M.K.C.G ମେଡିକାଲରେ ଦାରିଂବାଡ଼ି ପୀଡିତାଙ୍କୁ ଭେଟିଲେ ମହିଳା କଂଗ୍ରେସ ପ୍ରତିନିଧି ଦଳ

ଏଥର ସମ୍ଭାଳ ବ୍ୟୁରୋ (ବ୍ରହ୍ମପୁର) – ଦାରିଂବାଡ଼ିର ସେବାଶ୍ରମର ପ୍ରସବ କରିଥିବା ଅଷ୍ଟମ ଶ୍ରେଣୀର ନାବାଳିକାକୁ ମହିଳା କଂଗ୍ରେସ ସଭାପତି ଶ୍ରୀମତୀ ସୁମିତ୍ରା ଜେନାଙ୍କ ନେତୃତ୍ୱରେ ଭୁବନେଶ୍ୱରରୁ ଏକ ପ୍ରତିନିଧି ଦଳ ଏମ୍କେସିଜି ହସ୍ପିଟାଲରେ ଭେଟି ତାର ସ୍ୱାସ୍ଥ୍ୟବସ୍ଥା ଦେଖିବା ସହ ଆଇଜିଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ସେ ପ୍ରକାଶ କରିଛନ୍ତି ଯେ ଉକ୍ତ ନାବାଳିକା ପ୍ରସବ କରିଥିବା ଶିଶୁର କତୃପର୍କ୍ଷଙ୍କ ଅବହେଳାରୁ ମୃତୁ୍ୟ ହୋଇଯାଇଛି ନାବାଳିକାର ଅବସ୍ଥା ମଧ୍ୟ ଭଲ ନାହିଁ ପ୍ରଶାସନରେ ଚାପରେ ନାବାଳିକାଟି କୌଣସୀ ପ୍ରକାର ମତାମତ ଦେବାକୁ ଅନିଛା ପ୍ରକାଶ କରିଥିଲା । ଏହାପରେ ଡାକ୍ତରଖାନାରୁ ଯାଇ ଗଂଜାମ ରେଞ୍ଜ ଆଇଜିଙ୍କୁ ଭେଟି ଉକ୍ତ ପିଡ଼ିତା ନାବାଳିକା ସଂପର୍କରେ ଆଲୋଚନା କରିବା ସହ ଏକ ଦାବିପତ୍ର ମାଧ୍ୟମରେ ପ୍ରକାଶ କରିଛନ୍ତି କି ଅଭିଯୁକ୍ତ ଦୁଷ୍କର୍ମ କରିଥିବା ବ୍ୟକ୍ତିଙ୍କୁ କଠୋର ଦଣ୍ଡ ଦେବା ସହ ସେବାଶ୍ରମର ପରିଚାଳିକା, ନିଯୁକ୍ତି ପାଇଥିବା ଡାକ୍ତର ସେବାଶ୍ରମର କର୍ମକର୍ତାଙ୍କ ବହିସ୍କାର ଦାବି ପୀଡ଼ିତାର ଉପଯୁକ୍ତ ଚିକିତ୍ସା ସହ ତାର ଥଇଥାନ ବ୍ୟବସ୍ଥା ଏବଂ କ୍ଷତିପୂରଣ ବାବଦ ୧୦ଲକ୍ଷ ଟଙ୍କା ଦାବି ବିଭାଗୀୟ ମନ୍ତ୍ରୀ, ମହିଳା ଓ ଶିଶୁକଲ୍ୟାଣ ମନ୍ତ୍ରୀ ଓ ଆଦିବାସୀ ସମନ୍ୱୟ ମନ୍ତ୍ରୀଙ୍କ ଇସ୍ତଫା ଦାବି କରିଥିଲେ । ଏହି ଦାବି ପୂରଣ ନହେଲେ ଆନେ୍ଦାଳନ ଜୋରଦାର ହବ ବୋଲି ଶ୍ରୀମତୀ ଜେନା ଚେତାବନି ଦେଇଥିଲେ ।

ଏହି ପ୍ରତିନିଧି ଦଳରେ ଅନ୍ୟମାନଙ୍କ ମଧ୍ୟରେ ଶ୍ରୀମତୀ ଜେନାଙ୍କ ସହ  ରାଜ୍ୟ ମହିଳା କଂଗ୍ରେସର ଉପସଭାପତି ପ୍ରଣତୀ ମିଶ୍ର, ଭାଗ୍ୟଶ୍ରୀ ପ୍ରଧାନ, ସାଧାରଣ ସଂପାଦିକା କୁସୁମ ପ୍ରଧାନ, ସଂପାଦିକା ପ୍ରଭାବତି ପଟ୍ଟନାୟକ, ଗଞ୍ଜାମ ଜିଲା ମହିଳା ସଭାପତି ସ୍ୱରୂପା ତ୍ରିପାଠୀ,  ଗଞ୍ଜାମ ଜିଲା କଂଗ୍ରେସ ସଭାପତି ଡ. ତ୍ରିନାଥ ବେହେରା,  କାର୍ଯ୍ୟକାରୀ ସଭାପତି ପୀତବାସ  ପଣ୍ଡା,  ଦୀପକ ପଟ୍ଟନାୟକ, ବୃନ୍ଦାବନ ଖଟେଇ, ନଗର କଂଗ୍ରେସ କମିଟି ସଭାପତି ପ୍ରମୋଦ କୁମାର ଜେନା, ଭୁକାଲି ସେଠୀ, ବିଶ୍ୱଜିତ ପାତ୍ର ପ୍ରମୁଖ ଉପସ୍ଥିତ ଥିଲେ ।

କଂଗ୍ରେସ ଗଡ଼ ରେ ବିଜେପି ର ଜନସମ୍ପର୍କ ପଦଯାତ୍ରା।

!!! ଯାଜପୁର ଜିଲ୍ଲା ବରୀ ରୁ ପ୍ରଦୀପ ମହାରଣା ଙ୍କ ରିପୋର୍ଟ !!!

