ଡାକ୍ତରଙ୍କ ବୟାନ ପରେ ବଢ଼ିଲା ସସପେନ୍ସ ; ପାଣ୍ଡିଆନ ଦମ୍ପତି ନବୀନ ଙ୍କୁ ଭେଟିବାରେ ସାଜିଛନ୍ତି କି ବାଧକ …!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ନବୀନଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ହସ୍ପିଟାଲରେ ଅପେକ୍ଷାରତ ବିଜେଡି ନେତାମାନଙ୍କୁ ଡାକ୍ତରୀ ଟିମ୍ ଏହି ସୂଚନା ଦେବା ପରେ ନବୀନ ହସ୍ପିଟାଲରେ ଭର୍ତ୍ତିବେଳେ ତାଙ୍କ ଚାରିପାଖରେ ଥିବା ଲୋକଙ୍କୁ ଚିହ୍ନି ପାରୁନଥିଲେ କି ବୋଲି ପ୍ରଶ୍ନ ଉଠିଲାଣି। ବିଜେଡି ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱାସ୍ଥ୍ୟକୁ ନେଇ ସମଗ୍ର ରାଜ୍ୟବାସୀ ଚିନ୍ତିତ ଥିବାବେଳେ ଆଜି ଡାକ୍ତରଙ୍କ ବୟାନ ଆହୁରି ସସପେନ୍ସ ବଢ଼ାଇ ଦେଇଛି। ଗତକାଲି ତୁଳନାରେ ଆଜି (ସୋମବାର) ନବୀନ ପଟ୍ଟନାୟକଙ୍କ ସ୍ୱାସ୍ଥ୍ୟରେ ସୁଧାର ଆସିଛି ଓ ସେ ତାଙ୍କ ଚାରିପାଖରେ ଥିବା ଲୋକମାନଙ୍କୁ ଚିହ୍ନି ପାରୁଛନ୍ତି ବୋଲି ଚିକିତ୍ସା ଦାୟିତ୍ୱରେ ଥିବା ଡାକ୍ତରୀ ଟିମ୍ କହିଛନ୍ତି। ନବୀନଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ହସ୍ପିଟାଲରେ ଅପେକ୍ଷାରତ ବିଜେଡି ନେତାମାନଙ୍କୁ ଡାକ୍ତରୀ ଟିମ୍ ଏହି ସୂଚନା ଦେବା ପରେ ନବୀନ ହସ୍ପିଟାଲରେ ଭର୍ତ୍ତିବେଳେ ତାଙ୍କ ଚାରିପାଖରେ ଥିବା ଲୋକଙ୍କୁ ଚିହ୍ନି ପାରୁନଥିଲେ କି ବୋଲି ପ୍ରଶ୍ନ ଉଠିଲାଣି। ଏହାସହିତ ନବୀନଙ୍କ ସ୍ୱାସ୍ଥ୍ୟକୁ ନେଇ ଏଭଳି କିଛି ଅଛି ଯାହା ଲୁଚାଇବାକୁ ପାଣ୍ଡିଆନ ଦମ୍ପତି ଏପର୍ଯ୍ୟନ୍ତ କୌଣସି ବିଜେଡି ନେତାଙ୍କୁ ନବୀନଙ୍କ ପାଖ ମଡ଼ାଇ ଦେଉନଥିବା ଚର୍ଚ୍ଚା ଜୋର ଧରିଛି। ନିଜ ପ୍ରିୟ ନେତା ନବୀନ ପଟ୍ଟନାୟକଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ହସ୍ପିଟାଲ ପରିସରରେ ଅପେକ୍ଷାରତ ବିଜେଡିର ଆଗଧାଡ଼ିର ନେତାମାନଙ୍କୁ ଆଜି ଦିନ ପ୍ରାୟ ୧ଟାବେଳେ ନବୀନଙ୍କ ସ୍ୱାସ୍ଥ୍ୟ ସମ୍ପର୍କରେ ଦୁଇଜଣ ଡାକ୍ତର ସୂଚନା ଦେଇଥିଲେ। ନବୀନଙ୍କ ଚିକିତ୍ସା ଏହି ଦୁଇ ଡାକ୍ତର କରୁଛନ୍ତି ବୋଲି ବିଜେଡି ନେତାମାନଙ୍କ ଆଗରେ ପାଣ୍ଡିଆନଙ୍କ ପତ୍ନୀ ସୁଜାତା ପରିଚିତ କରାଇଥିଲେ। ଜଣେ ଡାକ୍ତର ଧର ଓ ଜଣେ ପାଣିଗ୍ରାହୀ ବୋଲି କୁହାଯାଉଛି। ଏହି ଦୁଇ ଡାକ୍ତର କହିଥିଲେ ଯେ, ‘ଗତକାଲିଠୁ ଆଜି ସ୍ୱାସ୍ଥ୍ୟରେ ବହୁତ ସୁଧାର ଆସିଛି। ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। ପାରିପାର୍ଶ୍ୱିକ ସ୍ଥିତିକୁ ଭଲ ଭାବେ ବୁଝିପାରୁଛନ୍ତି। ଆଜି ସମସ୍ତଙ୍କୁ ଚିହ୍ନି ପାରୁଛନ୍ତି। ତେବେ ତାଙ୍କର ଅଧିକ କିଛି ପରୀକ୍ଷାନିରୀକ୍ଷା କରାଯିବା କଥା ଚିନ୍ତା କରାଯାଉଛି। ଡାକ୍ତରୀ ଟିମ୍ ଅପରାହ୍ନ ୪ଟାବେଳେ ବସିଲେ ଯାହା ସ୍ଥିର ହେବ। ତା’ପରେ ତାଙ୍କର ଡିସଚାର୍ଜ କଥା ନିଷ୍ପତ୍ତି ହେବ’ ବୋଲି ଡାକ୍ତର ସୂଚନା ଦେଇଥିଲେ। ନବୀନଙ୍କ ସ୍ୱାସ୍ଥ୍ୟକୁ ନେଇ ଡାକ୍ତର ବୟାନ ଦେଉଥିବାବେଳେ ସୁଜାତା ମଝିରେ ହସ୍ତକ୍ଷେପ କରି ସେ କମ୍ ପାଣି ପିଉଥିଲେ ଓ ତାଙ୍କର ‘ସିଭିୟର ଡିହାଇଡ୍ରେସନ୍‌’ ହୋଇଯାଇଥିଲା। ଏବେ ସବୁକିଛି ଠିକ୍ ଅଛି’ ବୋଲି କହିଥିଲେ।

