ପ୍ରତିଶୃତି ଭୁଲି ଉପଭୋକ୍ତା ଙ୍କ ଉପରେ ଜୁଲମ୍ କରୁଛି ଟାଟା ପାୱାର….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ଉପଭୋକ୍ତା ଙ୍କ ଉପରେ ବକେୟା ଟଙ୍କା ଆଦାୟ ଆଳରେ ଜୁଲମ୍ କରୁଛି ଟାଟା ପାୱାର । ୨ ବର୍ଷରେ ସଂସ୍କାର ବଦଳରେ ଟାଟା ପାୱାର ବିଜୁଳି ବ୍ୟବସ୍ଥାକୁ ହୁଗୁଲା କରିଛି । ଟାଟାର ଏଭଳି କାର୍ଯ୍ୟ ବିରୁଦ୍ଧରେ ପ୍ରତିରୋଧର ସ୍ୱର ଉଠାଇଛନ୍ତି ଜନତା । ଏଥିପାଇଁ ଉପଭୋକ୍ତା ସଙ୍ଘ ଓ ସାଧାରଣ ଜନତା ଏକାଠି ହୋଇ ଅଣ୍ଟା ଭିଡ଼ିଲେଣି । ବିଦ୍ୟତ କ୍ଷେତ୍ରରେ ସଂସ୍କାର ଆଣିବା ପାଇଁ ରାଜ୍ୟ ସରକାର ଘରୋଇ କରଣ କରି ଟାଟାକୁ ପାୱାରକୁ ୨୦୨୦ ମସିହାରେ ଦାଇତ୍ୱ ଦେଲେ । ବିଦ୍ୟୁତ ବିତରଣ ର କ୍ଷତି କମାଇବା ସହ ଭିତ୍ତି ଭୂମି ବିକାଶ ଜରିଆରେ ସଂସ୍କାର ଆଣିବା ପାଇଁ ପ୍ରତିଶ୍ରୁତି ବଦ୍ଧ ହୋଇ ଟାଟା ପାୱାର ଦାୟିତ୍ୱ ନେଇ ଥିଲା । ଦାୟିତ୍ୱ ନେବାର ୨ ବର୍ଷ ପରେବି ବିତରଣ କ୍ଷତି କମାଇ ପାରିନି । ପରନ୍ତୁ ନିଜ ଦାୟିତ୍ୱ ଭୁଲି ଟାଟା ମନ୍ ମାନି ଜାହିର କରି ଉପଭୋକ୍ତା ଙ୍କୁ ଶୋଷଣ କରିବାରେ ଲାଗିପଡିଛି । ନିଜର ଭୁଲ ପାଇଁ ଶୁଳ୍କ ଵୃଦ୍ଧି କରି ଜନସଧାରଣ ଙ୍କ ମୁଣ୍ଡର ବୋଝ ଲଦି ଦେବାକୁ ବର୍ତ୍ତମାନ ଓଇଆରସିର ଜନ ଶୁଣାଣୀ ରେ ଟାଟା ପାୱାର ନିଜର ଉଦ୍ୟମ ଚଳାଇ ଥିବା ଅଭିଯୋଗ ଉଠିଛି । ପୂର୍ବ ବର୍ଷ ପ୍ରଥମେ ୨୦ ପଇସା ଏବଂ ପରେ ୩୦ ପଇସା କରି ମୋଟ ୫୦ ପଇସା ବୃଦ୍ଧି କରି ଟାଟା ଉପଭୋକ୍ତା ଙ୍କ ମୁଣ୍ଡରେ ବୋଝ ଲଦିଦେଇଛି । ଆମ ରାଜ୍ୟରେ ବର୍ତ୍ତମାନ ସାତ ହଜାର ୟୁନିଟ ବିଦ୍ୟୁତ ସର୍ପଲେସ ଥିବା ବେଳେ କାହିଁକି ବିଦ୍ୟୁତ ଶୁକ୍ଳ ଵୃଦ୍ଧି ହେବ ବୋଲି କଥା ଉଠିଛି । ନିଯୁକ୍ତି ପ୍ରାପ୍ତ ମିଟର ରିଡ଼ର ମାନେ ସେମାନଙ୍କ କାର୍ଯ୍ୟ ସଠିକ ଭାବେ ତୁଲାଉ ଥିବାବେଳେ ଟାଟା ଦ୍ୱାରା ନିଯୁକ୍ତି ପ୍ରାପ୍ତ କମ୍ପାନୀର କର୍ମଚାରୀ ଏମାନଙ୍କୁ ଶୁଳ୍କ ବୃଦ୍ଧି କରି ବିଲ ଦେବା ନିମନ୍ତେ ପ୍ରବର୍ତ୍ତାଉଥିବା  ଏବଂ ଏହାକୁ ନମାନିଲେ ଛଟେଇ କରୁଥିବା ଅଭିଯୋଗ ଆସିଛି । ଏଭଳି ବର୍ଦ୍ଧିତ ଶୁଳ୍କର ବୃଦ୍ଧିକୁ ଉପଭୋକ୍ତା ବିରୋଧ କଲେ ସେମାନଙ୍କ ମିଟର ଠିକ ନଥିବା କହି ମିଟର ବଦଳାଇବା କୁ ତାଗିଦ କରିବା ସହ ବିଦ୍ୟୁତ ସଂଯୋଗ ବିଛିନ୍ନ କରୁଥିବା ଅଭିଯୋଗ ହେଉଛି । ଉପୋଭୋକ୍ତା ଙ୍କ ବୃହତ୍ ସ୍ୱାର୍ଥ ଦୃଷ୍ଟି ରୁ ସରକାର ଏଥି ପ୍ରତି ଦୃଷ୍ଟି ଦେଇ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ସାଧାରଣ ରେ ଦାବି ହେଉଛି ।

