!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ନୂଆପଡ଼ା) – ଜନ ସାଧାରଣ ହେଉଛନ୍ତି ପ୍ରକୃତ ସରକାର। ମୋ ସରକାର ହେଉଛି ସେମାନଙ୍କ ସରକାର। ସେମାନଙ୍କ ଅର୍ଥ ରେ ପ୍ରସାଶନ ଚାଲୁଛି। କୌଣସି ସେବା ପାଇଁ ସରକାର ଙ୍କ ପଛରେ ଜନ ସାଧାରଣ ଗୋଡାଇବେ ନାହିଁ। ବରଂ ସରକାର ସେମାନଙ୍କ କଥା ବୁଝିବେ ବୋଲି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହୁଥିବା ବେଳେ ଏହାକୁ ପାଳନ କରିବା ରେ ବିଫଳ ହୋଇଛନ୍ତି କୋମନା ତହସିଲଦାର ଶ୍ରୀ ଶ୍ୟାମଲାଲ୍ ରାୟ। ଗତ ବର୍ଷ ମରୁଡି ପରିସ୍ଥିତି ର ସହାୟତା ପାଇଁ ସରକାର ଘୋଷଣା କରିଥିବା ଇନପୁଟ୍ ସବସିଡି ନିମନ୍ତେ କୋମନା ବ୍ଲକ ପଏର୍ ଗ୍ରାମ ପଞ୍ଚାୟତ ର ଚାଷୀ ମାନେ କୋମନା ତହସିଲଦାର ଙ୍କ ନିକଟକୁ ପଚାରି ବୁଝିବା ପାଇଁ ଆସିଥିଲେ। ସ୍ଥାନୀୟ ତହସିଲଦାର ମରୁଡ଼ି ସହାୟତା ନେଇ ଚାଷୀ ଙ୍କୁ ବୁଝାଇବା ବଦଳରେ ଖରାପ ବ୍ଯବହାର କରି ଅଫିସ ରୁ ବାହାର କରିଦେଇ ଥିବା ହିତାଧିକାରୀ ଅଭିଯୋଗ କରିଛନ୍ତି। ଏନେଇ ଚାଷୀ ମାନେ ଜିଲ୍ଲାପାଳ ଙ୍କ ସହିତ ଫୋନ୍ ରେ ଯୋଗାଯୋଗ କରିବା ପରେ ନୂଆପଡ଼ା ଯାଇ ଜିଲ୍ଲାପାଳ ଙ୍କୁ ଲିଖିତ ଅଭିଯୋଗ କରିଥିଲେ । ଏଥିରେ ସେମାନେ ତୁରନ୍ତ ତହସିଲଦାର ଶ୍ରୀ ଶ୍ୟାମଲାଲ୍ ରାୟ ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବୀ କରିଛନ୍ତି।