ତେବେ ଡାକ୍ତରଙ୍କ ବୟାନରୁ ଜଣାପଡ଼ୁଛି ଯେ, ନବୀନବାବୁ ଗତକାଲି ଲୋକଙ୍କୁ ଚିହ୍ନିପାରୁନଥିଲେ। ନବୀନଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ପାଣ୍ଡିଆନ ଦମ୍ପତି ମାତ୍ରାଧିକ ସସପେନ୍ସ ବଜାୟ ରଖିଥିବାରୁ ପ୍ରକୃତରେ ନବୀନ କାହିଁକି ଅସୁସ୍ଥ ହୋଇଛନ୍ତି ସେ ତଥ୍ୟ ପଦାକୁ ଆସିପାରୁନି ବୋଲି ଦଳୀୟ ମହଲରେ ଅସନ୍ତୋଷ ବଢ଼ିବାରେ ଲାଗିଛି। ଅନ୍ୟପକ୍ଷରେ ଯଦି ନବୀନ ନିବାସ ସୂତ୍ରରୁ ବିଶ୍ୱାସ କରାଯାଏ, ତେବେ ଦୀର୍ଘବର୍ଷ ଧରି ନବୀନ ନିବାସରେ ଥିବା ତଥା ନବୀନଙ୍କ ବ୍ୟକ୍ତିଗତ କଥା ବୁଝାସୁଝା କରୁଥିବା ଜଣେ କର୍ମଚାରୀଙ୍କୁ ଆଜି ଚାକିରିରୁ କାଢ଼ି ଦିଆଯାଇଛି। ସମ୍ ଅଲଟିମେଟ୍ ମେଡିକେୟାର ହସ୍ପିଟାଲରେ ଚିକିତ୍ସାଧୀନ ନବୀନଙ୍କୁ ଭେଟିବାକୁ ବିଜେଡିର ବରିଷ୍ଠ ନେତାମାନେ ଗତକାଲିଠୁ ଡେରା ପକାଇଛନ୍ତି। ଦଳର ସବୁ ଆଗଧାଡ଼ିର ନେତା, ପୂର୍ବତନ ମନ୍ତ୍ରୀ, ବିଧାୟକ ପ୍ରମୁଖ ସମ୍ ହସ୍ପିଟାଲ ଯାଇ ନିଜ ପ୍ରିୟ ନେତାଙ୍କୁ ଭେଟିବାକୁ ଚାହୁଁଥିଲେ ମଧ୍ୟ ଜଣେ ବି ନେତାଙ୍କୁ ଭେଟିବାର ସୁଯୋଗ ମିଳିପାରିନଥିବା ଜଣାପଡ଼ିଛି। ଯଦିଓ ନବୀନଙ୍କ ସ୍ୱାସ୍ଥ୍ୟରେ ସୁଧାର ଆସିଲାଣି ବୋଲି ଡାକ୍ତରୀ ଟିମ୍ ଓ ପାଣ୍ଡିଆନ ଦମ୍ପତି ଦାବି କରୁଛନ୍ତି ତଥାପି ବିଜେଡିର କୌଣସି ଜଣେ ବି ନେତାଙ୍କୁ କାହିଁକି ନବୀନଙ୍କ ପାଖକୁ ଯିବାକୁ ସୁଯୋଗ ମିଳୁନି ତାହା ଏବେ ଦଳୀୟ ନେତାମାନଙ୍କୁ କ୍ଷୁବ୍ଧ କରିବା ସହ ସନ୍ଦେହ ବଢ଼ାଇଛି। ପାଣ୍ଡିଆନ ଦମ୍ପତି କ’ଣ ଲୁଚାଇବା ପାଇଁ ଏଭଳି କରୁଛନ୍ତି ଓ କାହାରିକୁ ଗୋଟିଏ ସେକେଣ୍ଡ ପାଇଁ ମଧ୍ୟ ଭେଟିବାର ସୁଯୋଗ ଦେଉନାହାନ୍ତି ତାହା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ବିଜେଡି ସମନ୍ୱୟ କମିଟି ଅଧ୍ୟକ୍ଷ ଦେବୀ ପ୍ରସାଦ ମିଶ୍ରଙ୍କଠାରୁ ଆରମ୍ଭ କରି ପ୍ରଣବ ପ୍ରକାଶ ଦାସ, ସଞ୍ଜୟ ଦାସବର୍ମା, ଅତନୁ ସବ୍ୟସାଚୀ ନାୟକ, ଅରୁଣ ସାହୁ, ପଦ୍ମନାଭ ବେହେରା, ଅଶୋକ ଚନ୍ଦ୍ର ପଣ୍ଡା ପ୍ରମୁଖ ବହୁ ବରିଷ୍ଠ ନେତା ହସ୍ପିଟାଲରେ ନିଜର ପ୍ରିୟ ନେତା ନବୀନଙ୍କୁ ଭେଟିବାର ସୁଯୋଗ ଏପର୍ଯ୍ୟନ୍ତ ପାଇନଥିବା ଜଣାପଡ଼ିଛି। ଯଦିଓ ପାଣ୍ଡିଆନ ଓ ତାଙ୍କ ପତ୍ନୀ ଏପରିକି ପାଣ୍ଡିଆନଙ୍କ ୨ ଜଣ ଖାସ୍ କର୍ମଚାରୀ ହସ୍ପିଟାଲରେୂ ନବୀନଙ୍କୁ ଭେଟିବାର ସୁଯୋଗ ପାଉଥିବା ସୂଚନା ମିଳିଛି। ନବୀନଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ପରିଲକ୍ଷିତ ହେଉଥିବାବେଳେ ତାଙ୍କୁ ଭେଟିବା ପାଇଁ ବିଜେଡିର ବରିଷ୍ଠ ନେତାମାନଙ୍କ ଏକ ଛୋଟ ଟିମକୁ ମାତ୍ର ୧-୨ ମିନିଟ୍ ପାଇଁ ଦୂରରୁ ଅନୁମତି ଦେବାରେ କାହିଁକି ପାଣ୍ଡିଆନ ଦମ୍ପତି ବାଧକ ସାଜିଛନ୍ତି ତାହା ଏବେ ଦଳୀୟ ମହଲରେ ଅସନ୍ତୋଷର କାରଣ ପାଲଟିଥିବା ଜଣାପଡ଼ିଛି। ବାଲେଶ୍ୱର ଏଫଏମ୍ ଛାତ୍ରୀ ଓ ବଳଙ୍ଗା ପୀଡ଼ିତା ହସ୍ପିଟାଲରେ ଚିକିତ୍ସାଧୀନ ଥିବାବେଳେ ତାଙ୍କୁ ଭେଟିବା ପାଇଁ ଏହି ବିଜେଡି ହିଁ ଗଣମାଧ୍ୟମରେ ଚିତ୍କାର କରୁଥିଲା ଓ ସରକାରଙ୍କ ବିରୁଦ୍ଧରେ ବର୍ଷୁଥିଲା। ମାତ୍ର ଏବେ ନିଜ ଦଳର ନେତାଙ୍କୁ କାହିଁକି ଭେଟିପାରୁନାହାନ୍ତି ସେନେଇ ମୁହଁରେ ତୁଣ୍ଡି ବାନ୍ଧିଥିବା ଚର୍ଚ୍ଚା ହେଉଛି। ସୂଚନାଯୋଗ୍ୟ, ନବୀନ ମୁମ୍ବାଇରେ ଚିକିତ୍ସିତ ହୋଇ ଜୁଲାଇ ୧୨ ତାରିଖରେ ଭୁବନେଶ୍ୱର ଫେରିବା ପରଠୁ ତାଙ୍କୁ ଦଳର କୌଣସି ଜଣେ ମଧ୍ୟ ନେତା ବ୍ୟକ୍ତିଗତ ଭାବେ ଭେଟିବାର ସୁଯୋଗ ପାଇନାହାନ୍ତି।

ଚନ୍ଦ୍ରପୁର ବ୍ଲକ ସଦର ମହକୁମା ଠାରେ ଯୁଗ୍ମ ଅଭିଯୋଗ ଶୁଣାଣି ଅନୁଷ୍ଠିତ ….!

ଏଥର ସମ୍ଭାଳ ବ୍ୟୁରୋ(ରାୟଗଡ)- ରାୟଗଡା ଜିଲ୍ଲା ପ୍ରଶାସନ ତରଫରୁ ଚନ୍ଦ୍ରପୁର ବ୍ଲକସଦର ମହକୁମାସ୍ଥିତ ସଦଭାବନା ସଭାଗୃହ ଠାରେ ଯୁଗ୍ମ ଅଭିଯୋଗ ଶୁଣାଣୀ ଅନୁଷ୍ଠିତ ହୋଇଛି । ରାୟଗଡ ଜିଲ୍ଲାପାଳ ଶ୍ରୀ ଆଶୁତୋଷ କୁଲକାର୍ଣ୍ଣିଙ୍କ ଅଧ୍ୟକ୍ଷତlରେ ଅନୁଷ୍ଠିତ ଏହି ଅଭିଯୋଗ ଶୁଣାଣି ଶିବିରରେ ଆରୋକ୍ଷୀ ଅଧିକ୍ଷକ ଏସ ସ୍ୱାତୀ କୁମାର, ଜିଲ୍ଲା ମୁଖ୍ୟ ଚିକିତ୍ସା ତଥା ଜନସ୍ୱାସ୍ତ୍ୟ ଅଧିକାରୀ ଡାକ୍ତର ଵି ସରୋଜିନୀ ଦେବୀ, ଚନ୍ଦ୍ରପୁର ସମିତି ଅଧ୍ୟକ୍ଷ ଶ୍ରୀ କୟାନ କିମ୍ଵାକା,ଚନ୍ଦ୍ରପୁର ଗୋଷ୍ଠୀ ଉନ୍ନୟନ ଅଧିକାରୀ ,ସୌମ୍ୟ କାନ୍ତ ବାଙ୍ଗଳା, ତହସିଲଦାର ସୁନୀଲ କୁମାର ପ୍ରଧାନ ଉପସ୍ଥିତ ରହି ଜନସାଧାରଣଙ୍କୁ ବିଭିନ୍ନ ଅଭିଯୋଗ ଶୁଣାଣି କରିଥିଲେ l

