!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗତ ଦୀପାବଳୀ ଦିନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶିଶୁଯତ୍ନ ଅନୁଷ୍ଠାନ ମାନଙ୍କୁ ପରିଦର୍ଶନ କରିବା ପରେ ସେଠାକାର କିଛିଟା ଅଭାବୀ ଦେଖି ପ୍ରତି ଜିଲ୍ଲାରେ ଥିବା ଏହିଭଳି ଶିଶୁଯତ୍ନ ଅନୁଷ୍ଠାନ ଗୁଡିକ ପାଇଁ ୧୦ ଲକ୍ଷ ଟଙ୍କାର ଅନୁଦାନ ରାଶି ଦେବାପାଇଁ ଘୋଷଣା କରିଥିଲେ । ସେହି ଘୋଷଣା ପ୍ରକାରେ ଆଜି ଶିଶୁ ଦିବସ ଅବସରରେ ଜିଲ୍ଲାପାଳ ଅନୁପମ ଶାହା ନବଜୀବନ ଅନାଥ ଶିଶୁ ଯତ୍ନ ଅନୁଷ୍ଠାନ ଠାରେ ବିଭିନ୍ନ ଉପକରଣ ସବୁ ବଣ୍ଟନ କରିଥିଲେ ।ଜିଲ୍ଲାପାଳଙ୍କ ସମେତ ଆରକ୍ଷୀ ଅଧିକ୍ଷକ ସାରା ଶର୍ମା ଏହି ଶିଶୁ ଦିବସ ଅବସରରେ ସେହି ନବଜୀବନ ଅନାଥ ଟ୍ରଷ୍ଟ କେନ୍ଦ୍ରରେ ପହଞ୍ଚି ସେଠାରେ ଜିଲ୍ଲାର ଥିବା ସମସ୍ତ ଶିଶୁଯତ୍ନ ଅନୁଷ୍ଠାନର ଶିଶୁ ମାନଙ୍କ ସହିତ ବେଶ କିଛି ସମୟ କଟାଇ ସେଠାରେ ଶିଶୁ ମାନଙ୍କୁ ମିଷ୍ଟାନ୍ନ ବଣ୍ଟନ କରିଥିଲେ । ଏହି ଦିବସ ଅବସରରେ ଜିଲ୍ଲାପାଳ ଅନୁପମ ଶାହା ଡେ-ଷ୍ଟାର , ହୋମ , ଜରାୟୁ , ଏବଂ ମୋହନା ଠାରେ ଥିବା ଅନୁଷ୍ଠାନକୁ ସୀମା-ପାଚେରୀ ନିର୍ମାଣ ନିମନ୍ତେ ୪ ଲକ୍ଷ ଟଙ୍କା , ବିବେକାନନ୍ଦ ରେସିଡେନ୍ସିଆଲ ସ୍କୁଲ ଏସ୍.ଉରୁଡ଼ା ନିମନ୍ତେ ଇନଭର୍ଟର , ଫ୍ରିଜ , ବାସିଙ୍ଗ-ମେସିନ , ଟେବୁଲ , ଚେୟାର , ଦରି , ସେହିଭଳି ରାଜ-ସୀତାପୁର ସ୍ଥିତ ଶ୍ରୀ-ଜଗନ୍ନାଥ ନିକେତନକୁ ୨୦ ଟି ଖଟ , କମ୍ପ୍ୟୁଟର ସିଷ୍ଟମ ସହିତ ଗାଧୁଆ ଓ ଶୌଚାଳୟ ଘରର ମରାମତି ପାଇଁ ୫୦ ହଜାର ଟଙ୍କା , ସେହିଭଳି ଗୁମା ଠାରେ ଥିବା ନିସାନ ସାଲୋମ ହୋମ ପାଇଁ ମ୍ୟୁଜିକ-ସେଟ୍ , ଏଲଇଡି ଟିଭି , ୨ ଟି ହଟ-ବକ୍ସ , ଜେନେରେଟର , ନବଜୀବନ ବ୍ଲାଇଣ୍ଡ ଓ ରିଲିଫ ସେଣ୍ଟର କୁ ୫୨” ଏଲ୍ଇଡି ଟିଭି ସହ ଶୌଚାଳୟର ମରାମତି ପାଇଁ ୧ ଲକ୍ଷ ଟଙ୍କା ଏବଂ ପାରଳାଖେମୁଣ୍ଡି ଠାରେ ଥିବା ସା” (ନିଶାନ)କୁ ଏକ ଲାପ-ଟାପ ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ଜିଲ୍ଲା ଶିଶୁ ମଙ୍ଗଳ ସମିତିର ଅଧ୍ୟକ୍ଷ ପ୍ରମୋଦ କୁମାର ରାଉଳ , ଶ୍ରୀ ଜଗନ୍ନାଥ ନିକେତନର ଅନାଦି ପାଣିଗ୍ରାହୀ ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟର ଅଧିକାରୀ ଅରୁଣ କୁମାର ତ୍ରିପାଠୀ ପ୍ରମୁଖଙ୍କ ସମେତ ନବଜୀବନ ଟ୍ରଷ୍ଟର ପରିଚାଳକ ଓ ଅନ୍ୟ ମାନେ ବହୁ ସଂଖ୍ୟାରେ ଉପସ୍ଥିତ ଥିଲେ ।
