୧୫ ପ୍ରତିଶତ ଦିଅ ସିକ୍ୟୁରୀଟି ଫେରସ୍ତ ନିଅ ; ପୂର୍ତ୍ତ ବିଭାଗ ର ନୂଆଁ ନିୟମ …?

ଏଥର ସମ୍ଭାଳ ବ୍ୟୁରୋ – ରାୟଗଡା ଜିଲ୍ଲା ରାସ୍ତା ଓ କୋଠା ବାଡ଼ି ବିଭାଜନ – ୨ ଅଧୀନରେ ବାହାରିଥିବା ପ୍ରତି କାମ ଶେଷ ପରେ ଠିକାଦାର ମାନଙ୍କ ସିକ୍ୟୁରୀଟି ( ଡିପୋଜିଟ) ରଖା ଯାଇଥାଏ । ଏହି ଅର୍ଥ କୁ ବିଲ ପୈଠ ହୋଇସାରିବା ଏକ ବର୍ଷ ପରେ ଠିକାଦାର ଙ୍କୁ ଫେରସ୍ତ ଦିଆଯାଇଥାଏ । ସମସ୍ତ କାର୍ଯ୍ୟ ସମ୍ପାଦନ ହେବା ପରେ ଉକ୍ତ ଅମାନତ ଜମା ଟଙ୍କା କୁ ବର୍ଷକ ପରେ ଫେରସ୍ତ ଦିଆଯିବାର ନିୟମ ରହିଥିବା ବେଳେ ବର୍ତ୍ତମାନ ଉକ୍ତ ଟଙ୍କା ଉଠାଣ କରିବା ନିମନ୍ତେ ସମ୍ପୃକ୍ତ କାର୍ଯ୍ୟାଳୟର କେସିଅର ଏହି ଅର୍ଥର ୧୫ ପ୍ରତିଶତ ଟଙ୍କା ପି.ସି ବାବଦରେ ମାଗୁଥିବା ବିଷୟ ବର୍ତ୍ତମାନ ଠିକାଦାରଙ୍କ ମଧ୍ୟରେ ଆଲୋଚ୍ୟର କଥା ଵସ୍ତୁ ହୋଇ ଥିବାବେଳେ ସାଧାରଣରେ ଏହା କ ଚର୍ଚ୍ଚାର ବିଷୟ ପାଲଟିଛି । ପ୍ରକାଶ ଥାଉକି ଉକ୍ତ କାର୍ଯ୍ୟାଳୟ ଟି ଗୁଣପୁର ଠାରେ ଅବସ୍ଥାପିତ ହେବା ବଦଳରେ ଗୁଣପୁର ଠାରୁ ଦୀର୍ଘ ୫୦ କିମି ରୁ ଉର୍ଦ୍ଧ୍ୱ ଦୁରତାରେ ଥିବାରୁ ଏଠାର କର୍ମଚାରୀ ଏହାର ସୁଯୋଗ ନେଉଥିବା ଅଭିଯୋଗ ହେଉଛି। ଏପରିକି ଅନେକ ଠିକାଦାର ସେମାନଙ୍କ ବହୁଳ ଅମାନତ ଅର୍ଥକୁ ପାଇବା ପାଇଁ ୧୫ ପ୍ରତିଶତ ଦେଇ ଡ଼ିପୋଜିଟ ଟଙ୍କାକୁ ଉଠାଇ ଆଣିଥିବା ଜଣା ଯାଇଛି । ତେବେ ଏହା ରାୟଗଡା ଡିଭିଜନ ୨ ଅଧିକାରୀ ଙ୍କ କେଉଁ ନୂଆ ନିୟମ ବୋଲି ପ୍ରଶ୍ନ ଉଠିଛି ।ଉକ୍ତ ପି.ସି କାରବାର ବିଭାଗୀୟ ନିର୍ବାହୀ ଅଧିକାରୀ ଙ୍କ ଜାଣତରେ ଚାଲିଛି ନା ଅଜାଣତ ରେ ; ଏହାର ସତ୍ୟତା ଉପରେ ଅନୁସନ୍ଧାନ କରି କାର୍ଯ୍ୟାନୁଷ୍ଠାନ ଗ୍ରହଣ କରିବା ଅନିବାର୍ଯ୍ୟ ହୋଇପଡ଼ିଛି ।