ପୁଣି ଥରାଇବ ଶୀତ ; ଆଜିଠୁ ଖସିବ ପାରଦ….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ଆଜିଠୁ ପୁଣି ବଢ଼ିବ ଶୀତ । ବର୍ଷାର ପରିମାଣ କମିବା ସହ ଶୀତ ବଢ଼ିବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ୩ରୁ ୪ ଡିଗ୍ରୀ ପର୍ଯ୍ୟନ୍ତ ଖସିପାରେ ପାରଦ । କିଛି ସ୍ଥାନରେ ସ୍ୱାଭାବିକ ଏବଂ କିଛି ସ୍ଥାନରେ ସ୍ୱାଭାବିକଠାରୁ କମ୍ ରହିପାରେ ତାପମାତ୍ରା । ରାଜଧାନୀ ଭୁବନେଶ୍ୱରରେ ଆଜି ସର୍ବନିମ୍ନ ତାପମାତ୍ରା ୧୭ ଡିଗ୍ରୀକୁ ଖସିପାରେ  । ସେହିପରି ବାକି ସହରରେ ମଧ୍ୟ ପାରଦ ଖସିବା ନେଇ ଆକଳନ କରିଛି ପାଣିପାଗ ବିଭାଗ । ତେବେ ମାଲକାନଗିରି, କୋରାପୁଟ, ରାୟଗଡ଼ା, ଗଜପତି, ନବରଙ୍ଗପୁର ଏବଂ ଗଂଜାମ ଜିଲ୍ଲାର କିଛି ସ୍ଥାନରେ ବର୍ଷା ସମ୍ଭାବନା ରହିଛି  । ବାକି ଜିଲ୍ଲାରେ ଗୋଟିଏ ଦୁଇଟି ସ୍ଥାନରେ ହୋଇପାରେ ବର୍ଷା । ଆସନ୍ତାକାଲିଠୁ ଶୁଖିଲା ପାଗ ଥିବା ବେଳେ କୁହୁଡ଼ି ବଢ଼ିବ । ଆସନ୍ତାକାଲି ସାମାନ୍ୟରୁ ମଧ୍ୟମ ଧରଣର କୁହୁଡ଼ି ରହିପାରେ  । ୧୮ ଏବଂ ୧୯ ତାରିଖରେ ସକାଳେ ଘନ କୁହୁଡ଼ି ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ।

ନୂଆଗାଁ କାଳିମନ୍ଦିର ଠାରୁ ବେହେରା ସାହି ରାସ୍ତା ମଝିରେ କୃତିମ ପୋଖରି …!

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!! 

ଏଥର ସମ୍ଭାଳ(ବ୍ରହ୍ମପୁର)- ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ବୁରୁଝରି ଗ୍ରାମପଞ୍ଚାୟତ ର ନୂଆଗାଁ କାଳି ମନ୍ଦିର ଠାରୁ ବେହେରା ସାହି ବା ଗୁଡ଼ିଆ ନାଳ ରାସ୍ତା ମଝିରେ ପୋଖରି ସଦୃଶ ପାଣି ଜମି ରହୁଛି। ଫଳରେ ଏହି ରାସ୍ତା ଦେଇ ଯିବା ଆସିବାରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଗ୍ରାମବାସୀ । ଏ ନେଇ ବିଭାଗୀୟ ଅଧିକାରୀ ଙ୍କ ସହ ଯୋଗାଯୋଗ କରିବା ପାଇଁ ଚେଷ୍ଟା କରିଥିଲେ ମଧ୍ଯ ସମ୍ଭବ ପର ହୋଇପାରିନାହିଁ । ଏ ନେଇ ଗ୍ରାମବାସୀ ମାନେ ମୌଖିକ ଭାବେ ବିଭାଗୀୟ ଅଧିକାରୀ ଏବଂ ନିର୍ବାଚିତ ଜନପ୍ରତିନିଧିଙ୍କୁ ଜଣାଇଥିଲେ ମଧ୍ୟ କିଛି ସୁଫଳ ମିଳିନାହିଁ ବୋଲି ପ୍ରକାଶ କରିଛନ୍ତି । ଦେଖାଯାଉ କେବେ ଏହି ରାସ୍ତା ଉପରେ ଅଧିକାରୀ ଏବଂ ନିର୍ବାଚିତ ଜନପ୍ରତିନିଧି ଙ୍କ ନଜର ପଡୁଛି ତାହା ଦେଖିବାକୁ ବାକି ରହିଲା ।

ସହର ତଳି ଅଞ୍ଚଳକୁ ବ୍ରହ୍ମପୁର ମହାନଗର ନିଗମରେ ସାମିଲ କରିବା ଦାବୀରେ କ୍ରିୟାନୁଷ୍ଠାନ କମିଟି ତରଫରୁ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ଏବଂ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଦାବୀ ପତ୍ର ପ୍ରଦାନ।

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!! 

ଏଥର ସମ୍ଭାଳ(ବ୍ରହ୍ମପୁର)- ବହ୍ମପୁର ସହର ସନ୍ନିକଟ ଅଞ୍ଚଳ ଏବଂ ପାର୍ଶ୍ଵବର୍ତ୍ତୀ ପଞ୍ଚାୟତକୁ ବ୍ରହ୍ମପୁର ମହାନଗର ନିଗମରେ ସାମିଲ ନେଇ ଗଠିତ ସହର ତଳି ଅଞ୍ଚଳ ମିଳିତ କ୍ରିୟାନୁଷ୍ଠାନ କମିଟି ତରଫରୁ ପଞ୍ଚାୟତ ଏବଂ ପୌର ନିର୍ବାଚନ ପୂର୍ବରୁ ମହାନଗର ନିକଟସ୍ଥ ସହର ତଳି ଅଞ୍ଚଳ ଏବଂ ୧୮ ଟି ପାର୍ଶ୍ଵବର୍ତ୍ତୀ ପଞ୍ଚାୟତକୁ ବ୍ରହ୍ମପୁର ମହାନଗର ନିଗମରେ ସାମିଲ କରିବା ଦାବୀ ନେଇ ଆଜି ସହର ତଳି ଅଞ୍ଚଳ ମିଳିତ କ୍ରିୟାନୁଷ୍ଠାନ କମିଟି ତରଫରୁ ପୂର୍ବ ନିର୍ଦ୍ଧାରିତ ନିଷ୍ପତ୍ତି ଅନୁଯାୟୀ ବ୍ରହ୍ମପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯିବା ସହ ପ୍ରତୀକାତ୍ମକ ଧାରଣା ଦିଆଯାଇଥିଲା। କମିଟି ସଭାପତି ସଞ୍ଜୀବ କୁମାର ପଟ୍ଟନାୟକଙ୍କ ନେତୃତ୍ବରେ କମିଟିର ବହୁ କାର୍ଯ୍ୟକର୍ତ୍ତା ଏବଂ ସଦସ୍ୟ ଆଜିର ବିକ୍ଷୋଭ କାର୍ଯ୍ୟକ୍ରମରେ ଯୋଗଦେଇ ସହର ତଳି ଅଞ୍ଚଳକୁ ବିଏମସି ସାମିଲ କରି ଏକ ପୂର୍ଣ୍ଣାଙ୍ଗ ଏବଂ ବୃହତ୍ତର ମହାନଗର ନିଗମ ଗଠନ ନେଇ ସ୍ଲୋଗାନ ଦେବା ସହ ଏନେଇ ଏକ ଦାବୀ ପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଉପଜିଲ୍ଲାପାଳଙ୍କୁ ପ୍ରଦାନ କରିଥିଲେ।

