ପଦ୍ମପୁର ସରକାରୀ ଚିକିତ୍ସାଳୟ ରେ ଜାତୀୟ ସ୍ବେଚ୍ଛାକୃତ ରକ୍ତଦାନ ଦିବସ..!

!!! ବରଗଡ ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!

ଏଥର ସମ୍ଭାଳ(ପଦ୍ମପୁର)- ବରଗଡ଼ ଜିଲ୍ଲା ପଦ୍ମପୁର ସରକାରୀ ଉପଖଣ୍ଡ ଚିକିତ୍ସାଳୟ ର କନଫରେନ୍ସ ହଲଠାରେ “ଜାତୀୟ ସ୍ବେଚ୍ଛାକୃତ ରକ୍ତଦାନ ଦିବସ”-୨୦୨୧ ପାଳିତ ହୋଇଯାଇଛି lଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଏସ.ଡି.ଏମ.ଓ ଡାକ୍ତର ତହସିଲ ସାହୁ ଯୋଗଦାନ କରିଥିବାବେଳେ, ସମ୍ମାନିତ ଅତିଥି ଭାବେ ଡାକ୍ତର ଗୀତାପିୟୁଷ ମିଶ୍ର, ଡାକ୍ତର ଯଦୁମଣି ସାହୁ ଯୋଗଦାନ କରି ଜାତୀୟ ସ୍ବେଚ୍ଛାକୃତ ରକ୍ତଦାନ ଦିବସ ର ତାତ୍ପର୍ଯ୍ୟ ସମ୍ପର୍କ ରେ ଆଲୋକପାତ କରିଥିଲେ lପଦ୍ମପୁର ସ୍ଥିତ ରକ୍ତଭଣ୍ଡାର ର ଲାବରୋଟାରୀ ଟେକନିସିଆନ ସଂଗ୍ରାମ କେଶରୀ ମହନ୍ତ ସଭାକାର୍ଯ୍ୟ ସମ୍ପାଦନା କରିଥିବାବେଳେ, ହସ୍ପିଟାଲ ମ୍ୟାନେଜର ଦିବ୍ୟକିଶୋର ମେହେର ସଭାକାର୍ଯ୍ୟ କୁ ଆଗେଇ ନେଇଥିଲେ lରକ୍ତଭଣ୍ଡାର ରେ କାର୍ଯ୍ୟରତ କର୍ମଚାରୀ ଦିପକ ସାହୁ, ହିତେଶ କୁମାର ସାହୁ,ସୁମିତ କୁମାର ସିହ୍ନା, ସଭାକାର୍ଯ୍ୟ ପରିଚାଳନା ରେ ସହଯୋଗ କରିଥିଲେ lଏହି କାର୍ଯ୍ୟକ୍ରମ କୁ ଆସିଥିବା ବିଭିନ୍ନ ଅଞ୍ଚଳ ର ସ୍ୱେଚ୍ଛାକୃତ ରକ୍ତଦାତା ମାନେ ଯୋଗଦେଇ ସଭା କୁ ସାଫଲ୍ୟ ମଣ୍ଡିତ କରିଥିଲେ lଏହି ସଭାରେ ଆଗକୁ ଆହୁରି ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜନ ପାଇଁ ପ୍ରସ୍ତାବ ଗୃହୀତ ହେଲା l ଗାଁ ମାନଙ୍କରେ ରକ୍ତଦାତା କମିଟି ଗଠନ ପାଇଁ ଡାକ୍ତର ଯଦୁମଣି ସାହୁ କରିଥିବା ଯୋଜନା କୁ ଉପସ୍ଥାପନା କରାଗଲା lଶ୍ରୀ ବି . ଶ୍ରୀନିବାସ ରାଓ ସୋସିଆଲ ମିଡ଼ିଆ ପେଜ ଦ୍ଵାରା ସଚେତନତା କୁ ଲୋକାଭିମୁଖୀ କରିବା ପ୍ରସ୍ତାବ ଦେଇଥିଲେ lଉପସ୍ଥିତ ସ୍ବେଚ୍ଛାସେବୀ ରକ୍ତଦାତା ମାନେ “ଭ୍ରାମ୍ୟମାଣ ରକ୍ତ ଯାନ” କୁ ପଦ୍ମପୁର ରେ ଉପଲବ୍ଧ କରାଇଲେ ରକ୍ତଭଣ୍ଡାର ର ରକ୍ତସଂଗ୍ରହ ର ପରିମାଣ ବୃଦ୍ଧି ହୋଇପାରିବ ବୋଲି ପ୍ରଶାସନ କୁ ଅନୁରୋଧ କରିଥିଲେ lଏହି ସଭାରେ ଅନ୍ୟ ମାନଙ୍କ ମଧ୍ୟରେ ସର୍ବଶ୍ରୀ:-ନିଲେଶ କୁମାର ଅଗ୍ରୱାଲ, ପ୍ରଦୀପ କୁମାର ସାହୁ, ଗୋପବନ୍ଧୁ ଶିକା, ପ୍ରକାଶ କୁମାର ଭୋଇ, ରାଧାକାନ୍ତ ଲୁହାର,ବିଶାଲ ଭୋଇ, ଦେବାଶିଷ ପ୍ରଧାନ, ଅଶ୍ୱିନୀ ଧରୁଆ,ସୋମେଶ ଚନ୍ଦ୍ର ମହାନ୍ତି, ରାଜେନ୍ଦ୍ର ସାହୁ, ସୁନିଲ ବେହେରା,ଉମେଶ ପ୍ରସାଦ ସାହୁ, ଗୋପାଳ ପ୍ରସାଦ ବେହେରା, ଶିବାଶିଷ ପଟ୍ଟନାୟକ,ଜୟ ପ୍ରକାଶ ପ୍ରମୁଖ ସ୍ୱେଚ୍ଛାକୃତ ରକ୍ତଦାତା ମାନେ ଉପସ୍ଥିତ ଥିଲେ l

ବିଦ୍ୟାଳୟ ପରିଚାଳନା କମିଟି ତାଲିମ ଶିବିର ଉଦଯାପିତ …!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!

