!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୁଣପୁର) – ରାୟଗଡା ଜିଲ୍ଲା ପରିଷଦଅଧ୍ୟକ୍ଷ ଡ଼ ପୁରୁଷୋତ୍ତମ ଗମାଙ୍ଗଙ୍କ ସଡ଼କ ଦୁର୍ଘଟଣାରେ ମୃତ୍ୟୁ ହୋଇନାହିଁ ବରଂତାଙ୍କୁ ଷଡଯନ୍ତ୍ର କରି ସୁଚିନ୍ତିତ ଯୋଜନାବଦ୍ଧ ଭାବେ ହତ୍ୟା କାରାଯାଇଥିବା ଭଳି ସଙ୍ଗିନଅଭିଯୋଗ କରିଛିକଂଗ୍ରେସ । ଗତ ଡିସେମ୍ବର ୨୪ତାରିଖ ରାତିରେ ଏକ ସଡ଼କ ଦୁର୍ଘଟଣାରେ ଡ଼ ଗମାଙ୍ଗଙ୍କ ମୃତ୍ୟୁ ହୋଇଥିବା ଖବରସମଗ୍ର ଅଞ୍ଚଳବାସୀଙ୍କୁ ସ୍ତବ୍ଧ କରିଦେଇଥିଲା । ହେଲେ ଏହା ଦୁର୍ଘଟଣା ଜନିତ ନୁହେଁ ବରଂ ହତ୍ୟାକାଣ୍ଡବୋଲି କଂଗ୍ରେସପକ୍ଷରୁ ଗୁଣୁପୁରଠାରେ ଏକ ସାମ୍ବାଦିକସମ୍ମିଳନୀରେ ଜୟପୁର ବିଧାୟକ ତାରାପ୍ରସାଦ ବାହିନୀପତି ଅଭିଯୋଗ କରିଥିଲେ । ଏବଂ ସପ୍ତାହମଧ୍ୟରେ ପୋଲିସ ଅଭିଯୁକ୍ତକୁ ଖୋଜୁ ନଚେତ ଏସଆଇଟି କିମ୍ବା ସିବିଆଇ ତଦନ୍ତ ଦାବୀ କରିଥିଲେ । ଡ଼ ଗମଙ୍ଗଙ୍କ ସାଳକ ଏନେଇ ଗୁଣୁପୁର ଥାନାରେ ଏକ ଲିଖିତ ଅଭିଯୋଗ କରିଥିଲେ । ତେବେ ଜାଣିଶୁଣି ପୋଲିସ ଏତଲା ଗ୍ରହଣ କରିବାରେ ବିଳମ୍ବ ଓ ତଦନ୍ତରେ ଶିଥିଳତା ପ୍ରକାଶ କରୁଥିବା ଅଭିଯୋଗ ହୋଇଛି । ରାଜ୍ୟ ସରକାର ସବୁବେଳେ ଆଦିବାସୀ ବିରୋଧୀ ଓ ହତ୍ୟାକାରୀ ବୋଲି ବାହିନୀପତି ଆରୋପ କରିଛନ୍ତି । ସେହିଭଳି କୋରାପୁଟ ସାଂସଦମଧ୍ୟ ଏ ତଦନ୍ତରେ ସନ୍ତୁଷ୍ଟ ନୁହନ୍ତି ତେଣୁ ସିବିଆଇ ତଦନ୍ତ ଦାବିକରିବା ସହ ଦିଲ୍ଲୀସଂସଦରେ ଏପ୍ରସଙ୍ଗ ଉଠେଇବେ ବୋଲି କହିଛନ୍ତି । ସେପଟେ ପୁରୁଷୋତ୍ତମ ଗମଙ୍ଗଙ୍କ ମାମଧ୍ୟ ତାଙ୍କପୁଅକୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି । ରାୟଗଡା ଆରକ୍ଷୀ ଅଧିକ୍ଷକଙ୍କ ମନ୍ତବ୍ୟକୁ କଡା ଭାଷାରେ ନିନ୍ଦାକରିଛନ୍ତି ପୁରୁଷୋତ୍ତମଙ୍କ ମା ଓ କଂଗ୍ରେସ । ଆଜି ଗୁଣୁପୁର ବାଙ୍ଗି ଛକଠାରେ ଦଳ ପକ୍ଷରୁ ରାସ୍ତାରୋକ କରାଯାଇଛି । ଫଳରେ ୩ପଟରୁ ଯାନବାହନ ଚଳାଚଳ ବନ୍ଦ ରହିଛି ।ଜିଲ୍ଲା କଂଗ୍ରେସ ସଭାପତି ଓ ଗୁଣୁପୁର,ରମାନଗୁଡା କଂଗ୍ରେସର ବହୁ କର୍ମୀ, ନେତା, ଏଥିରେ ସାମିଲହୋଇ ପ୍ରତିବାଦକରିଛନ୍ତି । ଏହି ଆନ୍ଦୋଳନ ଆଗକୁଆହୁରି ଜୋରଦାର କରାଯିବ ବୋଲି ଦଳ ପକ୍ଷରୁ କୁହାଯାଇଛି ।
