ପ୍ରଧାନ ଶିକ୍ଷୟତ୍ରୀ ଖାଇଗଲେ ମୋ ସ୍କୁଲ ଅଭିଯାନ ର ଟଙ୍କା;ଅଭିଯୋଗ ଆଣିଲେ କମିଟି ସଦସ୍ୟ ବୃନ୍ଦ।
!!! ରାୟଗଡା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ବ୍ଲକ ଅଧିନସ୍ଥ ଜଗନ୍ନାଥ ପୁର ଠାରେ ରହିଥିବା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ସୋନାଲି ସୁନା ସେଠୀଙ୍କ ନାମରେ ସହକାରୀଙ୍କୁ ଅସମ୍ମାନୀତ କରୁଥିବା,କାର୍ଯ୍ୟରତ ଚତୁର୍ଥ ଶ୍ରେଣୀ କର୍ମଚାରୀ ଙ୍କୁ ଶୌଚାଳୟ ସଫା କରିବା ନିମନ୍ତେ ନିର୍ଦ୍ଧେଶ ଦେଉଥିବା,ହଷ୍ଟେଲ ଗୃହରେ ପୁରୁଷ ଙ୍କୁ ଅବାଧରେ ରଖୁଥିବା ଭଳି କିଛି ଅଭିଯୋଗ ସହ ପିଲାଙ୍କୁ ବିଦ୍ୟାଳୟ ପରିତ୍ୟାଗ ପତ୍ର ଦେବାବେଳେ ଟଙ୍କା ମାଗୁଥିବା ଭଳି ସଙ୍ଗୀନ ଅଭିଯୋଗ ନେଇ ରାୟଗଡ଼ା ଜିଲ୍ଲା ଶିକ୍ଷାଧିକାରୀ ଙ୍କ ନିକଟରେ ଅଭିଯୋଗ ହୋଇଥିଲା ତଥାପି କର୍ତ୍ତୃପକ୍ଷ ତାଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ରୁ ପ୍ରଧାନ ଶିକ୍ଷୟିତ୍ରୀ ଏବଂ ଶିକ୍ଷାଧିକାରୀ ଙ୍କ ମଧ୍ୟରେ ରହିଥିବା ମଧୁଚନ୍ଦ୍ରିକା କୁନେଇ ସଧାରଣରେ ଆଙ୍ଗୁଳି ନିର୍ଦେଶ କରୁଥିବା ବେଳେ ପୁଣି ଏକ ଅଭିଯୋଗ ଉଠିଛି ।ମୋ ସ୍କୁଲ ଅଭିଯାନ କମିଟିର ସଦସ୍ୟ ରାଜେନ୍ଦ୍ର କୁମାର ଗୌଡ଼,ସୁନୀଲ ଚୌଧୁରୀ, ଦେବେନ୍ଦ୍ର ପଣ୍ଡା ମିଳିତ ଭାବେ ଅଭିଯୋଗ କରିଛନ୍ତିକି,ପ୍ରଧାନ ଶିକ୍ଷୟିତ୍ରୀ ବିନା ରେଜୁଲାସନ,କମିଟି ବୈଠକରେ ମୋ ସ୍କୁଲ ଅଭିଯାନ ନିମନ୍ତେ ଆସିଥିବା ଟଙ୍କା ଉଠାଇ ଖର୍ଚ୍ଚ କରିଛନ୍ତି । ବିନା ରେଜୁଲାସନ ରେ କେମିତି ଟଙ୍କା ଉଠିଛି ଏବଂ ଉଠା ଯାଉଥିବା ଟଙ୍କା କେଉଁ ବାବଦରେ ଖର୍ଚ୍ଚ କରାଯାଇଛି ବୋଲି ପ୍ରଶ୍ନ କରିଛନ୍ତି । ଏପରିକି ପିଲାଙ୍କ ନିମନ୍ତେ ଆସିଥିବା କମ୍ବଳ ମଧ୍ୟ ବଣ୍ଟନ ନକରି ନିଜ ବ୍ୟବହାର ପାଇଁ ରଖି ଦେଇଥିବା ଅଭିଯୋଗ ଆଣିଛନ୍ତି । ପ୍ରଧାନ ଶିକ୍ଷୟିତ୍ରୀ ଙ୍କ ମନୋମୁଖୀ କାର୍ଯ୍ୟକଳାପ ଏବଂ ଦୁର୍ନୀତି ବିରୁଦ୍ଧରେ ପଞ୍ଚାୟତ ମଧ୍ୟରେ ଏକ ବଡ ଚର୍ଚ୍ଚା ର ବିଷୟ ହୋଇପଡିଛି । ଏପରିକି ସ୍ଥାନୀୟ ସରପଞ୍ଚ ଗୌରୀ ଗମାଙ୍ଗ ମଧ୍ୟ ଏହାଙ୍କ କାର୍ଯ୍ୟକଳାପ ରେ ଅସନ୍ତୁଷ୍ଟ ପ୍ରକାଶ କରିଛନ୍ତି । ଏହି ସମସ୍ୟା ଗୁରୁତର ହୋଇ ସର୍ବସାଧାରଣ ରାଜରାସ୍ତାକୁ ଓଲ୍ହାଇବା ପୁର୍ବରୁ ଏହାର ସମାଧାନ ନିମନ୍ତେ ଜିଲାପାଳ କାର୍ଯ୍ୟାନୁଷ୍ଠାନ ଗ୍ରହଣ କରିବା ଅନିବାର୍ଯ୍ୟ ହୋଇ ପଡିଛି ।