ଏଥର ସମ୍ଭାଳ(ପଦ୍ମପୁର)- ପାଇକମାଳ ବ୍ଳକ ଅନ୍ତର୍ଗତ ବୁକୁରାମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟ ରେ ତ୍ରିଦିବସୀୟ ପରିଚାଳନା କମିଟି ତାଲିମ ଶିବିର ଉଦଯାପିତ ହୋଇ ଯାଇଛି l ଗୁଣାତ୍ମକ ଶିକ୍ଷା ର ମାନ ବୃଦ୍ଧି , ଶିଶୁ ଶିକ୍ଷା ଅଧିକାର, ଗୋଷ୍ଠି ସମ୍ପୃକ୍ତି ସହ ବିଦ୍ୟାଳୟ ର ଉନ୍ନତିକରଣ ଏହି ତାଲିମ ଶିବିରର ମୁଖ୍ୟ ଉଦେଶ୍ୟ l ତାଲିମ ର ପ୍ରଥମ ଦିବସରେ ଷ୍ଟାଣ୍ଡିଙ୍ଗ କମିଟି ସଭାପତି ତଥା ସରପଞ୍ଚ ଶ୍ରୀଯୁକ୍ତ ଅଭିମନ୍ୟୁ ବରିହା ମୁଖ୍ୟ ଅତିଥି ରୂପେ ଯୋଗଦାନ କରି ଶିବିର ର ଉଦଘାଟନ କରିଥିଲେ l ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ରୂପେ ଯୁବ ଶିକ୍ଷକ ଅଜିତ ବାରିକ ଯୋଗଦାନ କରି ବିଦ୍ୟାଳୟ ର ଉନ୍ନତି ରେ କମିଟି ର ଭୁମିକା ଓ କର୍ତ୍ତବ୍ୟ ସମ୍ପର୍କରେ ବୁଝାଇ ଥିଲେ l

ଦ୍ଵିତୀୟ ଦିବସ ତାଲିମ ରେ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ମହିଳା ସ୍ୱାସ୍ଥ୍ୟ ପରିଦର୍ଶିକା ମରିଅମ କୁଲୁ, ସତ୍ୟ ଭୂଷଣସାହୁ ପୁରୁଷ ସ୍ୱାସ୍ଥ୍ୟ ପରିଦର୍ଶକ, ଶ୍ରୀମତୀ କବିତାଞ୍ଜଳି ଦାସ ମହିଳା ସ୍ୱାସ୍ଥ୍ୟ କର୍ମୀ ବୁକୁରାମୁଣ୍ଡା ସ୍ୱାସ୍ଥ୍ୟ ଉପକେନ୍ଦ୍ର, ତୋଫାନ ଚରଣ ମହନ୍ତ କୁଷ୍ଠ ବ୍ୟାଧି ନିରୂପଣ କର୍ମଚାରୀ ଗଣ ଯୋଗଦାନ କରି ସ୍ୱାସ୍ଥ୍ୟ ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିଥିଲେ l ହାତଧୁଆ, କୁଷ୍ଠ ବ୍ୟାଧି,ରାଷ୍ଟ୍ରୀୟ ବାଳ ସ୍ୱାସ୍ଥ୍ୟ କାର୍ଯ୍ୟକ୍ରମ, ବିଜୁ ସ୍ୱାସ୍ଥ୍ୟ କାର୍ଯ୍ୟକ୍ରମ,କୃମିନାଶକ, ଲୌହ ବଟିକା ସମ୍ବନ୍ଧରେ ସୂଚନା ପ୍ରଦାନ କରିଥିଲେ l ଅନ୍ତିମ ଦିବସରେ ମୁଖ୍ୟ ଅତିଥି ଭାବେ ସି.ଆର.ସି.ସି ଶ୍ରୀମାନ ନାରାୟଣ ମେହେର, ସମ୍ମାନିତ ଅତିଥି ଭାବେ ଶ୍ରୀମାନ ସ୍ୱର୍ଗ ବାରିକ, ଭଦ୍ର ବ୍ୟକ୍ତି, ଶ୍ରୀମାନ ନିରଞ୍ଜନ ତ୍ରିପାଠୀ, (ବରିଷ୍ଠ ସାମ୍ବାଦିକ) ଓ ମିସ୍ ଦୀପା ବାରିକ( ସମାଜସେବୀ ତଥା ଟ୍ୱିଟର କୁଇନ) ଯୋଗଦାନ କରି ଶିକ୍ଷା ର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ l ଅଭିଭାବକ ଗଣ ସଚେତନ ହୋଇ ବିଦ୍ୟାଳୟ ର ସର୍ବାଙ୍ଗୀନ ଉନ୍ନତି ପାଇଁ ସହଯୋଗ କରିବା ସହ ଶିଶୁ ଅଧିକାର,କନ୍ୟା ରତ୍ନ କୁ ହେଲା ନ କରି ପାଠ ପଢେଇବା ପାଇଁ ତିଳେ ବି କୁଣ୍ଠାବୋଧ କରିବ ନାହିଁ ବୋଲି ବରିଷ୍ଠ ସାମ୍ବାଦିକ ଶ୍ରୀମାନ ନିରଞ୍ଜନ ତ୍ରିପାଠୀ ମହୋଦୟ ସମସ୍ତଙ୍କୁ ଆହ୍ୱାନ କରିଥିଲେ l