ଯାଜପୁର ଜିଲ୍ଲା ବରୀ ବ୍ଲକ ରତ୍ନଗିରି ପଞ୍ଚାୟତ ରେ ବିଜେପି ର ଜନ ସମ୍ପର୍କ ପଦଯାତ୍ରା ଶ୍ରୀ ବିଶ୍ବ ରଞ୍ଜନ ମଲ୍ଲିକ ଙ୍କ ନେତୃତ୍ୱ ରେ ଆରମ୍ଭ ହୋଇଥିଲା ।

ଏହି ପଦଯାତ୍ରା ରେ ରତ୍ନଗିରି କୁ କଂଗ୍ରେସ ର ଗଡ଼ ବୋଲି କୁହାଯାଉଥିବା ବେଳେ , ଆଜି ସେହି ଗଡ଼ ରେ ବିଶ୍ବ ରଞ୍ଜନ ମଲ୍ଲିକ ଶହ ଶହ କର୍ମୀ ଙ୍କୁ ନେଇ ନିଜ ଶକ୍ତି ପ୍ରଦର୍ଶନ କରିଥିଲେ ।

ପଞ୍ଚାୟତ ର ମାଆ ବାପା ଭାଇ ଭଉଣୀ ଙ୍କ ମନ ରେ ବିଶ୍ବ ଙ୍କ ପ୍ରତି ଅହେତୁକ ପ୍ରେମ ଦେଖିବାକୁ ମିଳିଛି ।

ଏହି ଯାତ୍ରା ରେ ଦେବୁଲି ଦାସ , ବାପି ମହାରଣା , ଭରତ ସେଠୀ , ରମେଶ ଭଞ୍ଜ , ଦିଲ୍ଲୀପ ମହାନ୍ତି , ହେମନ୍ତ ମହାପାତ୍ର , ମାନସ ମହାନ୍ତି ଙ୍କ ସମେତ ବହୁ ମହିଳା ଓ ପୁରୁଷ ସମର୍ଥକ ମାନେ ଯୋଗ ଦେଇଥିବା ଦେଖିବାକୁ ମିଳିଥିଲା ।

ପଦ୍ମ ଫୁଟିବ , ବରୀ ହସିବ ନାରା ରେ କମ୍ପି ଥିଲା କଂଗ୍ରେସ ଗଡ଼ ।

୮ମ ଶ୍ରେଣୀ ର ନାବାଳିକା ଅନ୍ତେବାସୀ ଛାତ୍ରୀ ବିଦ୍ୟାଳୟ ପରିସର ରେ ଜନ୍ମ ଦେଲେ କନ୍ୟା ସନ୍ତାନ !

 ଏଥର ସମ୍ଭାଳ ବ୍ୟୁରୋ (କନ୍ଧମାଳ) – ଲାଜରେ ମୁଣ୍ଡ ତଳକୁ ହୋଇଗଲା ଭଳି ଘଟଣା | ଆମେତ ଆଶ୍ଚର୍ଯ୍ୟ ହେଉଛୁ ସେ ଆବାସିକ ବିଦ୍ୟାଳୟରେ କାର୍ଯ୍ୟରତ ବା ଦାୟିତ୍ୱରେ ଥିବା ଶିକ୍ଷକ, କର୍ମଚାରୀ ଦୃଷ୍ଟିହୀନ ନା ଦାୟିତ୍ବହୀନ !!! ଲୋକନିନ୍ଦାରୁ ସେ ନାବାଳିକାଟିକୁ ବା ତା ପରିବାରକୁ ବଂଚାଇ ପାରି ଥାନ୍ତେ !!!!

