!!! ଗୁଣୁପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ଠାରେ ସ୍ଥାନୀୟ ଉପଖଣ୍ଡ କଳିଙ୍ଗ ସାମ୍ବାଦିକ ସଂଘ ପକ୍ଷରୁ ସ୍ତମ୍ଭକାର ଦିବସ ସମାରୋହ ଅନୁଷ୍ଠିତ ହୋଇଯାଇଛି । ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ବରିଷ୍ଠ ସାମ୍ବାଦିକ ଶ୍ରୀ ଲୋକନାଥ ପାଣିଗ୍ରାହୀ ଯୋଗ ଦେଇଥିବା ବେଳେ , ମୁଖ୍ୟ ବକ୍ତା ଭାବେ କବି , ଲେଖକ ଓ ଗାଳ୍ପିକ ଶ୍ରୀ ପ୍ରତାପ ରାୟ ଯୋଗ ଦେଇ ଥିଲେ ।
ଏହି କାର୍ଯ୍ୟକ୍ରମ କୁ ସଂଘ ର ଉପଦେଷ୍ଟା ତଥା ଆଇନଜୀବି ଶ୍ରୀ ଇନ୍ଦ୍ରାକ୍ଷି ପ୍ରସାଦ ଦାଶ ପରିଚାଳନା କରିବା ସହ ମଞ୍ଚାସୀନ ରହିଥିଲେ । ଉପସ୍ଥିତ ଅତିଥି ମାନଙ୍କୁ ମାନପତ୍ର ଓ ଉପଢ଼ ଉକନ ଦେଇ ସମ୍ମାନିତ କରାଯାଇଥିଲା । ଏଥିରେ ସଂଘ ର ଆବାହକ ଶ୍ରୀ ଶକ୍ତି ଦାଶ , କାର୍ଯ୍ୟକାରୀ ସଭାପତି ଶ୍ରୀ ସୂର୍ଯ୍ୟ ପ୍ରକାଶ ପଟ୍ଟନାୟକ , ମିଡିଆ ସେଲ୍ ସଂଯୋଜକ ଶ୍ରୀ ସିଦ୍ଧାର୍ଥ ଦାଶ ଙ୍କ ସମେତ ସଂଘ ର ଅନ୍ୟ ସଦସ୍ୟ ମାନେ ମଧ୍ୟ ଉପସ୍ଥିତ ରହିଥିଲେ ।
ସମ୍ମାନିତ ଅତିଥି ମାନେ ସମ୍ବାଦିକଙ୍କ ଭୂମିକା ଏବଂ ସ୍ତମ୍ଭକାର ଭାବେ ପତ୍ରିକା ମାଧ୍ୟମରେ କିଭଳି ସାଧାରଣ ଜନତା ଙ୍କ ସମସ୍ୟା କୁ ପ୍ରଶାସନ ନିକଟରେ ଉପସ୍ଥାପନ କରିପାରିବେ ଏହାର ଶୈଳୀ ନେଇ ସମ୍ୟକ ସୂଚନା ଦେଇଥିଲେ । ସଂଘ ର ଆବାହକ ଶ୍ରୀ ଶକ୍ତି ଦାଶ ଙ୍କ ଆହ୍ୱାନ କ୍ରମେ ପ୍ରଥମ କରି ଜିଲ୍ଲାରେ ଏଭଳି ଏକ ଦିବସ ପାଳନ କ୍ଷେତ୍ରରେ ସଙ୍ଘ କର୍ମକର୍ତ୍ତା ଙ୍କ ପଦକ୍ଷେପ କୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି । ଏହି ସମାରୋହକୁ ପ୍ରତି ବର୍ଷ ଏଭଳି ପାଳନ କରି ଏହି କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ କିଛି ସାମ୍ବାଦିକଙ୍କୁ ସମ୍ମାନୀତ କରାଯିବା ପ୍ରୟାସ ଜାରି ରହିବ ବୋଲି ଆୟୋଜକ ତଥା ସଂଘ ସଦସ୍ୟ ମତବ୍ୟକ୍ତ କରିଛନ୍ତି ।