ଆଜିର ଦିବସରେ ଟ୍ୱିଟର କୁଇନ ଦିପା ବାରିକ ବିଦ୍ୟାଳୟ ର ସମସ୍ତ କାର୍ଯ୍ୟକ୍ରମ ରେ ଅଂଶ ଗ୍ରହଣ କରି ସହଯୋଗ ର ହାତ ବଢ଼େଇ ଉନ୍ନତି କରିବା ରେ ସହଯୋଗ କରିବା ବୋଲି ମତବ୍ୟକ୍ତ କରିଥିଲେ l ଏପରିକି ମୋ ସ୍କୁଲ ଅଭିଯାନ ମାଧ୍ୟମରେ ଅନେକ ସହାୟତା କରିପାରିବେ ଆର୍ଥିକ, ଶାରୀରିକ ଓ ସାମଗ୍ରିକ ସହଯୋଗ କରିପାରିବେ ବୋଲି କହିଥିଲେ l ଏହି ଅବସରରେ ବିଦ୍ୟାଳୟ ତରଫରୁ ବରିଷ୍ଠ ସାମ୍ବାଦିକ ଶ୍ରୀମାନ ନିରଞ୍ଜନ ତ୍ରିପାଠୀ ଓ ଟ୍ୱିଟର କୁଇନ ଦୀପା ବାରିକ ଙ୍କୁ ମାନପତ୍ର ପ୍ରଦାନ ସହ ସମ୍ବର୍ଦ୍ଧିତ କରାଯାଇଥିଲା l ଏହି ତିନି ଦିନିଆ ତାଲିମ ଶିବିର କୁ ସାଧନ କର୍ମୀ ଭାବେ ନିରାକାର ପ୍ରଧାନ ଓ କୃଷ୍ଣଚନ୍ଦ୍ର ସାହୁ ପରିଚାଳନା କରିଥିଲେ l ପ୍ରତ୍ୟେକ ଦିବସ କାର୍ଯ୍ୟକ୍ରମ ରେ ବୁକୁରାମୁଣ୍ଡା ପ୍ରାଥମିକ ସେବାଶ୍ରମ ବିଦ୍ୟାଳୟ ପ୍ରଧାନ ସେବକ ପ୍ରଦୀପ କୁମାର ମହାନ୍ତି ସହଯୋଗ କରିଥିବା ବେଳେ ବୁକୁରାମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ନିରାକାର ପ୍ରଧାନ ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ତାଲିମ ଶିବିର ଟି ସଫଳ ରୂପେ ଉଦଯାପିତ ହୋଇଯାଇଛି l

ଦଳିତ ଯୁବକଙ୍କୁ ଥାନାରେ ମାଡ଼ ଓ ନିର୍ଯାତନା ତଥା ଜାତିଆଣ ଅଭିଯୋଗ…!

!!! ବରଗଡ ରୁ ଜିଲ୍ଲା ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!

ଏଥର ସମ୍ଭାଳ(ପଦ୍ମପୁର)- ବରଗଡ଼ ଥାନା ହାଜତ ରେ ଜଣେ ଦଳିତ ଯୁବକ ଙ୍କୁ ମାଡ଼ ମାରିବାରୁ ମୃତ୍ୟୁ ହେବାର ଘଟଣା ନ ଲିଭୁନୁ ପାଇକମାଳ ଥାନାରେ ପୁଣି ଜଣେ ଦଳିତ ଯୁବକ ଙ୍କୁ ନିର୍ଦ୍ଧୁମ ମାଡ଼ ଓ ଜାତିଆଣ ଭେଦଭାବ ଯୋଗୁଁ ଏ.ଆଇ.ସି ସବିତା ପାତ୍ର ଙ୍କ ନାମରେ କେସ ନଂ- ୧୮୭/୨୦୨୦-୨୧ ରେ ଧାରା-୩୪୧ ଓ ଧାରା-୩୨୩ ଅନୁସାରେ ତାଙ୍କ ନାମରେ କେସ ଫାଇଲ କରାଯାଇଛି ସେହିପରି ଅନ୍ୟ ପଟେ ଏସ.ଆଇ ପ୍ରଫୁଲ୍ଲ କୁମାର ତ୍ପାଣିଗ୍ରାହୀ ଙ୍କ ନାମରେ ଜାତିଆଣ ଭେତଭାବ ଯୋଗୁଁ ତାଙ୍କ ନାମରେ ଏକ୍ଟ୍ରସିଟୀ ଏକ୍ଟ୍ ଅନୁସାରେ କେସ ନ-୧୯୧/୨୦୨୦-୨୧ରେ ଥାନାରେ ଏତଲା ଦେଇଛନ୍ତି।ଦିନ କୁ ଦିନ ଦଳିତ ମାନଙ୍କ ଉପରେ ନିର୍ଯ୍ୟାତନା ବୃଦ୍ଧି ପାଇଥିବାର ବିରୋଧ କରି ପାଇକମାଳ ବ୍ଲକ ର ଆମ୍ବେଦକର ରେଟ୍ ୱ୍ରାରିୱ୍ରର(MSYF) ର ଅନେକ ସଦସ୍ୟ ମାନେ ଥାନା ରେ ଉପସ୍ଥିତ ରହି ଉକ୍ତ ଆରୋପି ଙ୍କ ନାମରେ ଦୃଢ଼ କାଯ୍ୟାନୁଷ୍ଠାନ ଗ୍ରହଣକରିବା ପାଇଁ ଅନୁରୋଧ କରିଥିଲେ । ଯଦି ଅପଯୁକ୍ତ ନ୍ୟାୟ ନ ମିଳଲେ ଆଗାମୀ ଦିନରେ ଆନ୍ଦୋଳନ କରିବା ପାଇଁ ଚେତାବନୀ ଦେଇଛନ୍ତି ।

