଙ୍କୁ ପଦୋନ୍ନତି, ପ୍ରଚ୍ଛଦପଟ ପଛରେ କିଏ ?

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ରାଜ୍ୟର ସୁଶାସନ ପାଇଁ ରାଜ୍ୟ ସରକାର ଅଣ୍ଟା ଭିଡିଛନ୍ତି।ସେଥିପାଇଁ ଗୋଟିଏ ପରେ ଗୋଟିଏ ବିଭାଗକୁ ମୋ ସରକାର ଓ ଫାଇଭ ଟି ରେ ସାମିଲ କରି କାର୍ଯ୍ୟରେ ସ୍ୱଚ୍ଛତା ଆଣିବାକୁ କଡା କୁଡି ନିର୍ଦ୍ଦେଶ ଦେଇଛନ୍ତି । କିନ୍ତୁ କଳାହାଣ୍ଡି ଜିଲ୍ଲା ଅନ୍ତର୍ଗତ ଜୟପାଟଣା ବ୍ଳକରେ ତାହାର ବ୍ୟତିକ୍ରମ ଦେଖିବାକୁ ମିଳିଛି , ଜଣେ ଅଧିକାରୀ ଜେଲରେ ୪୦ଦିନ ରହିଲା ପରେବି ତାଙ୍କର ପଦୋନ୍ନତିକୁ ନେଇ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ସୂଚନା ଅନୁଯାୟୀ ଜୟପାଟଣା ବ୍ଳକରେ କାର୍ଯ୍ୟରତ ପି.ଏ ସତାମ୍ବର ପ୍ରଧାନୀ ଜଣେ ନିରୀହ ଆଦିବାସୀ ହରିଜନ ଯୁବତୀଙ୍କୁ ବାରମ୍ବାର ପ୍ରେମ ନିବେଦନ କରି ବିଫଳ ହେବାରୁ ବିବାହର ପ୍ରତିଶ୍ରୁତି ଦେଇ ଜିଲ୍ଲା ବାହାରକୁ ନେଇ ଯୌନ ଶୋଷଣ କରିଥିଲେ । ଏନେଇ ଯୁବତୀ ଜଣକ ପରିବାର ଲୋକଙ୍କୁ ଜଣାଇବାରୁ ପରିବାରଙ୍କ ସହାୟତାରେ ରାୟଗଡା ହୋଟେଲରେ ଉଭୟଙ୍କୁ ପାଇ ମାଝିଗୌରୀ ମନ୍ଦିରରେ ବିବାହ କରିବା ସହିତ କୋର୍ଟ ବିବାହ ମଧ୍ୟ କରାଇଥିଲେ । କିନ୍ତୁ ବିବାହର ଅଳ୍ପ କେତେଦିନ ପରେ ସତାମ୍ବର ଯୁବତୀଙ୍କୁ ଛାଡି ଚମ୍ପଟ ମାରିଥିଲେ ।ଏନେଇ ଯୁବତୀ ଜଣକ ଗତ ୧୪.୦୭.୧୯ ରିଖ ଦିନ ଥୁଆମୂଳ ରାମପୁର ଥାନାରେ ଅଭିଯୋଗ କରିଥିଲେ । ଏବଂ ପ୍ରଧାନୀଙ୍କ ବିରୁଦ୍ଧରେ କେଶ ନମ୍ବର ୬୫ ଆଇପିସି ଧାରା ୪୧୭,୪୯୩,୫୦୬,୨୯୪ ମାମଲା ରୁଜୁ କରିଥିଲା । ମାମଲା ରୁଜୁ ପରେ ସତାମ୍ବର କିଛି ଦିନ ଫେରାର ଥିବା ବେଳେ ୧୬.୧୨.୧୯ ରୁ ୨୫.୦୧.୨୦ ଯାଏ ଦୀର୍ଘ ୪୦ଦିନ କଏଦୀ ନମ୍ବର ୮୯୩ରେ ଭବାନୀପାଟଣା ଜିଲ୍ଲା କାରାଗାର ଥିଲେ ବୋଲି ସୂଚନା ଅଧିକାରୀ ଆଇନ ତଥ୍ୟ ବଳରେ ଜଣାପଡ଼ିଛି। ସେ ଗତ ୧୩.୧୨.୧୯ ରୁ ୨୫.୧୨.୨୦ କୌଣସି କାରଣ ଦର୍ଶାଇ କାର୍ଯ୍ୟରେ ଯୋଗ ଦେଇନଥିବା ବ୍ଳକ କାର୍ଯ୍ୟାଳୟ ସୂତ୍ରରୁ ପ୍ରକାଶ।