କନ୍ଧମାଳ ଜିଲ୍ଲା ଦାରିଙ୍ଗବାଡି ଥାନା ଅଂଚଳର ଗ୍ରୀନବାଡିଠାରେ ଥିବା ଆବାସିକ ବିଦ୍ୟାଳୟରେ ଘଟିଛି ଏକ ଲଜ୍ୟାଜନକ ଘଟଣା । ଦାରିଙ୍ଗବାଡି ଅନୁସୂଚିତ ଜାତି ଓ ଜନଜାତି ଅବାସିକ ବିଦ୍ୟାଲୟ ର ଜଣେ ୮ମ  ଶ୍ରେଣୀର ଅନ୍ତେବାସୀ ନାବାଳିକା ଛାତ୍ରୀ ବିଦ୍ୟାଳୟ ପରିସରରେ ଗୋଟିଏ କନ୍ୟା ସନ୍ତାନକୁ ପ୍ରସବ କରିଛନ୍ତି । ମିଳିଥିବା ସୁଚନା ମୁତାବକ  ଛାତ୍ରୀ ଜଣକ ରବିବାର ଭୋର  ସମୟରେ ହଷ୍ଟେଲ ର ଗାଧୁଆଘରେ ପ୍ରସବ  କରିଥିଲେ । ଏହି ଘଟଣା ଜଣା ପଡିବାପରେ ପ୍ରଧାନ ଶିକ୍ଷୟୀତ୍ରୀ ସମ୍ପୃକ୍ତ ନାବାଳିକାକୁ ସେହି ସମୟରେ ବିଦ୍ୟାଳୟରୁ ଚାଲିଯିବାପାଇଁ କହିଥିଲେ ବୋଲି ଅଭିଯୋଗ ହୋଇଛି ଫଳରେ ପୀଡିତା ନବଜାତକୁ ଧରି ସେଠାରୁ ପ୍ରାୟ ୧୦ କିମି ଦୁରତାରେ ଥିବା ସ୍ରାନିକେତା ଜଙ୍ଗଲରେ ଲୁଚିଥିଲା । ଘଟଣା ସମ୍ପର୍କରେ ଜଣାପଡିବାପରେ ଓ ଗଣମାଧ୍ୟମରେ ପ୍ରସାର ହୋଇଥିଲା ଫଳରେ ଜିଲ୍ଲାପ୍ରଶାସନ ସେଠାରୁ ଉଦ୍ଧାର କରି ବାଲିଗୁଡା ଉପଖଣ୍ଡ ଚିକିତ୍ସାଳୟରେ ଭର୍ତିକରାଇବା ସହିତ ପୀଡିତା ଓ ନବଜାତଙ୍କର ଚିକିତ୍ସା  କରାଇଥିଲେ । ଏହି ଘଟଣା ସମ୍ପର୍କରେ ଜାଣିବାପରେ  ଦାରିଙ୍ଗବାଡି ଓ ଗ୍ରୀନବାଡି ର ଶତାଧିକ ଲୋକ ଦାରିଙ୍ଗବାଡିର ରାସ୍ତାରେ ଟାୟାର ଜାଳି ରାସ୍ତା ଅବରୋଧ କରିବାସହିତ ବିଦ୍ୟାଳୟରେ ଧସେଇପଶିବାକୁ ଉଦ୍ୟମ କରିଥିଲେ । ଖବରପାଇ ଦାରିଙ୍ଗବାଡିଥାନା ଅଧିକାରୀ ଓ ବାଲିଗୁଡା  ଉପଖଣ୍ଡ ପୋଲିସ ଅଧିକାରୀ ସେଠାରେ ପହଂଚି ଲୋକଙ୍କୁ ବୁଝାସୁଝା  କରିବାପରେ ରାସ୍ତାରୋକ ପ୍ରତ୍ୟାହୁ୍ରତ ହୋଇଥିଲା । ପୋଲିସ ଏହି ଘଟଣାର ଅଭିଯୁକ୍ତ ଦାରିଙ୍ଗବାଡି  ଅଂଚଳର ଶ୍ରବଣ କୁମାର ପ୍ରଧାନକୁ ଗିରଫ କରି ଏ ସଂକ୍ରାନ୍ତରେ ଏକ ମାମଲା ୩/୧୯ ଓ ୩୭୬(୩) ସହ ପୋକ୍ସୋ ଦଫା ୬ରେ ରୁଜ୍ଜୁ କରି ଘଟଣାର ତଦନ୍ତ ଚଳାଇଥିବା ଜଣାପଡିଛି ।  ଅନ୍ୟ ପକ୍ଷରତେ ପୀଡିତା ଓ ନବଜାତକୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ମେଡିକାଲ କଲେଜକୁ ସ୍ତାନାନ୍ତର କରାଯାଇଛି ।   ଜିଲ୍ଲା ପ୍ରଶାସନ ପକ୍ଷରୁ ଏହି ଘଟଣାର ଦୋଷିମାନଙ୍କ ବିରୁଦ୍ଧରେ ପଦକ୍ଷେପ ସ୍ୱରୁପ ବିଦ୍ୟାଳୟର ସହକାରୀ ଶିକ୍ଷୟୀତ୍ରୀ ତଥା ଛାତ୍ରାବାସ ନୀରୀକ୍ଷକ ନକ୍ଷେତ୍ରମାଳା ସାହୁ,ଜୋ୍ୟସ୍ନାରାଣି ନାୟକ ଓ ଆଶାରାଣି ମିଶ୍ରଙ୍କୁ କାର୍ଯ୍ୟରୁ ନିଳମ୍ବିତ କରିଥିବାବେଳେ ପ୍ରଧାନ ଶିକ୍ଷୟୀତ୍ରୀ ରାଧାରାଣୀ ଦଳେଇଙ୍କୁ କାର୍ଯ୍ୟରୁ ନିଳମ୍ବନ ପାଇଁ ରାଜ୍ୟ ସରକାରଙ୍କୁ ସୁପାରିଶ କରିଛନ୍ତି । ସେହିପରି ବିଦ୍ୟାଳୟରେ କାର୍ଯ୍ୟରତ ଦୁଇଜଣ ମେଟ୍ରନ ଦୁଇଜଣ ରୋଷେଇଆ ଜଣେ ଏ.ଏନ.ଏମ ଓ ଜଣେ ମହିଳା ତତ୍ୱାବଧାରିକାଙ୍କୁ ଜିଲ୍ଲାପାଳ ସେମାନଙ୍କ କାର୍ଯ୍ୟରୁ ବହିସ୍କାର କରିଛନ୍ତି । ତେବେ ଏହି ଘଟଣାକୁ ନେଇ କନ୍ଧମାଳ ଆରକ୍ଷୀଅଧିକ୍ଷକ ଏକ ସାମ୍ବାଦିକ ସମ୍ମୀଳନିରେ ପୀଡିତା ପ୍ରାୟ ୮ମାଷ ପୁର୍ବେ ଛୁଟିରେ ନିଜ ଘରକୁ ଯାଇଥିବାବେଳେ ଦାରିଙ୍ଗବାଡି କଲେଜରେ ଯୁକ୍ତ ୩ ପାଠ ପଢୁଥିବା ଶ୍ରବଣ ପ୍ରଧାନ ତା ସହିତ ଦୁସ୍କର୍ମ ଥିଲା କିନ୍ତୁ ପିଡିତା ଏସମ୍ପର୍କରେ ସେତେବେଳେ କାହାକୁ କିଛି କହିନଥିଲା ବୋଲି  ପିଡିତାଙ୍କ ବାପା ଦାରିଙ୍ଗବାଡି ଥାନାରେ ଏକ ଅଭିଯୋଗ କରିଛନ୍ତି । ତେବେ ପୀଡିତାଙ୍କ ବୟାନ ରେକର୍ଡ ହେବାପରେ ପ୍ରକୃତ ସତ୍ୟସତ୍ୟ ଜଣାପଡିବ ବୋଲି କହିଛନ୍ତି ଆରକ୍ଷୀ ଅଧିକ୍ଷକ ପ୍ରତୀକ ସିଂ । ଏହିଭଳି ଏକ ଘଟଣା ସମ୍ପର୍କରେ ବିଦ୍ୟାଳୟ କର୍ତୃପକ୍ଷ କିପରି ପୁର୍ବରୁ ଜାଣିପାରିନଥିଲେ କିମ୍ବା ଜଣିସୁଦ୍ଧା ଘଟଣାକୁ ଚପାଇବାପାଇଁ ଚେଷ୍ଟା କରୁଥିଲେ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟିକରିଛି । ସେହିପରି ଜାତୀୟ ସ୍ୱାସ୍ଥ୍ୟ ମିଶନ ପକ୍ଷରୁ ନିୟୋଜିତ ଭ୍ରାମ୍ୟମାଣ ସ୍ୱାସ୍ଥ୍ୟସେବା ପ୍ରଦାନ ପାଇଁ ବିଦ୍ୟାଳକୁ ପ୍ରତ୍ୟେକ ମାଷରେ ଯାଇ ସ୍ୱାସ୍ଥ୍ୟ ପରୀକ୍ଷା କରୁଥିବାସ୍ୱାସ୍ଥ୍ୟସେବା ପ୍ରଦାନ କରୀ ଦଳ ମଧ୍ୟ ଏହି ସମ୍ପର୍କରେ ଜଣିପାରିନବାରୁ ତାଙ୍କର କାର୍ଯ୍ୟକଳାପ ମଧ୍ୟ ସନେ୍ଦହରେ ଥିବା ଆଲୋଚନା ହେଉଛି ।

