ଗୁଣପୁର ଠାରେ ତାଲୁକା ଆଇନ ସେବା ସଂସ୍ଥା ପକ୍ଷରୁ ଜାତୀୟ ଆଇନ ସେବା ଦିବସ ପାଳିତ…!

!!! ଗୁଣପୁର ରୁ ରାୟଗଡ଼ା ଜିଲ୍ଲା ସ୍ୱତନ୍ତ୍ର ପ୍ରତିନିଧି ଦୀପକ କୁମାର ବେହେରା(ସୁନା) ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ତାଲୁକା ଆଇନ ସେବା ପ୍ରାଧୀକରଣର ସଂସ୍ଥା ଆନୁକୁଲ୍ୟରେ ଜାତୀୟ ଆଇନ ସେବା ଦିବସ ପାଳିତ ହୋଇଯାଇଛି। ଗୁଣପୁର ତାଲୁକା ଆଇନ ସେବା ସଂସ୍ଥା ର ଅଧ୍ୟକ୍ଷ ଶ୍ରୀ ଅଜୟ କୁମାର ପ୍ରଧାନ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମ ଅବସରରେ ଗୁଣପୁର ଥାୟରାମା ମହିଳା ମହାବିଦ୍ୟାଳୟ ଓ ବିଟସ୍ କଲେଜ୍ ର ବିଦ୍ୟାର୍ଥୀ ମାନଙ୍କୁ ନେଇ ଗୁଣପୁର ପୁରୁଣା ବସଷ୍ଟାଣ୍ଡ ଠାରୁ ଏକ ଶୋଭାଯାତ୍ରା ବାହାରି ଗୁଣପୁର କୋର୍ଟ ପରିସର ରେ ପହଞ୍ଚିଥିଲା। ଏହି ଶୋଭାଯାତ୍ରାରେ ସ୍ଥାନୀୟ ସବ ଜର୍ଜ ବିଭୂଦତ୍ତ ନାୟକ, ଦ୍ଵିତୀୟ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ଦୀପଙ୍କର ବଳ, ପୋଲିସ ଏସ୍.ଡି.ପି.ଓ ରାଜ କିଶୋର ଦାଶ, ପୋଲିସ ଆଇ.ଏସ.ସି ରଶ୍ମୀ ରଞ୍ଜନ ପ୍ରଧାନ, ବରିଷ୍ଠ ଆଇନଜୀବୀ ଫଣୀଭୂଷଣ ପଟ୍ଟନାୟକ, ବ୍ରହ୍ମାନନ୍ଦ ପଟ୍ଟନାୟକ ଓ ଆଇନଜୀବୀ ରମେଶ ଲିମା ଏବଂ ଗୁଣପୁର ମହାବିଦ୍ୟାଳୟ ର ଅଧ୍ୟାପକ ସୂର୍ଯ୍ୟନାରାୟଣ ପଣ୍ଡା ଙ୍କ ସମେତ ଏସ୍.ଆଇ ରଶ୍ମି ରଞ୍ଜନ ବେହେରା ଉପସ୍ଥିତ ଥିଲେ। ଶୋଭାଯାତ୍ରୀ ଙ୍କ ଦ୍ଵାରା ପ୍ରଦର୍ଶିତ ଫ୍ଲାସ୍ କାର୍ଡ ଗୁଡ଼ିକ ଜନ ସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବା ରେ ଖୋରାକ୍ ଯୋଗାଇଥିଲା।