ଗୁଣପୁର ଠାରେ କେହି ମାନୁ ନାହାଁନ୍ତି କୋଭିଡ ନିୟମ ; ଅମାନିଆ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବୀ ।

!!! ରାୟଗଡା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟଜୋଷୀ  !!!

ଏଥର ସମ୍ଭାଳ (ଗୁଣପୁର) – ରାଜ୍ୟରେ ହୁହୁ ହୋଇ କରନା ସଂକ୍ରମଣ ବଢି ଚାଲିଥିବା ରୁ ରାଜ୍ୟ ସରକାର ଲାକଡାଉନ,ସଟ ଡାଉନ ଓ ନାଇଟ କର୍ଫ୍ୟୁ ଭଳି ପଦକ୍ଷେପ ମାନ ଗ୍ରହଣ କରିଛନ୍ତି । ଏଥିପାଇଁ ମୁଖ୍ୟ ଶାସନ ସଚିବ ବିସ୍ତୃତ ଭାବେ ଲଡାଉନର ମାର୍ଗଦର୍ଶିକା ଜନସାଧାରଣଙ୍କ ଆଗରେ ଉପସ୍ଥାପନ କରିଥିଲେ । ଏହାକୁ କଡାକଡି ପାଳନ କରିବାକୁ ପ୍ରଶାସନ ଓ ପୁଲିସକୁ ନିର୍ଦ୍ଦେଶ ଦିଆଯାଇଥିଲା। କିନ୍ତୁ ରାୟଗଡା ଜିଲ୍ଲା ଗୁଣୁପୁରରେ ଏହାର ବ୍ୟତିକ୍ରମ ଦେଖିବାକୁ ମିଳିଛି । ଭିଡ଼ ପରିଲକ୍ଷିତ ହେବାରୁ ପରିବା ଓ ସଉଦା ଦୋକାନକୁ ଲୋକେ ପାଞ୍ଚ ଶହ ମିଟର ଭିତରେ ଚାଲି ଚାଲି ଯିବାକୁ କୁହାଯାଇଛି । ସେହିପରି କୌଣସି ଯାନବାହନ ଚଳାଚଳ ନ କରିବାକୁ ନିର୍ଦ୍ଦେଶ ଦିଆଯାଇଛି । ରାସନ, ପରିବା, କ୍ଷୀର, ମାଛ, ମାଂସ ଦୋକାନ ଦିନ ୧୨ ଟା ଯାଏଁ ଖୋଲା ରଖିବାକୁ ମଧ୍ୟ କୁହାଯାଇଥିଲା । କିନ୍ତୁ ପରିତାପର ବିଷୟ ହେଉଛି ଗୁଣୁପୁରରେ ଏସବୁର ପ୍ରଭାବ କିଛି ପଡ଼ିନାହିଁ। ସହରରେ ସମସ୍ତ ପ୍ରକାର ଦୋକାନ ବଜାର ଖୋଲା ରହୁଛି । ଲୋକେ ନାହିଁ ନଥିବା ଭିଡ଼ ମଧ୍ୟ କରୁଛନ୍ତି । ବସକୁ ଛାଡି ଅନ୍ୟ ସମସ୍ତ ଯାନବାହନ ଓଭର ଲୋର୍ଡିଙ୍ଗ କରି ଚଳାଚଳ କରୁଥିବା ଦେଖିବାକୁ ମିଳିଛି ।