ଅଜଣା ରୋଗ ରେ ପୀଡିତ ହର ! ପହଞ୍ଚି ପାରୁନି ସରକାର ଙ୍କ କୌଣସି ଯୋଜନା ।

ଏଥର ସମ୍ଭାଳ ବ୍ୟୁରୋ (ଗାଇସିଲଟ) – ଗାଇସିଲାଟ ବ୍ଲକ ଅନ୍ତର୍ଗତ ତାଲପାଲି ଗ୍ରାମ ପଞ୍ଚାୟତର ଖୁଣ୍ଟପାଲି ଗ୍ରାମର ରଘୁନାଥ ବରିହାଙ୍କ ୬ବର୍ଷର ପୁଅ ହର ପ୍ରସାଦ ବରିହା ଜନ୍ମରୁ ଅଜଣା ରୋଗର ଶିକାର ହୋଇଛି।ବିଗତ ୬ବର୍ଷ ମଧ୍ୟରେ ପ୍ରାୟ ଚାରିଲକ୍ଷ ଟଙ୍କା ଖର୍ଚ୍ଚ କରିଥିଲେ ମଧ୍ୟ ରୋଗର କିଛି ସୁଧାର ହୋଇପାରୁନି।

ସୂଚନା ଥାଉକି ପ୍ରେମରାଜ ବରିହା ଜଣେ କ୍ଷୁଦ୍ରଚାଷୀ ତଥା ବି.ପି.ଏଲ୍ କାର୍ଡଧାରୀ ଅଟନ୍ତି।ତାଙ୍କର ଦୁଇଟି ସନ୍ତାନ ଅଛନ୍ତି।ପ୍ରାୟ ଦେଢବର୍ଷ ହବ କୌଣସି ଏକ ଘରୋଇ କଲହ ଯୋଗୁଁ ଦୁଇ ଶିଶୁଙ୍କୁ ସ୍ବାମୀ ପାଖରେ ଛାଡ଼ି ନିଜ ବାପଘରକୁ ତୁଳାଉଛନ୍ତି ପ୍ରେମରାଜଙ୍କ ସ୍ତ୍ରୀ ରଶ୍ମିତା ବରିହା।ବଡଝିଅ ଏକ ଆଶ୍ରମରେ ପାଠପଢୁଥିବା ବେଳେ ଶଯ୍ୟାଶାୟୀ ରୋଗୀଣା ଶିଶୁ ପୁତ୍ର ପାଇଁ ବାପା-ମା ଦୁହିଁଙ୍କର କର୍ତ୍ତବ୍ୟ ଚଳାଉଛନ୍ତି ରଘୁନାଥ।ହରପ୍ରସାଦ ଜନ୍ମ ହେବାର କିଛି ଦିନ ପରେ ତାର ବାମ ଗୋଡ ଓ ବାମ ହାତରେ ସାମାନ୍ୟ ଫୁଲା ଥିଲା।ସମୟ ବଢିବାସହିତ ହରପ୍ରସାଦର ହାତ,ଗୋଡ, ମୁହଁ ପେଟ ଆଦି ଫୁଲିବାରେ ଲାଗିଛି।

ସ୍ଥାନୀୟ ତାଲପାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରଠାରୁ ଆରମ୍ଭ କରି ପଦ୍ମପୁର,ବରପାଲି,ବରଗଡ଼,ବଲାଙ୍ଗୀର, ବୁର୍ଲାରେ ଚିକିତ୍ସା ସମ୍ଭବ ନହେବାରୁ ରଘୁନାଥ ପୁତ୍ର ହରପ୍ରସାଦକୁ ନେଇଁ ପହଞ୍ଚିଥିଲେ କଟକ ବଡ ଡାକ୍ତରଖାନାରେ କିନ୍ତୁ ସେଠାରେ ଅସ୍ତ୍ରୋପଚାର ପରେ ମଧ୍ୟ କିଛି ଫଳ ମିଳିନାହିଁ।ରୋଗୀଣା ପୁଅକୁ ଘରେ ଯୋଗିରହିଥିବାରୁ ରଘୁନାଥ ମଜୁରୀ କରିବାକୁ ମଧ୍ୟ ଯାଇପାରୁନାହାଁନ୍ତି। ପୂର୍ବରୁ ପୁଅର ଅସ୍ତ୍ରୋପଚାର ପାଇଁ ତାଙ୍କ ଚାଷଜମୀକୁ ମଧ୍ୟ ବନ୍ଧାପକେଇଛନ୍ତି। ଅର୍ଥାଭାବ ଯୋଗୁଁ ଗ୍ରାମର ପ୍ରାଥମିକ ବିଦ୍ୟାଳୟରେ ପ୍ରଥମ ଶ୍ରେଣୀରେ ପାଠ ପଢୁଥିବା ପ୍ରେମରାଜ ଏବେ ସଜ୍ୟାଶାୟୀ।ରଘୁନାଥ ବରିହା ଙ୍କ ପାଖରେ ପୁଅର ଚିକିତ୍ସା ପାଇଁ ଟଙ୍କାଟିଏ ହେଲେ ପାଖରେ ନଥିବାରୁ ସେ ସରକାରୀ ସହାୟତା ପାଇଁ ସରକାରଙ୍କ ଠାରେ ଦାବି ଜଣାଇଛନ୍ତି |

କଂଗ୍ରେସକୁ ବାଏ ବାଏ କରିପାରନ୍ତି ବିଧାୟକ ନବ ଦାସ ! ୨୪ରେ ବିଜେଡିରେ ହୋଇପାରନ୍ତି ସାମିଲ

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – କଂଗ୍ରେସର ହାତ ଛାଡି ବିଜେଡିର ଶଙ୍ଖ ଫୁଙ୍କିବେ ଝାରସୁଗୁଡା ବିଧାୟକ ନବ ଦାସ । ବିଜେଡିରେ ଯୋଗଦେବା ନେଇ ନବ ସିଧାସଳଖ କହିନଥିବା ବେଳେ ବୁଲେଇ ବଙ୍କେଇ ଏଭଳି କହିଛନ୍ତି । ୨୦୧୯ରେ ସେ ଶଙ୍ଖ ଚିହ୍ନରେ ଲଢନ୍ତୁ ବୋଲି ଝାରସୁଗୁଡାବାସୀ ତାଙ୍କୁ ଅନୁରୋଧ କରିଛନ୍ତି । ଏନେଇ ସେ ଖୁବଶୀଘ୍ର ନିଷ୍ପତି ନେବା ପାଇଁ ମଧ୍ୟ ଅନୁରୋଧ କରିଛନ୍ତି ।

