!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଧର୍ମଗଡ଼) – ଉଚିତ୍ ସେବା ଯୋଗାଇଦେବା ପାଇଁ ଗଣତନ୍ତ୍ର ରେ ରହିଛି ତ୍ରିସ୍ତରୀୟ ପଞ୍ଚାୟତ ବ୍ୟବସ୍ଥା। ସରପଞ୍ଚ ଟି ହେଉ କି, ସମିତି ସଭ୍ୟ/ସଭ୍ୟା କି, ୱାର୍ଡ ମେମ୍ବର ହେଉ ସେମାନେ ପଞ୍ଚାୟତର, ଗାଁ ର ଓ ସାହିର ବିକାଶ ଦିଗରେ କାର୍ଯ୍ୟ କରିବେ ବୋଲି ଆଶା ବାନ୍ଧିଥାନ୍ତି ଲୋକେ। ସରକାର ଙ୍କ ନୂତନ ଯୋଜନା ପ୍ରକାରେ ପଞ୍ଚାୟତ ର ବିକାଶ ପାଇଁ ସରପଞ୍ଚ ଙ୍କୁ ଏବେ ମିଳିଛି ଅନେକ କ୍ଷମତା। ଆଉ ଏଥି ପାଇଁ ଆସୁଛି ଅନେକ ଅର୍ଥ । କିନ୍ତୁ କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଅନ୍ତର୍ଗତ କୁଚାଗାଁ ପଞ୍ଚାୟତ ରେ ଦେଖିବା କୁ ମିଳିଛି କିଛି ଭିନ୍ନ ଦୃଶ୍ୟ। ଖାଲଖମା ରାସ୍ତା ରେ ଲୋକଙ୍କୁ ଯାତାୟତ କରିବାକୁ ପଡୁଛି। ସରକାରୀ ନିୟମ କୁ ଫାଙ୍କି ଅନେକ କାମ ହେଉଛି ହେଲେ ତାହାର ସୁଫଳ ପହଞ୍ଚି ପାରୁନାହିଁ ଲୋକଙ୍କ ନିକଟରେ। ଖୋଦ୍ ମହିଳା ସରପଞ୍ଚ ଙ୍କ ସ୍ଵାମୀ ଠିକାଦାର ସାଜି ରାସ୍ତା, ନାଳ ଓ ଚେକ୍ ଡ୍ୟାମ୍ ଆଦି ନିର୍ମାଣ କରୁଥିବା ଅଭିଯୋଗ ଆସିଛି। ତେବେ ସରକାରୀ ନିୟମକୁ ଉଲ୍ଲଂଘନ କରି ଯେ କେହିବି କାମ କରନ୍ତୁ ନା କାହିଁକି ଗ୍ରାମର ବିକାଶ ହେବା ଆବଶ୍ୟକ ବୋଲି ଗ୍ରାମବାସୀ ମତ ଦେଇଛନ୍ତି। ସେପଟେ ବିଭାଗୀୟ ଅଧିକାରୀ ଓ ଯନ୍ତ୍ରୀ କାମ ପାଇଁ ଅର୍ଥ ମଞ୍ଜୁର ହୋଇନଥିବା କହିଛନ୍ତି। ଏହି ସବୁ ଭିତରେ କାମ କିପରି ହେଉଛି ଓ ଏଥି ପାଇଁ ଉତ୍ତରଦାୟୀ କିଏ ରହିବ ତାହା ଏବେ ପ୍ରଶ୍ନବାଚୀ ସୃଷ୍ଟି କରୁଛି।
