ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ସାମ୍ବାଦିକ ସୁରକ୍ଷା ଆଇନ ପ୍ରଣୟନ ଦାବୀ ଉଦ୍ଧେଶ୍ୟ ନେଇ ଆଜି ଭୁବନେଶ୍ୱର ସ୍ଥିତ ଫରେଷ୍ଟ ପାର୍କ ପରିସର ରେ ଓଡିଶା ର ସମସ୍ତ ପତ୍ର ପତ୍ରିକା , ସେଟଲାଇଟ ଓ ୱେବ ନ୍ୟୁଜ୍ ଚ୍ୟାନେଲ ର ସାମ୍ବାଦିକ ମାନଙ୍କୁ ନେଇ ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି । ସାମ୍ବାଦିକ ଶ୍ରୀ ଲିଙ୍ଗରାଜ ସାହୁ ଙ୍କ ଆହ୍ୱାନ କ୍ରମେ ଅନୁଷ୍ଠିତ ଏହି ବୈଠକ ରେ ଭୁବନେଶ୍ୱର ରେ କାର୍ଯ୍ୟରତ ବହୁ ସଂଖ୍ୟକ ଗଣମାଧ୍ୟମ ପ୍ରତିନିଧି ଯୋଗ ଦେଇଥିଲେ । ଏହି ବୈଠକ ରେ ଚିଠା କମିଟି ଏବଂ ଯୋଗାଯୋଗ କମିଟି ଗଠନ କରାଯାଇଛି । ଆଗାମୀ ଦିନ ରେ ଯୋଗାଯୋଗ କମିଟି ସଦସ୍ୟ ମାନେ ବିଧାୟକ ମାନଙ୍କୁ ଭେଟି ସାମ୍ବାଦିକ ସୁରକ୍ଷା ଆଇନ ପ୍ରଣୟନ ନିମନ୍ତେ ବିଧାନସଭା ରେ ବିଧେୟକ ଆଗତ କରିବା ପାଇଁ ନିଷ୍ପତି ନିଆଯାଇଛି । ଏହି ବିଧେୟକ ଆଇନ ରେ ପ୍ରଣୟନ ହେବା ପାଇଁ ଆବଶ୍ୟକ ସ୍ଥଳେ ସମସ୍ତ କାର୍ଯ୍ୟରତ ସାମ୍ବାଦିକ ମାନ୍ୟବର ମୁଖ୍ୟମନ୍ତ୍ରୀ ଓ ମାନ୍ୟବର ବାଚସ୍ପତି ଙ୍କୁ ଭେଟିବା ନିମନ୍ତେ ବୈଠକ ରେ ସ୍ଥିର କରାଯାଇଛି । ଓଡିଶା ରେ କାର୍ଯ୍ୟରତ ସାମ୍ବାଦିକ ମାନଙ୍କ ପ୍ରତି ବିଭିନ୍ନ କ୍ଷେତ୍ର ରେ ହେଉଥିବା ଅମାନୁଷିକ ଅତ୍ୟାଚାର , ଗୁଣ୍ଡାଗିରି ଓ ଅପମାନ କୁ ବରିଷ୍ଠ ସାମ୍ବାଦିକ ଶ୍ରୀ ପ୍ରଦ୍ୟୁମ୍ନ ଶତପଥି ଦୃଢ ନିନ୍ଦା କରିଛନ୍ତି । ଏହି ଆଇନ ପ୍ରଣୟନ ନିମନ୍ତେ ସମସ୍ତ କାର୍ଯ୍ୟରତ ସାମ୍ବାଦିକ , ସମସ୍ତ ସାମ୍ବାଦିକ ସଙ୍ଗଠନ ଏକଜୁଟ ହୋଇ ଦାବୀ ହାସଲ ଦିଗରେ ଆଗେଇ ଆସିବା ପାଇଁ ଶ୍ରୀ ଶତପଥି ଅନୁରୋଧ କରିଛନ୍ତି ।