ସବୁ ଆଡୁ ଏହି ମତାମତ ଆସିବା ପରେ ଏକ ସଭାରେ ଆଜି କଂଗ୍ରେସ ଛାଡି ବିଜେଡିରେ ଯୋଗଦେବା ନେଇ ନବ ଇଙ୍ଗିତ କରିଛନ୍ତି । ଲୋକ ଯାହା ମୋତେ ପରାମର୍ଶ ଦେଇଛନ୍ତି ତାଙ୍କର କଥା ମାନି ମୁୁଁ ନିଷ୍ପତି ନେବି ବୋଲି କହିଛନ୍ତି ନବ ।

ଆସନ୍ତା ୨୪ ତାରିଖରେ ନବୀନଙ୍କ ଝାରସୁଗୁଡା ଗସ୍ତ ସମୟରେ କଂଗ୍ରେସର ଏହି ଟାଣୁଆ ନେତା ବିଜେଡିରେ ଯୋଗଦେବା ନେଇ ସମସ୍ତ ପ୍ରସ୍ତୁତି ଏକପ୍ରକାର ଶେଷ ହୋଇଛି ।

ରାହୁଲଙ୍କ ଓଡିଶା ଗସ୍ତ ପୂର୍ବରୁ ନବ କଂଗ୍ରେସ ଛାଡି ବିଜେଡି କ୍ୟାମ୍ପରେ ଯୋଗଦେବେ । ତେବେ ପୂର୍ବରୁ ବାରମ୍ବାର କଂଗ୍ରେସରୁ ଲଢିବି ବୋଲି କହି ଆସୁଥିବା ନବ ଆଜି ୟୁ-ଟର୍ଣ୍ଣ ମାରିଛନ୍ତି । ତେବେ କୌଣସି ନିଦ୍ଦିଷ୍ଟ କାରଣ ପାଇଁ କଂଗ୍ରେସ ଛାଡି ବିଜେଡିରେ ଯୋଗ ଦେବି ନାହିଁ ବୋଲି କହିଛନ୍ତି ନବ । ଲୋକଙ୍କ କଥା ଅନୁସାରେ ମୁୁଁ ନିଷ୍ପତି ନେବି ବୋଲି କହିଛନ୍ତି ନବ ।

ଦଳ ସଭାପତି ରାହୁଲ ଗାନ୍ଧି ଓ ନିରଞ୍ଜନ ପଟ୍ଟନାୟକଙ୍କ ସହ ତାଙ୍କର ଭଲ ସର୍ମ୍ପକ ରହିଛି । ତେବେ ଲୋକଙ୍କ ଅନୁରୋଧ କ୍ରମେ ଆଗାମୀ ଦିନରେ ଝାରସୁଗୁଡାବାସୀଙ୍କ କଥାକୁ ଗ୍ରହଣ କରି ନିଷ୍ପତି ନେବି ବୋଲି କହିଛନ୍ତି ନବ । ଏହାଛଡା ଆସନ୍ତା ୨୪ରେ ମୁଖ୍ୟମନ୍ତ୍ରୀଙ୍କ ଝାରସୁଗୁଡା ଗସ୍ତ ସମୟରେ ନବୀନଙ୍କୁ ସ୍ୱାଗତ କରିବି ବୋଲି କହିଛନ୍ତି ନବୀନ । ଏବେ ନବ ଦାସ ପିସିସିର କାର୍ଯ୍ୟକାରୀ ସଭାପତି ରହିଛନ୍ତି ।

କାଳିଆ କଲ୍ ସେଣ୍ଟର ଦୂର କରୁଛି ହିତାଧିକାରୀଙ୍କ ସନ୍ଦେହ !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) –  କାଳିଆ ଯୋଜନା ବିଷୟରେ ଲୋକଙ୍କ ସନ୍ଦେହ ଦୂର କରିବା ପାଇଁ ଆରମ୍ଭ ହୋଇଥିବା କଲ୍ ସେଣ୍ଟରକୁ ହଜାର ହଜାର କଲ୍ ଆସୁଛି । ଦିନକୁ ୩୦ ହଜାରରୁ ଅଧିକ କଲ୍ ଆସୁଥିବା ଜଣାପଡିଛି । ଆଉ କଲ୍ ସେଣ୍ଟରରେ ଥିବା କର୍ମଚାରୀ କାଳିଆ ଯୋଜନା ବାବଦରେ ଲୋକଙ୍କୁ ଟିକିନିକି ସୂଚନା ଦେଉଛନ୍ତି ।

ଗାଁ ଗହଳିରୁ କଲ୍ ସେଂଟରକୁ ଘନ ଘନ କଲ୍ ଆସୁଛି । ଲୋକେ ଜାଣିବାକୁ ଚାହୁଁଛନ୍ତି କାଳିଆ ଯୋଜନା ବିଷୟରେ । କଣ ଏହି ଯୋଜନା, କାହାକୁ ଲାଭ ମିଳିବ, କେମିତି ଆବେଦନ କରାଯିବ ଏବଂ ଫର୍ମ କେଉଁଠି ମିଳିବ? ଏମିତି ଅନେକ ପ୍ରଶ୍ନ ରହିଛି ହିତାଧିକାରୀଙ୍କ ମୁହଁରେ । ଆଉ ତାର ଉତର ରଖୁଛନ୍ତି କଲ୍ ସେଂଟରରେ ଥିବା ଗ୍ରାହକ ସେବା କର୍ମଚାରୀ । ଅନେକ ହିତାଧିକାରୀ ଅଭିଯୋଗ ବି କରୁଛନ୍ତି । କାଳିଆ କଲ୍ ସେଂଟରକୁ ଦିନକୁ ୩୦ ହଜାର କଲ୍ ଆସୁଛି ।

ଗଂଜାମରର ଜଣେ ହିତାଧିକାରୀ ପ୍ରଶ୍ନ କରିଥିଲେ , ଆଉ ତାର ଉତର ରଖିଥିଲେ ମୁଖ୍ୟମନ୍ତ୍ରୀ । କାଳିଆ ଯୋଜନାରେ ହିତାଧିକାରୀଙ୍କୁ ୨୫ ହଜାର ଟଙ୍କା ଯୋଗାଇ ଦିଆଯିବ ବୋଲି କହିଥିଲେ ମୁଖ୍ୟମନ୍ତ୍ରୀ । ଭୁବନେଶ୍ୱର ଓକାକ୍ ବିଲଡିଂରେ ଗତ ୫ତାରିଖରୁ ଏହି କଲ ସେଂଟର ଖୋଲାଯାଇଛି । ନନଷ୍ଟପ୍ ୨୪ ଘଂଟା କାମ କରୁଛି ଏହି କଲ ସେଂଟର ।