ଭାରତୀୟ ଆଜାଦ ମଞ୍ଚ ପକ୍ଷରୁ ଅନୁସୂୟା ଦେବତାଙ୍କୁ କରୋନା ଯୋଦ୍ଧା ସମ୍ମାନ।

!!! ବରଗଡ ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!! 

ଏଥର ସମ୍ଭାଳ(ପଦ୍ମପୁର) – କରୋନା ମହାମାରୀ ସମୟରେ ନିଜ ଜୀବନକୁ ଖାତିର ନକରି ଲୋକଙ୍କ ସେବା କରୁଥିବା ମହାନ୍ ସମାଜସେବୀ ମାନଙ୍କୁ ପ୍ରୋତ୍ସାହିତ କରିବା ଦିଗରେ ତଥା ଜନ ସାଧାରଣଙ୍କ ମୌଳିକ ଅଧିକାରକୁ ସରକାରଙ୍କ ପାଖରେ ଉପସ୍ଥାପନ କରିବା ଦିଗରେ କାର୍ଯ୍ୟ କରି ଆସୁଛି ଭାରତୀୟ ଆଜାଦ ମଞ୍ଚ। ପୁରୀ ଜିଲ୍ଲା ଚନ୍ଦନପୁର ଏହି ବିଶାଳ ଜନ ସେବା ସଂସ୍ଥା ତରଫରୁ ଆୟୋଜିତ “କରୋନା ଯୋଦ୍ଧା ସମ୍ମାନ ୨୦୨୧ ” ପାଇଁ ଓଡ଼ିଶାର ବିଭିନ୍ନ ପ୍ରାନ୍ତରୁ ସମାଜ ସେବୀ ବ୍ୟକ୍ତିଙ୍କୁ ଅନ୍ଵେଷଣ କରି ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି।ଏଥିରେ ବରଗଡ଼ ଜିଲ୍ଲା ଅତାବିରା ବ୍ଲକ ର ଟୋପ ପଞ୍ଚାୟତ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷୟିତ୍ରୀ ଶ୍ରୀମତୀ ଅନୁସୂୟା ଦେବତା ଙ୍କୁ ଭାରତୀୟ ଆଜାଦ ମଞ୍ଚ ପକ୍ଷରୁ କରୋନ ଯୋଦ୍ଧା ସମ୍ମାନ ପ୍ରଦାନ କରାଯାଇଛି। ଏହି ସମ୍ବର୍ଦ୍ଧନା କାର୍ଯ୍ୟକ୍ରମଟି ଆଜାଦ ମଂଚର ରାଜ୍ୟ ସଭାପତି ଅମ୍ବୁଜା ସାହୁ ଙ୍କ ସଭାପତିତ୍ବରେ ଆୟୋଜିତ ହୋଇଥିବା ବେଳେ ପ୍ରଦୀପ କୁମାର ବିଶ୍ବାଳ ଏହାକୁ ପରିଚାଳନା କରିଥିଲେ । ଡଃ ମଧୁସୂଦନ ସାହୁ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ସ୍ଥାନୀୟ ସରପଞ୍ଚ ପ୍ରଦ୍ୟୁମ୍ନ ପରିଡ଼ା,ମଞ୍ଚ ର ସମ୍ପାଦକ ରାଜ୍ୟ କିଶୋର ବେହେରା ,ସାଧାରଣ ସମ୍ପାଦକ ରାଜ୍ୟ କିଶୋର ସାହୁ ମଞ୍ଚାଷିନ ଥିଲେ।ଏଥିରେ ୨୨ଟି ସ୍ଵେଚ୍ଛାସେବୀ ସଂଗଠନ ସହ ରାଜ୍ୟର ୧୫୦ ଜଣ ସମାଜ ସେବୀ ମାନଙ୍କୁ କରୋନା ଯୋଦ୍ଧା ସମ୍ମାନ ପ୍ରଦାନ କରାଯାଇଥିଲା। ଶ୍ରୀମତୀ ଦେବତା ଜଙ୍ଗଲ ପରିବେଷ୍ଠିତ ଗାଆଁ, କୁଷ୍ଠାଶ୍ରମ,ଗରିବ ଶ୍ରେଣୀର ବସ୍ତି ଅଞ୍ଚଳକୁ ଯାଇ କରିବା ମହାମାରୀ ସମୟରେ ମାସ୍କ୍,ସାବୁନ, ସlନିଟାଇଯ ଆଦି ବଣ୍ଟନ କରିବା ସହ ସେମାନଙ୍କୁ ସଚେତନ କରିବା,ଗରିବ ଅସହାୟ ମାନଙ୍କୁ ସାହାଯ୍ୟ କରିବା,ପାନୀୟ ଜଳର ଉତ୍କଟ ସମସ୍ୟା ଥିବା ଅଞ୍ଚଳକୁ ଯାଇ ତାଙ୍କର ସମସ୍ୟା ବୁଝି ତାକୁ ପ୍ରଶାସନ ର ଦୃଷ୍ଟିକୁ ଆଣି ତାର ସମାଧାନ ପାଇଁ କାମ କରିବା ଆଦି କ୍ଷେତ୍ରରେ କେବେହେଲେ ପଛଘୁଞ୍ଚା ଦିଅନ୍ତି ନାହିଁ।ବିଭିନ୍ନ ସ୍ଥାନରେ ବୃକ୍ଷ ରୋପଣ କରି ପରିବେଶ ର ସୁରକ୍ଷା କରିବା ମଧ୍ୟ ସେ ଉଦ୍ୟମ ଜାରି ରଖିଛନ୍ତି।