ଆଜି ମୋଟ ୩୯ଟି ଅଭିଯୋଗ ଜିଲ୍ଲାପାଳ ଗ୍ରହଣ କରିଥିଲେ l ସେଥି ମଧ୍ୟରୁ୨୧ଟି ବ୍ୟକ୍ତିଗତ ଅଭିଯୋଗ ଥିଲା ବେଳେ ୧୮ଗୋଟି ଗ୍ରାମ ବାସୀ ମାନଙ୍କର ସାମୂହିକ ଅଭିଯୋଗ ଥିଲା l ବିଶେଷ କରି ଆବାସ ଯୋଜନାରେ ଘର, ସ୍ବାସ୍ଥ୍ୟଗତ ସମସ୍ୟା, ଜମାଜମା, ପାରିବାରିକ ସମସ୍ୟା ,ଜଳସେଚନ, ଭତ୍ତା, ରାସ୍ତା ନିର୍ମାଣ, ଅଙ୍ଗନବାଡି ଗୃହ ନିର୍ମାଣ ସହ ଅନ୍ୟାନ୍ୟ ସମସ୍ୟା ଅଭିଯୋଗ ପଞ୍ଜିକୃତ ହୋଇଥିଲା । ଏହି ଅଭିଯୋଗ ଶିବିରରେ ୫ଜଣକୁ ୫୧ହଜାର ଟଙ୍କା ରେଡ଼କ୍ରସରୁ ଜିଲ୍ଲାପାଳ ସହାୟତା ପ୍ରଦାନ କରିଥିଲେ l, ଏହି ଶିବିରରେ ଜିଲ୍ଲା ସ୍ତରିୟ ଓ ବ୍ଲକସ୍ତରୀୟ ଅଧିକାରୀ ମାନେ ଉପସ୍ଥିତ ରହି ଜନସାଧାରଣଙ୍କ ବିଭିନ୍ନ ଅଭିଯୋଗ ଗୁଡିକର ଶୁଣାଣୀ କରିଥିଲେ । ଜିଲ୍ଲାପାଳ ଆଜିର ଅଭିଯୋଗ ଗୁଡିକୁ ପାଇଲା ପରେ ବିଭାଗୀୟ ଅଧିକାରୀ ମାନଙ୍କୁ ତୁରନ୍ତ ଫଇସଲା ନିମନ୍ତେ ନିର୍ଦ୍ଦେଶ ଦେଇଥିଲେ । ଏହାପରେ ଓଡିଶା ଜୀବିକା ମିଶନ ମହିଳା ମାନଙ୍କ ନିମନ୍ତେ ମୁଢି ମିଲ ଉଧଘାଟନ କରିଥିବା ବେଳେ ଉଦ୍ୟାନ ବିଭାଗ ତରଫରୁ ଚାରା ବଣ୍ଟନ କରିଥିଲେ l

ଜେ॰କେ॰କାଗଜ କଳ ରାୟଗଡା ର ପାରିପାର୍ଶ୍ଵିକ ଉନ୍ନୟନ କାର୍ଯ୍ୟକ୍ରମ ତରଫରୁ ଜେକେପୁର ବଜାର ରେ ଏକ ନୂତନ ଶୌଚାଳୟ ଲୋକାର୍ପିତ

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ସ୍ୱଚ୍ଛ ଭାରତ ପଦକ୍ଷେପ ଅନ୍ତର୍ଗତ ପରିଛନତା ର ବିକାଶରେ ଜେ କେ କାଗଜକଳ ତରଫରୁ ଜେକେପୁର ମାର୍କେଟ ରେ ଏକ ଶୌଚାଳୟ ପରିସର ର ନିର୍ମାଣ କରାଯିବା ସହ ଏହାକୁ ୧୫ ଅଗଷ୍ଟ ୨୦୨୫ରେ ଆନୁଷ୍ଠାନିକ ଭାବରେ ଉଦ୍ଘାଟନ କରି ଜନସାଧାରଣ ଙ୍କ ନିମନ୍ତେ ଲୋକାର୍ପଣ କରାଯାଇଥିଲା । ଏହି କାର୍ଯ୍ୟକ୍ରମ ରେ ଜେ କେ କାଗଜକଳ ର ଶ୍ରୀଯୁକ୍ତ ଜି.ଏସ୍. ପଟ୍ଟନାୟକ (ଜିଏମ -କ୍ୱାଲିଟି କଣ୍ଟ୍ରୋଲ) ମୁଖ୍ୟ ଅତିଥି ଭାବରେ ଯୋଗ ଦେଇ ଉଦ୍ଘାଟନ କରିଥିଲେ । ଶ୍ରୀମତୀ ସ୍ମୃତିରେଖା କର, (ପରିଚାଳିକା ପିଆର ଏବଂ ସିଏସଆର) ଏବଂ ଶ୍ରୀଯୁକ୍ତ ରାମୁଲୁ ପେଦେନ୍ତି, (ସରପଞ୍ଚ ଚାନ୍ଦିଲି ଗ୍ରାମପଂଚାୟତ) ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । ଉଦଘାଟନୀ ଉତ୍ସବରେ ସ୍ଥାନୀୟ ମାର୍କେଟ ପରିସର ବ୍ୟବସାୟୀ ଏବଂ ଜେକେପୁର ର ଜନସାଧାରଣଙ୍କ ସମେତ କାଗଜକଳ ର ଅନ୍ୟାନ୍ୟ ଅଧିକାରୀମାନେ ଯୋଗ ଦେଇଥିଲେ।

ସାଧାରଣ ଲୋକଙ୍କ ପାଇଁ ଦୈନନ୍ଦିନ ବ୍ୟବହାର ପାଇଁ ଶୌଚାଳୟ ନଥିବାରୁ ଏବଂ ଶୌଚାଳୟ ସୁବିଧାର ଅଭାବ ଯୋଗୁଁ ଲୋକମାନେ ଖୋଲାରେ ମଳମୂତ୍ର କରୁଥିବାରୁ ସ୍ଥାନୀୟ ଦୋକାନୀ ସମ୍ପ୍ରଦାୟ, ବ୍ୟବସାୟୀ ଏବଂ ବରିଷ୍ଠ ନାଗରିକମାନେ ବହୁ ଅସୁବିଧାର ସମ୍ମୁଖୀନ ହୋଇଥିଲେ। ତେଣୁ ସ୍ଥାନୀୟ ଜନସାଧାରଣ ଙ୍କ ସୁବିଧା ଏବଂ ସ୍ୱଚ୍ଛତାକୁ ଦୃଷ୍ଟିରେ ରଖି ଜେକେ କାଗଜକଳ ତରଫରୁ ଏହି ଶୌଚାଳୟ ର ନିର୍ମାଣ କରାଯାଇଥିଲା । ବଜାର ସଂଘର କର୍ମକର୍ତା , ବ୍ୟବସାୟୀ ଗଣ, , ଗଣମାଧ୍ୟମ ପ୍ରତିନିଧି , ବରିଷ୍ଠ ନାଗରିକ ଏବଂ ସ୍ଥାନୀୟ ଜନସାଧାରଣ ଉଦଘାଟନୀ ଉତ୍ସବରେ ଉପସ୍ଥିତ ଥିଲେ ଏବଂ ଜେକେ ପେପର ମିଲ୍ସର ଏହି ପଦକ୍ଷେପକୁ ପ୍ରଶଂସା କରିଥିଲେ। ଏହି ପ୍ରକଳ୍ପକୁ ବାସ୍ତବରେ ପରିଣତ କରିବାରେ ସାମିଲ ଥିବା ସମସ୍ତଙ୍କୁ ଧନ୍ୟବାଦ ଜଣାଇ କାର୍ଯ୍ୟକ୍ରମ ଶେଷ ହୋଇଥିଲା।

ରାୟଗଡ଼ା ସ୍ଵୟଂଶାସିତ ମହାବିଦ୍ୟାଳୟରେ ‘ହର ଘର ତ୍ରିରଙ୍ଗା’ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ…!