ଏଠାରେ ସୂଚନାଯୋଗ୍ୟ ଯେ ମହାନଗର ସନ୍ନିକଟ ଅଞ୍ଚଳ ତଥା ପାର୍ଶ୍ଵବର୍ତ୍ତୀ ୧୮ ଟି ପଞ୍ଚାୟତକୁ ସରକାର ଜାରୀ କରିଥିବା ୨୦୦୮ ଗେଜଟ ନୋଟିଫିକେସନ ଅନୁଯାୟୀ ମହାନଗର ସାମିଲ କରିବା ଦାବୀ ନେଇ ସହର ତଳି ଅଞ୍ଚଳ ମିଳିତ କ୍ରିୟାନୁଷ୍ଠାନ କମିଟି ଦୀର୍ଘ ୧୩ ବର୍ଷ ହେଲା ବିଭିନ୍ନ ପର୍ଯ୍ୟାୟରେ ଆନ୍ଦୋଳନ କରିଆସୁଛି। ଏନେଇ ଆରଡିସିଙ୍କ ଠାରୁ ଆରମ୍ଭ କରି ସ୍ଥାନୀୟ ଜନପ୍ରତିନିଧି ଏବଂ ମୁଖ୍ୟମନ୍ତ୍ରୀଙ୍କ ପର୍ଯ୍ୟନ୍ତ ବହୁ ବାର ଦାବୀ ପତ୍ର ଦିଆଯାଇଛି, ଆଜିର ଦାବୀ ପତ୍ରକୁ ମିଶାଇ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଏହା ତୃତୀୟ ବାର ଦାବୀ ପତ୍ର ପ୍ରଦାନ କାର୍ଯ୍ୟକ୍ରମ ଅଟେ । ସବୁଠାରେ କେବଳ ପ୍ରତିଶ୍ରୁତି ଛଡ଼ା ଆଉ କିଛି ମିଳିନାହିଁ ବୋଲି ସଭାପତି ଅତି କ୍ଷୋଭର ସହ କହିଛନ୍ତି। ବ୍ରହ୍ମପୁର ମହାନଗର ନିଗମ ସାରା ଭାରତ ବର୍ଷରେ ସବୁଠାରୁ କ୍ଷୁଦ୍ରତମ ମହାନଗର ନିଗମ ହେଇଥିଲ ମଧ୍ୟ ସରକାର ଲୋକଙ୍କ ଦାବୀ ସ୍ଵତ୍ତେ ସହର ତଳି ଅଞ୍ଚଳକୁ ମିଶ୍ରଣ କରି ଏକ ପୂର୍ଣ୍ଣାଙ୍ଗ ଏବଂ ବୃହତ୍ତର ମହାନଗର ନିଗମ ଗଠନ କରିବାରେ କାହିଁକି ଆଜି ପର୍ଯ୍ୟନ୍ତ ପଦକ୍ଷେପ ନେବାରେ ଅସମର୍ଥ ରହି ଆସିଛନ୍ତି ତାହାର କାରଣ ଏପର୍ଯ୍ୟନ୍ତ ଅବୁଝା ହୋଇ ରହିଛି। କମିଟି ସଭାପତି କହିଛନ୍ତି ଯେ ମିଶ୍ରଣ ପକ୍ରିୟା ସାକାର ହେଲେ ମହାନଗର ନିଗମ ଅଧିନକୁ ଲୋଚାପଡ଼ା ପଞ୍ଚାୟତ ସହ ନିମଖଣ୍ଡି, ଜଗଦଳପୁର, ଦକ୍ଷିଣପୁର, ଲାଠି,ଅଙ୍କୁଶପୁର, ବଡକୁଷସ୍ଥଳି, ଡୁରା, ଗଞ୍ଜୁ, କନିଶି, ହଳଦିଆପଦର ଓ ଗୋଳବନ୍ଧ ଆର୍ମି ଟ୍ରେନିଙ୍ଗ ସ୍କୁଲ ଏହିଭଳି ମହାନଗର ସନ୍ନିକଟ ୧୮ ଟି ପଞ୍ଚାୟତ ଏବଂ ଏହାର ବାସିନ୍ଦା ମହାନଗର ନିଗମରେ ସାମିଲ ହୋଇ ମୌଳିକ ସୁବିଧା ସୁଯୋଗ ହାସଲ କରିପାରି ଥାନ୍ତେ ,ଯେଉଁଥିରେ ସାଠିଏ ହଜାରରୁ ଉର୍ଦ୍ଧ୍ବ ଘର ଓ ଦୁଇ ଲକ୍ଷରୁ ଉର୍ଦ୍ଧ୍ଵ ଜନସାଧାରଣ ସାମିଲ ଅଛନ୍ତି। ସେହିଭଳି ବ୍ରହ୍ମପୁର ସହର ନିକଟରେ ଥିବା ତହସିଲ ଏବଂ ଥାନାର ତ୍ୱରିତ ସେବା ମଧ୍ୟ ପାଇବାରେ ସକ୍ଷମ ହୁଅନ୍ତେ। ତତ୍ ସହିତ ମହାନଗର ନିଗମରେ ଏହି ସବୁ ନୂତନ ଅଞ୍ଚଳ ଓ ଅଞ୍ଚଳ ବାସି ସାମିଲ ହେଲେ ମହାନଗର ନିଗମ ଏବଂ ଏହି ସବୁ ଅଞ୍ଚଳର ଭିତ୍ତିଭୂମି ସଜାଡ଼ିବା ଏବଂ ମୌଳିକ ସୁବିଧା ସୁଯୋଗର ଉପଲବ୍ଧି ନିମନ୍ତେ କେନ୍ଦ୍ର ସରକାରଙ୍କ ନିକଟରୁ ପ୍ରଚୁର ଅନୁଦାନ ଆସିପରିଥନ୍ତା। ଯାହାର ସୁଫଳ ସମସ୍ତଙ୍କୁ ମିଲିପରିଥନ୍ତା। ଏତେ ସବୁ ସ୍ଵତ୍ତେ ଏବଂ ଗଞ୍ଜାମ ଜିଲ୍ଲାରୁ ମୁଖ୍ୟମନ୍ତ୍ରୀଙ୍କ ପ୍ରତିନିଧିତ୍ଵ ସ୍ଵତେ ମିଶ୍ରଣ ନେଇ ରାଜନୈତିକ ଇଚ୍ଛା ଶକ୍ତି ପ୍ରକାଶ ନପାଇବା ବିଡ଼ମ୍ବନାର ବିଷୟ ବୋଲି ସଭାପତି ସଞ୍ଜୀବ କୁମାର ପଟ୍ଟନାୟକ ପ୍ରକାଶ କରିଛନ୍ତି। ଏପରିକି ସାମିଲ ହେବା ପାଇଁ ଲୋଚାପଡ଼ା ଏବଂ ଅନ୍ୟ ତିନୋଟି ଗ୍ରାମ ନିଜ ନିଜ ପଞ୍ଚାୟତରେ ସଂକଳ୍ପ ପତ୍ର ପାସ କରିଦେଲା ପରେ ମଧ୍ୟ ସରକାର ତାହାକୁ ଅଣଦେଖା କରିଆସୁଛନ୍ତି।