ମଧ୍ୟାହ୍ନ ପରେ ମଧ୍ୟ ବଜାର ଖୋଲା ରହୁଛି । ସେହିଭଳି ସ୍ଥାନୀୟ ଓଭର ବ୍ରିଜ ଛକ, ତ୍ରିନାଥ ମନ୍ଦିର ଛକ, ପୁରୁଣା ଗୁଣୁପୁର ନିକଟରେ ଅଟୋ, ମେକ୍ସ ପିକପରେ ଲୋକେ ଖୁନ୍ଦା ଖୁନ୍ଦି ହୋଇ ଅତି ଦହନୀୟ ଓ ବିପଦପୂର୍ଣ୍ଣ ଯାତାୟାତ କରୁଛନ୍ତି । ସବୁଠାରୁ ଆଶ୍ଚର୍ୟ୍ୟ ବିଷୟ ହେଉଛି ସ୍ଥାନୀୟ ପ୍ରଶାସନ ଓ ପୁଲିସ ସବୁ ଦେଖି ନୀରବ ଦ୍ରଷ୍ଟା ସାଜିଥିବା ସହରର ବୁଦ୍ଧିଜୀବୀଙ୍କୁ ଚକିତ କରିଛି । ମୁଖ୍ୟ ଶାସନ ସଚିବଙ୍କ ନିର୍ଦେଶ ଏଠି କିଭଳି ପାଳନ କରାଯାଉଛି ତାହା ଜଳଜଳ ହୋଇ ଦେଖିବାକୁ ମିଳିଛି । ଅନ୍ୟପକ୍ଷରେ ଏହାର ଭରପୁର ଫାଇଦା ଉଠାଉଛନ୍ତି ଲାଭଖୋର ବ୍ୟବସାୟୀ । ବିଭିନ୍ନ ସାମଗ୍ରୀ ମହଜୁଦ ରଖି ଚଢା ଦରରେ ବିକ୍ରି କରୁଥିବା ଅଭିଯୋଗ ହେଉଛି । ବର୍ତ୍ତମାନର ପରିସ୍ଥିତିରେ ଘର ଘର ବୁଲି ତଥ୍ୟ ସଂଗ୍ରହ କରିବାର ସମୟ ଆସିଥିବା ବେଳେ ଗୁଣପୁର ଠାରେ କିଛି ଅମାନିଆ ଏହାକୁ ମାନୁ ନଥିବା ଦେଖା ଦେଇଛି । ଏହି ସମୟରେ କେଉଁ ଦୋକାନ ଖୋଲିବ ଏବଂ କେଉଁ ଦୋକାନ ଗୁଡିକ ଖୋଲିବା ପାଇଁ ମନା ଏହା ସ୍ପଷ୍ଟ ଭାବରେ ଜଣାନଥିବା ଅଭିଯୋଗ କରି ପ୍ରାୟ ସମସ୍ତ ଦୋକାନ ଖୋଲୁଥିବା ଏପରିକି ଅନେକ ଦୋକାନ ରେ ଭିଡ଼ ଜମାଇ ସାମାଜିକ ଦୂରତା କୁ ମାନୁନଥିବା ଦେଖିବାକୁ ମିଳୁଛି।ଏଣୁ ସ୍ଥାନୀୟ ପ୍ରଶାସନ ପକ୍ଷରୁ ଜନସଧାରଙ୍କୁ ଓ ବ୍ୟବସାୟୀଙ୍କୁ ସଚେତନତା ର ବାର୍ତ୍ତା ଦେବା ସହ ଏଭଳି ଖାମ ଖିଆଲି ମନୋଭାବ ଓ ଦାୟିତ୍ୱ ହୀନତା ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବୀ ହେଉଛି । ସରକାର କେବଳ ରାସନ ଓ ଅଣ୍ଡା, କ୍ଷୀର ଦୋକାନ ଖୋଲିବାକୁ ଅନୁମତି ଦେଇଥିବାରୁ ଅନେକ ଦୋକାନୀ ନିଜ ଦୋକାନ ସାମନାରେ କିଛି ଆଳୁ, ପିଆଜ, ଅଣ୍ଡା, କ୍ଷୀର ରଖିଦେଇ ଭିତରେ ତାଙ୍କ ବ୍ୟବସାୟ କରୁଥିବା ଅଭିଯୋଗ ହେଉଛି । କିଛି ପାନ ଦୋକାନ ହଠାତ ରାସନ ଦୋକାନ ଭାବେ ବଦଳୀ ଯାଇଛି ଏବଂ କେତେକ ସ୍ଥାନରେ ଦୋକାନ ବନ୍ଦକରି କବାଟ ଦେଇ ଗଳା ବାଟରେ ବ୍ୟବସାୟ କରୁଥିବା ଦେଖା ଦେଇଛି । ଏଭକି ବ୍ୟବସାୟୀ ଙ୍କୁ ଠାବ କରି ଏମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାନଗଲେ ରାଜ୍ୟ ସରକାରଙ୍କ ମୁଖ୍ୟ ଉଦ୍ଦେଶ୍ୟ ଫଳପ୍ରଦ ହୋଇ ପାରିବ ନାହିଁ ।ପରେ ଏହାକୁ ଦେଖି ଆମକୁ କହିବାକୁ ପଡିବ ଏଥର ସମ୍ଭାଳ…।