କିନ୍ତୁ ଆଶ୍ଚର୍ଯ୍ୟ ବିଷୟ ସେ ଅନେକ ଦିନ ଜେଲରେ ଥିଲେ ଓ ତାଙ୍କ ନାଁ ରେ ନାରୀ ନିର୍ଯ୍ୟାତନା କେଶ ରହିଥିଲେ ମଧ୍ୟ ତାଙ୍କ ପ୍ରତି ବିଭାଗୀୟ ଅଧିକାରୀ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବା ଜଣାପଡିଛି ବରଂ ସେ ବର୍ତ୍ତମାନ ପଦନ୍ନତି ପାଇ ଥିବା ଘଟଣା ଚର୍ଚ୍ଚାର ବିଷୟ ପାଲଟିଛି । ସରକାରୀ ନିୟମ ଅନୁଯାୟୀ ୨୪ଘଣ୍ଟାରୁ ଉର୍ଦ୍ଧ୍ବ ସମୟ ଜେଲରେ ରହିଲେ ସରକାରୀ କର୍ମଚାରୀ ଙ୍କୁ ନିଲମ୍ବିତ ହେଉଥିବା ବେଳେ ,ସତାମ୍ବର ଙ୍କୁ କେଉଁ ଅଧିକାରୀ ସୁରକ୍ଷା ଦେଉଛନ୍ତି ତାହା ତଦନ୍ତ ସାପେକ୍ଷ।ଏ ସମ୍ପର୍କରେ PA ସତାମ୍ବର ଙ୍କୁ ପଚାରିବାରୁ ସେ ଗଣମାଧ୍ୟମ ଆଗରେ କିଛି ପ୍ରକାଶ ନକରି ମୁହଁମୋଡି ଚାଲିଯାଇଛନ୍ତି।ତେବେ ଆମର ଖବର ପ୍ରସାରଣ ପରେ ଏହି ସରକାରୀ ବାବୁ ଉପରେ ପ୍ରଶାସନ ଆଗାମୀ ଦିନରେ କି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରିବ ତାହା ଦେଖିବାକୁ ବାକି ରହିଲା ।

କର୍ଲାପାଟ ଅଭୟାରଣ୍ୟ ରୁ ଉଦ୍ଧାର ମହିଳାଙ୍କ ନୂଆ ଠିକଣା ଏବେ ଯଶୋଦା ଅନାଥାଶ୍ରମ।

!!! କଳାହାଣ୍ଡି ଜିଲ୍ଲା ଭବାନୀପାଟନା ରୁ ରଜନୀକାନ୍ତ ସମରଲିଆ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଭବାନୀପାଟଣା) – ଭବାନିପାଟଣା ରୁ ଥୁଆମୂଳ ରାମପୁର କୁ ଯାଇଥିବା ୪୪ନମ୍ବର ରାଜ୍ଯ ରାଜପଥ କଡରୁ ଦୁଇଜଣ ଗଣମାଧ୍ୟମ ପ୍ରତିନିଧି ଙ୍କ ଦ୍ବାରା ଉଦ୍ଧାର କରାଯାଇ ଥିବା ଜନୈକ ଅସହାୟ ମହିଳାଙ୍କୁ ଆଜି ୧୯ ତାରିଖ ଦିନ ଧର୍ମଗଡ଼ସ୍ଥିତ ଯଶୋଦା ଅନାଥାଶ୍ରମ କୁ ସ୍ଥାନାନ୍ତର କରାଯାଇଛି। ଏ ସଂପର୍କ ରେ ଭବାନିପାଟଣା ଜିଲ୍ଲା ମୂଖ୍ଯ ଚିକିତ୍ସାଳୟ ପରିସରରେ ଥିବା ୱାନ୍ ଷ୍ଟପ ସେଣ୍ଟର (ସଖୀ) ର ପରିଚାଳିକା ତଥା ସମାଜସେବୀ ବିନୀତା ଦାସ ସୂଚନା ଦେଇ କହିଛନ୍ତି ଯେ, ଗତ କିଛି ଦିନ ତଳେ ଭବାନିପାଟଣା ରୁ ଥୁଆମୂଳ ରାମପୁର ଯିବା ରାସ୍ତାରେ ୧୮ କି:ମି ବାଟ ଯିବାପରେ କିଆପଦର ଠାରୁ ୩ କିଲୋମିଟର ଦୂରବର୍ତ୍ତୀ ନିର୍ଜନ ଘଞ୍ଚ ଜଙ୍ଗଲ ରାସ୍ତାରେ ଜଣେ ମାନସିକ ଭାରସାମ୍ୟ ହରାଇ ଥିବା ମହିଳା ଏକୁଟିଆ ପଡି ରହିଥିବା ଦେଖିବାକୁ ମିଳିଥିଲା। ଗଣମାଧ୍ୟମ ର ଦୁଇ ଜଣ ପ୍ରତିନିଧି କୌଣସି ସୁତ୍ରରୁ ଖବରପାଇ ଦୁଇ ଜଣ ବନବିଭାଗ କର୍ମଚାରୀଙ୍କ ସହାୟତା ରେ ଉଦ୍ଧାର କରିଥିଲେ। ମହିଳା ଜଣକ ସ୍ପଷ୍ଟରୂପେ ନିଜର ପରିଚୟ ଦେଇପାରୁ ନ ଥିବା ବେଳେ ସେ ବଲାଙ୍ଗୀର ଜିଲ୍ଲା ସଜବାହାଲ ଗ୍ରାମର ବୋଲି ଜଣାପଡିଛି। ତେବେ ମହିଳା ଜଣଙ୍କର ସ୍ୱାମୀ ଙ୍କ ମ୍ରୁତ୍ୟୁ ପରେ ପୁଅବୋହୂ ଙ୍କ ନିର୍ଯ୍ୟାତନା ସହି ନ ପାରି ୩ବର୍ଷ ହେଲା ଘରଛାଡି ଚାଲି ଚାଲି ଏଣେତେଣେ ଘୁରିବୁଲୁ ଥିଲେ। ଶେଷରେ ବୁଲିବୁଲି କର୍ଲାପାଟ ଅଭୟାରଣ୍ୟ କୁ ଚାଲି ଯାଇଥିଲେ। କେହି ଦୟାରେ ଯାହାକିଛି ଦେଲେ ଭୋକ ମେଣ୍ଟାଉଥିଲେ। ଜଙ୍ଗଲ ରାସ୍ତା ଦେଇ ଅନେକ ଲୋକ ଯାତାୟାତ କରୁଥିଲେ ହେଁ କେହି ଦ୍ରୁଷ୍ଟିପାତ କରୁ ନ ଥିଲେ। ଘଞ୍ଚ ଜଙ୍ଗଲ ମଧ୍ୟରେ ହିଂସ୍ର ପ୍ରାଣୀ ଙ୍କ ଚରାଭୂଇଁ ପାଲଟିଥିବା ବେଳେ ସୌଭାଗ୍ଯ କ୍ରମେ ସେ ବର୍ତ୍ତି ଯାଇ ଥିଲେ। ଅଭୟାରଣ୍ୟ ରେ ଫରେଷ୍ଟ ଗାର୍ଡ ଭାବେ କାର୍ଯ୍ୟକରୁଥିବା ଅରୁଣ କୁମାର ହରିଚନ୍ଦନ ଓ ସଂଜୟ ବିଶିଙ୍କ ଦ୍ରୁଷ୍ଟି ପଡିବାରୁ କିଛି ଦିନ ବିସ୍କୁଟ ଓ ପାଣି ଦେଇ ସହାୟତା କରିଥିଲେ। କିଛି ଦିନ ବିତିଗଲା ପରେ କିନ୍ତୁ ୨ ଗଣମାଧ୍ୟମ ପ୍ରତିନିଧି ଚିତ୍ତରଂଜନ ବିଶି ଓ ଯଶୋବନ୍ତ ଧଙ୍ଗଡାମାଝୀ ମାନବିକତା ର ଉଦାହରଣ ପାଲଟି ମହିଳା ଜଣକୁ ଉଦ୍ଧାର କରି ଜିଲ୍ଲା ମୂଖ୍ଯ ଚିକିତ୍ସାଳୟରେ ଭର୍ତ୍ତି କରିଥିଲେ। ଜିଲ୍ଲାପାଳ ଏ ସଂକ୍ରାନ୍ତ ରେ ଅବଗତ ହେବାପରେ ମୂଖ୍ଯ ଚିକିତ୍ସା ଅଧିକାରୀ ସମସ୍ତ ପ୍ରକାର ଚିକିତ୍ସା ର ବ୍ୟବସ୍ଥା କରିଥିଲେ। ପରେ ଅସହାୟ ବାଳିକା ଓ ମହିଳା ଙ୍କ ସେବାରେ ତତ୍ପର ଥିବା ୱାନ୍ ଷ୍ଟପ୍ ସେଣ୍ଟର ର ପରିଚାଳିକା ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମହିଳା ଙ୍କ ସମସ୍ତ ପ୍ରକାର ସେବା ସୁଶ୍ରୁଷାକରି ଜିଲ୍ଲା ସମାଜମଙ୍ଗଳ ଅଧିକାରୀ ଙ୍କ ନିର୍ଦ୍ଦେଶ କ୍ରମେ ଧର୍ମଗଡ଼ ସ୍ଥିତ ଯଶୋଦା ଅନାଥାଶ୍ରମ କୁ ସ୍ଥାନାନ୍ତର କରାଯାଇ ଥିଲା। ସମାଜରେ ବର୍ତ୍ତମାନ ମଧ୍ଯ କିଛି ଲୋକଙ୍କ ଠାରେ ମାନବ ସେବା ହିଁ ଇଶ୍ୱର ସେବା ଭଳି ଉକ୍ତି ଜୀବିତ ରହିଥିବା ଅତ୍ଯନ୍ତ ପ୍ରଶଂସନୀୟ ବୋଲି ଆଲୋଚନା ର ବିଷୟ ହୋଇଛି।