କମିଟି ମିଶ୍ରଣ ନେଇ ସମସ୍ତ ଉପଲବ୍ଧ ମାର୍ଗ ଆପଣେଇ ସମସ୍ତ ପ୍ରକାର ପ୍ରଚେଷ୍ଟା କରିଥିଲେ ମଧ୍ୟ ସରକାରଙ୍କୁ ନିଦରୁ ଉଠେଇବାରେ ବିଫଳ ହେବାରୁ ପରିଶେଷରେ କମିଟି ହାଇ କୋର୍ଟ ଙ୍କ ଦ୍ଵାରସ୍ଥ ହେଇଛି। ଇତି ମଧ୍ୟରେ ମହାନଗର ନିଗମ ଗଠନପରେ ଦୁଇଟି ନିର୍ବାଚନ ହୋଇ ତୃତୀୟ ନିର୍ବାଚନ ହେବାକୁ ଯାଉଛି ତେଣୁ ସରକାର ଏଇଥର ମିଶ୍ରଣ ନେଇ ସରକାର କିଛି ଠୋସ ପଦକ୍ଷେପ ନନେଲେ ଲୋକଙ୍କ ଆକ୍ରୋଶର ଶିକାର ହେବା ସୁନିଶ୍ଚିତ ତେଣୁ ବେଳ ଥାଉ ଥାଉ ସରକାର କିଛି ପଦକ୍ଷେପ ନେବାର ଆବଶ୍ୟକତା ରହିଛି ସହର ମଧ୍ୟରେ ଗ୍ରାମର ଭ୍ରମ କେବେ ଦୂର ହେବ ଦେଖିବାକୁ ବାକି ରହିଲା ।ମିଶ୍ରଣ ପକ୍ରିୟା ସାକାର ରୂପ ନନେଲା ପର୍ଯ୍ୟନ୍ତ ଆଇନଗତ ଲଢେଇ ସହ ସାମାଜିକ ଓ ରାଜନୈତିକ ସ୍ତରରେ ଲଢେଇ କମିଟି ଜାରୀ ରଖିବ ବୋଲି କମିଟି ସ୍ତରରେ ନିଷ୍ପତ୍ତି ନିଆଯାଇଛି। ଆଜିର ପ୍ରତିବାଦ ସଭାରେ ସଭାପତିଙ୍କ ବ୍ୟତୀତ କାର୍ଯ୍ୟକାରୀ ସଭାପତି ନାରାୟଣ ଚନ୍ଦ୍ର ପାଇଛା, ଉପସଭାପତି ହରିହର ନାୟକ, ସାଧାରଣ ସମ୍ପାଦକ ଶିବ ପ୍ରସାଦ ମିଶ୍ର, ସଂଗଠନ ସମ୍ପାଦକ ବିଜୟ ଚନ୍ଦ୍ର ମିଶ୍ର, ଯୁଗ୍ମ ସମ୍ପାଦକ ଟି ସୁଦେଶ କୁମାର ପାତ୍ର, ସହ ସମ୍ପାଦକ ବି ଭି ସାଗର, ସଂଯୋଜକ ସି ଏଚ ରାମକୃଷ୍ପୁ ଦାସ, ସହ ସଂଯୋଜକ ଶ୍ରୀମନ୍ତ ପାଣିଗ୍ରାହୀ, କୋଷାଧ୍ୟକ୍ଷ ଏମ ଲାବଣ୍ୟ ପାତ୍ର,ସହ କୋଷାଧ୍ୟକ୍ଷ କେ ସୁଦାମ ପାତ୍ର, ଉପଦେଷ୍ଟା ପ୍ରଫେସର ରଙ୍ଗନାଥ ମିଶ୍ର ଓ ଲକ୍ଷ୍ମଣ ପାତ୍ର ଏବଂ କାର୍ଯ୍ୟକରୀ ସଦସ୍ୟ ଅନ୍ତର୍ଯ୍ୟାମୀ ବେହେରା, ଅଜିତ୍ ପଟ୍ଟନାୟକ, କାହ୍ନୁ ଚରଣ ପତି, ସିଲ୍ଲା ବୈରୀ, ଗଣେଶ ଦାସ,ପି କେ ଦାସ, କିଶୋର ପାତ୍ର, ଅମୀୟ ପଟନାୟକ, ଇ ଟି ରାଓ, ହିମାଂଶୁ ପାଣିଗ୍ରାହୀ, ଅଶୋକ ପାଣିଗ୍ରାହୀ, ବସନ୍ତ ପଟ୍ଟନାୟକ, ଜଗନ୍ନାଥ ପ୍ରଧାନ, ଏମ ପ୍ରକାଶ ପାତ୍ର, ଶ୍ରୀକାନ୍ତ ପଢିହାରୀ, ବୃନ୍ଦାବନ ପଟ୍ଟନାୟକ, ଅନିଲ ଅଧିକାରୀ, ଶଙ୍କର୍ଷଣ ସାହୁ, କବିରାଜ ରାଉତ, କୁମାର ସ୍ବାମୀ ପାତ୍ର, ବିଜୟ ଚନ୍ଦ୍ର ମହାରଣା, ଶ୍ୟାମ ସୁନ୍ଦର ଖାଡଙ୍ଗା, ରାଜା ସାହୁ, ଅଶୋକ କୁମାର ପାଣିଗ୍ରାହୀ, ଏ ଚ ଏସ ପାଣିଗ୍ରାହୀ,ପ୍ରଣବ କୁମାର ଦାସ, ଜବାହାରଲାଲ ପାତ୍ର , ଲଳିତ ରଥ ଏବଂ ସୁରେନ୍ଦ୍ର କୁମାର ପାତ୍ର ପ୍ରମୁଖ ବହୁ ସଦସ୍ୟ ଉପସ୍ଥିତ ଥିଲେ।