ଏଥର ସମ୍ଭାଳ ବ୍ୟୁରୋ(ରାୟଗଡ଼ା)- ରାୟଗଡ଼ା ସ୍ଵୟଂଶାସିତ ମହାବିଦ୍ୟାଳୟରେ ହର ଘର ତ୍ରିରଙ୍ଗା ଅଭିଯାନ ଉପଲକ୍ଷେ ମହାବିଦ୍ୟାଳୟ ଅଧ୍ୟକ୍ଷା ଡ଼, ସରସ୍ଵତୀ ରାୟ ଙ୍କ ନେତୃତ୍ୱରେ ଏକ ବିଶାଳ ଶୋଭଯାତ୍ରା ଅନୁଷ୍ଠିତ ହୋଯାଇଅଛି। ଏହି କାର୍ଯ୍ୟକ୍ରମ ମହାବିଦ୍ୟାଳୟର ଏନ୍. ସି.ସି, ରେଡ୍ କ୍ରସ୍ ଓ ଏନ୍. ଏସ୍. ଏସ ର ତତ୍ତ୍ଵାବଧନରେ ବିଭିନ୍ନ ଦେଶାତ୍ମକ ସ୍ଲୋଗାନ ସହ ସହର ପରିକ୍ରମା କରିଥିଲେ । ଏହି କାର୍ଯ୍ୟକ୍ରମ ରେ ଅଧ୍ୟାପକ ପି.ଅରୁଣ କୁମାର , ଟି.ଜ୍ୟୋତି, ସୁବ୍ରତ ପ୍ରଧାନ, ଲେଫ୍ଟନାଣ୍ଟ ଉଦୟ ନାଏକ ,ରମେଶ ହୁଇକା, କେ.କେ ଯାନି, ଭବେସ ମହାନ୍ତି, ପ୍ରିୟଦର୍ଶିନୀ ବଳ , ଟିକେଶ୍ୱର ମାଝୀ, ଶଙ୍କର ପେଦୁରୁ, ମୋନାଲିସା ପାଣିଗ୍ରାହୀ ଅନ୍ୟାନ୍ୟ ଅଧ୍ୟାପକ ଓ କର୍ମଚାରୀ, ତଥା ଏକ ହଜାର ରୁ ଉର୍ଦ୍ଧ ଛାତ୍ରଛାତ୍ରୀ ଜାତୀୟ ପତାକା ଧରି ସାମିଲ ହୋଇଥିଲେ ।

କାର୍ଯ୍ୟକ୍ରମ ରେ ୧୦୦ ମିଟର ର ଏକ ଜାତୀୟ ପତାକା ସାମିଲ କରାଯାଇଥିଲା । ଏହି ଶୋଭାଯାତ୍ରା ମହାବିଦ୍ୟାଳୟର ମୂଖ୍ୟ ଫାଟକ ରୁ ବାହାରି ରିଙ୍ଗ ରୋଡ, ୟୁ. ଜି, ଏମ. ଆଇ.ଟି, ଜିଲ୍ଲାପାଳ ଙ୍କ କାର୍ଯ୍ୟାଳୟରୁ ମହାବିଦ୍ୟାଳୟ ପର୍ଯ୍ୟନ୍ତ ଚାଲିଥିଲା । ଏହା ପୂର୍ବରୁ ମହାବିଦ୍ୟାଳୟ ପରିସରରେ ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଓ ଛାତ୍ରଛାତ୍ରୀ ମାନେ ସୁସ୍ଥ ସମାଜ ଓ ନିଶା ମୁକ୍ତ ଭାରତ ଗଠନ ଉଦ୍ଧେଶ୍ୟରେ ନିଶା ନିବାରଣ ପାଇଁ ଶପଥ ପାଠ କରିଥିଲେ ।

ସ୍ଵତନ୍ତ୍ର ଅତିଥି ଭାବେ ଲାଲକିଲ୍ଲା ୭୯ତମ ସ୍ଵାଧୀନତା ଦିବସରେ ଯୋଗ ଦେବେ କଳାହାଣ୍ଡିର ପୁଅ;ଭାରତ ସରକାରଙ୍କ ତରଫରୁ ନିମନ୍ତ୍ରିତ ହୋଇଛନ୍ତି ଯୁବ ଲେଖକ ଡିଲେଶ୍ୱର ରଣା…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ମାନସ କୁମାର ସିଂ ଙ୍କ ରିପୋର୍ଟ !!!

ଏଥର ସମ୍ଭାଳ(ଭବାନୀପାଟଣା)- କଳାହାଣ୍ଡି ଜିଲ୍ଲାର ପ୍ରତିଭାବାନ ଯୁବ ଲେଖକ ଡିଲେଶ୍ୱର ରଣାଙ୍କୁ ନୂଆଦିଲ୍ଲୀ ସ୍ଥିତ ଲାଲକିଲ୍ଲାରେ ଆୟୋଜିତ “୭୯ ତମ ସ୍ବାଧିନତା ଦିବସ”ରେ ଯୋଗଦାନ ନିମନ୍ତେ ନିମନ୍ତ୍ରଣ ମିଳିଛି। ଭାରତ ସରକାରଙ୍କ ତରଫରୁ ସ୍ଵତନ୍ତ୍ର ଅତିଥି ଭାବେ ନିମନ୍ତ୍ରିତ ହୋଇ ସେ ଏହି କାର୍ଯ୍ୟକ୍ରମରେ ଯୋଗ ଦେବାକୁ ଯାଉଛନ୍ତି। କଳାହାଣ୍ଡିର ଜଣେ ଯୁବଲେଖକ ଭାବେ ପ୍ରଥମଥର ପାଇଁ ଲାଲକିଲ୍ଲାସ୍ଥିତ କାର୍ଯ୍ୟକ୍ରମରେ ସାମିଲ ହେବେ। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ପତାକା ଉତ୍ତୋଳନ ଓ ଦେଶକୁ ସମ୍ବୋଧନ ପର୍ବରେ ଉପସ୍ଥିତ ହେବ ସହ ସେ ଅନ୍ୟ କାର୍ଯ୍ୟକ୍ରମରେ ଯୋଗ ଦେବାର ସୁଯୋଗ ପାଇଛନ୍ତି। ସୂଚନାଯୋଗ୍ୟ ଯେ କଳାହାଣ୍ଡି ଜିଲ୍ଲା ନର୍ଲା ବ୍ଲକ୍ ଅନ୍ତର୍ଗତ ଧଅଁରାମାଲ ଗାଁରେ ଜନ୍ମିତ ଡିଲେଶ୍ୱରଙ୍କର ଗଳ୍ପ, କବିତା, ଫିଚର ଓ ଗୀତ ରଚନା, ଅଭିନୟ ଓ ଉପସ୍ଥାପନାରେ ବେଶ୍ ରୁଚି ରହିଛି। ତାଙ୍କର ଟାଇମପାସ ପ୍ରକାଶିତ ଗଳ୍ପ ସଂକଳନ ‘ସେଁର୍‌ରା’ ଓ ନେସନାଲ୍ ବୁକ୍ ଟ୍ରଷ୍ଟ ପ୍ରକାଶିତ ଉପନ୍ୟାସ ‘ମେଳିଭୂଇଁ’ ବିପୁଳ ପାଠକୀୟତା ଲାଭ କରିଛି। ‘ସେଁର୍‌ରା’ ସଂକଳନର ଶୀର୍ଷକ ଗଳ୍ପକୁ ନେଇ ପ୍ରସ୍ତୁତ ଟେଲିଫିଲ୍ମ ଦୂରଦର୍ଶନରେ ପ୍ରସାରିତ ହୋଇ ବେଶ୍ ଆଦୃତ ହୋଇଛି। ସାରସ୍ୱତ ସାଧନା ପାଇଁ ସେ କେନ୍ଦ୍ର ସାହିତ୍ୟ ଏକାଡେମୀ ଯୁବ ପୁରସ୍କାର, ପ୍ରଧାନମନ୍ତ୍ରୀ ୟୁବା ମେଣ୍ଟରସିପ୍, କଥା ନବପ୍ରତିଭା ପୁରସ୍କାର, କାଦମ୍ବିନୀ ଗଳ୍ପ ଉନ୍ମେଷ ପୁରସ୍କାର, ତପସ୍ୟା ସମ୍ଭାବନା ପୁରସ୍କାର, ପଲ୍ଲବନ ଶବ୍ଦ ସମ୍ମାନ, ଦେବଗିରି ଯୁବ ସମ୍ମାନ, କଳାହାଣ୍ଡି ଯୁବ ପ୍ରତିଭା ପୁରସ୍କାର ପାଇବା ସହ କେନ୍ଦ୍ର ସାହିତ୍ୟ ଅକାଦେମୀର ଯୁବସହିତି କାର୍ଯ୍ୟକ୍ରମରେ ଅଂଶଗ୍ରହଣ କରିସାରିଛନ୍ତି। ସେହିପରି ଦେଶର ବିଭିନ୍ନ ମଞ୍ଚରେ ଅଭିନୟ କରିବା ସହ ବଲିଉଡ ଫିଲ୍ମ ‘ଏ ରେଡ୍ ଶାର୍ଟ’ରେ ଅଭିନେତା ରଘୁବୀର ଯାଦବଙ୍କ ସହ ଅଭିନୟ କରିଛନ୍ତି। ଜଣେ ଲେଖକ ଭାବେ କଳାହାଣ୍ଡିରୁ ସେ ଜାତୀୟ ସ୍ଵାଧୀନତା ଦିବସ ଉତ୍ସବରେ ସାମିଲ ହେଉଥିବାରୁ ଅନେକ ବ୍ୟକ୍ତିବିଶେଷ ତାଙ୍କୁ ଶୁଭେଚ୍ଛା ଜଣାଇଛନ୍ତି।