କାଳିଆ ଯୋଜନାର ଲାଭ କିଭଳି ପ୍ରକୃତ ହିତାଧିକାରୀଙ୍କୁ ମିଳିପାରିବ ସେନେଇ ସଚେତନ କରିବା ଏହି କଲ୍ ସେଂଟରର ଉଦ୍ଦେଶ୍ୟ । ଆସନ୍ତା ୨୬ ତାରିଖ ସୁଦ୍ଧା ହିତାଧିକାରୀଙ୍କୁ କାଳିଆ ଯୋଜନା ଟଙ୍କା ମିଳିବ ବୋଲି ସରକାର କହିସାରିଛନ୍ତି । କାଳିଆ ଯୋଜନା ବାବଦରେ ଅଧିକ ଜାଣିବା ପାଇଁ ଟୋଲ ଫ୍ରି ନମ୍ବର ୧୮୦୦୫୭୨୧୧୨୨ରେ କଲ କରି ପୂରା ତଥ୍ୟ ଜାଣି ପାରିବେ ।

୨୦୧୯ ନିର୍ବାଚନ ପୂର୍ବରୁ ଓଡିଶା ରାଜନୀତିିରେ ହେବ କି ନୂଆ ସମୀକରଣ !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ରାଜ୍ୟ ରାଜନୀତିରେ ନୂଆ ସମୀକରଣକୁ ନେଇ ଚର୍ଚା ଭିତରେ ଆଜି ମିଳିଛି ନୂଆ ସଙ୍କେତ । ଆଉ ଏହି ସଙ୍କେତ ଦେଇଛନ୍ତି ବରିଷ୍ଠ ନେତା ଦାମୋଦର ରାଉତ । ଦାମଙ୍କ ମୁହଁରେ ଶୁଣିବାକୁ ମିଳିଛି କଂଗ୍ରେସର ପ୍ରଶଂସା । ସିଧା ସଧା କହିଛନ୍ତି, କଂଗ୍ରେସରେ ସାମିଲ ହେବାରେ ଅନ୍ୟମାନଙ୍କର କୁଂଠା ଥାଇପାରେ , କିନ୍ତୁ ତାଙ୍କର କିଛି କୁଣ୍ଠା ନାହିଁ । ସେହିପରି ପୂର୍ବତନ ଅର୍ଥମନ୍ତ୍ରୀ ପଂଚାନନ କାନୁନଗୋ କହିଛନ୍ତି, ବିଜେପି ଓ ବିଜେଡି ଠାରୁ କଂଗ୍ରେସ ଭଲ ।

ତିଆରି ହେଉଛି କି ନୂଆ ସମୀକରଣ ? ଦାମଙ୍କୁ ଅଡୁଆ ନୁହେଁ କଂଗ୍ରେସ । ଏଭଳି କଥା ଖୋଦ ନିଜେ କହିଛନ୍ତି ଦାମ । ଦାମଙ୍କ ମୁହଁରୁ କଂଗ୍ରେସ ପ୍ରଶଂସା ଏବେ ରାଜ୍ୟ ରାଜନୀତିକୁ ଉଷ୍ମ କରିଛି । କିନ୍ତୁ ଯେତେବେଳେ ନିର୍ବାଚନ ପାଖେଇ ଆସେ, ସେତେବେଳେ ନୂଆ ସମୀକରଣ ମଧ୍ୟ ତିଆରି ହୂଏ । ନିର୍ବାଚନ ପୂର୍ବରୁ ନୂଆ ଦଳ ଗଠନ କରି ନବୀନଙ୍କୁ ଚ୍ୟାଲେଂଜ୍ କରିବା ଏକ ପ୍ରକାର ଅସମ୍ଭବ ବୋଲି ମନେ କରୁଛନ୍ତି ବିଜୁ ଅନୁଗତ । ତେଣୁ ଜାତୀୟ ଦଳ ସହ ବୁଝାମଣା କରି ବିଜେଡିକୁ ମାତ୍ ଦେବାକୁ ଚିନ୍ତା କରୁଛନ୍ତି ।

ରାଜନୀତିର ପଶାପାଲିରେ ୨୦୧୯ ନିର୍ବାଚନ ଏକ ଏଭଳି ପରିସ୍ଥିତି ସୃଷ୍ଟି କରିଛି ଯାହା ହୁଏତ ଏହି ନେତାମାନେ କେବେ କଳ୍ପନା କରିନଥିଲେ । ବିଜୟ ଓ ଦିଲୀପ କିଛିଦିନ ପୂର୍ବରୁ ବିଜେପି ଛାଡିଥିବା ବେଳେ ଗତ କିଛି ଦିନ ହେବ ବୈଜୟନ୍ତଙ୍କ ଟ୍ୱିଟ୍ ଏବେ ବିଜେପି ବିରୋଧୀ ଆଭିମୁଖ୍ୟ ପ୍ରଦର୍ଶନ କରୁଛି । ଆଉ ଏସବୁ ଭିତରେ ଆଗକୁ ଆସୁଛି ୨୦୧୯ ନିର୍ବାଚନ । ତେଣୁ ବିଜୁ ଅନୁଗତ ମାନେ ଏକାଠି ହୋଇ ଏକ ଦଳ ଗଢିବାର ସମ୍ଭାବନା ସୃଷ୍ଟି ହୋଇଛି । ବିଜୟ ମହାପାତ୍ର, ଡାଃ ଦାମୋଦର ରାଉତ, ଦିଲ୍ଲୀପ ରାୟ, ବୈଜୟନ୍ତ ପଣ୍ଡା, ପଂଚାନନ କାନୁନଗୋ, ବ୍ରଜ ତ୍ରିପାଠୀ ଆଉ ଖାରବେଳ ସ୍ୱାଇଁ । ରାଜ୍ୟ ରାଜନୀତିର ଏହି ସପ୍ତରଥୀ ୨୦୧୯ ନିର୍ବାଚନରେ କଣ ନିଷ୍ପତି ନେଉଛନ୍ତି, ଏବେ ତାହାରି ଉପରେ ମସସ୍ତଙ୍କ ନଜର ।

ଟ୍ରାକ୍ଟର ମାଡ଼ି ଯିବାରୁ ଛାତ୍ର ମୃତ ।

!! ଯାଜପୁର ଜିଲ୍ଲା ବରୀ ରୁ ପ୍ରଦୀପ ମହାରଣା ଙ୍କ ରିପୋର୍ଟ !!