୧୬୨ ଦିନରେ କର୍ମଚାରୀଙ୍କ ଆନ୍ଦୋଳନ, ସାମିଲ ହେଲେ ବାପା-ମାଆ….!

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ(ବ୍ରହ୍ମପୁର)- ‘ଟାଟା ପାୱାର ଡାଉନ୍‌ ଡାଉନ୍‌। ସ୍ଥାୟୀ କାମର ଅସ୍ଥାୟୀ ନିଯୁକ୍ତି ବନ୍ଦ କର।’ ଏଭଳି କିଛି ନାରା ବାଜି ଦେଇ ଦୀର୍ଘ ଦେଢ଼ ମାସରୁ ଅଧିକ ଦିନ ହେବ ଧାରଣାରେ ବସିଛନ୍ତି ବିଦ୍ୟୁତ କର୍ମଚାରୀ।  ଓଡ଼ିଶା ବିଜୁଳି କର୍ମଚାରୀ ସଂଘର ଏହି ଆନ୍ଦୋଳନରେ ଏବେ କର୍ମଚାରୀଙ୍କ ବାପା ମାଆ ସାମିଲ ହୋଇଛନ୍ତି।  ଟାଟା ପାଓ୍ୱାର ସାଉଥ୍ ଓଡ଼ିଶା ଡିଷ୍ଟ୍ରବ୍ୟୁସନ ଲିମିଟେଡ୍‌ ବ୍ରହ୍ମପୁର ଅଫିସ ଆଗରେ ବିଜୁଳି କର୍ମଚାରୀମାନେ ୧୬୨ ଦିନ ହେଲା ଧାରଣାରେ ବସିଛନ୍ତି। ଆନ୍ଦୋଳନକାରୀଙ୍କ କହିବା କଥା, ୨୦୧୮ର ଚୁକ୍ତି ଅନୁସାରେ ୨ଶହ ଆଉଟ ସୋର୍ସ କର୍ମଚାରୀଙ୍କୁ ସ୍ଥାୟୀ କରିବାର ପ୍ରତିଶ୍ରୁତି ଦିଆଯାଇଥିଲା କିନ୍ତୁ ଏହି ଚୁକ୍ତିକୁ କାର୍ଯ୍ୟକାରୀ ନ କରି ରାଜ୍ୟ ସରକାର ସାଉଥ୍‌କୋକୁ ଟାଟା କମ୍ପାନୀ ହାତରେ ଟେକି ଦେଇଥିଲେ।  ଏବେ ପୁରୁଣା ଚୁକ୍ତିକୁ ଟାଟା କାର୍ଯ୍ୟକାରୀ ନ କରି ନୂଆ କଣ୍ଟ୍ରାକ୍ଟ ଅଧୀନରେ କାମ କରିବାକୁ ସେହି କର୍ମଚାରୀଙ୍କୁ ବାଧ୍ୟ କରୁଛନ୍ତି। ଏହାକୁ ନେଇ କର୍ମଚାରୀମାନେ ଧରାଣାରେ ବସିଛନ୍ତି। ଦୀର୍ଘ ଦେଢ଼ ମାସରୁ ଅଧିକ ଦିନ ହେଲା ଆନ୍ଦୋଳନରେ ବସିଛନ୍ତି ବିଜୁଳି କର୍ମଚାରୀ। ଏମାନଙ୍କୁ ଦରମା ମିଳିନଥିବାରୁ ପରିବାରବର୍ଗ ହନ୍ତସନ୍ତ ହେଉଛନ୍ତି।  ତେଣୁ ଶେଷରେ ଏବେ ବାଧ୍ୟ ହୋଇ କର୍ମଚାରୀଙ୍କ ବାପା ମାଆ ପରିବାରବର୍ଗ ମଧ୍ୟ ଏହି ଆନ୍ଦୋଳନରେ ସାମିଲ ହୋଇଛନ୍ତି। ଯଦି ଆଗକୁ ଦାବି ପୂରଣ ନହୁଏ ତେବେ ଆମେ ଅନଶନରେ ବସିବୁ ବୋଲି ଆନ୍ଦୋଳନରତ କର୍ମଚାରୀଙ୍କ ପରିବାର ବର୍ଗ ଚେତାବନର ଦେଇଛନ୍ତି।

ରାମକୃଷ୍ଣ ପଟ୍ଟନାୟକ ଙ୍କ ବିୟୋଗରେ ଶୋକପ୍ରକାଶ କଲେ ଖଲ୍ଲିକୋଟ ରାଣୀ ମା

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ(ବେଗୁନିଆପଡା)- ବିଶିଷ୍ଟ ରାଜନେତା ତଥା ପୂର୍ବତନ ଅର୍ଥମନ୍ତ୍ରୀ ଏବଂ ଗଞ୍ଜାମ ଟାଇଗର ନାମରେ ପରିଚିତ ରାମକୃଷ୍ଣ ପଟ୍ଟନାୟକଙ୍କ ବିୟୋଗରେ ଗଞ୍ଜାମ ଜିଲ୍ଲା ଖଲ୍ଲିକୋଟ ରାଣୀ ମା ତଥା ଖଲ୍ଲିକୋଟ ଏବଂ କବିସୂର୍ଯ୍ଯନଗର ନିର୍ବାଚନ ମଣ୍ଡଳୀ ର ପୂର୍ବତନ ବର୍ଷିଆନ୍ ବିଧାୟୀକା ଭି.ସୁଜ୍ଞାନ କୁମାରୀ ଦେଓ ଗଭୀର ଶୋକପ୍ରକାଶ ସହ ପରଲୋକଗତ ଆତ୍ମାର ସଦ୍‌ଗତି କାମନା କରିବା ସହିତ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି । ଏଥିସହିତ ଗଞ୍ଜାମ ଜିଲ୍ଲା ତଥା ଓଡିଶାର ବିକାଶ କ୍ଷେତ୍ରରେ ତାଙ୍କର ଗୁରୁତ୍ବପୂର୍ଣ୍ଣ ଅବଦାନ ରହିଥିଲା । ଗଞ୍ଜାମ କୋଦଳା ନିର୍ବାଚନ ମଣ୍ଡଳୀରୁ ରାମକୃଷ୍ଣ ପଟ୍ଟନାୟକ ୫ ଥର ନିର୍ବାଚିତ ହୋଇଥିଲେ । ୧୯୭୭, ୧୯୮୫, ୧୯୯୦, ୧୯୯୫ ଓ ୨୦୦୦ ମସିହାରେ କୋଦଳା ନିର୍ବାଚନ ମଣ୍ଡଳୀରୁ ରାଜ୍ୟ ବିଧାନସଭା ଆସନରେ ଜିତିଥିଲେ । ୨୦୦୦ରୁ ୨୦୦୨ ଯାଏଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରଥମ ପାଳିରେ ଅର୍ଥମନ୍ତ୍ରୀ ରହିଥିଲେ ସ୍ଵର୍ଗତ ପଟ୍ଟନାୟକ ।

କୋଦଳା ତହସିଲ କାର୍ଯ୍ଯାଳୟ ସମ୍ମୁଖରେ ଗର୍ଜିଲେ ଚାଷୀ; ତହସିଲଦାର ଙ୍କ ରିପୋଟ ରେ ଆସନ୍ତୁଷ୍ଟ ଚାଷୀ …!

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ(କୋଦଳା)- ଗତ ଜଓ୍ବାଦ ବାତ୍ୟା ପ୍ରଭାବରେ ଗଞ୍ଜାମ ଜିଲ୍ଲା ଚାଷୀ ବିଶେଷ ଭାବରେ ପ୍ରଭାବିତ ହୋଇଛନ୍ତି। ଲଗାଣ ବର୍ଷା ଯୋଗୁଁ ଶହଶହ ଏକର ଜମିରେ ଧାନ ଫସଲ ସଂପୂର୍ଣ୍ଣ ଭାବେ ନଷ୍ଟ ହୋଇଯାଇଛି। ଦୀର୍ଘଦିନ ବିତି ଯାଇଥିଲେ ମଧ୍ୟ ଏଯାବତ୍ ଚାଷୀ କୌଣସି ପ୍ରକାର ସହାୟତା ପାଇ ପାରି ନାହାନ୍ତି। ଯାହାକୁ ନେଇ ଗଞ୍ଜାମ ଜିଲ୍ଲା କୋଦଳା ତହସିଲ ଅନ୍ତର୍ଗତ ହଜାର ହଜାର କ୍ଷତିଗ୍ରସ୍ତ ଚାଷୀ ରାଜରାସ୍ତାକୁ ଓହ୍ଲାଇ ଆସିଛନ୍ତି। ଶୁକ୍ରବାର ଗଂଜାମ ଜିଲ୍ଲା ଋଷିକୁଲ୍ୟା ରୟତ ମହାସଭା କୋଦଳା ଓ ବେଗୁନିଆପଡ଼ା ଶାଖା ପକ୍ଷରୁ ହଜାର ହଜାର ସଂଖ୍ଯାକ ଚାଷୀମାନେ କୋଦଳା ଦଣ୍ଡିଶ୍ୱର ମନ୍ଦିର ଠାରୁ ଏକ ବିରାଟ ଶୋଭାଯାତ୍ରାରେ ବାହାରି ତହସିଲ କାର୍ଯ୍ଯାଳୟରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ। ହଜାର ହଜାର ହେକ୍ଟର ଜମିରେ ଚାଷ ନଷ୍ଟ ହୋଇଥିବା ବେଳେ ଯାହା କିଛି ଧାନ ଅମଳ ହୋଇଛି ସେ ସବୁକୁ କିଭଳି ବିନା କଟକଣାରେ ଅର୍ଥାତ୍ ଏଫ୍ ଏ କ୍ଯୁ ମାନ କୋହଳ କରି ମଣ୍ଡି ଜରିଆରେ ଧାନକୁ କ୍ରୟ କରିବା ପାଇଁ ଦାବି କରିଛନ୍ତି ଚାଷୀ।

ଉପଯୁକ୍ତ କ୍ଷତିପୁରଣ ସହ ବୀମାରାଶି ପ୍ରଦାନ, ଧାନ ଚାଷୀଙ୍କୁ ଏକର ପିଛା ୨୦ ହଜାର ଓ ପନିପରିବା ଚାଷୀଙ୍କୁ ୨୫ ହଜାର ଟଙ୍କା ସହାୟତା ପ୍ରଦାନ, ରବି ଫସଲ ପାଇଁ ରିହାତି ଦରରେ ସାର ଯୋଗାଇ ଦେବା, କ୍ଷତିପୂରଣ ଆକଳନରେ ତ୍ରୁଟି ଥିବାରୁ ପୁନର୍ବାର ଆକଳନ କରାଯିବା ଭଳି ବିଭିନ୍ନ ଦାବି ନେଇ ଚାଷୀମାନେ ପ୍ରାୟ ୩ ଘଣ୍ଟା ସମୟ ଧରି କୋଦଳା ତହସିଲ କାର୍ଯ୍ଯାଳୟକୁ ଘେରାଉ କରିଥିଲେ।ସୁଦ୍ଧା ତହସିଲଦାର କୌଣସି ପ୍ରକାର କର୍ଣ ପାତ କରିଥିଲେ ପରେ ଉତେଜନା ମୂଳକ ପରିସ୍ଥିତି ସୃଷ୍ଟି ହେବାରୁ ପରେ ଆସି ଦାବିପତ୍ର ନେଇଥିଲେ ତହସିଲଦାର ଏହି ଦାବିପତ୍ର ତହସିଲଦାର ଙ୍କ ଜରିଆରେ ଗଂଜାମ ଜିଲ୍ଲାପାଳଙ୍କ ନିକଟକୁ ପ୍ରେରଣ କରାଯାଇଛି ।ତୁରନ୍ତ ଦାବି ଗୁଡିକ ପୂରଣ ନହେଲେ ଆଗାମୀ ଦିନରେ ବଡ଼ ଧରଣର ଆନ୍ଦୋଳନ କରାଯିବା ସହ ରାଜରାସ୍ତା ଜାମ୍ କରାଯିବ ବୋଲି କହିଛନ୍ତି ଚାଷୀ ନେତା।ଚାଷୀ ମାନଙ୍କ ଅଭିଯୋଗ ହୋଉଛି ବେଗୁନିଆପଡା ବ୍ଲକ ଓ କୋଦଳା ଏନ ଏ ସି ରେ ମାତ୍ର ଫାଶୀ ପଂଚାୟତ ଓ ଦିଗାପୋଡ଼ା ପଞ୍ଚଯାତ ରେ କ୍ଷୟ ଖତୀ ହୋଇଥିବା ରିପୋଟ ତହସିଲଦାର ଦେଇଛନ୍ତି ବୋଲି ଅଭିଯୋଗ କରିଛନ୍ତି ଏ ନେଇ ଏଆମ ପ୍ରତିନିଧି ତହସିଲଦାର ସସ୍ମିତା ଶତପଥୀ ଙ୍କୁ ପଚାରିବାରୁ ସେ ତାଙ୍କ ମନ୍ତବ୍ୟ ରେ କହିଲେକି ମୁଁ ଯାହା ରିପୋଟ ଦେବାକଥା ଜିଲ୍ଲାପାଳ ଙ୍କୁ ଦେଇଦେଇଛି ମୁଁ ଆପଣକୁ କହିବାପାଇଁ ବାଧ୍ୟ ନୁହଁ.ଏହି ଆନ୍ଦୋଳନରେ ଓଡିଶାର ବରିଷ୍ଠ ଚାଷୀ ନେତା ପ୍ରଫୁଲ୍ଲ ସାମନ୍ତରାୟ, ଋଷିକୁଲ୍ୟା ରୟତ ମହାସଭାର ଆବାହକ ବିଜୟ ସ୍ବାଇଁ, ସଂପାଦକ ସିମାଞ୍ଚଳ ନାହାକ ପ୍ରମୁଖ ଯୋଗ ଦେଇଥିଲେ।