ଅଲ୍ ଓଡିଶା ଟେଣ୍ଟ ହାଉସ ଏଣ୍ଡ ସପ୍ଲାୟର୍ସ ଓନର ୱେଲ୍ଫେୟର ଆସୋସିଏସନ୍ ୫ମ ରାଜ୍ୟ ସ୍ତରୀୟ ବୈଠକ ଅନୁଷ୍ଠିତ …!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ମାନସ କୁମାର ସିଂ ଙ୍କ ରିପୋର୍ଟ !!!

ଏଥର ସମ୍ଭାଳ(ଭବାନୀପାଟଣା)- କଳାହାଣ୍ଡି ମାଁ ମାଣିକେଶ୍ବରୀ ଲାଇଟ୍ ଟେଣ୍ଟ ,ସାଉଣ୍ଡ, ଫ୍ଲାୱାର ଓ ଇଭେଣ୍ଟ ୱନର୍ସ୍ ୱେଲଫେୟାର ଆସୋସିଏସନ୍ ପକ୍ଷରୁ ଆୟୋଜିତ ହୋଇଥିବା ୫ମ ରାଜ୍ୟ ସ୍ତରୀୟ ଅଲ୍ ଓଡିଶା ଟେଣ୍ଟ ହାଉସ ଏଣ୍ଡ ସପ୍ଲାୟର୍ସ ଓନର ୱେଲ୍ଫେୟର ଆସୋସିଏସନ୍ ୫ମ ରାଜ୍ୟ ସ୍ତରୀୟ ବୈଠକ ଭବାନୀପାଟଣା ଟାଉନ ହଲ ଠାରେ ମହା ଆଡମ୍ବର ରେ ଅନୁଷ୍ଠିତ ହୋଇଯାଇଛି । ବୁଧବାର ସକାଳୁ ପ୍ରଥମେ କଳାହାଣ୍ଡି ର ଅଧିଷ୍ଠାତ୍ରୀ ଦେବୀ ମାଁ ମାଣିକେଶ୍ବରୀ ମନ୍ଦିର ରୁ ଏକ ତ୍ରିରଙ୍ଗା ଯାତ୍ରା ବାହାରି ସହର ପରିକ୍ରମା କରିବା ପରେ ସ୍ଥାନୀୟ ଟାଉନ ହଲ ଠାରେ ପହଞ୍ଚିଥିଲା । ପହଞ୍ଚିବା ପରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା । ଏହି ୫ମ ଏଯୁକେଟିଭ ବଡି ମିଟିଂ ରେ ଅତିଥି ଭାବରେ ବସନ୍ତ ଦାଶ ଅଲ୍ ଓଡିଶା ଟେଣ୍ଟ ମାଲିକ ସଙ୍ଘ,ଅଟଳ ବିହାରୀ ଜେନା ଅଧ୍ୟକ୍ଷ ଅଲ୍ ଓଡିଶା,ରାମ ଦାସ ମେହେର ଉପ ସଭାପତି ଅଲ୍ ଓଡିଶା ଟେଣ୍ଟ ମାଲିକ ସଙ୍ଘ , କୁମାର ଭଟ୍ଟ ସାଧାରଣ ସମ୍ପାଦକ ଅଲ୍ ଓଡିଶା ଟେଣ୍ଟ ମାଲିକ ସଙ୍ଘ ,ଜଗନ ଜେନା କାର୍ଯ୍ୟକାରୀ ସମ୍ପାଦକ ଅଲ୍ ଓଡିଶା ଟେଣ୍ଟ ମାଲିକ ସଙ୍ଘ ପ୍ରବୋଧ କୁମାର ଦାଶ ସମ୍ପାଦକ ଅଲ୍ ଇଣ୍ଡିଆ ଟେଣ୍ଟ ମାଲିକ ସଙ୍ଘ , ଅଭିଷେକ ପଟ୍ଟନାୟକ ସାଧାରଣ ସମ୍ପାଦକ ଟେଣ୍ଟ ମାଲିକ ସଙ୍ଘ କଳାହାଣ୍ଡି , ଗୁରୁଚରଣ ଦାଶ ସାଧାରଣ ସମ୍ପାଦକ ଅଲ୍ ଇଣ୍ଡିଆ ଟେଣ୍ଟ ମାଲିକ ସଙ୍ଘ, ଅର୍ତ୍ତଭଞ୍ଜ ମଲ୍ଲିକ ଯୁଗ୍ମ ସମ୍ପାଦକ ଅଲ୍ ଇଣ୍ଡିଆ ଟେଣ୍ଟ ମାଲିକ ସଙ୍ଘ ପ୍ରମୁଖ ମଞ୍ଚାଷିନ ଅତିଥି ଭାବରେ ଯୋଗଦେଇ ଥିଲେ । ଏହି ବୈଠକ ରେ ରାଜ୍ୟର ୨୫ ରୁ ଉର୍ଦ୍ଧ ଜିଲ୍ଲା ର ଟେଣ୍ଟ ହାଉସ ଏଣ୍ଡ ସପ୍ଲାୟର୍ସ ଓନର ୱେଲ୍ଫେୟର ଆସୋସିଏସନ୍ ର ସମସ୍ତ ସଦସ୍ୟ ଉପସ୍ଥିତ ଥିଲେ । ଏହିପରିପେକ୍ଷିରେ କଳାହାଣ୍ଡି ମାଁ ମାଣିକେଶ୍ବରୀ ଲାଇଟ୍ ଟେଣ୍ଟ ,ସାଉଣ୍ଡ, ଫ୍ଲାୱାର ଓ ଇଭେଣ୍ଟ ୱନର୍ସ୍ ୱେଲଫେୟାର ଆସୋସିଏସନ୍ ପକ୍ଷରୁ ଉପସ୍ଥିତ ଥିବା ବିଭିନ୍ନ ଜିଲ୍ଲାରୁ ଆସିଥିବା ସଦସ୍ୟ ମାନଙ୍କୁ ଫଟୋଚିତ୍ର ପୁଷ୍ପଗୁଚ୍ଛ ଦେଇ ସମ୍ମାନିତ କରାଯାଇ ଥିଲା । ଦୀର୍ଘ ବର୍ଷ ଧରି ଏହି କାର୍ଯ୍ୟ କରି ଆସିଥିବା ବରିଷ୍ଠ ସଦସ୍ୟ ମାନଙ୍କୁ ମଧ୍ୟ ସମ୍ମାନିତ କରାଯାଇଥିଲା । ପରେ ପରେ ଅତିଥି ମାନଙ୍କ ଦ୍ଵାରା ଉଦବୋଧନ ଆରମ୍ଭ ହୋଇଥିଲା । ଉପସ୍ଥିତ ଅତିଥି ମାନେ ଜନ୍ମ ରୁ ମୃତ୍ୟୁ ପର୍ଯ୍ୟନ୍ତ ଆପଣ ମାନେ ସମସ୍ତେ ନିଜ କାର୍ଯ୍ୟ କରିବା ସହ ଲୋକଙ୍କୁ ସାହାଯ୍ୟ କରି ଆସୁଛନ୍ତି । ନିଜର କାର୍ଯ୍ୟ ଠିକ୍ ଭାବରେ ନିଜ ନିଜ ଭିତରେ ସୁସମ୍ପର୍କ ସ୍ଥାପନ କରି ସମସ୍ତେ ମିଳିମିଶି କରିବା ଦ୍ୱାରା ସମସ୍ତ କାର୍ଯ୍ୟ ସଫଳ ହେବ ତେଣୁ ଆମେ ସମସ୍ତେ ମିଶି ଆଗକୁ କାର୍ଯ୍ୟ କରିବା ବୋଲି ଉପସ୍ଥିତ ଅତିଥି ମାନେ ପ୍ରକାଶ କରିଥିଲେ । ସଭା କାର୍ଯ୍ୟ ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମ ରେ ବିଭିନ୍ନ ଜିଲ୍ଲାରୁ ହଜାର ହଜାର ଅଲ୍ ଓଡିଶା ଟେଣ୍ଟ ହାଉସ ଏଣ୍ଡ ସପ୍ଲାୟର୍ସ ଓନର ୱେଲ୍ଫେୟର ଆସୋସିଏସନ୍ ସଦସ୍ୟ ମାନେ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମ କୁ କଳାହାଣ୍ଡି ମାଁ ମାଣିକେଶ୍ବରୀ ଲାଇଟ୍ ଟେଣ୍ଟ ,ସାଉଣ୍ଡ, ଫ୍ଲାୱାର ଓ ଇଭେଣ୍ଟ ୱନର୍ସ୍ ୱେଲଫେୟାର ଆସୋସିଏସନ୍ ର ସମସ୍ତ ସଦସ୍ୟ ସୁଚାରୁରୂପେ ତୁଲାଇଥିଲେ ।