ବିଜେଡି ଦଳ ର ମିଶ୍ରଣ ପର୍ବ ରେ ବହୁ ମହିଳା ପୁରୁଷ ବିଜେଡି ରେ ସାମିଲ…!

!!! ବରଗଡ ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!! 

ଏଥର ସମ୍ଭାଳ(ପଦ୍ମପୁର) – ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅଧିନସ୍ଥ ବରିକେଲ ଗ୍ରାମପଞ୍ଚାୟତ ର ଚାରପାଲି ଗ୍ରାମରେ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ଭାବେ ଏ ଅଞ୍ଚଳର ଉଦିୟମାନ ଯୁବନେତା ଶ୍ରୀ ଭୋଜରାଜ ସିଂ ବରିହା ଯୋଗଦାନ କରିଥିଲେ। ଶ୍ରୀ ବରିହା ଙ୍କ ଲୋକ ସମ୍ପର୍କ, କାର୍ଯ୍ୟକଳାପ, ବ୍ୟବହାର ତଥା ତାଙ୍କ ମିଷ୍ଟଭାଷୀ ଗୁଣ ଚରିତ୍ର ରେ ଆତ୍ମସନ୍ତୋଷ ହୋଇ ଅନେକ ଯୁବ ବଂଧୁ ବିଜୁ ଜନତା ଦଳ ରେ ସାମିଲ ହୋଇଛନ୍ତି। ଓଡିଶା ର ଦିଗଦର୍ଶକ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ପ୍ରଚଳିତ ଲୋକାଭିମୁଖୀ ବିଭିନ୍ନ ଯୋଜନା ର କି’ଭଳି ଲୋକେ ଫାଇଦା ଉଠାଇ ପାରିବେ ଏବଂ ଆଗକୁ ପଞ୍ଚାୟତ ନିର୍ବାଚନ ରେ ବିଜେଡି ଦଳ ର ସମସ୍ତ ପ୍ରାର୍ଥୀ ଙ୍କୁ ବହୁଳ ଭାବେ ମତପ୍ରଦାନ କରି ବିଜୟ କରିବେ ସେନେଇ ଶ୍ରୀ ବରିହା ତାଙ୍କ ମନ୍ତବ୍ୟ ପ୍ରଦାନ କରିଥିଲେ । ଇତ୍ୟବସରରେ ସମ୍ମାନିତ ଅତିଥି ଭାବେ ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦ ର ପୂର୍ବତନ ଅଧ୍ୟକ୍ଷ ଶ୍ରୀମାନ ପ୍ରିତମ ମେହେର,ଭେଉଁରିଆ ଗ୍ରାମପଞ୍ଚାୟତ ସରପଞ୍ଚ ଶ୍ରୀମତୀ ରଜନୀ ସାହୁ ଯୋଗଦେଇ ଦିର୍ଘବର୍ଷରେ ଓଡ଼ିଶା ର ଉନ୍ନତିପଥେ ସଦାସର୍ବଦା ଚେଷ୍ଟା କରିଚାଲିଥିବା ବିଜେଡି ଦଳ ର ସୁପ୍ରିମୋ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଗୁଣଗାନ କରିବା ସମେତ ବିଜେଡି ଦଳ ର ଶୃଙ୍ଖଳିତ ଆଦର୍ଶ ଉପରେ ଆଲୋକପାତ କରିଥିଲେ।

ଲହଙ୍ଗୀର ରେ ଆୟୋଜିତ କବିତା ସମ୍ମିଳନୀ ରେ ପଦ୍ମଶ୍ରୀ ହଳଧର ନାଗ…!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!

ଏଥର ସମ୍ଭାଳ (ପଦ୍ମପୁର)– ବିଶ୍ୱକର୍ମା ପୂଜା ଅବସରରେ ପାଇକମାଳ ବ୍ଳକ ଅନ୍ତର୍ଗତ ବୁକୁରାମୁଣ୍ଡା ଗ୍ରାମପଞ୍ଚାୟତ ଅଧିନସ୍ଥ ଲହଙ୍ଗୀର ଗ୍ରାମ ରେ ନୂଆଁଖାଇ ଭେଟଘାଟ ସହ କବି ସମ୍ମିଳନୀ , ପ୍ରବଚନ ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏ ପରିପ୍ରେକ୍ଷୀରେ “ଲେଦା”ସମାଲୋଚନା ମୂଳକ କବିତା ସଂସ୍କରଣ ୨୦୨୧ ଲୋକାର୍ପିତ କରାଯାଇଥିଲା lଉକ୍ତ କାର୍ଯ୍ୟକ୍ରମ ରେ ଲହଙ୍ଗୀର ତଲିପଡା ଯୁବକ ମାନେ ଆୟୋଜିତ ଏହି ସମାରୋହରେ ମୁଖ୍ୟଅତିଥି ଭାବେ ପଦ୍ମଶ୍ରୀ ହଳଧର ନାଗ ଯୋଗଦେଇ ସମ୍ବଲପୁରୀ ଭାଷା ରେ ମାଁ ମାଟିକୁ ସମ୍ମାନ ଉପରେ ଏକ ସମ୍ବଲପୁରୀ କବିତା ଶ୍ରୋତା ମାନଙ୍କୁ ଶୁଣାଇ ଉତ୍ସାହିତ କରିଥିଲେ lବ୍ୟଙ୍ଗ କବି ନକୁଳ ମେହେର, ଧର୍ମୁ ଭୋଇ ବ୍ୟଙ୍ଗାତ୍ମକ ସମ୍ବଲପୁରୀ କବିତା ମାନ ଶୁଣାଇବା ଫଳରେ ଲୋକେ ହସହସ ରେ ଗଦଗଦ କରି ପକାଇଥିଲେ l