ଯାଜପୁର ଜିଲ୍ଲା ବରୀ ବ୍ଲକ ଅଧିନସ୍ଥ ସ୍ୱାଇଁଖଣ୍ଡ ପଞ୍ଚାୟତ ର କୁଶ ବଟ ଗ୍ରାମ ର ଚନ୍ଦ୍ର ଜେନା ଙ୍କ ପୁତ୍ର ସୁଭ୍ରଜିତ୍ ଜେନା (୧୨) ସ୍କୁଲ ଯିବା ସମୟ ରେ ଏକ ଟ୍ରାକ୍ଟର ଚଢିଯିବା ରୁ ସେଠାରେ ଉପସ୍ଥିତ ଲୋକ ତୁରନ୍ତ ସୁଭ୍ରଜିତ୍ ଙ୍କୁ ମେଡ଼ିକାଲ ନେଇଥିଲେ , ଡାକ୍ତର ସେଠାରେ ସୁଭ୍ରଜିତ୍ ଙ୍କୁ ମୃତ ଘୋଷଣା କରିଥିଲେ । ଟ୍ରାକ୍ଟର ଚଢାଇ ଥିବା ଡ୍ରାଈଭର ଘଟଣା ସ୍ଥଳ ରୁ ଫେରାର ଥିବା ରୁ ସେଠାରେ ଉପସ୍ଥିତ ଲୋକ ଉତ୍ତେଜନା ରହିଥିବା ଦେଖିବାକୁ ମିଳିଛି ।

ଉଚ୍ଚଶିକ୍ଷା ପାଇଁ ବର୍ଷକୁ ୨୦ ହଜାର ; ସରକାରଙ୍କର ନୂଆ ଯୋଜନା ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) – ଅର୍ଥାଭାବରୁ କେହି ଆଉ ଉଚ୍ଚଶିକ୍ଷାରୁ ବଞ୍ଚିତ ହେବେ ନାହିଁ । ଅର୍ଥାଭାବ କାରଣରୁ ଉଚ୍ଚଶିକ୍ଷାରୁ ବଞ୍ଚିତ ପରିବାରର ପିଲାମାନଙ୍କୁ ରାଜ୍ୟ ସରକାର ଆର୍ଥିକ ସହାୟତା ଯୋଗାଇଦେବା ନିମନ୍ତେ ନିଷ୍ପତ୍ତି ନେଇଛନ୍ତି । ଏ ସଂକ୍ରାନ୍ତରେ ଉଚ୍ଚଶିକ୍ଷା ବିଭାଗ ପ୍ରମୁଖ ସଚିବ ବିଷ୍ଣୁପଦ ସେଠୀ ଶୁକ୍ରବାର ବିଭାଗୀୟ ଅଧିକାରୀଙ୍କ ସହିତ ଆଲୋଚନା କରିଛନ୍ତି। ଉଚ୍ଚଶିକ୍ଷା କ୍ଷେତ୍ରରେ ନାମ ଲେଖା ହାର ବଢ଼ାଇବା ନିମନ୍ତେ ଏକ ନୂଆ ଯୋଜନା ପ୍ରଚଳନ କରିବାକୁ ଯାଉଛନ୍ତି।
ଯୁକ୍ତ ଦୁଇରୁ ପିଜି ପର୍ଯ୍ୟନ୍ତ ଅନାଥ ପିଲାମାନଙ୍କୁ ମାଗଣା ଶିକ୍ଷା ପ୍ରଦାନ ନିମନ୍ତେ ଏବେ ଇ-ମେଧାବୃତ୍ତି, କଳିଙ୍ଗ ଶିକ୍ଷା ସାଥୀ ଯୋଜନା ଓ ଗ୍ରୀନ ପ୍ୟାସେଜ ଯୋଜନା କାର୍ଯ୍ୟକାରୀ ହେଉଛି। ତେବେ ସ୍ନାତକ ଓ ସ୍ନାତକୋତ୍ତର ଶ୍ରେଣୀର ଛାତ୍ରଛାତ୍ରୀଙ୍କୁ ନୂତନ ଆର୍ଥିକ ସହାୟତା ଯୋଜନାରେ ଗରିବ ପିଲାମାନଙ୍କୁ ବାର୍ଷିକ ୨୦ହଜାର ଟଙ୍କା ଯୋଗାଇଦିଆଯିବ। ପାଠପଢ଼ା ଶେଷ ପର୍ଯ୍ୟନ୍ତ ପ୍ରତିବର୍ଷ ଏହି ସହାୟତା ପ୍ରଦାନ କରାଯିବ। ଏହି ଯୋଜନାରେ ଆବେଦନ ନିମନ୍ତେ ଉଚ୍ଚଶିକ୍ଷା ବିଭାଗ ଯୋଗ୍ୟତା ସର୍ତ୍ତାବଳି ସ୍ଥିର କରିଛନ୍ତି। ଏଚଆଇଭି/ଏଡ୍‌ସ ଆକ୍ରାନ୍ତ ପରିବାର, ମାରାତ୍ମକ ରୋଗରେ ପୀଡ଼ିତ ପରିବାର, ଭୁମିହିନ ଓ ବାସହୀନ ପରିବାର, ରୋଜଗାର ନଥାଇ ମହିଳା ମୁଖ୍ୟ ଥିବା ପରିବାରର ଛାତ୍ରଛାତ୍ରୀ ଏହି ସୁବିଧା ପାଇବେ। ରାଜ୍ୟର ସ୍ବୀକୃତିପ୍ରାପ୍ତ ମହାବିଦ୍ୟାଳୟ,, ଶିକ୍ଷାନୁଷ୍ଠାନ, ବିଶ୍ବବିଦ୍ୟାଳୟରେ ଅଣ୍ଡର ଗ୍ରାଜୁଏଟ କିମ୍ବା ପିଜି ପାଠ୍ୟକ୍ରମରେ ସେମାନେ ନାମ ଲେଖାଇଥିବା ଆବଶ୍ୟକ। ସବୁ ସୂତ୍ରରୁ ପରିବାରର ଆୟ ବାର୍ଷିକ ୧ଲକ୍ଷରୁ ଅଧିକ ହୋଇ ନଥିବ। ରାଜ୍ୟ ସରକାରଙ୍କ ଦ୍ବାରା ସ୍ବୀକୃତିପ୍ରାପ୍ତ ଏବଂ ସରକାରଙ୍କ ଦ୍ବାରା ପ୍ରଦାନ କରାଯାଉଥିବା ଅଣବୈଷୟିକ ଏବଂ ପିଜି ପାଠ୍ୟକ୍ରମ ନିମନ୍ତେ ଆର୍ଥିକ ସହାୟତା ଦିଆଯିବ।