ପିଲାଙ୍କ ଭବିଷ୍ୟତ କୁ ନଷ୍ଟ କରୁଛି ପାହାଡି ରାସ୍ତା,ଜଙ୍ଗଲୀ ପାହାଡି ରାସ୍ତା ଭୟରେ ଯାଉ ନାହାନ୍ତି ସ୍କୁଲ;୧୨ରୁ ଉର୍ଦ୍ଧ ଛାତ୍ର ଛାତ୍ରୀ ଶିକ୍ଷାରୁ ବଞ୍ଚିତ….!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ମାନସ କୁମାର ସିଂ ଙ୍କ ରିପୋର୍ଟ !!!

ଏଥର ସମ୍ଭାଳ(ଭବାନୀପାଟଣା)- ସରକାର ପ୍ରଥମେ ଶିକ୍ଷାକୁ ମୌଳିକ ଅଗ୍ରାଧିକାର ଦେଇଥିବା ବେଳେ ପ୍ରତ୍ୟେକ ଗାଁରେ ସ୍କୁଲ ନିର୍ମାଣ କରିଛନ୍ତି l ମାତ୍ର ଏବେବି ଅନେକ ଗାଁରେ ଶିକ୍ଷା ଲାଭ କରିବାରେ କୌଣସି ବ୍ୟବସ୍ଥା ହୋଇ ପାରିନାହିଁ ଯାହାଫଳରେ ଉକ୍ତ ଗାଁର ଛାତ୍ର ଛାତ୍ରୀ ମାନେ ୮ କି.ମି ଜଙ୍ଗଲୀ ପାହାଡିଆ ନଦୀ ନାଲ ପାଦଚଲା ଖାଲ ଖମା ରାସ୍ତା ଦେଇ ସ୍କୁଲକୁ ଯିବାକୁ ପଡିଥାଏ l ଏହିଭଳି ଚିତ୍ର ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଭଟାଙ୍ଗ ପଦର ପଞ୍ଚାୟତ ଅନ୍ତର୍ଗତ ଟୁଟୁଗୁମ୍ମା ଗାଁରେ l ଉକ୍ତ ଗାଁ ସୁଲିଆ ମୁଖ୍ୟ ରାସ୍ତା ଠାରୁ ୮କି,ମି ରହିଥିବା ବେଳେ ପଞ୍ଚାୟତ କାର୍ଯ୍ୟାଳୟ ଠାରୁ ୧୩ କିମି ଦୂରରେ ରହିଛି l ହେଲେ ଗାଁ ପାଖରେ ପିଲାଙ୍କ ପାଠ ପଡିବା ପାଇଁ କୌଣସି ବିଦ୍ୟାଳୟ ନ ଥିବାରୁ ୮ କି.ମି ଦୂରରେ ଥିବା କୋଟଡ଼ଘାଟି ପ୍ରାଥମିକ ବିଦ୍ୟାଳୟରେ ପାଠ ପଢ଼ିବା ପାଇଁ ନାମ ଲେଖିଛନ୍ତି କିନ୍ତୁ ଜଙ୍ଗଲୀ ପାହାଡି ଆବୁଡ଼ା ଖାବୁଡ଼ା ଖାଲଖମା ଓ ତିନିଟି ନଦୀ ରହିଥିବା ବେଳେ ବନ୍ୟପ୍ରାଣୀଙ୍କ ଭୟ ମଧ୍ୟ୍ୟ ରହିଛି ଯାହାଫଳରେ ଛାତ୍ର ଛାତ୍ରଙ୍କୁ ଛାଡିବାରେ ସୁରକ୍ଷିତ ମାନୁ ନାହାନ୍ତି ଅଭିଭାବକ ମାନେ l କୋଟଡ଼ ଘାଟି ସ୍କୁଲରେ ପ୍ରଥମ ରୁ ପଞ୍ଚମ ଶ୍ରେଣୀ ପ୍ରଯ୍ୟନ୍ତ ଅନେକ ପିଲାଙ୍କ ନାମ ଲେଖା ହୋଇଥିଲେ ମଧ୍ୟ୍ୟ ପାହାଢ଼ି ରାସ୍ତା ପାଇଁ ସ୍କୁଲ ଆସିବାରେ ବ୍ୟାଘାତ ସୃଷ୍ଟି ହେଉଥିବା ବେଳେ ଅନେକ ପିଲାଙ୍କୁ ସ୍କୁଲ ରେଜିଷ୍ଟରେ ଉପସ୍ଥାନ ପକେଇ ପଞ୍ଚମ ଶ୍ରେଣୀ ଉତୀର୍ଣ୍ଣ ହୋଇ ଭଟାଙ୍ଗ ପଦର ସ୍କୁଲରେ ମନୋଜ ମାଝୀ ଓ ଫୁଲମେ ମାଝୀ ନାମକୁ ମାତ୍ର ନାମ ଲେଖିଥିବା ବେଳେ ସ୍କୁଲ ନ ଯାଇ ଘରେ ରହୁଛନ୍ତି l ନିଜ ଗାଁ ଠାରୁ ଭଟାଙ୍ଗ ପଦର ସ୍କୁଲ ୧୫କି.ମି ଦୂର ହେଉଥିବା ବେଳେ ଯିବାଆସିବାରେ ସମ୍ଭବ ହେଉ ନାହିଁ ଫଳରେ ପ୍ରାଥମିକ ଉଚ୍ଚ ଶିକ୍ଷାରୁ ବଞ୍ଚିତ ରହିଛନ୍ତି l ତେଵେ ଏମାନଙ୍କୁ ଭଟାଙ୍ଗ ପଦର ଆବାସିକ ବିଦ୍ୟାଳୟରେ ରହିକି ପାଠ ପଢ଼ିବାର ବ୍ୟବସ୍ଥା କରାଗଲେ ପାଠ ପଢି ପାରିବେ ବୋଲି ଅଭିଭାବକ ମାନେ ମତପ୍ରକଶ କରିଛନ୍ତି l କୋଟଡ଼ଘାଟି ପ୍ରାଥମିକ ବିଦ୍ୟାଳୟରେ ନାମ ଲେଖାଯାଥିବା ମନୋଜ ମାଝୀ, ମନ୍ତ ମାଝୀ, ଫୁଲମେ ମାଝୀ, ପବିତ୍ର ମାଝୀ, ଜୟନ୍ତୀ ମାଝୀ, ରଶ୍ମିତା ମାଝୀ, ସରିତା ମାଝୀ, ପ୍ରମିଳା ମାଝୀ ସ୍କୁଲଙ୍କୁ ପାଠ ପଢ଼ିବା ପାଇଁ ଆସୁ ନ ଥିବା ବେଳେ ଏନେଇ ସ୍କୁଲ ପ୍ରଧାନ ଶିକ୍ଷକ ଙ୍କୁ ପଚାରିବାରୁ ଆମେ ସେହି ଗାଁକୁ ଯାଇଥିଲୁ ଓ ସମସ୍ତ ଛାତ୍ର ଛାତ୍ରୀ ଙ୍କ ସମେତ ଅଭିଭାବକ ଙ୍କୁ ବୁଝାସୁଝା କରିଥିଲୁ ସ୍କୁଲ କୁ ପିଲାଙ୍କୁ ଛାଡିବା ପାଇଁ କିନ୍ତୁ ସେମାନେ ଦୂରତା ଓ ଜଙ୍ଗଲୀ ରାସ୍ତା ଯୋଗୁଁ ସ୍କୁଲ ଆସିବା ପାଇଁ ଅନ୍ଇଚ୍ଛା ପ୍ରକାଶ କରୁଛନ୍ତି l ଆମେ ମଧ୍ୟ୍ୟ ଉପରିସ୍ଥ ଅଧିକାରୀଙ୍କୁ ଜଣାଇଛୁ ବୋଲି ମତ ପ୍ରକାଶ କରିଛନ୍ତି l ପିଲାଙ୍କୁ ଶିକ୍ଷା ଦାନ ପାଇଁ ଗାଁରେ ନୂତନ ସ୍କୁଲ ନିର୍ମାଣ ପାଇଁ ଦାବି କରିଛନ୍ତି ଫଗନୁ ମାଝୀ, ମଦନୁ ମାଝୀ, ଧମକା ମାଝୀ, ଚନ୍ଦ୍ର ମାଝୀ, ଗଦନ ମାଝୀ, ରାଣୁ ମାଝୀ, ସନ୍ତୋଷ ମାଝୀ ସମେତ ଗ୍ରାମ ବାସି l ତେଵେ ପ୍ରଶାସନ ଏତି ପ୍ରତି ଦୃଷ୍ଟି ଦେଇ ସମସ୍ୟାର ସମାଧାନ କରିବା ପାଇଁ ଗ୍ରାମ ବାସି ନିବେଦନ କରିଛନ୍ତି l