ଅନ୍ୟମାନଙ୍କ ମଧ୍ୟରେ ଶିକ୍ଷକ ଚିତାନନ୍ଦ ସାହୁ, ନରୋତ୍ତମ ପ୍ରଧାନ, ଘନଶ୍ୟାମ ପ୍ରଧାନ, ମହାନନ୍ଦ ବରିହା ଏବଂ ଠାକୁର ପ୍ରଧାନ ପ୍ରମୁଖ ମଞ୍ଚାସୀନ ଥିଲେ lଏହି କାର୍ଯ୍ୟକ୍ରମ ପରେ ପରେ ଲୋକଙ୍କୁ ପ୍ରବଚକ ହେମଲତା ସାହୁ,ଉଦ୍ଧବ ତ୍ରିପାଠୀ ଉପସ୍ଥିତ ଦର୍ଶକ ମାନଙ୍କୁ ପ୍ରବଚନ ଶୁଣାଇଥିଲେ lଏହି କାର୍ଯ୍ୟକ୍ରମ ଗ୍ରାମ ର ଅନନ୍ତ, ଆଲୋକ, ଅନ୍ତର୍ଯ୍ୟାମୀ,ତାରାହାସ୍ୟ, ବସୁଦେବ, ନବୀନ,ପିଣ୍ଟୁ,ଦିଲୁ,ବୁଲୁ,ସୁରଜ୍, ସୈାରଭ,ସତ୍ୟ,ରାମ,ଲକ୍ଷ୍ମଣ, ରୋହିତ, ଅକ୍ଷୟ,ଜୟକୁମାର,ମିନି,ଶୁକ, ଜଗନ୍ନାଥ,ମାନସ, ଧର୍ମ,ମନିଷ,ଏଲ୍.ଏକ୍ସ ପୋଢ ପ୍ରମୁଖ ଗାଁ ରେ ପ୍ରଥମ କରି ଆୟୋଜନ କରି ଅଞ୍ଚଳ ରେ ଏକ ନୂଆ ବାର୍ତ୍ତା ପ୍ରଦାନ କରିଛନ୍ତି l

କୋଭିଡ ଟିକାକରଣ କେନ୍ଦ୍ର ପରିଦର୍ଶନ…!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ବରଗଡ) – ବରଗଡ ଜିଲ୍ଲା ପାଇକମାଳ ବ୍ଳକ ଅନ୍ତର୍ଗତ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନରେ ସମ୍ପୁର୍ଣ୍ଣ ଭାବେ ଲୋକଙ୍କୁ ଟିକା କରଣ ସୁବିଧା କୁ ଦୃଷ୍ଟିରେ ରଖି ପାଇକମାଳ ରେ ଦୁଇଟି,ମାଣ୍ଡୋସିଲ ରେ ଗୋଟିଏ,ଲଖମରା ରେ ଗୋଟିଏ ଏବଂ ହେର୍ଡକ୍ୱାଟର ବୁକୁରାମୁଣ୍ଡା ରେ ସମୁଦାୟ ୫ ଗୋଟି କୋଭିଡ ଟିକାକରଣ ଶିବିର ର ଆୟୋଜନ କରାଯାଇଛି ବୋଲି ଆମ ସାମ୍ବାଦିକ ଙ୍କ ପ୍ରଶ୍ନ ଉତ୍ତର ରେ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ପି.ଏଚ.ଓ ତୁଷକୁମାର ଚନ୍ଦ୍ରକାର ପ୍ରକାଶ କରିଛନ୍ତି। ଏ ପରିପ୍ରେକ୍ଷୀରେ ସରକାର ଙ୍କ ନିୟମାନୁସାରେ ସମସ୍ତେ ଟିକାନେଇ ପାରିବେ ଏପରିକି ଗର୍ଭବତୀ ମହିଳା ଙ୍କୁ ମଧ୍ୟ ଏଇ ମହାମାରୀ କରୋନା ଟିକା ଦିଆଯିବ ବୋଲି ନିର୍ଦ୍ଦେଶ ଆସିବା ପରେ ଗର୍ଭବତୀ ମହିଳା ମାନେ ଉତ୍ସାହ ର ସହ ଟିକା କରଣ କେନ୍ଦ୍ର ରେ ଆସି କୋଭିଡ ଟିକା ନେଉଥିବାର ଦେଖିବାକୁ ମିଳୁଛି। ଟିକାକରଣ କେନ୍ଦ୍ର କୁ ଆଜି ବୁକୁରାମୁଣ୍ଡା ସ୍ୱାସ୍ଥ୍ୟ ଉପକେନ୍ଦ୍ର ର ମହିଳା ସ୍ବାସ୍ଥ୍ୟକର୍ମୀ କବିତାଞ୍ଜଳୀ ଦାଶ ଅଚାନକ ପହଞ୍ଚି ଅଯଥା ଟାରେ ଭିଡ଼ ନ ଜମାଇ ଶୃଙ୍ଖଳିତ ଭାବେ ଧାଡ଼ି ହୋଇ ଟିକାକରଣ କେନ୍ଦ୍ର ରେ ଟିକା ଦେଉଥିବା ମହିଳା ସ୍ବାସ୍ଥ୍ୟକର୍ମୀ ଦ୍ୱୟ ଙ୍କୁ ସହାୟତା କରିବାକୁ ଜନସାଧାରଣ ଙ୍କୁ ଅନୁରୋଧ କରିଥିଲେ।

