!!! କନ୍ଧମାଳ ଜିଲ୍ଲା ଫୁଲବାଣୀ ରୁ ଉପଖଣ୍ଡ ପ୍ରତିନିଧି ସୁକାନ୍ତ ବେହେରା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଫୁଲବାଣୀ) – ମାନ୍ୟବର ମୁଖ୍ୟମନ୍ତ୍ରୀ ଙ୍କ ଦ୍ଵାରା ମୋ ସରକାର କାର୍ଯ୍ୟକ୍ରମ ଉଦଘାଟନ ହେବାର ୨୪ ଘଣ୍ଟା ନ ପୁରୁଣୁ କନ୍ଧମାଳ ଜିଲ୍ଲା ରେ ଏହାର ପ୍ରଭାବ ଦେଖିବାକୁ ମିଳିଛି। ସ୍ଥାନୀୟ ଅଞ୍ଚଳର ଜଣେ କନଷ୍ଟେବଲ ମହିଳା ଙ୍କୁ କମେଣ୍ଟ ମାରି ଛେଚା ଖାଇବା ପରେ ଗିରଫ ହୋଇଛନ୍ତି। କଳାହାଣ୍ଡି ର ୯ ଆଇ. ଆର ବାଟାଲିଆନ୍ ର କନେଷ୍ଟବଳ – ୩୮୨ ସନାତନ ବେହେରା କନ୍ଧମାଳ ରେ କାର୍ଯ୍ୟକରୁଛନ୍ତି। ସେ ଆଧିକାଂଶ ସମୟ ସଦର ଥାନା ର ଆଲାମୀ ଅଞ୍ଚଳ କୁ ଯାଇ ମହିଳା ଓ ଝିଅ ଙ୍କୁ କମେଣ୍ଟ ମାରୁଥିବା ଅଭିଯୋଗ ହୋଇ ଆସୁଥିଲା। ଶ୍ରୀ ବେହେରା ଙ୍କ ଏତାଦୃଶ୍ୟ କାର୍ଯ୍ୟ ରେ ଅତିଷ୍ଟ ହୋଇ ଏହି ଅଞ୍ଚଳର ମହିଳା ଏକଜୁଟ ଭାବେ ତାଙ୍କୁ କାବୁକରି ମାଡ଼ ମାରି ଫୁଲବାଣୀ ଟାଉନ ଥାନା କୁ ଆଣିଥିଲେ। କିନ୍ତୁ ଘଟଣା ଟି ସଦର ଥାନା ଅଞ୍ଚଳ ରେ ଘଟି ଥିବାରୁ ଅଭିଯୋଗକାରୀ ମହିଳା ଙ୍କ ସହ ଅଭିଯୁକ୍ତ ଙ୍କୁ ଟାଉନ୍ ପୋଲିସ୍ ସଦର ଥାନା କୁ ପଠାଇ ଦେଇଥିଲେ। ମହିଳା ଙ୍କ ଅଭିଯୋଗ କ୍ରମେ ଅଭିଯୁକ୍ତ କନେଷ୍ଟବଳ ଙ୍କ ବିରୁଦ୍ଧରେ ଥାନା ପକ୍ଷରୁ ମାମଲା ରୁଜୁ କରି ଗିରଫ କରିଛି।