ଓଡ଼ିଶା ରାଜସ୍ୱ ଅମଲା ସଂଘର ଆନ୍ଦୋଳନ ନିଷ୍ପତି ; ୧୧ଅଗଷ୍ଟ ୨୦୨୫ ତାରିଖ ଠାରୁ ଅନିର୍ଦ୍ଧିଷ୍ଟ କାଳ ଯାଏଁ କାର୍ଯ୍ୟ ବନ୍ଦ…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ମାନସ କୁମାର ସିଂ ଙ୍କ ରିପୋର୍ଟ !!!

ଏଥର ସମ୍ଭାଳ(ଭବାନୀପାଟଣା)- ଓଡ଼ିଶା ରାଜସ୍ୱ ଅମଲା ସଂଘର ତା : ୧୩.୦୭.୨୦୨୫ ରିଖ ର ଏକ ଗୁରୁତ୍ବପୁର୍ଣ ରାଜ୍ୟ କାର୍ଯ୍ୟକାରିଣୀ ବୈଠକର ନିଷ୍ପତି ଅନୁସାରେ ଗତ ୧୧ ଅଗଷ୍ଟ ୨୦୨୫ ତାରିଖ ଠାରୁ ଅନିର୍ଦ୍ଧିଷ୍ଟ କାଳ ଯାଏଁ କାର୍ଯ୍ୟ ବନ୍ଦ ଆନ୍ଦୋଳନ ରେ ଯୋଗଦେଇଛନ୍ତି । ଆଜି ଦ୍ଵିତୀୟ ଦିନ ମଧ୍ୟ ଓଡିଶା ରାଜସ୍ବ ଅମଲା ସଂଘ କଳାହାଣ୍ଡି ଶାଖା ସାମୁହିକ ଛୁଟିରେ ଅଛନ୍ତି । ରାଜସ୍ୱ ଅମଲା ମାନଙ୍କର ସାମୁହିକ ଛୁଟିରେ ଥିବା ଯୋଗୁଁ କଳାହାଣ୍ଡି ଜ଼ିଲ୍ଲାର ସମସ୍ତ ରାଜସ୍ୱ ବିଭାଗୀୟ କାର୍ଯ୍ୟାଳୟ ଗୁଡିକ ଖାଲି ପଡି ରହିଅଛି । ଏହାଦ୍ୱାରା ବିଭିନ୍ନ କାର୍ଯ୍ୟରେ ଆସୁଥିବା ଜନସାଧାରଣ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି |ଆଜି ଦ୍ଵିତୀୟ ଦିନରେ ଓଡିଶା ରାଜସ୍ୱ ଅମଲା ମାନେ ଜ଼ିଲ୍ଲା ଅମଲା ଭବନ ଠାରେ ଏକତ୍ରିତ ହୋଇ ଏକ ପ୍ରତିବାଦ ସଭା ଆୟୋଜନ କରିଥିଲେ ଓ ଏଠାରେ ପ୍ରାୟ ୧୫୦ ଜଣ ଯୋଗଦେଇଥିଲେ । ରାଜ୍ୟ ସରକାର ଦାବି ପୂରଣ କରି ବିଜ୍ଞପ୍ତି ପ୍ରକାଶ କରିବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି କଳାହାଣ୍ଡି ଜ଼ିଲ୍ଲା ରାଜସ୍ୱ ଅମଲା ସଂଘର ଉପ-ସଭାପତି ନୀଳକଣ୍ଠ ଗଉଡ ଓ ସମ୍ପାଦକ ଆଶୁତୋଷ ମିଶ୍ର ପ୍ରକାଶ କରିଛନ୍ତି । ଜ଼ିଲ୍ଲା ଅମଲା ଭବନଠାରେ ଭବାନୀପାଟଣା ଓ ଧର୍ମଗଡ ଉପଖଣ୍ଡ ର ଶତାଧିକ କର୍ମଚାରୀ ଉପସ୍ଥିତ ରହିଥିଲେ । ଉପସ୍ଥିତ ଥିବା ଅନ୍ୟ କର୍ମଚାରୀ ହେଲେ ସୁନୀଲ କାନୁନଗୋ, ଲକ୍ଷ୍ମୀ ନାରାୟଣ ପୃଷ୍ଟି , କାଶୀନାଥ ଦଣ୍ଡସେନା, ବିଷ୍ଣୁ ଚରଣ ପାତ୍ର ଅଜିତ କୁମାର ସାହୁ, ସୁଦୀପ୍ତ ରଞ୍ଜନ ସିଂ, ଚିନ୍ମୟୀ ଠାକୁର , ଲେଖାରାମ ଗହୀର ଓ ବିନାୟକ ବିଶ୍ୱାଳ । ୯ ଦଫା ଦାବି ଗୁଡିକ ମଧ୍ୟରେ ମୁଖ୍ୟତଃ, ଜିଲ୍ଲା ସ୍ତରୀୟ କାର୍ଯ୍ୟରତ ରାଜସ୍ୱ ଅମଲା ମାନଙ୍କ ମୂଳ ଦରମା ଓଆର୍ଏସପି -୨୦୧୭ ନିୟମ ଅନୁଯାଇ ଲେବେଲ- ୯ କୁ ବୃଦ୍ଧି କରାଯାଉ । ରାଜ୍ୟ ସରକାରଙ୍କ ସାଧାରଣ ପ୍ରଶାସନ ଏବଂ ଅଭିଯୋଗ ବିଭାଗର ପତ୍ର ସଂଖ୍ୟା :- ୮୮୯୮ ତାରିଖ – ୧୫-୦୩-୨୦୨୪ ଅନୁଯାୟୀ ସମସ୍ତ ଜିଲ୍ଲାପାଳ ମାନଙ୍କ ଦ୍ଵାରା ପ୍ରଦାନ କରାଯାଇଥିବା ତଥ୍ୟ କୁ ଆଧାର କରି ନୂତନ ପଦବୀ ସୃଷ୍ଟି ଓ ପଦବୀ ପୁନର୍ଗଠନ କରାଯାଉ । ଏଥିସହ ଗତ ୨୮ ଜୁଲାଇ ୨୦୨୫ ରେ ଜାରି ହୋଇଥିବା ଓଡିଶା ରାଜସ୍ୱ ସେବା (ସଂଶୋଧନ ) ୨୦୨୫ ନିୟମରେ ରାଜସ୍ବ ଅମଲା ମାନଙ୍କର ଓଡିଶା ରାଜସ୍ୱ ସେବାରେ ପଦୋନ୍ନତି ସମ୍ଭାବନା ବହୁତ କମଥିବାରୁ ରାଜସ୍ୱ ଅମଲା ମାନେ ଅତ୍ୟନ୍ତ କ୍ଷୋଭ ପ୍ରକାଶ କରିଛନ୍ତି । ନୂତନ ପେନସନ ଯୋଜନା କୁ ରଦ୍ଦ କରି ସମସ୍ତ ସରକାରୀ କର୍ମଚାରୀ ଙ୍କୁ ପୁରାତନ ପେନସନ ଯୋଜନା ରେ ଅନ୍ତର୍ଭୁକ୍ତ କରାଯାଉ ।