ପ୍ରତ୍ୟକ ବ୍ୟକ୍ତି ବିଶେଷ ସମେତ ଗର୍ଭବତୀ ମହିଳା ମାନେ ଯେଉଁମାନେ ଟିକା ନେଇ ସାରିଛନ୍ତି କିମ୍ବା ନେବାକୁ ଧାଡ଼ିରେ ଅପେକ୍ଷା କରିଛନ୍ତି ସେମାନେ ଟିକା ନେଇ ସାରିଲା ପରେ ଅଧଘଣ୍ଟା ବିଶ୍ରାମ ନେଲାପରେ ଯାଇ ଘରକୁ ପ୍ରତ୍ୟାବର୍ତ୍ତନ କରିବାକୁ ଜଣାଇଥିଲେ। ଆଜି ଟିକାକରଣ କେନ୍ଦ୍ର ରେ ମହିଳା ସ୍ବାସ୍ଥ୍ୟକର୍ମୀ ମମତା ବେହେରା ଲୋକଙ୍କୁ କୋଭିଡ ଟିକା ଦେଉଥିବାବେଳେ ମହିଳା ସ୍ବାସ୍ଥ୍ୟକର୍ମୀ ଅନୀତା ବାରିକ ଲୋକଙ୍କ ନାମ ପଞ୍ଜିକରଣ କରିବାର ଦେଖିବାକୁ ମିଳିଥିଲା। ସମୁଦାୟ ୨୦୪ ଜଣଙ୍କୁ କୋଭିଡ ଟିକା ଦିଆଯାଇଥିବା ବେଳେ ତନ୍ମଧ୍ୟରୁ ୧୮ ଜଣ ଗର୍ଭବତୀ ମହିଳା ଙ୍କୁ ଟିକା ଦିଆଯାଇଥିଲା।

ଜି.ଏସ.ଟି ବିଭାଗ ର ଚଢ଼ାଉ…!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ବରଗଡ) – ପଦ୍ମପୁର ରେ ଆଜି ବ୍ୟବସାୟୀ ବୈଦ୍ୟନାଥ ଅଗ୍ରୱାଲ ଙ୍କ ଗଜଲକ୍ଷ୍ମୀ ଷ୍ଟୋର କୁ ଜି.ଏସ.ଟି ଫାଙ୍କୁଥିବା ସନ୍ଦେହ ରେ ଜିଏସଟି ବିଭାଗ ପକ୍ଷରୁ ଚଢ଼ାଉ କରାଯାଇଥିଲା । ଗଜଲକ୍ଷ୍ମୀ ଷ୍ଟୋର ପଦ୍ମପୁର:-ଛତିଶଗଡ ବସନା ରୋଡ ରେ ପଦ୍ମପୁର ସହର ରୁ ଅନତୀ ଦୂର ଅବସ୍ଥିତ ।ବରଗଡ, ସମ୍ବଲପୁର ଏବଂ ରାଉରକେଲା ର ତିନିଗୋଟି ଟିମ୍ ଏକ କାଳୀନ ଗୋଦାମ ଘର ଚଢ଼ାଉ ସମେତ ଅନେକ ବ୍ୟବସାୟୀକ କାରଜପତ୍ର ଯାଞ୍ଚ କରିବା ସହ କ୍ରୟ ଓ ବିକ୍ରୟ ର ରେକର୍ଡ ଯାଞ୍ଚ ଚାଲିଛି ବୋଲି ସିଟି ଓ ଜି.ଏସ.ଟି ବିଭାଗ ର ଡେପୁଟି କମିଶନର ଶ୍ରୀମାନ ରଜନୀକାନ୍ତ ସେଠ ସୂଚନା ପ୍ରଦାନ କରିଛନ୍ତି ।

