ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ)- ଚାଷୀ ଆନ୍ଦୋଳନକୁ ନେଇ ଗୋଟିଏ ପଟେ ଚାଷୀ ସଂଗଠନ ଓ ସରକାରଙ୍କ ସହ ଆଲୋଚନା ପ୍ରକ୍ରିୟା ଚାଲିଛି। ଅନ୍ୟପଟେ ଶାସକ ଦଳ ବିଜେପି ଏବଂ ବିରୋଧୀ ମଧ୍ୟରେ ରାଜନୀତିକ ବାକ୍ ଯୁଦ୍ଧ ଚାଲିଛି। କେଉଁ ଉଦ୍ଦେଶ୍ୟରେ ଚାଷୀଙ୍କୁ ରାହୁଲ୍ ସମର୍ଥନ କରୁଛନ୍ତି ବୋଲି ବିଜେପି ଆଜି ପ୍ରଶ୍ନ କରିଛି। ରାହୁଲ୍ ଯେଉଁ ଏପିଏମସି ଆକ୍ଟ କଥା କହୁଛନ୍ତି ତାହା କେରଳରେ ନାହିଁ। ରାହୁଲ୍ କେରଳ ଓ୍ୱାଏନାଡର ସାଂସଦ। କେରଳରେ ଏପିଏମସି ଆକ୍ଟ ନାହିଁ। ତେଣୁ ଚାଷୀଙ୍କ ପାଇଁ ସେ କାହିଁକି ସ୍ୱର ଉତ୍ତୋଳନ କରୁନାହାନ୍ତି ବୋଲି ବିଜେପି ସାଂସଦ ସୁଧାଂଶୁ ତ୍ରିଦେବୀ ପ୍ରଶ୍ନ କରିଛନ୍ତି। ତେଣୁ ଏବେ ରାହୁଲ୍ ଚାଷୀଙ୍କ ପାଇଁ କେଉଁ ଉଦ୍ଦେଶ୍ୟରେ ମିଶୁଛନ୍ତି ବୋଲି ସେ ପ୍ରଶ୍ନ କରିଛନ୍ତି।ସୂଚନାଯୋଗ୍ୟ, କେନ୍ଦ୍ର ସରକାର ତିନୋଟି କୃଷି ଆଇନ୍ ଆଣିଛନ୍ତି। ଏହାକୁ ବିରୋଧ କରି ଚାଷୀ ଏବେ ଆନ୍ଦୋଳରେ ବସିଛନ୍ତି।