ଯୋଗ୍ୟ ଛାତ୍ରଛାତ୍ରୀ ଏଥିନିମନ୍ତେ ଉଚ୍ଚଶିକ୍ଷା ବିଭାଗରେ ଉପଲବ୍ଧ ଅନଲାଇନ ଆବେଦନପତ୍ର ଜରିଆରେ ଆବେଦନ କରିପାରିବେ। ଏଥିପାଇଁ ଆବେଦନକାରୀ ଛାତ୍ରଛାତ୍ରୀ ସେମାନଙ୍କ ଆଧାର ସଂଯୋଜିତ ବ୍ୟାଙ୍କ ଆକାଉଣ୍ଟ ଉଚ୍ଚଶିକ୍ଷା ବିଭାଗକୁ ଜଣାଇବାକୁ ଅନୁରୋଧ କରିଛନ୍ତି। ଆର୍ଥିକ ସହାୟତା ବ୍ୟାଙ୍କ ଆକାଉଣ୍ଟ ଜରିଆରେ ପ୍ରଦାନକରାଯିବ। ଜିଲାପାଳଙ୍କ ଅଧ୍ୟକ୍ଷତାରେ ଗଠିତ ଜିଲାସ୍ତରୀୟ କମିଟି ଛାତ୍ରଛାତ୍ରୀଙ୍କ ଆବେଦନ ଯାଞ୍ଚ କରି ଚୂଡ଼ାନ୍ତ କରିବା ପରେ କମିଟି ଅର୍ଥ ମଞ୍ଜୁରି ନିମନ୍ତେ ଏହାକୁ ଉଚ୍ଚଶିକ୍ଷା ବିଭାଗକୁ ପଠାଇବ।

ପରଦାକୁ ଆସିଲା ‘ଦି ଆକ୍ସିଡେଣ୍ଟାଲ ପ୍ରାଇମ୍ ମିନିଷ୍ଟର’

ଏଥର ସମ୍ଭାଳ ବ୍ୟୁରୋ (ମୁମ୍ବଇ) – ଅନୁପମ ଖେର ଅଭିନୀତ ଚଳଚ୍ଚିତ୍ର ‘ଦି ଆକ୍ସିଡେଣ୍ଟାଲ ପ୍ରାଇମ୍ ମିନିଷ୍ଟର’ ଶୁକ୍ରବାର(୧୧ଜାନୁଆରୀ) ମୁକ୍ତିଲାଭ କରିଛି। ଚଳଚ୍ଚିତ୍ରର କାହାଣୀ ଦେଶର ପୂର୍ବତନ ପ୍ରଧାନମନ୍ତ୍ରୀ ଡ. ମନମୋହନ ସିଂହଙ୍କ ରାଜନୈତିକ ଜୀବନୀ ଉପରେ ଆଧାରିତ। ମନମୋହନ ସିଂହଙ୍କ ମିଡିଆ ଉପଦେଷ୍ଟା ସଞ୍ଜୟ ବାରୁଙ୍କ ଦ୍ବାରା ଲିଖିତ ପୁସ୍ତକକୁ ଆଧାର କରି ଏହି ଚଳଚ୍ଚିତ୍ର ନିର୍ମାଣ କରାଯାଇଛି। ଚଳଚ୍ଚିତ୍ରରେ ମନମୋହନ ସିଂହଙ୍କ ଭୂମିକାରେ ଲୋକପ୍ରିୟ ଅଭିନେତା ଅନୁପମ ଖେର ଅଭିନୟ କରିଥିବା ବେଳେ ଅକ୍ଷୟ ଖନ୍ନାଙ୍କୁ ସଞ୍ଜୟ ବାରୁଙ୍କ ଭୂମିକାରେ ଦେଖିବାକୁ ମିଳିଛି। ବିଜୟ ରତ୍ନାକର ଗୁଟ୍ଟେ ଚଳଚ୍ଚିତ୍ରର ନିର୍ଦ୍ଦେଶନା ଭାର ବହନ କରିଛନ୍ତି। ଅନୁପମ ଓ ଅକ୍ଷୟଙ୍କ ବ୍ୟତୀତ ଚଳଚ୍ଚିତ୍ରରେ ସୁଜୈନ ବର୍ନଟ-ସୋନିଆ ଗାନ୍ଧୀ, ଅର୍ଜନ ମାଥୁର-ରାହୁଲ ଗାନ୍ଧୀ, ଆହାନା କୁମରା-ପ୍ରିୟଙ୍କା ଗାନ୍ଧୀ, ବିମଳ ବର୍ମା-ଲାଲୁ ପ୍ରସାଦ ଯାଦବ, ଅବତେର ସୈନୀ-ଲାଲ କୃଷ୍ଣ ଆଡ଼ୱାନୀ, ଅନିଲ ରସ୍ତୋଗୀ-ଶିବରାଜ ପାଟିଲଙ୍କ ଭୂମିକାରେ ନଜର ଆସିଛନ୍ତି। ଏହି ଚଳଚ୍ଚିତ୍ରକୁ ନେଇ ଦୀର୍ଘଦିନ ହେବ ବିବାଦ ଲାଗି ରହିଛି। ଏପରି ପରିସ୍ଥିତିରେ ଚଳଚ୍ଚିତ୍ର ବକ୍ସ ଅଫିସରେ ଭଲ ବ୍ୟବସାୟ କରିବ ବୋଲି ଆଶା କରାଯାଉଛି। ପ୍ରଥମ ଦିନରେ ଚଳଚ୍ଚିତ୍ର ୩ ରୁ ୪କୋଟି ଆୟ କରିବାର ଆକଳନ କରାଯାଉଛି।