କୃଷକ ମୋର୍ଚ୍ଚା ପକ୍ଷରୁ ବୀର ଜବାନ ଓ କିଶାନ ମାନଙ୍କୁ ସମ୍ବର୍ଦ୍ଧନା କରାଗଲା…!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ବରଗଡ) –ଆଜି ବରଗଡ ବିଜେପି କାର୍ଯ୍ୟାଳୟ ଠାରେ କୃଷକ ମୋର୍ଚ୍ଚା ତରଫର ରୁ ଭାରତ ର ଯଶସ୍ବୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଜନ୍ମ ଦିବସ ଅବସର ରେ ଯବାନ ଓ କିଶାନ ମାନଂକୁ ସମ୍ବର୍ଦ୍ଧନା କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ ମାନ୍ୟବର ବରଗଡ ସାଂସଦ ସୁରେଶ ପୂଜାରୀ , ଜିଲ୍ଲା ବିଜେପି ସଭାପତି ଅଶ୍ୱିନୀ ଷଡ଼ଙ୍ଗୀ , ବିଜେପି ବରିଷ୍ଠ ନେତା ସୁରେଶ୍ଵର ଶତପଥୀ ,ରାଜ୍ୟ ଯୁବ ମୋର୍ଚ୍ଚା ସଭାପତି ଇରାସିସ ଆଚାର୍ଯ୍ୟ, ଜିଲ୍ଲା ପରିଷଦ ଅଧକ୍ଷା ମୁକ୍ତା ସାହୁ ଜିଲ୍ଲା କୃଷକ ମୋର୍ଚ୍ଚା ସଭାପତି ଶ୍ରୀକାନ୍ତ ମିଶ୍ର କୃଷକ ମୋର୍ଚ୍ଚା ରାଜ୍ୟକାର୍ଯ୍ୟକାରିଣୀ ସଦସ୍ୟ ଦିବ୍ୟ ଭୋଇ , ରାଜ୍ୟ ଯୁବମୋର୍ଚ୍ଚା ସମ୍ପାଦକ ପ୍ରିତେଶ ବହିଦାର , ବିଧାୟକ ପ୍ରାର୍ଥୀ ମିଳନ ସେଠ ,ଜିଲ୍ଲା ଯୁବମୋର୍ଚ୍ଚା ସଭାପତି ଅମିତ ପଣ୍ଡା, ପଦ୍ମପୁର ବ୍ଲକ ଅଧ୍ୟକ୍ଷ କୁମରମଣି ନାଏକ , ଜିଲ୍ଲା ସାଧାରଣ ସମ୍ପାଦକ ରବିନାରାୟଣ ଦାସ, ଜିଲ୍ଲା ଉପ ସଭାପତି ସୁଶାନ୍ତ ମିଶ୍ର, କୁଶ କୁମ୍ଭାର , ଜିଲ୍ଲା କୃଷକ ମୋର୍ଚ୍ଚା ମିଡ଼ିଆ ସେଲ ନୀଳାଞ୍ଚଳ ଦରୁଆନ ଓ ସମସ୍ତ ନେତୃ ମଣ୍ଡଳୀ ଙ୍କ ସହିତ ବରଗଡ ଜିଲ୍ଲା ର ଯବାନ ଓ କିଶାନ ମାନେ ଉପସ୍ଥିତ ଥିଲେ।

ପ୍ରଶାସନ ର ଅବହେଳା ର ଶିକାର ରେ ଲଖମରା ହସ୍ପିଟାଲ ପଡା…!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ(ବରଗଡ଼) – ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଳ ବ୍ଳକ ରେ ଅଧିନରେ ଯାଉଥିବା ଲଖମରା ଗ୍ରାମ ପ୍ରବଳ ବର୍ଷା ଜନିତ କାରଣ ରୁ ଉବୁଟୁବୁ ହେବାରେ ଲାଗିଲାଣି lସରାଇପାଲି-ପଦ୍ମପୁର ର ମୁଖ୍ୟ ରାସ୍ତା କଡ଼ରେ ଥିବା ଘରମାନଙ୍କରେ ପାଣି ଲହଡ଼ା ମାରୁଥିବା ବେଳେ ଏମିତି ପରିସ୍ଥିତି ସୃଷ୍ଟି ହୋଇଛି ଯେ, ଲୋକେ ପାଣିରେ ସନ୍ତରଣ ଅଭ୍ୟାସ କଲେ ମଧ୍ୟ ଚଳିବ lଛୋଟ ଛୋଟ ପୋଲ ଉପରେ ଲୋକେ ଅମାନିଆ ଭାବେ ଘର ତିଆରି କରିବା ଫଳ ସ୍ୱରୂପ ଏଇ ଅବସ୍ଥା ବୋଲି ଅନୁମେୟ lଗ୍ରାମ ଭିତର ସମସ୍ତ ପାଣି ଏଇ ପଥଦେଇ ନିସ୍କାସନ ହୋଇ ଅଙ୍ଗ ନଇ ରେ ପ୍ରବାହିତ ହୋଇଥାଏ l

ଏ ଭଳି ପରିସ୍ଥିତି ଭବିଷ୍ୟତ ରେ ସୃଷ୍ଟି ହେବ ବୋଲି ଅନୁମାନ କରି ଗତ କିଛି ଦିନ ପୂର୍ବେ ଲୋକ ସ୍ଥାନୀୟ ପ୍ରଶାସନ ତଥା ତହସିଲଦାର ଙ୍କ ଦୃଷ୍ଟି ଆକର୍ଷଣ କରିଥିଲେ ସୁଦ୍ଧା ସେମାନଙ୍କ ନିରବତା କାରଣ ରୁ ଏ ଭଳି ପରିସ୍ଥିତି ସୃଷ୍ଟି ହୋଇଛି ବୋଲି ଲୋକେ ମତବ୍ୟକ୍ତ କରିଛନ୍ତି lଏଣୁ ଅତିଶିଘ୍ର ସ୍ଥାନୀୟ ପ୍ରଶାସନ ଏ ଦିଗରେ ଦୃଷ୍ଟି ଦେଇ ବର୍ଷା ପାଣି ନିଷ୍କାସନ କରି ବାସଗୃହ ଗୁଡ଼ିକୁ ସୁରକ୍ଷା ଦେବାର ବନ୍ଦୋବସ୍ତ କରନ୍ତୁ ନଚେତ ପାଣି ଘେରରେ ଥିବା ବାସଗୃହ ଗୁଡିକ ସମ୍ପୁର୍ଣ୍ଣ ରୂପେ ଭୂଷୁଡି ଯିବ ଏଥିରେ ତିଳେ ମାତ୍ର ସନ୍ଦେହ ନାହିଁ !