ତପସ୍ୱିନୀ ଙ୍କୁ ଦୀର୍ଘ ୧୧ ଦିନ ପରେ ବ୍ରହ୍ମପୁର ଏସ୍ଡିଜେଏମ କୋର୍ଟ ରୁ ମିଳିଲା ନ୍ୟାୟ…!

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ (ଗଞ୍ଜାମ)- ବ୍ରହ୍ମପୁର ବହୁ ଚର୍ଚ୍ଚିତ ଖବର ତପସ୍ୱିନୀ ଓ ସୁମିତଙ୍କ ଘର ସାମ୍ନା ରେ ଦୀର୍ଘ ୧୧ ଦିନ ପରେ ଏସ୍ଡିଜେଏମ କୋର୍ଟ ମିଳିଥିଲା ନ୍ୟାୟ ୭ଦିନ ଏକାଠି ରହିବ ପାଇଁ । ସୁମିତ ଚାକିରୀ କରୁଥିବା ଅଞ୍ଚଳରେ ହିଁ ରହିବା ପାଇଁ ଆସିକା ଥାନା ଅଧିକାରୀଙ୍କ ଦାୟିତ୍ୱ ଦିଆ ଯାଇଥିଲା ।ସାତ ଦିନ ପରେ କୋର୍ଟ ଆସି ପୁଣି ରାୟ ଦେବା ପରେ ସୁମିତ ସ୍କୁଟିରେ ବସି କେଉଁ ଆଡେ ଚାଲି ଯାଇଥିଲେ । ପରେ ଜାଣିବା କୁ ପାଇଥିଲେ ସେ କୁଆଡେ ଯାଇ ନାହାଁନ୍ତି ତାଙ୍କ ସାଙ୍ଗ ଘରେ ରେଷ୍ଟ ନେଉଛନ୍ତି ସୁମିତ ଙ୍କ ଦେହ ଖରାପ ଥିବାରୁ ସେ ପୁଣି ଛୁଟି ବଢ଼ାଇ ତପସ୍ୱିନୀ ଙ୍କୁ ଛାଡି ଚାଲି ଯାଇଥିବା ତପସ୍ୱିନୀ ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଥିଲେ ।ସେ ଆସିକ ସୁଗାର ଫେକ୍ଟ୍ରି ଆଇବି ରେ ରହି ଆସୁଥିଲେ । ଆସିକା ଥାନା ଅଧିକାରୀ ସେଠିକାର ଭଡା ମାଗିଥିବା କଥା ମଧ୍ୟ ସୂଚନା ଦେଇଛନ୍ତି । ଏମିତି ସେ ଅନେକ ଅଭିଯୋଗ କରିଛନ୍ତି ପୋଲିସ ପ୍ରଶାସନ ଙ୍କ ଉପରେ । ଏବଂ ସୁମିତ ଙ୍କୁ ପାଇବା ପାଇଁ ସବୁ କିଛି କରି ପାରିବି ଦେଖିବା କିଏ ମୋ ଠୁ ମୋ ସୁମିତଙ୍କୁ ଛଡାଇ ନେବ କହିଥିଲେ ।ଆଜି ମଧ୍ଯ ଏସ୍ଡିଜେଏମ କୋର୍ଟ ରେ ଶୁଣାଣି ଥିଲା ମାତ୍ର ସୁମିତ ହାଇକୋର୍ଟ ରୁ ଆଉ ଏକ ରି ପିଟିସନ ପକାଇଛନ୍ତି । ଏବେ ତପସ୍ୱିନୀ କୋର୍ଟ ରୁ ନିରାଶୟ ହୋଇ ପୁଣି ସୁମିତ ଙ୍କ ଘର ସାମ୍ନା ରେ ଧାରଣାରେ ବସିଛନ୍ତି । ଏବଂ ସୁମିତ ଙ୍କ ସହ ଶାଶୁ ଶଶୁର ଙ୍କ ପାଖରେ ରହିବା ପାଇଁ ନିଷ୍ପତ୍ତି ନେଇ ଧାରଣା ରେ ବସିଛନ୍ତି ।ଦେଖା ଯାଉ ଏବେ ତପସ୍ୱିନୀ ଙ୍କୁ କିପରି ନ୍ୟାୟ ମିଳିବ ଦେଖିବାକୁ ରହିଲା ।

ରାଜ୍ୟ ସ୍ତରୀୟ ଖୋ ଖୋ ପ୍ରତିଯୋଗିତା ରେ ଉତ୍ତମ ଖେଳ ପ୍ରଦର୍ଶନ କରି ଗଞ୍ଜାମ ଜିଲ୍ଲା ପାଇଁ ସୁନାମ ଆଣିଛନ୍ତି ରାଜପୁର ଆଦର୍ଶ ବିଦ୍ୟାଳୟ ର ଛାତ୍ରୀ ‘ସୁନିତା’ ।

