!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକଙ୍କ ରିପୋର୍ଟ୍ !!!
ଏଥର ସମ୍ଭାଳ (ଭବାନୀପାଟଣା) – ସମଗ୍ର ପଶ୍ଚିମ ଓଡିଶାରେ ଭାଦ୍ରବ ମାସ ଶୁକ୍ଳ ପକ୍ଷ ପଞ୍ଚମୀ ତିଥିରେ କୃଷି ଭିତ୍ତିକ ପର୍ବ ନୂଆାଖାଇ ପାଳିତ ହେଉଥିବା ବେଳେ କଳାହାଣ୍ଡି ଜିଲ୍ଲାରେ ନୂଆାଖାଇ ର ଏକ ଭିନ୍ନ ପରମ୍ପରା ରହିଛି। ଭାଦ୍ରବ ମାସ ଶୁକ୍ଳ ପକ୍ଷ ପ୍ରତିପଦା ତିଥିରେ କଳାହାଣ୍ଡି ଜିଲ୍ଲା ର ବାହାଦୁର ପଦର ଓ ପଥର୍ଲା ରେ ପ୍ରଥମ କରି ନୂଆ ଖାଉଥିବା ବେଳେ ପଞ୍ଚମୀ ତିଥିରେ କେସିଙ୍ଗା, ଜୁନାଗଡ଼, କର୍ଲାମୁଣ୍ଡା, ଧର୍ମଗଡ଼, କୋକସରା, ନର୍ଲା ଆଦି ଅଞ୍ଚଳରେ ନୂଆ ଖାଇଥାନ୍ତି। ତେବେ ପରମ୍ପରା ଅନୁଯାୟୀ ପ୍ରତି ବର୍ଷ ଭାଦ୍ରବ ମାସ ଶୁକ୍ଳପକ୍ଷ ଦଶମୀ ତିଥିରେ କଳାହାଣ୍ଡି ର ଇଷ୍ଟଦେବୀ ମାଣିକେଶ୍ଵରୀ ଙ୍କ ଠାରେ ନବାନ୍ନ ଭୋଗ କରି ଭବାନିପାଟଣା ସହର ସମେତ କଳାହାଣ୍ଡି ର ପୁରାତନ ରାଜଧାନୀ ମ. ରାମପୁର, ଲାଞ୍ଜିଗଡ଼, ଥୁ. ରାମପୁର, କର୍ଲାପାଟ, ମହୁଲପାଟଣା, ଜୟପାଟଣା ଆଦି ଅଞ୍ଚଳରେ ନୂଆଖାଇ ପର୍ବ ପାଳିତ ହେବ। ଚଳିତ ବର୍ଷ ସେପ୍ଟେମ୍ବର ୮ ତାରିଖ ଭାଦ୍ରବ ଶୁକ୍ଳପକ୍ଷ ଦଶମୀ ତିଥିରେ କଳାହାଣ୍ଡି ର ଇଷ୍ଟଦେବୀ ମା ମାଣିକେଶ୍ଵରୀ ଙ୍କ ଠାରେ ସକାଳ ୭:୧୫ – ୯:୩୫ ମିନିଟ୍ ମଧ୍ୟରେ ନବାନ୍ନ ଭୋଗ ଲାଗିବ। ଭବାନୀପାଟଣା ଜନ ସାଧାରଣ ଙ୍କ ପାଇଁ ୭:୪୦ – ୯:୩୫ ମିନିଟ୍ ମଧ୍ୟରେ ନୂଆଖାଇ ଲଗ୍ନ ସ୍ଥିର ହୋଇଛି।