ପ୍ରବାଦ ପୁରୁଷ ବିଜୁ ବାବୁ ଙ୍କ ୨୪ ତମ ଶ୍ରାଦ୍ଧ ଜୟନ୍ତୀ ପାଳିତ ।

!!! ଗୁଣୁପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣୁପୁର) – ରାୟଗଡ଼ା ଜିଲ୍ଲା ଗୁଣପୁର ସ୍ଥାନୀୟ ନୂତନ ବସ୍ ଷ୍ଟାଣ୍ଡ ଠାରେ ପ୍ରବାଦ ପୁରୁଷ ସ୍ବର୍ଗତ ବିଜୁ ପଟ୍ଟନାୟକ ଙ୍କ ୨୪ ତମ ଶ୍ରାଦ୍ଧ ଜୟନ୍ତୀ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମ ରେ ଗୁଣପୁର ବିଧାୟକ ଶ୍ରୀ ରଘୁନାଥ ଗମାଙ୍ଗ ମୁଖ୍ୟ ଅତିଥି ଭାବେ ଉପସ୍ଥିତ ରହି ବିଜୁ ବାବୁ ଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ କରିବା ସହ ବିଜୁ ବାବୁ ଯେପରି ଓଡିଶା ବାସୀ ଙ୍କ ସେବା କରି ନିଜ ନାମ ଅକ୍ଷୁର୍ଣ୍ଣ ରଖିଥିଲେ ଠିକ୍ ସେଭଳି ବିଧାୟକ ଶ୍ରୀ ଗମାଙ୍ଗ ମଧ୍ୟ ଗୁଣପୁର ବାସୀ ଙ୍କ ସେବା କରି ସଭିଙ୍କ ମନ ରେ ଘର କରିବାକୁ ଚେଷ୍ଟା କରିବି ବୋଲି ମତ ବ୍ୟକ୍ତ କରିଥିଲେ । ଏଥିରେ ବିଧାୟକ ଙ୍କ ସହ ଜିଲ୍ଲା ପରିଷଦ ସଭ୍ୟ ଶ୍ରୀ ଅଶ୍ୱିନ ଗମାଙ୍ଗ , ଜିଲ୍ଲା ବିଜୁ ଛାତ୍ର ଜନତା ଦଳ ସଭାପତି ଶ୍ରୀ ବିଷ୍ଣୁ ପଣ୍ଡା , ଯୁବ ସଂଗଠକ ରାମ ପଣ୍ଡା , ରିଣ୍ଟୁ ଦାଶ , ଆଇନଜୀବି ରାଜେନ୍ଦ୍ର ସାହୁ , ଆଇନଜୀବି ରାଜେନ୍ଦ୍ର ପାଢ଼ୀ , ପୂର୍ବତନ ୱାର୍ଡ ମେମ୍ବର ଦେବୀ ଆଚାର୍ଯ୍ୟ ପ୍ରମୁଖ ଉପସ୍ଥିତ ରହିଥିଲେ ।

ଛତିଶଗଡ – ନକ୍ସଲଙ୍କ ସହ ଗୁଳି ବିନିମୟରେ ୧୭ ଯବାନ ସହିଦ। 

ଏଥର ସମ୍ଭାଳ ବ୍ୟୁରୋ (ସୁକମା) – ସାରାଦେଶ କରୋନାର ଭୟାଭୟତାରୁ ମୁକ୍ତି ପାଇବା ପାଇଁ ସଂଘର୍ଷ ଜାରିରଖିଥିବା ବେଳେ ନକ୍ସଲମାନଙ୍କ ନକାରାତ୍ମକ କାର୍ଯ୍ୟକଳାପ ସରକାରଙ୍କ ଚିନ୍ତା ବଢ଼ାଇଦେଇଛି l ଶନିବାର ରାତିରେ ଛତିଶଗଡ ସୁକମା ଜିଲ୍ଲା ଚିନ୍ତାଗୁଫା ଜଙ୍ଗଳରେ ନକ୍ସଲମାନେ ଲୁଚିଥିବା ଖବର ପାଇ ପୋଲିସ ଚଢ଼ାଉ କରିଥିଲା । କିନ୍ତୁ ନକ୍ସଲ ମାନେ ଅମ୍ବୁସ କରି ଯବାନଙ୍କ ଉପରେ ଅତର୍କିତ ଆକ୍ରମଣ କରିଥିଲେ l ଫଳରେ ଡ଼ିଆରଜିର ୧୨ ଓ ଏସଟି ଏଫର ୫ ଜଣ ଯବାନ ସହିଦ ହୋଇଥିଲେ l ଯବାନ ମାନେ ମଧ୍ଯ ପାଲଟା ଜବାବ ଦେଇଥିଲେ l କିନ୍ତୁ ନକ୍ସଲଙ୍କ ମୃତାହତର କୌଣସି ସୂଚନା ହସ୍ତଗତ ହୋଇନାହିଁ l ଗତକାଲି ୪ ଜଣ ସହିଦ  ଯବାନଙ୍କ ମୃତଦେହ ମିଳିଥିବା ବେଳେ ଆଜି ବାକି ୧୩ ଜଣଙ୍କ ମିଳିଥିଲା l