!!! ଗଞ୍ଜାମ ଜିଲ୍ଲା ପ୍ରତିନିଧି ପବିତ୍ର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ (ବେଗୁନିଆପଡା) – ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ରାଜପୁର(ରାଗପୁର) ଆଦର୍ଶ ବିଦ୍ୟାଳୟର ଛାତ୍ରୀ ସୁନିତା ଦାସ ନିଜ ବିଦ୍ୟାଳୟ ,ବ୍ଲକ ତଥା ଗଞ୍ଜାମ ଜିଲ୍ଲା ପାଇଁ ଆଣିଛନ୍ତି ଗୌରବ । ସେହି ବିଦ୍ୟାଳୟର ଶାରୀରିକ ଶିକ୍ଷା ଶିକ୍ଷୟତ୍ରୀ ଶ୍ରୀମତୀ ପୂଜା ପ୍ରଧାନଙ୍କ ତତ୍ତ୍ୱାବଧାନରେ ପ୍ରଶିକ୍ଷଣ ନେଉଥିବା ଛାତ୍ରୀ ସୁନିତା ,ଖୋ-ଖୋ ଖେଳରେ ଜିଲ୍ଲାରୁ ରାଜ୍ୟ ସ୍ତରକୁ ଚୟନ ହୋଇ ଅନୁଗୁଳ ରେ ହେଉଥିବା ୫୪ତମ ରାଜ୍ୟ ସ୍ତରୀୟ ଖୋ ଖୋ ପ୍ରତିଯୋଗିତା ରେ ଉତ୍ତମ ଖେଳ ପ୍ରଦର୍ଶନ କରି ଗଞ୍ଜାମ ଜିଲ୍ଲା ପାଇଁ ସୁନାମ ଆଣିଛନ୍ତି । ଏଥିପାଇଁ ଗଞ୍ଜାମ ଜିଲ୍ଲା ଆଥଲେଟିକ୍ସ ଆସୋସିଏସନ ସମ୍ପାଦକ ଶ୍ରୀ ଅଶୋକ ସାହୁ ଙ୍କ ସମେତ ବହୁ କ୍ରୀଡା ପ୍ରେମୀ ଶୁଭେଚ୍ଛା ଜଣେଇଛନ୍ତି ।

ସୂଚନା ଥାଉକି,ଡିସେମ୍ବର ୧୨ ତାରିଖରେ ଗଞ୍ଜାମ ଜିଲ୍ଲା ର ଉଭୟ ପୁରୁଷ ଏବଂ ମହିଳା ଦଳ ଅନୁଗୁଳ ଗ୍ରସ୍ତ କରିଥିଲେ । ଦଳ ସହିତ କୋଚ୍ ମଧୁସୂଦନ ବେହେରା ,
( ମହିଳା ), ରାକେଶ ପାତ୍ର (ପୁରୁଷ), ମ୍ୟାନେଜର ସୁନିତା ପାତ୍ର (ମହିଳା),ଚତୃଭୂଜ ତ୍ରିପାଠୀ(ପୁରୁଷ) ଏବଂ ଟେକନିକାଲ ଅଫିସିଆଲ ଭାବରେ ଶ୍ରୀ ପ୍ରୀତି ରଞ୍ଜନ ପ୍ରଧାନ ଯୋଗ ଦେଇଥିଲେ ।ସୁନିତା ଙ୍କ ଘର ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ସାଙ୍କୁଡା ପଞ୍ଚାୟତ ର ଚଣ୍ଡପଲି ଗ୍ରାମରେ ହୋଇଥିବା ବେଳେ ପଦ୍ମନାଭ ଦାଶ ଏବଂ ସୁନିତା ଦାଶ ଙ୍କ ସେ ଝିଅ ଅଟନ୍ତି । ସୁନିତା ବର୍ତ୍ତମାନ ରାଜପୁର ସ୍ଥିତ ଆଦର୍ଶ ବିଦ୍ୟାଳୟ ରେ ନବମ ଶ୍ରେଣୀରେ ଅଧ୍ୟୟନ କରୁଛନ୍ତି। ଏହାର ଶ୍ରେୟ ସେ ବିଦ୍ୟାଳୟ ର ଶାରୀରିକ ଶିକ୍ଷା ଶିକ୍ଷୟତ୍ରୀ ପୂଜା ପ୍ରଧାନ ଙ୍କୁ ଦେଇଛନ୍ତି ।ଏଥିସହିତ ସମସ୍ତ ଛାତ୍ରଛାତ୍ରୀ ମାନେ ପାଠ ପଢିବା ସହିତ କ୍ରୀଡାପ୍ରତି ଆକୃଷ୍ଟ ହେବା ପାଇଁ ସେ କହିଛନ୍ତି ।

କେନାଲ ଠାରୁ କୁମ୍ଭାରଗାଁ ରାସ୍ତା ଫାଟି ଆଁ କରିଛି !

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ (ବେଗୁନିଆପଡା)-  ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ କୁମ୍ଭାରଗାଁ ର କେନାଲ ଠାରୁ କୁମ୍ଭାରଗାଁ ପର୍ଯ୍ଯନ୍ତ ରାସ୍ତା ପାଲଟିଛି ମରଣଯନ୍ତା । ସୂଚନା ମୁତାବକ ଅଙ୍ଗାରଗାଁ ପଟୁ କୁମ୍ଭାରଗାଁ କୁ ଯିବାକୁ ହେଲେ ଏହି କେନାଲ ରାସ୍ତାଟି ପାଖ ବା ନିକଟ ଅଟେ । କିନ୍ତୁ ଦୁଖଃର ବିଷୟ ଏହି ରାସ୍ତାଟି କଂକ୍ରିଟ ହୋଇଥିଲେ ମଧ୍ଯ ରାସ୍ତା ଫାଟି ଆଁ କରିଅଛି ଏବଂ ଖାଲଖଣାରେ ପରିଣତ ହୋଇଛି । ଫଳରେ ଗାଡି ମୋଟର ଯିବା ଆସିବା ବେଳେ ନାନା ଦୁର୍ଘଟଣା ର ଶିକାର ହେବାକୁ ପଡୁଛି । ଏହି ରାସ୍ତା ଦେଇ ପ୍ରତିଦିନ ବହୁ ଲୋକ ଯାତାୟାତ କରନ୍ତି ।କିନ୍ତୁ ଏଥିପ୍ରତି ସତେ ଯେମିତି କାହାର ଦୃଷ୍ଟି ନ ଥିବା ଭଳି ଜଣାପଡୁଛି ।ଏହି ରାସ୍ତା ନିର୍ମାଣ ପାଇଁ ଜନସାଧାରଣ ରେ ଦାବୀ ହୋଇଛି ।ଦେଖାଯାଉ ବିଭାଗୀୟ ଅଧିକାରୀ ଏବଂ ନିର୍ବାଚିତ ଜନପ୍ରତିନିଧି ଙ୍କ କେବେ ଦୃଷ୍ଟି ପଡୁଛି ତାହା ଦେଖବାକୁ ବାକି ରହିଲା । ଏ ନେଇ ବିଭାଗୀୟ ଅଧିକାରୀଙ୍କ ମତାମତ ମିଳିପାରି ନାହିଁ ।