ବ୍ଲାକ୍ ଫଙ୍ଗସ ଅପେକ୍ଷା ହ୍ୱାଇଟ୍ ଫଙ୍ଗସ ଅଧିକ ବିପଦଜନକ…!

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ)-ଦେଶ ଏବେ ଭାଇରସର ଆଁରେ କବଳିତ। ପ୍ରଥମେ କରୋନା,ଏହାପରେ ବ୍ଲାକ ଫଙ୍ଗସ ଆଉ ଏବେ ହ୍ୱାଇଟ୍ ଫଙ୍ଗସ ଚିହ୍ନଟ ହୋଇଛି। ବ୍ଲାକ ଫଙ୍ଗସରେ କେହି କେହି ସଂକ୍ରମିତ ହୋଇ ଗୋଟିଏ ଆଖି ହରାଉଛନ୍ତି ଅନ୍ୟପଟେ ହ୍ୱାଇଟ୍ ଫଙ୍ଗସ ବ୍ଲାକ ଫଙ୍ଗସ ଅପେକ୍ଷା ଅଧିକ ବିପଦଜନକ ବୋଲି କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ। ତେଣୁ ଲୋକଙ୍କୁ ଏବେ ପାଦେ ପାଦେରେ ସତର୍କ ରହିବାକୁ ହେବ ବୋଲି ପରାମର୍ଶ ଦେଇଛନ୍ତି ଡାକ୍ତର। ବିଭିନ୍ନ ରାଜ୍ୟରେ ବ୍ଲାକ ଫଙ୍ଗସ ସଂକ୍ରମଣ ଚିହ୍ନଟ ହେବା ପରେ ଆଜି ବିହାରରେ ହ୍ୱାଇଟ୍ ଫଙ୍ଗସ ଆକ୍ରାନ୍ତ ଚିହ୍ନଟ ହୋଇଛନ୍ତି। ପାଟନାରେ ମୋଟ୍ ୪ ଜଣ ହ୍ୱାଇଟ୍ ଫଙ୍ଗସ ସଂକ୍ରମିତ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରେ ପାଟଣାର ଜଣେ ଡାକ୍ତର ରହିଛନ୍ତି। ତେବେ ହ୍ୱାଇଟ୍ ଫଙ୍ଗସ ସଂକ୍ରମଣ ଅଧିକ ବିପଦଜନକ ବୋଲି ବିଶେଷଜ୍ଞ କହିଛନ୍ତି। କାରଣ ଏହା ଫୁସଫୁସ ବ୍ୟତୀତ ଶରୀରର ଅନ୍ୟ ଅଂଶ ଯେମିତିକି ନଖ, ଚର୍ମ, ପେଟ, କିଡନୀ, ମସ୍ତିଷ୍କ, ଆଭ୍ୟନ୍ତରୀଣ ଅଙ୍ଗ ଏବଂ ପାଟିକୁ ପ୍ରଭାବିତ କରିପାରିବ। ଯେଉଁମାନେ ଏହି ସଂକ୍ରମଣର ଶିକାର ହୁଅନ୍ତି ସେମାନଙ୍କ ପାଖରେ କୋଭିଡର ଲକ୍ଷଣ ଥାଏ। ହେଲେ ତାଙ୍କର କୋଭିଡ୍ ରିପୋର୍ଟ ନେଗେଟିଭ୍ ରହିବ ବୋଲି ବିଶେଷଜ୍ଞ କହିଛନ୍ତି। PMCH ହସ୍ପିଟାଲର ମାଇକ୍ରୋବାୟୋଲୋଜିଷ୍ଟ ଡାକ୍ତର ଏସ୍.ଏନ୍ ସିଂ କହିଛନ୍ତି, ହ୍ୱାଇଟ୍ ଫଙ୍ଗସରେ ଯେଉଁ ୪ ଜଣ ସଂକ୍ରମିତ ହୋଇଛନ୍ତି। ସେମାନଙ୍କ ପାଖରେ କରୋନା ଲକ୍ଷଣ ରହିଛି। ହେଲେ ସେମାନଙ୍କ କରୋନା ପରୀକ୍ଷା ରିପୋର୍ଟ ନେଗେଟିଭ୍ ଆସିଛି। ହେଲେ ପରୀକ୍ଷା ପରେ ଜଣାପଡ଼ିଛି ସେମାନଙ୍କ ଫୁସଫୁସ କରୋନାରେ ସଂକ୍ରମିତ ହୋଇଯାଇଥିଲା। ଆଉ ତାଙ୍କୁ ଆବଶ୍ୟକ ଔଷଧ ଦିଆଯିବା ପରେ ଏବେ ସେମାନେ ସୁସ୍ଥ ରହିଛନ୍ତି।

କେଉଁମାନେ ସଂକ୍ରମିତ ହେବାର ସମ୍ଭାବନା ଅଧିକ?

ତେବେ ଯେଉଁମାନଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି କମ୍ ରହିଛି ସେମାନଙ୍କ ପ୍ରତି ହ୍ୱାଇଟ୍ ଫଙ୍ଗସ ବିପଦଜନକ ବୋସି ଡାକ୍ତର ସିଂହ କହିଛନ୍ତି। ସେହିପରି ମଧୁମେହ ରୋଗୀ ଏବଂ ଦୀର୍ଘ ଦିନ ଧରି ଷ୍ଟିରଏଡ ଖାଉଥିବା ବ୍ୟକ୍ତି ହ୍ୱାଇଟ୍ ଫଙ୍ଗସରେ ସଂକ୍ରମିତ ହେବାର ଆଶଙ୍କା ଅଧିକ ଥାଏ। ଖାଲି ଏତିକି ନୁହେଁ ଯେଉଁ କରୋନା ଆକ୍ରାନ୍ତ ଅକ୍ସିଜେନ ସପୋର୍ଟରେ ରହୁଛନ୍ତି ସେମାନଙ୍କୁ ଏହି ହ୍ୱାଇଟ୍ ଫଙ୍ଗସ ସିଧା ସଂକ୍ରମିତ କରୁଛି। ଆଉ ଆକ୍ରାନ୍ତଙ୍କ ଫୁସଫୁସ ଉପରେ ଏକ ଧଳ ରଙ୍ଗର ଦାଗ ପକାଉଛି। କ୍ୟାନସର ରୋଗୀଙ୍କୁ ମଧ୍ୟ ଏହି ହ୍ୱାଇଟ୍ ଫଙ୍ଗସକୁ ନେଇ ସତର୍କ ରହିବାକୁ କୁହାଯାଇଛି। ଏହା ଶିଶୁ ଏବଂ ମହିଳାଙ୍କୁ ମଧ୍ୟ ସଂକ୍ରମିତ କରିଥାଏ। ମୁଖ୍ୟତଃ ଲ୍ୟୁକୋରିଆ ପାଇଁ ଏହି ସଂକ୍ରମଣ ହୁଏ।