ପାରଳାଖେମୁଣ୍ଡି ଠାରେ ଗଜପତି ମହାରାଜା ବାଳକ ଉଚ୍ଚ ବିଦ୍ୟାଳୟରେ ଲାଗିଲା “ବାୟୋମେଟ୍ରିକ ଉପସ୍ଥାନ”…!

!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ସ୍ଥାନୀୟ ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟରେ ଶିକ୍ଷକ ଓ ଶିକ୍ଷୟତ୍ରୀ ମାନଙ୍କ ସମେତ କର୍ମଚାରୀ ମାନଙ୍କ ଦୈନିକ ଉପସ୍ଥାନ ପାଇଁ “ବାୟୋମେଟ୍ରିକ ଉପସ୍ଥାନ” ବ୍ୟବସ୍ଥାର ଶୁଭାରମ୍ଭ ହୋଇଯାଇଛି । ଗଜପତି ଜିଲ୍ଲାର ପାରଳାଖେମୁଣ୍ଡି ଠାରେ ଥିବା ଏହି ବାଳକ ଉଚ୍ଚ ବିଦ୍ୟାଳୟରେ ପ୍ରଥମ କରି “ବାୟୋମେଟ୍ରି ଉପସ୍ଥାନ” ବ୍ୟବସ୍ଥା’କୁ ଶୁଭ ଉଦ୍ ଘାଟନ କରିଥିଲେ ଜିଲ୍ଲା ଶିକ୍ଷାଧିକାରୀ ପ୍ରଦୀପ କୁମାର ନାଗ।ଶିକ୍ଷାଧିକାରୀ ଶ୍ରୀ ନାଗ ଜିଲ୍ଲାରେ ବାୟୋମେଟ୍ରିକ ସ୍ଥାପନ ହେବାରେ ପ୍ରଥମ ହୋଇଥିବାରୁ ଖୁସୀ ବ୍ୟକ୍ତ କରିଥିଲେ । ମୁଖ୍ୟତଃ ସମାୟାନୁବର୍ତ୍ତିତା , ସ୍ୱଚ୍ଛତା ଓ ପରିବର୍ତ୍ତନ ଭଳି ୫ଟି ଆଧାରରେ ଏହି ବ୍ୟବସ୍ଥା ହୋଇଥିବା ଶ୍ରୀ ନାଗ ପ୍ରକାଶ କରିଥିଲେ ।ଅନ୍ୟପକ୍ଷରେ ବିଦ୍ୟାଳୟରେ ମହେନ୍ଦ୍ରାଞ୍ଚଳ ୟୁଥ୍ ଓ ଇକୋ କ୍ଲବ ପକ୍ଷରୁ ଆୟୋଜିତ ହୋଇଥିବା ଚିତ୍ରଙ୍କନ ପ୍ରତିଯୋଗୀତାକୁ ଜିଲ୍ଲା ଶିକ୍ଷାଧିକାରୀ ଶ୍ରୀ ନାଗ ବୁଲି ଦେଖିଥିଲେ । ଆୟୋଜିତ ସଭା କାର୍ଯ୍ୟକ୍ରମରେ ଉପସ୍ଥିତ ଶିକ୍ଷକ ଶିକ୍ଷୟତ୍ରୀ ଓ କର୍ମଚାରୀ ମାନଙ୍କୁ ଏଥିପାଇଁ ଉଚ୍ଚ ପ୍ରଶଂସା କରିବା ସହ ଆଗାମୀ ଦଶମ ଶ୍ରେଣୀ ବୋର୍ଡ ପରୀକ୍ଷା ପାଇଁ ପ୍ରଧାନଶିକ୍ଷକ ଡ଼ଃ.ବୃଷ କେତୁ ଦାସ ନେଇଥିବା ପଦକ୍ଷେପରେ ସମସ୍ତେ ପୂର୍ଣ୍ଣ ସହଯୋଗ କରିବା ପାଇଁ ପରାମର୍ଶ ଦେଇଥିଲେ ।ବିଦ୍ୟାଳୟରେ ନୂତନ ଭାବେ ଯୋଗ ଦେଇଥିବା ୨ ଜଣ କର୍ମଚାରୀଙ୍କୁ ସ୍ୱାଗତ କରାଯାଇଥିଲା । ବିଦ୍ୟାଳୟର ପ୍ରଧାନଶିକ୍ଷକ ଡ଼ଃ.ବୃଷ କେତୁ ଦାସ ବିଦ୍ୟାଳୟର ବିଭିନ୍ନ ବିକାଶ ମୂଳକ ଓ ବୈଷୟିକ କ୍ଷେତ୍ରରେ ବିଶେଷ ଉନ୍ନତି ଆଣିବା ପାଇଁ ନେଇଥିବା ପଦକ୍ଷେପ ସମ୍ପର୍କରେ ସମ୍ୟକ ସୂଚନା ପ୍ରଦାନ କରିଥିଲେ । ଶେଷରେ ବିଦ୍ୟାଳୟର ବରିଷ୍ଠ ଶିକ୍ଷକ କୁମୁଦ ରଞ୍ଜନ ଦାଶ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।